من واشنطن الى كاليفورنيا>> رحلة في ربوع أمريكا

تقريري عن رحلتنا لكاليفورنيا ..
وتحديدا لوس انجلس وسانديقو..
احنا ساكنين بسياتل في ولاية واشنطن .. اقصى الشمال الغربي للولايات المتحدة الأمريكية..
من قبل نجي أمريكا واحنا متحمسين للسفر بالسيارة جوا امريكا لأن دايم نسمع انه ممتع..

عندنا اجازة اسبوعين فقررنا نسافر فيها نغير جو قبل يبدا فصل الصيف..
مدة الرحلة مع الطريق 10 أيام..

مشينا يوم السبت 14 يونيو.. حدود الساعة 12 ونصف الظهر
ولاية واشنطن معروفة بكثرة الأمطار فالجو كان مررة جميل يوم نمشي.. ماكان مطر بس غيووم..



داون تاون سياتل..




والسبيس نيدل<<البرج اللي معروفه فيه سياتل..




الطريق كان أخضر وماتمل من النظر له ..


اوريقون (الولاية اللي جنوب واشنطن) جوها وخضرتها زي واشنطن
اوريقون يسمونها اوريقون الخضراء
واشنطن يسمونها green for ever



لأن طريق i5 يقطع غرب امريكا من الشمال للجنوب نمر داون تاون مدن كبيرة كثير..
هنا داون تاون بورتلاند (أكبر مدينة في ولاية أوريقون) وهي أول مدينة نمر فيها بعد نهاية ولاية واشنطن.


قريب من بورتلاند فيه مطعم برقر كأنه في مزرعة






وقفنا وتغدينا فيه


مررة لذيذ ..




كان يوم مباراة ايطاليا وانقلترا (المباريات تصير وقت الظهر بتوقيت غرب امريكا)


ع الساعة 4.30 تقريبا كملنا طريقنا
وقدامنا أكثر من 400 ميل لين نوصل المدينة اللي حاجزين عشان ننام فيها


صور من الطريق..




بعد كم ساعة قلنا بناخذ كفي نصحصح شوي
اختيارنا كان بالقارمن




الكفي ماكان كويس مرة
كان ثقيل شوي..




جا الليل وباقي لنا حدود 3 ساعات عشان نوصل


وصلنا كاليفورنيا أخيراhap:

مدري ليه حاطين زي التفتيش يوم وقفنا سألنا معكم فواكه ولا اي نباتات
قلنا ما معنا الا هالكفي اللي تشوف


وصلنا اخيرا فندقنا ونمنا..


الصباح كنا متحمسين نبي نجرب اي هوب..
لقيناه اشوى بالقرية اللي نمنا فيها

وكان زحمة شوي بعد!

أفطرنا وانطلقنا
كان قدامنا تقريبا أكثر من 500 ميل


الأرض مرررة تغيرت سبحان الله




بعد 200 ميل تقريبا قلنا بنوقف نجرب rest area







من كثر ما الطريق صاير كأنك بالسعودية جانا غبار في الطريق


وصلنا لوس انجلوس بالليل


الموضوع طويل مرة
فقررت أجزءه وبحاول انزل الجزء الثاني بأسرع وقت ان شاء الله..

بالنسبة للفنادق.. اخترنا فنادق عادية جدا بعضها نجمتين.. عشان كذا ماحبيت اتكلم عنها
أخذناها بحدود 70 ـ 80دولار لليلة..
لكن قررنا أنه المرة الثانية نرفع ميزانية الفندق عشان يكون فندق محترم ونفطر فيه.. لأن الفطور تقريبا يكلفنا كل يوم بحدود 20 إلى 30 دولار ..


سكنا كان بشمال لوس انجلوس
كانت الخطة انه 3 أيام نتمشى بالشمال واليوم الرابع نسلم الفندق ونتمشى بالجنوب بعدين نكمل طريقنا لسان ديقو ..
وصار تغيير بسيط في الخطة..
شمس كاليفورنيا حاااارة جدا .. صح انه بالظل الجو حلو.. بس انا نحب نمشي على الشاطي أو بالشوارع .. وأغلب الأماكن مفتوحة
وكنا نقوم الصباح بدري ونطلع ..
فحرقتنا الشمس مضبووووط

اليوم الأول

رحنا لكوفي وأخذنا فطورنا ورحنا لشاطي سانتا مونيكا ..




