| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
08-19-2018, 09:22 AM
|
#11 | |
 
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
19 سبتمبر فطرنا وكان فطورهم جيد جدا    وكانو خدومين والحق لله كل الفنادق الي سكنت فيها خدمتها ممتازه  بهذلتهم على الكورن فلكس ابغاه بالحليب الحار  ولما جابتلنا حليب حار بكاس كبير قسمته نصين نص للكورن فلكس ونص للشاي بالحليب وسألنا عن اقرب مغسلة ملابس قالو مافي غير مغسلة في مول فورم واكثر من واحد قالنا دا الشي قلت انا لو رحت السوق ماراح اخرج وورانا اماكن نبغى نروحها لا اجل خلي المغسله في اسطنبول وسألني زوجي فين حنروح قلتله معبد صوميلا وانا ودي اشوف متشكا  ومشينا على متشكا وكلها على نفس الطريق .gif) https://www.here.com/turkey/ma%C3%A7...1548,16,normal وشكل الاحداثيات الي ادخلتها كانت خطأ  وصلتنا لبداية جبل ومافي اي حدايق او اي مكان تجلس فيه وحتى الخضار مشهب ولا في انهار ولا شي قالي زوجي ايش هذي قلتله ماتشكا  قال الله يرج شيطانك فين المعبد ههههه قلتله بس الناس تقول متشكا متشكا قلت خلني اروحها .gif) قال اعطينا بس طريق المعبد ههه ومشينا على معبد صوميلا موقعه على here https://www.here.com/turkey/ma%C3%A7...5848,16,normal الطريق استغرق ساعه ونص تقريبا من طرابزون للمعبد  ويوم وصلنا كان دخول السيارة ب9 ليرة وكويس جينا ع الساعه 10 عشان نلقى مكان للسيارة وكان طريق المشي للمعبد مررره متعب طلعات ونزلات وغير اغصان الشجر في الطريق  وكان في تذاكر ع الدخول 15 ليرة للشخص وياربي ع الدرج الي طلعناه موتنا من التعب      وهذا درج كمان غير الاول   في الاخير ماحسينا اننا استفدنا شي يوم رحناه كلها جدران عليه رسومات بجد كرهنا نفسنا وكمان مع الحر شي جمييل  ولما خرجنا شفنا اوروبيين لابسين لبس كأنهم حيطلعو الفضاء جابولنا الضحك الله يهديهم واحنا راجعين شفنا الخليجيين كلهم جايين ع الساعه 11 كانو يسألونا باقي كثير ولا قربنا ولا في شايب هوا ومرته قبل مايمشي للمعبد يقولنا ها كيف يستاهل ولا لا ههههه كأنه يبغى احد يقوله لاتروح ههه وتفاجأنا بكثرة السيارات الي جات بعدنا قلنا كويس جينا بدري قبل الناس .gif) واحنا نازلين بالسيارة مرينا على مطعم المعبد وشربنا فيه شاي واكلنا ايس كريم وهذا موقع المطعم على here https://www.here.com/turkey/ma%C3%A7...0,%20E39.66065   واحنا رايحين على معبد صوميلا شفنا كوفي ع الطريق الي يشتغل فيه كان يلعب مع بنته الصغيرة يوم شافنا صار يأشر بيده يعني تعالوا عندي حزننا عليه واحنا راجعين من نفس الطريق جيناله وشربنا عنده كوفي كان كوفي رايق ومطل على النهر واسعاره مثل الباقيين كاسة الكوفي التركي ب5 ليرة   وكملنا طريقنا لمغارة كراجا موقعها على here https://www.here.com/turkey/torul/st...0278,16,normal والطريق استغرق ساعتين والحمدلله الاحداثيات جابتنا عليها بالضبط بس سبحان الله المغارة في منطقه كانت شبه صحراويه وحاااااااره  درجة الحرارة 31 في الظهر بس شمسهم حاره ويوم وصلنا المغارة وقفنا السيارة وكانت المغارة مرتفعه يبغالها مشي وشدة حيل عشان تطلعها  وهذا كوفي عند المدخل  نصيحة : لاتروحو الاماكن هذي في نفس اليوم لانها كلها تحتاج مشي وصعود درج واذا ماتروحوها افضل وصلنا المغارة وقالولنا حطو جوالاتكم في الصناديق وقفلو عليها عشان ممنوع التصوير والتذاكر كانت ب15ليرة للشخص دخلنا وكانت بارده من جوه بروده حلوه وطول ماانا امشي عيوني معلقه فوق ادور اسم الله الي مكتوب في الصخر واكتشفوا انه ماحد كتبه وانما وجدوه مكتوب ولا لقينا شي  وسألنا المسؤول هناك قام شغل الكشاف وقال شوفوه  حسيت انه يسوقها علينا والله مافي شي وهوا يحاول يقنعنا ماطولنا فيها لان ولدي انفجع من المكان وكان بس يصيح والله كان ودي اقعد مو عشان شي بس كنت ابغى اتبرد شوي  خرجنا وعلى طووول على طرابزون ووصلنا تقريبا الساعه 5 يعني الطريق اخذ مننا 3 ساعات ونص رحنا على مطعم مرجان (mercan) موقعه على here