| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
01-22-2018, 04:30 PM
|
#31 | |
 
|
رد: بلادكم حلووة حلووة ..بس الوطن ماله مثيل
الجزء الرابع عشر اليوم السابع الوصول للندن بقطار فيرجين القادم من مانشستر من محطة بيكاديللي مانشستر الى محطة اينستون بلندن اخذنا تاكسيين وحملنا الشنط معانا بالسيارتين والى منطقة لانكستر جيت وفندق ويست اند...مورننغتن  ولما وصلنا الا انا مجهزة الظرف اللي خاص بالفندق هذا حجزنا من بوكينغ  الحجز لثلاث غرف دبل تم حجز لليله واحدة او غرفة واحدة للمدة كلها وهذا الحجز 1060 باوند لمدة 8 ايام هذا باقي المبلغ  وهذا بعد التشيك اوت اخذوا بس عن غرفة وحدة تسرب ماء على الزولية الموكيت مع ان في غرف فيها موكيت وبعضها خشب الباركيه   بالشارع المقابل للفندق  اللوبي صغير    المكتبة والبار    الغرفة سامحوني مع انها متوسطة لاهي ضيقة ولا هي واسعه واايد وما صورتها الا بالايفون كان مخلص شحن الكاميراا وما في بلاك ثنائي     الفندق مكيف ....مع ان الجوو حلو نفتحه واذا بردت الغرفة طفيناه وكل شوي ناس بردانه وناس حرانة  التلفزيون بلازما  تكرمون الحمام صغير بس مناسب  |
|
|
|
01-22-2018, 04:31 PM
|
#32 | |
|
رد: بلادكم حلووة حلووة ..بس الوطن ماله مثيل
المكتب  الحين السرير وباب الغرفة من الجهة الثانيه تكرنوت فوط الحمام  وادوات النظافة  شافين تكرمون هذا الحمام بحوض بانيو والثاني اللي حوض ارضي  المطل على الشارع وغرفة البنات صارت على حديقة داخلية  ارتحنا وصلينا الظهر والعصر .....البنات مع يوسف ريحوا شوي وراحوا الاكسفورد اما احنا ريحنا شوي بعدين رحنا الاجور روود هذا فندق قريب من عندنا مبين عليه فخم  خلف الفندق توجد محطة الباص اللي تودينا على الاكسفورد هذه البنات مصورينها اول يوم   و هذا الاكسفورد اول ما وصلوا واكلوا من ماكدونالد   اما احنا الله يسلمكم بعد ما ريحنا انا وحسين ودندونه رحنا الاجور روود كنا يوووواعه .......رجنا مطعم الدار وهذا كان عشانا وغدانا المطعم زحمممممه من الكويتين عوايل والعرب والجرسوون كان شكله تعبان وهو بعد كبير بالعمر والبنت اللي معاه مدودهة وزفها جدامنا مسكينه وانا من الزحمة ما صورت من ديكورات المطعم الا هذا   المقبلات   شاورما دانة  عرايس لي   حمص لناااا  قوزي لحسين  وبعدها رجعنا الفندق وكل واحد راح لغرفته والبنات بغرفة مقابل غرفتنا انا وابوهم والشباب بغرفة على يمين غرفتنا وتقريبا الدور فيه خمس غرف تابعوني بكررررة وثاني يوم في لندن
|
|
|
|
|
01-22-2018, 04:45 PM
|
#33 | |
|
رد: بلادكم حلووة حلووة ..بس الوطن ماله مثيل
الجزء الخامس عشر
اليوم الثاني بلندن في هاليوم شرينا بطاقات الاويستر الخاصة بالباص من البقالة القريبة منا لمدة اسبوع نسيت السعر بس شي وعشرين لنا كل واحد بطاقة ما ادري تصير للمترو والا لأ لاننا ما نحب نركب مترو لندن ........نحب الباص علشان نشوف بره  في هذا اليوم قررنا نروح مصبغة ذاتية علشان نغسل ملابس اليومين الاخيرين هني طلعتنا بس انا والبنات وهذه المصبغة ندل مكانها في شارع الكوينز واي مقابل المدخل الرئيسي للوايت ليز المول المعروف هناك وفي هذا اليوم قعدنا شوي متأخر واذكركم مرة ثانية الوقت في الصور توقيت الكويت نقصوا منه ساعتين تحصلون الوقت بلندن هذه العمارات على يسار فندقنا.....