وأخيراً سنغافورة الساحرة ...

السلام عليكم ورحمة الله وبركاته

معلومات عامة...

سنغافورة:

توجد سنغافورة في جنوب شرقي آسيا

العاصمة:

سنغافورة

المساحة:

697.1 كيلو متر مربع

عدد السكان:

أربعة ملايين نسمة

العملة:

الدولار السنغافوري
يساوي : 2.8

المناخ:

مناخ سنغافورة
إستوائي رطب ودافئ على مدار السنة

تتراوح درجات الحرارة بين معدل أعلى 31 درجة مئوية ومعدل أدنى 23 درجة مئوية4

تأشيرة سنغافورة:

جواز السفر
+
تعريف من العمل باللغة الإنجليزية
+
حجز طيران وفنادق
+
صورة شخصية مقاس 4×6

تروح للسفارة وتقدم أوراقك
وتعبي كليشة عندهم
وتأخذ التأشيرة بالضبط
عشرة أيام عمل

(( إللى أنا عرفتة فقط مواطني دولة السعودية لازم يدخلون بتأشيرة وباقي دول الخليج لا ))

حرااااام هال العنصرية

المسافرون : 2 بالغين وطفلة عمرها 4 سنوات

الطيران : السنغافوري

من مطار أبوظبي إلى مطار شانجي مباشرة
الإقلاع كان تاريخ 3/7/2010 الساعه 12 ليلاً
الوصول 4/7/2010 الساعة 12 ظهراً يتوقيت سنغافورة

بينا وبينهم 4 ساعات يعني إذا الساعة 5مساءً بدولة الإمارات يصادف 9 مساءً في سنغفورة

وحنا كنا حاجزين بكج تذاكر+سكن فنادق 5 نجوم+مواصلات الرئيسية يعني من المطار إلى الفندق ومن فندق الى جزيرة سنتوزا ومن الجزيرة لين الفندق وإلى المطار

عدد الأيام : 8

الفنادق:-
Swissotel The StamfordHotel
ليلة 4/7 الى 5/7

AmaraSanctuary Hotel
ثلاث ليالي 5/7 الى 8/7

Shangri-LaHotel
ثلاث ليالي 8/7 الى 11/7

خلونا نبتدي بالصور هذي الشنط جهزناها

وهذا المنيو مال الكوفي

وهذي الوجبة اللي بنتي كلتها

وهذي بعض صور سوق الحره

اسمحولي الصورة مش واضحة

وهذي صورتين من داخل الطائرة









وهذي صورة السحاب قبل الوصول








للأسف إنمسحت :4::4::4:صور الوصول واللي حاب إيشوف الفيديو إيراسلن على الخاص وببعث له مقاطع الفيديو

وهذي الصورة الأخيرة أول ماحطت الطائرة على الأراضي السنغافورية






وهذي صور صالات المطار ماعرف هذا الشخص كيف صورها لآن التصوير ممنوع في المطار
ولما كنت أبا أصور الشرطي شافني وعصب:4::4:

بعدين طلعنا وختمنا الجوازات وصلنا البوابة لقينا واحد ماسك لافته عليها اسم زوجي وكان اسم الريال على بس شكله ومايفتح النفس نوع السيارة كانت مرسدس

وهذي ثلاث صور اللي حصلتهم

الله يسامح اللي مسحهم:4::4::4:





توضح لفلاير ومارينا بي سنس والبناياة الزرق أتوقع إنها مكاتب ولهم حكاية انتظروها بس لما نرجع من الجزيرة

إنتظروني بحمل صور الفندق ومقتطفات من البلكونة وصور آخرى وحنا نتمشا ومقتطفات من سفاري نايت

بسللأسف ماقدرت أشحنها معاي المطار رجعوها هههههه خخخخخخخ

الرسبشن

اللوبي

هذا الريال مصر إنه يطلع في لصورة

مكتب المعلومات في اللوبي يعطيك المعلومات عشان تاكلها أأأأقصد تستفيد منها

عربات تحميل الأمتعه

الكوفي اللي على جانب اللوبي بس له وقت معين يفتح فيه

كنا ساكنين في الطابق الستين وهذا الفندق يعتبر من أطول فندق في سنغفورة وفية مركز تسوق جميل

