ضمى الترحال في أرض الطبيعة والجمال (النمسا 2009)

اخييييرا وصلنا القمه

طبعا اول ماتوصل فيه مبنى على اليمين وكله مواقف سيارات..ادخل ووقف في اي موقف يعجبك

بعد الخروج من السيارة...هذه اولى اللقطات





لقطات متفرقه لاعلى قمة في النمسا

















هنا حركة حلوه للتصوير..اعتقد واضحه مايبيلها شرح...كل المطلوب ان تضع خشتك في الفراغ .بس

نسيت اقول لكم ان مبنى المواقف واضح بالصورة هذي..

..........

نكمل معكم

انا قاعد اركب الكاميرا على الترايبود ..وذولا الدلوخ يناظرون ومستغربين

الساعه تعدت الثانية مساء ..واتفقنا نخلي باقي الوقت في التصوير وحنا راجعين ..الوكاد ابو فيصل راح للسيارة
وانا ناظرت يسار ..الا وذاك المبنى ..قلت لازم اشوفه خخخخخ

دخلت ولقيت اشياء والله مادري شلون اوصفها لكم ..غرف ومرافق ..منها مايحاكي حياة الريف النمساوي
حتى الاصوات تسمعها وكأنك فعلا في الريف وحياة البدو النمساويين
زي ذالصورة

وهذي بعد من نفس المبنى

المشكلة اني سحبت على ابو فيصل ..يوم تذكرته واركض ركض بس عشان الحق اصور كم صورة
والحق عليه هوّا كمان لايموت من البرد لان مفتاح السيارة معي

هذولي نسور شانقينهم في المبنى

وهذي قااابلة الفريسة أأأٌقصد فارسة القبيلة

وهذي غرفه فيها بعض المعلومات عن القمه

وهذه ايضا...الملفت بالموضوع واحسن مافي هالمبنى الاصوات اللي تحسسك انك في عالم ثاني
(( لايجيني واحد ويقول انا جيت هالمكان ولاحسيت اني بعالم ثاني ))

المكان اللي بنشوفه تحت فيه على يساره شاشة بلازما كبييييره وقدامها كراسي ...

ويعرض بهالشاشة كل شي عن القمه والريف النمساوي في جو رااايق...انا يوم شفت الجو

مادريت الا وانا جالس ومنسجم ..
.بس للاسف مالقيت صور للشاشة مع اني لو تبوني احلف كان حلفت اني صورتها:114:

رحت ركض للسيارة لقيت ابو فيصل جنبها تقول وجه شحّات امزح ...دعابه يابو فيصل لاتواخذنا

اسف..ماقلت لكم اننا جينا القمه بوقت تصليحات وترميمات وهذا اللي خلانا ننتظر اثناء الدخول

وشكلها مامن طلعه وهذا واقفلنا بالمرصاد

اهم شي اننا اول الناس

بعد حوالي الربع ساعه من انتظار اعطاءنا الضوء الاخضر للعبور...تم السماح لنا بالمرور

وهانحن متجهين الى الاسفل...الى حيث اتينا

ولكن لن يكون رجوعا عاديا ...فصور العودة لاتقل جمالا من صور الذهاب او الصعود
اليكم لقطات من عودتنا ..










ركنت السياره هنا ونزلت لالتقط لكم بعض الصور








مااروع منظر الثلج من قريب





مكان آخر ...





ياللهول..لاحظوا تششقات الاسفلت.. والعشب يظهر من بين تلك التشققات


هذه ايضا


هل هناك اروع من ذلك

بعد حوالي الربع ساعه من انتظار اعطاءنا الضوء الاخضر للعبور...تم السماح لنا بالمرور

وهانحن متجهين الى الاسفل...الى حيث اتينا

ولكن لن يكون رجوعا عاديا ...فصور العودة لاتقل جمالا من صور الذهاب او الصعود
اليكم لقطات من عودتنا ..










ركنت السياره هنا ونزلت لالتقط لكم بعض الصور








مااروع منظر الثلج من قريب





مكان آخر ...





