كمساميدا..كوريا(رحلة2016)

في شهر مايو من سنة 2008 كان يُعرض في احدى القنوات مسلسل كوري نعم مسلسل كوري (بداية ماتطمن)

كان هذا أول مسلسل كوري أشوفه في البداية استغربت ولاعرفت من اي جنس بحكم التشابة بينهم او زي مانحنا

نعتقد كان اسمه (قصة حب حزينة) لفتني المسلسل بالرغم انه كان مدبلج "ماحب الدبلجة"

أعجبتني القصة وأداء الممثلين وخفة دمهم وحتى نغمة جوالي كانت نفس موسيقى المسلسل

صرت أبحث عن مسلسلاتهم ومسلسل ورى مسلسل لكم ان تتخيلو من سنة 2008 الى 2016 كم مسلسل

وقدرت عن طريقها أعرف شوي عن طبيعة بلدهم عاداتهم وتقاليدهم وبعض من الكلمات الكورية والأكل الكوري حبيتهم و حطيت البلد براسي وقلت إن شاء الله راح أزورها في يوم ما

والصراحة ماكنت أتخيل أبدا أني ممكن أزورها ماعمري سمعت أحد سافر كوريا أقلها في محيطي

المهم في هذيك الفترة كنّا خارج السعودية في رحلة عمل ورجعنا بلدنا وأنشغلنا بتجهيز وتأثيث بيتنا

وكانت الأحداث متسارعة في حياتنا أجلنا موضوع السفر لفترة وتعدي الأيام والسنين والحلم الكوري مازال في

البال حتى سنة 2015 كان وقتها إجازة عيد الأضحى وعندنا النيه للسفر لكن ماتنفع كوريالأن الإجازة قصيرة

ومافي وقت نخطط ونرتب فضلنا تكون رحلتنا في مدينة صغيرة مانحتاج نتنقل فيها كثير ولله الحمد كان
اختيارنا موفق (هونق كونق)

بعد مارجعنا قلت خلاص جاء وقت كوريا وجلست أخطط لي رحلة الحلم وكان التخطيط على قد الحب

والإنتظار سنة كاملة وانا أبحث وأسجل فترة طويلة كنت أقول لنفسي مابغى ولا غلطة أبغى يظل في بالي نفس

الفكرة اللي ماخذتها عنها ماودي أنصدم بواقع مغاير ل توقعاتي علشان كدا بحث كثييير وبيني وبينكم كان

يضايقني نبرة التصغير والإستهزاء في كلام الناس يعني "كوريا"وايش جابكم عليها رايحين تشتروا غسالة او ثلاجة

حبيت أثبت للجميع ان كوريا بلد جميل وتستاهل الزيارة لكن للأسف أغلب التقارير واللي كانت قليلة ماتبشر بالخير ومع ذلك قلت كوريا يعني كوريا الله لايعوق بشر

واللي سهل الموضوع أكثر مانحتاج فيزا لدخول البلد إذا كانت الزيارة لمدة شهر أو أقل
"أقدر الدول اللي مانحتاج نفيز لها"

نجي للتخطيط الفعلي

التخطيط للرحلة

أغلب رحلاتنا أنا أكون العقل المدبر 😈 المسؤولة عن كل شي

أختيار البلد -المدة-الفنادق-الأماكن السياحية]

وصاحب الحلال يعطينا الموافقة ويدفع

طبعا بدأت اولا أبحث عن أسعار الطيران واللي ناسبنا من ناحية السعر ومدة الترانزيت كانت الخطوط القطرية
وكان سعرها لعدد 5أفراد
2كبار
3 أطفال
19500ريال سعودي وهذة التذاكر وخلصنا منها على فكرة كان حجزنا قبل السفر 6شهور تقريبا ويقال ان هذا السعر بعد التخفيض😐

وبدأت أبحث عن السكن ومن فندق ل فندق ونحجز فندق ونرجع ثاني نكنسل كان يهمني جدا الموقع خصوصا في بلد

معروفة بالنسبة لنا كمسلمين صعبة من ناحية الأكل كان لابد من منطقة حيوية فيها مولات ومطاعم لعلى وعسى

نجد مبتغانا ومن خلال بحثي وجدت أفضل منطقة للسكن هي ميونق دونق(Myeong-dong)