شوفوا اشلوون الجووو مشمس ولطييف    محطة الباص هذه تكون بالشارع عند الهايد بارك لان هذا راح يصير اتجاهه للكوينز واي  نزلنا عند موقف بوابة الهايد بارك المقابله لفندق الهيلتون في الكوينز واي اعلام الاولمبياد منتشرة بالشوارع  القريب عند صالة التزلج.......ودخلنا من الشارع  باتجاه الوايت ليز ......    وصلنا المصبغة وبعد ما حطينا الملابس رحنا نتريق بكافيه قريب منه وشوفوا ووقت ريوقنا........الصور السابقة حطيتهم بالانستغرام طبعااا على طول الردود توصل لنا ......شغال الايفون  ديكورات الكافية    صمونتي جبن حلووم لذيذة انا ودانه فيها لان مو مشتهين نكثر ورانا غدااا   وهني رجعنا قالوا البنات نبي نروح الوايت ليز بياكلون من الكوستا كوفي.....وانا ودندون قعدنا عند الملابس وشوفو الغسلات في احجام كبير ووسط هذه وسط .....واللي خلفي كبيره قسمنا الملابس احنا قبل وتطلع ناشفه تقريبااا لسبعين بالمية او ثمانين السعر تاخذين صابون بباوند والغسالة باوندين تشتغل يعني للغسالتين 6 باوند وهذا مكان تدخيل الباوندات   بعد ما خلصنا الغسيل حطيناهم بالنشافه وهني حطيتهم بنشافه ووحدة النشافه بباوند كررتها مرتين يعني وقفت فتحتها لقيتهم بعد يبيلهم شويه رديت حطيت باوند وشغلتها يعني باوندين.......كله طلع علينا 8 باوند يا بلاش  طلعنا من المصبغة وانا خابرة في محطة باص قريبة من جهة يمين المصبغة رحنا لها وقطنا عند ماربل ارتش ومنها باص ثاني للفندق بس علشان نودي الملابس الى محطة الباص
 وجنطة الملابس النظيفة الحين هههههههه  اول مرة اصوره او بالاحرى اشوف مكانه صح خخخخخخخخ كم سنة ولا ادري عنه الا من تقارير الاخوان والخوات  باتجاه الفندق.....بعد النزول من الباص  العودة للاكسفورد...........طبعااا في بينا اتصالات مع الشباب  مرينا سيلفرج شوية وطلعنا ما طولنا الوعد بعدين  شوفوا الزحمة  وشووووفوا المطررررررر     ترى الصورة فوق مو مكررة اوجودو الاختلافات السبعه هههههههههه |
|
|
|
|
01-22-2018, 04:47 PM
|
#34 | |
|
رد: بلادكم حلووة حلووة ..بس الوطن ماله مثيل
شوفوا اعلام الدول الاسلامية وعلم حبيبتنا دولة الامارات.......الف سلام وتحية لاهل الامارات بمناسبة الاولمبيااااد  يا حلوو المطر ....ويا زين المطر......ويا جمال المطر اخليكم عيشوووا هالاحساس وانتم تحت الشمسية ((المظلة))      وصلنا ام اند امز  اول ما دخلنا زحمة رهيييبة وما تقدر تمشي وكان في واحد موظف من المحل يغلف المظلات بكيس نايلون علشان لا تقطر الماء بالمحل حلوة الفكرة.........وما صورته لاني شفته واحنا طالعين اول شي شفناه مغناطيسات واميداليات الاحرف .....وكويتي كون اسم الكويت واحنا واقفين .........حركااااات يا زين هالاسم بس   العلم من حبات الام اند امز  اوضح  بعض من الزحمة  بعيد عن الزحمة وركن هادي  من يلعب معاي........تصدقون سعرها خيالي اي شي بقفص زجاجي غالي  وهني عجبوني الصور بس ما لقيت صور لهم بروحهم الا غنومه رازه ويهاااا من الزحمة زين تصور صورة وحدة    من الزحمة ضاق خلقي ووقفت هني عند الدرج ........