ياللهول..لاحظوا تششقات الاسفلت.. والعشب يظهر من بين تلك التشققات


هذه ايضا


هل هناك اروع من ذلك

متعوا ناظريكم..





ربّان الرحله..ضمى يحييكم



تحركنا بحثا عن مكان اجمل



فوقع الاختيار على هذا المكان



















هنااااك سيارتنا في اخر الصورة

جينا مكان رااااايق ..ماحسيت بنفسي الا وانا دايس فراامل :3:

نزلت

مشيت كم خطوه

توقعوا كيف شكل المكان

ماودي اطول عليكم





شفتوا اروع واجمل من كذا :4:

الاكواخ التي كنت احلم اصور احدها عن قرب

ناخذكم بجوله خطافية للمكان



شاهدوا بكل حواسكم..وليس بمجرد النظر بالعين





اخرى



هنا يكتمل المنظر الأخاذ بوجو هذا الجدول الجاري







ابيض ..اخضر..اصفر..ازرق...سبحان الخالق المصور....سبحانك ماخلقت هذا باطلا







اخيرا هذه اللقطه...



بعدها توجهت بسرعه للسيارة ..اتعلمون لماذا

في الصورة ستعرفون السبب



هطلت الامطار من جديد ....وبدأ البرد يشتد ...ولكن مااروعها من اجواء مهما كانت ..

الى الآن وانا اقول لأبو فيصل بأنك محروووووووم نعم محروم لانك كنت نائما في السيارة
في تلك الاثناء..!!
فهل توافقوني الرأي ..؟؟

ركبت السيارة وواصلت المسير نحو الاسفل..فقد اوشكنا على الخروج من هذه البقعه الساحره في طريقنا الى فندق
السي هوتيل..

نكمل الطريق الى الفندق

اخيرا وصلنا فندقنا بالسلامه

ولم اكتفي بتلك الجوله الخياااليه

فمن الخوانق المائية الى اعلى قمة ي النمسا..مرورا بالموقع الجميل اللذي شاهدناه سويا

احببت ان اقضي بقية اليوم على ضفاف البحيرة وامام فندق السي هوتيل..فالجو ولا اورع في ذلك اليوم

الساعه السادسه والربع مساءً

نودعكم بهتين الصورتين من امام الفندق...املين ان نلتقي في حلقة قادمه مثيرة من رحلتنا القصيرة الى
تلك البلاد الخطيره :3:

انظروا الى صفااااء البحيره ...وحشتوني ياحبيباتي ...

نواصل معكم تقريرنا المطول عن النمسا وميونخ <<عشان ماتنسون ان فيه تكملة في البوابة الالمانية

على كل حال توقفنا بكم حين وصولنا الفندق راجعين من اعلى قمة في النمسا ..بعدها تخلل التقرير بعض القفشات الفيديويه اللتي اتمنى انها اثرت الموضوع ولم تكن عبئا عليه .

(( لحظة خلوني اصب بيالة شاهي ))

لم ينتهي ذلك اليوم

فوصولنا الفندق كان في السادسة مساءا ...

ذلك اليوم كان من اروع الايام من حيث الاجواء الخرافيه ..فتارة ينزل المطر وتارة يتوقف ليعطي السحب

المجال بمداعبة الجبال المكسوة باللون الاخضر وكانها سجادة ابدع من خلقها ..وتارة يهب عليك الذعذاع النمساوي

الفريد حتى يحين دور المطر فينزل من جديد وهكذا كانت الاجواء الآسرة لذلك اليوم ..

