البارحه يوم العباد هجوعي

بسم الله الرحمن الرحيم
السلام عليكم ورحمة الله وبركاته
قصيده تشرفت بكتابتها في محفل احد جماعتي وحبيت اضععها بين يديكم امل ان ترتقي لذايقتكم.

البارحه يوم العباد هجوعي=
= اسهر مع نجم سهيل واناظرها
كني اناظر في امجاد اربوعي=
= العزوه اللي دايم نقدرها
عزوة هل الملحا اطوال البوعي=
=شموخها بالماضي وحاضرها
عيال وايل عزوتي وجموعي=
= مثل الصقور اللي على ماكرها
عزوه غلاها تحتويه ظلوعي=
= افخر بها وامجادها ننشرها
واليا دعاني من اربوعي دوعي=
=علي اقدر دعوته واشكرها
في حفل ابوسلطان نجي طوعي=
=كل الضروف من اجله انصخرها
طيب وفا هو قصدي ومطموعي=
=مودة (ن) والله لايغيرها
واجب اشارك بالافراح ربوعي=
=واقولهم مبروك واكررها
ونعيدها بالمنطق المسموعي=
= دعواتنا نجهربها ونشهرها
ونعيدها بالمثني المربوعي=
= ولهم السعاده الله ايسرها
ربعي ذراي ومحزمي ودروعي=
=الله على عدوانها ينصرها
انا فخور بعزوتي وفزوعي=
=اللابه اللي للطلب نذخرها
لهم وقفات(ن) تبري الموجوعي=
=مفاخر(ن) كل العرب تذكرها
والخالدي عنه الردى ممنوعي=
= رجال المعالي طيب(ن) معشرها
اهل كرم ماتحسب المدفوعي=
=والله على زين النبا مقدرها
ترحيبهم يبر الضما والجوعي=
=بمجالس(ن) طيب النبا عطرها
كنك تشف عذوبة الينبوعي=
= رشات مزونً مثقله ماطرها
مجالسً توضي فنر وشموعي=
= ودلال بن بهيلها مبهرها
وكل القبايل راسها مرفوعي=
=اهل كرم لضيوفها وزايرها
والطيب لهل المرجله مشروعي=
= يمنا تحب الطيب من يقصرها
وعلى الردي اصعب من حب الكوعي=
= نفسه تهاب الطيب لو يجبرها

الشاعر. خليل مسفر الطلوحي العنزي

كلمات موزونة وقافيتها حكيمة
قصيدة جميلة جدا وفيها الفخر والعزوة
صح لسانك على كلمك وفكرك شاعرنا الرائع خليل الطلوحي
لروحك السعادة

جميل جدا ما كتبت أيها الشاعر والأستاذ خليل مسفر الطلوحي
قصيدة ممتعة و رائعة و جزلة
ودي

كلمات رائعة جدا يسلم حرفك شاعرنا خليل
تحية

جزالة في الكلمة والنضم و الوزن
سلمك الله وصح قولك
مودة

تسلم اناملك شكرا لك وننتظر كل جديدك

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

سأكتبُ كل العباراتِ في ورقٍ مخطوط ْ
لأجعل منها أروع أكليل من الحروفِ والكلماتِ
والزهور والأنغامْ
وألحانِ الشكرِ والاحترامْ
لأقدمها لكِ تعبيراً عن شكري وإمتناني