مافي مكان للجلوس ......وبعد اللي ضيق خلقي ان مانقدر نشتري الكاكاو لان في واحد افريقي من اللي يعملون بالمحل قال لنا واحنا نشوف الكاكاو قال انصحكم لا تاخذونه لانه من مكوناته شحم او دهن الخنزير.......فبعد ما يبيلها تركناه بس شرووا تي شيرتات و التحف اللي فيها ماي ومخدة ما جت معانا الكويت خخخخخخخخ نستها غنومه على الكراسي في المطار....وحصلت عليها زفة من اختها وانا زفيت الكبيرة ليش تعتمدون على الصغار .....وفي الطيارة تذكرناها بالاخير قبل لا يتسكر الباب بشوي وبلغنا المضيفه بس ما جابوها .........قلنا مو لازم  خذ النصيحة من الازرق ......لحظة تأديب ههههههههههههههههههه شايفين الادب من الرجل والازرق اشلون يقدم النصيحة بدون طق ......تعلمووا يا ناس خخخخ  شايفين علم اي دولة ثانية حبيبة علينااااا  وهنا اوضح وضرب سلام لدولة قطر   ونظل حباااااااايب وجيراااااان للابد الكويت والسعودية فديتهم والله سلاااااااااام   ام اند امز حباته الوان علم الكويت  وهني بالسرداب الثاني.........اللي للاسف ما رحته من التعب لان من المطر كنا نمشي بسرعه تعبت لو على راحتي كان ما تعبت وغي مشي الكوينز واي يعني مشيي برمضان ما جاب نتيجة   من السرداب تصوير البنات    وطلعنا وشوووفوواا الزحمة بصور الشارع وراا ما خلاني بو راس  حلووووووووة هالساعه مع التماثيل المتحركة  محل صرافة وبريت ودانه والمطر......وكلمة كويت يا زينها من كلمة  ومفاجأة الموسم ......محدثتكم بدون حواجز خخخخخخخخخخخخخ كاميرتي اختربت من المطر.....احس دش الماي في العدسة   رحنا فرايديز علشان نتغدى الساعه اربع العصر زحمة كمان وتعرفون ان اليوم سبت كان وهو اجازة عندهم عطونا جهاز وسجلوو اسمنا وقالوا بالكثير 20 دقيقة والله قعدنا يووواعه وما فينا شدة نمشي بعد بالمطر بدووون وقوووود  قعدت اصور انا الديكورااات اللي قبالي   نعم يا عم ؟؟  ووصل الاكل المقبلات    طبق دجاج وربيان مع .......؟؟ نسيت  باستا  خبز الفاهيتا لي  الفاهيتاااااا  والحساب يوم الحساب   شاشة البيكاديلي  وتمثال البيكاديلي  وشوارع البيكاديلي .... من كل جهة اعلام الدول   وه وه وه فديت الواااااااانه وفديت هالشموخ اللي فيه عسااااااااه دووووم مرفووووووووع يا رب   طريق العودة والمطررررررررر   وبعد هالجولة رجعنا الفندق وما طلعنا بعدهااااا الا اليوم الثاني نشوفكم بعدين خليكم معنا |
|
|
|
|
01-22-2018, 04:59 PM
|
#35 | |
|
رد: بلادكم حلووة حلووة ..بس الوطن ماله مثيل
الجزء السادس عشر نابع اليوم الثاني بلندن واليوم الثالث طبعا احنا تكلمنا عن اليوم الثاني بلندن وقلت لكم احنا تسوقنا وتغدينا وعلى طول الفندق .............اي بس ما قلت لكم الشباب وين راحوااا نشوف الحين.....راحوا الشباب مباراة لتشيلسي مع ؟؟ شوفوا بالتذكرة الملعب جننننه بتشيلسي   وهذا الكوفي عند الملعب يشرب شاي الولد  قبل او بعد المباراة مو باين ........بس البوليس بكل مكان    اهم شي بالتذكرة يقولون لاتوقفون.......اهم يعرفون يقعدون هههههه اي طلعت المبارة بين تشيلسي × نيوكاسل يونايتد   حالة الجو والمطرررر   لقطات من المباراة     جمهووور كويتي كان حاضر بقوووة يا زين هالشعب يا ربي يحفظهم   وانتهت المباراة بفوز تشيلسي ما ادري جم وخلص جذيه اليوم الثاني بلندن لحظات ونشوف اليوم الثالث بلندن ....خليكم قريب |
