صفحآت من حياتي فِ اسطنبول .. يناير 2015

قالوا :

رحلة الى الخارج تساوي قراءة كتاب
"مصطفى أمين"
**

كانت أول مرة لي في تركيا .. وبإذن الله راح تتكر

فكانت الرحلة سبع ايام " 6 ليالي" في اسطنبول ومنها يوم لـ بورصا

من 10 يناير 2015 إلى 16 يناير 2015

الطيران كان على السعودية

جده-اسطنبول-جدة
*ترانزيت في الذهاب في المدينة المنورة 4 ساعات

بـ1350 ريال للشخص*2=2700 ريال

فضلت تكون الاقامة في فندق واحد

وكانت في السلطان احمد في فندق مينال

من باب الفندق الى باب حديقة جولهانة 30 ثانية

ولـ محطة الترام دقيقتين تقريبا او ثلاثة موقعو ممتاز جدا بالنسبة لي

الفندق اقتصادي لكن للأمانة نظيف جداا والفطور متواضع لكن يفي بالغرض

والاستقبال حبوبين وخدومين جداا وهذا رابطه في بوكينج

الفندق بـ 200 ريال*6=1200

قبل السفر بـ اسبوع شيكت على الاسعار

حصلتو بـ150*6=900

كنسلت الأول وحجزت جديد

فكرة السفر :

بعد نهاية اي ترم بالنسسبالي لازم فترة نقاهة عشان نصفي المخ والمخيخ

ونرجع للدراسة بكل نشاطنا

فقلنا نروح المدينة وينبع نقعد اسبوع

حسبتها طلعت حتكلفني 5000

شيكت على اسعار طيران + فنادق اسطنبول حسيت انها قريبة

قلنا دام انو الفرق بسيط ازيد شويا ونشوف حاجا جديدة

والحمدلله كلو اتيسرر ومشية الأمور

--

بتكلم أول شي عن الفندق وبعدين أبدأ باليوميات ان شاء الله

فندق مينال

من باب الفندق الى باب حديقة جولهانة 30 ثانية

ولـ محطة الترام دقيقتين تقريبا او ثلاثة موقعو ممتاز جدا بالنسبة لي

الفندق اقتصادي لكن للأمانة نظيف جداا والفطور متواضع لكن يفي بالغرض

والاستقبال حبوبين وخدومين جداا وهذا رابطه في بوكينج

اخذت الليلة بـ150 ريال

أول ماوصلت اعطاني الغرفة الثلاثية ممكن لان مدتي 6 ليالي مادري

وكان الفطور الساعة 8 الى 10 + الشاي والقهوة على طول

*الايجابيات
1-الموقع
2-اقتصادي
3-نظيف + الاثاث جديد + الفرش جديد
4-الطاقم خدووم جدا

*السلبيات
1-لايوجد مصعد
2-الدرج ضيق نوعا ما
3-العزل بين الغرف مو مرة

توضيح العنوان على الخريطة



زوووم


وهنا وصف بالصور -الفندق الأزرق والأبيض وفي الاخير مطعم مونتانا كافيه-


وهنا مونتانا كافيه مع جدار الحديقة وباينة المسافة ان شالله


شوفو الغرفة







دورة المياه وانتم بكرامه - الشطاف داخلي

باتكلم الصرف:
حولت تقريبا 3600 ريال إلى 2180 ليرة
بمعدل 1 ليرة = 1.65 ريال
- الفندق 550 ليرة تقريبا
وحولت كمان 562.5 ريال إلى 150 دولار
اخر يوم سحبت من الصرافة 400 ليرة

(معدل الصرف في اليوم 250 ليرة تقريبا)


اليوم الأول - الجزء الأول -

كانت الرحلة يوم 10 يناير الساعة 6 الصباح

وليلة السفر لازم يجيني قلق واروح مواصل

وصلت المطار الساعة 2 خلصنا الاجراءات

قعدنا على جوالاتنا شوية الين الادان صلينا وطلعنا الطيارة على المدينة

ترانزيت 4 ساعات - مطار المدينة صغير وبسيط وجميل واحلى شي فيه "واي فاي"



