| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
02-23-2018, 04:23 PM
|
#21 | |
 
|
رد: رحلتي الجميله لطوكيو 2015
اليوم الخامس من جولاتنا
 اليوم صحينا بدري ع أساس بنسير اليوم دزني سي حسب ماحجزنا نشينا وجهزت ريوقنا  أسوي رجيم قاسي .gif)  لبسنا وكشخنا وانطلقنا باتجاه المحطه وكانت المفاجأه الجو  البنات يقولولي من كم يوم انه هاليوم بيكون أبرد يوم في رحلتنا بس أنا ماكنت مركزه في كلامهم ويوم طلعنا انصدمت بالجو الجو كان باااااارد وكان فيه هواء لدرجة كنا نمشي ونتضارب ويامظلاتنا  اليوم برنامجنا انه نسير دزني سي ونحن مخلصين وقاطعين التذاكر لكن الاحوال الجويه ماكانت متوقعه تكون جيه الوضع جدا صعب انه نسير مدينة الالعاب في هاي البروده وهالهواء وأمطار  ونحن نمشي فوق الجسر اتفقنا انه نلغي رحلتنا لمدينة الالعاب ونخليها باجر واليوم ناخذ راحه ونتمشى في شيبويا لأنه ماتمشينا فيها لين الحين  بس قلنا لازم نسير دزني ستور اللي حجزنا من عنده التذاكر ونغير موعد التذاكر وصلنا دزني ستور ولكن لقيناه بعده مافتح لأنه طالعين بدري حق الالعاب  طبعا الجو بااااارد ولايمكن نوقف ننتظر فقررنا ندخل الكوفي اللي مجابلنه نشرب شي دافي وتفاجأنا بالكوفي وايد عنده تشكيله حلوه من المعجنات والساندويشات وكانوا يجهزون المكان في الطابق اللي فوق عشان بيصورون فيه مسلسل أو فيلم دخلنا وطلبنا ريوق مره ثانيه الصراحه أغرانا نجرب منتجاتهم وسرنا يلسنا في الطابق اللي فوق وفي ويهنا دزني ستور  شكله من برع راقي الصراحه اليابان وايد فيها أشياء تستاهل نستكشفه فيها  محل دزني مجابلنا  وهنيه يلسنا في الطابق الثاني  لما فتح محل دزني خلينا البنات يسيرون يغيرون التذاكر وأنا وبوعيسى يلسنا عايبتني اليلسه ما أبا أنش  وهاي بعض من منتجاتهم اللذيذه   ساندويش أسود كان خاطري أجربه بس ماكنت قادره آكل زياده ان شاءالله في زيارتي الثانيه بنعيد هالكوفي  كرواسونات محشيه بحشوات مختلفه         البنات خلصوا ورجعولنا ودفعوهم رسوم بسيطه ع التغيير المشكله انه باجر بنسير دزني سي واليوم اللي عقبه بنسير دزني لاند بالاضافه انه باجر اصلا بننتقل من فندقنا وبنسير فندق ثاني ع العموم بتعرفون كيف كان برنامحنا في هاليوم |
|
|
|
02-23-2018, 04:45 PM
|
#22 | |
|
رد: رحلتي الجميله لطوكيو 2015
نتابع جولات اليوم الخامس نسيت أخبركم عن شي مهم بالنسبه لي تذكرون يوم قلتلكم اني ماحصلت فواكه وخضروات حصلنا في شيبويا محل متخصص بس في الخضار والفواكهه ماتتخيلون كيف كانت فرحتي يوم حصلته كأني حصلت الكنز  عقب ماخلصنا يلستنا في الكوفي قرر بوعيسى ويابنتي كوكي يرجعون الفندق وأنا قررت الف المولات مع بنتي توتو وهذا واحد من المولات ، الصراحه الجو ماكان يساعد أصورلكم وايد  لفينا كم مول واشتريت أشياء بسيطه وماعجبتني بضاعتهم أو ماحصلت الاشياء اللي تناسبني وبنتي نفس الرأي جوله ع بعض المحلات  هاي ماركه يابانيه حبينا شنطهم وخذينا منهم وحده وأسعارهم مثل مايكل كورس        عقب مالفيت شوي حسيت بالملل وقررت أرجع وبنتي حبت تكمل تسوقها الحمدالله البلد آمان جدا والمنطقه حيه والفندق قريب تركت بنتي ورجعت الفندق وهي فديتها ماطولت وايد ورجعت واعتبرنا هاليوم يوم راحه واسترخاء من وصلنا ونحن كل يوم ركيض من مكان لمكان ومحتاجين استراحه بس عاد اليوم صح بالنسبه لنا استراحه بس بالنسبه لهداوه شي غير استراحه واستمتاع   خلاص عقب مافجيت الرموز اليابانيه أصبح الطبخ سهل بالنسبه لي منو بيودني  شكله يشهي  مول ماظهرنا هاليوم ريحنا ورتبنا شنطنا وأغراضنا عشان بننتقل باجر وفليل قلت لبوعيسى أذكر سايا خبرتني انه في مطعم تركي قريب من فندقنا قلتله أسأل الفندق عنه