ضمى الترحال في أرض الطبيعة والجمال (النمسا 2009)

واليوم ان شاء الله نكمل معكم تلك الحلقة مع اول ايام زيلامسي

خلوني استرسل شوي قبل البداية واقول اللي ماقلته في الحلقة اللي راحت

نبدا بوقت الوصول الى زيلامسي فقد كان وقت وصولنا 12,17م بالضبط نزلنا شناطنا قدام فندق السي فيلا

وحنا كنا ماشين من سالزبورغ حول ال9ص بس ترونا كل شوي واقفين من الجنة التي ابهرتنا واجبرتنا على الوقوف

طبعا قلت لكم ان اجراءات الدخول سريعه وسكنونا في السي هوتيل مو مهم ..الاهم اننا في

الطابق الثاني عشان نبعد عن النامس كما سمعت من قبل ....لكن الحمد لله ماشفنا ولاااااااااااااااااااااااااااااااناموسايه:

هذا موقع الفندق عبر قوقل ماب >> هنا

احدثيات الفندق N47 19.598 E12 47.909

طبعا فندق السي فيلا والسي هوتيل متلاصقات مع بعض وياما وياما يمشونها علينا يعني يكون حجزك هنا ويحطونك هناك:

وهذي احداثية دخلة الفندق ...وهي افضل من اللي قبل شوي..ليييش؟ لانك لو حطيت اللي قبل شوي بسحححب فيك
القارمن ويفرررج عليك الناس وبتحصل لك كم دعوه وسبه اوروبيه لانه بيجيبك من على طريق المشاة اللي على البحيرة

هذي احداثية دخلة الفندق من اخونا ابو مطر جزاه الله خير

N47 19.663 E12 47.855

لامن وصلت لآآآخر الاحداثية بتشوف جسر صغير يالله تشوفه ..لاتدور جسر كبير زي ماسويت انا :

جسر صغير يعني يادوبك السيارة تمر من تحته ....انت ادخل من تحته ولف يساار ... وامش شوي

يجيك هالمنظر اللي هو فندق سي فيلا +سي هوتيل

وهذا الطريق اللي جينا معه ( يعني تخيل الصورة مأخوذة من مراية السيارة الداخلية )

بعد اقترابنا اكثر للفندق

سعر الغرفة والله يااخوان ماني متأكد لكن اذا ماخاب ظني انه ب 900 ريال لليلة من مكتب سياحي

الغرفة من الداخل

هذا الحمام اعزكم الله( مااعجبني صراحه )

صور متفرقه من الغرفة

................

نرجع عشان نكمل معكم من النقطة اللي وقفنا عندها

كنا وقفنا عند تلفريك والواقع في وسط زيلامسي ..مو بعيد

هذي احداثياته ..بالامكان وضع القارمن على وضعية المشي والذهاب اليه

N47 19.437 E12 47.633

واذكركم انه مكتوب عليه ( sity express )

كانت التذكرة 12,5 يورو لكن اذا اذا رجعت ( لاتنسى ترجع البطاقة لهم عشان يرجعون لك 2 يورو )

نكمل معكم الحين صور التلفريك

عند الوصول

وهذي لوحة توضيحية للتفاريك اللي بزيلامسي خخخخخ تفاريك = جمع تلفريك
طبعا التلفريك موضح على شكل خط اسود

طبعا التلفريك هذا مايوديك الى قمة عالية..يوديك هالمكان وانت تروح كعابي فوق ...اقول سطروني ان مشيت على رجولي
فوق:

فيه عجوزين باخر الصورة راحوا مشي

بيني وبينكم الجو حار مررره وقتها من جد احس ان وجهي بيطيح من طوله :
<< لاتلومونه..مواليد جنيف الولد

المهم يوم شفنا الجو مايشجع بنوووب ..نزلنا

بعد مانزلنا من التلفريك ..شطفنا البحيرة شطف..يعني مرور وحنا بيني وبينكم رايحين فيها من العرق
قلت ابدهاااااااااااااااش حكي ...يلزمنا ترويشة يابو فيصل...قال عز الله انها ماقالت شي

