| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
01-23-2018, 04:13 PM
|
#51 | |
 
|
رد: بلادكم حلووة حلووة ..بس الوطن ماله مثيل
الجزء الحادي والعشرون اليوم السادس بلندن في هذا اليوم من اول ما قعدنا قررنا اخيراا وبعد الحاح حسين ان نروح معاه نادي تشيلسي اخذنا تاكسي ورحنا  فندق نادي تشلسي  شوفو الغيم والجوو بارد  وهني اول ما وصلنا قعدنا بكافيه سألناه في كافيهات داخل قال لا وهم ما يقدمون الريوق طلبنا عصير قال اي اكل بعد ساعه   رحنا جهة الملعب وهذا الجدار اول سور لنادي تشيلسي وما تم هدمه   محتفظين فيه والاحلى مزينينه بصور اللاعبين وصور من النادي بهذا الاتجاه رحنا.........>يلا       اول ما دخلنا بالممر لقينا هذا الكافيه المفتوح ويقدم اي شي للريوق ومثل مو شايفين الساعه تقريبا 12 ....التوقيت اللي على الصورة توقيت الكويت   وهذا اللي شريناه ....صمون فلافل موجود بالثلاجات تختاره وهم يسخنونه لكم  صمون اعتقد دجاج  صورة معلقة للفريق بالكافية   اعتقد سكن للاعبين او للمعسكر  الستور       |
|
|
|
01-23-2018, 04:15 PM
|
#52 | |
|
رد: بلادكم حلووة حلووة ..بس الوطن ماله مثيل
بوابة النادي  للتصوير مع الكأس ابطال اوربا لسنة 2012    من داخل المحل وهو طابقين    جمييع المقاسات موجووودة ويطبع عليها الاسم والرقم تطلع تقريبا 45 دينار كويتي او اكثر والشباب اخذوا الي مكتوب عليها شامبيون 2012 نفس اللي مأشره عليها بسهم      وانا اخذت حق حمادة ولد اختي ترينج تقريبا 60 باوند مقاس 3 سنوات فنايل ولادي ثنتين هدايا بعد على شامبيون 2012 ....ناسية بكم بس تقريبا ب15 دينار كويتي الوحدة بانتظار ما يخلصون البنات والعيال انا قعدت على الدرج خلاص تعبت وخاصه ان مافي مصعد بس سلم .....مو قلنا رياضة يا ناس   هذه ثلاثة بسعر اثنين اخذنا وردية وكحلية وسودا حسين اخذ ستيكرات وميداليات واغراض للاب منهم  كتيب النادي للاشتراك بعضوية النادي حسين عضويته منتهية وجددها العضوية باسعار متفاوته حسين توصل له مجله شهرية وبعض العروض للنادي او مطاعم وكافيهات وخصومات بالتذاكر .........بس مافيها فايدة لنا الا المجله لان الباقي لازم يستخدم بلندن           وكذلك الاشتراك للاولاد لممارسة اللعبة   بعد ما شريت وخلصت طلعت بره انطر يوسف على ما تخلص فانيلته من الطباعه......حصيلتي من المحل  شرينا ماي وغنومه شرت هالايس كريم بن وجيري من نفس الكافيه     وهني طلعنا وهذا شعار النادي    واخذنا تاكسي وسيداااا الى ........بس حسين رجع الفندق والاجور رود مشتريات حسين  كأنها شوربة عدس ......من ورانا يا حسين؟؟  بريت  باص 98 اكثر واحد ركبناه  وبهذا الجزء نكون خلصنا من نادي تشيلسي وصباح هذا اليوم تابعو معانا وين رحنا بعد النادي ؟؟ الى اللقاء 
|
|
|
|
|
01-23-2018, 04:39 PM
|
#53 | |
|
رد: بلادكم حلووة حلووة ..بس الوطن ماله مثيل
