فزي يا الفجيره وقومي

مدخل..
..فزي يالفجيره وقومي مرعده مزنك تهالي
عد ما هلت هتونك لشيخك الشرقي تعادي..
(السلام عليكم ورحمه الله وبركاته)

.
+
.
من بعد غيبه ارد لكم بتقرير بسيط ان شاء الله ينال اعجابكم
.
+
.

ماقبل الرحله..
قبل العيد بيومين وفجاه قرر اخوي ان نقضي اجازه العيد في مكان ..
وشرطنا كان مانبات في بيت حد ابدا وما نرتبط بحد عسب نقدر نتحوط ع راحتنا
وبدينا رحله البحث المتاخره
بدايه في فنادق وشقق العين >>> Full
ابوظبي استبعدها نهائيا
دبي مستحيل
حتا >>> Full
الشارجه مستبعده نهائيا
عجمان مستبعده نهائيا
ام القيوين >>> Full
الفجيره >>> Full
خورفكان >>> Full

حزتها يوم شفت ان السالفه جيه عصبت وقلت لاخوي انا من شهر اقولكم بنحجز ما طعتوني

واخوي يردد اللي الله كاتبنه بيصير وكلنا امرنا لله وقلنا في ثاني يوم العيد بنتوجه لراس الخيمه ووقتها يحلها الف حلال

.
+
.
اول يوم العيد ... بعد ماردوا من المصلى يانا اخوي يزف لنا الخبر التالي

تكنسلت الرحله يبونا نسير لهم في خورفكان عند النسيب واختي مخيمين

طبعا اعترضنا وكل شي بس اخوي قال ابوي بيسير ولازم نسير بنسير عندهم بنقضي يوم وبنرد فليل بنسير راك ووافقنا على هالشي
.
+
.

يوم الرحله..

نشينا واستعدينا ونحن نحط الاغراض في السياره فاجئنا خبر ان ابوي ما بيسير لانه تعبان ومايقدر ع الدرب

فانطلقنا....
.
+
.

اعضاء الرحله:
السياره1: اخوي وحرمته وعياله ال 2 وانا وخواتي ال2 >>> نسير فليل راك ( يعنى راس الخيمة بالانجليزى)

السياره 2: النسيب واختي وولدهم >>> بيباتون عندهم

السياره 3: النسيب واختي وعيالهم ال 6 >>> بيباتون في الفجيره حاجزين شقه

وانطلقنا..

.
+
.
مرينا بدايه شيشه البترول..

طبعا نحن على قوله اخوي لازم تحللون كل طلعه وبدايتها باكل فمرينا القوز ناخذ كيما وبراتا وكرك

وكعادتي في كل رحله .. بديت احس باعراض المرض وتميت ادعي اني استانس بهالرحله وما اتكدر فيها

صور للطريق...

لا تـكـدر خــاطــرك ..~

ونحن في الطريق اتصل فينا النسيب وقال ان شي شقه فاضيه اذا تبوني احجز لكم ويانا واخوي وافق على ان نقضي الليله في الشقه واليوم اللي بعده نتوجه لراك

ووصلنا متاخرين شوي.. كانوا ناصبين خيمه للحريم وخيمه للرياييل

وكانوا يسوون الغدا

وبعدها تغدينا .. صالونه سمج وعيش ابيض ودياي مشواي وسمج مشواي بس ماصورت

وطرشنا لعايله سوريه كانوا يالسين مجابلنا وردوا لنا الصينيه وفيها :

ويلسنا نتدفى شوي

وبعدها قضينا العصر تمشي ع البحر والرياييل ساروا ياجرون سكوترات الساعه ب 200 لكل سكوتر وهم خذوا 3

وواحد من السكوترات ماكمل عشر دقايق الا وفضت بطاريته واتصلوا بهم عسب ايون وما يوا الا بعد ماخلص الوقت وفوق هذا غرموهم 400 بسبب ان السكوتر تشرمخ يوم هدوه !!

وكل ماتاخر الوقت زاد البرد وزاد تعبي

شوينا ذره

وشربت للمره الرابعه كرك من يد النسيب

وبعدها بدوا التجهيز للعشاء

وسمينا بالله وكلوا الا انا زاد التعب علي وانسدت شهيتي واكتفيت بحبه ام الربيان عن خاطر اختي وبعدها اعتزلت في مكان بروحي

وبعد ماخلصنا شفنا ان الساعه صارت 12 وقررنا نتوكل وطبعا مع معارضات النسيب وزعل اختي ان ليش حاجزين وبيتهم مفتوح لنا
ونحن اصلا كنا نبا نوع من التغيير بعيد عن كل الارتباطات اعتذرنالهم وودعناهم..

مرينا السوبر ماركت ناخذ بعض الاغراض وتوجهنا للفجيره ..

واول ماوصلت خذت صور سريعه للغرف ولاني كنت موصله حدي قررت اكمل تصوير اليوم الثاني ورقدت على طول..

.
+
.

نشيت اليوم الثاني وخذت باقي الصور وعشان ما الخبط قلت بنزلهم بالترتيب..
.
+
.

الديار للشقق الفندقية -الفجيره

الشقه فيها غرفتين وحمامين وصاله ومطبخ
اليوم ب 500

صور الغرفه الاولى:

الغرفه الثانيه بس ماصورتها كلها فيها دولاب كبير وداخله بعض المستلزمات:

الحمام الاول:

الحمام الثاني:

المطبخ ومحتوياته:

الصاله:

الاطلاله:

العيب الوحيد اللي شفته المواقف:

وبعدها تريقنا ع الطاير .. واخوي نش وهو مريض وقعدنا محتارين ما بين نيلس ونسير وفي النهايه اخوي قال بنكمل رحلتنا لراك لانه ما يقدر على جو البحر هنيه وانطلقنا متجهين لراك.. RAK
( اختصار راس الخيمة بالانجليزى )

وانتظروني في تقرير منفصل

والسموحه منكم

رحلة كانت رائعة وفيها جمال المكان ودفئه
تصوير و متابعة منك تستحق الاهتمام في سرد الرحلة
لروحك السعادة