خطيت من رمز العناوين بالبوك..!!

02-08-2014, 05:00 AM

بسم الله الرحمن الرحيم
قصيدة الشاعر خليل مسفر العنزي

خطيت من رمز العناوين با ألبوك=
=بنات فكري يوم فكري تلكلك
تعبير قلب(ن)بين الإضلاع مضكوك=
=كن الهموم بضنكها خصصتلك
تشكي جفون(ن)كن بحجورها شوك=
=شوك الحماط اشواكها شيكتلك
تساري هموم(ن)مع الليل ساروك=
=تسامر نجوم(ن)بالسما بينتلك
تسير مع قافً على قاف محبوك=
=يحتارفكرك بين نقضك وفتلك
تسلك طريق كان من قبل مسلوك=
=ياكثرعسافه قبل مانعسفلك
تمشي طريق اسلاف با الوقت فاتوك=
=لولا تجاريب الزمن كيف جتلك
دنياك لو تبدي تعاجيب وضحوك=
=قبل اضحكت للغير قبل اهنفت لك
ترى طرايقها شرابيك وشبوك=
=شبك(ن)شبك غيرك وشبك(ن)اشبكلك
ماينفعك با الوقت بئيك ولا خوك=
=كان التوالك غيبها والتوتلك
لوكنت من بعض الصواديف مزنوك=
=العافيه تكفي عن الشرب واكلك
والله لوتملك عمارات وبنوك=
=تبيعها بشربه من ألمي جتلك
ياالعبد لوتملك من اموالها الكوك=
=تزهد بها لو كلهاصيغتلك
لوان كل اللي على الارض حبوك=
=محد يغيئر قدرت(ن)دونتلك
والعكس لو كل المخاليق عادوك=
=ماغيروا من قسمة(ن)قيد تلك
احفض جناب اللي على الخيردلوك=
= شفلك مع دروب الهدى درب شفلك
وحذراك خلان الفضالايغروك=
= اللي على شين النوايا نوتلك
ان كثر مالك رحبوا بك وحيوك=
=وان قل مالك عذربوا كل شكلك
ان راح ما بيديك قفوا وخلوك=
=ما تلقى منهم واحد(ن)يلتفتلك
وتلقى جموع(ن)با المضاهر يعزوك =
=ولو يغديلك ضايعه مافزعتلك
حلاوة اهرو ج(ن)بها السم مشروك=
= يبكي وقلبه يبتسم عند قتلك
مافيه ثارات(ن)ولا دم مسفوك=
=حسد قلوبً با الضغا ين حستلك
لايضيع وقتك مع هل الغي والوك=
=برض الصبا خ يضيع بذرك وشتلك
وسجد سجود لشكر كان ما وذوك=
=وحذر قوا نيص الردى لاتختلك
خلك خوي اللي على لطيب ماشوك=
=أهل لوفى اللي بالفضيله سعتلك
لياجيت حيوبك وليارحت يحموك=
= وفعالهم على الوفى بينتلك
اذا انت تغليهم وهم صح يغلوك=
=تسوى الذبايح دلت(ن)قدمتلك
قدم لهم كل الترا حيب لوجوك=
= وعط الرجال احقوقها ليا لفتلك
واحرص على اللي حزت الصغرربوك=
=ابً روف والده اعطفتلك
لاتطيع بمك شور من لايسروك=
=إما دعـت عليك ولا دعـتـلـك
خل المعاني كلها ترضي أبوك=
=وحرص على أمك بحزت الضيق جتلك
اخفض لهم نفسك ولو كان هانوك=
= تكسب برضاهم حسنت(ن)سجلتلك
لاتجامل اللي باالمهالك يطشوك=
= اذهن تطاوع هرجها اللي حكتلك
كل الحلال بخدمة إلام مملوك=
=وكله مايسوى خيرها اللي عطتلك
امك وابوك اللي على الروح بدوك=
=رد الجزى ذي فرصتك وسنحتلك
ولا تخيب الحارين لما تحروك=
=عط الحواري مدت(ن)يسرتلك
لعلهم في دعوة الخير يطروك=
= دعوة محق(ن) بااجرها حلل تلك
وليا بلاك الله بجدال(ن)مع علوك=
=شفلك خلاصً باي شغله بدتلك
ولا تمدح نفسك فا الر جا جيل يكفوك=
= تلقى رجال(ن)بالثنى وقفتلك
وحذر من الشينات ينطق بها فوك=
=لا تقول علوم(ن)بالخفى زورتلك
لاتصير باالهرجه عجول(ن)ومربوك=
=لاتجاوب إلا كلمت(ن)وجهتلك
والظن بدغاله متاهات وشكوك=
=غياهب(ن)بوها مها خيلتلك
العن شياطين(ن)عن الحق حدوك=
=واكبح جماح النفس لوسئولتلك
ولاتنظر للي بكثرت المال طافوك=
=اقنع وهاذي قسمتك ووصلتلك
لا تفتح شر(ن)دونه الباب مصكوك=
=لاتجامل أهل الشرلوجاملتلك
اللي على بئير المهافي يطشوك=
=ومن بعدهايصعب من البئير نتلك
جنب دعاة الشر لوكان نادوك=
= اهجر مجا لسها ولو صوتتلك
اللي على طرق الخيانه يهيوك=
= أمثالهم وقوالهم سهلتلك
مقصودهم على هدفهم يودوك=
=غضب نفوس بكيدها بيتتلك
ادحر وجيه الكيد لا يستخفوك=
=أعاملها بضد أفعالها اللي عبتلك
1قم الفرا يض والبشر لا يهزوك=
=وتقوى الااله انوارها نورتلك
ولا تخون ولا تغدر لو الناس خانوك=
=طرق الغدر رذيلت(ن)ماستوتلك
طهر جيوبك واستقم وألف مبروك=
=كل الشهامه حزتها وخضعتلك

الشاعر/خليل مسفر الولدعي العنزي