تقريري عن ماليزيا - شهر أبريل 2015

سلام عليكم
شخباااركم جمييعا


راح استعرض معاكم تقريري المتواضع عن رحلتي الى ماليزيا شهر 4 2015


مده الرحله من 12-4-2015
الى 23-4-2015


ليتين لنكاوي
ثلاث ليالي بينانغ
ليلتين مرتفعات الكاميرون
ثلاث ليالي كوالالامبور


طبعا كانت الرحله على متن الخطوط القطريه
في البدايه الانطلاق من البحرين ترانزيت 50 دقيقه فقط في الدوحه





الحمدلله كانت الرحله مريحه معنها طويله بس صراحه اشاده في الخطوط القطريه ماعليها كلام





الوصول كان في الساعه 8.25 صباحا بتوقيت ماليزيا
انتهينا من الاجراءات وتوجهنا لقص تذاكر القطار الي ينقلنا الى مطار الرحلات الداخليه لنتوجه الى لنكاوي
سالنا الموظف وين القطار وخبرنا انه على يسارنا انتظرنا القطار وركبنا
كنت قارئ من قبل ان القطار يستغرق حوالي دقيقتين الى خمس من المطار الرئيسي للمطار الثاني
ركبنا القطار وضل يمشي يمشي يمشي يمشي
شكيت ان في الامر شي مو صح من دقيقتين الى خمس وهذا مشى فينا تقريبا 45 وفي هال45 دقيقه وقف في كذا محطه لكن الاسماء كلها خطأ
طلع ان الموظف بالخطأ بدل لايقول لنا يمين خبرنا يسار واحنا ركبنا القطار الخطأ
فضطرينا نوقف في اخر محطه وننتظر القطار الصح الا برجعنا من جديد
المشكله كانت طائرتنا الى لنكاوي الساعه 12 وعشنا في قلق هل نوصل على الوقت او لا
الحمدلله لكن عدت على خير ووصلنا في اخر اللحظات وركبنا الطائره الى لنكاوي
فملاحظه لازم تنتبه للافتات يمكن الموظف يقول لك خطأ بدون انتباه


ونشوووفكم في الحلقه الثانيه لنكاوي

صوره للقطار الناقل من المطار الرئيسي الى مطار الرحلات الداخليه







صوره من الطريق داخل القطار





طبعا الحمدلله لحقنا على الطائره في آخر اللحظات مثل ماتعرفون
حبيت انوه على نقطه مهمه جدا الحمدلله إني سويتها في حجز اوقات الطيران
كان الوصول الصبح الساعه 8.25 صباحا لكن حجزت التكت الي حق لنكاوي الساعه 12 معنه كان في قبل
يعني تخيلوا لو حجزت الرحله قبل كان راحت علينا الطائره فكل ماتقدر خل عندك وقت احتياط سبحان الله الطائره الاولى تتاخر او شي مثل الي صادني
فملاحظه مهمه كل ماخليت وقت اكثر بين الطائرات اذا كنت مثل حالتي عندك طائره في مثل الوقت كل ماكان اظمن لك


.
.
.


الحمدلله وصلنا لنكاوي على الساعه 1ونصف الظهر وخلصنا كل الاجراءات بكل سلاسه
مطار لنكاوي حلوو صغير وسهل
اول شي عملته اخذت لنا بطايق للانترنت موجود مكتب لشركه الاتصالات اول ماتطلع من باب المطار على يسارك
وانا اخذ البطايق اذووني اصحاب التكاسي والسيارات الخاصه ( محمد محمد الله حيوووه ) ومن هالقبيل ههههه
لكن عملت نفسي مااسمعهم لاني شفت لافته مكتوبه داخل المطار خذ حذرك منهم وبالفعل اشكالهم ماتبشر بخير
دخلت لمكتب للتكاسي داخل المطار لاحجز تكسي للفندق طبعا اظمن بمليوون مره وحتى ارخص من التكاسي الي برى ديروا بالكم
.
.
.
وصلنا الفندق اسمه
Adya Hotel Langkawi
فندق جديد نظييف ممتاز جدا وكل شي بجنبك مطعم كنتاكي بجنب الفندق
وبجنب الفندق موول صغير بس حلو موجود داخله مطعم ماري براون بعد ومحلات اسعارهم معقوله