وبعد الحيرة والتعب ثبتنا على فندقين

الأولى شقق فندقية 5نجوم فخم وراقي وبمسبح كل شي فيه حلو ماعدا الموقع للأسف بعيد

وهذا اسمه اذا حابين تشوفوه(سكن ذه كلاسيك 500بنتاز اكسكيوتيف)

والثاني فندق (ibis) وهو فندق 4نجوم ومذكور في أغلب التقارير وموجود في ميونق دونق وفيه مطعم هندي حلال اسمه (زعفران)

على فكرة في كدا فندق لي (ibis)

أخترنا ibis أقلها نضمن عشانا😉

تحسبونا خلصنا على كدا لاااااا

بعد فترة وأنا أقلب في اليوتيوب لفتني فيديو عن عائلة خليجية كانو برحلة لي كوريا وكان حجزهم عن طريق Airbnb

بالنسبة لي أول مرة اسمع عن هاالموقع

رجعت ثاني أبحث في الموقع وكثيييير شقق عجبتني وأسعارهم أرخص من بوكنق بس كنّا مترددين بحكم انه موقع

جديد علينا والتجارب قليلة

بعد مشاورات وها مني وها من صاحب الحلال أخترنا شقة كان صاحبها عليه تقييم عالي واراء الناس جدا مشجعة

توكلنا على الله وحجرنا عنده وكان جدا متعاون ومرحب فينا الشقة في كانقنام او (Gangnam)

معروف هذا الحي بسكان الطبقة الراقية وفيه كافيهات ومطاعم لكن مو زي ميونق دونق 😭 بعدين تعرفو سبب دا الوجة👉🏼

تحسبونا خلصنا على كدا لااااا أمزح أمزح 😄أقترح صاحب الحلال نزور اليابان بما انها قريبة من كوريا

وأنا رفضت (خلوني أركز في كوريا)

وبعد فترة فكرنا نزور جزيرة جيجو(هذااللي يخطط من بدري)

واللي ماكنت حطاها في بالي سامعة فيها وشفتها في المسلسلات وأدري انها حلوة وطبيعتها خلابة لكن شلت هم

أتنقل ونطلع طيارة مره ثانية وأرجع ثاني على سيول"ماحب أتهجول"

لكن مدح الناس وشفت كثير صور لها تحمس وفيها أماكن سياحية حلوة وتنفع للأطفال يعني مو بس طبيعة رجعنا ثاني مرحلة البحث 😰

وهذة المرة حبيت يكون سكنا نفس طراز الشاليهات فلل مستقلة وحولها حديقة وقدامها البحر وبما ان السكن بالمواصفات هذة راح يكون بعيد عن مركز المدينة فضلنا نستأجر سيارة ونتجول براحتنا

في النهاية صار حجزنا



من تاريخ 21اغسطس -27 في سيول
السكن في (The Kings park house in Gangnam )
والحجز عن طريق موقع (Airbnb)

وسعر الليلة تقريبا 1000ريال سعودي
ومن تاريخ 27اغسطس -31 جزيرة جيجو
السكن في (jungmun log pension &Resort)
فيلا دوبلكس غرفتين والحجز عن طريق (بوكنق)
والسعر لمدة 4ليالي 4173ريال سعودي

ومن تاريخ 31اغسطس-3سبتمبر العودة الي سيول والسكن في نفس الشقة السابقة 👆🏼

والتفاصيل ومعلومات أكثر في الأجزاء القادمة
وأعتذر عن هذا الجزء الناشف"بدون صور"
ونراكم ان شاء الله في الجزء القادم وبقية القصة وأول أيامنا

الكورية

اليوم الأول(يوم الوصول)

في نقطة حابة اذكرها قبل أبدا هذا الجزء وفي كثير منكم يعرفها كوريا كانت في يوم من الأيام من الدول الفقيرة واللي عايشة على مساعدات من الدول الأخرى بسبب الحروب والمشاكل بين جاراتها كوريا الشمالية واليابان حتى عام 1960م يعني فترة ليست بالبعيدة جدا
وصنفت ضمن البلدان ذات الفرص المنخفضة للتطور اليوم تعتبر كوريا الجنوبية من أقوى الإقتصاديات العالمية وأحتلت المركز العاشر لأكبر اقتصاد في العالم