https://www.here.com/turkey/ak%C3%A7...6235,16,normal كان مكانه جميل وجلساته ع البحر وكان مع المطعم قاعة افراح .gif)    شفنا العروسه .gif) وهاتك ياتصوير ههههكان اكل المطعم جيد وزودولي ع الفاتورة وكل مطاعم تركيا تزود لكن على مين هههواخذت من عندهم سوفليه اول واخر مره اكله خخخ مره كان مو طعم الحمدلله ع النعمه كان حسابهم تقريبا 75 ليرة واحنا راجعين للفندق شفنا على طريقنا قريب من الميدان سوبرماركت BIM محل يبيع بالجمله واسعاره رخيصه جدا    والله تفاجأنا التويكس اكبر من الي عندنا بليرة والي عندنا صغير وبريالين ونص والسنكرز كذلك  قضييينا منه ورجعنا ع الفندق نرتاح ونرتب الشنط للسفر لاسطنبول حبيبة القلب بالله ادعولي نسافر لاسطنبول ثاني واحنا بصحه وعافيه صرت اشوفها في الحلم من كثر ماودي اروحلها  تقيمي لمعبد صوميلا ومغارة كاراجا ومطعم مرجان 1_المعبد والمغارة اول واخر مره 2_المطعم ممكن تتكرر الزيارة اذا مالقيت افضل منه تقيمي للفندق فندق جيد وافطاره كذلك عيبه فرش الغرفة كان وسخ شوي فقط لاغير تقيمي لبرنامج here برنامج ممتاز جدا جدا اهم شي تسجل دخول في البرنامج وتنزل خريطة تركيا وبعدها تشتغل عليه بدون نت واهم من هذا كله الاحداثيات انا مشكلتي ادخلت احداثيات خاطئة لبعض الاماكن وكنت ارجع لهذي الاحداثيات   وهذا جدول للي محتاج جدول للشمال التركي  |
|
|
|
08-19-2018, 09:25 AM
|
#12 | |
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
يوم 20 سبتمبر فطرنا ع الساعه 8 وكانت رحلتنا لاسطنبول الساعه 2 ونص الظهر خلصنا ورحنا لاقرب محطة وعبينا السيارة فل ب150 ليرة المشكله زوجي اعطى عامل المحطة المبلغ كامل قبل مايعبي ونزل زوجي مع العامل عشان يشوف ويتأكد ان عبالنا ديزل شوية العامل يسوي حركات ان التانكي خلاص تعبا .gif) ويوم رجع زوجي يشوف المؤشر حق البنزين لقاه لسا ناقص  قاله عبي قال خلاص عبيت ويأشر على الطبلون ويقول هذا خربان قاله زوجي كيف خربان ولا انتو النصب فيكم كلكم  وشوي جا صاحب المحطه وراح العامل على طول يعبي والمؤشر في وقتها ارتفع لاخربان ولا شي  كلمنا صاحب المحطه وفهمناه الي صار قام اعطانا فواتير بقيمة التعبيئة  الفاتورة الاولى ب15 ليرة والفاتورة الثانية ب135 ليرة وقالنا نو بروبلم .gif) نصيحة: اي واحد يعبي من محطه لازم ياخذ فاتورة عشان يبان معاه بكم عباله جاني ضحك على زوجي وقلتله صابك ماصابني في تقسيم رحنا المطار وسلمنا السيارة جا المسؤول من بدجت الي في المواقف يفحص السيارة لقا في قطع بسيط في الكفر قال روحوا المكتب يتفاهم معاكم  رحنا للمكتب مالقينا الموظف اتصلت عليه وكان رقمه على باب المكتب جانا وشكله خويه الي عند مواقف السيارات كلمه المهم قالنا الكفر فيه قطع وهذا يبغاله تغيير مو تصليح قلتله يعني التأمين ماراح يرجع << وهذا الي كنت متأكده منه لاني دايم اسمع ان التأمين مايرجع قال قيمة الكفر للسيارة الصغيرة 225 ليرة والي حيرجعلكم 75 ليرة بعد 3 ايام من التسليم قلتله يمكن القطع هذا في السيارة من قبل ماناخذها قال لا يامدام احنا شركة معروفة مانسلم سيارات زي كذا قلت في نفسي ليتني شيكت على الكفرات من قبل مانستلمها  وأعطانا إيصال بال75 ليرة وفعلا شيكت على حسابي بعد ثلاث أيام لقيتها رجعت وصارت 95 ريال يالله الحمدلله كل دقة بتعليمه بس والله الموظف خلوق جدا ومحترم وبشوش يارب يسعده كل ما مر علي شخص زي كذا اقول في نفسي كيف يقولوا الاتراك اخلاقهم سيئة المهم رحنا لكاونترات رحلة بيقاسوس وانتظرناهم الين فتحوا شحننا الشنطتين وعربية ولدي حطوا عليها استكر وشلناها معانا وعند درج الطيارة ياخذوها وهذي الطريقة المتبعه في كل رحله طلعناها وقبل الرحلة بنص ساعه فتحوا باب الصعود للطائرة وصلنا اسطنبول ع الساعه 4 تقريبا استشرت زوجي تبغى باص ولا تاكسي قال باص رحت لجهة الباصات وسألته في باص للسلطان احمد عشان أتأكد قال مافي طلعنا الباص المتوجه لتقسيم على الساعه 5 ونص وصلنا أول ماوصلنا فتحت برنامج BiTaksi والبرنامج أخذ وقت عشان يبحثلي