الغرفه كانت ديلوكس واسعه وفيها بلكونه بس عيبها السرير صغير



اطلاله الفندق كانت الغرفه في الطابق ال4





صوره بانوراميه للاطلاله الجانبيه للفندق



.
.


ريحنا شوي بعد رحله طويييله
من البحرين لقطر لكوالا للنكاوي
والليل خرجنا ناخد بعض الحاجيات من المول القريب للفندق


.
.


قعدنا من النووم يوم ثاني الصبح ووين على الفطوور

بعد ماتريقنا انطلقنا
الى تلفريك جزيرة لنكاوي الرااائع










بعد ماوصلنا المحطه الاولى للتلفريك طبعا فيه مرحلتين في التلفريك
الي يبغي يواصل للمرحله الثانيه يقدر والي مايحب التلفريك واجد يقدر يركب بس المرحله الاولى وفيها اطلاله للتصوير
صوره بانوراميه للطلاله الاولى







صوره من المحطه الاولى تبيين منها المرحله الثانيه







صوره بانوراميه من المحطه الثانيه لاحظوا المحطه الاولى تبين على اليسار





هذا الشي موجود في المحطه الثانيه بس طعمه





سمووذي واطلاااااله رووعه





تقريبا قعدنا حوالي الساعتين تصوير ومناظر خلابه
وبعدها الى ميدان النسر الشهير في لنكاوي







هذا الطائر حجمه كبيير كان على شجره بجنب ميدان النسر







النصب الشهير







بعدها ذهبنا الى مجمع مطاعم بالقرب من ميدان النسر تستطيع الذهاب له مشي على الاقدام
المطعم كان اسمه ارابيك فوود وطلبنا كان برياني روبيان صراحه كان لذيييذ اخذناه سفري واكلناه في الفندق







نشووووفكم في الحلقه القادمه الى رحله المانغرووف

اليوووم الثاني في جزيرة لنكااوي الراااائعه
كان مخصص للذهاب الى رحله المانغروف العجيبه من الصبح
لان كانت رحلتنا الى بينانغ العصر فلازم نحاول نخلص رحله المانغروف الصبح حق نرجع للفندق ونعمل جيك آوت
ولكن للاسف راحت علينا نومه فتحتا عيووناا على الساعه 10 وربع يمكن
وسرييع سرييع نجهز ونفطر والحمدلله كان السايق ينتظرنا مع اني مخبره الساعه 9 بننطلق
ظل ينطرنا لل10:45
..
بس كان في مشكله جيك آوت الفندق الساعه 12
كيف نروح الرحله مابيمدينا ساعه وشوي للرحله
فظطريت اعمل جيك اوت واخلي الشنط في الفندق وعقب نرجع لها والحمدلله مشت الامووور
..


انطلقنا مع السائق محمد الى رحله المانغرووف
ووصلنا لمرفئ القوارب بس كان مغلق
بس الحمدلله كان مغلق
لان المرفئ الثاني للقوارب كان في شاطئ خاص لمنتجع وتدخل من بوابه وسيكوريتي
بس للاسف ماعرفنا شنوو اسم المنتجع الي يعرف يفيدنا في الردود لان صراحه تجربه تتكرر وتككرر في الشاطئ الرهييييب جدا
كان الشاطئ الخاص بالمنتجع رهيييييييييييييييب رمال بيضاء ناصعه نظييفه جداا انبهرت جدا فيها ماشفت مثلها الا في الافلام والصوور
..