كانت رحلتنا توافق يوم السبت 20 أغسطس على الخطوط القطرية من الدمام الي الدوحة الإقلاع تقريبا الساعة 10 مساء مدة الرحلة أقل من ساعة وبعدين ترانزيت في الدوحة لمدة ساعتين ثم الي سيؤل في رحلة مدتها 8ساعات ونصف تقريبا

أول مادخلنا مطار الملك فهد ورحنا نقطع البوردنق إلا الموظف يقولنا راح أقولكم شي وبيزعلكم قسم بالله بغى يغمى علي المشكلة أني ماقدرت اسمع الكلام اللي بعده جلست أكلم نفسي ياربي الجوازات ومشيكة عليها مافي جواز منتهي طيب لايكون رحلتنا مو اليوم في النهاية طلع ينبهنا اننا بنتعب في الأكل ب كوريا وانه لِسَّه راجع منها.

والحمدلله خلصنا وعلى طيارتنا




الخطوط القطرية لها رحلة واحدة يوميا الي سيؤل
و مافي شي جديد أقدر أضيفه على الخطوط القطرية خطوط معروفة ولها سمعتها من معاملة المضيفين وبرامج الترفية المواعيد شوي صار تأخير لكن شي طبيعي ويحصل في كل خطوط الطيران وكمان مافي شي جديد في ملاك حالة الرعب والخوف اللي تجيني في كل سفرة طول الرحلة وأنا حاطة على الخريطة ( مركزة مع الكابتن ) ولا أستفيد من برامج الترفية على قد ماسمعت وقرأت وتثقفت في الطيران مازال الخوف فيني(اريد حلا)


وهذة الطيارة الأولى











كثير عجبني اعلان ارشادات السلامة طريقة حلوة وخلت الأطفال ينجذبون لها











مطار حمد الدولي











وهذا القطار جديد لِسَّه تحت التجربة












الطيارة الثانية والى كوريا





في الطيارة وزعوا علينا كروت الدخول

وقربنا







كوريا اخيراً






يرحبون فينا







أول مادخلنا المطار كان في تفتيش سريع للأوراق ومعاهم جهاز يقيسون درجة حرارتنا

و خلصنا منهم وعلى الجوازات





كل شي مكتوب باللغة العربية مايحتاج يتكلم معاك الموظف وصورونا وخلاص أسرع شي وعلى شناطنا نستلمها






للمعلومية يوجد مطارين دولين في سيؤل (بطره)
مطار انشيون (ICN) وهذا اللي نزلنا فيه
ومطار جمبو(GMP)وهذا اللي سافرنا منه لي جيجو
وعلى حد علمي مطار جمبو للرحلات الداخلية والدولية القريبة الصين -اليابان يعني الجيران



بالنسبة للمطار متواضع هو كبير لكن فاضي ومحلات بسيطة فرق كبير عن مطار هونق كونق

دائما قبل السفر نحجز سيارة تأخذنا من المطار ونرتاح من التكاسي وكمان شنطنا كثيرة مافي اي تكسي يكفيها وأول ماطلعنا لقينا السواق ينتظرنا واللي ساعدنا على حجز السيارة صاحب الشقة


وقبل لانخرج من المطار صرفنا الدولارات اللي معانا وأستأجرنا جهاز واي فاي متنقل(هواوي)

كوريا معروفة انها من أسرع شبكات اتصالا بالأنترنت وخدمة الأنترنت مجانية في أغلب الأماكن العامة لكن مع ذلك حبينا يكون النت معانا في كل مكان


أخذت هذة الصورة ونحنا مقابل مكتب التأجير






وكان سعره 251ريال على طول مدة إقامتنا الجهاز مع الشاحن


وعلى سيارتنا المشوار تقريبا ساعة أو أكثر شوي






وأحلى إستقبال

















قبل لانوصل الشقة حابة أتكلم شوي عن الشقة وصاحبها
صاحب الشقة اسمه (داني) وهو كوري درس في أمريكا و هذة المعلومات عرفتها من الموقع وهو يمتلك مبنى كامل وفيه عدد من الشقق وكل شقة تختلف عن الثانية
يعني في شقة أستديو
وفي شقة غرفة وفي شقة غرفتين وطبعا كل وحده بسعر وعنده مخزن اذا جيت بدري عن موعد تسجيل الدخول تقدر تترك شناطك فيها

‏Check in3:00pm
‏Check out11:00am

شقتنا كانت غرفتين وبعد ماتم الحجز رسلنا كل المعلومات
رمز الدخول للباب الرئيسي للمبنى
رمز الدخول باب الشقة
الرقم السري للواي فاي
أغلب البيوت الكورية يكون لها رمز دخول

وأرسلنا أهم المعلومات السياحية والمطاعم وعاد جلس يمدحلنا مطعم يقدم خنزير على كيف كيفكم

أول ماوصلنا كان في استقبالنا موظفة شكلها أوروبية وجلست تشرح لنا كل شي عن الشقة
وسألتنا اذا نحتاج شي.

