برااغ و كراكوف و بودابست و براتسلافا و فينا

خلاصة تقرير رحلتنا...









هذا السؤال هو بداية الخطه..
ومنه ينطلق التخطيط..
اعتبر ان متعة التخطيط للرحله تفوق الرحلة نفسها..
لذا استمتع بالتخطيط..


قبل تحديد (وين تروح) حدد هدفك من الرحله..
تبغى تشوف طبيعه ولا تبي مكان تسوق ومولات ولا ودك بمكان يجتمعون فيه العالم او او انك من النوع اللي تحب الهدوء..




على أساسه تحدد وين تروح..
طبعاً فيه بعض الأماكن تجمع أكثر من رغبه..
مثلاً اللي يروحون النمسا يجمعون بين الطبيعة والهدوء ثم يقدرون يطلعون الى ميونخ اللي فيها التسوق والزحمه والعالم واذا معهم اطفال ممكن يلبون رغباتهم في اليوروب بارك..
يعني ملبيه لأكثر من رغبه...


وبعد أن تحدد وين تروح شف الوقت المناسب لهالمكان..

فأوروبا ماتصلح في الشتاء وجنوب افريقيا ماتناسب في الصيف..
بعد ان حددت المكان والوقت حدد المده..


وإذا كانت وجهتك فيها أكثر من محطة فقسم الأيام مبدئياً على محطاتك..
ثم تأكد اذا كانت وجهتك تحتاج تأشيره فابدأ بها قبل كل شيء..


التخطيط المبكر يعطيك فرصه لقضاء أحلى إجازه..
فكثير خططوا لزيارة أوروبا في اللحظات الأخيره وماحصلوا موعد للتأشيره..
فلا تكن منهم وأحرص على ترتيب أمورك أولاً بأول..




إذا كانت وجهتك لأوروبا وكل الدول اللي بتمرها من دول (شنقن) فأحرص أن تطبق نظام الأتحاد الأوروبي في استخراج التأشيره من البلد اللي بتقضي فيه مده اطول..
لاتترك الأمور للصدفه او تقول ان شاءالله بيمشونها..
كل شيء بمشيئة الله لكن طبق النظام عشان تريح وتستريح..
النظام كما وضحوه أكثر من مره الدوله اللي بتقعد فيها أكثر مده هي اللي تطلع منها تأشيرتك وإن تساوت المدد تطلعها من اللي تكون هي وجهتك الأولى..


وبخصوص سؤالنا.. وين أروح..
جميل ان تستفيد من تجارب غيرك ولكن لاتمشي على خطى من سبقوك تماماً..
فمثلاً الخط التالي (فيينا - زيلامسي - سالزبورغ - ميونخ)
غالبية الناس يطبقونه..

لامانع من تطبيقه فهو خط مختصر ويلبي كل الرغبات ولكن يفضل تضيف عليه مدينه تكتشفها ويكون لك السبق





مثلاً أفتح خرائط جوجل وشف المدن اللي على نفس الخط واجلس فيها كم يوم..
المقصد المناظر الطبيعيه وهذي في كل مكان ولكن قد تكتشف مدينه مثل اللي اكتشفوا لنا سالزبورغ





بعد أن تحدد خط سير رحلتك يأتي السؤال الآخر...










من الطبيعي أن خط سير الرحلة المباشره هو الأفضل..
لأن الترانزيت يطول مدة الرحله إضافةً إلى مشكلة الهبوط والإقلاع..


فمثلاُ اذا كنت حاب تزور الجنوب الفرنسي وسويسرا وايطاليا..
فالخطوط السعودية للسعوديين أنسب الخيارات..
تكون جنيف محطة الوصول وميلان محطة العودة..


أما اذا كنت بتروح على خطة النمسا والجنوب الألماني..
في هالحاله ممكن تتجنب الترانزيت في إحدى الرحلات ويفضل ان تتجنبها في العوده
لأن العوده دائماً ودك توصل بسرعه..