وأشتريلنا عشاء ياليتني سرت وياه بس للاسف كنت مشغوله بتوضيب شنطنا وكانت المفاجأه انه المطعم ورا الفندق ونسيرله أعتقد من الدور الاول بوعيسى يقول في الفندق جسر يودينا ع الجهه الخلفيه ، ويقوللي المنطقه حيويه وفيها مطاعم وحياه والقهر انه الليله آخر يوم لنا في هالمكان وباجر الصبح بدري بنطلع فمافي فرصه أشوف المنطقه  وهذا طلبنا والصراحه أكلهم حلو وحلال ولكن للاسف ما أدري وين حطيت كارت البزنس مالهم بس أسألوا الفندق عنه وبيخبرونكم عن مكانه  يعني اللي بيسكن في هالفندق ان شاءالله مابيعاني وعنده المطعم التركي يتغدى ويتعشى من عنده ويمكن فيه مطاعم غير بالاضافه انه منطقة شيبويا في كوفيهات ومطاعم ممكن الواحد يحصل شي يناسبه والصراحه لو ماكنت مآخذه الجدر ويايي عادي ماكنا بنعاني مثل كوريا ولكن أنا أحب طبخ أيدي بشتألوا  انتظروني في اليوم 6 وجولاته |
|
|
|
|
02-23-2018, 04:54 PM
|
#23 | |
|
رد: رحلتي الجميله لطوكيو 2015
اليوم السادس من رحلتنا  اليوم يوم الحوله من فندقنا لما حجزت لطوكيو حجزت في مكانين للسكن جزء من الرحله في شيبويا وجزء في منطقة أودايبا بس ليش أخترت هاي المنطقه وشو فيها هاي المنطقه Odaiba تحتوي أودايبا على نماذج لأثار موجودة حول العالم يمكنك في منطقة التسوق والترفيه الساحرة هذه مشاهدة تمثال الحرية أو اختبر قيادة سيارة في تويوتا ميغا ويب أو تخيل محاربي الساموراي في أويدو أونسن مونوغاتاري منتجع ينابيع ساخنة من حقبة إيدو التاريخية. المنطقه فيها الكثير من الاماكن والانشطه السياحيه وبخبركم عن بعض منها 1- الباص المائي: و لمن يحب المغامرة يستطيع الذهاب إلى محطة Hinode Station و ركوب الباص المائي إلى منطقة Odaiba Seaside Park مدة الرحلة بالباص المائي 20 دقيقة و تكلف 460 ين اي درهم 2- مبنى قناة فوجي تي في الجزء الكروي من المبنى هو منصة للمشاهدة واستديو في نفس الوقت يمكنكم زيارة المنصة ب 500 ين ومن ثم التجول في بعض الطوابق لتشاهدوا معروضات عن مسلسلات القناة ومشاهدة استديوهات التسجيل عن بعد. 3- مركز ديكس التجاري من مميزات المول الحديقة المطلة على خليج طوكيو واللي فيه تمثال الحريه هذا المركز به العديد من الوجهات السياحية و المتاحف الترفيهيةمنها : 1- متحف مدام توسو فرع طوكيو 2- عالم ليجو للاستكشافات 3- متحف التاكوياكي 4- بيت رعب مصغر 5- متحف الخدع البصرية Tokyo Trick Art Museum 4- دايفر سيتي طوكيو بلازا وهو مركز تسوق فيه مجسم لغاندام مثل قوم غراندايزر و لمحبي جاندام يوجد مدينة ترفيهية مصغرة مستوحاة من جاندام GUNDAM FRONT TOKYO Palette Town -5 الذي يشمل مول كبير مستوحى من ايطاليا في الطابق الارضي عبارة عن سوق ومطاعم بشكل ايطالي وفي الطابق الثاني عبارة عن اوت لت Tokyo Leisureland-6 مركز ترفيهي مفتوح حتى منتصف الليل و توجد أيضا مناطق لاستئجار الدراجات ويمكنكم التجول في أودايبا باستخدامها
و استكشاف العديد من الوجهات الرائعة الاخرى 7- متحف العلوم National Museum of Emerging Scienc هاي بعض الاماكن السياحيه اللي في هالمنطقه بالاضافه للاسواق والمولات والالعاب والمنطقه قريبه من مدن الالعاب دزني سي ودزني لاند وبعض الفنادق توفر مواصلات مجانيه لمدن الالعاب بصوره عامه المنطقه تجنن ومن خلال جولاتنا بتتعرفون عليها أكثر تفاصيل هذا اليوم نشينا بدري يمكن ع الساعه 7 او قبل ، واليوم قررنا انه نجرب نتريق في بوفيه فندقنا والصراحه كان بوفيهم وايد حلو ماتوقعناه جيه ، ونسيت كم سعر الشخص وهاي أطباقي لذيذ هالبطاط  وأنا نازله البوفيه شلت قوطي جبن كرافت مالنا   ماقدرت أصور البوفيه لأنه زحمه ولأنه مستعيلين لأنه أمس حاجزين سياره من الفندق وحجزنا سياره