هذي الصور من بلكونة الفندق على إرتفاع 60 طابق إذا ماخنتني الذاكرة
توضح الميناء والسفن بماأن تعتبر سنغفورة من أهم المدن التجارية



أولاّ هذا مبنا المارينا بي سنس ويعتبر ثاني أكبر كازينووفندق وفيه أعلى القمة مسبح محديقة وأنا زرته وبنزل كم صورة له


وهذي البنايات الزرق



وهذا المسرح الوطني للإحتفالات وكانو يرتبونه عشان لحتفال بالعيد الوطني بتاريخ 8/8 إذا ماخاب ظني



وهذا أغلى فندق في سنغفورة وتقدر قيمة اللية 16000$ سنغفوري
ليت لفلوس عندي جان عطيتهم الفقراء



هذي أتوقعع دار لعروض المسرحية



وهذا جزء من الكورنيش



وهذي بعض البنايات

ألحين أول رحلة إلنا لسفاري نايت
تفتح الساعة سبع ونص وأنصحكم تآخذون تكسي
وعلى طاري التكاسي في ثلاث أنواع
(( الأزرق والأحمر يبتدي العداد2.30$
الرصاصي 3 $ وفية شبيه البنتلي 6 $ وأنا ركبت بس روحو فيه مسافة قصيرة لأن طلعنا فيه مسافة كبيرة وصل العداد35$
والمرسدس غالى بعد))

هذي صور من مدخل سفاري نايت



وهذي الصورة على إيدكم اليمين



وهذي الصورتين على الشمال





هذي الصور فوق مكتب التذاكر




وهذي الأسعار والخيرات



أنصحكم أول ماتوصلون إتقصون التذاكر للباص اللي ياخذكم داخل الحديقة ولا تنزلون منه لين ماتخلص الرحلة هو بيوقف في كم محطة بس لاتحولون لأن إذا نزلتو بتتريون نص ساعة لين ايي الباص اللي عقبة



إهني إحنا نتريا دورنا وعلى فكرة كلكرسي يركبون فيه أربع أشخاص وأول ماتركبون بيصورونكم وإذا حابين تآخذون الصورة من المكتب اللي بيوقف الباص عنده في نهاية الجولة




قبل مانقص التذاكر كان في عرض بالنار أنا صورته فيديو بس عندي كم صورة





وهذا الريال من الجمهور اللي شركوة في العرض



نهاية العرض

عالم سنتوزا...
هي عبارة عن جزيرة فيها فعاليات وألعاب وااااايد وجميلة جداً للعوايل وبالخصوص الأطفال يستمتعون فيها.
أنا عن خبرتي أفضل إن اللي ناوي يروح يحجز فيها دايركت يعني من المطار إلى السكن في سنتوزا لمدة 4 أيام واليوم الرابع تحجز لك فندق في شارع أورشاد للتسوق وإنشالله بنظم لكم رحلة في آخر التقرير وإنشاالله أفيدكم.
بعطيكم معلومات عن الجزيرة وشرح شبه مفصل إنشالله تفهمون على
وأقدر أشرح بشكل صحيح...