صور على الطاير وحنا رايحين لفندقنا

رحنا الفندق وتروشنا وغيرنا وانتعشنا ..يااااااااااه يازين طعم ذيك الترويشة ياناس

وقفت على البلكونه (اتأمل واناظر واطالع واخايل وابحّر واشبح) الى سحر الجمال الرباني وبديع صنع الله سبحانه

نبدا..من داخل الغرفة

ماتحملنا نشوف هالمناظر ونقعد ساكتين...اخذنا العدة والعتاد وعلى البحيرة...بفحححط في قواربهم واطيح اللي براسي:2111:<< يشع حموسه هالوجه خخخخخخ

رحنا لين وصلنا فندق قراند اللي قدامه على طول مطعم علي بابا...رحنا لعلي بابا واخذنا لاتيه على كيفك
وكملنا على البحيره ..من جنب القراند فيه كشك عكسريم اممم يم يم ...اخذنا عسكريم واخذنا قارب كهربائي
بــ 9 يورو مة نص ساعه على مااعتقد

جينا من عند حبيب الملايين

رجعنا حيث مكان القوارب حيث ان الجولة انتهت...يوجد ملايين الصور لكن توهقت ماادري
كيف احطها:

لقطة اخيرة وحنا راجعين

بعدها تمشينا شوي على جولنا حول البحيرة

ومنها هالصورتين

قفلوا اصحاب الطراريد والقوارب ..الساعه تشير الى السابعه والثلث مساء ..يعني باقي اكثر من ساعه وشوي على المغرب

بعدها رجعنا الفندق

جلست على البلكونه السحرية اناظر واطالع ...الخ :اعتذر عن ظهور طرف رجلي وانتم بكرامه كلللكم

بعدها نزلت تحت في اليارد بتاع الفندق فكان لي هذه الصويرات

يااااه مااحلى الجلسة هنا واستنشاق الهواء العليل والاكسجين المعقم

هذا واحد يفك الحبل حق قاربه ...محطته بصورة وهو مايدري

هذا قاربه ..مفروض يوم جاء بينزل حاطه في مخباه..ماله داعي يربطه :

هذي جهة الفندق وانا في مكاني

طلعنا بعدها نتمشى ..صادفنا هالمسبح ...صراحة حلو جدا بس لو يخلا من العنصر النسائي يكون

يالله ..مسبح في قلب الطبيعه..ِيعني ولا في الاحلام والله لو كان خيالك اوسع من حوشنا ماراح تتخيل متعة السباحة في ذالمسبح العجيب :

انتهينا معكم في الحلقة الماضية يوم حنا ننزل من القارب وقلت ان القارب كان ب 9 يورو...العام ب 8 وهالسنة

ب9 والله يستر من السنة الجايه شكله بيصير بـ 20 وهذي ميزة العرب اذا جو مكان طيّروا اممممه :112:
طبعا رحنا للفندق..والله الى الآن ماادري وش كنا نبي من الفندق لان مهي خاشة مزاجي ولاانتم بعد اني اطلع من الفندق

ونروح نركب القارب ونرجع الفندق تاااني..حتى خويي يوم اتصلت عليه قال والله مادري بس الظاهر اننا رحنا

ناخذ فلوس لان حضرتك قعيطي ومنت مزوّد الغلّه اليوم:...قلت يمكن :114:

الوكاد تعددت الاسباب والرجوع واحدون:

عقبها طلعنا وجيت من عند المسبح الرهيب والعجيب..تذكروونه ...اذا ماتذكرونه

هذا هو

عقبها رحنا نتمشى على جنبات البحيره

وخويي ادمن عسكريم الفراوله من عند الكشك اللي قدام فندق القراند...كل مامرينا من حوله قام ابي عكسريم

