| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
07-05-2018, 08:50 AM
|
#1 | |
 
|
اسبوع فى ام الدنيا - القاهرة
التخطيط والحجز للرحلة كان قبل اسبوع الخميس خططنا وحجزنا والخميس اللي بعده سافرنا الرحلة  كانت الرحلة على الخطوط المصرية عدد افراد الرحلة 5 اشخاص كبار خط سير الرحلة من الرياض الى القاهرة الذهاب الخميس 1436/2/4هـ الساعة 1 الظهر العودة الثلاثاء 1436/2/9 هـ سعر التذكرة 1200 ريال للشخص ذهاب وعوده الكاميرات المستخدمة في التصوير  1. كاميرا كانون دي550 2. كاميرا جوال سوني زد 1 3. كاميرا ايفون اس5  احد اعضاء الرحلة جدد جوازه بس حجز قبل لا يستلم الجواز عنده رقم الجواز الجديد من موقع ابشر وحط الاسم نفس اللي في جوازه القديم ويوم طل جوازه الجديد وجدنا انو فيه اختلاف في بعض الاحرف  !! رحنا للمكتب الحجوزات اللي حجزنا منه التذاكر قال تعديل الاسم بكلفك 600 يعني حق نص تذكره جديده فكرنا وقلنا ممكن الجوازات يمشونها لان اهمشي رقم الجواز نفسه كانت مغامرة والحمد لله عدت على خير ولا احد فتح لنا الموضوع .gif) رحلتنا الساعة 1 واحنا جاين المطار الساعة 10 نتمشى بمطار الملك خالد الى وقت رحلتنا     اعجبتني فكرة الفياش  محاولات احتراف فاشله   واخيراَ جاء موعد رحلتنا  وبسسم الله اربطوا الأحزمة ويلا نقرا دعاء السفر تجاهلوا صلعت اللي قدامي   خط سير الرحلة  يوم انتصفنا في الرحلة جابو لنا الغذاء المضيفة عايزه فراخ والا لحمه انا تنحت شوي بعدين استوعبت .gif) قلت فراخ .gif) وجبتهم كانت لذيذة   وصلنا بحمد الله والشعب نزل يوم نزلنا كان فيه سيارات الجولف تنقل السستات وكبار السن والرجالة يمشوا .gif) المسافة كانت طويله يوم نزلنا الا سائق الجولف قال انتظروا الرجالة واحنا كنا نبي دورة المياه الله يكرمكم ورحنا وسحبنا عليه بعدين استوعبنا انه يبي بخشيش   شفنا ذا الرجل يلبس لبس غرييب !! قال خالي هذا غجري قلت وشلون عجري من اي ديره !! قال ماله ديره معينه هذولي في بريطانيا يسمون هولمس يعني متسولين وطلعنا من المطار عقب صلاة المغرب اخذنا فان مع السواق من احدى الشركات اللي في المطار يوصلنا الفندق وتونا ماشين الا وقف السواق قلنا له وش فيه قال العقلة نامت  ودق على واحد تبع الشركة وجوا يغيرون العقلة خذوا نص ساعه تقريبا وكل شيء تمام ومشينا وصلنا الفندق حجزنا في فندق هيلتون برج التجارة العالمي صفحة الفندق في بوكنق اضغط هناااا طبعا وصلنا في الليل وهذه الصور التقطتها في الصباح     وهذه الصور اثناء وصولنا الفندق اخذنا جناح مطل على النيل ثلاث غرف نوم و ثلاث دورات مياه و صاله ومكتب و بلكونه و مطبخ الصالة   نص الصالة كنب والنص الاخر فيه طاوله طعام   الشرفة صورتها بالصباح   مكتب   اطلالة المكتب على النيل  الغرفة الرئيسية مع تلفزيون و دورة مياه خاصه تعتبر جناح   الغرفة الثانية   الغرفة الثالثة  الفندق مساحته واسعه مقارنه ببعض الفنادق ريحنا شوي وخذنا تكسي ورحنا نتعشا كشري ابو طارق  بعدين اخذنا فره في القاهرة و رجعنا الفندق وبهذا ينتهي يومنا الاول هذا اول تقرير لي .gif) اعتذر ان كان به بعض الاخطاء ــــــــــــــــــــــــــــــــــــــــــــــ |
|
|
|
07-05-2018, 08:56 AM
|
#2 | |
|
رد: اسبوع فى ام الدنيا - القاهرة