سانتا مونيكا مرررة قريبه من لوس انجلوس كأنها حي من أحيائها..


أفطرنا وفطرنا النورس معانا..









وتمشينا على الشاطي..


كان مرررة جمييل




وفيه شارع صغير فيه محلات كثير وكشكات


جميل ويوسع الصدر















صور من ممشى VENICE BEACH BOARDWALK ..
اللي على شاطي سانتا مونيكا






ايسكريم يبرد القلب..










هذا أعجبني إبداعه بالعلب يوم جيت اصوره قال حطي فلوس هنا






الشاطي مررره كبييير


فيه جهه ملاعب طائرة


وجهة مشي وسياكل..






وجهات كثيرة اكيد ما امدانا نشوفها



احلى شي ان اغلب الناس كبار وصغار معهم الواح ركوب الامواج..
مرة جميلة اشكال الصغار وهم يتعلمون عليها..


جلسنا هناك الين العصر تقريبا..
بعدها طلعنا نتغدى بمطعم هندي اخترناه عن طريق تطبيق yelp

معطيه 4 نجوم وماشفناه يستاهلها..
اكله مرة عادي... طلبنا مقبلات.. وبرياني.. وLAMP ما ادري وش اسمه بس معاه صوص..
هذا المقبلات


حتى البرياني ماكان فيه طعم هندي..




القعدة تحت الشمس طول اليوم تهد الحيل فرجعنا للفندق ريحنا شوي بعدين طلعنا لمول westfield

وتقهوينا فيه شاي



الكوفي هذا اكتشفت انه كثيير بكاليفورنيا زي ستاربكس في واشنطن



....

كذا خلص اليوم الأول في لوس انجلوس.. كان جميل حتى مع الشمس

اليوم الثاني رحنا ل The Grove
كان مول حلو وكبير وحتى بدون شوبينق التمشي فيه ممتع..
اخترنا كوفي وجلسنا نفطر <<نظامنا أول مانقوم لازم فطور .. فإذا ما امدانا على منيو الفطور توهقنا .. ندور لنا على اي شي بدون دجاج أو لحم


فطورهم كان حلو

فيه قطار يمشي مدري وش سالفته مافيه احد



فيه جهة فارمر ماركت




يبيعون فيها خضار وفاكهة ولحوم وفيها مطاعم وكفيات






وكان ذاك اليوم مباراة المكسيك مع البرازيل

والمكسيكيين حماااس

مبسوطين على التعادل


ومرينا محل شوكولاطه
اخذنا حبتين ومشينا
مرة كان لذييذ


صور من الساحات والجلسات الحلوة بالمول







بعد ماتعبتنا الشمس قلنا بنتمشى بالسيارة


رحنا لمنطقة Beverly Hills



طبعا ندور نعرف اننا بالمنطقة وانها بيوت مشاهير وكذا بس مانعرف بالضبط




المهم المنطقة كانت حلوة وفخمة




هذا الدليل على انها فخمة




الصور كلها من السيارة لأن مانزلنا بدينا نطفش من الشمس :/

بعدها رجعنا سانتامونيكا وهالمرة للداون تاون حقها.. فيه شارع اسمه ثيرد ستريت ..للمشاة بس ..حلو وفيه مول وكوفيات ومطعم..



تمشينا فيه شوي




بعدين قلنا ليه ماناخذ غدانا ونروح الشاطي


مسكتنا زحمة بالطريق




أخيرا وصلنا شاطي مانهاتن



ومعنا غدانا وكان على وشك تغرب الشمس





وغدينا النورس معنا




الشاطي كان حلو بس ماكان بجمال شاطي سانتا مونيكا

اليوم الثالث أفطرنا بهذا الشيء الجميل


مررة فطورهم كان لذيييذ


باليوم هذا كانت خطتنا نروح اليونفيرسال ستديو.. يوم افطرنا غيرنا الخطة قلنا بكرا نروح اليونيفيرسال..
اليوم بنشوف شاطي مدينة صغيرة جمب لوس انجلس اسمها ماليبو
يمدحووون الشاطي فيها.. قلنا خلنا نشوفها..