قلت لايكون ماخذ عبدالملك وانا ماادري : اعقل مهو وقته خخخخخخخخخ

اليكم بعض اللقطات من جولتنا هذيك

مشينا لين وصلنا فندق القراند .وانت جاي من السي فيلا يجيك القراند على اليسار

التفاته على اليسار

نص لمحة على اليمين

تلف رقبتك يمين بزاوية 90 تجيك سكة القطار...اللي قدام على اليمين مطعم علي بابا. والي على اليسار مطعم ومقهى كريزي انا اشهد انه كريزي ..انواع الازعاج والفقداااان..اتمنى انكم استوعبتوا

شايفين الحاجز مسكر في الصورة السابقه وهذا يدل ان القطار جاي انننحش ياناااحش:
كملنا طريقنا وهذي لقطات من خلف القراند

هنا مكان استئجار القوارب...بس الظاهر انهم عزّلوا ..ساعة التقاط الصورة التاسعه الا ربع مساء..يعني مابعد اذن المغرب

كملنا طريقنا..ياااه مااجمل المشي في ذلك المكان

وش رايكم في صفاوة البحيرة....صورة مع التحية لشاطئ الهاف والحفاظات وانتم بكرامه أأقصد الهاف مون

مشينا مسافة لابأس بها..ثم عدنا

دخلنا القرية وكانت هذي اولى اللقطات ...الساعه 9 وثلث مساء

اناا تعجبني الانارة الصفرا بشكل مو طبيعي خصوصا بالشوارع ..والاضاءة البيضا تنرفزني :112:

صورة لأحد الدواعيس ..تلاحظون ان المقاهي عد واغلط في ذيك القريه حتى سكانها شكل بيوتهم مقاهي:

رحنا لمطعم علي بابا وتعشينا عنده شقف خروف وبرياني وببسي وعلى مااظن حسابنا 40 يورو ماني متأكد

بعدها جا على بالنا نشتري فاست فود قال لنا محسن اللي يعمل في مطعم علي بابا ماراح تلقى سوبرماركت مفتوح هالوقت الا اذا رحتوا لمحطة البنزين اللي على بعد كيلو تقريبا من هنا...قلنا نروح وش ورانا ..

مشينا واشوا لقينا بيلي فيلا مفتوح في المحطه اخذنا حاجاتنا من بساكيت وشقاليط وبباسي ومكسرات
عشان بكرا ورانا مشاوير ولازم ناخذ هالاشياء..

هنا بعد ماطلنا من المحطه ..اعجبني المنظر,,,وصدقوني هالصور ماعبّرت ولا 10% من جماله على الطبيعه

اللي باعلى التلة اعتقد انه الفندق اللي سكن فيه اخونا رائع جدا

رجعنا واخذنا كم فرّه في القرية واليكم بعض اللقطات في ذيك الساعه .... 9،50 دقيقه مساء

العالم هنا مقفلين

تشوفون فندق القراند في اخر الصورة

رحنا للفندق وهنا آخر صورتين ليلية هدية لمحبي فندق القراند

هذي بدون اي اضافات

وهنا سويت تعديل بسيط عشان تبان السحب اللي ضاعت بالصورة السابقه

بعدها رحنا الفندق ..صلينا المغرب والعشا ونمنا وبكرا اولى مغامراتنا اللي راح تعجبكم باذن الله

اليوم راح ناخذكم برحلة خفيفة الى مكان كله انتعاش وحيويه ..اكيد عرفتوه....انها شلالات كريمل

الأثنيـــــــــــــــــــــ 15 يونيو 2009 ــــــين

كان الصحيان من النوم الساعة السابعه والربع صباحا

كان الجو في ذلك اليوم ماااأروعه...وانت في فراشك تستنشق الهواء العليييييييييل بنكهة المطر الطبيعي..النقي

والورود الطبيعية المزروعه على بلكونة الفندق ...والله يااخوان ماادري كيف اوصف لكم ..شعور لايمكن

