دعوة الى الإسترخاء مع رحلتي الى الريف الألماني والنمساوي 2015

عد مارجعنا من انسبروك
ريحنا شوية وبعدين رحنا المطعم نتعشى
اتأدبنا من اليوم السابق




























رجعنا على غرفتنا وكملنا سهرتنا في البلكونة

صباح اليوم الأخير لنا في الفندق
فطرنا واتعرفت على صديقة جميلة اسمها ليلى
ياناسوووو عليها تجنن اشغلتني ماعرفت اكمل
فطوري كل شوية اروح لها وهي فرحانة تبغاني اشيلها
بس انتو عارفين الحكم الشرعي بالنسبة للكلاب
مع انه حصل لي موقف مع الكلاب في احد دول شرق اسيا
راح اذكره في تقريري القادم ان شاء الله
يخليني احرم اقرب منها
لكن ايش اعمل اعشق الحيوانات الأليفة








بعد الفطور طلعنا غرفتنا ونمنا شوية وجهزنا قهوتنا
وشنطنا ونزلنا على الرسيبشن عملنا تشيك اوت
واعطينهم هدية متواضعة تمر مغلف من تمور
المدينة المنورة وكل ماتعرفنا على احد او رحنا
فندق اعطيناهم هو لفتة حلوة وماتكلف شي
وهما كمان اعطوني هدية بسيطة وودعونا
بكل حفاوة وترحيب مثل ماستقبلونا



وقلنا لهم انتظرونا في الشتاء
راح نزوركم لمن يسير الجو عندكم زي كدا





وفي هادا اليوم كان عندهم نشاط شكله
فيه مبارة قولف ومسابقة صور
كان الفندق مليان من الناس كان نفسي اجلس
اتفرج بس ماكان فيه وقت
لابد من الرحيل

































وهادي صور الطريق الجبلي اللي رحنا معاه لكابرون






























والى اللقاء في فصل جديد لنكمل معكم حكاية رحلتنا

ايجابيات الفندق

فندق حديث
اتساع مساحة الغرف
موقعه الرائع
اطلالته الرائعة
الهدوء والاسترخاء
سعره جدا مناسب
وجود حمامات الساونا
مرافقه المتعدده مثل النادي والسبا والمسبح والجيم
حسن التعامل من قبل جميع العاملين
جودة الطعام وبراعة الشيف في التفنن في اعداد الطعام
افضل فندق لشهر العسل


سلبيات الفندق


لاااااااااااااااااااااااااايوجد

بعد مغادرتنا لفندق سبورت توجهنا الى بيسندروف
كابرون مع انه كان من الافضل ان تكون اقامتنا هنا اولا
لكن بسبب عدم توفر الحجز في فندق سبورت للجناح
اضطرينا ان نغير الخطة بما يتناسب مع امكانية الحجز به































الوصول لفندق سونقا بعد رحلة قصيرة ممتعة وجميلة

Sonja Alpine Resort




















اللوبي والريسبشن








































ضيافة الفندق







نوع الغرفة المحجوزة : شقة
المدة : يومان

















رقم شقتنا واعتقد هي الوحيدة الموجودة
الباقي غرف واجنحة

والان ننتقل الى شقتنا الجميلة




الصالة







مطبخ صغير وطاولة طعام
لمن شفت المطبخ اشتهيت الطبخ
واستفدت منه في عمل القهوة والسحلب




غرفة النوم حلوة ومساحتها مناسبة




فيها دولاب وباب يفتح على البلكونة
عجبتني فكرة الشقة لأني من الناس
اللي نومها قليل ودائما ازعج زوجي
المسكين لمن اصحى بدري



المياه اكرمكم الله منفصلة عن الشاور
عجبتني الفكرة



الشاور والمغاسل لايوجد بانيو




حامل لتجفيف المناشف

صور البلكونة والعيب اللي فيها انها مفتوحة على جميع الغرف
ومن حظي انه وقتها ماكان فيه احد ساكن جنبنا
واقترحت عليهم يعملوا فواصل بين الغرف عشان الخصوصية
والبلكونة تعتبر من اساسيات السفر عندي ولابد من توفرها في
اي فندق انزل فيه خارج السعودية




















الجلسات الخارجية للفندق















المنطقة المحيطة بالفندق

















وعلى العصر نزل المطر وهادا المنظر الجميل

وعلى الساعة 7 نزلنا المطعم نتعشى
لأنه من ضمن حجزنا
شامل وجبتين ، ونفس الطريقة
طاولتنا محجوزة لفترة اقامتنا ،
مع أنه ماكان فيه أحد غيرنا
غير عائلة اوروبية