والمعروف عن كوريا ان فصل الشتاء شديد البرودة وممكن توصل درجة الحرارة -15
وعلشان كدا عندهم نظام سخان الماء مو بس يسخن الموية حتى أرضية البيت كمان تسخن وتقدر تتحكم في درجة الحرارة

عند الكوريين عادة جميلة ولازم تلتزم بها
أول ماتدخل من باب الشقة لازم تفسخ الشوز وتلبس سليبر خاص بالبيت حتى الضيف اللي يزورك لازم يعمل نفس الشي وتكون موفر لهم
كمان نظام الإضاءة في المداخل سواء مدخل الشقة او مدخل مبنى بالإحساس اذا في حركة ينور مافي يطفي


وهذا صورة الشقة على موقع (Airbnb ) علشان نقارن ونشوف نفسها على الطبيعة

المدخل







باب الشقة








بنتي تحاول تدخل الرمز أعتقد اكثر من كدا تفصيل مافي







وهذة الشقة (ترااااااااااا)













































ضيافة داني







الغرفة الأولى





























الغرفة الثانية

عيوب الشقة

-لايوجد مصعد يعني اللي عنده شناط كثيرة الله المستعان نحنا ولله الحمد ساعدنا السواق
-أكبر عيب باب الحمام (تكرمون ) من غير قفل
-الغرفة الثانية لايوجد فيها تكييف بس يوجد مروحة أرضية
-الموقع ماعجبني في كافيهات قريبة و بقالات سفن الفن وغيرها وفي محطتين مترو قريبة ولو تمشي شوي بتلاقي كثير محلات لكن مو نفس الصورة اللي في بالي



كان مخططنا ليوم الوصول نرتاح شوي وبعدين على كويكس مول للعشاء بما انه قريب من الشقة مكتوب في الموقع 10دقائق مشي أنا أشوف ان 10دقائق بالسيارة مستحيل يكون مشي

اللي صار وصلنا تعبانين على الأخر يادوب نزلنا نستكشف حول البيت عن بقالة او مطعم قريب نسد جوعنا ولقينا سفن الفن دخلنا وأشترينا كم غرض وجلسنا ندور يميناً وشمالا عن المناديل مالقينا سألناالكاشير مافهم ساعة يجيب مناديل معقمة ساعة يجيب مناشف صغيرة مو فاهم علينا ولا أسعفتني اي كلمة من اللي تعلمتها في النهاية قلت مالنا غير الإشارة عملت بيدي الطريقة اللي نخرج المناديل من العلبة تش تش تش وبعدين عملت نفسي أمسح انفي ان شاء الله فهمتوا وعلى طول فهم وقال آه ه ه ه ه ه

أنا جايه كوريا وعلى علم ان الشعب مايتحدث الانجليزية لكن ماتوقعت لي هذة الدرجة مع ذلك هي مو مشكلة كبيرة مشينا أمورنا والحمدلله

ونستكشف حينا























وهذا السوجو اللي لونة أخضر مشروب كحولي والعياذ بالله صناعة محلية كنت أشوفه في المسلسلات وهم يقرقعون منه قلت أنبهكم خفت تحسبونه (سفن اب)







بيتنا







عشانا وغدانا)







وبكدا خلص أول يوم كوري
أتمنى أنكم تستمتعوا بهذا الجزء ونلقاكم في الجزء القادم

اليوم الثاني (منتجع ايفرلاند)


‏
(Everland)

قبل السفر بحث كثير عن وسائل المواصلات في سيؤل وإختيار الوسيلة المناسبة لنا وكنت حريصة جدا إني أجرب المترو بما انها تعتبر أسرع وأرخص وسيلة مواصلات في كوريا و نزلت
مجموعة برامج على جوالي ومن ضمنها