ان يصفه او يحس به الا من عاشه بكل جوارحه ...وليس من رأى كمن سمع...نرجع لموضوعنا

اول ماصحيت اخذت لقطة صباحية بالاندر وير : يمكن حتى قبل اغسل وجهي ...كله من إيييش

من الكلام اللي قلته فوق

نبدأ بأول صورة التقطت في ذلك اليوم...تخيلوا شكل واحد يصور وهو نايم :

ماتمالكت نفسي ومشيت حيث المكان السحري والمدمر

هنا رأيت المنظر اللذي يحبس الانفاس

واللذي يأسر الالباب

والذي يسر الناظر..ويطرب الخاطر

بسرعة البرق غسلنا وصلينا ولبسنا ونزلنا نفطر ...كنا لحالنا في المطعم ...وانا عادتي
مااطول في النوم لاصرت مسافر واستغرب من اللي ينامون لين 10 و11 الصباح :114:

ناخذكم في جولة على المطعم وبصراحة نفسي ذاك اليوم مفتوحه للتصوير

اول ماتنزل من فندق السي هوتيل تلقى قدامك هالمنظر
على اليسار الاجبان والمرتديلا والطاولة اللي هناااك هذيك للفروت<فواكه واليوقرت < زبادي والجوس<عصير والبرد <خبز

هذي صوره اقرب للي نظره لك عليه

وانت واقف مقابل طاولة الفروت والجوس واليوقرت ..طالع يمين ..وش تشووووف ....تشوووف هالمنظر

البيض والشواهي لان فيه اشكال والوان من الشاهي

وانت واقف مقابل طاولة البيض ..أررراوند يور سيلف ..التف حولك 180 درجة وتشوف ذالمنظر ..لاحظوا فيه صالتين

خلوني اوريكم ذيك الصالة اللي بالوجه

طبعا انا اصور وخويي قاعد يرم في الصالة الثانية..رحت يمه وكانت لي هاللقطات

تلاحظون اننا مو في الصالة الي قبل شوي وريتكم اياها..ذي صالة جنبها..وماقدرنا نطلع برى ..برررد
صورة اخرى...واترك لكم استشعار المكان والزمان

هنا مسوي فيها ايتيكيت وبرستيج وكورن فلكس وحركات (:

والله عصير تفاح قسم بالله

المنظر الخارجي ..والطاولات الخارجية..كنت اتمنى افطر جنب البحيرة لكن الجو كان بارد شوي
تخيلوا اخواني كيف بتكون متعة الافطار في هذا المكان

نكمل معكم رحلة الشلالات في الرد القادم بإذن الله

بعد الافطار قمنا واخذنا مايلزمنا من الفاست فود وانطلقنا بعد الاتكال على الله الى شلالات كريمل

نبذة عن الشلالات

الاسم باللغة الانجليزية :

Krimmler Wasserfalle

Krimml waterfall

water krimml

أعلى شلالات أوروبا بطول 381 متر (1،247 قدم)

وتصب شلالات كريملر على ثلاثة مراحل :

المرحلة الأولى : من الأعلى تصب نزولاً بطول 140م

المرحلة الثانية : وهي المنطقة الوسط وتصب بطول 100 م

المرحلة الثالثة : وهي المنطقة السفلى من الشلال تصب بطول 140 م .

وترتيب هذه الشلالات بين شلالات العالم من ناحية الإرتفاع هو السادس والعشرون
على حسب ماجاء في الجدول الموضح في هذا الموقع هنــا

وهو ثاني أعلى شلال في النمسا

وخامس أكبر شلالات في العالم

تبعد شالالات كريمل عن زيلامسي تقريباً ساعة وربع

وهنا توضيح من جوجل ماب لطريق الوصول للشالالات من زيلامسي

http://maps.google.com/maps?f=d&sour...01,0.62145&t=h

كيفية الوصول لها من زيلامسي والقرى المجاوره لها

بعدة طرق أما

1- الباص :
التوجه إلى محطة الباصات Post.Bus وصعود الباص رقم (670) وقيمة التذكرة الى المنطقة تقريباً (16,40) يورو والمسافة تبعد حوالي ساعة وعشر دقائق عن زيلامسي .
وهنا نقطة مهمة وهي انك تطلب تذكرة إلى محطة الشلالات وليس لقرية كريميل لان القرية تبعد عن منطقة الشلال قرابة الكيلو والنصف ،
وهذا الأمر اشعر به كونتر التذاكر وهو يبلغك عن المحطة اللي تنزل عندها