فان كبيره تاخذنا لين فندقنا الثاني والمفروض ايينا الساعه 9 ونسيت كم كان سعر السياره  ودعنا فندقنا الجميل وسرنا لفندقنا الثاني الأجمل والاروع وهو فندق نيكو وهو مصنف 5 نجوم أنطلقنا من مكان جميل الى مكان أجمل        وصلنا فندقنا الجميل   عرس في قاعة الفندق والظاهر دوم يسوون أعراس مره شفت عروس تتصور هي وريلها في لوبي الفندق سرت وباركيتلهم وسلمت عليها وصورت وياها وريليها رز ويهه وصور ويانا ههههههه   هاي الحديقه الصغيره عند مدخل الفندق   دخلنا شنطنا وسرنا سوينا شيك ان    طبعا نحن يايين بدري ومابيسلمونا الغرفه من الحين قلنالهم يوصلون شنطنا ونحن بنسير مدينة الالعاب ، ومن حظنا انه طلع عندهم باص يوصل لمدن الالعاب مجانا وكان الباص بينطلق بعد نص ساعه الحين بعطيكم صور الفندق وغرفتنا وعقب بخبركم عن رحلتنا لدزني سي  للاسف لضيق الوقت ما أستكشفت لا هالفندق ولا اللي قبله كله مستعيلين بنطلع ويوم نرجع نكون منهكين   موجود هالبوستر في اللوبي اللي يبا يحجز     هذا المخبز في الفندق وقمنا ناخذ عنه خبز فرش كل يوم واذا مالحقنا عليه فليل اشترينا منه الصبح  الحين بدخلكم غرفنا     الفندق راقي وأحلى بوايد من الاولى وغرفه أكبر  هذا الفيو من بلكوتنا       الحين براويكم أجمل ركن في الغرفه ركن المطبخ  احم احم      انتظروني في الجزء الياي في دزني سي |
|
|
|
|
02-23-2018, 04:59 PM
|
#24 | |
|
رد: رحلتي الجميله لطوكيو 2015
تابع جولتنا لليوم السادس ورحلتنا لدزني سي بعد ماسوينا شيك ان سألناهم عن التوصيل المجاني لدزني سي وخبرونا انه في باص بيطلع بعد شوي خبرتيهم توزيع شنطنا ع الغرف ونزلنا بالسلالم لموقف الباص وركبنا الباص وكنا بروحنا في الباص وعند الرسبشن عطوني مواعيد عودة الباص ولازم نلتزم بالوقت ولا عادي بيروح علينا الباص في حالة لو راح عنكم الباص من الفندق أو موعده الثاني كان متأخر تقدرون في اي الحاله تسيرون بالقطار الفندق بيوضحكم كل شي ولكن سايا جزاها الله خير كان طابعتلي كيف أوصل دزني من فندق نيكو وهاي اللي المحطات وطريقة الوصول لدزني سي ولاند نفس الشي Hotel Nikko Tokyo：ホテル日航東京(Daiba Station：台場駅 Daiba Station (台場駅) to Tokyo Teleport Station (東京テレポート駅 - Keikyu Bus bound for Oimachi Station (京急バス大井町駅行き 2 Tokyo Teleport Station (東京テレポート駅) to Shinkiba Station (新木場駅 - Tokyo Rinkai Line bound for Shinkiba (東京臨海高速鉄道りんかい線新木場行き 3 Shinkiba Station(新木場駅 to Maihama Station(舞浜駅 - JR Musasino Line bound for Fuchuhonmachi(JR武蔵野線府中本町行き Tokyo Disney Sea(Maihama Station：舞浜駅 ونفس الطريقه بس بالعكس تستخدمونها من دزني لين فندق نيكو الصراحه هاي لمعلومات وايد فادتنا وبتعرفون من خلال الاحداث اللي مرينا فيها في هاليوم تعالوا ويايي في جولتنا لدزني سي  ونحن منطلقين في الباص   بعد ماوصلنا عرفنا رقم موقف الباص وعندنا المواعيد ونحن كنا مخبرين الفندق عن المواعيد اللي نبا نرجع فيها واذا غيرنا الموعد لازم نخبرهم أو ونحن وحظنا اذا فيه كراسي فاضيه بعد مانزلنا من الباص ركبنا الباص المعلق ، ودزني سي لازم نركبلها القطار المعلق وتبعد مسافه بسيطه بالقطار  طبعا نحن عندنا تذاكرنا وع طول سرنا وين بوابة الدخول وكانت ويانا شنطه ترولي فيها مظلات واغراضنا الضروريه في البدايه اعترضوا عليها وعقب سمحولنا ندخلها   واول ما دخلنا البنات انطلقوا للالعاب وانا وبوعيسى نتمشى ع الراحات وندور العروض واذا أي شي شدنا دخلناه                         المدينه كبيره وانا وبوعيسى مانركب العاب بس ندخل الشو واذا فيه مركب أو قطار نركبه ويفرجنا ع شي أما الالعاب الخطره والقطارات اللي تتشقلب والعاب الماي