برنامج (subway)وكان جدا مفيد






مخطط هذا اليوم (ايفرلاند)

تقع إيفرلاند في يونغين ، وهي منتزه ملاه كبير، تحتوي على حديقة حيوان ، تزلج على الجليد، وحديقة نباتية، كما تحتوي المدينة على ثلاث أقسام ترفيه رئيسية هي عالم المهرجان ، الخليج الكاريبي و طريق السرعة. يحتوي عالم المهرجان على قرية عالمية، المغامرات الأمريكية، ماجيك لاند، المغامرات الأوربية، المغامرات الإستوائية. وكل منها مصمم بطرازه وطابع بلده الخاص. أما بالنسبة للخليج الكاريبي فيعتبر المنتزه المائي الأول في كوريا بلا مبالغة.

وأهم معالمه هو حوض الأمواج، ويأتي العديد من الزوار إليه خاصة في فصل الصيف فقط لركوب الأمواج، وطريق السرعة هو الأول من نوعه في كوريا أيضاً، حيث يمكن قيادة سيارات السباق في هذا الجزء كما يمكن تعلم الكثير عن عالم سباقات السيارات، يبلغ طول مسرب السباق الإجمالي 2.225 كلم ويبلغ معدل عرضه 11 م ، طول الحلبة 450 م والطريق المخصص محدد بالإسفلت، ويتسع المضمار لـ35000 متفرج، كما تضم إيفرلاند أيضاً نادي غلين روس للجولف، متحف السيارات، منتزه الرياضات، والغاليري الفني .

المصدر هيئة السياحة الكورية الوطنية


قبل سفرنا راسلنا المنتجع اذا متوفر لديهم فنادق يعني مثل ديزني لاند بما ان اسمه منتجع وفي أقسام كثيرة لا يمكن تغطيتها في يوم واحد لكن للأسف ماكان في اي تجاوب منهم
حاولنا البحث بنفسنا عن سكن قريب ولم نجد شي مناسب



خرجنا من البيت الساعة 9والنصف تقريبا "بدون فطور"وعلى محطة المترو اسم
محطتنا(seonjeongneung) (ألأسم عقدني )


محطتنا








فطورنا (حسبنا الله ونعم الوكيل)








جهاز بطائق المترو ومكتوب عليها التعليمات باللغة الأنجليزية لكن الصراحة ماعرفنا نستخدمه وأستعنا بموظف الكاشير في المحل القريب من الجهاز







وهذة البطائق وتقدر تعبيها بالمبلغ اللي تبيه وتستخدمها في المترو و التكاسي والباصات و السوبر ماركت

اسمها( T-money) ( ) ولها أشكال كثيرة





بعدين عرفنا ان الأطفال لهم بطائق ثانية غير هذة


وعلشان تستخدم المترو لازم تعرف اسم المحطة للمكان اللي تبي تزوره واي خط لأن الموضوع فيه تبديل محطات وخطوط كثيرة

محطتنا اي خط ؟






البرنامج الثاني واللي كثييييير استفدنا منه واللي عن طريقة عرفنا المحطات والخطوط اللي لازم نستخدمها للوصول

بالإضافة للأماكن السياحية وأسعار التذاكر (لاحضت ان الأسعار تغيرت) ومواعيد العمل فيها والمطاعم على أنواعها حتى المطاعم الحلال وأماكن التسوق والفنادق

اسم البرنامج
‏(Visitkorea)






وقبل السفر كل الأماكن السياحية المخطط زيارتها عملت لها (download)

وقبل لانطلع من البيت نحدد المكان اللي نبي نزوره و نفتح البرنامج ويدلنا على اسم المحطة و line


وعلى قطارنا












والشاشات الموجودة في الأعلى تعطيك اسم المحطة اللي يوقف فيها المترو كل مره باللغة الانجليزية والكورية







وكنا متابعين على جوالنا برنامج (subway )علشان نتأكد من خط السير

محطة الايفرلاند كانت اخر محطة يوصل لها القطار تقريبا بعد 12محطة

وبعد ماعدينا 4محطات تكلم سائق المترو وكأنه يعلن عن شي "باللغة الكورية "وبعدها توقف وكل الناس اللي في القطار نزلوا ونحنا جالسين ولا فاهمين شي ورجع ثاني تحرك ومافي غيرنا عليه وصل عند محطة وتوقف والأنوار والتكييف انطفأ صرنا نطالع في بعض وخايفين طبعا أنا دائماً عندي السيناريوهات جاهزة قلت أكيد انتهى دوامه وبنجلس في القطار الين بكرة نكون فطسنا ومحد درى عننا

