| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
03-12-2018, 09:39 AM
|
#11 | |
 
|
رد: سحرني حلاها و قلبي هواها و ابتلى ( الكويت 2015 )
الحمدلله خلصنا من الريوق و شبعنا و زياده بس نسيت اسجل الفاتورة
بعدها قمنا ندور اماكن المخيمات و مشينا بعيد صوب المطار و كنا نبغي نغسل السياره لاني كنت كارهتنا من الوساخه و الغبار و الصابون و كل ما مرينا محطة يشوفونها يقولون ما عندنا مكينة الغسيل البريشر و يبغيلها غسيل بالبخار و هاي صورة عيبتني في احد الفرجان  وصلنا لمخيمات الشرطة و قالوا بس الويكند يفتحون و المخيم الثاني شلوه من فتره  و رجعنا بخيبة امل كنت ادور على محل عندي في الانستجرام موجود في منطقة الري و صلنا المنطقة و شفنا سوق الفقع   انا مب من محبين الفقع ما اشترينا بس تمشينا و انتقلنا الى مجمع الري و شفت هالمحل نفسه ام حسين حطت صورته في تقريرها  وايد اشياء عيبتني بس ما ينفع اشتريها الا اذا بشحنها و بعدها قعدنا ندور على وكالة سيارات تويوتا لانه لازم نغير الزيت و نسوي تشييكات على السياره و درنا كم مكان ما عندهم خدمة السيارات الخارجية و اخيرا حصلنا محطة غسيل وقعدنا فيها يمكن ساعة و هاي الحلوة يغسلونها  اخيرا تنظفت و بعد الغسيل حصلنا شركة ناصر الساير و هذيل كلهم ورا الافنيوز دخلنا في المكتب و عندهم استراحة و تلفزيون و قعدنا اكثر من ساعة يابولي تركش كوفي  و هذيل عيالي استلموا الكيمره و قعدوا يصورون   يمكن فوق 50 صورة و كلها للسيارات و تعبنا و يعنا و عصافير بطنا بتصوصوا و زوجي يقول تحملوا اهم شيء السيارة يشيكون عليها و تكون بخير و تردنا البلاد خلصنا على العصر و على طول سرنا مجمع الصالحية و هاي مقبره ورا المجمع من صوب المصلى     |
|
|
|
03-12-2018, 09:42 AM
|
#12 | |
|
رد: سحرني حلاها و قلبي هواها و ابتلى ( الكويت 2015 )
خلصنا من الصلاه و توجهنا على طول لمطعم دكاكين الغني عن التعريف  و كل حد عندنا في دبي يتكلم عنه الساعة كانت 5 الا ربع بتوقيت الكويت لا هو وقت غدا و لا عشا يعني الوقت مناسب جدا ما فيه زحمة و اخترنا طاولة خارجية طق يا مطر طق  عبارات جميلة جدا   نشوف المنيو   الريوق    السلطات     المنيو بروحه حكاية و العبارات جميلة و شعبية     القهوة    صدقهم عند البطون تعمى العيون   |
|
|
|
|
03-12-2018, 09:45 AM
|
#13 | |
|
رد: سحرني حلاها و قلبي هواها و ابتلى ( الكويت 2015 )
و هاي الاكلات اليديده مصورينها و حاطينها في ميدالية و مفاتيح    تشيز كيك ام كشه   طاولتنا  الطلبات عصير برتقال و بيذام لذيييييذ صدقها ام حسين يوم حبته  فتة باذنجان لذيذه لذاذه ما تتوصفش  الخبز الحار  و هذا كباب من الطلبات الجديده  فطير مشلتت بو ناصر  مشلتت دجاج اعتقد بو حمد حتى الاسامي حلوه  شيش طاووق مقلي  قعدنا ناكل و عطيت العامل المصري الكيمره و خليته يصور داخل المطعم لانه كان فيه ناس  حلوة الصناديق المعلقة     |
|
|
|
|
03-12-2018, 09:48 AM
|
#14 | |
|
رد: سحرني حلاها و قلبي هواها و ابتلى ( الكويت 2015 )
  و هذا البطاط يابوه حق ولدي الصغير لانه كان يصيح و يبغون يسكتونه بس ما ياكل قعد يلعب فيه  قرقش مخباتك  الفاتورة طلعت 27 دينار و 400 فلس  طبعا وايد طلبنا و نص الاكل ما كلناه و الشيش طاووق انا كنسلته بس بعدين يتني العاملة و قالت قاعدين يجهزونه قلت مب مشكله في غيرنا بياكلونه الحمدلله الاكل كله كان لذيذ انزين الحين احنا شبعانين و نبغي نجرب الحلو اللي يمدحونه قلنا بنتمشى و بنرجع بعدين و سالناهم متى تبدأ الزحمة عندكم قالوا على الساعة 7 لان اختي قبل فتره كانت سايره و تقول قعدنا ساعتين و ما