للاسف الصوور ماتوفي بحق المكان ابد
ومن ارفعها تقل جودتها


























وابتدت رحله المانغرووف






















اطعام السمك باليد
كان متعه مابغينه الاكل يخلص







كهف التماسيح المزعووم










مزرعه السمك وكان فيها اسماك تقدر تطعمهم بيدك كان شي حلوووو عندي لاني احب البحر والسمك
بس للاسف كان التصوير كله فيديو شخصي










لم نذهب لكل الرحله لان المدام تخاف من الخفافيش
بس شفناهم على الاشجار وكانت احجامهم عملاقه




نشوووفكم في بينانغ

وصلنا مطار بينانغ على الساعه 6 ونصف والحمدلله كانت الاجراءات جدا سلسه
وذهبنا على طوول لمكتب التكاسي لناخذ تكسي يقلنا للفندق
طبعا ارد اكرر خذ التكسي من المكتب اضمن وارخص لك من واقع تجربه وتقدر تجرب بنفسك بعد
..


طبعا الفندق في بينانج كان
parkroyal penang
الحجز فيه كان جراند ديلوكس مع شرفه خاصه مطله على البحر
والحمدلله كان خيار ممتاز جداا الاطلاله جميله جدا والشرفه الجلسه فيها عجيبه مع شرب الكوفي والشاي
..


العصير الترحيبي كان الكاس طريقته حلوه








الشرفه الخاصه المطله على البحر





بعدها ارتحنا شوي وطلعنا الليل نتجول في السوق الليلي
طبعا من مميزات الفندق ان السوق الليلي بجنب الفندق وطبعا في الليل مافيه اماكن سياحيه فاتحه
فما لك الا السوق الليلي
..


صحينا يوم ثاني وكانت النيه التوجه الى هضبه بينانغ الرااائعه


الشروق من شرفه الغرفه

















والاول طبعا فطرنا
كان مكان الفطور جميل يطل على حديقه الفندق الرائعه



وبعدها اخذنا لنا جوله في الحديقه وارجاء الفندق





























وبعدها انطلقنا الى هضبه بينانغ







القطار الجبلي الذي ينقلك الى الاعلى وتشاهد مناظر جمييله في الارتفاع والنزول








طبعا الجو في الاعلى معتدل وفيه كذا فعاليه تقدر تعملها في الاعلى
نصيحه انك تركب هذا الشي





كنت في البدايه مابركب لاني افكر المكان صغير واقدر اشوفه كله بالمشي
بس الحمدلله ركبت لان طلع يوديك اماكن بعيده وفيها صعود ونزول ويشرح لك معالم المكان وهيك
بس ان شاء الله تتوفق بسائق متعاون مثل الي توفقت فيه علمنا في المكان وعطانه الضوء الاخضر في التوقف والتصوير وكان طويل بال
لاني قريت ان ناس ركبوا مع سواق نصابين دقيقتين ويرجعهم
..











في طريق النزول



للاسف بس هذي الصور عندي للهضبه لان كان اغلب التصوير شخصي وفيديو
الهضبه في نظري اهم مكان يستحق الزياره في بينانغ جمييله جدا
..


بعدها ذهبنا لمحلات الكوفي والشوكولاته واخذنا منهم هدايا
الكووفي كان لذييذ ومميز وعندهم انواع كثييره الي يحب الكوفي والشوكولاته لايفوت الرووحه
ورجعنا للفندق
..


نشووووفكم في الحلقه القادمه
.

بعد مارجعنا من رحله الهضبه وشراء الكوفي والشوكولاته
ذهبنا بالقرب من برج كومتار لنحجز تذاكر الباص للذهاب الى مرتفعات الكاميرون
وحجزنا كان سعر التذكره 45 رينجت


وبعدها رجعنا الفندق


وكالعاده قعدنا في شرفه الغرفه















..


