| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
10-23-2017, 02:42 PM
|
#31 | |
 
|
رد: ضمى الترحال في أرض الطبيعة والجمال (النمسا 2009)
اكتشفت مشكله ثانيه نسيت اقول لكم عليها ههههههههههه ادري غثيتكم وكأن المشاكل قامت تجر بعضها بس هذي مشكله تمغص البطن الا وهي اني ناسي قاعدة القارمن اللي تثبت القارمن على القزاز..مو هنا المشكلة المشكلة ان مقبس << أتعب انا على الاسلوب المشكلة ان مقبس او مدخل شاحن السيارة في هالقاعده يعني مو بالجهاز نفسه :112: وش سوينا صرنا ناخذ معنا شاحن البيت وذا قرب يطفي القارمن وقفنا عند اقرب كافي وشربنا عنده كافي حتى ولو ماحنا مشتهينه وشبكنا القارمن عندهم لين يشحن وطلعنا وعلى هالحال...يعني طلعت من النمسا بنسبة كافيين كفيلة بانها تخليك مواصل شهر:  طيب متى انحلت المشكله اقول لكم فيما بعدين الحاصل اني طول ماانا اسوق ..القارمن في يد والكاميرا في يد والدرقسون في يد واحيانا تتدخل احد الرجلين للمساعده: يالله نخليكم مع صور الطريق الى وولف قانق ..بس بدون ازعاج ..وانا باخذ لي غفوه قصيرة اجهر عيوني الكمبروتر                 شفت اللوحة هذي اللي على يمين الخط ...انتبه غزلان ...ايييييييه يالله الجنه  قلت مو بس انتم يالنمساويين عندكم مثل اللوحات هذي..حتى حنا عندنا 7 7 7 7 7 7 7 7 7  : .gif) مع تحيات امن الطرق بالنعيرية : وهذي فلسفة احترافية بس عشان ابين لكم ان الغيوم ذاك اليوم روووعه ..اتمنى ان تنال على اعجابكم  وهذي بعد  وصلنا قرية وولف قانق ووقفنا في مواقف القرية وكانت الساعه 11 الا عشر طبعا المواقف كانت محمية بحاجز...اضغط الزر وخذ الكرت ووقف ولامن جيت تطلع تدفع الرسوم انا كنت احسب المواقف مجانيه طلعت برسوم واذكر دفعت حول 3 يورو يوم جيت اطلع هذي المواقف  ركنا سيارتنا  ونزلنا نتمشى عند البحيره ولفت انتباهي فندق سي فيلا في وولف قانق وكعادة هالشركة في اختيار المواقع الحلوه   |
|
|
|
10-23-2017, 02:48 PM
|
#32 | |
|
رد: ضمى الترحال في أرض الطبيعة والجمال (النمسا 2009)
     بعدها قلت لخويي وش رايك ناخذ جولة في القرية حيث اني شفت لها صور في بعض التقارير وكانت جميله لم يمانع فاتكلنا على الله ..واليكم جولتنا المختصره والتي قد تقلب مواجع من زار هذه البلدة من قبل    هذي مواقف اعتقد انها مجانية ..لست ادري صراحة:114: لاننا شطفناها وحنا مسرعين :  اللي نظره 6 على 6 بيشوف سيارتنا في آآآخر الصوره   هذا النفق ..كم مره شفتك في تقارير الاعضاء ..هل يعقل انني اقف امامك على الطبيعه :(<<عاد شوله تصيح  مدخل القرية  عمدة الحي    مااجمل مبانيهم   |
|
|
|
|
10-23-2017, 02:51 PM
|
#33 | |
|
رد: ضمى الترحال في أرض الطبيعة والجمال (النمسا 2009)
       هذا محل يجذبك غصب ويبيع صابون طبيعي ..اشكال والوان وروائح خرافيه   مشينا لين وصلنا هالمبني التوحفه المكتسي باللون الاخضر الطبيعي...شي عجيب :114:  وهذي صورة ثانيه  دورنا صاحب عربانة الخيول ذي ولقيته مندس في الفندق الاحمر اللي فوق متكي مع الرسبشن قلت تعال ياملا الصلاح مخلي عربانتك ودق حنك هنيّا وحنا لنا ساعه ندورك جاء يدربي راسه  قلنا نبي ناخذ لفه ..قال للاسف محجوزه واذا تبون تنتظرون نص ساعه قلت ماتشوف شر من هالمكان رجعنا لسيارتنا لأن الساعه جت 11 ونص الصباح وحنا ورانا مشاوير كثيرة اليوم اترككم مع الصورة كإهداء مني لكم  ولنا تكملة قريبا بإذن الله <<<ماعاد يشوف الدرب  في امان الكريم وبحفظ الرحمن |