فطرنا في كافتريا المطار وجلسنا نستنى



الفضاوة وعمايلها



وطارت طيارتنا الساعة 12 ظهرا

مادري احنا فين بس المنظر حلو


ووصلنا اسطنبول الساعة 3 ونص تقريبا


وكويس كاونتر الفيزا كان فاضي

اخذنا الفيزا بـ60 دولار للجواز الواحد*2=120 دولار

رحنا لكاونترات التسجيل مليان ناس لكن الطابور يمشي بسرعة

اخذنا شنطتنا ونزلت على البيدروم رايحين بالمترو

طبعا لو معاك اكثر من شنطة صعب وما ينفع

نزلت تحت حطيت 20 ليرة واخذت 4 كوينزات

الواحد بـ4 ليرة رجعتلي ليرتين طبعا كل تغير محطة بكوينز

تقريبا اخذ مننا ساعة الى 45 دقيقة

1- مترو- محطة المطار إلى محطة زيتون برونو

2- الترام- محطة زيتون برونو إلى محطة جولهانة



الخريطة كاملة ومفيييدة جدا

هذي في محطة زيتون برونو بنستنى الترام

والأجواء ولا احلى بررررد بس جميل




اليوم الأول -الجزء الثاني-

نزلنا في محطة جولهانة ومشغل الخريطة وبحاول اوصل للفندق في البداية

رحت الجهة الثاني خليت الحديقة على يميني ومشيت وصلت شارع حسيت مافي تطابق في الخريطة

قلت اكيد الشارع الي ورا خليت الحديقة على يساري ومشيت على الخريطة ووصلت (:

وهذي صورة لمن كنت غلطان بعد محطة جولهانة وفي كشك يبيع اسطنبول كارت



طلعنا الغرفة قعدنا شويا صلينا صلواتنا

ونزلنا على ايا صوفيا والمسجد الازرق اخذنالنا صورتين



وهنا المسجد الازرق



ونحنا نازلين على جهة الحديقة في مطاعم على اليمين وعلى اليسار وقفنا عند مطعم بدور صورة المحل اتذكر صورتها بعدها بيوم

طلبنا
اسكندر دجاج + شاورما دجاج + 2 عصير برتقال فرش
الحساب 50 ليرة





وبعدها اخذنا لفة في حديقة جولهانة

مشينا شويا فيها وقلنا نجيها النهار احسن



هذا مكان استقبال المواكب-تابع لقصر توبكابي-


ورجعنا ونمنا (=

اليوم الثاني -الجزء الأول-

صحينا الصباح تقريبا الساعة 7

عامل بيفطر


قعدنا في الغرفة الين 8

نزلنا فطرنا وعلى طول طلعنا

على جهة السلطان احمد


الجو بارد بسس الشمس بتدفي


دخلنا الياربيتان*اسمها صعب* مقابل ايا صوفيا
الدخول بـ20 ليرة للشخص اخدنا فيها حق تلت ساعة ممكن









خرجنا ورحنا على ايا صوفيا

الدخول 30 ليرة للشخص قعدنا تقريبا ساعة وعليها

كان فيها ترميم للمتحف



الاثار الرومانية في ساحة ايا صوفيا


















طلعنا الدور الثاني






معروضات للبيع شكلها مررا غالية شفت ارقام كثيير




قبل مانخرج هذي قاعدة تتدلع


خرجنا ورحنا على حديقة السلطان احمد

المكان حلوو ويفتح النفسس



عربة الذرة




من فناء مسجد السلطان احمد


ولحقنا نصلي الظهر في المسجد






هذا الاخ مبطوح في نص الطريق



وهذي المسلة الفرعوني والعامود الروماني







هذي السلسلة وضعوها العثمانيون

عشان لمن يجي السلطان المسجد على حصانو

ينحني خضوعا واذلالا لله







وبعدها رجعنا على الفندق نرتاح شويتين ..

اليوم الثاني -الجزء الثاني-

قبل ما ابدأ هذا المطعم الي اتعشينا فيه اليوم الأول

-اسكندر دجاج + شاورما دجاج + 2 برتقال فرش = 50 ليرة


بعد ماريحنا شويا في الغرفة
كنا المفروض نروح توبكابي سراي
بس خال زوجتي كان في اسطنبول
وقلنا نتقابل في اليوم الفلاني وكدا
فقلت خلي توبكابي يوم تاني بما انو جنبنا
ورحنا على دولما بهشة قبل العصر

وردة حلوة


ركبنا الترام من محطة جولهانة ألين اخر محطة كباتاش


ساعة القصر


بوابة القصر


الدخول كان بـ30 ليرة للشخص (بدون قسم الحريم)



