| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
04-09-2018, 04:04 PM
|
#91 | |
 
|
رد: وتبقى لندن عشقنا
وبعد التسوق تواعدنا مع دانة انها تيي لنا بناندوز اللي بالسنتر وقلت لها عند الجمعية اللي شرينا منها امس قالت يمه دزي اللوكيشن بس دزيته لها ويتنا وقلت لها ها سجلتي كانت تنطر الساعه اربع علشان تسجيل المواد للجامعة والا تقول لا الساعه اربع قلت لها دانه جم الساعه الحين قالت يمدي الساعه 3 الا ربع قلت لها دانه راح عليج التسجيل الساعه اربع بالتوقيت الكويتي وانتي ماشية على التوقيت الانجليزي  قالت ويييي خلاص اشوف بعدين بالليل دخلت من كمبيوتر الفندق وسجلت الحمدلله المهم ناندوز وغدانا فيه نشوفه ناندوز         تعرفون نظامهم تطلبون وتدفعون عند الكاشير وبعدين يوصل اكلكم       هني باصات اللي بالسنتر  رجعنا مشي الفندق بس بواريكم القواري كل مكان ببريطانيا 
|
|
|
|
04-09-2018, 04:06 PM
|
#92 | |
|
رد: وتبقى لندن عشقنا
بعد ما وصلنا الفندق....صلينا وريحنا
وضبطنا شوي من الجناط وسنعت شوية نزلنا نحلي ببريت المغارب ..ونمر بوتس لازم ندش هههه   رجعنا وقعدنا باللوبي مكانا المعتاد   ما نشوف الا غنيمة يايبة لنا هالعصير ضيافة من الفندق كل يوم يحطون بس احنا ما يمدي نجربه بس يلا اخر يوم نشرب عصير توت   وطلعنا الساعة 9 الى شارع العرب ( الرشم ستريت )  تصوير مو شي بالليل وبالسيارة اهترت الأحسن علشان تشوفون المطاعم الحلال     حلاقين عرب     وهذا مطعمنا ناسية اسمه   وطلباتنا         اقيمه 8 / 10 حليو لا باس فيه دخلنا بقالة في الشارع صج اللي يهتمون فيه العرب تلاقيه بشارع العرب   احب هالجيلي وكله بنفسجي         منو يبي كوبيدة     ورجعنا اخذنا تاكسيين شوفو اللوكيشن مال السنابات    شوفو مال السنابات       وتصبحون على خير  نشوفكم باليوم ال 15 |
|
|
|
|
04-09-2018, 04:10 PM
|
#93 | |
|
رد: وتبقى لندن عشقنا
السلام عليكم
نكمل معاكم تقرير سفرتنا اليوم الخامس عشر يوم الأربعاء الأخير في مانشستر هاليوم خلاص بنرد للندن قعدت الصبح ومجهزة جنطتي وجنطة بوحسين وباقي اغراضنا باقي البنات نزلنا اغراضنا وسوينا التشيك اوت طلع على حسين بس للمصبغة ومرة ريوق 30 باوند تقريبا دقينا على التاكسي من الفندق هالمرة لازم تكسيين طبعا مع الجناط لازم الجوو كان بارد شوية منعششششش  الحجز نفسه طبعا لطريق العودة كل شخص 47 باوند على الدرجة الأولى ويحق لك التمتع بصالة الدرجة الأولى في المحطة  الجناط هذيل عربانتين وغيرهم عربانتين  انا قاعدة من الصبح وما تريقت يعني اشلون ...لازم بريت بريت كل مكان متواجد      اعلان عن المسافة المقطوعة من مانشستر للندن ساعتين تقريبا  قلت حق دانة قومي خل نشوف صالة الدرجة الأولى وكانت فوق لها مصعد عند مكتب المعلومات للفيرجين طبعا تراونهم التذكرة ويدخلونكم بابتسامة عريضة تفضلوا    كله سناكات خفيفة   اختياراتنا  الصالة وفي شوية ناس قاعدين   الصالة من فوق       وصعدنا القطار بعد مشي وايد لأن قاطرتنا تكون اول شي حرف ال H دخلنا الجناط بقاطرتنا ناس فوق وناس تحت حملناهم كلهم وصفيناهم قبل الناس أصلا منو عنده جناط مثلنا ومشى القطار على الموعد     بقايا من بقاياه ....كبوس بوحسين كل شوي يروح يسولف مع البنات والا مع حسين  صبوا لنا القهوة او الشاي للي يبي      للي بيشحن  نوقف بمحطات شوية   الوجبة اللي ناسبتنا شوربة طماط وساندويتش قلنا يلا بعد تنفع للانفلونزا بادية معاي شكلها  شوفوها  الصراحة ناقصها مجبوس دياي يعني شوربة طماط يا جماعة دقوس طماط هذا ههههه             