الجزء الثاني في البداية اعتذر عن التاخير كما تعلمون ان اختيار وتصغير الصور ورفعها يستغرق وقت سعدت بردودكم الجميله اللتي اعطتني دافعاَ قوياَ لأكمل مابدأته .gif) ــــــــــــــــــــــــــــــــــ نسيت اذكر لكم ان يوم وصلنا قال السواق لنا ان انتوا بتطلعون بكره مكان قلنا ايوه قال ترا بكره في مظاهرات الافضل انكم ما تطلعون  ايامنا قليله وما نبي نفوت ولا يوم  قلنا نبي نروح الاهرامات قالوا منطقة الاهرامات بعيده عن المظاهرات قلنا كويس ــــــــــــــــــــــــــــــــــ اليوم الثاني  قمنا الساعة 9 ونزلنا نفطر الفطور كان متنوع بعض الشيء باعتبار انا تأخرنا بعض الاشياء خلصت وطلبنا منهم وفروها و بعضها يوفرونها بالطلب مثل الفلافل طبعا مجاني لكن بخششناهم لان العاملين ومدير المطعم خدوميين ولطفاء      المطعم والمسبح في نفس الدور اعتقد الدور الخامس بعد ما افطرنا قلنا نأخذ جوله عند المسبح   يوم رحنا عن المسبح كان هناك في موظف يوم شافنا جاب لنا عصير وش رايكم وش احلا ذي والا اللي بعدها   بعد ما خلصنا استكشاف منطقة المسبح رجعنا الشقة طريق العودة   وصلنا الشقة على الساعة 11 تقريبا دقينا على السواق اللي جابنا من المطار لان سيارتهم فان كبيره تكفينا لكن قال انه مشغول وبيتاخر جلسنا ننتظره في الفترة اللي سافرنا فيها كان الجو بارد جلسنا في البلكونة نحتسي الشاي ونستمتع بمنظر النيل .gif)        واخيرا جاء السواق وطلعنا متجهين للأهرامات تقريبا الساعة حول 3 العصر السيارات عندهم قديمة جدا وصغيره جدا  شفت هذي السيارة ذكرتني بالأفلام والمسلسلات المصرية  بدت تظهر لنا الاهرامات  شاهدنا محل فواكه فتوقفنا لنشتري بعض الفاكهة  الفاكهة المصرية لذيذة ورائحتها اممم      لفت نظري الميزان المتواضع  الرمان والمانجو حجمه كبيير ولذيذذ      اقتربنا من الاهرامات هنا وقفنا عند متجر يبيع مجسمات للأهرامات واشياء تصلح هدايا لكن سعره غالي نفس الاشياء لقيناها في خان الخليلي بسر اقل بكثير   لم اتخيل الاهرامات هكذا لها سور و بوابه و وسط البلد .gif) تخيلتها في صحراء بعيده      ابو عزيزه يبيع مجسمات اهرامات صغيره  هنا بالأسفل الاحجار التي بنية بها الاهرامات  قائد العربة سلومه  والحصان الجميل رامبو   الاب مع ابنائه    بعدها طلعنا من الاهرامات واخذونا لمحل عطور نقول ما نبي وصاحب العربة الثانية اللي اخذناها يقول ادخلوا وتفرجوا موب لازم تشتروا واصر علينا  لم تعجبني الطريقة وهذي من محل العطور قدموا لنا مشروبات ضيافة وكان فيه دكتوره انا لم يعجبني الموضوع   وبعدها رجعنا الفندق وريحنا واخذت كم صوره للنيل   وجلسنا ناكل بعض الفواكه  ونحتسي القهوة العربية  بعدها طلعنا لمول العرب كان مول كبير وجميل ومرتب وفيه كارفور بعدها رجعنا الفندق وطلبنا عشاء بيتزا من دومينوز وخلدنا للنوم وبهذا ينتهي يومنا الثاني ــــــــــــــــــــــــــــــــــــــــــــــــــ ــــــــــــــــــــــــــــــــ |
|
|
|
|
07-05-2018, 09:01 AM
|
#3 | |
|
رد: اسبوع فى ام الدنيا - القاهرة
نرجع ونكمل تقريرنا يومنا الثالث في القاهرة  قمنا بدري وافطرنا       وبعد الفطور طلعنا من الفندق نمشي للكورنيش النيل عاوزين نركب مركب فندقنا الجميل من عند كورنيش النيل   ذا الكلب منبطح حسبته ميت .gif)  صار يتشمس  واحنا نمشي واشوف ذا اللي يشوي ذرره  واصور الذره وذا اللي يشوي الذره يوم شافني اصور قال بتصوري ايه  ؟!!