حصلنا مكان تمشينا شوي في المول و عيبتني حركة الاقمشة  طبعا المول كله ماركات معروفة مثل جيفنشي و شانيل و ايجنر و ربعهم صلينا المغرب و رجعنا المطعم على الساعه 6 و نص لقينا مكان داخل   طلبنا تشيز كيك ام كشه  و غيبوبه شوكليت بودينج و كانت لذيذه  و لازم دلة قهوة و ياها علبة بسكويت مجانية نقوة  طلعنا من الصالحية و توجهنا للمباركية نتمشى شوي و كانت زحمه فضيعه    الجو بااااارد و صب مطر شوي بس قلنا ما بنضيع الفرصه و بنستمتع بالاجواء تمشينا على السريع و طلعنا لانه وايد زحمه و قلنا الصبح يكون افضل لنا رجعنا الفندق و شفناهم يايبين فرن كهربائي صغير لانه مب متوفر في المطبخ و لازم نطلبه  درجة الحراره قبل ما انام  خلص اليوم الرابع و نشوفكم في اليوم الخامس الجميل و اللي كله مغامرات شيقه  |
|
|
|
|
03-12-2018, 09:52 AM
|
#15 | |
|
رد: سحرني حلاها و قلبي هواها و ابتلى ( الكويت 2015 )
اليوم الخامس الاربعاء 23 / 12 / 2015 قمت الفجر اتطمن على درجة الحرارة  يا ويلي 6 يعني اليوم ابرد عن كل الايام و ان شاء الله نشوف المطر صليت و كملت رقادي و يوم قمت اول شيء افتح الستارة و اشوف الجو عجيييييييييييييب و هاي قاعة افراح عدالنا  طلعنا للسيارة و الجو كان ممطر يا سلااااااااااااااااااااام و هاي صورة قبل لا نتحرك  اليوم كنا مقررين نتريق في مطعم الكلحه و هذا واحد عندي في الانستجرام اتابعه دوم و يسوي اكلات حلوة و يوم كنا نغسل السياره شفت كافتيريا لاصقة في محطة الغسيل اسمها الكلحة خذت المنيو و اشترينا سندويش فلافل حق ولدي و شفت عندهم فروع وايده و عندهم واحد في السالمية و هو مطعم كبير و سالت ام حسين عنه و مدحته لي و الصور اللي في المينيو تشهي  فلافل و فول و حمص و فتة اخترت العنوان من القارمن و مشينا و هاي صور من الطريق  الجو جميل و شاعري    احب اتمشى بالسيارة بهالاجواء حتى في بلادي  و حتى ماي السبيل عندهم مسوينه مثل خزان الماي الله عليج يالكويت  و هاي صورة اوضح  |
|
|
|
|
03-12-2018, 09:57 AM
|
#16 | |
|
رد: سحرني حلاها و قلبي هواها و ابتلى ( الكويت 2015 )
مشينا وايد و شفنا الدرب بعيد و السبب القارمن اشتريته قبل السفر بيوم
و مالحقت احدثه و العناوين كلها تطلع غلط و فوق هذا التعديلات اللي يسوونها في الشوارع فغيرنا المخطط و سرنا سوق المباركية و يا حلاته في هالجو اليوم اخترنا مطعم الامير و تقريبا كلهم يقدمون نفس الوجبات وصولنا كان متأخر و ما عندهم الصحن الخاص بالبيض طلبنا حمسة دجاج لاني كلتها آخر مره يوم كنا في الكويت بس كان العشا و الحين تونا الصبح ما احب هالسوالف من صباح الله خير   مشلتت جبن كرفت مع عسل  و اكيد غوري شاي حليب   ما كثرنا من الريوق لانه ورانا غدا خلصنا و دخلنا السوق    احلى شيء و خاصة في الشتاء و البر    خلصنا و توجهنا الى مطعم فريج صويلح مستحيل نزور الكويت و ما نمره صور من الطريق   وصلنا المطعم و زحمة يا دونيا زحمة ما شيء مواقف و السيارات اغلبها ابوظبي دبي الشارقة راس الخيمة حيا الله ربعنا نزلت ويا العيال و زوجي قعد يدور موقف و المطعم زحمة دخلت الطابق الثاني و كلة شباب اول مرة اشوف هالطابق نزلت  و هاي السيارة العجيبة ما قدرت اصورها برع لانه مطر و زحمة عليها  نزلت السرداب و قعدنا يمكن ربع ساعة لين يوصل دورنا و اصور   اخيرا دخلنا الكابينه  |
|
|
|
|
03-12-2018, 10:01 AM
|
#17 | |
|
رد: سحرني حلاها و قلبي هواها و ابتلى ( الكويت 2015 )
 و نفتح المنيو      يا زينه هالولد ما شاء الله عليه      طلبنا سلطة شمندر بس وايد حامضة  مجبوس دياي  مرقة دياي و عيش مشخول  عصير موز و لبمون بالنعناع و شمام  المعبوج و الخضره ضيافة المطعم  |