|
|
|
|
|
04-09-2018, 04:12 PM
|
#94 | |
|
رد: وتبقى لندن عشقنا
لون السما     نقضي باجي الطريج بالسودوكو     وأخيرا وصلنا وركبنا سيارتين غولف واقفين وشالو جناطنا معانا وودونا لمواقف التاكسي ركبنا انا وحسين بسيارة وحدة مع الجناط كلهم والباجي اخذوا تاكسي ثاني اخذوا العنوان ومشينا      ووصلنا شقتنا.....  |
|
|
|
|
04-09-2018, 04:19 PM
|
#95 | |
|
رد: وتبقى لندن عشقنا
شقق No1 The Mansions By Mansley المخدومة كنا حاجزينها قبل شهرين تقريبا او اكثر وخفت من المكان اول مرة وقلت يمكن بعيد وسالت مشرفنا بوسعد وفتى الجبيل عن المكان وجاوبوني وطمنوني انها خوش مكان والبعد يتعوض بالمترو  الباب الخارجي ما تدخل الا بالكرت للشقة   اول ما ندخل نشوف قعدة من غنفة وعندها هالباب ترى هذا الاصنصير   مدخل على يسار المصعد ..للإدارة والريسبشن وفيه غرفة استراحة وفيها كوفي وماي فري نفس اللي بالغرف    في مكتب الأستقبال   نشوف شقتنا صج نمبر ون من مجاميعه اعطيها 10 على 10 بسم الله وندخل شقتنا بالدور الثالث نشوف الأصنصير تحفة من بابين خشبي وحديد ولازم انت تسكره بأيدك وانت صاعد وبعد ما تطلع منه سكره علشان يستخدمه غيرك  الباب الحديد  صورة معلقة في الاصنصير تحجي ماضي الفندق  الأزرار عادية  الشقة اللي على اليمين وانت طالع من الاصنصير نبدي بالممر ,,,,,استحملوني صورت لكم كل شي بالشقة  المكتب اول ما تشوفه بالممر عليه تلفون والتعليمات وكروت الشقة عطوني إياهم على عددنا من الريسبشن وفي بالمكتب هذا قصص وكتب للي يبي يقرأ طبعا عندي دانة وغنيمة يحبون يقرون   حاطين لنا خريطة الموقع  الكروت المفاتيح للباب  الصالة كبيرة وواسعه وشرحة    الأثاث نظيف وكامل يعني مافي شي ناقص        مقابل الصالة غرفة نوم من سرير مزدوج وبعد كاملة من مجاميعه   كل الغرف فيها مراوح الجو كان حلو احنا نفتح الدريشة وكل شي تمام  حمامها   مقابله مغسلة وارفف ووالستارة وراها البانيو هالباب بالغرفة طلع لسخانات الماي  الغرفة الثانية بنفس جهة الصالة بعدها يعني تتكون من سريرين مفردين        
|
|
|
|
|
04-09-2018, 04:22 PM
|
#96 | |
|
رد: وتبقى لندن عشقنا
كل شي نظيف حتى الثريات مية مية
هذه الصورة اخذتها وانا نايمة من السخونة تعبت هني قلت بريح شوي.....ريحت ساعتين يمكن...((العيال قالو يلا يمه امشو نطلع قلت لهم روحوا انا بظل اريح راحوا ))... وبعدين قمت اكمل شغلي قصدي تصويري ...   الحمام الثاني بالممر مقابل الغرفة الثانية     آخر الممر على اليمين الغرفة الكبيرة فيها سريرين مفردين وسرير مزدوج يرتفع وينزل داخل الكبت الخزانة       الدفايات كل مكان  حمامها كبير وواسع      حتى اللوحات مو مقصرين فيها  المطبخ اخر الممر على اليسار ويطل على غرفة الطعام بابها بالوجه من الممر   الغسالة والنشافة شي عدل نظافة وممتازين    غرفة الأكل قالو لنا لاتحطون شي حار بدون ما تحطون السفرة اللي موجودة على الطاولة           
|
|
|
|
|
04-09-2018, 04:27 PM
|
#97 | |
|
رد: وتبقى لندن عشقنا
حاطين لنا ضيافة بالمطبخ ريوق شوفو لثمانية أشخاص
 الزبدة       الصور للمطبخ وايد وتعليماتهم وايد                      فريزر       في ملف موجود بالشقة فيه معلومات عن لندن والمواصلات وغيرها اللي تخدم السائح صورتها لكم |
|
|
|
|
04-09-2018, 04:29 PM