شوي ونشوف عاملتين داخلين ينظفون القطار حاولنا نسألهم مو فاهمين علينا ويأشرون على خريطة المترو
وبعدها لمحنا سائق القطار وهو خارج شكله انتهى دوامه وصار تبديل شفتات وسألناه وأشرنا على المحطة اللي نبيها وقالنا خليكم جالسين في مكانكم وان الحين راح يتحرك القطار


سائق القطار كان يعرف قليل جدا من الانجليزية مع بعض الإشارات الحمدلله قدرنا نفهم


شايفين













وتحرك القطار وكملنا حتى وصلنا محطتنا وبعدها تعدي جسر يوصلك الى محطة باصات وهي تنقلك لي ايفرلاند

طول الطريق كنّا نعدي على قرى ومزارع جميلة تمنيت ان معنا سيارة


صورة من على الجسر











وصلنا مدينة الألعاب الساعة 12والنصف

بوابة الدخول













للأسف التذاكر ماذكر أسعارها وهذة الأسعار من موقع ايفرلاند

‏Day ticket
‏Adult52,000won
‏Children 41,000won

‏Night Ticket
‏Time 17:00
‏Adults 43,000won
‏Children 34,000won

‏Two-day ticket
‏Adults 81,000won
‏Children 64,000won

إيجار عربات الأطفال من برنامج(visit korea)تأكدوا من الأسعار

‏4,000won

وعربة التؤام

‏10,000won

أوقات العمل
‏
Open
10:00
‏
Closed
21:00

الجمعة -السبت
‏Open
10:00

‏Closed

22:00

-العملة 1000 ون يساوي 3ريال تقريبا


بالنسبة للمطاعم يوجد الكثير من المطاعم ومن ضمنها مطعم شرقي

ومعلومات اكثر عن المطاعم والخصومات وغيرها تجدونها بالموقع

‏www.everland.com


وزي ماذكرت في بداية الجزء منتجع الايفرلاند ينقسم الي ثلاثة أقسام
-عالم المهرجان وهو المكان اللي قصدناه
-خليج الكاريبي وهذا له بوابة ثانية وأسعار مختلفة
-طريق السرعة



وهيا بِنَا































بدأنا بالسفاري

ومازلنا في سفاري




































صحيح الجو حار لكن مو زي حرنا




ونبرد





مو ودكم تقشون كل شي












وننتقل الي قسم ألعاب الكبار




















وهنا بدأنا ننهار من الجوع ومافي غير كنتاكي




عجبتني حركة القلفز





في مطاعم الوجبات السريعة وبعد ماينتهون من الأكل كل شخص ينظف طاولته وكل شي عندهم يتم إعادة تدويره حتى (straw) يضع في مكان مخصص طبعا هذا في كل دول العالم لكن في شعوب ثانية تاكل وتمشي (الله يستر عليهم)
(شعب مساعد بلده على التقدم)





















ننتقل الي قسم ألعاب الأطفال

















وراح علينا العرض الأول










وجولة بالقطار

يسلم عليكم (هونج جو) ويقولكم هيا تعالوا



















































شايفين هذة الورود الحين














الصغار انبسطوا هنا بالنوافير


















Snack





ونلعب شوية













وهذة الورود في الليل

وجاء وقت عرض المسيرة نفس ديزني































Bye-Bye

خرجنا الساعة9




اي نسيت ممكن تحفظون أغراضكم هنا








وعند الخروج على اليمين يوجد ميني ماركت صورت لكم بعض المنتجات وأسعارها علشان يكون عندكم تصور



























مايكرويف اذا تبون تسخنون شي





وعلى التاكسي






كان من مستحيل نرجع بالمترو و نغير محطات وكلنا منهكين من كثر اللعب والمشي
التاكسي بالعداد وطلع علينا المشوار 100وشوية لأن المسافة بعيدة تعتبر في مدينة ثانية
وخلص يومنا الجميل في الايفرلاند
ولاتفوتون زيارة هذا المكان