حلقتنا هذا اليوم هو تكمله بسيطة لاحداث ذلك اليوم ..ومن ثم سآخذكم برحلة جميلة في اليوم التالي الى

الزحليقة الصيفية ومن ثم الى مكان اعتبره من اجمل الاماكن التي زرتها في حياتي

لااود سبق الاحداث....دعونا في بقية احداث ذلك اليوم بعد عودتنا من القمم الثلجيه

كانت هذه اللقطات بعد عودتنا للفندق ..عند السادسة مساءً

صورة توضح انه يوم ممطر ومميز

لقطات لحبيبات ضمى ..لازم اشوفهم كل يوم والعب معهم واطعمهم بالموجود من فتات الخبز والبسكويت

اسمحولي ..بتكلم عامّي عشان اخذ راحتي ..ماادري ليش الفصحى ماتضبط مع الشاهي

المهم بعد هالمشاوير ذي كلها رحنا ناخذ لفه على رجولنا ..وبطريقنا مرينا على مطعم علي بابا

لاننا خرمانين قهوة...خصوصا انا مع الكافي لاتيه مافيش نقاش
لقطات اثناء جلوسنا على طاولة خارجية لمطعم علي بابا..فاحتساء القهوة في جو ممطر وبارد نسبيا شعور لايوصف:4:

لظاهر امامنا بالضبط هذا مطعم وكافي كريزي...انواع الازعاج لامن جا الليل
شوية خيال ياخلق الله...شوفوا الطبيعه هنااااك في اخر الصورة وتخيل انك تتقهوى في مكان ساحر كهذا

هنا تظهر طرف قهوة ابو فيصل ..ويفضل الكابتشينو دائما...ووراه الكافي المزعج اللي قلت لكم عليه قبل شوي

وهذا انا وصديقي محسن..العامل في مطعم علي بابا ويظهر فندق الجراند خلفنا

احتجت احلق ذاك اليوم..والمشكلة اني نسيت عدتي الخاصة في السيارة قبل اروح المطار :4:
سالت محسن وجزاه الله خير دلني على واحد عراقي اسمه فلاح ..ونسق معه وجا

ورحت انا واياه للفندق ...وحلقت انا وابو فيصل ...والله حلاقته مهي شينه ماشاء الله عليه

بعد ماحلقنا..طلعت انا بوصل فلاح وابو فيصل اخذ اللاب توب ورجع لمطعم علي بابا عشان

يشوف مباراة المنتخب مع كوريا على مااعتقد...اما انا فقلت لاحقين على رفعة الضغط ههههه

انا وفلاح طلعنا وقال بوديك محل ايسكريم حلو قريب ...والمعذره اني مااخذت الوصف تمام

اخذتنا السوالف الا وهو يقول وقف هنا ..نزلنا واكلنا ايسكريم ولااااروع وطلعنا

يقول فلاح انه اذا بغى ايسكريم صح ماجي الا لهالمكان

طلعنا انا وفلاح وقلت له نبي مكان حلو اذا وقتك يسمح قال مو مشكله وطلعنا انا واياه

ومن هنا ومن هناك ولف من هنا ولف مناك ...لين رقينا مرتفع عالي وطريق ظيّق انا قلت هذا الختطاف بعينه وعلمه

صعدنا مكان راااايق ومطل على زيلامسي ..طبعا الوقت مايسعف عشان الحق اصور

لكن اخذت هاللقطه على عجل ..لاني حسيت فلاح محرج وهو يكلم زوجته ويقول انا مع واحد سعودي
انا عاد اتعمد اناديه واطلع صوتي عشان زوجته تتطمن

بعد كذا خزنت احداثية الموقع عشان اجيه بوقت اخر ...لان الساعه تشير الى العاشرة مساء

لكن اعدكم بصور اجمل واحلى لهالمكان الجميل فيما بعد

رجعنا للمطعم ونزل فلاح ومشينا انا وابو فيصل للفندق....

صلينا المغرب والعشا ونمت احلى نومه ..اما ابو فيصل فلابد من متابعة التلفزيون قبل ينام

(( اموت واعرف كيف يشوف التلفزيون اللي اصغر من جوالي ومعلقينه في الزاوية )):3:

خلوكم معي ...