وهادي طلباتنا
شوربة الكريمة





سلطة جمبري لزوجي





وسلطتي بالخضار والجبنة يم يم يم





الطبق الرئيسي دجاج مشوي





وهادا الحلى




وقت ماكنا نتعشى شفت قوس المطر
وطلعت صورته لكم

بعد كدا نزلنا للفطور
ولقينا طاولتنا محجوزة لنا في الجزء
الخاص بقسم الفطور

بعد مانتهينا من فطورنا طلعنا نتمشى شوية
ونتفقد بقية مرافق الفندق في الدور التاني
و الدخول لها عن طريق بطاقة الغرفة
وتشمل على
حمامات الساونا ، الجيم ، المسبح

وعلى الساعة 10 بدأ برنامجنا لهادا اليوم جهزنا قهوتنا

وتوكلنا على بركة الله
























توجهنا لبحيرات كابرون الصناعية ولقيناها مقفلة

























وفي طريق عودتنا لقينا هادا الشلال وجلسنا عنده شوية
استمتعنا بمنظره واخدنا صور تذكارية واحلى شي
انه كان خالي من الناس
مافي غير صوت الشلال
واصوات الطيور











وبعد كدا كملنا طريقنا
لأقوى مغامرة في رحلتنا
واللي ماكنت متصورة نفسي
اني راح اقوم فيها
في يوم من الأيام

راح احكي لكم اليوم عن اقوى مغامرات الرحلة
وهي ركوب التلفريك والطلوع لقمة كابرون
قبل سفري كان كل اللي حولي يقنعوني
بالصعود للقمة والاستمتاع بالثلج
وانا رافضة تماما الفكرة
واقولهم
لااااااااااا مسسسسسسسسسستحيييل

ارسلكم صوري مع الثلج
تلفريك وثلج يعني خوف وبررد
الاتنين لاااااصعبة عليااااا


لكن ابوالشباب قدر يقنعني
اننا نروح ونجرب هادي المغامرة
الجديدة علينا
وتوكلنا على بركة الله
وانا اسحب رجولي تسحييب من الخوف
اخدنا التذاكر وتوجهنا للتلفريك الأول
اللي هون عليا اني جربته قبل كدا في لبنان
واقول عادي مايخوف
مشكلتي الفوبيا من المرتفعات

وركبنا التلفريك الأول وانتقلنا للمرحلة الأولى
لمن وصلت هناك



قال لي زوجي يالله التلفريك الثاني
قلت له ايه
لاااااااا مومعقول مانت صادق

قال لي امشي تبغيني اوصل لهنا وارجع
قلت له روح وانا انتظرك
انا لمن اشوفه في الصور اخاف مو اركب فيه


وغلبني وركبنا التلفريك المكشوف
واااااه عاللي جراااالي


ماخليت ذكر ولا دعاء الا وقلته
وكان الجوال راح يحيط مني
لاني كنت ماسكته من عصا السلفي
واغلب المسافة مغمضة عيوني
ورجولي ترتجف مادري من البرد ولا من الخوف
مع انه يومها كان الجو جداً رائع
غيم ومطر


ولمن قربنا نوصل لمحطتنا
وقتها فتحت عيوني
وياااااااااا لله على الجمااااال اللي شفته لمن طلعت
من التلفريك




الناس كلها فرحانة وسعيدة اللي يلعب بالثلج
واللي يتزلج
واللي يتصور
وصادف يومها اجازة













وحمدت الله وشكرت زوجي
انه اقنعني بالطلوع


ونصيحة ضروروي تجربووووه
ولا تخافووووا زيي

في مشاركتي السابقة لم ادرج لكم صور
لأني كنت ابغاكم تعيشوا معايا تفاصيل المغامرة
بدون مااقطعها عليكم بالصور





المرحلة الاولى
استجماع القوة والتحلي
بالصبر والشجاعة
التوجه لشباك التذاكر وقطع التذاكر


















المرحلة الثانية
ركوب التلفريك الأول والشعور بالخوف
عند اهتزاز التلفريك بعد مروره بين الاعمدة

























الوصول للمحطة الأولى

لمرحلة الثالثة
ورعب التلفريك المكشوف
الصور في هذه المرحلة تصوير زوجي
لأني كنت خارج الخدمة




















العودة الى الخدمة
والتقاط الصور























بعد هادي المنطقة فيه مبنى فيه دورات مياه اكرمكم الله
ومحلات لبيع متطلبات التزلج























في الدور التاني المطعم




























اشترينا كابتشينو وجلسنا نتفرج على الناس
اللي يتزلج واللي يلعب
ولمن شفت الاولاد يلعبوا
اتمنيت اولادي يكونوا معايا







قلب الأم
















ورجعنا نكمل لعبنا بالثلج
والثلج يتساقط علينا مطر متجمد
ونلتقط الصور التذكارية
والفيديوهات من حظنا لقينا مكان مافيه احد
واخدنا راحتنا








في اثناء تواجدنا هناك اذن الظهر
كان صوت مؤذن الحرم المكي رائع
اتمنيت وقتها أن اصلي او حتى اسجد سجدة لله
علها تشهد لي يوم القيامة .
واماكن كثيرة مررت عليها تمنيت
أن اسجد بها ولكن لم استطع ونصيحتي لكم
وخاصة للرجال لأننا
نحن النساء يصعب علينا ذلك
اسجد في اي مكان تستطيع السجود به
نسأل الله ان يجعل كل الاماكن
التي مررنا بها شاهدة لنا لاعلينا .