|
|
|
|
03-12-2018, 10:08 AM
|
#18 | |
|
رد: سحرني حلاها و قلبي هواها و ابتلى ( الكويت 2015 )
الحمدلله خلصنا من الغدا اللذيذ و رجعنا الفندق و هاي صورة من الطريق
 هذا فندنا من الخارج   و هاي قاعة الافراح اللي صورتها الصبح اسمها قاعة عيسى اليوسف  هذا فراش ولدي اللي يابولنا اياه مجاني  ضيافة الفندق تمر و قهوة في اللوبي  الاستقبال    بعدها قررنا نسير مول 360 لاني امس ما درت فيه بس تعشيت ويا الجميلات و طلعت  كان خاطري في شوكليت بار بس سالت ام حسين و قالت في واحد يمدحونه ووايد عليه زحمة في 360 ورا لادوريه و انا حصلت لادوريه بس هذا صغير و يلسنا في لينوتر و طلع مب هذا اللي تقصده ام حسين   طلبت حلو بالتمر و الايس كريم و السميد لذيذ  موس شوكليت  و تركش كوفي و شوكلاته بالحليب و بعدها تمشينا شوي و شفت لادوريه كبير و وراه كوفي زححححححححححححمة طلع هذا اللي تقصده ام حسين  في مجسمات مصغره وايد بس هذا اللي صورته  بعدها ودينا اليهال للالعاب و زحمة و اللعبه الوحده فيها انتظار اكثر من نص ساعة   لعبوا لعبتين بس خذوا فيهم ساعة و شوي و طلعنا درجة الحرارة 11    و الدنيا مطر ما شاء الله  زاد المطر و ما قمنا نشوف الشارع .gif) .gif)   و مرينا مشويات الغدير   و احلى سندويشات كباب و شوارما و خلص يومنا الجميل بنسمات المطر من الصبح لين الليل نشوفكم في اليوم السادس 
|
|
|
|
|
03-12-2018, 10:11 AM
|
#19 | |
|
رد: سحرني حلاها و قلبي هواها و ابتلى ( الكويت 2015 )
اليوم السادس
الخميس 24 / 12 / 2015 قمت الساعه 8 و الكل نايم و قلت بستغل الوقت و اصور البوفيه باقي اركان الفندق نزلت المطعم و ما فيه حد بس عايلة وحده العصاير و المياه  المقبلات و الاجبان و السلطات  الخبز و عندهم محشي ورق عنب و ملفوف  البيض و النقانق و الفول  طبعا قلتلهم بس بصور ما بفطر فتحولي السخانات كلهم كبب و بيتزا و انواع من البطاط  بان كيك و فرنش توست و حمسة خضار  الحبوب ( الكورن فليكس )  الحليب  المخبوزات و الكيك و المربى  دونات سلطة فواكه و موس  خلصت تصوير البوفيه صورت الممرات   طلعت برع و الجو خيال  و هاي اعلام دول الخليج     |
|
|
|
|
03-12-2018, 10:14 AM
|
#20 | |
|
رد: سحرني حلاها و قلبي هواها و ابتلى ( الكويت 2015 )
عندهم سبا و حمام سباحة و نادي رياضي
 الطابق السابع هو الاخير و اول ما نطلع على اليسار  السبا و خاص بالنساء   بعدهم يشتغلون فيه و بيفتحون صالون نسائي  الارضيه عيبتني  خزائن خاصة  الميداليات حلوة  كراسي انتظار  علاقة جميلة  جاري العمل   الجيم    صالة الافراح من فوق  الجو خيالي  كل شيء متوفر   و الحين نتجه ليمين المصعد  حوض السباحة  جلسات للكوفي  ثريات رائعه  |
|
|
|
|
| مواقع النشر (المفضلة) |
| الكلمات الدليلية (Tags) |
| 2015, الكويت, ابتلى, حلاها, سحرني, هواها, قلبي |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رحلتي الى البحرين و الكويت | السعيد | رِيَاض إبْنُ بَطُوطَة لِسْيَاحَة والسَفَر | 4 | 11-18-2018 03:26 PM |
| الكويت ،،، 2018 ،،، | السعيد | رِيَاض إبْنُ بَطُوطَة لِسْيَاحَة والسَفَر | 7 | 09-01-2018 07:05 AM |
| سحرني حلاها و قلبي هواها و ابتلى ( الكويت 2015 ) | السعيد | رِيَاض إبْنُ بَطُوطَة لِسْيَاحَة والسَفَر | 20 | 12-25-2017 08:53 AM |
| دليل الكويت الشامل | السعيد | رِيَاض إبْنُ بَطُوطَة لِسْيَاحَة والسَفَر | 1 | 12-25-2017 07:52 AM |
| شاليهات سما يا سنا الكويت | السعيد | رِيَاض إبْنُ بَطُوطَة لِسْيَاحَة والسَفَر | 7 | 12-06-2017 12:18 PM |