وغيرها هاي كلها ما أركبها ن أولا لأني تشبعت منها وثانيا أي لعبه تدور ما اتحملها من يوم أنا صغيره اييني غثيان ثالثا ما أدري أستويت أخاف من الاماكن المرتفعه وايد كنت أخاف وانا صغيره بس ع كبر زاد الخوف  عند كل قسم فيه العاب ممكن ناخذ عليها تذاكر الفاست واماكنها محدده في الخريطه المطلوب نسير عند هاي اللعبه اللي موفرين عليها تذاكر الفاست واذا لازالت مفتوحه ندخل تذكرة الدخول في الجهاز ونحصل تذكرة الفاست ومحدد فيها الوقت اللي اني ونركب فيها هاي اللعبه يعني ماتاخذون التذكره وتركبون ع طول ممكن موعدها بعد ساعه أو ساعتين وأحيانا نوصل متأخر وتخلص التذاكر ويتسكر الجهاز وفي هاي الحاله تنتظرون في الدور كانوا بناتي يسيرون ياخذون تذاكر الفاست وعقب يلعبون ف العاب ثانيه ويردون ع الموعد طبعا نحن اغلب الاوقات مانكون وياهم بس متواصلين في الفون وأحيانا نتلاقى في مكان وجيه يعني     |
|
|
|
|
02-23-2018, 05:06 PM
|
#25 | |
|
رد: رحلتي الجميله لطوكيو 2015
نتابع معاكم ركبت مع بوعيسى قارب ودخلنا مغاره كله فيها مجسمات تاريخيه عربيه حبيت انه اهتموا فينا                     كانت حلوه الجوله ذكروني بعلاء الدين وسندباد وياسمينه  طبعا نحن ماسكين الخريطه ونتمشى والمكان اللي يعجبنا ندخله   وهنيه كان في عرض ودخلناه بس نسيت شو كان  عقب دخلنا ندور مطعم مناسب نتغدى منه  وحصلنا مطعم هندي وتغدينا من عنده وكان أكله لذيذ بس نسيت شو طلبت والبنات يونا وتغدوا بعد  كملنا جولتنا وبديت أحس بالملل والخمول   أحب محلات مدن الالعاب وأحب أتشرى منها ، بس يوم كانوا عيالي صغار كنت أتشرى منهم وايد الحين مشترياتي قليله للاسف       وعقب شفنا مكان مخصص للعب الاطفال المكان جميل دخلنا بس نتفرج وبناتي بعد دخلوا يلعبون       طلعنا من قسم العاب اليهال وقلت لبوعيسى خلاص أبا أرجع الفندق والبنات اذا مايبون يرجعون ويانا بنخليهم يردون بروحهم في الباص ونحن بنرجع بالقطار لأنه مابنحصل باص يردنا وافقنا نطلع وخبرنا البنات ، والحين نمشي نبا نشوف وين المخرج     عاد ونحن بنطلع شفنا مسرح وبيبدأ العرض فيه والناس صافه طابور تشجعت وقلت لابوعيسى هذا آخر شي بندخله وعقب بنروح وهو قريب عند توي ستوري   الشوو كان رووووووعه ويجنن ومايتفوت الصراحه بس من كثر ماكنا أنا وبوعيسى تعبانين كنا نغفل شويه ونقوم بس شفت أغلبه وعقب اتصلت في البنات وقلتلهم لاتفوتونه وخبروني البنات بعد ماحضروه انه ماشافوه شي منه هم الهنتين رقدوا من بداية الشو ونشوا من خلص ههههههههههههههههههههه بعد نحن طلعنا أحسن عنهم هههههههههههههههههه عقب ماخلص الشو رجعنا ومعتمدين ع التعليمات اللي عطتنا ياها سايا بالاضافه انه دايما نسألهم كل ماننزل محطه نسألهم عن اللي عقبها عشان مانخربط  بعض محطاتهم وايد حلوه فيها محلات والمطاعم  وصلنا منطقتنا بعد تنقلات بالقطار من محطه لين محطه الصراحه الباص أريح بوايد اتصلت في البنات وشددت عليهم مايفوتون موعد الباص  انطباعي عن دزني سي بصوره عامه ماحبيتها وايد بالاضافه انه أنا وبوعيسى ندمنا انه يينا الالعاب ونحن مابنلعب وضيعنا ع نفسنا انه نتمشى في المنطقه اللي عدال فندقنا وعقب هاي التجربه قررنا انه باجر البنات بيسرون دزني لاند بروحهم ونحن بنسيرلهم متأخر ع الساعه 7 عشان نحضر العروض الليليه وكان أحلى قرار وبعد ماوصلنا الفندق وريحنا ، نزلت سويت مساج في الفندق وعقب أشتغل عندي المزاج وقررت أطبخ  سويت صالونة عدس بالخضار وعيش ( رز )  عقب البنات رجعوا فليل والحمدالله لحقوا ع الباص وقالوا انه العروض الليليه وايد حلوه بس للاسف فاتتنا  مدينة الالعاب بالليل ، جميله جدا من تصوير البنات   من ضمن الاشياء الموجوده في مدينة