كَلِمةُ الإِدَارَة |
|
جديد المواضيع |
|
رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
الإهداءات |
|
|
أدوات الموضوع | إبحث في الموضوع |
08-09-2018, 09:40 AM | #1 |
|
تقرير عن جزيرة " بالي " في إندونيسيا 2015
بسم الله الرحمن الرحيم السلام عليكم ورحمة الله وبركــاته .... اللهم انفعنا وانفع بنا من هذا المنطلق حبيت اشاركم بتقرير بسيط عن جزيرة بـــالي في إندونيسيا ... وعشان تعم الفائدة وأفيد كما أستفد من قسم السياحة تــاريخ السفر 14 نوفمبر 2015 خطوط الطيران / الخطوط السعودية + خطوط طيران اسيا الرياض >>>جاكرتا === الخطوط السعودية بمبلغ 1980 ريال جاكرتا >>> بالي بمبلغ 600 ألف روبية يعني 173 ريال على طيران اسيا تاريخ السفر من بــالي 21 نوفمبر مطار بالي مقدمة عن بالي جزيرة بالي هي واحده من افضل وامتع واجمل الجزر بالعالم وتبلغ مساحتها 90 كيلو طولاً في 140 كيلو عرضاً غالبية الشعب من الهندوس ولكن المسلمين في ازدياد حالياً ، ويبغ عدد سكانها مايقارب 3 مليون نسمه . -------------------------------------------------- طبعاً بذكر لكم الانشطه بدون تحديد الاوقات أو الايام ... (1) الرافتنق - التجديف بالنهر . رياضه ومغامره جداً ممتعه ، تحتاج لمجهود بدني قوي ونشاط غير اعتيادي ، لكن كل هذا مو مهم لانه المتعه تنسيك هالتعب ... بالذات التعب الى يجي نهاية النهر وطلوع الجبل مشي ... لكن ذكريات المغامره اكبر من التعب ... الرحلة تكلف الشخص الواحد 500 الف روبية شامله التوصيل من والى الفندق او الفيلا ووجة الغداء نهاية المغامره ( 144 ريال سعودي ) الافضل ترك المقتنيات المهمه في الفندق لانك معرض للماء والانقلاب في النهر فممكن تخرب ( الا اذا معاك جراب ضد الماء للجوال ) قبل النزول الى النهر الافضل ان تقوم بتأجير حذاء - اكرمكم الله - من نفس المكان الى راح ياخذكم السواق له وسعر التأجير 25 الف روبية حوالي 7 ريال . طبعاً القارب يسع 4 اشخاص والخامس مدرب يكون مرافق معاكم طوال الرحلة . صور للنهر والمغامره وقوف للراحه طبعاً بوفيه الغداء ... مدري ليش الاناناس عندهم طعمه جميــــــــــــــــــــــ ــل منظر بعد نهاية المغامره شاطئ نوسا دوا شاطي به كل المغامرات والالعاب المائية - دبابات بحرية - غوص - المشي تحت البحر - الطيران الشراعي - البنانا - العاب كثيره اخرى ومن نفس الشاطئ تقدر تطلع تشوف الدلافين او جزيرة السلاحف طبعاً الاسعار تختلف لكن عادة البكج المكون من 3 الى 4 اشنطه يكلفك حوالي 700 الف روبيه يعني 202 ريال ويشمل الذهاب والعودة ووجبة غدا ... طبعاً الاسعار من ارخص الاسعار في العالم لذلك يستحق الزيارة وتجربة كل شي في راسك ... والحياة عباره عن رحلة فاستمتع بها بعض الصور واعتذر اذا كانت قليلة لانه ماخذينا ولا جوال معانا المشي تحت البحر ( بصراحة من اروع التجارب بالحياة لازم تجربوها ) الطيران الشراعي طبعاً الباقيه بنانا ومافيها تصوير + ودبابات بحرية ... ---------------------------------------------- الوتر بوم ( الحديقة المائية في بالي ) تعتبر ثاني افضل مدينه العاب في اسيا الحديقة جميله ونظيفة دخولها بـ 29 دولار يعني 109 ريال ... والعب حتى تتعب طبعاً نظام الحديقة ماتاخذ كاش معاك يعطوك بطاقة قبل الدخول وتعطيهم مبلغ تشحن فيه وكل شي يتسجل بالبطاقة وانت طالع يحسبون لك الى شريته وكم باقي لك ... طبعاً البطاقة عباره عن اسواره باليد ضد الماء .. شي جمييل بس يخوف |
|
08-09-2018, 09:44 AM | #2 |
|
رد: تقرير عن جزيرة " بالي " في إندونيسيا 2015