طلب مني زوجي الطلوع للمرحلة الأخيرة
لكن رفضت ودحين ندمانة اني ما طلعت
ونرجع لفيلم الرعب مرة تانية
لكن المرة هادي كان الخوف اقل










ووصلنا بحفظ الله ورعايته
وانتهت اقوى مغامرة في رحلتنا







واول ماتطلعوا من بوابات التلفريك
فيه جهاز على اليمين تدخوا فيه البطاقة
ويرجع لكم 2 يورو

وعلى الساعة 3 رجعنا لفندقنا
وكنت جدا سعيدة ومبسوطة
اللي عملته كان انجاز يدون في
تاريخ انجازاتي وسيرتي الذاتية

























بعد عودتنا لفندقنا ارتحنا وشربنا السحلب عل وعسى يدفينا
من البرد
وقلت لزوجي ايش رأيك بكرة نطلع تاني للثلج
قال لي عجبتك الحكاية
المرة الجاية راح اجيبك في شهر ينايروالثلج يجي لحد عندك
مايحتاج تطلعي له

صلينا الظهر والعصر وقررنا نروح نزور زيلامسي
معشووقة الخليجين خاصة وأنه سفرنا في اليوم التالي
قرية جميلة لابأس بها ولا غبار عليها
لكن ماحبيتها وماراح ارجع لها مرة تانية
مع الاعتذار لعشاقها











زيل ام سي

بعد هاد اليوم الطويل الممتع رجعنا على فندقنا
ريحنا شوية ونزلنا اتعشينا
وكان المطعم فاضي مافيه احد غيرنا
وبالقوة طلعنا غرفتنا صلينا المغرب والعشا ونمنا

يوم المغادرة


صحيت على الساعة تلاتة صليت الوتر والفجر
وشربت قهوتي على باب البلكونة
ماني قادرة اطلع اشربها من البرد
وهادا الشي اللي انحرمت منه في اوروبا
ماقدر اطول في الجلسة في البلكونة
برررررررد




وجهزت قهوتي واغراضي


ونزلنا فطرنا


وكان يومها عندهم حفلة عيد ميلاد
ومن الصباح امتلى الطعام
خسااااررررة كان نفسي اجلس اتفرج
مادري ايش حظي كل ما اروح فندق
يكون عندهم نشاط في يوم مغادرتي


عملنا تشيك اوت
وودعناهم على أمل لقاء قريب

تقرير بمشاركة سيئة

الرسالة:

ملاحظة: استخدم هذه الاستمارة في التبليغ عن مشاركات تحوي كلمات بذيئة ومخلة بالآداب وتسيء للدين الاسلامي ، ورسائل الدعاية والإعلان, والمشاكل (مضايقة, وقاحة, إلخ..).

ايجابيات الفندق


اتساع مساحة الغرف
موقعه الرائع
اطلالته الرائعة
الهدوء والاسترخاء
سعره جدا مناسب
مرافقه المتعدده مثل الساونا والمسبح والجيم
حسن التعامل من قبل جميع العاملين
جودة الطعام وبراعة الشيف في التفنن في اعداد الطعام
لديهم بطاقة تخفيض لأنشطة كابرون
الواي فاي مجانا


سلبيات الفندق


عدم وجود حواجز بين البلكونات

غادرنا النمسا في هاد اليوم متوجهين الى شفانغوا
وسبب اختيار هادي المنطقة لأنه هو الفندق الوحيد اللي عجبني
لأني مالقيت في قارمش فندق مناسب




بعد ماخرجنا من كابرون توجهنا على زيل ام سي
عبينا بنزين هادي تاني مرة نعبي بنزين
وقلنا دعاء السفر
وضبطنا الشيخ قارمن وتوكلنا على بركة الله
مع انه ماكان عاجبه الطريق اللي اخترناه
الا يبغى يرجعنا على انسبروك
واحنا حبينا نجرب طريق تاني ونشوف
اماكن ماشفناها


وهادي صورمن الطريق

وهادا محل لقيناه في الطريق وقفنا عنده واشترينا تذكارات