الالعاب هي الكشكات اللي تبيع الغثيايث ههههههههه يعني حلويات متنوعه ، أيس كريم ، بوب كورن أنواع ونكهات وماشاءالله بناتي ماخلوا شي ماجربوه بعطيكم بعض الاشياء اللي جربوها هذا مامدحوه وقالوا عنه يلوع بالجبد  هذا أوكي عادي    هذا قالوا عنه انه زين  هذا بعد حبوه  هذا قالوا عنه انه غريب ومحشي بالروبيان ومب وايد حلو  جربوا كل نكهات البوب كورن بس قالوا أحلى نكهه كانت بالكاري عجيب      وانتهى هاليوم الجميل والشاق وانتظركم في الردود وفي استفساراتكم لين أنزل جولات اليوم السابع |
|
|
|
|
02-24-2018, 09:55 AM
|
#26 | |
|
رد: رحلتي الجميله لطوكيو 2015
جولاتنا في اليوم الثامن أوديبا ودزني لاند طوكيو Tokyo Disneyland | Tokyo Disney Resort Official WebSite من أمس مقررين أنا وبوعيسى مانسير الالعاب الا فليل حق العروض ونرجع ويابناتنا أصبحوا البنات تريقوا وخذوا الباص اللي يطلع شويه متأخر لأنهم هم بعد تعبانين من أمس ، وساروا دزني وانا وبوعيسى قررنا انه نتجول في منطقة أوديبا ونستكشفها وأمرالسوبرماركت أشتري اغراض وبدينا جولتنا اليوم كان أحلى من امس واستمتعت فيه أكثر ، وتعالوا ويايي شوفوا وين سرنا فيه طلعنا من فندقنا مشينا مسافه بسيطه  والا في ويهنا هالمول  ونحن نمشي ع الجهه الثانيه وقريب أكثر من فندقنا محطة القطار ، وهو القطار المعلق  مشينا شويه وشفنا ع الجهه الثانيه بعد مبنى التلفزيون اللي ع شكل كوره ، بس للاسف من ضيق الوقت ماقدرنا نمر عليه  قربنا من المول  بس نحن مادخلنا المول لفينا قبل ع اليسار نشوف شو اللي في هاك الصوب  شفت اعلان عن الرحلات البحريه ومعلومات عنها بس ماجربناها  عقب شفت دري ( سلم ) ينزلنا لتحت وفيه حدديقة صغيره تحت لكن العجيب اللي شفته وهذا هو  استغربت انه فيه نسخه عن تمثال الحريه وبعد شفت أزهار الساكورا وتصورت عدالهم وعقب رجعت فوق المكان هذا مطل ع البحر والمنظر جميل خصوصا بالليل ، المكان كله حلو     عقب رجعنا للمول اللي شفتوه ودخلت أتفرج عليه  المول مرتب وفيه محلات حلوه ولكن المول مشبوك بمول ثاني وهذا من طوابق والثاني بعد وفيه الكثير من المطاعم والكوفيهات وسينمات وجيه الصراحه حلو والتمشي فيه    شفت عندهم دزني ستور وتقدرون تاخذون تذاكر منهم   شفنا محل أيس كريم ودخلناه أنا وبوعيسى وبنفسنا نحط الايس اللي نباه والاضافات اللي نباها وبعدين يوزنونه ويحاسبونا   هنيه أنواع الايس كريم  هاي النكهات   كملنا جولتنا  سبق شفت هالمحل في جنوب فرنسا  هاي السينمات   عقب طلعنا من هالمول ومشينا في الممر المواجه للبحر سايرين المبنى الثاني  المبنى الثاني بعد ملاصقنه مول صغير وهالمكان وايد فيه انشطه بالاضافه للمحلات من الانشطه اللي فيه متحف مدام توسو الليجو سيجا متحف الفنون او الرسومات وهذا عجيب لانه اللوحات مرسومه بأسلوب 3D دخلته في اليوم الاخير عقب بخبركم عنه أكثر بعد فيه بيت الرعب هذا اللي أذكره الحين اسم المبنى  في هالممر مشينا  وعقب دخلنا المبنى  وهذا المبنى الصغير اللي لاصق فيه وفيه اغلب الانشطه في هذا المبنى حصلت محل للمساج ولما جربته كان أحلى مساج سويته من وصلت اليابان وطبعا سويت أكثر من مره   في هاي الللوحه الانشطه الموجوده في المبنيين  في الجزء الياي بعطيكم صور أكثر عن هالمكان عقب مالفينا طلعنا ومن المبنى بس مامشينا من جهة البحر انما الجهه الثانيه المطله ع القطار المعلق وع فكره نحن نمشي ونحن فوق مب تحت   مشينا وتركنا المبنى اللي فيه الانشطه ورانا   نحن سايرين في هالصوب مقصدنا نسير السوبرماركت ، والفندق مخبرنا عن مكانه ، وشفنا العلامه  وصلنا   عقب ماخلصنا تسوق عاد خلاص حسيت اني تعبت وقررنا نرجع الفندق بالقطار ، وركبنا من أقرب محطه   عقب ماريحنا وضبطنا امورنا انطلقنا لمحطة القطار الرئيسيه واللي سرنالها اظن بالقطر المعلق ركبنا القطار وسرنا صوب دزني لاند عند البنات طبعا نحن متواصلين |