نصائح لهذا اليوم

-لابد من أخذ عنوان السكن باللغة الكورية قبل الخروج (وإلا بتنامون في الشارع)

-يجب كتابة اسم المكان المراد زيارته باللغة الكورية

يفضّل أخذ غيارات للأطفال


يجب الإحتفاظ بتذاكر الدخول في جيب قريب منكم لأن بعض الألعاب كانوا يسألونا عنها (مادري إِيش الحكمة)

-لاتنسون تأخذون خريطة المنتجع عند الدخول

-لازم يكون معاكم كاش علشان التاكسي



قبل انهي هذا الجزء حبيت أتكلم عن الشعب الكوري بما ان هذا اليوم يعتبر اليوم الأول اللي نحتك فيه بالشعب وقدرت أكون حكم مبدئي من خلال تعاملهم معنا واللي أثبتته لي الأيام القادمة

-شعب نظيف مرتب وأنيق

-جدا بشوشين ومتعاونين ويحاولوا يساعدونا بالرغم من صعوبة اللغة

-الإحترام والشكر من الأشياء المهمه لديهم تسمع كلمة شكرًا بالكورية (كمساميدا) تتكرر كثيرا

-لاحضت يمد الكوريين يديهم الإثنتان مضمومتان عند تقديم او تناول الأشياء تعبيرا عن الإحترام

-هناك درجات للإنحناء عند السلام إنحناءة خفيفة بالرأس بين المتماثلين سنا ومكانة وانحناءة 45درجة للأكبر سنا ومقاما وانحناءة كاملة 90 درجة لرئيس العمل المدير والمتقدمين في السن والأطفال يضعوا أيديهم فوق ؤوسهم عند الانحناء للوالدين

-ينادى الرجل الكبير في السن (أجاشي) والمرأه الكبيرة في السن (أجوما) يعني نفس عندنا (ياعم -ياخالة)

طبعا في درجات احترام أكثر بس ماودي أعقدكم راح أكتفي بهذا القدر



من ضمن المواقف اللي مرينا فيها وأثبتت لي كرم أخلاق هذا الشعب

كنّا في الإيفرلاند وعند العربات اللي تنقلنا القسم الثاني للألعاب والسير طويل وبنتي كان باين عليه الضيق من الشمس والحر (عاد تخبرون أجواءنا غيم وأمطار وبراد مو متعودين على هذة الأجواء)
وقدامنا عائلة كورية وبنتهم معها مظلة قام الأب يأشر لبنتي ويقلها تعالي يبيها تتشارك مع بنته المظلة

وغيرها من المواقف

أكيد الشعب الكوري منهم الزين والشين لكن ماصادفنا غير ناس طيبة والحمدلله اللي سخر لنا عبادة الطيبين

ودمتم طيبين

مايكرويف اذا تبون تسخنون شي





وعلى التاكسي






كان من مستحيل نرجع بالمترو و نغير محطات وكلنا منهكين من كثر اللعب والمشي
التاكسي بالعداد وطلع علينا المشوار 100وشوية لأن المسافة بعيدة تعتبر في مدينة ثانية
وخلص يومنا الجميل في الايفرلاند
ولاتفوتون زيارة هذا المكان



نصائح لهذا اليوم

-لابد من أخذ عنوان السكن باللغة الكورية قبل الخروج (وإلا بتنامون في الشارع)

-يجب كتابة اسم المكان المراد زيارته باللغة الكورية

يفضّل أخذ غيارات للأطفال


يجب الإحتفاظ بتذاكر الدخول في جيب قريب منكم لأن بعض الألعاب كانوا يسألونا عنها (مادري إِيش الحكمة)

-لاتنسون تأخذون خريطة المنتجع عند الدخول

-لازم يكون معاكم كاش علشان التاكسي



قبل انهي هذا الجزء حبيت أتكلم عن الشعب الكوري بما ان هذا اليوم يعتبر اليوم الأول اللي نحتك فيه بالشعب وقدرت أكون حكم مبدئي من خلال تعاملهم معنا واللي أثبتته لي الأيام القادمة

-شعب نظيف مرتب وأنيق

-جدا بشوشين ومتعاونين ويحاولوا يساعدونا بالرغم من صعوبة اللغة

-الإحترام والشكر من الأشياء المهمه لديهم تسمع كلمة شكرًا بالكورية (كمساميدا) تتكرر كثيرا