الشاطي كان مرررة عااادي وماشفنا فيه شي مميز ابد
اقل من عادي حتى..


احلى شي كان الطريق
طريق 101 تمشي وجنبك المحيط ماتطفش من الزحمة
>> المفروض فيه صور.. بس ما ادري وش المشكلة بعض الصور مو راضية تنرفع ابدا..


مشينا وقلنا بنروح لمول امريكانا


مرينا بداون تاون لوس انجلس



وصلنا المول ..
ودخلنا أول كفي قابلنا ناخذ موية..

وكالعادة الظهر كان وقت مباراة




المول كان جميل

وفيه ساحة برا فيها جلسات وكشكات ومطاعم






اخذنا ايسكريم وجلسنا




بعدها طلعنا وقلنا بنروح نشوف تشاينا تاون (في الداون تاون)

وانا نبحث عنه قريت عن Griffith park هو اصلا مرصد نجوم بس فيه مكان مطل للوس انجلس وتقدر تشوف علامة هوليود واضحة..

مرينا تشاينا تاون بسرعة بالسيارة ….كان شارع فيه محلات صينية.. مانزلنا نتمشى فيه لأن تحمسنا للقريفيث ومامعانا وقت ..

وصلنا قريفث على غروب الشمس ..




الطريق كان جبلي طبعا..






فيه مواقف توقف السيارة وبعدين تنزل تمشي على رجولك وتصور

















بعدها رجعنا تعشينا من in n out هذا مطعم برقر مشهور بكاليفورنيا .. ما ادري اذا موجود بولايات ثانية أو لا؟ بس واشنطن مو موجود فيها..



لذيذ كان.. والبرقر صغيرة وظريفة .. وحسابنا (واحد دبل واحد تشيز) ب10 دولار
الله يديم الرخص حتى فايف قايز مانطلع منه بأقل من 20 دولار

هنا نهاية الجزء الثالث والرابع..

ان شاء الله ما أطول وأنزله..
اتمنى انكم استمتعتوا بالجزئين هذي..
اتمنى تعذروني إذا تأخرت بالجزء .. بس الصور كثيرة.. والتعديل والرفع ياخذ وقت..
بس بحاول استعجل بالأجزء الجاية ان شاء الله..
الجزء الجاي رحلة اليونفيرسال الجميلة..
بعدها 3 أيام سان ديقو..
يوم سان فرانسيسكو..
ونخلص

اليوم الرابع..
كان يوم اليونيفرسال
تحمسنا وصحينا بدري..
كنا من أمس نمشي بطريق اسمه sunset وكان حلو وعليه كفيات كثير ..
أعجبنا واحد وثبتناه على أساس نفطر عنده من بكرا ..
يوم جينا ندوره ضيعناه
بس اخترنا واحد ثاني كأنه إيطالي..
جلساته حلوه على الشارع..











خلصنا فطور ووصلنا اليونيفيرسال..







التذاكر كان عليها طوابير

بس جانا واحد قال اذا بتحاسب بطاقة تقدر تسوي تذكرتك هنا
آلة زي الصرافة تحط بطاقتك وتقص لك التذاكر..
حمدلله ارتحنا من الزحمة..
التذكرة كانت ب80 او 90 دولار للشخص .. الأطفال اقل بس ما ادري بالضبط
وفيه تذكرة للي تتقدم على الطابور كان تدفع زيادة حدود 60 دولار على الشخص.. بس ماحسيت تستاهل لأن حمدلله ما عانينا من وقوف طويل بالطابور.. لأن كنا نحضر عروض والعروض ندخل بوقت واحد تقريبا.. يمكن كانت بتفيد اكثر شي بالتور..
دخلنا وكان معنا جدول حق العروض
دخلنا أول واحد وكان جميل جدا..