|
|
|
|
02-24-2018, 10:01 AM
|
#27 | |
|
رد: رحلتي الجميله لطوكيو 2015
نتابع اليوم الثامن
استعدينا وانطلقنا الى دزني عرفنا انه اللي يبا يسير مدن الالعاب عندهم أنواع من التذاكر ، مثلا نحن بنسير ع الساعه 7 هاي تذكرتها تكون أرخص بس نحن ماكنا عارفين يوم حجزنا انه مابنسير فسرنا عند كاونتر قص التذاكر عند دزني وكان فاضي وخبرناهم انه عندنا تذاكر مال يوم كامل ونحن الحين بندخل جان يغيرون التذاكر ويردون الفرق  يوم وصلنا دزني كان المطر صبيب وهذا لعوزنا ومن غير كنا ماخذين معانا شنطة ترولي فيها مظلات وحاجتنا الضروريه لكن للاسف رفضوا دخول الشنطه وحاولت وياهم وقلتلهم انه امس في دزني سي وافقوا ودخلوها بس بعد مارضوا وعقب سار الموظف ويابوعيسى وحطوا الشنطه في صندوق الامانات وتأخر بوعيسى ولين رجع تأخرنا في الدخول أول مادخلنا خبرنا البنات نحن في أي قسم  أول مادخلنا كان فيه ممر مسقف وع الجانبين محلات كثيره    هذا فندق داخل دزني بس نسيت أي فندق ، يمكن أسمه فندق دزني ريزورت ممتأكده   دخلت ويابوعيسى هالمكان وأظن كان فيه عرض تلفزيوني ، نسيت بالضبط بس اذكر انه عجبنا   عقب رجعنا أنا وبوعيسى وتقابلت ويا البنات الصراحه المطر خرب علينا ، والدنيا مظلمه وماتشجعنا ندخل العاب ثانيه وبعد الوقت تأخر وبدت الناس تتجمع في الساحه الوسطانيه عشان العرض الكبير والالعاب الناريه دخلنا المحلات وأغلب الاشياء للاطفال بس تصدقون اللي اشتريته اغلبه حقي من شخصيات ميني ماوس وميكي وغيره تعيبني سوالف اليهال لازلت في داخلي طفله  وعقب يلسنا في الكوفي وكلينا وافل ع صورة ميكي ماوس  الحين بعطيكم بعض الصور اللي صوروها بناتي            وهاي بعض تجارب بناتي في دزني           نكمل هاليوم الناس بدت تتجمع حوالين البحيره حول قصر ساندريلا   ماشاءالله زحمه غير طبيعيه ومطر والحاله حاله بس نحن صامدون وقلنا بنتفرج وافترقنا كل احد في صوب بسبب الزحمه وانا رازه ويهي جدام عشان اصور  بدا العرض وكان روعه حسب ماخبروني بناتي انه العرض عباره عن قصص دزني مدموجه في قصه ووحده من أحلى العروض اللي شفتها وكلها بالاضاءه لكن بسبب زحمة الناس واني يالسه أصور ماركزت في القصص المعروضه مجرد مبهوره بالتقنيه والاضواء والصور اللي تطلع وفي النهايه كانت الالعاب الناريه المشكله انه نحن مرتبطين بموعد باص ومانقدر نتأخر واضطرينا نطلع من العرض ومانكمله وخذينا وقت لين نجمع بعض وبوعيسى خذا وقت لين سار ياب الشنطه من الامانات وركضنا لين موقف الباصات في المطر وقلوبنا عند العروض وفي الاخير لقينا الباص سار عنا لأنه كنا متأخرين دقايق طبعا في هاي الحاله نحن مضطرين نرجع بالقطار والقطار اللي مب حلو فيه انه نبدل كم مره ولما نوصل محطتنا اللي في منطقتنا لازم نركب باص يوصلنا لين الفندق السالفه طويله ومتعبه شوي عشان جيه أفضل ماتفوتون الباص عشان راحتكم واختصار الوقت وهذا موقف الباصات  هذا محل كبير لدزني ستور وموجود خارج المدينه في اتجاهكم لمحطة القطار فممكن تتشرون منه وانتوا مروحين  انطباعي وانطباع البنات عن مدن الالعاب الصراحه عجبتنا دزني لاند أكثر بوايد من دزني سي من كل النواحي وواشرح بوايد من دزني سي واجمل وتمنيت اني ييتها من الصبح ان شاءالله المره اليايه اذا سرت اليابن بس بنسير دزني لاند وبكون من الصبح لين فليل وبهالجزء نكون خلصنا اليوم الثامن ونلتقي وياكم في الردود وفي اليوم التاسع واحداثه |
|
|
|
|
02-24-2018, 10:10 AM
|
#28 | |
|
رد: رحلتي الجميله لطوكيو 2015