عن تاكسي وشوي يجينا واحد من وجه باين انه ابن حلال قالنا فين تبغوا وريته عنوان الفندق <<< طبعا العنوان تاخذوه من بوكينق لما تفتحوا على موقع الفندق من خلال الخريطة وتصور الشاشة وبكذا يكون عندك عنوان الفندق وموقعه على الخريطه  وهذا الموقع على برنامج here https://www.here.com/turkey/istanbul...0Caddesi,%2071 سجل موقع الفندق عنده على برنامج الملاحه الي على جواله وقالنا المشوار ب45 ليرة اتذكرت السواق الي وداني لكراكوي كان ب60 ليرة  فوافقنا وتوكلنا على الله ووصلنا لحد باب الفندق (Best Point Hotel Old City) فعلا كان افضل تاكسي مر علي حتى زوجي كان يدعيله من كثر ماكان مبسوط منه  رحبوا فينا موظفين الفندق وشالولنا الشنط دخلنا اللوبي كان صغير لكن فخم ماشاءالله مره جميل ومريح للعين    وكانوا زوار الفندق يكتبولهم انطباعهم عن الفندق في دفتر موجود في اللوبي وشفت ابو رواء كاتبلهم فقلت يمكن هذا أخونا أبو رواء الي معانا في المنتدى   ومااخذوا مننا تأمين ولا دفعنا المبلغ أساسا ولما سألته قال لما تعملوا تشك أوت تدفعوا كانت غرفتنا في الدور الارضي والحمدلله انها في الدور الارضي لان مافي مصعد بس كانت الغرفة جمييييله جدا وريحتها وبرودتها تبرد ع القلب  هذه الصورة تم تصغيرها . الحجم الافتراضي لها هو 840x460.  والله كأنه في عطر في التكييف او في الفرش ريحه جميله جدا كل مادخلنا الغرفه شميناها وغير الصابون الي شكله يفتح النفس والمغسلة الي حبيتها ولا استخدمتها خخخ    وسألته فين الغلاية قالي مافي غلاية اذا تبغوا اي شي تعالوا اللوبي وكلوا واشربوا زي ماتبغوا من الساعه 5 العصر الى الساعه 11 المسا  ريحنا شوي ورحنا على السلطان أحمد فعلا كان تغيير كبير بالنسبة لي من بعد هدوء الشمال الى اسطنبول واسواقها واصوات الترام وحركة الناس في الشوارع واحنا كان فندقنا بجانب سوق أرستا << والله اول مره اسمع باسم السوق هذا هناك  كنت امشي في أزقة السوق وعيوني تحاول تشوف كل شي  مره حبيت المفارش والخداديات والاكسسوارات والمواعين أخ ع المواعين جا وقت صلاة العشا واحنا في جامع السلطان أحمد   وسجلت الاذان حبيت أصوات الاذان والمسجد حسيت بروحانية في المكان وعجبتني مررره نافورة السلطان أحمد وصورتها بجميع الالوان .gif)   وهذا آيا صوفيا  تعبنا من المشي فقررنا نشتري سميت بالجبنه وعصير ونتعشى في غرفتنا الجميلة .gif)  فعلا كان يوم جميل يارب لك الحمد والشكر  |
|
|
|
|
08-20-2018, 07:56 AM
|
#13 | |
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
21 سبتمبر جا وقت الفطور ع الساعه 8 الصباح  طلعنا على طول من الدرج الي قدام غرفتنا لانه قالنا الي في الرسبشن ان الفطور في الدور الرابع طلعنا الدور الرابع مالقينا شي .gif) رحنا للرسبشن قالو لاااا مو من الدرج الي عند غرفتكم الفطور من الدرج هذا>>> وكان خلف الرسبشن المهم كان فطورهم جيد واصنافه قليله نوعا ما  خلصنا ورحنا على كاباتاش بالترام قطعنا تذكرتين لجزيرة الاميرات الشخص ب6 ليرة طلعنا السفينة الساعه 9 ونص وتحركت الساعه 10  وفي خلال ساعه وصلنا .gif) طبعا ماوقفت ابدا كانت دايركت للجزيرة اول ماوصلنا اتجهنا يسار نتمشى كانت الاجواء حاااره للاسف وشوي نلاقي حناطير صافة ولا احد عندها وكانو يقولولنا تعالو اطلعوا معانا كنت اقول في نفسي الحمدلله مافي طابور زي الي شافته عناقيد الربيع سألتهم عن سعر الجوله جابولي ورقة فيها التسعيرة قالو لفة لمدة ساعه الا ربع ب75 ليرة وفيها استراحه 10 دقايق في كوفي ولفه مدتها ساعه ب90 ليرة قلنا نبغى الي ب75  والله لايوريكم كيف الريحة نسيت اجيب الكمام الي قالي عليه اخونا النمسا والله عفنننننن الله يعزكم الحنطور طول ماهو ماشي الريحه تهف علينا المهم شفت كوفي عجبببني وقلتله وقف عنده قال لا في كوفي قدام ونزلنا عند كوفي جلساته لا بأس بها لكن الجرسون رفع ضغطنا ماجاب الطلب بسرعه وخلصت العشر الدقايق وجا يجري بكاسات الكوفي   خرجنا من عنده وكملنا الجوله  خلصنا واحنا ماشيين جهة المينا