الباب الخشب انفتح ودخل معه قارب صغير وفيه وحدة بتنقذ خويها مدري تبي خويها ينقذها .. وكانوا يتقاتلون مع القراصنة..
إذا صار فيه انفجار حسيت بحرارة النار.. واحيانا يرش موية .. وكذا..
فكان مرررة جمييل


الثاني كان الحيوانات اللي تمثل ..
اللي معاهم كانت تتكلم عن كيف بدت وكذا.. وسوت عرض شوي مع كلبها ..
أكثر شي اعجبني البداية .. مرة يدخل كلب مرة قطيوه مرة دجاج مرة طير ..



بعدها كان فيه وقت طويل عشان يبدا العرض اللي بعده.. فرحنا نتمشى شوي .. وصلنا التور..



كان سرا طويل .. توقعت انه يدور فيك حولين المنطقة بس مافيه شي جديد.. بس صار مررة جميل
صار هذا اللي يوريك كيف يسوون الأفلام..

كان فيه شاشة عرض بالوسط تعرض لك جزء من الفلم لما يتكلمون عن فلم معين..



ويمرون بك على بعض اماكن التصوير


الأماكن اللي يبنونها زي شوارع لوس انجلس او نيويورك ويكون التمثيل فيها..

ونشوف السيارات اللي استخدموها بالأفلام..





ونشوف كيف يسوون المطر والفياضانات











ومرينا بحارة مسلسل desperate housewives



مرة كانت ممتعة.. مدتها اظن ساعة الا ربع..

بعدها طلعنا وحضرنا عرض عن كيف يركبون بعض المشاهد..

مثل قارب مثلا عليه ناس هو اصلا مايتحرك ومو جوا موية بس يركبون له خلفية وكذا.. ويصير كأنه في بحر ويتحرك..
كان حلو العرض..

يوم خلصنا كنا مرره تعبانين انتهت طاقتنا..
مشينا شوي بالسيتي ووك..







واخترنا مطعم Tony Romace
طلبنا طبقين كالعادة .. بس كان اكلهم كثير.. لكن لذييذ..



طلعنا ودعنا لوس انجلس





ومشينا لسان ديقو..
كان بينهم حدود 120ميل

وصلنا بالليل ونمنا..

اليوم الأول في ساندييقو

الصباح قمنا متأخرين شوي..
رحنا الداون تاون واخترنا كفي وافطرنا فيه..
ولأننا متأخرين خلص علينا منيو الفطور..
بس لقينا لنا شي ينفع فطور<<اهم شي الطقوس ماتتغير فطور بدون دجاج أو لحم

مرتديلا مسموح
ماكان مرة حلو الفطور..

وكالعادة أجواء كاس العالم وأظن كان بعد هزيمة ايطاليا





الداون تاون كان حلو وهادي..


كان برنامجنا اليوم السي وورلد ..
وصلنا كالعادة وقت قوة الشمس..

مكان مرة كبير ويقولون سان ديقو معروفة فيه..
فيه عروض دلافين وأسود البحر.. وفيه أكواريوم وعروض أطفال.. وفيه اظن ملاهي ..
التذكرة عن طريق الموقع كانت ب50 .. وعندهم أظن اكثر شوي..











صور مختلفة من العروض في السي وورلد


هذي من الممرات .. لقينا ظل وجلسنا نرتاح فيه شويhap:






من عروض الدلافين




هذا دخلنا فيه وانتبهنا انه حق اطفال وطلعنا










عرض pets بس ما امدانا نلحق عليه..





المكان كله كان جميل ويوسع الصدر..



طلعنا منهم وكالعادة تعبانين من الشمس..
اشتهينا نتغدى على الشاطي.. اخذنا برقر من رد روبن بس وصلنا الشاطي والشمس راحت وكان فيه هوا..

فخلصنا ورجعنا بسرعة للفندق..

اليوم الثاني
فكرت نروح للمهرجان السنوي اللي عندهم.. بس يوم بحثت عنه كان يوم international beer
وماكنا متأكدين وش نوع الأنشطة فيه .. فتوقعت يكون كله حفلات موسيقية فكنسلناه..
احترنا نروح حديقة الحيوان .. ولا نشوف كذا مكان..
آخر شي قررنا ان حديقة الحيوان ماراح يكون فيها شي جديد.. عادي حيوانات
فقنا نشوف الاماكن الثانية
اول شي رحنا little Italy


شارع كافيات ومطاعم ايطاليه..