السلام عليكم الجزء الثاني والعشرون ومتابعة اليوم السادس في لندن .... بعد الذهاب لنادي تشيلسي والشراء منه .....قررنا الذهاب بعدها لمول ويست فيلد شبربوش انا والبنات ويوسف وحسين قال لا برجع الفندق عطيناه اكياسنا وقلنا له مع السلامه ركبنا تاكسي وقلنا له ويست فيلد شبربوش اعتقد طلعت الاجرة بين 15 و20 باوند على العداد وهذا لما دخلنا المول بدأت اصور  عرض للقواري ....بوسط المول  صعدنا فوق باتجاه مطعم بناكل يعناااا   وصرعة اصباغ الأظافر ما يبيلها إلا هالغرشة خخخخخ كشك لبيع صبغ الاظافر......  منو فيكم يا بنات بتصبغ ايديها ...يلا بس غنومة اسبقتكم  ووصلنا لمطعمنا ناندوز عجبوني هالبنات ايننون وخاصة الكبيرة قاعدة وماسكة اختها وتراعيها على ما امها تجي مع طفل ثالث تكرمون كانت تغير له بالحمام......ولما جت الام اخذت رايهم بشنو ياكلون يهبلوووووون لما انتبهوا علي اطالعهم حطوا اصابعهم بحلجهم خخخخخخ  وبدأ الاختيار   ارقام طاولاتنا    ديكورات المطعم   الحار والبارد  وجبتي ودانة بعد الذ تشيكن بورغر أكلته بحياتي ....الصلصة عجيبة عليه  وهذه وجبات البقية بعضهم مكرر    في محل مكياج اسمه كيكو kiko وايد عنده شغلات حلوة ورخيص تحت مطعم ناندوز على طول شرووا منه البنات وهذا حصيلة بنتي الكبيرة من المكياج بهالسفرة  وهذا المحل دشوووا البنات .......وعلى فكرة عندي دانة مو ذاك الزود مع السوق دايما تحن وتفضل السينما دايما ....فراحت السينما اهي ويوسف واحنا قعدنا نتمشى ونتشرى المهم هالمحل دشووا البنات وانا طلعت قعدت على قنفات بره المحل إضائته خفيفة جداا ...علشان جذيه انا طلعت  وهذا اللي شرووه ومن محل ميو ميو  الترحيب باللغة العربية  وهذه مكتبة فوويلس .......اللي حبوها البنات قبل بس هالفرع اصغر بكثير عن فرع ويست فيلد اللي عند الاولمبيا قسم السفر والرحلات اللي شدنا انا وغنيمة   وهذا كتاب فيه معلومات عن جميع دول العالم وغنومة عجبتها صفحة الكويت    |
|
|
|
|
01-23-2018, 04:41 PM
|
#54 | |
|
رد: بلادكم حلووة حلووة ..بس الوطن ماله مثيل
وهذه المكتبة من برا   ومحل هوليستر وقعدووا فيه وايد شرينا تي شيرتات للعيال ......وغنومة اخذت شنطة قماش  وهذا مدخلهم وكنبات للراحة  كشك لعلب الهدايا والتغليفات وبعض الهدايا الحلووة  وجلسات للراحة بجمييع أرجاء السوق  شايفين الدرج هذا ينزل منه مشاهدين افلام السينما والحروف اللي موجودة هذه السينما  إضاءة في المول   نزلنا تحت وسنوب يوغرت انا وغنومة  إضاءة كشك السنوب يوغرت   كوبي اول شي قلت ما ابي وبعدين شوقتني غنومة  بنتي الكبيرة ما تبي سنوب شافت هذا وشرت طبعااا لذيذ  رحنا نتمشى عقب لبعض المحلات تحت وعجبنا هالمحل وشرينا منه كذا شغلة صغيرة وهني اطلعواا دانه ويوسف من السينما وارجعوا لنا هذا المحل في اشياء حلووة وأغلبها تصلح للبنوتات في الويست فيلد شبربوش  هذا القلم للمكتب صار له من 2010  وعندهم شغلات حلوة انا اخذت مقراضة الاظافر.....