2- او الذهاب بالقطار الكلاسيكي وينطلق من محطة قطار زيلامسي والتذكرة حوالي 20 يورو

3- أو بالسيارة الخاصة بك

الاحداثيات لمن لديهم سياره : N47 12.943 E12 10.299

احداثيات المواقف : N47 12.935 E12 10.291

(Parkplatz Krimmler Wasserfalle )

كروكي المواقف

ماذكر اعلاه مقتبس من تقرير اخونا طائر الغربة
في تقريره عن شلالات كريمل تحت هذا الرابط

بسم الله توكلنا

كان الطريق الى كريمل اشبه بالحلم....الجو كان ممطر ولكن على خفيف

يعني مهو ذاك المطر اللي يخرّب عليك رحلتك بالعكس يزيدها جمالا وانتعاشا ومتعه

اضافة الى كل ذلك فالطبيعة في ذلك الطريق موش طبيعيه..يعني فيها شي مختلف

صدقوني احيانا وانا مسرع امسك فراااامل واصفط جنب الطريق عشان استشعر الجنه

اللي انا فيها..سبحان الله ..حقا ان كانت هذه جنة الدنيا فكيف بالآخرة...اللهم اجمعنا في جنتك ياعزيز ياحكيم

ادري طولت عليكم ولسان حالكم يقول طيب وش الدليل على خرابيطك ذي اللي صاجنا فيها...

طييييب طيب...بس ترى انتم المسؤولين عن حالات الاغماء اللي راح تصير في المنتدى

هنا البداية ...الساعه 9 صباحا بالضضضبط

انتبهوا من اللي طالع بالمرايه..تراهم كثر الجراد هناك

اليكم رشات المطر المنعشة والتي تحدثت عنها قبل قليل...مطر وطبيعة ...والله تحس انك في كوكب آخر

لاتلوموني لاوقفت في كل مكان..ارجوكم لاتلوموني

اخواني ..فضلت التزام الصمت لان العبرة تخنقني من الحنين الى تلك اللحضات:(

لاتلوموني اذا وقفت في كل مكان..ارجوووكم والله مو بيدي

صورة اخرى

واخخرى ..:(

هل اكتفيتم من جمال هذا المكان..ان كنتم كذلك فأنا لم اكتفي ...صورة طولية

اخرى ولكن هذه بعمق ميدان اكبر

الست الصور الماضية....ست صور من اصل 20 صورة لنفس المكان...

تلوموني لاوقفت بكل مكان :(

نكمل في الرد القادم... انا نسيت نفسي وخرطت لكم الصور كلهن هنا

كونوا معي

يوم قربنا لقرية كريمل شطحت يمين وهالمره بلا مواقف بلا هم ..وقفت الأودي على العشب

قلت باخذ لكم كم صورة وامشي

وهنا توضح قدامنا قرية كرريمل الجميلة...ياحظهم ينامون ويصحون على صوت الشلال والطبيعه اللي تحتظنهم من كل الاتجاهات...ياربييييييييييه

شوفوا ياجماعة الورد الابيض في اليسار والطبيعه من كل اتجاه والشلال باين شوي طرفه ..شوفوه على اليسار

وصلنا مواقف الشلالات...بيني وبينكم انا دايخ من المناظر وماحسيت الا واناعند المواقف...