والليل ذهبنا لنتسوق في السوق الصيني وحجزت من المكاتب الموجوده بجنب السوق
لرحله جزيرة القرود لليوم التالي
الرحله تشمل التوصيل من والى الفندق وصيد سمك والتوقف في جزيرة القرود ويوجد بها غداء مجاني تبع الرحله
كان سعر الرحله 250 رينجت ل 4 ساعات


..


استيقظنا اليوم التالي للذهاب لرحله جزيرة القرود
وعلى الفطووور





وصلنا الشاطئ لنركب القارب












توقفنا لصيد السمك
وحصيله الصيد



للاسف تيار المياه كان جدا قوي كنا نتمنى نجلس نصيد سمك وقت اكثر


وصلنا للجزيره



اول شي عملناه ركبنا دباب بس للاسف لاتوجد عندي صور
كان سعر الدباب غالي استغلال السياح لانك في جزيرة
بس اول مره قلنا نجرب
15 دقيقه تاخد لفه على الجزيره
..


صور متفرقه للجزيره






ثمر في احدى اشجار الجزيره












بعدها اتوا بالغداء وكان لايشجع على الاكل حتى ماصورناه خخخخ
في جلسات بدائيه



واتوا الحراميه






صور اخرى من الجزيرة

















رجعنا للشاطئ وكان السائق ينتظرنا ورجعنا الفندق
..


تقييمي لرحله جزيرة القرود 5\10
الجزيره كانت مهموله والجلسات الي فيها بدائيه جدا والاكل يخوف
افضل شيء في الرحله صيد السمك لاننا نحب الصيد
وبعض المناظر في الجزيره كانت حلوه فقط

بعد مارجعنا الفندق من رحله جزيرة القرود
ذهبت سبحت في بركه الفندق
وبعدها ذهبنا ساحل باتو فريجي المميز الملاصق للفندق











من الرياضات الموجوده في الشاطئ



وجلسنا في هالجلسات العجييبه جدا بمقابل الشاطئ
طبعا هالجلسات خاصه بكوفي شوب فندق البارك رويال



الغروب في الشاطئ جمييييل جدا



وفي الليل ذهبنا الى السوق الليلي كالعاده خخخخ
كانت اخر ليله لنا في بينانغ
واليوم التالي من الصباح الذهاب في الباصات من جزيره بينانغ الى مرتفعات الكاميرون
.
استيقظنا الصباح على الساعه 6
وجهزنا سريع وذهبنا للفطوور بعدها اخذنا تاكسي يودينا الى مكتب الباصات
بجنب برج الكومتار والحمدلله كانت الشوارع فاضيه لان يوم اجازه عندهم
لان شوارع بينانغ يغلب عليها الزحمه في بعض الاحيان عكس لنكاوي
وصلنا قبل الوقت وانتظرنا حوالي ربع ساعه واتى الباص
كانت تجربه الباصات الفي آي بي جدااا مريحه الكراسي وسيعه جدا ولاابالغ اذا قلت انهم اوسع واكبر من كراسي الطائره
ولاحسينا بالوقت كان تقريبا 5 ساعات من بينانغ الى مرتفعات الكاميرون الطريق ممتع بالغيووم والخضره
..


صوره من داخل الباص اغلب الموجودين اجانب



صور متفرقه من الطريق

















وصلنا للفندق





مجسم كبير يبين فيه درجه الحراره تابع للفندق








طبعا الفندق كان في مرتفعات الكاميرون
Copthorne Hotel Cameron Highlands
تقييمي عن الفندق 8-10
والسعر مقابل المكان ممتاز وبجنب الفندق توجد بقاله والسكوير ماركت سوق شعبيه
وطبعا يعتبر من افخم الفنادق في مرتفعات الكاميرون
لكن عليك بالحجز في الغرف المعاد تجديدها لان بعض الغرف قديمه
وحجزي كان على الغرف الجديده
كنت اريد الحجز في cameron highlands resort طبعا افخم فندق في المنطقه لكن للاسف كان فل
..