ومبرد  والبنات شروا اقلام نفس اللي تحت بووردة واللي فوق شبيه له من اتلانتس دبي  وما صورت داخل المحل الا هذا استحيت من البائعات مع انهم حلويين  مصاعد وعجبتني الخلفية لها وصورتها وكنت انتظر العيال على كنب مريح ....   تعشينا بمطاعم الويست فيلد طلبي انا وغنومة فيش اند شيبس   الباجي اعتقد طلبوا شاورما من المطعم اللبناني مع كبب مشكلة وبعد ما تسوقنا واستانسنا رجعنا لمواقف التاكسي وهذا هو راحة لاخر حدود .....في رسيبشن وفي خدمة مكاين لدفع فلوس المواقف   المكاين مأشرة عليهم بالسهم الأحمر  شوفوا القطع النقدية اللي كانت متداولة حديثاا وهي تحمل رسومات عن الاولمبياد حسافة ما حصلت الا هالثلاثة لانهم بس للخمسين بنس وانا انتبهت بالاخير والا جان جمعت لي اكثر  والى لقاء في يوم اخر وبيكون اليوم القبل الاخير الى اللقاء |
|
|
|
|
01-23-2018, 04:48 PM
|
#55 | |
|
رد: بلادكم حلووة حلووة ..بس الوطن ماله مثيل
السلام عليكم الجزء الثالث والعشرون اليوم السابع وال قبل الاخير بهذا اليوم اتفقنا انا وبنتي انا نصحى مبجر ونروح السوق وخاصة للمحلات اللي شرينا منها ونسوي التاكس فري لهم مع ان في محلات بعيدة او نعرف ان ما راح نرجع لها ثاني نسوي التاكس فري بنفس الوقت بعد الشراء بس اول شي بتريق واكل من بريت لاني ما استغني عنه وبنودع لندن بعد ركبنا الباص وسيدا للماربل آرش وبرت اللي عند الكمبرلاند ريوقي وبنتي  احلى كرواسووونه وعصير برتقال فريش  واول محل بريمارك ......تاكس فري وهل نخلص منه ؟؟ ما نشتري بعد التاكس فري ؟؟ ودخلت مع بنتي وماسكة نفسي ما شريت وبعد وقفة الطابور ....والا يطلع مو مكان التاكس فري مكانه غير اي لحظة تذكرت ....قبلها بيوم وقفت دانه بالطابور وقلت لها قولي لهم ابي التاكس فري وانا انتظرك وظليت واقفة قريب يمها ووقفت دانه بطابور عند قسم الاطفال بالزاوية بعد البيجامات والاكسسوارات وبعد تعب الوقفة لي ولها ويوم يوصل دورها قالو لها لازم واحد كبير ما يصير اقل من 18 سنة وبعدين خذوا دور اللي وراها وانا الصراحة خلاص ظهري انقص من الوقفة وما اقدر اوقف بالطابور مرة ثانية وكل ماله يزيد الطابور قلت لها خاص باجر نروح نرجع لبنتي الكبيرة لما وقفت احنا خابرين هالمكان تاكس فري قبل سنتين وماندري انه بس اللي وقفت فيه دانه المهم بعد ما راحت هي توقف هناك انا قلت لها بقعد بره لان ماله داعي وقفتي ولا تنسين بعدنا باول محل ورانا مشي قعدت بره على دكات بريماك اللي تلاقي الناس دايماا قاعدين عندها  وبعدها لمحلات اكسسفورد سيلفردج خالصين منهم باخر مرة كنا فيه   وبعدين رحنا لمحل ما اذكر اسمه وهو يكون موجود داخل مكان خلف الاسواق باي شارع ما اذكر بس بنتي بتذكر وتقول لي ان شاءالله الحيين نايمين....