كَلِمةُ الإِدَارَة |
|
جديد المواضيع |
|
رِيَاضُ الْقَصِيدَة وَ الشِعْرُ المَوْزُون "يمنع المنقول" ( لـ الْقَافِيَة و الشِعْرِ الْمَوْزُون ) |
الإهداءات |
|
|
أدوات الموضوع | إبحث في الموضوع |
04-14-2014, 11:50 AM | #1 |
|
يامرقب المرقاب روس الشفاشيف!!!!!!!
بسم الله الرحمن الرحيم
السلام عليكم ورحمة الله وبركاته يامرقب المرقاب روس الشفا شيف= =رد الفهم يامعتلي بالمنيفه ما يرقب المرقاب غير المواليف= =مرقابهم روس الرجوم العنيفه يبدابها نبض القلوب الملاهيف= =كلً ايبيّن لهفته بالوصيفه مايلام لو هل الدموع الذواريف= =وهذب هذيب الذئب وهرف هريفه لياذكر موارده والمناكيف= =وكتب جزيل القاف واخفى عذيفه كلً يقول الكم مجمول بالكيف= =وكلً يحرفهاعلى كيف كيفه نظم القريحه مايبي زود تعريف= =منظومها منظوم خيط بنديه احد يجدها دون كلفه وتكليف = =واحد عليه تصير كلفه كليفه زاروق ابحاره بالجهدوالمجاديف = =ويمكن تعرظله ظروفً كسيفه واحدعلى النفاث يوهف تواهيف= = مثل السرحان ليانفرد بالخط يفه مواهب المولاوسيع المحاريف = = الدهرمن عطاه والريف ريفه احد منطوقه ثلجةٍ بالسراجيف= = مثل المهيّل يوم ترشف شفشيفه واحد منطوقه فيه بهته وتجليف= = تاجد بها شذوذ عن اللطيفه واحدً كما الازهارمع نفحة الطيف= = تلقى علومه بمعنها طريفه واحد يخليها اهوال وتخاويف= =ضيّق دنياه وصيّرالوقت حيفه ياللي بدعت القاف لاحافك الحيف= =احرص على كتب البيوت النظيفه اكتب لذيذ القاف وخل التعانيف= =خل المعاني كل ابوها شريفه راح العنى ومصارع الوقت بالسيف= =يلمنا الاسلام وأمر الخليفه نبقى اخوان وديننا دين توليف= =يبقى التعامل بالمزوح الخفيفه الطيبّ اللي يكرم الجاروالظيف= =ويترك مجال اهل العروض العفيفه أعطيك عن ماريد بعض السواليف= =والعلم ماني ظاري(ن) بتحريفه الصدق احبه دون زيفٍ وتحريف= =صريح بنطق القاف ولاقبل بزيفه احب من يتعب على دلة الكيف= =ويجيب سمحين الوجيه بمظيفه واحب خوة باذلين المعاريف= =بيض الوجيه امبيضين الصحيفه واحب البر ليا انتها لاهب الصيف= =لياهب ذع ذاعه ونفنف نفيفه واحب اناظر للمزون المراديف= =ليالاح براقه وعجل رفيفه واحب ريظا(ن)غطا اترابها الريف= =نوارها بين المحايرلفيفه واحب نوق(ن)بالمراتع مزاهيف= =اعشق مراتعها ولذة عطيفه واحب بدو(ن) ما تحسب المصاريف= =ابعاد الشبوح وتعبين العسيفه واحب من تزها جديد النفانيف= =عين العنوداللي تلتها الوليفه إن جيت تاصفها تقل التواصيف= =تنقض على الردفين شقرً كثيفه مقرود من لاعاش معهن عجاريف= =ولا شف من ذوب العسل من رشيفه بسنة محمد لارذيله ولا حيف= =واللي سوا ماقلت نفسي تعيفه اخاف اثام اللي يجي ذنبها مخيف= =في ساعة(ن)والريق ناشف نشيفه واصك الباب أمام حكي الملاقيف= =اللي تعاطا بالهروج السخيفه الناس فيها جاهلين وعواريف= =وكلً يلقى راحته مع وصيفه وختا مها عداد ما بالنظر شيف= =صلوا على الرسول واهنوا بطيفه شعر/خليل مسفر الطلوحي |
Documents and Settings\MUNEEF\My Documents\My Pictures
|
04-14-2014, 02:07 PM | #2 |
|
الله عليك اخي شاعرنا المبدع خليل الطلوحي
قصيدة يعجز لساني وقلمي عن الرد تجاه ماسطرته من رقي وابداع كلمات رقيقة امتعتني عند قرائتها اعدتُ القراءة اكثر من مرة لسلاسة ابجديات الكلمات القوية التي تحويها ملحمتك الشعرية الكبيرة تسلم اخي ويسلم قلمك الماسي والله يعطيك الف عافية تقبل تحياتي وسلامي |
|
04-14-2014, 02:14 PM | #3 |
|
قصيدة رائعة سلم فلمك لنا الشاعر خليل الطلوحي
دائما مميز بكلماتك تحية |
|
04-14-2014, 10:47 PM | #4 |
|
كلمآت فيهآ النخوة والكرم والسمآحة والجزل
أبدعت بقصيدك المزون بالقآفية والتي تدل على إمكآنيآت وغزآرة في التعبير والمعآني التي تعززت بهآ تلك الأبيآت الغنية والمتتعة والبديعة صح لسآنك شآعرنآ الرآئع خليل الطلوحي لروحك السعآدة |
أطروحاتكم وردودكم الراقية تعكس ما مدى توازن فكركم و ثقافتكم. جملوا حضوركم بتفاعلكم الذي يترك أثار طيبة وينثر روائح زكية.
|
04-17-2014, 03:49 PM | #5 |
|
بورك القلم وصاحبه
قصيدة ذات جزالة كثيفة مودة |
الخطوة الأولى وحتى وإن تعثرت فهي بداية مشرفة
حينها ثق أن العمل سينجح |
04-28-2014, 09:25 AM | #6 | |
|
اقتباس:
هلا وغلا اخوي محمد العتابي الله لايهينك يالغالي هاذا منطيبك طيب ذوقك لاخلاولاعدم الف شكرعلى الا طرا الرايع دمت بخير وعافيه |
|
Documents and Settings\MUNEEF\My Documents\My Pictures
|
04-28-2014, 09:28 AM | #7 | |
|
اقتباس:
الاخت الراقيه افراح نورتي القصيد وياهلا بحضورك دمتي بعافيه |
|
Documents and Settings\MUNEEF\My Documents\My Pictures
|
04-28-2014, 09:32 AM | #8 | |
|
اقتباس:
مديرة منتدياتنا الراقيه منال نورالهدى اشكرك جزيل الشكر على هذا الحضور المشرق والاكثر من رايع صح الله بدنك وحفضك من كل شر دمتي برضا من المولى |
|
Documents and Settings\MUNEEF\My Documents\My Pictures
|
04-28-2014, 09:35 AM | #9 |
|
الاخت العزيزه اماني وفيكي يبارك المولى ولاهان هذا الحضور دمتي بحفض الله |
Documents and Settings\MUNEEF\My Documents\My Pictures
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
HTML | RSS | Javascript | Archive | External | RSS2 | ROR | RSS1 | XML | PHP | Tags