اليوم الثامن رحله لجبل فوجي معلومات جمعتها قبل السفر جبل فوجي Fuji Mountain باليابانية: ه¯Œه£«ه±± يعرفه اليابانيون باسم "فوجي سان. تحيط به 5 بحيرات و من ضمنها كاواغوتشي . وتشتهر المدينه بينابيعها الحاره او كما يطلق عليه اليابانين اونسون) Onson من طوكيو الى هاكونه وهي منطقه جبليه رائعه مشهوره بالينابيع الساخنه وتوجد حديقة ورد جميلة جدا قريبه من جبل فوجي Fuji Shibazakura festival ان كنتم تريدون الاستمتاع برؤية جبل فوجي بكل وضوح ، فاختاروا يوم مشمس و صحو ممكن الذهاب بالباص ويوصلنا للمستوى الخامس من الجبل وفيه هناك محلات ومطاعم ولكن فوجي من بعيد أحلى وخصوصا لما ينعكس على البحيرة وقت الشروق أو الغروب بالنسبة للانشطة السياحية في بحيرة من البحيرات الخمس هي المشهورة اسمها kawaguchi lake هذا الرابط فيه جدول ليوم حول البحيرة والأماكن اللي عدالها https://www.jreast.co.jp/e/fuji/cour..._sample01.html ورحلة البحيره ممكن نزورها بالقطار طريقة الذهاب لها بالقطار تبعد منطقة كاواجوتشيكو حوالي ساعتين من طوكيو من محطة شينجوكو من المنصه 10 نأخذ القطار الى محطة أوتسكي Otsuki وبعدين نبدل القطار الى خط Fuji Kyuko لما نوصل هالمحطه ممكن نقوم برحلات سياحيه بالباص او التاكسي والافضل التاكسي عشان نكسب الوقت في المحطة قمنا باستبدال الفوتشر الذي حصلنا عليه من مكتب جي ار مقابل تذكرة باص كاواجوتشيكو السياحي ، الذي ينقلك بين الوجهات السياحية في المنطقة. ومن هناك نختار الاماكن اللي نبا نزورها جدول مواعيد الباص و المحطات Getting Around | Retro Bus أول وجهة في كواجوتشيكو تلفريك كاجي كاجي في جبل تينوجي محطة رقم 10 من محطات الباص Kachi Kachi Ropeway التذاكر: التلفريك ( ذهاب و عودة) الكبار: 700 ين اي 25 درهم الأطفال: 350 ين اي 12 درهم و يوجد ايضا نوع اخر من التذاكر يشمل جولة بالقارب في البحيرة الكبار: 1200 ين اي 42 درهم الأطفال: 600 ين اي 21 درهم يعني الرحله الثانيه ممكن جوله بالقارب ، وبعدها في المحطة 16 غابة الموسيقى Museum of the UKAI music box Ukai orgel no Mori BijutsukanForest اوقات العمل: 9:00 إلى 17:30 الكبار: 46 درهم الاطفال: 28 درهم المكان يستحق الزياره والأحلى نتغدى في المطعم المطل ع جبل فوجي تفاصيل رحلتنا لجبل فوجي لما قررنا نسير جبل فوجي ، سايا عطتنا اقتراحين واحد نسيرله بالقطار والثاني بالباص وبعد مشاورات شفنا انه بالباص أنسب نسيرله اتفقنا وياسايا انه نلتقي وياها في محطة شيبويا الساعه 7 ونص وتخيلوا اضطرينا نقوم من النوم الساعه 5 الفجر لأنه بنحتاج نبدل كم محطه لين نوصل عند سايا ولين نشينا وتكشخنا انطلقنا قبل بالقطار المعلق أظن يسمونه مونوريل وعقب سرنا المحطه الرئيسيه صبروا بعطيكم خط السير من سايا من فندقنا لين محطة اوديبا Hotel Nikko Tokyoï¼? مƒ›مƒ†مƒ«و—¥èˆ?و±ن؛¬ (Daiba Stationï¼? ه?°ه**´é§…) ناخذ خط شينباشي ↓ , â‘**Daiba Station(ه?°ه**´é§…) to Shinbashi Station(و–°و©‹é§…) عقب - Yurikamome Line bound for Shinbashi(م‚†م‚?مپ‹م‚‚م‚پç·?و–°و©‹è،Œمپچ) â‘،Shinbashi Station(و–°و©‹é§…) to Shibuya Station(و¸‹è°·é§…) عقب - Ginza Line bound for Shibuya (و±ن؛¬مƒ،مƒˆمƒ**é?€ه؛§ç·?و¸‹è° ·è،Œمپچ) وبعد مانوصل شيبويا نمشي 3 دقايق لين لاند مارك سيتي ونصعد في الدور الخامس وهناك محطة الباص Shibuya Stationï¼? و¸‹è°·é§… ↓ 3 minutes walk Shibuya Land Mark City 5th floorï¼?و¸‹è°·مƒ©مƒ³مƒ‰مƒمƒ¼م‚¯م‚·مƒ† م‚£ï¼•é?ژ وبعدين بالباص ننطلق مدة ساعتين ونص الى محطة بحيرة Kawaguchi ↓ , Tokyu Bus bound for Kawaguchi Lake, Mt. Fuji و±و€¥مƒگم‚¹و²³ه?