شاطئ بالي ( شاطئ كوتا ) الشاطئ جميل ونظيف جداً طبعاً لا يخلو من ملابس النساء ابو قطعتين المشي فيه يرد الروح بالذات بعد العصر فيه ركوب امواج لكن للمبتدئين لانه الموج صغير اغلب الصور شخصية لذلك التصوير قليل والشكوى لله ------------------------------------------------------------------------- مقتطفات تصويريه من الرحله + السكن المنظر من فندق ميركور بشاطئ كوتا ( لم يتم السكن فيه ) الفندق الاول واسمه ( ذا بيني The Bene ) الفندق نظيف لكن يقع داخل حاره مظلمه وداخل مزرعه وفيه انواع جديده شفتها من الحشرات لكن الاغلب بالفندق خواجه فشكلهم مايخافون بعد طبعاً اخذنا عدد 8 غرف لكل شخص غرفه وحده ... وسعر الغرفة شامله الفطور والضرائب 153 ريال سعودي وبعدها رحنا فندق اخر بعد مارحينا بالاول يوم الفندق الثاني اسمه لوف إف هوتل باي فاشون تي في ( Love F Hotel by fashiontv ) طبعاً نفس النظام 8 غرف وكلف شخص بغرفه وكلفتنا الغرفة 146 ريال يومياً لكل شخص شامل الافطار وميني بار يومياً ( الميني بار كولا وعصيرات وموية فقط ) يعيب الفندق وجود عرض ازياء يومياً بالطابق الاعلى وصوت المسجل عالي لكن في بالي مستحيل ترجع الفندق نشيط لازم تعبان ومهلوك فتنام على طول ويقع الفندق في شارع ليغيان ... وهو اكثر شارع حيوي في بالي وطبعاً لا يصلح للعوائل ------------ المدينه جميله وتستحق الزيارة والمكوث فيها من 5 الي 10 ايام وفيها انشطه كثيره واماكن كثيره للزيارة ... لكن الوقت مااسعفني في بعض الاوقات بالتصوير ... فيه سوقين كبار واحد على البحر قريب من المطار اسمه ديسكفري فيه كل شي تبغاه ( ابتعد عن برجر كنق نصيحه ) وفيه محلات تبيع ساعات تقليد وشنط والسوق الثاني على شاطئ كوتا ناسي اسمه لكنه جميل وفيه كل الماركات ... المطاعم انصحكم في بيتزاهت جميل وطعمه يفرق عن الى عندنا مطعم شيشه اللبناني في بالي طبعاً الروم سيرفس اهم شي برجر كنق زي ماقلت لكم لاتروحون له نهائي لانه اكلهم فيه عظم فيه مطعم تايلندي في ديسكفري جميل لكن لا تطلبون ستيك المواصلات طبعاً الاغلب رجليه او دباب اذا تمشيه ودوران لكن اذا مغامرات الوكيل الى حجزت منه يوصلك ويجيبك ( الوكيل تلقاهم بالشوارع كشكات او بالفندق وكاسر اكتر شي ) يعني يقولك مليون للشخص على طول قله 250 الف .. اخر الليل بالشوارع بتسمع كلمات مثل حشيش او ..... الخ الخ الخ طنش وامش واحمد ربك على نعمه البلد الى انت عايش فيها فيه رحلة بالدبابات 4 كفرات من الصباح الى العصر جربوها لانها روعه لكن انتبهو لانه احتمال كبير تصير اصابات اذا معاكم غجر مثلي فيه رحله لمدة يوم كامل بالسفاري وتعيش بخيمه وبصراحة تغير جو حلو في النهاية اتمنى اكون وفقت في التقرير وتعرفون اول تقرير اكيد يجي حفله وملخبط |
|
مواقع النشر (المفضلة) |
الكلمات الدليلية (Tags) |
", 2015, بالي, تقرير, جزيرة, عن, في, إندونيسيا |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تزيني يا أوربا بأحلى عريسين" تقرير شهر عسـل " | السعيد | رِيَاض إبْنُ بَطُوطَة لِسْيَاحَة والسَفَر | 6 | 11-15-2018 08:32 AM |
ألف ليلة وليلة في مصيف الفلبين " باقيو " 2015 | السعيد | رِيَاض إبْنُ بَطُوطَة لِسْيَاحَة والسَفَر | 7 | 02-22-2018 02:11 PM |
"سبق" في جزر " يأجوج ومأجوج".. أجواؤها غريبة و"غموضها مخيف " | منال نور الهدى | رِيَاض إبْنُ بَطُوطَة لِسْيَاحَة والسَفَر | 2 | 07-25-2017 05:36 PM |
"بالنسياغا" لم تخذل امرأتها لشتاء 2015 | آفراح | رِيَاض الأسرَة وَالطِفَل وَ أنَاقَة حَواء وآدَم | 4 | 02-01-2016 06:39 PM |
جزيرة بالي الاندونيسية | منال نور الهدى | رِيَاض إبْنُ بَطُوطَة لِسْيَاحَة والسَفَر | 4 | 04-18-2013 03:46 AM |
HTML | RSS | Javascript | Archive | External | RSS2 | ROR | RSS1 | XML | PHP | Tags