حديقة القصر




ووقفنا في الطابور

وانتظرنا ممكن 10 دقايق

ودخلنا والمرشد يشرح انجليزي

المكان حلوو بتشوف اثاثهم واشيائهم







وقعدنا تقريبا ساعة

وهذا أول ماخرجنا



نوارس عاملين بطة






هنا واحنا خارجين



عجبني التمثال دا


المهم بعدها رايحين على اورتاكوي

صاحبكم عامل فاهم وقلت المكان قريب

خلينا نروح مشي مشينا حق نص ساعة

واكلت على راسي شويا

الين وصلنا المتحف العسكري اعتقد



عندو في محطة باصات ركبنا باص على اورتاكوي

وكان زحممممممممة

كويس لحقنا الغروب



والمنطقة مرررا رووعة

المكان خورافي الصراحة

وهذي كم لقطة















وجلسنا في كافي من الكافيهات الي هناك

وجربنا الكومبير واخذت شاهي تركي و زوجتي اخدت فانتا

اعتقد الحساب كان 20 وشي ليرة








والجو بدأ يبررررد والبسفور بدأ يهيج ويرش الناس







وغابت الشمس الي معد شفناها الين مارحنا

واشترينا سحلب من عند النزلة حقت اورتكاوي

وكان اطعم سحلب دقتو في اسطنبول

ورجعنا بالباص على كباتاش

ومن كباتاش على سيركيجي بالترام

اشترينا شاورما من محل لونو احمر عليه زحمة اتراك

ماصورت معليش

ورجعنا ونمنا

تصبحو على خير

اليوم الثالث ..
صحينا على صوت المطر الي استمر فوق 14 ساعة ^^
فطرنا والمطر في البداية كان حلوو ومعانا مضلاتنا
لكن بداية المصيبة انو ما كانت عندنا ابوات
كنا جايين بـ شوزات اديداس اتبلنا والموية باردة الجووو بارددد
المهم ركبنا الترام ونزلنا محطة توبكابي
رحنا على بانوراما فتح القسطنطينية
المكان روووووعةةة وضروري الناس تزورو
الدخول اعتقد كان بـ10 ليرة للشخص
والقايد الصوتي بـ 5 ليرة
في البداية تعريف بالدولة البيزنطية و بعدها بالدولة العثمانية
وكيف فتحت القسطنطينية معلومات مفيدةة جدا
هذي صور من الممرات


ودي صورة تقريبية للفاتح


وهنا بعد ماوصلنا للقبة
ويقولو انو هذي المدافع حقيقية وهي باقية من ايام الفتح
وحتى السيوف والرماح والدروع بس مادري والله اذا صح او لا
اتفرجو ..














بعد مانزلنا من القبة

في بانورما مصغرة



بعدين خرجنا الجو باررد والدخان يطلع من الفمم > يعني مرا برررد

البانوراما من برا




المهم في محطة باصات كنا بنروح على مينيا ترك

لكن ماعرفت فين مكانها واحد عربي مقيم في اسطنبول لمن سالتو فين المحطة

*مسوين رعب للمدام*


وصفلي مكان لباصات الدلموش الصغيرة بعيييد وطلع المكان غلط المهم رجعنا على الفندق بالترام

وريحنا ممكن ساعة او ساعتين ونزلنا العصر على توبكابي ساراي



الفندق من الشارع العام من عند باب حديقة جولهانة


خرجنا 4 على توبكابي

الا فجأة حسينا حاجة بتنزل

نركز الا و الثلج بينزل احساس جمييل







وصلنا القصر وقصينا التذاكر بـ30 ليرة الشخص



صورة لمجسم القصر لتعرف فين تروح

الثلجج


يقولو هذا سرير مشاءالله مررا صغير





وزرنا الاشياء المقدسة فيها شعرة الرسول و مقتنيات الصحابة والسلاطين

هنا مطل القصر على البسفور





وهنا خارجين


رجعنا الفندق قعدنا الى الليل زوجتي بردت مرااا

والشوز يتبلبل ويبررررد ويبرررد الرجل مع قوة البرد الرجل تتخدر

خرجنا تقريبا بعد المغرب

ورحنا على منطقة ايوب المنطقة حلوة وحتكون احلى لو العصرية

والمطاعم رخيصة هناك وحتى المحلات

طلعنا التلفريك طبعا حتعدي من جنب المقابر وتتخيل خيالات هههه

انا معتبر الترايبود سلاحي

اهديكم الصور العزيزة عليا







وبعدها نزلنا تحت واشترينا عشانا من المطاعم الي تحت

واشتريت جاكيت ما اذكر بكم اعتقد في حدود 100 ليرة

وهنا سرلنا فلمم

شفت باص مكتوب عليه امينيو

طلعنا فيه طلع خط سيرو من امينيو الى *&%*& مكان مجهول محطة باصات بس اشوا انها قريبة

ركبنا باص ثاني على امينيو ورجعنا الفندق اتعشينا ونمنا

..