|
#98 | |
|
رد: وتبقى لندن عشقنا
هذه بعض أوراق الملف اللي موجود
        باسورد الانترنت  نوع الصابون مالهم  حتى شرح الاويستر موجود    العيال راحوا البيكاديللي وتعشوا بمطعم فورست غمب    يابو لي منهم بس ماكوو مثل دقوس بوديج    مادري شنو تعشيت انا بهاليوم ...يمكن ما اكلت ووووتابعوني باليوم اللي وراه |
|
|
|
|
04-10-2018, 09:23 AM
|
#99 | |
|
رد: وتبقى لندن عشقنا
اليوم السادس عشر من سفرتنا الخميس
تاريخ 1 سبتمبر 2016 بهاليوم طلعنا الظهر تقريبا والريوق اليوم من ضيافة الشقق ومع بيض بوحسين ما يخليه ماصورت الريوق كافي شفتوه بالجزء اللي طاف تجهزنا وطلعنا وقالت بنتي وراي اهم رايحين وعارفين الطريج من امس وهذا طريجنا على يمين الفندق محطة ايرلز كورت EARL,S COURT  تقريبا على بعد ثلاث عمارات نشوف  أي نعم محطة مترو ايرلزكورت وشوفو شنو عندي  مادري قريب ههههه والا ما تريقت بالشقة  خوش محطة احب المحطات الصغيرونات بس كل شي فيها   المحلات بره هدايا وكافيهات يمها ومطاعم وبنك هني بظهرنا مقابل المحطة  وهناك مقابل نينو في كنتاكي وبورغر كنغ  يلا نعبر الشارع دشينا المحطة وأول شي نقص لنا تذكرة أسبوع لي ولدانة ونقول حق واحد يعلمنا مع صينيات واقفين جدامنا بنتعلم يعني وانا اصور خطوة بخطوة  شوفو جم جهاز ومحد عارف  يلا نشوف الطريقة اذا فهمتوا علموني      ترى في شرح مكتوب بالخطوات بعد على الأجهزة وهذا العامل صيني اعتقد  الحين سوينا مثل ما قال لنا   يلا نصور لكم قصة المحطة على ما يسوون البطايق    عين لندن قديمة   شوفو الدرج المتحرك اشلون قديم واحنا تونا ما صار لنا 40 سنة نعرفه  حارسة محطة  وهذا رافع العلم  الاتصالات   شكلها القديم  وهذه اهي المحطة حاليا  ولما بنطوف من الأجهزة ما فتح لنا كروتنا الجديدة ولما سألنا وحدة موجودة شافت قالت خطا واخذهم عامل انجليزي وعدلهم لنا من داخل وطبعا بزيادة سعر سامحوني ناسية بهاليوم اصور الفاتورة اعتقد طلع الشخص 27 باوند   
|
|
|
|
|
04-10-2018, 02:06 PM
|
#100 | |
|
رد: وتبقى لندن عشقنا
نبروح هارودز
  وهني داخل المترو وشايفين ما تضيعون كل مكان في خريطة للمسار  والشاشات يعلمونكم بمحطتكم  وصلنا ونزلنا من المترو ونصعد لفوق اول ما صعدنا طلعنا يمين في إرشادات للأتجاهات   الى هارودز  المحلات يم هارودز ماركات حليوة  رايحين طبعا بنييب علاقة جنطة غنيمة اللي على احرفها تذكرون قبل لا نروح مانشستر طلبناها ونتسوق من هارودز تعرفون اخر أيام خلصنا من هارودز ما قصرنا شرينا من السوفنيرز وزوجة الولد شرت جنطة ديور والحمدلله لقت اللون اللي تبيه وبعدها |
|
|
|
|
| مواقع النشر (المفضلة) |
| الكلمات الدليلية (Tags) |
| لندن, عشقنا, وتبقى |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نور الوجود في لندن | السعيد | رِيَاض إبْنُ بَطُوطَة لِسْيَاحَة والسَفَر | 5 | 02-15-2018 08:36 AM |
| لندن .. غلاها يزاحم أشواقي - لندن | السعيد | رِيَاض إبْنُ بَطُوطَة لِسْيَاحَة والسَفَر | 16 | 01-17-2018 08:32 AM |
| وتبقى عيونك | مصطفى عبدالحميد سبتة | "ذائقة الخواطر والنثريات المنقولة" | 1 | 01-01-2018 01:46 PM |
| درس عمل لوجو احترافي | ابوفهد | رِيَاض الفُوتُوشُوب و الملفَات المفتُوحة وبالشُروحات بَرامِج التَصْمِيم | 4 | 06-10-2016 07:33 PM |
| فياضات تعم لندن | منال نور الهدى | رِيَاضُ الصُوَر المَنْقُولَة | 4 | 03-10-2013 09:54 AM |