وانا اللي اقمط واهج   واخيرا بعد المشي لقينا بوابه نزلنا معها للمراكب    بعد ماوصلنا المراكب قالوا هنا ماتمشي هالوقت روحوا قدام اخذنا تاكسي ورحنا لهم .gif)  اخيرا وصلنا   وركبنا    برج القاهره من بعيد          برج القاهره         يصيدون  مركب مدر وش اسمه المهم انه ناقل هالسياره الكبيره   وصلنا لمزعة واستقبلنا العائله اللتي تسكن في المزرعه الجد والابناء والاحفاد  عندهم خلايا نحل ويبعون عسل عطونا نبذه عن العسل وكذا  وامهم تخبز تسوي فطير مشلتت   بعدها اخذنا جوله في المزرعه  وجونا اطفالهم وعطونا ورد  هذا جدهم يحليله رافقنا اثناء الجوله    وررد .gif)   هذا الشجر اللي على اليسار اللي يحطونه مع باقة الورد رائحته عطريه جمييله  اشول مره اشوف شجر الموز وثمرها (قاتل ابيه )   واخذنا الفطير  وطلعنا متوجهين الى القناطر   وصلنا الى بيت قالوا انه بيت ليلى علوي      بعض اعضاء الرحله تعبوا فقررنا العوده ولم نشاهد القناطر   مااجمل الغرووب رحلة تأمل واسترخاء    بعدها رجعنا الفندق وريحنا بعدين طلعنا لسوق خان الخليلي تجولنا في حي المعادي ندور بيت تختخ وكوخ المغامرون الخمسه  وقررنا نتعشا في مطعم فلفله ودرنا ندور المطعم وكل من سالنا يقولنا قادم ورا  اخيرا واحد قال لنا انه سكر فقررنا نروح لمطعم ابو السيد وندوور ندوره يالله وصلنا ويوم وصلنا الا في خناقئه في المطعم وبرا المطعم .gif) قلنا الهجه واخيرا رحنا اتعشينا في مطعم ام حسن    وطلبنا حمام محشي وفخار خضار اعتقد ورجعنا الفندق وبهذا انتهى يومنا الثالث  ــــــــــــــــــــــــــــــــــــــــــــــــــ ــــــــــــــــــــــــــــــــــــــــ  |
|
|
|
|
07-05-2018, 09:04 AM
|
#4 | |
|
رد: اسبوع فى ام الدنيا - القاهرة
اليوم الرابع قررنا نودع القاهرة ونروح الإسكندريه بعد مناقشات حول طريقة الذهاب لاسكندريه بالسيارة الطريق الصحراوي او القطار وسألنا أكثر من شخص من أهل البلد اغلبهم قالوا السيارة أفضل وكذا واذا بتروحون بالقطار خذو الفاخر المكيف في الأخير قررنا تجربة السفر بالقطار اول مره وطريقه زراعي اتفقنا مع السواق يقص لنا تذاكر بدري كان اخر يوم لنا في القاهره قمنا وافطرنا كالعاده   وضفينا عفشنا متجهين لمحطة القطار تذاكر القطار سعر التذكر 41 جنيه على مااذكر وقت الانطلاق الساعه 12 الظهر  وصلنا لمحة القطار اول مادخلنا فيه تفتيش عادي تصميم المحطة من الداخل جميل يجذب للتصوير  ومليانه المحطة ناس أشكال وألوان وطلعت كامرتي وخذت صورتين لمكان وقلت اصور اهلي وبسم الله الا اسمع صوت واحد معصصب خشن يقول سمحنا لك تصوري المكان بس تصوري الحقات ومدري ايش ويجلس يهاوشني   ومعه مجموعه رجال انا انصدمت وخفت وش ذا اللي يهاوش ماسويت شي طبعا محد بغى يصيح .gif)  أنا طبعا بعلت العافية ومسحت الصور ودخلت كامرتي صارو شرطة لابسين مدني وانأ أصور أهلي صار بالصدفة وراهم ذا حق التفتيش السالفة ما تسوى ذا الفلم كله كان قال ممنوع التصوير وانتهينا مو يهاوشني وركبنا القطار      وأثناء الرحلة نسترجع قراءه القصص الرائعة والجميلة الغاز المغامرون الخمسة سبب من الأسباب الرئيسية اللي خلتني ازور مصر    وأخيرا وصلنا أسكندريه الساعة 4 صوره مقتبسه للقطار  تجربة السفر بالقطار كانت بالنسبة لي تجربه جديدة وحلوه والطريق الزراعي جميل ولكن القطار مكتوم و الدرايش ما تنفتح والتكيف مو مره وكراسي القطار قديمه نوعاَ ما فيه ناس تبيع في القطار شاهي وكذا بالنهاية تجربه جديدة وحلوه أخذنا سواق من المحطة ورحنا فندقنا كنا حاجزين في فندق شيراتون المنتزه رابط الفندق في بوكنق هنا  وصلنا وجلسنا هنا ننتظر شوي لين يعطونا كروت الغرف وكذا  وكان فيه كوفي صغير  ممر الغرف  غرفنا  أخذنا غرفتين ديلوكس مطلة على البحر غرفة مزدوجة وغرفة توأم وطلبنا سرير إضافي     الإطلالة         غرفة الفندق صغييره بس الإطلالة رائعة جلسنا