|
|
|
|
10-23-2017, 02:55 PM
|
#34 | |
|
رد: ضمى الترحال في أرض الطبيعة والجمال (النمسا 2009)
السلام عليكم ورحمة الله وبركاته بعد انتهاء جولتنا السريعة في القرية كنت متشوقا جدا لتجربة القطار البخاري اللذي يأخذك لقمة بانوراميه واطلالة ماراثونية على بحيرة وولف قانق وموندسي  فوضعت احداثيات مواقف القطار وهي : N47 44.349 E13 26.357 ماامداني اشرب جغمتين من الببسي الا وحنا عند القطار طبعا المواقف فيها حاجز بس تضغط الزر وتدرعم وفي اقرب مكان ..بمعنى اركن سيارتك في أي مكان واذكر اني وقفت سيارتي تحت شجره << صارت سيارته: وقفنا السيارة وطلعنا على رجولنا لتذاكر القطار هنا صورة توضح الحاجز حق الموقف  بعد ماتطلع من عند الحاجز تروح يسار وتمشي شوي لين يجيك مكتب التذاكر على اليسار  تلاحظون في الصورة السابقة والتالية وقوف الباخره الي يامكانك اخذ جوله بها في بحيرة وولف قانق فهذا المكان يعتبر الميناء اللتي ترسوا به البواخر  لحسن الحظ ان مكتب قطع التذاكر ماكان زحمة يوم جينا فقينا التذاكر بسرعه وكان سعر التذكرة 20 يورو للشخص الواحد ..والله غويلي  بعدها اتت الامم وشلّة حسب الله ووقفوا طوابير وحنا نناظر ونقول الحمد لله اللي فكنا من زفرتكم :  بعد قطع التذاكر تجلس تنتظر القطار يجي من القمة عشان تروح معه فوق حنا قطارنا الساعه 12 الظهر ..يعني باقيله حول النص ساعه...شوفوا الصورة  فاصل دعائي القطار البخاري من امتع الرحلات التي رأيت في النمسا واللي يبي يروح له ينتبه لايتوهق زيي لان الجو في الاسفل يتخلله بعض الحرارة وهذا اللي خلاني اخلي غطاء الرأس في السيارة ولحسن الحظ اخذت الجاكيت ولما صعدنا فوق بغيت افطس من البرد  ..لذلك وجب التنبيه  القطار اسمه في القارمن : Schafbergbahn يجب ضبط الكاميرا قبل الصعود لانك راح تشوف مناظر اسطوريه لم ترى مثلها في حياتك وصدقوني حاولت اوصف روعة المكان فلم استطع ذلك ...فالجلسة في القمة والسحاب يداعبك بحجب الرؤية تاره وينجلي تارة اخرى ومناظر البحيرات الفيروزية في الاسفل والطبيعة تحتضنها من كل الاتجاهات ..منظر يأسر الالباب ويسر الخاطر وينسيك همومك من ولادتك ويفرمت ذاكرتك ويزيل منها الشوائب: عموما هذا رابط pdf فيه كل شي عن القطار البخاري >>>> هنــــا بغيت انبه على شي مهم الا وهو ( اذا صعدت فوق اول ماتنزل من القطار ..اصعد الدرج وتلقى شباك ماعليك سوى تحديد وقت مغادرتك يعني بعد ساعه ساعتين ثلاث ..على كيفك وبيعطيك ورقة احتفظ بها لين ترجع) فيه منحدرات خطيره بالاعلى يعني اللي معه بزارين ينتبه لهم ..وراح تشوفون بعض الانحدارات اللي انا بكبري بغيت ادحدر منها : هذا باختصار اللي بغيت انبه عليه الحين اخليكم مع الصور هنا اثناء انتظارنا للقطار  تعبنا من الانتظار لين وصل قطارنا ..الحمد لله على السلامه        |
