| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
12-22-2017, 01:48 PM
|
#21 | |
 
|
رد: كل انسان يصبح شاعرا اذا لامس قلبه الحب - اليونان
الجـــــــــــزء الثـــــــاني
اليــوم الثــالــث في ميكنــــــــوس اليــوم السادس من السفره مساء الخير على احلى متابعين ومنتدى اعتذز منكم للتأخير اللي حصل لظروف طارئة .. قبل مااكمل معاكم اقول اللهم احفظ بلاد المسلمين من كيد الكائدين واحفظنا بعينك التي لا تنام اللهم امـــين ابتدي معاكم اليوم الثالث والاجوااء الفير (الفجر ) لما الحين ممطرة وترعد وتبرق واستمرت الى اول ساعات الصبح   وبعد هالجو     تحت عند حوض السباحه مكان الريوق  والكروزات ماشاءالله شكثرهم اليوم  واهني طاولتنا           البوفيه                       يدورون الشمس يبون التان واحنا ننحاش منه     والبار على حوض السمج  ورحنا نتجهز حق طلعه ولفه بالتاون  اهني الجيم والسبا                 حلينا في هالكافيه        للحديث بقية مع باجي اليوم اكملة باجر ان شاءالله |
|
|
|
12-22-2017, 01:53 PM
|
#23 | |
|
رد: كل انسان يصبح شاعرا اذا لامس قلبه الحب - اليونان
الجـــــــــــزء الثـــــــاني اليــوم الـــرابــــع والاخير في ميكنــــــــوس اليــوم السابع من السفره صبحكم الله بالخير والسرور هذا يومنا الاخير في الجزيره الجميله وريوقنا الاخير للاسف  الجزيره حلوه وشبابية  واحلى ريووق    جولة وداعية للتاون                  طبعا احنا كنا نروح التاون بسيارة الفندق يوصلونه لي المدخل ومتى ما خلصنا درق عليهم ايون ياخذونا ونفس الشي سيارتهم وصلتنا المطار خدمه مجانية مطارهم نتفه صغييير حيل وكل شي نسويه لازم بالجهاز للبوردنغ هذا مطارهم  هذا الجهاز ندخل رقم الحجز وتطلع اسامينا انأكد عليهم وبس نستلم البوردنغ بعدها نروح مكتب الخطوط ندفع 30 يورو للجنطة عشان نحطها في الشحن لان التذكرو مو محسوب معاها الجناط والاجانب كلهم جناط صغيره ما يدفعون البخله والله واحد مع مرته سووا زحمه مافي مكان حق جناطهم المكان صغير اللي يدخلون فيه الجنطة والله ولا همهم قلقصوهم وحطوهم تحت ريلهم ..   وهذا البوردنغ بالاتجاه الى اثينا  البوابة عاليسار مع مكان الانتظار  هذا المكتب اللي دفعنا لهم رسوم الجناط كل جنطة 30 يورو  والكاونتر نقط الجناط بعد البوردنغ  هذي طيراتنا ام مراوح نزلت الركاب ومشي لي المطار وبعدها احنا صعدنا ومشي لي الطيارة    على الالمبيك اير والحين دورنا نصعد الطيارة يا حسرتي مرااااوح ليييش    صغيييرة ليش هالضيج اللهم ياكافي وسعوا  |
|
|
|
|
12-22-2017, 01:56 PM
|
#24 | |
|
رد: كل انسان يصبح شاعرا اذا لامس قلبه الحب - اليونان
الجـــــــزء الثــــــالــــث اليــــــوم الاول في اثينــــــــــــــا اليــــوم الســــابع من السفـــــره ابتدي معاكم بنبذه عن اثينــــــا  اثينا عاصمة اليونان واكبر مدنها ويعود اسمها الى الهه الحكمة الاغريقيه .. تقع اثينا في جنوب اليونان على سهل اتيكا بين نهري إليسوس وكيفيسوس ، محاطة ب 3 جهات بقمم جبال هي هيميتو وبينديلي وبارنيثاس وتطل من الجهه الرابعه على خليج سارونيكوس الواصل الى البحر الابيض المتوسط ، يبلغ تاريخ المدينة 5000 سنة لتعد بذلك احد اقدم مستوطنات اوربا وتعد المدينة مهد الحضارة الغربية والديمقراطية . اول العاب اولمبية اقيمت في اثينا عام 1896 . بعض الاساطير عن تسمية اثينا : توجد أسطورة إغريقية عن سبب تسمية أثينا بهذا الاسم. وكانت هذه الأسطورة رائجة بين الأثينيين القدماء حتى أنها كانت ممثلة بمنحوتة على الواجهة الغربية . تقول الأسطورة أن كلا من الآلهة طلبا أن يكونا أسيادا للمدينة ويطلقا اسميهما على المدينة، فتنافسا لنيل هذا الشرف، بعرض هذية على المدينة من كل منهما. أخرج بوسايدون نبع مياه مالحة بضربه للأرض برمحه ثلاثي الشعب ليجسد قوة البحار. بينما تقول أساطير أخرى أنه قدم للمدينة جيادا كونها من زبد البحر. على الناحية الأخرى تقول الأسطورة أن أثينا خلقت