المواصلات...
* باصات مجانية توقف عند المحطة اللي قريبة من سكنك وتنقلك بين محطة وأخرى وبكل صراحة إستمتع في ركوبها ووفرت علينا وأحلى أيام قضيتها فالجزيرة بسبب الباصات لاتظحكون على.
* التكسي بعد موجودة وفي بطاقة لساكنين الجزيرة عليها خصم على التكاسي ( إذا كنت طالع من الجزيرة ورجعت وطلب عليك السواق مثلاً10$ وشاف البطاقة ياخذ منك 6$ هذا اللي فهمته ) بس بعد إتأكدو من الفندق.
* القطار الكهربائي إللى عندنا نفسة في دبي يوقف في 4 محطات.
* الترام هذا بس موجود منه 2 وبس يمشي على سواحل الجزيرة.
شرح كيفية إستخدام المواصلات:-
الباصات...
كل باص عليه شاشة مكتوب عليها المسار اللي يمشي فيه الباص والمسار ممكن تعرف المحطات اللي يوقف فيها عن طريق الخريطة وطبعاً تاخذها من مكتب المعلومات في الفندق او تطلع على اللوحة اللي في موقف الباص ( طبعاً الخريطة أحسن).
المسار الأحمر: الباص دوامة يبتدى من الساعه 9 صباحاً إلى 10 مساءً يومياً
المحطات اللي يمر إبها:
1-Imbiah Lookout.
2-Artillery Avenue.
3- Ficus ( Sentosa Office).
4-Palawan.
5-Allanbooke (Sentosa Office).
6-The Merlion.
7- Underwater World / Siloso Point.
آخر باص يطلع من محطة
Underwater World / Siloso Point
الساعة 10 مساءَ.
المسار الأزرق: يبتدي دوام الباص
من 7 صباحاً إلى 11 مساءً (الأحد – الخميس والإجازاة الرسمية )
من 7 صباحاً إلى 12:30 مساءً (الجمعة إلى السبت والإجازة الرسمية)
المحطات إللي يمر إبها:
1-Beach Station.
2-Imbiah Lookout.
3-Underwater World / Siloso Point.
4-Artillery Avenue.
5-The Merlion.
آخر باص يطلع من محطة
Beach Station.
الساعة 12 ليلاً.
المسار الأصفر: يبتدي دوام الباص
من 7 صباحاً إلى 11 مساءً (الأحد – الخميس والإجازاة الرسمية )
من 7 صباحاً إلى 12:30 مساءً (الجمعة إلى السبت والإجازة الرسمية)
المحطات إللي يمر إبها:
1-Beach Station.
2-Artillery Avenue.
3-Ficus ( Sentosa Office).
4-Palawan.
5-Allanbooke (Sentosa Office).
6-The Sentosa Resort & Spa
7-The Merlion.
آخر باص يطلع من محطة
Beach Station.
الساعة 12 ليلاً.
* القطار الكهربائي المعروف بإسم
Sentosa Express:
يبتدي من محطة الواقعه في ستي مول
Sentosa Station in viva city mall
ويمر بكل من:
Waterfront Station
Imbiah Station
Beach Station
والعكس من الساعة 7 صباحاً إلى الساعة 12 ليلاً وآخر طلعة الساعة 12 ليلاً
Beach Station & Sentosa Station
ممنوع الأكل والشرب فيه
Beach Trams * الترام:
يبتدي من الساعة 9 صباحاً إلى 11 مساءً(الأحد – الخميس والإجازاة الرسمية )
من 7 صباحاً إلى 12مساءً (الجمعة إلى السبت والإجازة الرسمية).

الترام الوردي:

يمر في الشارع المقابل Siloso Beach
الترام البرتقالي:
Tanjong Beachيمر في الشارع المقابل
ينطلق الترام من محطة …Beach Station
بعض ملاحظات مهمه لزوار الجزيرة من عندي:
الفندق اللي بتنزلون فيه شوفو أقرب محطة له وإستخدمو الباص لتنقل أنا أفضل الطريق الأزرق لأن يوقف في المحطات الشاملة الفعاليات ويوقف عند المحطة لقريبة من فندق أمارا وفندق سنتوزا سبا وممكن إذا المحطة اللي جنب الفندق مايمر عليها الباص اللي يسلك المسار الأزرق ممكن تنزل في محطة ثانية وتبدل الباص.
( الي مافهم وناوي يسافر يسألني وفالة طيب)

Universal Studio Singapore
هذي فاتحينها جديدة
تعتبر نفس عالم والد ديزني بفرنسا وهذي قضينا فيها يوم كامل بس لازم تشتري التذكرة قبلها بيوم أو يومين لأن زحمة عليها وبشكل عاااااااااااااااام روعه (وأحلى يو في حياتي كان) على قولة إم خمااااااااااااااس.
مراكز المعلومات منتشرة وتقدرون تسألون

السكن:
إحنا سكنا في في فندق ومنتجع أمارا وهو فاتح يديد وأنصح به لأنه يديدوأعطية10 من 10

وهذا الرسبشن ومركز المعلومات والفندق مودرن وبسيط بشكل عام

]