ريحنا وطلعنا بعد المغرب رحنا لكوفي نروق ونصحصح الكوفي هذا رايق على البحر   تمشينا شوي في الشوارع بعدين رحنا تعشينا في احلى مطعم على البحر فيش ماركت  الييم ذا المطعم جمييل أول مادخلنا لقينا هذي اللوحة فيها صور المشاهير اللي زارو المطعم     وهنا الشيف والبحريات تختار الأشياء اللي تبيها      اخترنا طاوله مستديرة  المقبلات    طلبت المصلز أتوقع اسمه كذا حبيت أجربه  الاكل والمطعم جمييل انصح بزيارته رائع بعد العشاء طلعنا نمشي على البحر   ورجعنا للفندق ونمنا وبكذا انتهى يومنا |
|
|
|
|
07-05-2018, 09:09 AM
|
#5 | |
|
رد: اسبوع فى ام الدنيا - القاهرة
اليوم الخامس   قمنا ونزلنا نفطر الفطورر كان جميل    بعدين رجعنا الغرفة وأخذت كم صورة من البلكونه وريحنا شوي  هنا على اليمين قصر المنتزه    هذا الشاطئ اللي قدامنا تبع الفندق   وطلعنا نمشي متجهين إلى حديقة قصر المنتزه قريب جدا من الفندق          تتواجد الغربان بكثرة !    فيها جلسات كثيرة على شكل أكواخ مختلفة  الدوار في الحديقة     ذكريات متعوب عليها  قصر الملك فاروق سألنا احد الموظفين متى يفتح و على حظنا مسكرين للصيانة كلمنا عن القصر قال إن فيه 360 غرفه بعدد أيام السنة    يعجبني شكل هذي الشجرة     حلزون          هُدهُد              وأذن المغرب ورجعنا الفندق ريحنا وتقهرينا وبعد صلاة العشاء طلعنا نتعشاء رحنا مطعم قرية عبد الوهاب طلبت عصير ليمون بالنعناع بس عصيرهم طعمه غير فيه طعم فقس  المقبلات  ططلبنا ورق عنب وبطه و مشويات وفخار خضار نسيت أصورهم  هذي البطة  وطلعنا من المطعم تمشينا رحنا لسوق زنقه الستات و بيت ريا وسكينه ورجعنا الفندق ونمنا |
|
|
|
|
07-05-2018, 09:11 AM
|
#6 | |
|
رد: اسبوع فى ام الدنيا - القاهرة
اليوم السادس والأخير  قمنا وافطرنا    وطلبنا من الفندق سواق يودينا القاهرة قلنا نغير جلسنا على البحر شوي  وطلعنا متجهين للمراكب كبري ستانلي  و ركبنا مركب وأخذنا جولة في البحر   ملياان نوارس   ورحنا السوق حذنا بعض الأغراض ومرينا محل حلويات خذنا بقلاوة هدايا ولطريق ورجعنا الفندق أخذنا أغراضنا صور وداعيه     وانطلقنا إلى مطار القاهرة الساعة 6 و صلنا الساعة 10 وشوي وصلنا المطار وكبنا الطيارة متجهين إلى الرياض  وبهذا انتهى التقرير ــــــــــــــــــــــــــــــــــــــــــــــــــ ـــــــــــــــ اعتذر عن التأخير أتمنى أن تكونوا استمتعتم بالتقرير ونال إعجابكم اشكر قروب الرحلة الرائعين وبالأخص قائد الرحلة و اشكرا كل من شجعني وحفزني بتعليق أو إعجاب أو غيره هنا الله يسعدكم جميعاَ ويحقق لكم ما تتمنونه |
|
|
|
|
| مواقع النشر (المفضلة) |
| الكلمات الدليلية (Tags) |
| ال, الدنيا, القاهرة, اسبوع, في |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رحلتي الساحرة لمدينة القاهرة تقرير مصور كامل 6 أيام!! | السعيد | رِيَاض إبْنُ بَطُوطَة لِسْيَاحَة والسَفَر | 0 | 11-15-2018 08:54 AM |
| هنا القاهرة والناس الطيبة | السعيد | رِيَاض إبْنُ بَطُوطَة لِسْيَاحَة والسَفَر | 9 | 03-08-2018 09:28 AM |
| بورتو مارينا القاهرة | السعيد | رِيَاض إبْنُ بَطُوطَة لِسْيَاحَة والسَفَر | 2 | 10-30-2017 04:26 PM |
| طوارئ بمطار القاهرة لتأمين 425 كيلوجرام ذهب | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 3 | 07-17-2014 01:30 PM |
| القاهرة عاصمة منذ القدم | منال نور الهدى | رِيَاض ضَوْءُ المَعرِفَة و التَارِيخ العربِي والعَالمِي | 6 | 06-21-2014 07:03 PM |