|
|
|
|
10-23-2017, 02:59 PM
|
#35 | |
|
رد: ضمى الترحال في أرض الطبيعة والجمال (النمسا 2009)
ركبنا وتوكلنا على الله ...من داخل القوطار          بدأت المناظر الخلابة بالظهور 
|
|
|
|
|
10-23-2017, 03:02 PM
|
#36 | |
|
رد: ضمى الترحال في أرض الطبيعة والجمال (النمسا 2009)
 بدينا بالجد...  هذي بحيرة وولف قانق       لم يهدأ صوت غالق الكاميرا طيلة الرحلة    كيف حالك ياعاشق القمره ههههههه   صورة للامام (:  للخلف...شوفوا السماء مغيمه والهواء بارد ..والله ياانه يشرح الصدر  يالله على الاكسجين النقي ..العليل..الصافي...المنعش...والله احس نسبة الاكسجين فل الفل كل ماصعدنا هذولا شيبانن معنا في القطار  وهذولا استغربت منهم...منين جايين ووين رايحين .. بس والله ياهم يحبون الرياضه    هنا دخلنا نفق  وهنا طلعنا منه هههههههههه قولوا استهبال قولوا وناسه قولوا اللي تقولونه اهم شي اني كنت في حالة من الانشكاح والوناسه والفررررخه ماقد حسيتها من قبل  نكمل قريبا ..لسى هذي مقبلات بسسسس نشوفكم بعد الصلاة في امان الله
|
|
|
|
|
10-23-2017, 03:05 PM
|
#37 | |
|
رد: ضمى الترحال في أرض الطبيعة والجمال (النمسا 2009)
لازلنا في الطريق الى القمة والجو في الخارج بااارد لدرجة اننا سكرنا الدرايش كلها وبحيرة وولف قانق واضحه وبحيرة موندسي في الجهة الاخرى وبعد شوي نشوفها  واخيرا وصلنا  هاهم الركاب يهمّون بالنزول   وهنا اثناء النزول ايضا     فيه ناس ماتعترف بالممرات ويصعدون قطوع : والله ماألومهم  اول ماتطلع تشوف المطعم والكافيهات هناااك  كان الجو زي ماقلت لكم مررره بارد ويادوب اقدر امسك الكاميرا وش رايكم نصعد مع بعض ونشوف وش فيه فوق :114: يالله مشينا ونبدا بهالصوره  هنا احد القطارات العائدة الى نقطة البداية لاخذ الركاب الى القمه   هنا المكان اللي نزلنا فيه ... يالله شدوا حيلكم  كحلوا ناظريكم..الجلسة هنا ترد الروح    وصلنا لاحظوا شكل الغيوم اللي تشرح الصدر مبين برد صح  بعض اللقطات من امام المطعم اللي فوق   مافيه احد جالس برى بسبب البرد ..انا باخذ اللقطة ويااااألله قويت   تابعوا ...لسى باقي 1000000 صورة بس للقمه العجيبه هذي |
|
|
|
|
10-23-2017, 03:09 PM
|
#38 | |
|
رد: ضمى الترحال في أرض الطبيعة والجمال (النمسا 2009)
    نفس اللقطة مع شوية تعديلات اهداء لاعضاء منتدى الزاد   احس بان عندنا هشاشة جلد اذا شفت ذولي بهالبرد الصرايم لابسين شورتات :114:  احيانا عند النظر الى الاسفل من جانب الجرف لاترى الا السحب وبقايا الثلوج العالقه  كما تلاحظون   عندما ينزاح الغمام ترى ماهو اجمل  يالك من مكان تخرس الالسن وتأسر الالباب....نرى طرف بحيرة موندسي بمياهها الفيروزيه الرائعه  عليكم بالانتباه لأطفالكم...فالمنحدرات خطيره وبعضها بلا سياج  اعجبتني وقفة الطفل بهذه الوضعيه...ولقطتها لكم  بعد التعديل عليها قليلا ..علها ان ترتقي لسمو ذائقتكم  رجع السحاب ليحجب الرؤية من جديد  |
|
|
|
|
10-23-2017, 03:13 PM
|
#39 | |
|
رد: ضمى الترحال في أرض الطبيعة والجمال (النمسا 2009)