-لاحضت يمد الكوريين يديهم الإثنتان مضمومتان عند تقديم او تناول الأشياء تعبيرا عن الإحترام

-هناك درجات للإنحناء عند السلام إنحناءة خفيفة بالرأس بين المتماثلين سنا ومكانة وانحناءة 45درجة للأكبر سنا ومقاما وانحناءة كاملة 90 درجة لرئيس العمل المدير والمتقدمين في السن والأطفال يضعوا أيديهم فوق ؤوسهم عند الانحناء للوالدين

-ينادى الرجل الكبير في السن (أجاشي) والمرأه الكبيرة في السن (أجوما) يعني نفس عندنا (ياعم -ياخالة)

طبعا في درجات احترام أكثر بس ماودي أعقدكم راح أكتفي بهذا القدر



من ضمن المواقف اللي مرينا فيها وأثبتت لي كرم أخلاق هذا الشعب

كنّا في الإيفرلاند وعند العربات اللي تنقلنا القسم الثاني للألعاب والسير طويل وبنتي كان باين عليه الضيق من الشمس والحر (عاد تخبرون أجواءنا غيم وأمطار وبراد مو متعودين على هذة الأجواء)
وقدامنا عائلة كورية وبنتهم معها مظلة قام الأب يأشر لبنتي ويقلها تعالي يبيها تتشارك مع بنته المظلة

وغيرها من المواقف

أكيد الشعب الكوري منهم الزين والشين لكن ماصادفنا غير ناس طيبة والحمدلله اللي سخر لنا عبادة الطيبين

ودمتم طيبين

انيوهاسيو

اليوم الثالث(Seoul zoo+جسر البانبو)



وصباحنا أبيض ( تصبيرة الين الله يفرجها)




وهيا بِنَا الى محطتنا (seonjeongneung ) بالله لو أحد سألنا عن اسم محطتنا إِيش نقول








ماكينة قهوة شعب مجنون قهوة ولاحظت الأغلب يحبون يشربونها بارده
وفي معلومة صغيرة بما اننا نتكلم عن القهوة الكوريين لا ينطقون حرف ال V او F
ويتم نطق هذة الأحرف كحرف (P)
يعني كلمة (كوفي )ينطقونها كوبي و تليفون ينطقونها تليبون












إستغلال عظيم للوقت







وهذة محطة ميونق دونق والصراحة شوي لخبطنا في المحطات حتى وصلنا








محطة ميونق دونق حلوة وفيها بضائع رخيصة














وأشترينا من هنا فطائر كانت لذيذة














وبعدها ضاع الوقت ونحنا نحاول نسحب من الصراف وجربنا كدا جهاز لكن البطاقة متوقفة وهذة غلطة وقعنا فيها المفروض قبل السفر نكلم البنك ونعلمهم بسفرنا (بالأخص دول شرق اسيا) علشان تفعيل البطاقة وللأسف جلسنا يومين مانقدر نسحب كاش حتى اتصلنا بالبنك



المخطط الأصلي كان الذهاب الي منطقة ميونق دونق نتمشى فيها ونحجز(Seoul city Tour)
بما انها منطقة سياحية وأكيد بيكون فيها
(Tourist Information center)

بالنسبة للجولات يوجد جولة ( صباحية -ومسائية)
وطبعا كل جولة لها أماكن معينة توقف فيها
و كل المعلومات موجودة في برنامج (visitkorea)

لكن اللي صار أول ماطلعنا من المحطة ووصلنا (ميونق دونق) صرنا بعالم ثاني غيير عالم كله حياة وناس وزحمة وحركة وأسواق جلست الوم نفسي كيف تركت هذة المنطقة وانا اللي خططت (سنة كاملة) وفي النهاية وقعت في أكبر غلطة وهي السكن طلعت أنا وتخطيطي اي كلام
صرت طول الطريق أمشي وأتحلطم وندور على
(Tourist Information ) ولا حصلنا أو من كثر القهر ماشفناه
وانا أرجح الخيار الثاني المهم تنكدت وحسيت ان الوقت بدء يضيع في البحث طلعت جوالي أدور عن مكان ثاني (خطه بديلة ) وأخترنا حديقة الحيوان لكن هذة المره أستخدمنا التاكسي علشان لانضيع وقت أكثر ونحنا نتنقل في المحطات