ويقولون انه يوم بالأسبوع يصير زي الكوشكات فيه..
اخترنا كفي وأفطرنا فيه


وكالعادة أجواء


وتمشينا بالشارع وبين الكشكات..








المكان صغير ومايحتاج وقت كثير طلعنا منه ورحنا على seaport village

ماطولنا فيه لأن كان شمس..

بس الممشى كان حلو..

وفيه أماكن تأجير جت سكي أو بوت ..



مشينا منه وقلنا بنتمشى بالسيارة لين تبرد الشمس بعدين ناخذ غدانا ونروح ع الشاطي..
رحنا اولد تاون.. منطقة على الطراز المكسيكي


وفيها كفيات ومطاعم مكسيكيه ..





وفيه محلات هدايا وأشياء جميلة..

وعشان كان يوم السبت شفنا saturday market


مانزلنا من السيارة .. شفناها ورحنا caronado island
جزيرة بينها وبين سانديقو جسر.. مرة جميل الطريق..






مشينا في الجزيرة بالسيارة.. فيها شاطي جميل.. والمنطقة مبين انها راقية..



وفيها فنادق جميلة ع البحر


طلعنا منها وقلنا بنروح للمول لين تبرد الشمس <<عقدتنا الشمس..


رحنا وماطولنا كنا جوعانين ومتحمسين للمطعم الايراني




اخذنا منه غدا وعلى شاطي لاهويا

الأكل كان لذيذ جدا.. والشاطي كان جميل ..


بس ماطولنا فيه لأن كنا بنمشي بكرا ونبي نشوف شارع يقولون مرة جميل
اسمه La jolla prospect
وبرضو شارع في الداون تاون

رحنا أول شي للي في لاهويا..

مرررة حلو ورااايق.. مرة جميل للتمشي أو جلسة أو ي شي
فيه كفيات ومطاعم ومحلات




أخذت له صور من السيارة وخططنا نرجع له بكرا الصباح نفطر ..

بعدها رحنا لمنطقة في الداون تاون قريت عنها في المسافرون العرب اسمها Gaslamp
قالوا عنها حلوة بالليل.. فقررنا نتقهوى فيها..
أول شي طولت على بال ما احصل عنوانها..
ثاني شي يوم وصلنا منطقة الداون تاون ما ارتحنا.. الناس بالليل ماتصير هادية زي بالنهار..
فقلنا ورانا طريق طويل بكرا نروح ننام أحسن

الصباح سلمنا الفندق ورحنا لشارع لاهويا واخترنا كفي وجلسنا نفطر..


فيه مطعم فطور يمدحونه بس يقولون عليه زحمة.. مارحنا له اخترنا واحد ثاني..
الفطور كان كويس..


والجلسة كانت حلوة..



الباركنق هذا غير

توقف سيارتك وتعطيهم المفتاح ويروح هو يوقفها واذا رجعت يروح يجيبها لك..


مسكنا الخط .. وكانت الوجهه سانتا باربرا .. نتغدى فيها ونشوفها بسرعة..


ونكمل طريقنا وننام قبل سان فرانسيسكو بساعتين..

سانتا باربرا مدينة جميلة على الطراز الأسباني







والشاطي كان حلو..






تغدينا بمطعم هندي اخترناه من yelp

بس حمدلله هالمرة طلع حلو…

الطريق من سان ديقو لسانتا باربارا حدود 4 ساعات
ومن سانتا باربارا للمدينة اللي نمنا فيها حدود 5 ساعات
والطريق كان 101 اللي ع البحر

الصباح صحينا وأفطرنا بمطعم عربي كان جميل.. وجلساته حلوة..



احنا وصلنا بدري وكان المطعم فاضي .. يوم جينا طالعين أظن حدود الساعة 9 صار زحمة وسرا


كان بينا وبين سان فرانسيسكو حدود ساعة أو ساعتين ما ادري بالضبط..