هذي بحيرة موندسي الساحره بمنظرها الرائع  اسرتيني ياسالزبورغ :( على فكرة هالصورة لعوزتني مهي راضية تفتح عندي ..وهي سليمه بس لامن اعتمدت المشاركه تطلع معوّقه هههههه   اربطوووووووا الاحزمه  وفيه احلى من هالمنظر...اسألكم بالله   توقفت هنا طويلا وطويلا وطويلا   سبحان الخالق المصور المبدع  اخذنا كفايتنا من البرد فأردنا احتساء شي من القهوة ونحن نرى هذا الجمال ارباني..سبحان الله   هنا نفس الصورة ونرجع لفلسفتنا ...الله يعينكم علي :  اهني هالشايب وعجوزه..جايين يجددون شهر عسل ...لالحين فيهم حيل يتمشّون ..اقول الله يخلف على شيباننا بس :  المطعم الكبير زحمه قلنا نروح للثاني اللي في الزاويه ..احسن واشرح ومكانه استراتيجي   |
|
|
|
|
10-23-2017, 03:16 PM
|
#40 | |
|
رد: ضمى الترحال في أرض الطبيعة والجمال (النمسا 2009)
هذا المطعم والكافي الاخير جلسة فيه تسوالها عرب : بغيت اقول تسوى الدنيا ومافيها لكني تذكرت الحرم الشريف  كان زحمه والحمد لله قاموا ناس ولزقنا مكانهم ...والاحلى ان مكانهم استراتيجي..في الزاويه وحنا يالعرب نموت في الزوايا :   هنا بعض اللقطات من مكان واحد     من الصور السابقه تلاحظون من وضعية المظله ان هناك هواء قوي شوي ..صح وهنا مفاجأه حللللللللللللوه لكم.... صراحة ودي اعيشكم الجو اكثر واكثر من خلال الصور لكني قلت فيه طريقة احلى لجعلكم تحسون في المكان وكأنكم فيه اخليكم مع الصوره واذا ماطلعت انتظر حتى تظهر  هاه وش رايكم بالمفاجأه صراحة شفت ان الصور الصامته ماتفي بالغرض الا وهو اني اعيشكم الجو وكأنكم معي فــ دورت على طريقه افضل ومن حسن الحظ اني كنت مصور الصور من نفس المكان والوضعيه رحت وجمعتها بالايميج ردي واضفت عليها تأثير الحركه وهي تعتبر تجربه مبدئية حتى اني ماسويت بروفه عليها .. لكن القادم احلى باذن الله << كاسر خاطره اللي قام يصفّق بالجدار على يمين الصورة : نختم معكم حلقتنا بهالصورة ..تخيلوا كيف طعم القهوة والتشيز كيك في هالمكان  لازال هناك الكثيير من الصور ..سأضعها في اقرب وقت ان شاء الله |
|
|
|
|
| مواقع النشر (المفضلة) |
| الكلمات الدليلية (Tags) |
| (النمسا, 2009), أرض, الترحال, الطبيعة, في, والجمال, ضمى |
| الذين يشاهدون محتوى الموضوع الآن : 6 ( الأعضاء : 0 , والزوار : 6 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| صور من الذاكرة {{ ماليزيا 2009 | السعيد | رِيَاض إبْنُ بَطُوطَة لِسْيَاحَة والسَفَر | 3 | 11-19-2018 08:58 AM |
| لساحرة أوروبا .. أرض الطبيعة والجمال ( إيطاليا - سويسرا - فرنسا ) | السعيد | رِيَاض إبْنُ بَطُوطَة لِسْيَاحَة والسَفَر | 6 | 11-06-2018 03:28 PM |
| لا عطر بعد عروس ربيع أوزونجول 2009 | السعيد | رِيَاض إبْنُ بَطُوطَة لِسْيَاحَة والسَفَر | 10 | 11-04-2018 07:48 AM |
| أحضان الطبيعة والجمال النمسا وألمانيا صيف 2013 | السعيد | رِيَاض إبْنُ بَطُوطَة لِسْيَاحَة والسَفَر | 7 | 01-25-2018 04:34 PM |
| رومــــــromeـــــــا ... وأيـام لا تـنسـى - 2009 | السعيد | رِيَاض إبْنُ بَطُوطَة لِسْيَاحَة والسَفَر | 7 | 10-28-2017 01:19 PM |