لحظه بنتي قاعدة ارسلت لها واتس اب وجاني الجواب هههههههههه المحل اسمه A&F والشارع هو دواعيس ريجنت ستريت المهم رحنا لان ولدي موصينا نشتري له غرشتين عطر خاص بالمحل المهم بعد ما خلصنا من التاكس فري والمشترى وطابور المحل اللي هالمرة انا وقفت وبنتي انتظرتني بره ههههه كنا مستعيلين لان التلفونات اشتغلت علينا ينتظرونا بالمطعم عازمنا بعد بوحسين...........وشفت علم بلادي مرفوع رغماا عن الانوف ودق قلبي قلت بصوره وشوووفوا اول صورة له والله كنت بصور الشبه عمود النور لانه عجبني شكله ومو منتبه على العلم وطلعت بهالصورة المعبرة............اللي ما انتبهت لها الا بالانستغرام كان في موجه تربية فنية يصور دائما الشبات واطراف منها وانا كنت اصور الشبات واحطهم ويعلق وبهذه الصورة قال احلى شبة لانها حاضنة علم بلادي .....انا تعجبت من تعليقه وشفت الصورة والا صج رووعه  وهذه اللي صورتها انا للعلم بعد ما شفته وبعد ما صورت الصورة السابقة قلت لكم كنا مستعيلين وانا اوقف اصور وبنتي تقول لي يما يلا وتلاحظون الصور من الايفون بس.....وشوية صور للجوله الصباحية واللي كانت لعمل التاكس فري  ووركبنا الباص والى شارع الكوينز واي وونزلنا ابد عند المطعم بالضبط ..... مطعم خان الهندي وهو من افضل مطاعم ابوحسين المفضله بلندن لان يذكره من السبيعينات وهذا مكانه ما غيره وشوفوا الطبق وشوفوا من متى هذا المطعم موجود منذ عام 1977  ايبوونه لكم بغنشة صغيرة وبعدين انتو وكيفك  وهذا بعد ما انتهينااا نظفنا ايدينا بعد ما نظفنا الصحن........تكرمون ما لي خلق انزل للمغاسل والحمامات لانها درج يتعب على قولة بنتي ولا تقول بنتي ان تحت شافت غرفة مكتوب عليها خطبة الجمعه....وبرة كانت توج نعل واحذية وانتو بكرامة  وهذا ديكور المطعم ذكرني بمطار دبي   طلعنا من المطعم حسين رجع للاجور رود ربعه هناك ...واحنا رحنا يمين ولفينا طبعاا احنا نعرف وين بنروح لداخل الكوينز واي وبالاخص لمول الوايت ليز قلت لغنومة ودانه مااشتريتوا بكرتكم قصدي كرت البنك والا غنومة تقول صح وينه اهم يحسبون اني مو جايبته معاي ....قلت لهم كاهو بس لا تسحبوون وايد كل وحدة بس خمسين باوند لان اخر يوم خلاص وشريتوا كل شي بس وهني راحوا يجربون يسحبون من بنك قريب من المصبغه تعرفونها اللي نروح لها  ويووو ضايق خلقهم لانه مو راضي يسحب بعدين دخلنا للوايت ليز والا في جهاز سحب الي ...قالوا خل نجرب نسحب والحمدلله طبعا استانسووا لما سحب وشرووا لهم كلونيات من محل باكستاني موجود بالوايت ليز وهذا واايد رخيص مع ان عنده عطور جديدة المهم شرينا وطلعنا وركبنا تاكسي كبير نفس الفان يحمل 6 اشخاص ورحنا الى.....وهني عند بوابة الوايت ليز والمباني له   ورحنا للريجنت بارك اول مرة ادخلهااا وقلنا لصاحب التاكسي نزلنا عند افضل مكان يتجمع عنده الناس قطنا عند بوابة ونزلنا ورحنا يسار مع الناس وشفنا هالورد وما شاءالله ما خلينا وردة وما صورناها         كل نوع ورد مكتوب عندها رقم واسمها           |