عملنا الجيك ان
وبعدها خرجنا نستكشف المكان


الطريق بجنب الفندق












سكنا كان في الطابق 14



بعدها ذهبنا للسكوير ماركت
سوق شعبي









جلسنا نبحث نبحث عن مطعم للاسف شاهدنا مطعم بجنب البقاله الي تحت الفندق
لكن بصراحه يخوفون
قلنا مالنا الا مطعم الفندق
وكان خيااار ممتاز بصراحه اكلهم لذييذ جدا وحلال



اطلاله جلسات المطعم



الجوو في الليل وتبين درجه الحراره :yolks00520:



وبعدها جلسنا في جلسات الكوفي شوب التابع للمطعم وكانت حلووه






حجزنا باكج من مكتب للجولات السياحيه كان بالقرب من الفندق
وبعدها ذهبنا للنوووم لان ورانا يووم طويل
ومثل ماتعرفوون في الليل لاتوجد حياه في مرتفعات الكاميروون
نشوووفكم في جوله يوم كامل في مرتفعات الكاميرون الرووعه

مثل ماخبرتكم
حجزنا باكج من مكتب للجولات السياحيه كان بالقرب من الفندق
سعر الباكج 230 رينجت لليوم كامل وأي مكان تريد الذهاب له
تستطيع وبإمكانك التحكم في الاماكن الي تريد تزورها
في البدايه حسيت سعر الباكج كثير كنت اقول السعر مرتفع
لكن بصراحه الجوله طلعت على مسافات كبيره وركوب ونزوول تستاهل المبلغ ونص
..


اطلاله الفندق في الصباح



ابتدت الجوله واول مكان كان شلال اسكندر
جميييل جدا ويستحق الزياره بكل قووه
ملاحظه الي بيطلع بتاكسي او سياره خاصه من مرتفعات الكاميرون الى كوالالمبور يمر عليه في طريق المغادره
لانه بكون على الطريق للنزول من المرتفعات بس احنا كان حجزنا باص الى كوالا فكنا مضطرين نعمل هالطريقه نروح له ضمن الجولات
اترككم مع صور الشلال الراائع















قط يشرب ماء من الشلال



صور متفرقه من الطريق















الجوله الثانيه كانت الى مزرعه الفراوله



























اممممم واحلى ميلك شيك وآيسكريم فراوله فرييييش



بعدها جوله سريعه في مزرعه للورود









الجوله القادمه كانت الصعود الى اعلى نقطه في مرتفعات الكاميرون
ترتفع عن سطح البحر 2032 متر
تجربه ممتعه بجد والجوو فوق بااارد والضباب يمر بجانبك اجواء خياليه


طبعا الصعود يكون بالبدايه بالسياره والطريق خطير ومتعرج جدا وضيق
وبعدها تصعد على مثل البرج
هذي صورته من النت



وصور من الاعلى











آخر جوله كانت الى مزارع الشاي
ومصنع ومقهى بوه الشهير صاحب الاطلاله على مزارع الشاي الخلابه


بينت المزارع في الطريق












طبيييعه خيااال واجواء اوربيه



صوره من داخل مقهى بوه



اشترينا لنا شاي وجيز كيك وفطيره امممم



امممم وكان لذييييذ الجيز كيك



اطلاله المقهى






وفي النهايه قبل لانرجع للفندق بغينا نتغدى ووقفنا في موول صغيير بس للاسف الاكل كان فيه مو حلال
خبرنا السائق يذهب بنا الى السكوير ماركت الي بجنب الفندق
واخذنا ذره مشوي ومسلووق
كان الطعم خيااااااااااااااال بدون مبالغه ماقدر اوصفه
لذيييذ جدا جدا جدا ماجربت مثله في عمري يذوووب في الفم من لذته






وعندهم بطاطا حلووه مسلوق بس ماجربناه



وخلاااص دخنا من بعد جوله 9 ساعات تقريبا ووييينك يالفندق خخخخ
انتظرنا للعشى وتعشينا في كنتاكي وركبنا مع سائق كذاب راح اعطيكم رقمه للتحذير
وكانت هالليله آخر ليله لنا في مرتفعات الكاميروون
لان حجزنا للباص كان في صباح اليوم التالي
حجز تذاكر الباص كان من كشك للرحلات كان موجود داخل لوبي الفندق
سعر التذكره 35 رينجت فقط للشخص من مرتفعات الكاميرون الى كوالالمبور
وتشمل بعد التوصيل من الفندق الى مكتب الباصات


..