وهذي القعدة

وهذا اللي الممر اللي يربط مبني الرسبشن ب مبنى الغرف وعلى اليمين شلال

هذا الأصنصير

الممر بين الغرف

الغرفة والحماما أعزكم الله

رحلتنا إلى عالم تحت الماء وبعده حضرنا عرض الدلافين

























ولا يخفى القمر





وفرســــــــــــــــــــــــان البحر







وهذي الحسناااء ماعرف إسمها







ودااااعااااااااً






اليوم حبيت أبتدي ببوفي الريوق مال الفندق

المشروبات والأكل

















وهذا إفطاري اليومي



وهذى القعدة



الكورن فلاكس






وهذي مقتطفات من حول الفندق

الكوفي اللي جانب قاعة الفطور



صالة الأفراح



الزرااااعه





والسناجيييب بكثرة








هذي الصور تم إلتقاطها لما كنا رايحين نقطع تذاكر لل universal studios singapore

وهذي الصورة الأولى إهداااااء للأولومبيات أدري إنها يت متأخر



وهذي بعض المباني وفي هذي المنطقة في حوالي 4 فنادق





وهذي المنطقة للداخل











وهذا أول ماقربن وفي الخلف صورة الماكتب اللي تبيع التذاكر



ولا ننسى دووووول الخليج:36_3_ 16:



وهذس الصورة وحنا طالعين

عالم universal studios singapore
وهو نفس عالم واالد ديزني تقريباً وتم إفتتاحه من جديد
واللي حاب يعرف المزيد ممكن يزور الموقع الرسمي على هالرابط هــنــا


صورأول مادخلنا



اللوكرات علشان إتحطون أغراظكم فيها بس جربناها إتلخبط الواحد أنصحكم لا تستخدمونها إلا إذا واحد من العمال ظبطها لكم



على اليمين واليسار مجموعه من المحلات وبنايات صغيرة





وهذي اللي يشترون منها الجرايد سابقاَ











وهذي النافورة مقابلة بعد ماتخلص من المحلات




وهذي لشيرة على اليمين



وهذي المنطقة الأولى اللي فيها للعاب





هذي اللعبة الأولى واللي عجبني إن كل مدخل لعبه جدامة لوحة إلكتروني فيها عدد الأشخاص اللي ينتظرون أمامك والوقت المتيقي للإنتظار بس للأسف ماصورتها






بعدها دخلنا قرية شراك عبارة عن سينما D3 وفي منطقة ممنوع التصوير فيها



مدخل القلعة



وهذي داخل القلعة وإذا بتلاحظون حواجز للوقوف بشكل منظم







بعد ماطلعنا من القلعة صورت بض الصور





القرية المصرية فيها قطار بس ماركبناه إيرويكم آثار من مصر بس مش إكسايتنج على قولة الريال
وفيه متحف طبعاً أول شي بيقولكم حطوأغراظكم في اللوكرات اللي قريبة من المتحف بس شوفو إذا عندكم أطفال في طول معين حق دخول الألعاب والمتحف بس















هذا المطعم اللي كلنا فيه وهو هندي موقعه بعد المتحف على اليمين










وبعدين القرية الإلكترونية أو الفضائية



برعاية شركة









هذا المحلات




الحمامات أعزكم الله







ةهذي الحرمة عند الأفعوانية بس للأسف قطار الموت كان يسونله صيانة





ركبنا هذي اللعبة بس تلوع بالجبد من كثر مادوووووور دورت براسنا




عالم نيويورك
وحنا رايحين والناس مجمعه على هذيله يرقصووون





وأنصحكم تدخلون هاي السينما وتوقفون في الصف التحتي يرووونكم فيها كيف يصورون الأفلام



وهذا المبنى مقابلها بس مادخلناه




وأخيراً بعض المقتطفاااااات

















خلصنا رحلتنا ورجعنا الفندق ونمنا بس كااااااانت في مفاجأة إنشالله بنزلها لكم بااااااااااااااااااااااجر بعد الفطوووووووووووووووووووووووووو

مرررراااااحححححب اليوم بقولكم قصتنا مع لرقم:3:

كانت رقم رحلتنا 303 والبوابة اللي طلعنا منها من مطار أبوظبي رقم 3 وكراسينا رقمهم 330 إحنا كان عددنا 3 هههههههههه صدفة حت المفاجأه اللي كنت إمحظرتنها حق زوجي العزيز رقمهت يبتدي ب 3

المفاجأ كانت عبارة عن

عن

عن

عن

عن

عن أقووووولكم أخلي الصور تحكي مع عناوينه
:3:

المدخل

تم إلاتقاط هذه الصورة قبل التعديل

بعد إغلاق الباب

هذي الصورة فوق القعدة المسبح

زاوية من المسبح وفيها وااضح باب الصالة

هذي صورة توضح الصالة وهذي عبارة عن جامة كبيرة ممكن تخليها مفتوحة ومطلة على المسبح