|
|
|
|
01-23-2018, 04:49 PM
|
#56 | |
|
رد: بلادكم حلووة حلووة ..بس الوطن ماله مثيل
والنافورة رووعه        وسوالف العيال تحدي.......صورني واصورك       وقعدنا ناكل مكسرات هني وفستق......يوسف بدال ما يعطي الحمامه شي مفيد عطاها قشر الفستق وبلعته وهي تقصص فيه ......حرام يا يوسف لا الحمامه بلعته رااح    وشفنا هالسنجاب اللي قام يلحق البنات يبي أكل وعطوه مكسرات  |
|
|
|
|
01-23-2018, 04:55 PM
|
#57 | |
|
رد: بلادكم حلووة حلووة ..بس الوطن ماله مثيل
  ورحنا للبحيرة           النورس ووالبطة يلعبون ولسان حالهم يقول الماء والخضرة .....والوجه الحسن           شلال حليوووو     |
|
|
|
|
01-23-2018, 04:57 PM
|
#58 | |
|
رد: بلادكم حلووة حلووة ..بس الوطن ماله مثيل
جسر خشبي صغير    طبعا ما نقدر نمشي كل الحديقة ويمكن اللي شفناه شوية وانا اعرف ان لندن زوو في نفس الريجنت بارك او تابعه لها المهم ردينا لجهة البوابة ونبي نقعد على الكراسي نريح شوي شايفين البوابة هذه اللي دخلنا منها ورحنا يسار وبعدين رجعنا رحنا يمين وردينا عندها  وهذا مقابلها ساحة جميله وممرات راائعه وهاادئة .....تهقون لو هالحديقة يم بيتي مو كان انا الحين اتمشى فيها رياضة الصباح خخخخخخ خلف الله علينا ويرزقنا الجنة ونعيمها يارب  اشجار متنوعة  رحت الكافية الموجود بالحديقة ...وشوقني كيكهم والقعدة بالحديقة اتصلت على ابوحسين والعيال قلت لهم تعالووو الكافية وهذا طلبنا انا وابوحسين......ترى الحليب كله من ابو حسين كتته بالصينية  وهذا ورد عند طاولتنا  وهذا الورد من سياج الحديقة طالع    شبعنا من الحديقة وبعدها قال بوحسين يلا بروح الاجور رود قلنا له لا احنا مانبي الاجور رود نبي الاكسفورد وهني ركبنا تاكسيين لان الشوارع مو مثل الكوينز واي فيها كل انواع التكاسي ركبنا احنا خمسة وابوحسين راح بروحه يا جماعه بس حبيت اذكركم ان الوقت المكتوب على الصورة توقيت الكويت نقصوا منه ساعتين هو توقيت لندن           وهذه حصيلة يوسف تي شيرتات بالدرزن ههههههه قاعد يصفطهم بعد ما نشق الكيس  وقلت لهم روحوا يبوووا شنطة لان لازم الشنط امتلات ويبيلكم لاغراض اليوم بس شنطة طبعااا لا تشترون من المحلات اللي مقابل الكنتاكي بالاكسفورد لا اسعارها خيالية وما تسوى يا ريت ماركة بعد .............مسكينة بنتي قالت انا اييب لكم وراحت اهي ويوسف بسرعه للبريماك وجابو شنطة بنص سعر الشنط اللي بره وعلى ماراحووا ويااابوا الجنطة قعدت اصور هالولد اللي قاعد يلعب يتزحلق بهالطريقة على سلم الماكدونالد صبي كويتي الله يهداااه بس يشوف اي سيكورتي يمر او عامل بالمطعم يصير عاقل وقمنا نخرعه نقول له يااك الريال يقوم يتأكد مافي شي يرد يتزحلق  خخخخخخخ يوسف وجياسه قبل يوم  |
|
|
|
|
01-24-2018, 08:16 AM
|
#59 | |
|
رد: بلادكم حلووة حلووة ..بس الوطن ماله مثيل