£و¹–è،Œمپچ) Kawaguchi Lake Stationï¼?و²³ه?£و¹–駅 وهذا اللي صار مشينا ع الخط اللي عطتنا ياه وبعد كنا نسأل في كل مره كيف نوصل محطة شيبويا لأنه نخاف نخربط ويضيع الوقت وماشي وقت نضيعه ، اذا تأخرنا بيروح الباص عنا والحمدالله وصلنا في الوقت المناسب وشفنا سايا تتريانا وكانت شارتلنا ألذ وافل كلته في حياتي واسم المحل مال الوافل MR.Waffle للاسف نسيت أشتري منه مره ثانيه وما أعرف وين فروعه وفتحت موقعهم بس طلع بالياباني نكمل تفاصيل رحلتنا من خلال الصور    لما وصلنا محطة الباص كانت الدنيا ممطره والجو روعه بس للأسف هالج ممكن يحرمنا نشوف جبل فوجي  كان باصنا موجود وكان عددنا قليل شبه خالي وهذا أحلى شي  وع طول سرنا محطة  وصلنا المحطه ولقينا فيها كوفي  ومكتب معلومات  هذا القطار ما أدري شو سالفته  نزلنا وكلينا في الكوفي وعقب سرنا مكتب المعلومات نسأل عن النظام فخبرونا انه فيه الباص السياحي واللي ينقلنا لعدة أماكن سياحيه وانتوا تختارون المكان اللي حابين تنزلون فيه وبعد ماتخلصون ترجعون توقفون في المحطه وتكملون للمحطات الباقيه وجيه  في البدايه فكرت أجر سياره ويتم ويانا كم ساعه يلف ويانا ع راحتنا بدال الباص والانتظار ولكن طلع غالي وكنسلنا الفكره  رجعنا وركبنا الباص وأول مكان فكرنا نزوره هو تلفريك كاجي كاجي في جبل تينوجي محطة رقم 10 من محطات الباص Kachi Kachi Ropeway    ركبنا التلفريك        نزلنا ويلسنا نتفرج وكان الفيو جميل ، وتصورنا واستمتعنا وعقب نزلنا            نزلنا وسرنا صوب البحيره حبينا ناخذ جوله بالقارب ونشوف جبل فوجي ن واللي ماقدرنا نوفه أبدا بسبب الغيوم ولاعرفنا حتى أي واحد هو من الجبال   شوفوا اشياء كثيره نسيتها لأني ماكتبتها للاسف ، فنسيت الاسعار ونسيت وبعض التفاصيل في رحلة فوجي ومنها هاي الرحله البحيره ، كيف سرنالها اذا بالابص ولا مشي وبكم سعر التذكره كله نسيته والمشكله لما أسأل بناتي وبوعيسى كلهم يقولون مانذكر يعني العايله كلها زهايمر عافنا الله هههههههههه          اذكر دخلنا محل حلويات قبل لانسير الجوله البحريه بس ممتأكده اذا المحل كان عدال التلفريك أو عدال البحيره    الكوكيز ع شكل جبل فوجي اللي ماشفناه ههههههههههههههههههه     بعد ما سألناهم عن الانواع اللي نقدر نشتريها وخاليه من الكحول ومنتجات الخنزير طلعوا بس 3 أنواع أشترينا منهم لنا وصوغه   بعد ماخلصنا هالجولتين السياحيتين ( التلفريك والجوله البحريه ) قررنا نسير نتغدى لما كنا بالباص شفنا مطعم هندي مكتوب عليه حلال ، قلنا برنجع ناكل عنده  المنيو               انطباعي عن المطعم مستواه مقبول ماعجبني أكله وايد بس مافيه اختيارات بالنسبه للاكل الحلال يعني يمشي الحال
|
|
|
|
|
02-24-2018, 01:20 PM
|
#29 | |
  
|
رد: رحلتي الجميله لطوكيو 2015
رحلة راااائعة مع الصور والمعلومات
شكرا على الطرح المميز تحية |
|
 كلمة شكر لا تفي حقك على الاهداء مصممتنا المبدعة سوالف احساس على الرمزية والتوقيع 
|
|
| مواقع النشر (المفضلة) |
| الكلمات الدليلية (Tags) |
| 2015, لطوكيو, الجميله, رحلتي |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رحلتي إلى سويسرا 2015 | السعيد | رِيَاض إبْنُ بَطُوطَة لِسْيَاحَة والسَفَر | 16 | 08-16-2018 08:53 AM |
| رحلتي الأوروبية الجميله يناير 2015 | السعيد | رِيَاض إبْنُ بَطُوطَة لِسْيَاحَة والسَفَر | 16 | 02-17-2018 02:51 PM |
| صور من رحلتي الجميله لبلاد الأندومي | السعيد | رِيَاض إبْنُ بَطُوطَة لِسْيَاحَة والسَفَر | 12 | 02-03-2018 09:42 AM |
| رحلتي إلى بــراغ : اغسطس 2015 | السعيد | رِيَاض إبْنُ بَطُوطَة لِسْيَاحَة والسَفَر | 13 | 10-20-2017 04:20 PM |