ونواصل معكم احداث اليوم التالي في الزحليقة الصيفية

بعد الحلقة المنكوبه ..نعيدها لعيونكم مع ان الساعه 1 ونص الصباح ..لكن تستاهلون

لحد يكلمني ..ترى اصيح

الأربعــــــــــــــ 17 يونيو (24/6/1430 )ـــــاء

الوجهة : الزحليقة الصيفية
المكان : بلدة سالفلدين
الاحداثيات : N47 25.305 E12 48.838

بعد يوم ممطر وومتع صحونا على اجواء مشمسة

طبعا انا استااااء جدا لان الجو المشمس عدو التصوير بلا شك :4:

بعد الفطور اخذنا العدة والعتاد وتوجها الى بلدة سالفلدين

ماامدانا نكمل سالفتنا انا وابو فيصل الا وحنا في مواقف الزحليقه

اناجتني مكالمة من السعودية وقعدت اكلم ..وابو فيصل راح يقص التذاكر
وعلى مااذكر انها بـ 9 يورو او 8 يورو و40 سنت ان ماخانتني الذاكره
المكان كان شبه خالي فوصولنا كان الساعه 9 صباحا

بعد ماخلصت المكالمه نزلت واخذت هالكم لقطة

هذا كافي خلف مكتب التذاكر

هذا التلفريك المكشوف ..والله ياهو شي

شفتوا الغرفة اللي هناك..في ذاك المكان يطلع موظف يقول وقف هنا
ويجيك التلفريك يشيلك وانت واقف ماعليك الا انك تجلس اول مايشيلك ...سبحان الله سحر

صور متفرقه لمرحلة الصعود على المقاعد التلفريكية المكشوفه <<< ام الاسلوب ياناس

لقطة خلفية ..وتظهر لنا نقطة الانطلاق

اعمال الصيانه بعد يوم ممطر في الامس

هناك تلاحظون احد البقر التوفي

وهنا اخواتها

الاقتراب التدريجي

اتعب انا على رفعة الرجل ههههه

ظنكم لو طبيت الحين..يكون توقيتي صح ولاّ اطب جنبها

لقطة خلفية

من عمليات الصيانة أيضا ..وتنظيف المسار من آثار الامطار

اللهم زد وبارك ...اقتربنا من الوصول وهذولا وجيه العشيرة واقفين يستقبلوننا هههه

وصلنا واخذت جوله في المكان ...لان المسار مابعد جهز

صادفت وحده حللللوه وحاولت اصورها بدون ماتدري لاني اكتشفت انها خجوله

تحايلت معها وهذا نتاج المحاولات

هنا البداية ..يوم شافتني



سوت نفسها ماتدري



حاولت الاقتراب...ياحياااتي مكسوفه وصدت وجها عني



يوم شافتني مصر اني اصورها ..قالت اعقل ولا ترى بمشي



هنا لقطة توضح الطريقة في تنظيف مسار الزحليقه من المطر...لاحظوا الخيشة تحت العربه









وهنا بداية المسار...وفي اخر الصوره مكان العربات المستخدمه في الزحلوقه



وهنا لقطات متفرقه للمكان









شميت ريحة كافي في المكان ..قلت اشوف ايش الحكاية





آآآآي قااارم



طلبت ميلانج كوفي ..وقعدت اتفرج على اللي رايح واللي جاي



المضحك انو من ضمن اللي رايح واللي جاي ابو فيصل خخخخخخخخ

اول ماقالوا تزحلقوا جااااك مطفي النور ومر من جنبي يمشي 3000 :3:

طبعا انا خلصت قهوتي وروقت وحسيت ان ابو فيصل منرزع تحت

قمت يوم حسيت ان ابو فيصل وشلته نظفوا المسار زين

اهاااا بسم الله ...وخر انت واياه



لازم تمرر البطاقة على الحاجز الحديدي وتولع لمبه خضرا ..يعني تفضل طال عمرك

قبل مااتكل على الله قعدت اصور شوي لييين حسيت ان ماقدامي احد
لاني خااابر اذا قدامك واحد مهدّي وانت ودّك تسرع يرتفع ضغطك ..وتصير مجبور تهدّي وراه

خلونا بالصور قبل الاقلاع