جوني اطروشً من شمال المدينه!!

السلام عليكم ورحمة الله وبركاته
هذهِ القصيده قديمه جدأ قبل تجي
الاجهزه الذي سهلت الواصل بين
الناس كنت موضف بالرياض واهلي
بضواحي المديمه شمال بعد اخذت
علومهم كتبتها حبيت اضعها بين ايديكم

جونى طروش ًمن شمـال المدينـه

والقلـب بعـلـوم المساييرطـايـر

طـروش بـدو بيئرهـم قاطنيـنـه

منزا لهم بيـن الهضـاب الشهايـر

والقب هـام وبـان خافـي خزينـه

كنه على حامـي لهيـب السعايـر

وهـنــي دار ً ربعناساكنـيـنـه

اهـل بيـوت مثولثـات ً ظهـايـر

يازين حطة شيلهـم مـن ضعينـه

بروض(ن)معلول من المزون المطاير

والنجرنـادى للمسـيـر رطيـنـه

وقضواوقات بـا الفـرح السفايـر

وقامـو وكـل ًبندقـه فـي يمينـه

تفرقـو مـع الـحـلال النشـايـر

بين البني تشـوف عفـرى رزينـه

مثل المهـا بيـن البنـات الحرايـر

من خلقتـه ماجـاه كلمـه تهينـه

عين العنوداللي من الصـوت ذايـر

قلـت السـلام وردواقفـى بحينـه

يخاف من هـرج الغثـى والنكايـر

واخشى عليهـا مـن عجوزلعينـه

كانت تفتش قربهـا بـا الصرايـر

وقفيت روحـي عندروحـه رهينـه

ياليت يرافقنـي واسـوق البشايـر

رفقت عمر ماهـي برفقـت خدينـه

ولا الخديـنـه منوت(ن)للبـوايـر

غـرو ًنهـب قلبـي وبيـحّ كنينـه

كنـه يشـب الناروسـط الضمايـر

ليالتفـت كـن القمـر فـي جبينـه

زينـه يفـوق الغانيـات النظايـر

ماتاصل العشريـن عـدت سنينـه

تـوه علـى زم النهـود الصغايـر

ماهـي نشـاش ولاردوم متيـنـه

تنسف على الردفيـن شقرالظفايـر

عيونـي عيـت لاتعايـن بعيـنـه

ليانظـرة عينـي نظرهـا يغـايـر

مـدري خجـل ولا سبعنـي بزينـه

ولاطعنـي باالسـهـوم الشطـايـر

من بعدهم عايشت دنيـا حـز ينـه

اسهر واساهرلـي نجـومً سهايـر

ياويـل حـال اللـي تنحاظنيـنـه

يعيش وقتـه بـا العنـى والعزايـر

ليـا ذكـرت البعدبيـنـي وبيـنـه

اهرف هريف مهرفـل(ن)راح غايـر

ذيب(ن)ورعيان الدبش محتـد ينـه

وقفى يبـوج مجرهـدات الصحايـر

يفرقلبـي فـر سـيـر المكيـنـه

برض ً سنود وزايد الحمـل جايـر

وجدي عليهـم وجـد فاقـد جنينـه

بيوم(ن)عصيب وعاصف الجو ثايـر

حـل الظـلام ودوبهـم فاقديـنـه

والارض خوف وجرت السبع دايـر

امه تصيـح وتنشـد الطفـل وينـه

تنحـب وتنثرمـن جديـد العبايـر

وبوه يصفـق بـا الفيافـي يدينـه

مذهـول ظاقـت حيلتـه والفكايـر

مامـن عويـن بمحنتـه يستعينـه

ظلماكتـوم وظايعـات البصـايـر

هـذا عديـل اللـي بقلبـي دفينـه

هذا الذي في مهجة القلـب صايـر

بعودة حبيب الروح يسكـن حنينـه

عودة نظروسـط العيـون الظرايـر

ولامـل بـا الله والفـرج مملينـه

واللـي اكتبـه الله للعبـد صـايـر

الشاعر/خليل مسفر الطلوحي

وعليكم السلآم ورحمة الله وبركآته
كلمآت رآئعة و معآنيهآ جزلة
أبدعت شآعرنآ خليل الطلوحي بقصيدك المميز
ننتظر المزيد من روآئعك
لروحك السعآدة

اهلاً اختِ منال نور الهدى

نورتي وشرفتي /كانت هذهِ الابيات من بدايات كتابتي للقصيده رجعتني لها الذاكر

امنتكِ المولى مع جزيل الشكر

رائعة جدا وحتى وان كانت قديمة
نترقب لك المزيد شاعرنا الكبير
تحية

رائعة من روائعك اخي خليل الطلوحي
ابدعت في كتابتها واوفيت على رقة معانيها
اتمنى لك الموفقية والنجاح في حياتك
تقبل تحياتي

المشاركة الأصلية كتبت بواسطة آفــرَاح

رائعة جدا وحتى وان كانت قديمة
نترقب لك المزيد شاعرنا الكبير
تحية

هلابيك اختِ افراح

الرائع مرورك عزيزيتي شرفتي

دمتِ بحفض الله

المشاركة الأصلية كتبت بواسطة محمد العتابي

رائعة من روائعك اخي خليل الطلوحي
ابدعت في كتابتها واوفيت على رقة معانيها
اتمنى لك الموفقية والنجاح في حياتك
تقبل تحياتي

ياهلافيك اخوي محمد العتابي

اشكرك ياغالي الرائع مرورك الشذي لاهنت ولاهان منطوقك

دمت برضا من المولى

تغازل الحرف بكلامك الموزون والمرتب
بديع حقا ايها الشاعر
مودة

الله الله عليك كلمات رائعه نابعه من قلب صادق احساس مرهف وجميل
يعطيك العافيه ع بوحك السجى
احترامى لسموك الكريم

واصل ونحن نتظر لك كل جميل

الف شكر على الطرح الرائع