ناس زمان قالوا :

كاين لي يبغيك حتا توالفو ....وكاين لي يتبعك على صوالحو
كاين لي يشفي فيك العدو..وكاين لي لسانو يجيك منه غير الحلو
وكاين لي يصيب يرميك في البير . وكاين لي يدير فيك الخير
وكاين لي يشوفك فرحان منك يغير وكاين لي يفرح معاك ويتمنالك غير الخير
وكاين لي يزيد عليك السم وكاين لي ينحي عليك الهم
كاين لي يقعد معاك حتى الموت وكاين لي يديك لفم الحوت
تضحكلو ونتا فرحان وهو يشوف فيك وقلبو ع¨طران

ماتحطي ماكلتك باردة ..

ولا تسلمي على الناس وأنت قاعدة ..

وماتحكيش للناس واش رافدة ..

وبكري في حياتك ما يدخل عليك الضيف ويلقاك راقدة ..

بلاكي من المرا الهدارة اللي تدي وتجيب بالخسارة ..

وردي بالك من المرا المغيارة تحسد وتشربك المرارة ..

وبلاكي تدخلي للكوزينة بلا فولارة ..

ما تطيحلك شعرة ما تحري فيها ..

ما تضحكي عليك الناس ما يشدولك فيها ..

البصلة يا بنتي عمرها ماتولي تفاحة ..

ورخيس القلب ماتبان فيه لملاحة ..

وناس هاذا الزمان ماتليق معاهم غير القباحة ..

إذا فاتوك بالزين فوتيهم بالنظافة ..

وإذا فاتوك بالفهامة فوتيهم بالظرافة ..

واذا فاتوك بالكثرة فوتيهم بالبكرة ..

السوع¨ ليه المال ..

والدقيق ليه الغربال ..

والصحبة ليها الرجال ..

وياسعدو اللي يحمد ربي مهما كان الحال

نعجة تقول حليبي زبدة وصوفي لبدة وميكسبني غير حنين الكبدة
الكبش يقول صوتي صياح وراسي نطاح ولحمي فواح وميكسبني غير الفلاح
والبقرة تقول فومي نار وكرشي دار ومنشبع لا اليل ولا نهار وميكسبني غير طويل العمار
والمعزة تقول صوتي عالي وحليبي غالي وصوفي شعر و طريقي وعر وميكسبني غير الي ملقط دعاوى الشر

جدودنا زمان قالوا

الشتاء شم و غم

والربيع أشكر و لا تذم ،

والخريف اجري ولم ،

ومحلى الصيف لوكان يتم ،

قال الربيع أنا بزهوري ،

وقال الصيف انا ببحوري ،

وقال الخريف انا بتموري ،

و قال الشتاء انا بكانوني و بخوري

الشتاء شدة.. والربيع منام.. والصيف ضيف.. والخريف بركة العام

ڨالوا_الجدود :

اليوم الدّنيا واسعة و غدوة عندها حدود

اليوم غطانا صوف و غدوة غطانا لحود

الزّين زينة القلب موش نواظر و خدود

لا تمشي في ثنيّة لحرام راه بابها مسدود

خلّي قلبك متسامح و لا تكون كي الجمل حقود

إبكي على الحي آما الميت ما عاد يعود

إذا ألقى الزمان عليك شرا

وصار العيش في دنياك مرا

فلا تجزع لحالك بل تذكر

كم أمضيت في الخيرات عمرا

وإن ضاقت عليك الأرض يوماً

وبت تئن من دنياك قهراً

فرب الكون ما أبكاك إلا

لتعلم أن بعد العسر يسرا

وإن جار الزمان عليك فاصبر

وسل مولاك توفيقا وأجرا

لعل الله أن يجزيك خيرا

ويملأ قلبك المكسور صبرا

هي الدنيا فلا تركن إليها

ولا تجعل لها في القلب قدرا

ومد يديك للرحمن دوماً

فربك لن يرد يديك صفرا

يكثروا لجواج و الحجاج ..
و البنات يقعدوا بلا زواج ..
و الطفلة على أمها تعواج .
يكثروا التجار و الفجار ..
و يقل الحياء من الصغار ..
و توالي المرا ما تقعد في الدار .
يكثر القيل و القال ..
و الحرام يرجع حلال ..
و الحلال يولي محال .

كي تهبط البير طول حبالك ..
و كي تقعد مع حكيم شد هبالك ..
و كي تهدر مع البهيم وسع بالك ..
و كي تريح مع البياع شد لسانك ..
ماتخافش من الشبعان لي تربى في العز و العز قديم عليه ..
خاف من الجيعان لي تربى في الذل و العز جديد عليه ..
الشبعان يشم يدو يشبع ..
أما الجيعان بمال الدنيا ما يقنع .