بسم الله البادي على كاينن كان

بسم الله الرحمن الرحيم
السلام عليكم ورحمة الله وبركاته
اخواني واخواتي اعتذر عن انقطاعي لجل ضروف فوق الاراده

ويليكم هذه القصيده رثا بخادم الحرمين عبدالله رحمه الله وتنقلت بها الى مواضيع تاجدونها بطياتها

بسم الله البادي على كاينً كان
.... مرسي رواسيها وباسط سهوله
انزل لنا القرءان واركان الايمان
..... مع مثلهُ سنة نبيه رسوله
ومن بعد ذكر الله في كل الاحيان
.... كتبت القاف اللي تخيرت اقوله
ابديت ماكنيت من هم واحزان
...... على فقيد المرجله والرجوله
صحيت بالجمعه على وقت الاذان
...... وقراءة علمً صابني بالذهوله
قالوتوفى العاهل الفذ الانسان
..... حبيب شعبه بالقسا والسهوله
وهلة دموع العين وماني بغلطان
...... بكيت وكل افراد شغبه بكوله
عبدالله اللي للوفى كان عنوان
...... وحكيم وسياسي وكل بطوله
وابً حنون وكله عطا وبذل احسان
...... اخلص لشبعبه بالعطا واخلصوله
عساله الفردوس ماوى ومسكان
...... والعفو من رب الخلايق ينوله
لكن عزانا والعوض راس سلمان
.......وبالل سعود النافلين الزحوله
سلمان حكيم المواقف ولاتقان
...... ليث(ن) سبح بالمجد عرضه وطوله
سلمان يخزي كل مفتن وشيطان
.... اهل الدسايس والردى والنذوله
واشراف شعبه كلهم سمع واذعان
...... على الولا بقلامهم وقعوله
واعلامنا ترفع على راس مابان
.... وعدواننا مهيونت(ن) ومخثوله
وارواحنا نبيعا دون الاوطان
..... مع المليك الشعب يعلن مثوله
وان بايع ولي العهد مقرن كحيلان
..... ومحمد اول منتدب لشبوله
حرً وابن حر(ن) مخضرم وفهمان
...... سديد رايه والرجال اشهدوله
بيت ال سعود مشيدينه بالاوزان
..... الكل من هم يحفضه عن ميوله
حتى أن لايفرح ابو قلب وجعان
...... يموت في غمه وظلمت فضوله
صقور نجد اللي لهم بالوفى شان
..... ضديدهم يلقى العنى والنكوله
مع شعبهم ابا وعمان وخوان
...... حاجاتهم مقضيت(ن) محلوله
تحت امرة القايد سنايد وعوان
..... دايم مع العاهل يصيرون حوله
وشعب الوفي مايستمع قول خوان
..... سودالنوايا والقلوب معلوله
شعب(ن) مايجامل بالوطن كاينً كان
..... ميهادن الخاين وينزل نزوله
لوهازرنا الماجوس يبشر بخسران
...........ابطلنا عدولها واعتبوله
وان زارنا يرجع ذليل(ن) ومنهان
...... يرجع وثوب الذل يسحب ذيوله
بالجو صقور ترهب الضد فرسان
..... ياويل ويله كاانم وجهوله
وبالارض دبابه وعييل شجعان
.... وبوارج(ن) تقدح سريع(ن) شعوله
حنا مانعيل ولا انغاضا الغلطان
...... نبرم له العسري وننقض فتوله
حنا على السنه ودستور قرءان
...... منهج عسى رب الملا مايزوله
وصلاة ربي عد ماهل هتان
.... افضل صلاة الله على رسوله

الشاعر.خليل مسفر الطلوحي العنزي

أولا أهلا بك وبعودتك التي كانت كسحابة الماطرة جمالا
ورحم الله الملك وغفر الله وجعل الجنة مسكنه ومثواه
قصيدة ومرثية مؤثرة الشاعر خليل الطلوحي
ودي

منورنا شاعرنا خليل الطلوحي
رحمه الله و اسكنه الجنة
قصيدة معبرة في حق الملك المرحوم
تحية

روووووووووووووووووعه
تسلم الايادي كلمات ومعاني راقيه

قصيدة رائعة لشاعرنا المتالق خليل الطلوحي
احسنت