مايستحق الحب فاقد معانيه

لا تنتظر من فاقد الحب يعطيه
أو يمطر احساسه وهو خالي احساس


ما يستحق الحب فاقد معانيه
عمر الهوى ما كان له حد وقياس



يا سيدي لي جرح مقدرت أداويه
وأنا ترى من مولدي جيت حساس


لا من سكت جرحي ولا أقدرت أخبيه
ولا عرفت أخفيه عن ناظر الناس


لا انت الذي حاولت في يوم ترضيه
أو قلت له (آسف) او قلت (لا باس)


ابقى تعلم تعتذر دون تشبيه
ترى البشر مثلك لهم طبع واحساس


*************




إن كان هـد الضيق قلبك وما فيه
ونمت من ثقل الليالي والأنفاس


راجع حسابك صح في اللي تخاويه
واحذر تجرب حب من دون مقياس


الحب أنا جربت قبلك بلاويه
ووطيت له راسي وانا عالي الراس


والحر معروف (الإشاره تكفّيه)
ما يلتقي درب الأماني مع الياس

الف شكر على الطرح الرائع

اختيار جميلة وقصيدة رائعة
تحية