اليوم الرابع ..
فطرنا وطلعنا تقريبا على الساعة 8 ونص
وركبنا الترام وعلى محطة كاركوي ( برج غلاطا )
وفي مشي مسافة بسيطة بس المشكلة انها طلوع
ومتعبة للكبار والاطفال



شوفو الطلعة الطويلة



البرج



اخذنا التذاكر اعتقد ب20

لوح تحكم المصعد شكلو على البرج



بعدين تطلع درج خفيف



بعدها تشوف اسطنبول كلها





مسجد السلطان احمد


خليج القرن




زوجتي انتحارية


مطاعم جميلة تقدم الفطور


البسفورر ^^




مطعم البرج


السلطان احمد


نزلنا وهذا المحل قدام المخرج
اسعاره حلوة للهدايا


ركبنا الترام وعلى امينيو


وركبنا باص ناسي رقمو
وعلى مينيا ترك


الدخول بـ10 ليرة والقايد الصوتي مجانا
ما راح اتكلم فيها كثير الشباب ماقصرو فيها

عبارة عن اهم معالم تركيا وفي قليل من خارج تركيا

المدخل


الحديقة من فوق


مسجد


قرية


تلفريك بورصا *ترا يمشي*


قرية ف جبل


شكل اول سفينة حربية عثمانية


قصر دولما بهشة


قصر




بعدها خرجنا وكانت الساعة 11 ونص وكانت في عبارة تجي الساعة 12 لها اوقات محددة عند المخرج يقولولك

تودي لـ كباتاش بـ 5 ليرة للشخص منو نشوف خليج القرن ومنو نوصل لكباتاش

هذا ميناء العبارة



صور من الخليج







اللووون يبكي




رجعنا ريحنا شويا في الفندق

طلعنا المغرب رحنا على تقسيم

اخذنا دوره فيه مانسبني نهائيا

كميية شحاتين بشكل مو معقول

غير كذا زحممممة على ايش مادري





وبعدها رجعنا على سيركيجي

واتعشينا هناك شاورما و اسكندر (:

مالقيت صور

ورجعنا نمنا (:

اليوم الخامس
زوجتي ماصحيت بدري
سهرت على فلم صحيت 11 الا ربع
كنا بنروح جزيرة الاميرات
رحلة العبارة كانت 11 و45
في الشتاء تقل الرحلات اعتقد كل 3 ساعات رحلة
المهم اسال قبل ماتروح بيوم عن اوقات الرحلات بالذات ف الشتاء
انا حبكت ف راسي الا اشرب شاهي
في الفندق في الجلسات الي برا





وبعدين مشينا على كباتاش

اول ماوصلنا عند البوابة العبارة راحت

اكلنا حاجة خفيفة في مطعم البلدية

ورجعنا المدام قالت دام مافي جزيرة الاميرات خلاص برجع انام ساعة كمان ما شبعت نوم

نزلنا تقريبا 3

ورحنا على جولهانة





واحلى شي الشمسس موجودة









المشي طويل شوية

الكبار حيتعبو فيه

هنا بداية البسفور





مشاءالله الخيول ذي طولها مترين







باب على قصر توبكابي من حديقة جولهانة









صراحة المكان لا يمل

نمشي شويا ونجلس شويا والجو ممتاز



وبعدها كنا على موعد مع خال زوجتي

هوا من رواد اسطنبول

ويستاجر سيارة ويسكن بعيد عن المعالم

وحافظ اسطنبول مشاءالله

لا جارمن ولا حاجة

اتغدشينا -وجبة ف العصر-

في مطعم في منطقة فندك زادا

المطعم مشاءالله ممتااازز واسعاره ممتازة

ماصورت ماينفع معزوم تعرفو كيف

ومافيلو عرب الا احنا

يقول دايما يجي المطعم دا من 10 سنين

واخدنا لفة في اسطنبول

وبعدين رجعنا على الفندق

ومادري ايش سوينا ف الليل

المهم نمنا بدري عشان اليوم الي بعدو رايحين بورصاا