|
|
|
|
01-22-2018, 05:10 PM
|
#36 | |
|
رد: بلادكم حلووة حلووة ..بس الوطن ماله مثيل
تابع الجزء السادس عشر
نتابع بيوم جديد هاليوم تأخرنا بالطلعة من الفندق ......نمنا شوي اما يوسف وابوه رايحين الكوينز واي ومتريقين هناك بمطعم هذا ريوقه واحنا على ما قعدنا ورتبنا عدة الكوي ......فطلعنا شوي متأخر وهذا مشورانا قررنا ندخل الهايد بارك ونبي نروح للسبيك كورنر الرسامين   كل شي له قصة نجاح يكتبون عنها بالمكان كتكريم وانا من شفت الحديقة الايطالية انبهرت من النافورة الروووعه        شفتوووو فوق .....وتقولون ليش عندهم لياقة ودايما يمشووون الحمدلله على كل حال وربي يكتب لنا الجنه ان شاءالله شوووفووا بس      لا تملوون ترى المكان عجيييييب كله حلووو              |
|
|
|
|
01-22-2018, 05:13 PM
|
#37 | |
|
رد: بلادكم حلووة حلووة ..بس الوطن ماله مثيل
احرجتني دانه بتصويرها ........انا صوري ولا شي جدامها       الاخ عربي......وذكرى لهم   باتجاه السبيك كورنر.......مشيااا على الاقدااام جووو وتصوير وورد جميييل       |
|
|
|
|
01-22-2018, 05:18 PM
|
#38 | |
|
رد: بلادكم حلووة حلووة ..بس الوطن ماله مثيل
              ووصلنا نص الطريج وجدامنا خريطة نستكشف المكان  شفنا المسافه بعيدة قلنا نريح شوي  قعدنا يم واحد باكستاني عنده هالجلب الحليوووووو  ام وعيالها يمارسون الجري  الجووو عجيييب  ابوحسين قام يتمشى مع الكلب والبنات انتشروووا خوفاا  غنوومه منحااشة خخخخخخخ  الوان الاوراق الخريفية   اشرايكم بهالسيارة  والقواري احلى شي للتمشي بالحديقة  وصلنا تقاطع مع الحديقة   منو بيأجر قاري ....عجل ....البسكلته ....بعد شنووو........وهذا انا شايفتهم قبل بباريس بس اول مرة اشوفهم بلندن  |
|
|
|
|
01-22-2018, 05:20 PM
|
#39 | |
|
رد: بلادكم حلووة حلووة ..بس الوطن ماله مثيل
الاكشاك تدرون بعد يوم أحد لازم توفير كل شي  وصلنا للسبيج كورنر   الحمدلله والشكر   قررنا نتغدى بكنتاكي لان مع الريوق الخفيف والمشي .....خلص البنزين هههههههه   الاكسفورد وكنتاكي والثيستل   وزحمة كنتاكي.........  ووصل الكنتاكي وذكر البسمله والاكل حلال ان شاءالله وممنوع التدخين    نوصل هني ونكمل معاكم بعدين لان هاليوم طوووويل بنشاطاته وخاصة انه بعد ما هدينا من الضيقة وراحت كنا كلنا بهالطلعه الله يتمم علينا ولا يحرمنا من بعض هالجزء وووايد تعبني كل ما افتح اللاب انعس وانام ههههههه ويظل الجزء معلق واخيراااا 
|
|
|
|
|
01-23-2018, 09:14 AM
|
#40 | |
|
رد: بلادكم حلووة حلووة ..بس الوطن ماله مثيل