نشوف الناس افواج افواج جاية  هذا الكلام على الساعه 1 الظهر ورحنا ندور عن مسجد نصلي فيه دلونا عليه وكان مو باين انه مسجد والله لايوريكم كيف الحمامات كانت قمه في الاهمال والوساخه تخيلو حمامات النساء عباره عن ممر ضيق جدا والله بدون مبالغه عرضه تقريبا 70 سم والمغاسل صغيره ومنخفضه حقت اطفال غير ان الموية تطفح في الارض قرف مو طبيعي وغير انه حمام واحد فقط للنساء المهم صلينا ورحنا نشتري ايسكريم واشوف طابوووور طويييييييييل على الحناطير قلت الحمدلله ربي فكنا اخذت الايسكريم ب10 ليرة وكان قريب من بوابة الميناء  ماعرفت فين آكله دخلنا البوابة وكشفت وجهي على جنب وأكلته وبالصدفه اسمع كاباتاش كاباتاش وأطالع في الساعه الا هيا الساعه 3 خلصت الايسكريم بسرررعه وطلعنا السفينه واول ماقعدنا مِشْيت قلت يارب لك الحمد والله اني ابغى الفكه من الجزيرة وربي جابني اكل الايسكريم في البوابه وقفت السفينه 3 مرات تقريبا تنزل ناس في الجزر ويوم شفت ياني كابي جا على بالي مقهى بيرلوتي قلت بدل مااستنى السفينة توقف في كاباتاش أروح بالقطار أحسن لأمينونو اصلا زعلانه انه ماكفاني الوقت يوم رحت لميني ترك وماقدرت اروحه طيب نزلنا ميناء ياني كابي وطلعنا القطار ووصلنا سيركجي وناخذ الترام لامينونو وناخذ باص لبيرلوتي يوم وصلنا ونبغى نطلع التلفريك لقينا طابور طوييييييييل جدا جدا واصل لآخر البوابة حقت التلفريك  وكان في واحد معاه باص قالنا انا اوديكم لبيرلوتي بالباص الشخص ب3 ليرة طلعنا معاه بدون تردد وكان معانا عايله سعوديه قلنالهم تعالو بالباص لكن ما رضيو وصلنا بيرلوتي وكان زححححمه ومافي جلسات مطله وبالعافيه اصلا لقينا طاوله مزويه محد يبغاها وكنا ميتين من الجوع  قلنا للجرسون فين المنيو قال مافي منيو طيب ايش عندك أكل قال فطيرة بالبطاطس وفطيرة بالجبنه قام زوجي قاله اوكي قمت سألته مره ثانيه فقالي فطيرة بالبطاطس وفطيرة بالجبنه قلت اوكي والشاي طبعا وشوي الناس الي على جلسه مطله قامو وقبل مايقومو الي جنبهم جلسو على نفس الطاوله  قمنا احنا وجلسنا مكان الي قامو وكانت الاطلاله جزئية  شفت مطل الناس تصور منه  ورحت اصور ورجعت لقيت الجرسون جابلنا بطاطس مقليه وفطيرة بالجبنه قلت لزوجي ايش ذا  قال خلاص مشي حالك المهم ناكل شي نصيحه اللي بيروح للمقهى ياخذ أكل معاه اذا بياكل هناك لان ما عندهم غير البطاطس المقليه وفطيرة بالجبنه وهذي كشكات ذرة وبطاطس في نفس المكان  وجا وقت المغرب قلنا خلينا نمشي احسن <<< ترا العائله السعوديه ال شفتها ماوصلت من الطابور الطويل .gif) ولقيتلي تاكسي يرجعنا للسلطان احمد ب25 ليرة وفي BiTaksi ب22 ليرة طلعنا معاه ورجعنا فندقنا واحنا مهدودين من التعب جلسنا في اللوبي يمكن ساعه وتعشينا من الاكل الي موجود في اللوبي والله جلسة اللوبي تسوى بيرلوتي ويومه والحمدلله رب العالمين نصيحتي طبعا لاتتهورو مثلي وتجمعو المكانين هذي مع بعض لان فعلا كانت بعيده عن بعض بس انا قلت يمكن ماارجع تركيا مره ثانيه فأبغى أشوف المقهى تقيمي لجزيرة الأميرات ومقهى بيرلوتي 1-جزيرة الاميرات ماتستاهل الزيارة ابدا خاصة ايام الحرر ومافي نظافة سواء من الحناطير او من المسجد وغلا في أسعار مطاعم السمك وياكثر ماسمعنا انهم نصابين  2-مقهى بيرلوتي كمان مايستحق الزيارة في اوقات الاجازات لانه حيكون زحمه وماراح تستمتع بالمكان ابدا  تقيمي للفندق جميل جدا جدا واتمنى ارجعله حسيت فيه بالراحه فعلا قريب منه مغسلة ملابس ويقالة والسوق على نفس الشارع وخلف السلطان احمد بالضبط وغير النظافة وبشاشة الاستقبال والخدمة عيوبه ضيق الشارع الي عليه الفندق ومايجيك التاكسي الا اذا طلبته بالبرنامج BiTaksi عدم وجود مصعد والفطور في الدور الرابع والدرج ضيق وعلى شكل دائري (حيكون متعب للي معه أطفال) |
|
|
|
|
08-20-2018, 07:58 AM
|
#14 | |
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