السلام عليكم الجزء الرابع والعشرين واليوم الاخير بلندن وبريطانيا كلها يلا مع السلامه خلصت ههههههههههههههه لا لا تعالوا اقعدوا الحين نشغل الفيلم حياااااكم لا تزعلون نتغشمر والبارد عل حسابنا يلا تفضلوا........لا تنسون ان التوقيت اللي بالصور هو توقيت الكويت نقصوا ساعتين منه بعد لوية امس وعقب ترتيب الشنط كلها بالليل .......والصبح على الساعة تسع تقريباا صحينا قمت وبدلنا انا وبوحسين وسكرنا جناطنا قعدنا العيال وفرة على جناطهم ونشوف التسكيرة الاخيرة لهم نزلنا وعملنا التشيك ان على الساعة ........10ونص شوفوا الفواتير من موقع بوكينق السعر للغرفة الوحدة والتاكس ويطلع سعر الغرفة للثمان ليالي = 1060 باوند = 466 دينار كويتي السعر للثلاث غرف =3180باوند =1399 دينار كويتي  وهذه بيانات الحجز من الفندق نفسه للغرفة الواحدة  وهذه المبلغ بالكامل للثلاث غرف بعد ما كملوا سحب المبلغ لانهم كانوا ماخذين لليله واحدة من اول الحجز  واخيرا بعد التشيك ان على الغرف قالوا لازم تدفعون لنا على خدمة الغرف الطلبات اللي ومصبغه اعتقد وضياع فوطة خخخخخخخخ = 51 باوند  والحين طيارتنا الساعه 8 بتوقيت لندن يعني عندنا وقت والشنط واايد ........قلنا لهم ممكن نخليهم عندكم قالوا مافي مانع ودخلوا الشنط بالمخزن عندهم رحت معاه وتاكدنا من شنطنا وعددهم15 جنطة 9كبيرة و6 صغار بين هاند باج ولابتوب وشنط البنات غير ان الكبار فيهم وزن زايد المهم خليناهم ورحنا نتمشى قلت للعيال شرايكم جوله نهرية والا نروح لمنطقة لندن أي قالو الجولة يمكن نتأخر عن الشنط وعن المطار والرجل صاحب التاكسي مبلغينه انه يكون عندنا قبل الخمس عند الفندق قررنا انا ويوسف والبنات الذهاب لمنطقة لندن آي قلت لهم الحين المنطقة رووعه وفيها شخصيات واما حسين وابوه طبعا كوينز واي وبعدين الاجورورد بيودعونهم وهذه صورنا تابعو معاي ركبنا تاكسي انا والعيال ونزلنا عند الجسر للبيق بن وهني مرينا بقصر الملكة ما رحنا هالسنة ........مع اني كنت مخططة ازور محلات السوفنير اللي هناك بشتري فوط واكواب للشاي و اباريق للشاي بس بعدين هونت لان الشعار للتاج الملكي عليه صليب فهونت كنت شارية منهم في سنة 2010 بسكوت هاندميد ....وشاي انجليزي ملكي شوفوا الشعار على جميع البضائع اقلام وفوط وكل شي عليه التاج .........والصراحة انا كنت ناوية اشتري الفوط بعد علشان لما استخدم فوطهم احس احساس الملكة ههههههههه         وصلنا واول صورة  ثاني صورة  ثالث صورة  ههههههههههههه يا غنيمة من اولها ايسكريم ويوسف اخذ هوت دوغ دجاج اكل لقمتين ووزعها علينا ........لان ما يقدر ياكل اكثر نكمل الصور  وهذه شبتي الانستغرامية  دخلنا نتريق لاني يعت ونشوف قعدتنا بالكافيهات اللي عند الاكواريوم ريوقي  وهذه بنتي شرته وانا حاطته بالغلط باليوم السابق بعدين رحنا للشخصيات اللي تحت لندن آي وهذه الصور       شوفو الياهل اشلون متعجب من قعدة الرجل بالهوا  وهذه خدعته وقال له يوسف انت قاعد جذيه ارفع كمك قال حق يوسف نو نو .......