الصالة من الداخل

السقف وفي مكيف مركزي

وهذي الصوره توضح الجاني الآ خر من الصالة وفيه كاونتر للكوفي والشالي وثلاجة ومقابل الكونتر حمام أعزكم الله والباب هذا تطلع منه على حديقة صغيرة وفيها طاولة وكراسي

هذي المغاسل والكونتر

التلفزيون والمكتب

الطاولة

الزراعة

وهذي غرفة النوووووم

الهدية الثانية

طبعاً الناموسية عن الباعوووظ

جوانب السرير والماي هذا مجاني بس وااايد غالي هذا الماي بحدود 7 دولار كنت شالة وااااحد للوالدة ومسكر وقبل مانركب الطيارة شلوووة أون ممنوع

الحمام والفوط بس المقعدرة داخل

وفي المقابل كبت فيه طاولة للكوي وروبين

باب الحمام طبعاً برع الغرفة صرررراحة تصميم رررررائع واااايد عجبني بس للأسف ماينفع في الخليج وإلا سويت:4:

البيبان كلها إملبسة بالخشب وكلها سحب

المغسل الأول

المغسل الثاني

الشاور

تذكرون هذي الصورة اللي في الخلف ممر يربط القعدة للي خلف الصالة اللي فيها الطاولة بحمام الغرفة

هذي هدية الفندق إلنا

وهذي أنا طالبتنها شيرز كيك والله عجييييب وطعمة أحلى وأحل وتستاهل سعرها كنت طالبة ثنتين

نسيت كنت حاجزة جلسة مساج في المنتجع اللي في الفندق حقي وحق زوجي ريلللللكس بعد التعب من المشي في الجزيرة
وأحلى جلسة مساج في حياااااتي
أكيد يتقولون وين خليتي بنتج طلبتلها بيبي ستر أقل مدة تطلبها ساعتين ويتنا قبل مانروح إنسوي المساج ولين مارجعنا ورخصناها

زوجي إستااااااااااااااااااااااااااا اااااانس واااااااااااااااايد وبنتيييييييي كم تسوى فرحتهم وقالي زوجي هاي أحلى شي في الرحلة كلها

دفعت 600 دولار إزيادة على سعر آخر ليلة لمدة ليلة وحدة
الكيك 40 دولار
باقة الورد 50 دولار
المساج 280 دولار
المجموع = 970 دولار

وهذي كانت هديتي لزوجي العزيز الله لايحرمني منة

قولو آآآآآآآآآآآآآآآآآآآآآآآآآآآميي يييييييييين

رحلتنا لحديقة الفراشات والطيوووور

مراحل تكون الفراشة

وأخيراً طلعت فراشة جميلة سبحان الخالق ماأعظمه

مقتطفات من الحديقة

وحاطيلهم الموز

وهذي صور من المتحف

سبحاااان الله كيف هالفراشة إتكونت

أماكن الفراشاااات في دول العالم الحمدالله الخليج العربي مافيه ولا فراشة ليييييش

حديقة الطيور

اامدخل

إحنا عندنا من الببغاء الأصفر 2

وهذيله ماكانو يريدوني أصورهم
بس أنا ناحست وصورتهم ههههههههه

وهذا عور قلبي إبروحة

وهذا الببغاء الأبيض كان عندنا واااحد منه عاش معانا خمس إسنين على ما أعتقد وعقب مااااات وكانت قصة موته محزنة الحارس قالنا إن القطاوة كلته

ةهذا حليلة عطشان

وخلون نختمها بالزواحف

وهذا ماااعرف إسمه

يوم كنا إهناك لقينا طلاب صغار تقريباً عمارهم مابين الأربع والخمس إسنين يايبينهم علشلن يشرحولهم عن الفراشات هذ شي واااايد عجبني رحلة تعليمية وكانو يابيلهم عقرب ونوع آخر من الفراشات يشرحولهم وأنا كنت ألتقط الصور إلا صوت زوجي يناديني عشان أيي إبصرعة رحت وليتني مااااارحت لقيت بنتي المسكينه قاصين عليها وحاطين على إيدها العقرب والأطفال إيشوفونها وعقب صفقولها وهي ولاصاحت ماشاء الله عليها