فتكون اللفتهانزا خيار مناسب للسعوديين
من الرياض أو جده الى فيينا (التوقف في ميونخ او فرانكفورت)
والعوده مباشره من ميونخ للرياض او جده..


وإذا كان أمر الترانزيت بالنسبة لك لايعد مشكله فالخيارات التالية مناسبه لزيارة أوربا على الترتيب (الترتيب بناء على خط السير وليس أفضلية الشركة)


الخطوط التركية
الخطوط الفرنسية
الخطوط الألمانية
الخطوط السويسرية
طيران الشرق الأوسط
طيران الإمارات
طيران الاتحاد
القطرية
طيران الخليج
الخطوط العمانية

بعد ماحددت وين بتروح وكيف بتروح يجي السؤال..











السكن أنواع..

إما فندق أو شقق للي حابين يزورون المدن..
أو فلل او مزارع.. للي حابين يزورون الأرياف..
وأيضاً شقق وشاليهات لزوار القرى والمدن الصغيره..


على حسب العدد يتحدد المكان..

في المدن الكبيره واللي جلسوك فيها محدود خيار الفندق أفضل..
أما للمدن الصغيره والقرى واللي بتجلس فيها مدة طويله فأنصح بالشقق..


من تجربة شخصيه ومقارنه بين الفنادق والشقق وجدت الشقه خيار أفضل لعد أسباب..





غالباً الشقق فيها صالة جلوس وهذي لها ميزة عن الفنادق لتكون مكان للراحه والأستراحة والجلوس بدل ماتكون جلستك في غرفه قدام السرير!!



الشقق فيها مطبخ.. وهالشيء لاغنى عنه سواءاً للي حاب يطبخ او للي بيسوي له قهوه او شاهي..







وللعلم فيه شقق أفضل من الفنادق من ناحية التجهيزات والتأثيث..
يُعاب على الشقق شيء واحد الا وهو الخدمه..
لأنك انت اللي تخدم نفسك بنفسك
عدا طبعاً الشقق الفندقيه وهذي نادره في أوروبا خصوصاً







في بحثك للسكن عموماُ أحرص على ان تكون في وسط المدينه
فأغلب الأماكن السياحية تكون في الوسط والحياة فيها..
فاختصاراً للوقت تجنب أطراف المدينة وتمركز حول الوسط..




وبعد الحجز أحرص على المراسلة المباشره للفندق او لصاحب الشقق للأجابه عن استفساراتك..
وفاوضهم للحصول على ميزات إضافيه..
فأحياناً بالمفاوضه قد تحصل على إفطار مجاني أو موقف سياره مجاني..





بعد ماتحجز السكن تحتاج شيء مهم..












طبيعي فهي أساس تخطيط الرحلة..
اجمع معلومات قدر الأماكن ولا تترك موقع الا وخذ منه حاجتك..
زاد المسافر مصدر مهم ومرجع رائع..
ولكن بعض الوجهات الغير شعبيه لدى السواح العرب ماتُغطى بشكل كافي..

لذا فأنصحك بتجربة المواقع الأجنبية..
الموضوع لايحتاج الى ان تكون ضليع في اللغة الأنجليزية..
كل ماعليك أكتب ( .....Tourist destinations in)
وأكتب اسم المدينه ثم استمتع..
العجيب ان بعض القرى الصغيره لها مواقع رسمه حكومية تدلك على أهم الأمكان..
ثم انسخ مافيها وترجمه ولخص ماتحتاج..


فيه العديد من التقارير والتوصيات ومترجمه الى اللغة العربية..


بعد أن تجمع المعلومات أرجع لها ولخصها..
واجعلها على شكل نقاط..
وأختار منها مايناسبك..
وأجعل لكل مدينة صفحة خاصة فيها اسم المكان وموقعه ووصف بسيط..

لاتسافر ومعك مئات الأوراق لأنك بلاشك لن تزور كل الأماكن..
ولن تقرأ هناك كل مامعك..