يضحك مع يوسف وبعدين عطاه يوسف باوندين   منو بطفولته ما سمع عن هالحارس اللي ما يتحرك ولا يرمش ووده يشوفه ؟؟ بس هني غشمرجي ويحب يصور ماسكين ايده    هذا ينادينا مرحبا مرحبااا      اقروا شنو مكتوب ....ذكرى    البييييز يتجهزون    شايفين مكان تكرمون التواليت خلف الالعاب هذا انظف تواليت شفته بلندن .......مبنى الجدار له اسود لامع كأنه رخام او بلاستك اسود ......وعليه اثنان يحرسونه الدخول بتوباوند كل غرفة حمام فيها منظرة ومغسلة وصابون سائل واللي شفته رسمة العلم البريطاني مزينة تكرمون غطى المرحاض واطار المنظرة غطاء القمامة وشي نظيف الممر بره نفس الشي مزين بعلم بريطانيا ........تي شيرت العمال على صورة علم بريطانيا يستاهل ال 2 باوند  |
|
|
|
|
01-24-2018, 08:21 AM
|
#60 | |
|
رد: بلادكم حلووة حلووة ..بس الوطن ماله مثيل
التجمهر كان على هالفرقة الافريقية
  كان ودي العبها .....بس ما شجعوني العيال   نصور النهر         نعم ؟؟  فقاعات    وهني شفنا هذا المكان حديقة المشروم اسمها جذيه لان كراسيها مثل المشروم.....ومنها تدخل على الالعاب وفي اكشاك تبيع اكسسوارات واكل وعصاير وجيه    أكلنا رقي بارد لونها ابيض بس لذيذة  قعدنا انا وغنومة وبعدين العيال يوو وراحوا يلعبون بالالعاب وانا ظليت بمكاني     على وين رايحين  وبالاخير تعرفون بوسف يوم شرا تي شيرتات من بريماك هذه هي  بقولكم سالفة يوسف وربعه بهذا اليوم يقول كانوا طالعين بثلاث سيارات يقول وقفنا عند مطعم بشارع المطاعم ويقول يالهم واحد ياخذ الطلبات يقول كلنا نفس الطلب ونفس العدد ...........يقول الجرسون يقول هو اليوم فيه ايه؟؟ قالوا له ليش ؟؟ قال والله مش عارف كل الناس لابسه زي بعضيها وتطلب زي بعضيها .... ردوا عليه لا لا بس احنا اللي بسيارتنا لابسين زي كدة وهذه طلباتنا ههههههه دوخوا الريال مسكين وهذه وردة لكم...بس علشان تستحملوني لاخر اليوم  الى اللقاء وانتظروا شوفوا مشكلتنا مع الشنط |
|
|
|
|
| مواقع النشر (المفضلة) |
| الكلمات الدليلية (Tags) |
| ..بس, ماله, أبدأ, الوطن, بلادكم, حلووة |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| من أين أبدأ ... | ناصح أمين | رِيَاض نَسَائِم عِطْرُ النُبُوَّة | 3 | 07-28-2018 10:51 AM |
| هوايَ ماله مثال | عادل الحباب | رِيَاضُ مَنَارَةُ الحَرْفِ وَ عَزْفُ الْوِجْدَان "يُمْنَع المَنْقُول " | 8 | 05-15-2016 07:12 AM |
| أبخل شخصية في العالم | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 4 | 01-14-2016 01:39 PM |
| أمي تسولف عن وطن ماله حدود كبرت وشفت ان الوطن امي - mms-sms | منال نور الهدى | رياض الهواتف الذكية والأجهزة اللوحية | 3 | 07-13-2014 11:03 AM |