من الكروكي التالي ..انا وقفت ي موقف 2...والله زين ..اشوى ماوقفت ابعد من كذا

هذي صورة ملتقطة بالاقمار الصناعية ارسلوها لي شركة قوقل ..اثاريهم مراقبينّا وانا ماادري :
لاحظوا المواقف اللي عليها سهم..انا وقفت هناك

مواقف السيارات ليست مجانية ...انا اذكر فيه وحده اخذت مننا 4 يورو اذا ماخاب ظني ..الوكاد
اعطيتها ومشيت ..والمسار واضح ماتضيعه..واذا مهو واضح ..طبق قاعدة دَرْب ْ راسك مع الروس :

كان الجو لطيف وفيه رشات خفيفة من المطر

دخلنا مجازفين لان حتى المظلات ماهي معنا

مشينا لين وصلنا كشك بيع الهدايا ..اعتذر عن اهتزاز الصورة

بعدها تجيك ذالسيارة العجيبة على اليسار...دعاية مبتكرة صراحة..معلش ادري انكم صايمين بس الشكوى لله لازم احطها ضمن التقرير...اما اني احملها واخليها ...مايصلح بنوب

تمشي ..وتمشي مع ذالطريق ..يالبيه شوفوا اثار الامطار على الطريق للي نظره منتاز

لين توصل مكتب لبيع تذاكر الدخول...

اسعار الدخول

وهذا الاوفس من قريب...والله مانتبهت اني طالع بالصورة الا الحين :

تلاحظون مكاتب استقطاع التذاكر في اغلب النمسا اذا مو كلها مكتوبه بالالماني (Kassastelle) او Kassa لحالها

نبدا بالأكشن

صح نسيت اقول لكم...ان الشلال اندفاعه قوي ورذاذه منتشر بشكل كبير ماتقدر حتى تقرب منه
مما يجعل تصويره صعبا بعض الشيء

<< يرقع (:

طبعا اول مايواجهك هالماعز البقري هههههههه اقص الماعز الجبلي ..وزين ان لقيت فرصة تصور معه من هالجواثيم
كل شوي واحد جاي ومتحظنه وماسكين عليه سرى..طبعا انا انتظرت لين قام واحد من السياح ولقطته صورة

وهذي اولى لقطات الشلال

جينا مكان ..ياربي رباه ..فظيييييع...لامن جيته تروح فيها من الرذاذ القوييي والباااااارد

والله اتحداك بعد ماتاخذ دش ماتضحك بصوت عالي وتنتعش ويمكن تصعد الجبل لين اخره

نصيحة...لاتغادر ذاك المكان بدون ماتاخذ لك دش محترم من رذاذ الشلال

طبعا انا اخذت دش جاااامد وجاء الدور على خويي ..ياحليله رايح بكاميرته :

لازال هناك المزيد

تريونا في الرد القادم

بيني وبينكم الطريق الى الاعلى متعب جدا واللي معه اطفال او لياقته خيخه لا يرقى احسن له

الا اذا كان بيتروش من الركن الرذاذي اللي قبل شوي:

مشينا ومشينا ومشينا لين ماحفْيت يدينا..اقصد رجلينا وشفنا بصيص امل..مفترق طرق لكن وش فيه هنااااااك فوق

..ابو فييصل ابشرك اشوف كن فيه كافي فوق .. شد حيلك

ومشينا

والكاميرا جاها هياج تصور في كل اتجاه

مشينا لين وصلنا الكافي واول سؤال....دو يو هاف ميلانج كافي آند& تشيز كيك ..قالت بابتسامه ياااااااه اف كورس

ياهوووووووووه

ماني مصدق راح اتقهوى جنب الشلال ورذاذه وكريمل بسحرها قابعه تحت ناظري والمطر يطقطق على المظله اللي حنا نتقهوى تحتها..يااله انا بحلم ولا بعلم

استشعروا تكفووووون

هذا طلبنا

تدرون وش اللي زاد حلاوة الجو والمتعه والوناسة والميهسفعلاةىمارسهسيمسهةا والله ماادري وش اقول :
هو الجو الماطر..كل شوي تمطر ...شوفوا هالصورة فهي تعبر اكثر