22 سبتمبر اليوم هذا خصصناه للمستشفيات وماراح اذكر شي بناء على قرارات ادارة المنتدى لها كل الاحترام والتقدير لكن حابه اذكرلكم اني رحت لايسكريم ماغنوم في شارع بغداد وهذا موقعه https://www.here.com/turkey/istanbul...0752,16,normal   وهذا داخل المحل راسمين الشكل هذا بأعواد الآيسكريم  اول مادخلنا المحل قالولنا حاسبوا اول وبعدين تختار نوع الايسكريم كان الايسكريم الواحد ب7 ليره بعد كذا تختار 3 انواع من المكسرات كانت الخيارات كثيرة وتحير   يجمعو المكسرات الي اخترتها بكاسه وبعد كذا يغمسو ايسكريم الفانيليا بالشوكولاته (شوكولاته سوده او شوكولاته بالحليب او فانيليا)  بعد كذا يرشوا المكسرات عليها من الجهتين  وبعدها يصبو عليها شوكولاته على شكل خطوط  كان طعمو لذيذ الصراحه وهذا ايسكريمي  رجعنا الفندق ع الساعه 8 العشا طلبت تاكسي عن طريق البرنامج وجاني بعد 10 دقايق تقريبا رحنا لاخر فندق في الرحله ديلوكس قولدن هورن السلطان أحمد كان المشوار ب15 ليره وصلنا الفندق وكان استقبالهم سيء  كان قبلي ع الرسبشن رجال ومرته وطفًّشوا الموظف من كثر طلباتهم ولما جا دوري يتأفف في وجهي والعامل الي يشيل الشنط لكيع ودمه ثقيل مو راضي يشيل الشنط الين قلتله متى حتشيلها .gif) ولما طلعنا كانت مو نفس الغرفه الي تمنيتها  كان ودي بوحده زي هذي هذه الصورة تم تصغيرها . الحجم الافتراضي لها هو 840x460. والي كانت من نصيبي هذي هذه الصورة تم تصغيرها . الحجم الافتراضي لها هو 840x460. بعدين سألت العامل الي طلع معانا قلتله هذي مو ديلوكس  قال ايوه سوبريور لكن مع بلكونه قلتله انا ابغى ديلوكس وياريت ديلوكس مع بلكونه  صار يقولي فين البلكونه شوفي في ورقة الحجز في بلكونه .gif) يقولها باستهزاء بعدين قالي تعالي اوريك الديلوكس قام وراني غرفه صغيره جدا وقالي هذي دلوكس .gif) تبغيها ولا تبغي السوبريور قلت خلاص ابغى غرفتي الي رغبني فيها البلكونه كانت تغيير عن كل الفنادق الي سكنتها  وهذا المطل   وهذا التلفون عجبني شكله  بس مره ماعجبتني اخلاق العامل مره اخلاقه سيئه ومتنرفز حتى عشان زعلت من معاملتهم مالي نفس اصور الغرفه ونزل زوجي يجيبلنا سندوشتات شاورما كان الواحد ب9 ليرة بس يشبع ونزلت علينا شويت مطره طيبت خاطري شوي والحمدلله على كل حال تقييمي لايسكريم ماغنوم يستاهل تكرار الزيارة اذا كنت قريبه من المكان فقط لاغير  |
|
|
|
|
08-20-2018, 08:01 AM
|
#15 | |
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
23 سبتمبر فطرنا ع الساعه 8 الصباح وكان فطورهم اكثر من رائع    فطور متعووووووووب عليه والإطلالة جدا جميلة تعبت وقتها من التصوير   والتراس واسع وكبير فعلا كان أفضل الفنادق الي زرتها من ناحية الفطور والإطلالة   والمشكلة كيف أكل من كل شي أكيد حتمتلي بطني بسرعه قررت إني استغنى عن الخبز وآكل بالملعقة  واليوم كان مخططنا إكواريوم وحديقة فلوريا وأنا عارفة ان في باص خاص للأكواريوم لكن محد عارف مكانه  وكانو يدلوني على باصات أمينونوورحت على امينونو وقفت شوي عند هذا المكان حسيت اني ماني قادره اشبع من شوفة البسفور والاجواء الجميلة   وهذي خليتها خلفية لجوالي مررره حبيت الصورة  وصلت لمحطة الباصات في امينونو وقلتلهم على الاكواريوم قالو روحو لباص الاكواريوم تلقوه في سيركجي الله المستعان  مشينا على سيركجي إلين شفت شرطية سألتها عن الباص وقالتلي طولي كمان حتلقيه مرينا من عند حلويات حافظ مصطفى زوجي الي شافه ولا انا عيوني في الجوال وأفتح الصورة عشان أشوف وقت الباص متى يغادر من سيركجي  وأسمع زوجي يناديني بأعلى صوته صقررررره صقررررره  وألتفت والا الترام تقريبا بيني وبينه 3 م  كنت في نص الطريق واقفه وأنا ماني داريه مشغولة بالجوال وصوت البوري حق الترام كنت اسمعه بس مررره ماني منتبهه يالله الحمدلله ربي مقدر اني اعيش عشان اكتبلكم التقرير المهم يوم مشي الترام من قدامي اشوف باص الاكواريوم ماشي طليت في الوقت كان باقي 5 دقايق بس يمكن امتلا الباص بسرعه يالله لعله خير وجلسنا في اقرب محطه للباصات يمكن 5 دقايق وشوي أشوف BN2 وطلعنا معاه ووصلنا قريب من الاكواريوم كان المشوار مدته 