الجزء السابع عشر نتابع معاكم اليوم الثالث بلندن تذكرون في الجزء اللي طاف اني قلت لكم ريوق ابوحسين ويوسف بالكوينز واي كان هذا اهو وطبعا كرواسون وصمون وحليب وشاي  طبعااا بعد الغدا بكنتاكي رجعنا للسبيك كورنر الاكسفورد   صورنا عند بوابة الماربل آرش     ويييييييع هذه اليهودية لوعت جبدي بحركة والله انها يت بعيني الحركة والله اني الحين تذكرت قمت اتهاوع جدامي الوسخه ماراعت الناس ابدااا قذرة بغيت ارجع وعيالي ما شافوا وانا كل شوي برجع عاد انا اي شي سوي جدامي اي شي بخصوص الفم وييييع ما اقدر  الحمدلله على كل حال بس شووفوا المنظر العام للمكان حلفي  اي هي احلى  الحمام وفي ولد يطيرهم كل شوي  داانه لازم غفووة  وهذه قبل لا تنام اهي صورت لنا هذا الشخص مصري الجنسية ينتظر صديقه محمود اللي ما يعرفه يشوفه باليوتيوب بس كتبوا محمود المصري بالهايد بارك .........شخص سخيف بس يتيمعون عليه العرب على ما ادري شنو ما سمعته يقول كلام مفيد ......شفناهم بسنة 2010 وهالسنة  تجمع الناس من كل الجنسيات ......وكل يغني على ليلاه  بوحسين يروح يطفرهم ويرجع   فوق اخضر جمييل  تحت ملووووووون اجمل  ناااس ماشية و خاصية الالوان الزاهية   شفنا عايلة خليجية ياكلون ذرة مشوية وغنومة اشتهتها قلنا لها روحي سأليهم انتي ......احنا نستحي راحت وردت علينا يلا بروح اشتري يقولون قريب والا يتنا بنت بعمر غنومة بعد قالت لها بروح معاج ادليج وراحوا وجابوا لنا ...........وطلعت العايلة من قطر ربي يحفظهم ويحفظ ديرتهم   عطشنا قلت بتمشى بعد بشوف الاكشاك اللي هناك رحنا انا وغنومة لقينا كشك يبيع سندويشات خفيفة وبسكوت وكاكاو وبيسبسي وعصاير الخيام ما فيهم شي...........شرينا بيبسي وعصير ورجعنا القريب لقيت ان الارضية كلها نشارة خشب قطع كبيرة .....   شوفوا الارضية والفرق  وبعدها قررنا نروح لندن آي انا ويوسف والبنات وابوحسين وحسين الاجور رود بيشوفون مبارة اعتقد بمقهى هناك هذا طلعنا من هالجهة اول مرة اشوفه........الى الشارع اللي فيه فنادق على امتداد فندق المريديان  الجهة الثانية خلف الطوفه  غنومة استبردت اخذت بلوفر يوسف وشوفوا المكان عند تكرمون تماثيل الحمير  هذا الشارع..........مشينا والله وايد لقينا محطة الباص والا تطلع ما توصلنا خخخخخ رحنا المحطة اللي وراها الحمدلله  الهايد بارك صارت الجهة المقابلة   في الطريق   البيج باص    وصلنا لندن آي من الجسر ويوقف قريب من الدرج اللي يودي للندن آي هني يوسف خون فينا ههههههههه تدرون ليش شووفوا ومتى ؟ استقبلتنا تعويذة الاولمبياد بكل مكان منتشرة وبعدة الوان غنومة وبريد فليك ما تخليه ويوسف شرى له هوت دوغ الدجاج حلال اكل شويه وعطى خواته منه ......يقولون لذيذ     |
|
|
|
|
| مواقع النشر (المفضلة) |
| الكلمات الدليلية (Tags) |
| ..بس, ماله, أبدأ, الوطن, بلادكم, حلووة |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| من أين أبدأ ... | ناصح أمين | رِيَاض نَسَائِم عِطْرُ النُبُوَّة | 3 | 07-28-2018 10:51 AM |
| هوايَ ماله مثال | عادل الحباب | رِيَاضُ مَنَارَةُ الحَرْفِ وَ عَزْفُ الْوِجْدَان "يُمْنَع المَنْقُول " | 8 | 05-15-2016 07:12 AM |
| أبخل شخصية في العالم | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 4 | 01-14-2016 01:39 PM |
| أمي تسولف عن وطن ماله حدود كبرت وشفت ان الوطن امي - mms-sms | منال نور الهدى | رياض الهواتف الذكية والأجهزة اللوحية | 3 | 07-13-2014 11:03 AM |