تخيلوا وش تسمع مع صوت المطر على الطاولات والاماكن المحيطه بك....انه مجرى الشلال اللذي بجانبنا :(

يعني تخيل ان كلللللل هالاشياء متجمعه حولك وانت تحتسي شيئا من القهوة اللذيذه...يعني تستمتع بجميع
حواسك في آن واحد ..وربي احسها معجزة..بس صدقوني من جد هذا اللي حصل ...
العين ترى مايسرها من طبيعه خلابه..والاذن تسمع مايسرها من طشطشة المطر وصوت هدير الشلال وصوت العصافير ..والانف يشم رائحة الطبيعة والمطر ..هذا غير الاحساس الخرافي اللذي تخلفه قطرات المطر حينما تلامس سطح جلدك المتحجر:

بعد انتهائنا من قهوتنا ...قلنا نكمل عقب هالنشاط ...

مشينا ..قبل نمشي هذي طاولتنا

هذا طريقنا اللي جينا منه.بس يوم جينا ماصورت شي من التعب ..لاحظوا الارضية ..ماني قايل لكم وش تلاحظون عليها ::

يمكن تلاحظون ارتفاع المكان هذا المكتوب على الجدار ....1306 امتار

كملنا طريقنا ..وهذي لقطات من الطريق الى الاعلى...احس حلقي نشف من الحتسي .
حتى البارح ماتسحرت عشانكم..بس ماعلي منكم لازم واحدن منكم يفطرني :(

صادفتنا هاللوحة ..فيها كم باقي وكم ارتفاع الشلال

ومضينا قدما << ايوه يالفصيح

لقينا جسر ..بس بيئة خصبة للي يبي يصور

نزلت من تحت الجسر ولقيت مكان حلو

وهنا احد دخلات ابو فيصل اثناء التصوير :112:

نختم معكم بهالصورة

الى هنا نتوقف معكم احبتي ..لاني ماعدت اشوف الدرب ...مواصل بدون سحور

وقفت في الحلقة اللي راحت يوم جينا راجعين من القمة وزي ماقلت لكم ان السبب عدم توفر الوقت

لاني حاط في بالي كم مكان لازم نجية دام الجو طيب ذاك اليوم..ولاتدري يمكن يجيك بكرا مطر يحشرك

في الفندق او تدور الاماكن المغلقه ...

ماودي اطول عليكم اخليكم مع الصور ..لانها ابلغ من الكلام

اثناء طريق العودة ..

تصوير عادي لمجرى الشلال

وهنا اخر ونفس اللقطة ولكن بطريقة احترافية شفتوا الفرق

وهذي بعد ..تستاهلون

وصلنا المكان هذا..اكيد تذكرونه...الكافي اللي تقهوينا فيه وحنا صاعدين ..شوفوا الصحة ماشاء الله عليهم

وحنا مدحدرين من الجهة الثانية للكافي

مشينا مدحدرين لين قربنا للبداية ..وزيماقلت لكم العالم ماسكين سرى على هالعنز ...هذا واحدن منهم ..طلعوا الفرق بينهم:

وهناك مكتب التذاكر

كملنا طريقنا راجعين ..متجهين للسيارة ..ياسلام على الطريق المورّد اللي كنه يقول ..بدري تو الناس ..من جد تحس ماودي تطلع من ذالمكان

طلعنا ..التفت وراي واخذ صورة خلفية ..يعني وانت رايح للشلالات يجيك هالمنظر روح من عنده لين يجيك مكتب التذاكر

هم يجيك هالمنظر هذا على اليمين وانت وجهك للشلال ..

ابو فيصل متجه للسيارة..ليتني زيه اقدر اسلى عن الكاميرا

والمزيونه تحترينا ...لبى قليبها

كان وصولنا للشلالات العاشرة صباحا ووقت مغادرتنا الواحدة والثلث مساء..يعني وقتنا كان ثلاث ساعه وعليها..
والله مغطه ...بس ممتعه للغااااااااااااااااااااااااااااااااااااااااااااااا اااااااااااااااااايه