25 دقيقه وهذا النافورة من الطريق ع الاكواريوم   وهذا مدخل الاكواريوم  كانت تذكرة الدخول لشخصين 82 ليرة     وكان في لعبة في الداخل كلها مرايات ب7 ليرة ضحكتنا شوي ودوختنا  كملنا الجولة هذا سمك القرش والسلحفاة من غير يدين   وهذا السمكة ضخمه جدا لكن في الصورة باين صغيرة عيونها كانت تخوف  ومرينا ع المطل  وقناة السويس وقسم الثلج هذا ثلج حقيقي والكل كان يلمسه عشان يتأكد وكان فيه فتحات صغيرة دخلت اصابعي فيها كلها خخخ  واستمتعنا بالجلوس في هذا المكان  وهذا القسم عبارة عن سفينة قديمة ومصدية   والأمازون الي كنت متلهفة على شوفته اجواء استوائية جميلة ذكرتني بماليزيا    اخذنا كوفي وحلا وصورت الي جابتلي الكوفي وزوجي كان يضحك علي ايش اسوي عجبتني وابغى اصورها ههه وكملنا طريقنا الين انتهينا من الاكواريوم ومرينا على مكان التسوق قبل الخروج واشتريت منه ميداليات واكسسوارات وتحف مرره مرره حبيت اشياءهم يمكن لانها اشياء بحرية كان الحساب 450 ليرة كانو يخدمونا وودهم يشيلونا في عيونهم حسيت ان ماحد تهور واشترا منهم زيي اليوم هذا كانت نفسيتي حلوه عشان الاجواء مغيمه خرجنا من الاكواريوم واخذنا تاكسي قلناله نبغى حديقة فلوريا (مع العلم ان الحديقه قريبه من الاكواريوم بس احنا استصعبنا الموضوع مع الاكياس الي معانا) قال انتو تسوقتو قلتله لا قال طيب كويس حاوديكم البازار قلتله ماابغى البازار ابغى الحديقة  قال انزلو هنا وهاتو الحساب شي يقهر تكاسي اسطنبول اذا المكان الي تبغاه قريب يحاولو يطولو المشوار عشان يزيد المبلغ  مشينا الين وصلنا الحديقة  كانت حديقة جميله ومريحة وتشرح الصدر   مع الاجواء الجميلة الواحد له خلق انه يتفنن في الصورة     وفيها مكان يلعبوا فيه الاطفال بالدراجات وفيها مشتل وألعاب للأطفال (لاحظوا في سيارة صفرا في الصورة كانوا العمال يركبوا أعمدة الانارة البيضا آخر اهتمام الله يوفقهم)   جلس زوجي يلعب ولدي وانا رحت لحالي أتجول في الحديقة <<< أول مره ابعد عن زوجي شفت البحر ونسيت نفسي صرت أمشي وأصور   وشفت عرسان يتصورو شفت مطعم اسعاره رخيصة ومناسبة وجلساته جميلة    بس ماكنا جيعانين وقتها  بصراحه انبسطت من الحديقة كنت شايلة هم واقول يمكنها مرتفعه بس الحمدلله بس والله لما نزلت جهة البحر كان درج ومافي مكان للعربيات يمكن في نزلة ثانيه وانا ماشفتها وهذي الصورة وانا خارجة من الحديقة   ومشينا الين البازار القريب من الحديقة ولقينا محطة للباصات  انتظرنا فيها الين شفنا الباص طلعنا معاه ووصلنا الى امينونو واخذنا الترام من امينونو الى السلطان احمد رحنا ع الفندق حطينا الاغراض وصلينا ونزلنا ثاني جلسنا في اللوبي وهذي كانت ضيافتهم ولمدة ساعة وحدة من 4 العصر الى 5  قالي زوجي ابغى ساندوتش السمك قلتله وانا ودي في الكومبير قال خلاص ناكل كومبير وانا عارفه ان الكومبير يتباع في أورتاكوي اخذنا الترام من السلطان أحمد إلى كاباتاش واتجهنا جنوب لقينا واحد يبيع ساندوتش السمك قال زوجي ربي جابني له  طلب لكن انا مصره على رأيي  رجعنا طريقنا الين وصلنا لجامع دولما بهجه وكنت افكره جامع اورتاكوي وربي ماقدر اني افتح برنامج Trafi واشوف فين أورتاكوي هذي  شفت واحد يبيع ذره قلتله فين الكومبير ووريته صورته قال طولو 200 م وحتلقوه صرنا نتجه شمال وصلنا دولما بهجه وتعديناه وكل ماكلمنا واحد قال امشوا 200 متر اخ ياربي تعبنا من المشي نصيحه: اذا قالك التركي امشي 200 م خذ باص احسنلك اخر واحد الله يجزاه بالخير قال خذوا باص جيت باقوله انت فينك من زمان هههه وصلنا اورتاكوي ع الساعه 8 تقريبا لا يفوتكم كنت افكر اورتاكوي بشكتاش ههههه ضحكني زوجي قلتله هما يقولو في اورتاكوي عند المسجد الي كنا عنده وطلع انه بعيد عنه قالي هم شكلهم عندهم 600 مسجد زي بعض وفعلا طلع كلامه صحيح شوفوا جامع دولما بهجه  وهذا جامع أورتاكوي  يالله الحمدلله على كل حال اهم شي عندي زوجي ماكان مبين عليه انه متضايق ربي يخليه لي ومريت على بازار ولا هو سوق المهم من التعب مافيا اقولها الاسورة بكم