صوره من جنب مكتب الباصات



نلقاااكم في كوالالمبووور
تعبببت في هالجزززء طويل نريد تشجيييع خخخخ

انطلقنا بالباص من الكاميرون الى كوالا
تقريبا مسافه الطريق 5 ساعات
وقفنا في محطه كـ لـ سينترال
وبعدها جلست ابحث عن تاكسي لنذهب للفندق
وقفت اول تاكسي خارج المحطه سألته بكم الى الفندق
قال ب 45 رينجت !
وانا شايف في الجوجل ماب ان الفندق مو بعيد لهل الدرجه
وهذي ملاحظه مهمه عشان لايستغلوكم التكاسي حاولوا قبل تشوفو بالجوجل ماب
هل المسافه للمكان المراد مقصده يستاهل المبلغ الا يقوله لكم التاكسي او لا
حق تستطيعون المكاسره معاه لو ماعجبكم سعره وحسيتو المسافه ماتستاهل هالمبلغ
المهم خليت التاكسي وذهبت داخل الكـ لـ سينترال كان فيه مكتب للتكاسي
خبرته عن اسم الفندق الا يقول 18 رينجت شاهدوا الفرق
اكثر من الدبل
وتوكلنا على الله الى الفندق
..


كان فندقنا في كوالا
fraser place kuala lumpur
خمس نجوم
فندق جديييد واثاثه نظيف وجديد جدا
وسعره صراحه مناسب جدا تقريبا 82 دولار لليله فقط
وكان الحجز في غرفه استيديوا فيها ماكرويف وثلاجه حجمها ممتاز ومطبخ متكامل تقريبا
وجلسات قرب التلفزيون
بصراحه فندق ممتاز جداااا يستحق الزياره
اعطيه 10-10



هاليوم ارتحنا قلييل في الفندق
وبعدها رحنا نمشي الى شارع العرب
كانت المسافه تقريبا من الفندق لشارع العرب 15 دقيقه
وتغدينا في مطعم ناب الايراني كان اكلهم لذييذ صراحه من اللذ المطاعم الي اكلنا منها في ماليزيا



بعدها اخذنا لنا جوله في البافيلوون ورجعنا الفندق ريحنا


..


اليووم الثاني كانت اول رحله الى حديقه الطيوور


مدخل الحديقه



اول المستقبلين












شلال اصطناعي داخل الحديقه



سمك داخل البحيره وتستطيع شراء اكل لهم من جنب البحيره












تقيمي للحديقه
رووووعه وتستحق الزياره بكل قووه
لكن للاسف الجوو رطوووبه


بعدها اشار علينا التاكسي بالذهاب الى كوالالمبور سيتي جاليري
بس اول مره اسمع عن هالمكان تخوفت الذهاب له
لكن قلنا نجرب ماعجبنا نمشي
وبالفعل ذهبنا المكان مثل متحف عصري حلوو ويستحق الزياره
الدخول ب 4 رينجت للشخص فقط
وهال4 رينجت يعطونك مثل التذكره تقدر تشتري فيها من داخل اكل
يعني كانك داخل ببلاش في النهايه


مدخل المكان وهالمجسم كل النااس تتصور تحته



صوره من النت



وبعدها ذهبنا الى جاينا تاون
السوق الصيني
قبل لاندخل نبهنا التاكسي بالانتباه
الى الشنط والحاجات الي عدنا لان عندهم سرقه كثير داخل السوق