وصلنا سان فرانسيسكو..

ماكنا مخططين بالضبط وين نروح بس بحثنا ولقينا موضوع في العرب المسافرون..
فرحنا أول شي القولدن قيت بريج ..




وكالعادة التصوير من السيارة..





وصلنا منطقة كانت حلوة فيها محلات هدايا وكافيهات .. وبرضو مانزلنا من السيارة..








بعدها رحنا لمكان مرتفع يطل على سان فرانسيسكو ..




كان المنظر حلو بس الهوا مررررة قوي..
ما امدانا ننزل الا وراجعين من البرد والهوا..



ركبنا السيارة وانطلقنا ل LOMBARD STREET






انا من الصور كنت متخيلته كبير شوي .. بس تفاجأت انه لفتين ويخلص :O


بس حلو اهم شي شفناه

الحين بردت الشمس قلنا خلاص بنروح لمكان ننزل فيه..







رحنا لمنطقة Pier39
و FISHERMAN WARF
ملاصقة لبعض هي ..




كان فيه جسر بين المواقف وبين المنطقة..








كانت حلوة.. مزحومة شوي..
وفيه مطاعم بحرية كثير..

وفيه أماكن تستاجر فيري وتور وهذي الأشياء






كنا عطشانين وندور كوفي نجلس فيه بس ماحصلنا الامطاعم وما كنا مشتهين اكل..
بالنهاية اخذنا موية من البقالة وتمشينا بالمنطقة على رجولنا لين تعبنا..
قررنا اننا خلصنا من سان فرانسسيكو
وبنكمل طريقنا لسكرمنتو عشان نوصل بدري وننام بدري لأن الطريق بكرا طويل ..




وصلنا سكرمنتو
وتغدينا غدا وداعي من ان ان اوت..





بكرا الصباح صحينا بدري وأفطرنا وانطلقنا ..



على 9.30 تقريبا مسكنا الخط ..
وما وقفنا أبدا الا نعبي بنزين ..
وقفنا قبل بورتلاند وتغدينا من رد روبن


وكملنا طريقنا..




هنا كان نهاية اوريقون وبداية واشنطن..






استقبلتنا واشنطن بالأمطار والأجواء الحلوة..

وصلنا سياتل بعد غروب الشمس..

يعني الطريق كان حدود 12 أو 13 ساعة متواصلة..

كانت رحلة جميلة حمدلله
انبسطنا فيها وغيرنا جو..

اتمنى ان تقريري أعجبكم..
عندي أغلاط بسيطة لو يسر الله لي ورحت مرة ثانية تلافيتها بإذن الله..
1/ الفنادق اخذناها عادية مررة <<عشان كذا ماصورتها وحطيتها بالتقرير..
بعضها نجمتين .. على أساس ان الفندق بنرجع ننام فيه بس وكل الوقت بيكون برا..
طلعت لي الفنادق في الغالب الليلة بحدود 70 إلى 80 دولار..
المشكلة ان الفطور يكلف كل يوم حدود 20 الى 30 دولار.. فلو كنت رفعت ميزانية الفنادق وخليت فطوري في الفندق بيكون الوضع مريح أكثر..
2/ كنا نصحى بدري ونطلع بدري ونتعقد من الشمس .. كان ودي أننا نأخر طلعتنا شوي ع الأقل للأماكن المفتوحة لين تبرد الشمس..
3/ ماكنت منظمه اموري من بدري ومخططة وش اللي ابي اروح له ! كنا حاطين ببالنا اليونيفيرسال في لوس انجلوس والسي وورلد في سانديقو..
باقي الأيام كنا نبحث عن الأشياء بالسيارة أو بالفندق!!
4/ بوكينق مايقدم لك عروض كويسة لفنادق امريكا.. فيه مواقع سمعنا عنها بعدين
مثل اكسبيديا وبرايس لاين.. أسعارها مرة كويسة..

بالنهاية أشكر الجميع واعتذر على الفترة الطويلة هذي.. وان شاء الله إذا سويت تقرير مرة ثانية احطه كله بيوم واحد..