اهم شي اوريهم صورة الكومبير ودلوني عليه وشفت اول محل يبيع الكومبير وسألته بكم قالي ب15 ليرة وبعدين اتضحلي ان كل المحلات نفس السعر وقلتله تسمحلي اصورك  انبسط وصار يكثرلي من كل شي والله يستاهل ال15  بعد ماجلسنا زوجي سألني سؤال وجيه قالي بالله لو جينا بعد كذا تركيا حتتعني للأكله هذي مره ثانيه هههه الرجال شكلو كره نفسه من المشي ولا انا اعرفه يحب البطاطس رجعنا بالباص الى كباتاش لاحظت ان الطريق مره زحمه من اورتاكوي الى كابتاش اخذنا الترام من كاباتاش الى سيركجي وكان حافظ مصطفى على نفس محطة الترام اشترينا منه كان الكيلو ب65 ليرة واخذتلي كنافة مع اني شبعانه بس كنت ابغى اذوقها كانت ب12 ليرة على مااعتقد خرجنا من عنده واشترينا شنطة للاغراض الي اشتريناها ب50 ليرة من المحلات الي قبال حافظ مصطفى  رجعنا الفندق ورتبت الاغراض في الشنطه الجديده ورتبت الشنط استعدادا لمغادرة اسطنبول وقعدنا في البلكونه شوي اكلت الكنافه لكن بردت وصارت جامده للاسف بس خلصتها خخخ على فكره زوجي كان متضايق من سانوتش السمك لليوم الثاني  تقيمي لاكواريم وحديقة فلوريا الاكواريوم يستحق الزيارة لمره واحده فقط والحديقة تستاهل تكرار الزيارة تقيمي للفندق فندق فخم وطرازه كلاسيكي وفطورهم اكثر من رائع واطلالة الفطور جميلة جدا وقريب من الترام كان الفندق الوحيد الي قالي زوجي ممكن نسكن فيه مره ثانيه لكن انا وقفت نفسي عنه من معاملتهم عيوبه المعامله السيئة فقط يمكن يكونو مع غيري افضل الله اعلم الحمدلله بقي اخر يوم<< يوم السفر حيكون خفيف بإذن الله |
|
|
|
|
08-20-2018, 08:09 AM
|
#16 | |
|
رد: رحلتي لشهر سبتمبر 2015 للشمال التركي واسطنبول 14 ليلة بالتفصييييل
24 سبتمبر ( يوم عيد الأضحى المبارك) صحينا بدري عشان صلاة العيد والحمدلله كان موعد الرحله متأخر شوي ع الساعه 2 الظهر مشينا للمسجد الازرق الساعه 7 الصباح ِ في البداية كان لسا مافي زحمه بعدين والله امتلا المسجد وكان في تفتيش على البوابات حتى عربية ولدي فتشوها جلست في الساحه وكان لسا العمال يفرشو عشان الناس تصلي  وكان الامام يخطب خطبة العيد انتظرت نص ساعه وبعدها ارسلت لزوجي رساله ع الجوال (انا طالعه من نفس البوابة الي دخلنا منها) لان انا الي اعرفه ان أول صلاة العيد وبعدين الخطبه حتى استغفر الله فتحت النت اتأكد وقت الخطبه .gif) ولما خلاص كنت حامشي الا بدت الصلاة طبعا بدأ الامام التكبيرات في البداية وبعدين سورة الفاتحه في الركعه الثانية قرا الفاتحه وسورة صغيرة وبعدين بدأ التكبيرات حسيت انه كان ناسيها هههه الي ضحكني ان كل ماكبر الي جنبي كانت مع كل تكبيرة تبغى تركع والله جابتلي الضحك في الصلاه وبس حبيت اذكرلكم طريقتهم في الصلاه عشان ماتتفاجؤا ورجعنا ع الفندق ع الساعه 8 ونفطر أحلا فطور الفطور كان متغير عن أمس  بس طبعا ماقدرت أحلي حمدت ربي ان الرحله موعدها الساعه 2 عشان آكل وأنا مرتاحه خلصنا وأخذنا الشنط وعملنا تشك أوت  وعلى أقرب تاكسي طبعا طلبت التاكسي ببرنامج باي تاكسي وشفت أنه حيتأخر وشفت في وجهي تاكسي قلتله مطار صبيحه قال ب140 قلتله 120 قال ok قلتله كله المجموع 120 لاتقولي بعدين حق الجسر قال OK OK أدب  والمسكين الي طلبته بالبرنامج اتصل علي وقال انتي طلبتي انك تروحي مطار صبيحه لاتروحي مع أحد ثاني قلتله انا خلاص مشيت أنا اسفه قال لا استنيني .gif) والله قلبي عورني بس كان بعيد عن الفندق واتصل اكثر من مره وقفلت الجوال وصلنا المطار وشحنا العفش ويدينا على قلوبنا لان الشنطه الي اشتريناها وحطينا فيها اغراضنا كان وزنها 8 كيلو والمسموح في الطيارة 7 كيلو وجينا بنخليها تنشحن مع الشنط قالو لكل مسافر شنطة وحده فقط .gif) لكن الحمدلله مادققو ومشيت الامور بالتساهيل صرت كل مااسمعها اتذكر لحظات الوداع بصراحه ماتمنيت انها تنتهي حبيت تركيا وأهلها حبيت بحرها وحرها <<< حتى الحر حبيته جميله تركيا ياناس وخاصة اسطنبول مع اني لما رحت ماليزيا ماحبيت كوالالمبور وتوقعت اسطنبول زيها واني حااحب الشمال أكثر طلع العكس