لخص المعلومات قبل سفرك بنفسك أو أوكلها كمهمه لأحد أعضاء الرحلة..




وصلت هناك طيب...











اول شي.. الحمدلله على سلامتك
ونورت يابييييه






معك ملخصك؟؟.. اجعل الأماكن المتقاربه في يوم واحد...
ولاتجعل جدولك مزدحم..
اترك فراغات في اليوم وفي الجدول نفسه..
أعني بذلك أترك شيء للصدفه..
لاتخطط بالملي على قولتهم..
زر الأماكن اللي انت ناوي تزورها وكتشف اشياء جديدة
لا تحط في بالك انك بتروح لكل شي عشان ماتتحول رحلتك من متعه الى شغل..
بالشعبي (خلك على السعه) أن حصل تشوفها ولا خيرها بغيرها..


ولا تحط في جدولك اشياء متشابهه في مكانين..
مثلاً الحدائق فكرتها وحده اختر لك حديقه في وجهه واحده فقط ..
الساحات متشابهه في كل أوروبا.. شف اميزهم وزرها..
والكلام ينطبق على كل شيء له شبيه في خط سيرك..


اترك يوم مفتوح اول ماتقوم من النوم افطر ثم قرر وين تروح..

باختصار ارسم رحلتك بقلم رصاص قابل للمسح والتغيير..







طيب فيه شي مهم جداً اللي هو..












وأقصد بذلك أحسب تكاليف الرحله التقديريه قبل تروح..
وأقسم ميزانيتك بشكل يومي..
يعني ضع مبلغ مخصص لكل يوم..
نفترض ان السكن مدفوع يتبقى باقي المصاريف..


طرق الدفع تختلف فبعض الدول تتعامل بالبطاقة الأئتمانية في كل مكان وهذي مريحه جداً..

والبعض يستخدمون الكاش بكثرها وهذا هو المزعج غالباً للمسافر..
لأن حمل الكاش يسبب قلق..

لذا اصرف حاجتك من الكاش بقدر معقول..
وإن كنت بتزور دول تتعامل بعملتها الخاصه فخذ معك الدولار او اليورو من بلدك لتجنب السحب بمكائن الصراف الآلي وحساب فرق العمله..








وبعدين..؟؟










احرص على حفظ نسخ من مستنداتك الرسميه على برامج المشاركه مثل الدروب بوكس او جوجل درايف او احتفظ بنسخ منها على بريدك الألكتروني..
مثل.. نسخه من جواز السفر والهوية الوطنية وتأشيرة السفر والرخصه والحجوزات وملفات المعلومات الخاصة بالرحله ليسهل الرجوع لها عند الحاجه..





يبقى لك النقطة الأخيره..










لاتقول.. هذا احتاجه وذا يمكن احتاجه وذا مهو مهم مره بس بآخذه



هذي الأشياء هي اللي تسبب تخمه للشنطه
ويجيك الهم وانت تسحبها وفي النهاية ماتستخدم نص الأشياء اللي خذتها..







لذا.. حط لك ورقه فيها أهم الأشياء اللي تحتاجها
وأي شي تحطه في الشنطه اشطب عليه في الورقه..
وخل الشنطه مفتوحه قبل اسبوع من موعد السفر..
كل شوي حط اللي تتذكره..
واحرص على التقسيم داخل الشنطه بشنط اصغر
مثلاً.. الملابس الداخليه اعزلها عن بقية الملابس
وملابس النوم خلها بجزء خاص.. وهكذا
عشان توصلها بسرعه..


ثم بعد ماتقفل الشنطه لاتنسى تحط عليها معلومات الاتصال بك
عشان لو ضاعت لاسمح لها يسهل توصيلها لك..

*******




وآخر شي..
لاتنسى دعاء السفر والأذكار وأصطحب معك مصحفك..
والله يحفظكم ويردكم سالمين غانمين