وكانت ايضا تستحق الزياره الاسعار فيها رخيصه
واهم شي عليك بالمكاسره


بعدها انطلقنا الى الاكواريووم بجنب البرجين التوأم














بعدها اخذنا جوله بالقرب من البرجين وحديقه البرجين
وجلسنا بعض الوقت بجنب نافوره حديقه البرجين



وخلاااص التعب وصل حددده
على الفندق
شغلت الجوجل ماب ورحنا الفندق مشي ماكان بعيد عن البرجين


في الليل ذهبت لمسبح الفندق في سطح الفندق



وطاح مطر



اخذت شااور وجلسنا في لوبي الفندق



نشوووفكم في آخر يوم في كوالا وماليزيا

استيقظنا من النووم وعلى الفطوور



بعدها ذهبنا للمسبح للتصوير لان الصبح لايوجد بها احد






كانت اول جوله لنا في هذا اليوم الى مرتفعات جنتغ
طبعا الجوو في الاعلى جميييل ومنعش فرق شاسع عن كوالالمبور
ذهبنا مع تاكسي اعتقد كان السعر في حدود 150 رينجت
يودينا وينتظرنا 4 ساعات في جنتنغ ويودينا مصانع العسل ومزارع الشوكولاتا
والحمدلله توفقنا في سائق التاكسي كان متعاون وطيب جدا
طبعا ركبنا ونزلنا بالتلفريك


صور من الصعود















صور من النزول
كان شيء خياااال
التلفريك يمشي داخل الضباب
والجوو صار ابرد












اختفى كل شيء خخخخ









ملاحظه بجنتنغ الي يبغي يذهب الى اللعب الالعاب الخارجيه مغلقه
يعني الي يبغي يروح للعب لايذهب اطلاقاا
صراحه الان لايوجد بها شيء مميز غير التلفريك فقط والجو
الي يبغي غير هذا لايرووح الا اذا فتحوا الالعاب لانها شكلها بتكون على مستووووى وكبيره


بعد جنتنغ اتجهنا للتسووق في كذا مجمع لان كان آخر يوم لنا في ماليزيا
للاسف كان حجزي 5 ايام لكوالالمبور لكن صادنا ظرف طارئ في البحرين واضطريت اني اذهب لمكتب
طيران القطريه واقدم الحجز والله كان ودنا نطوول اكثر يومين ونصف قلييله جدا على كوالالمبور
كنت مخطط اذهب اماكن اكثر لكن قدر الله ماشاء فعل
إن شاء الله المره القادمه


وفي الليل ذهبت الى جاكوزي الفندق



..


قعدنا قبل لاتطلع الشمس لان الطائره كانت الساعه 8 ونصف
فعلى الاقل نكون 6 ونصف في المطار
فخرجنا من الفندق على الساعه 6 صباحا الشمس بعدها ماتطلع


صوره من الطريق للمطار
حاسين بشعووري كانها صوره الوداع



ذهبنا للمطار وخلصنا الاجراءات وبعدها فطرنا في برغر كينغ خخخخ
لان للاسف ماكان في وقت للفطور في الفندق
وجاء النداء الى طائرتنا وانطلقنا


صوره من الجو



قربنا نوصل الدوحه



بكل صراحه ماليزيا تستحق الزياره وبكل كل كل قوووه
وتستحق اعاده الزياره لانك في رحله واحده مستحيل تغطي ولا النصف من ماليزيا
فيها الجزر الجميله وفيها المناطق المرتفعه بجوها الي يميل للبروده
وفيها التطوور في كوالالمبور
الي يجمع كل هالاشياء اكيييد بكون تحفففه


في النهايه اشكر الجميع على المتابعه وإن شاء الله يستفيدون من التقرير ويدعوون لي دعوه صادقه
وإذا في اي سؤال انا في الخدمه إن شاء الله