حسيت ان اسطنبول فيها سحر من بعد مارجعت منها الى الان وانا افكر متى احجزلها ثاني << موجووووع قلبي معليش انا سمعت كثير يذموا في اخلاق الاسطنبوليين والله اخلاقهم جميله جدا جدا من المواقف الي صارتلي في اسطنبول كثير مرات احتاج احد يساعدني في عربية ولدي يشيلها لي او ينزلها من الدرج ويكون زوجي بعيد شوي عني والله كانوا مايقصروا معاي وحقون الامن الي ع المترو والترام كانوا قمه قمه في الاخلاق والله فكرت ماحد حيطل في وجهي لاني متنقبه وطلع ان العكس كانو يوجهوني للمكان الي ابغاه بكل رحابة صدر وسواقين الباصات كنت من برا الباص أأشر للسواق يفتحلي الباب يفتح ويسمع سؤالي ويدلني ع الباص الي أطلعه ولا يصد عني ولا يتنرفز أو تحس انه متضايق أبدا أبدا تخيلو معايا وأبغاكم تحكموا على هذا الموقف بنفسكم .gif) مره كنا حنطلع الترام وحطيت البطاقة لزوجي ودخل ولما جيت احط البطاقة لنفسي لقيتها انتهت والكلام هذا قدام الامن قام واحد تبرعلي وحطلي بطاقته عشان أمشي والله أكبرت الموقف هذا منه وحبيت اسطنبول أكثر وأكثر وفي فيالاند شفنا واحد يبيع ايسكريم واشترا زوجي منه وكان يسويله حركات قبل مايعطيه الايسكريم وجا دوري اخذ ايسكريمي قلتله بالعربي ماابغى حركات قال مافي حركات قالها بالعربي !!ولما جا يعطيني سوا حركه وفجعني فيها وطبعا صرخت لا إراديا وقعدوا يضحكوا علي بس هما سواقين التكاسي الي شوهو سمعة اسطنبول وخاصة تكاسي تقسيم الله يهديهم مع ذلك نحبها وندعي الله ان يحفظ عليها أمنها وأمانها ويطول في عمر رجب طيب أردوغان ويرزقه البطانة الصالحه يارب نجي لتكلفة السفر بالتفصيل تذاكر دولية 2782 ريال تذاكر داخلية 1123 ريال فيزا 675 ريال الفنادق (جميع الفنادق سواء التي تم حجزها مباشرة من الفندق أو عن طريق بوكينق) 7473 ريال إيجار السيارة 1408 ريال (شامل مع التأمين الي انخصم) نجي للمواصلات المواصلات العامه كلفتنا (كلفتنا 90 ليرة لكرت اسطنبول و56 ليرة تكلفة باص هافاتاش) يعني 193 ريال تكاسي للمطار مره 115 ليره ومره 120ليره يعني 310 ريال تكاسي داخل اسطنبول 350 ريال أما بالنسبة لمصاريف الاكل والشرب وتذاكر الاماكن السياحية وشرايح الجوال والبخشيش ...الخ فكانت 2886 ريال بكذا يصير مجموع ماتم صرفه في تركيا 17200 ريال وفي الختام أشكركم من أعماق قلبي على تعليقاتكم الي كانت تسعدني واشوفها وانا في الدوام واتبسم فعلا حسيت بقيمة التعليق لصاحب التقرير خاصة لما تكون المتابعة مستمرة بعد كل جزء أنزله لان فعلا مشغوله جدا بحكم الدوام وشغل البيت (ماعندي شغاله) ومذاكره للعيال تخيلوا في أيام كنت أقوم الساعه 3 الفجر الى الساعه 5 عشان انزل جزء من الاجزاء ومره كتبته من بعد الفجر الى قبل مااخرج للدوام بس والله كانت أحلى أيام الله يحلي أيامكم ويسعدكم ويجزاكم بالجنه يارب بس حاطلب منكم طلب تدعولي في ظهر الغيب ربي ييسرلي وأكمل الماجستير أمنية حياتي والحمدلله رب العالمين والصلاة والسلام على سيدنا محمد وعلى آله وصحبه أجمعين  |
|
|
|
|
| مواقع النشر (المفضلة) |
| الكلمات الدليلية (Tags) |
| 14, 2015, للشمال, ليلة, أشهر, التركي, بالتفصييييل, رحلتي, سبتمبر, واسطنبول |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تقرير عن رحلتي لتايلند وماليزيا ديسمبر 2015 وذلك لــ 16 ليلة | السعيد | رِيَاض إبْنُ بَطُوطَة لِسْيَاحَة والسَفَر | 10 | 09-04-2018 09:41 AM |
| رحلة ماجد القطري من انقرة الى الشمال التركي 2015 | السعيد | رِيَاض إبْنُ بَطُوطَة لِسْيَاحَة والسَفَر | 10 | 08-20-2018 03:25 PM |
| رحلتي العائلية 18 ليلة صيف 2015 من 16 يوليو إلى 3 أغسطس | السعيد | رِيَاض إبْنُ بَطُوطَة لِسْيَاحَة والسَفَر | 26 | 05-31-2018 07:28 PM |
| تقريري عن بوكيت الساحره سبتمبر 2015 | السعيد | رِيَاض إبْنُ بَطُوطَة لِسْيَاحَة والسَفَر | 7 | 04-27-2018 04:21 PM |
| ملاحظات ماليزيه من رحلتي سبتمبر 2015 | السعيد | رِيَاض إبْنُ بَطُوطَة لِسْيَاحَة والسَفَر | 0 | 12-12-2017 04:47 PM |