شجرة الزيتون وقدمتها للمدينة لتكون رمزا للسلام والازدهار. قبل الأثينيون بقيادة حاكمهم شجرة الزيتون وسموا المدينة على اسم الآلهة أثينا. المناخ وافضل وقت لزيارتها : - يونيو الى سبتمبر الجوو حااار وتوصل الحراره الى 37 و 40 والاغلبية يروحون لها عشان البحر والشواطئ وتشتهر بالمهرجات في هالوقت والاسعار ترتفع . - اكتوبر الى نوفمبر الجو حلوو نوعا ما والاسعار تنزل . - ديسمبر الى فبراير فصل الشتاء وفي ديسمبر فرصة للامطار الغزيرة ودرجات الحرارة تقريبا 10-15 والاسعار جيده . المـــعــــــــالم السيـــــاحيــــــة : الأكروبوليس: قلعة إغريقية مهمة، تعد إحدى أشهر معالم أثينا واليونان قاطبة. أغورا: معبد إغريقي ما زال محافظاً على جزء كبير من بنائه. كيراميكوس: سور المدينة، يحتوي على عدة بوابات. بنيكس: تلة تقع على غرب الأكروبوليس، كانت مكان اجتماع العامة للتشاور في العصور القديمة. مسرح ديونيسوس: كانت تعرض عليه العروض المسرحية. ميدان أمونيا بارثينون: معبد للإلاهة آثينا بالأكروبوليس. متحف الآثار الوطني: أكبر متحف أثري في البلاد وواحد من أهم المتاحف دوليًا حيثُ أنه يحتوي على مجموعة واسعة من الآثار والتحف وتغطي فترة زمنية يزيد عُمرها عن 5,000 سنة، من أواخر العصر الحجري الحديث حتى فترة اليونان الرومانية. متحف الفن البيزنطي المسيحي: وهو أحد أهم متاحف الفن البيزنطي. متحف أكروبوليس:أفتتح في عام 2009، بديلًا عن المتحف القديم "بنفس الأسم". وقد أثبت المتحف أنه مكان جذب كبير فقد زاره ما يقارب من مليون شخص خلال فترة الصيف يونيو-أكتوبر 2009. وهناك عدد من المتاحف الصغيرة والمملوكة للقطاع الخاص التي ترُكز على الثقافة اليونانية وفنونها. متحف بيناكي: تأسس سنة 1931 على يد جامع التحف الفنية انطونيوس بيناكي بعدما تمكن من جمع مجموعة من التحف الثمينة على مدار 36 سنة وهبها إلى الدولة اليونانية في حفل حاشد عظيم حضره رئيس الجمهورية أنذاك ألكسندروس زيميس. المعلومات من ويكبيديا النقـــــل والمواصـــلات : - المترو عندهم ممتاز جربناه بصراحه شي مرتب وحلو ونظيف . - البصات والترام ما جربناهم. بتذكرة وحده تقدرون تستخدمون كل اللي فوق التذكره ليوم كامل اذا ما خانتني الذاكره 4 يورو للشخص - التكاسي ممتازين واسعارهم حلوه بس لازم تشوفون العداد اهما كل يغطونه ويقول السعر من غير ما يشوف وطبعا يكون زايد فأنا كنت كله اقول اشوف العداد  الســـــكن : احترت في جم واحد وكل ما اختار يكون فل شافني اخوي جان يقول ان اسال رفيجي بما انه يشتغل بالسفاره الكويتية اهناك قلت انا ممتاز زلقه بطيحة ان شاءالله يعطونا سعر زين طماعه اللي صار دزلنا 5 فنادق ويعتبرون افضل الفنادق في اثينا واختار واحد منهم وهذيل اساميهم ..  وتم الحجز من قبل السفارة .. وصلنا مطار اثينا بعد 30 دقيقه طيران من ميكنوس والمجندات ينطرون سايق السفاره عشتوا  لان قالوا انهم راح يدزونه لنا وننطر وندور ادور اسمي اسم اي وحده فينا مافي تمينا تقريبا 20 دقيقه ننطر وندور عقب قلت يبا خلاص نطلع ناخذ تاكسي صارلنا الحين نص ساعه مابين يمكن نسوا او شي .. طلعنا ونشوف السيارات الكشخه المرسيدسات والخ والسواقين كاشخين وكل واحد يتلقفنا من صوب وطبعا الاسعار اقل شي يقولونه لنا 70 يورو نعم ليش بابا جان يقولون جناطكم كبار ومحد بياخذكم قلت اي هين روحوا زين ..ونمشي مع الادوام ولا ذاك الساتول الصغير ناطرين دور التاكسي الاوادم ونوقف وراهم ننطر والله وياخذنا التاكسي وطبعا سعر التوصيل ثابت من المطار الى السنتر 35 يورو وهذيلاك يقولون 70 اقلب ويهك انا اقول  ونتوكل على الله مع التاكسي الى فندقنا وهذيل الصور من الطريج  واحنا بالطريج اخوي كلمني يسألني وينكم قلتله بالتاكسي رايحين الفندق قال والسايق قلت مالقيناه كلم رفيجه ولا الحبيب ناطرنا بالمطار من غير اسم ولا شي بس واقف وينطر 3 مجندات جان اقوله واحنا شلون بنعرفه واقف جذي اكيد مانعرفه ولا اهو راح يعرفنا قلنا خلاص حصل خير ومشكورين تعبناكم   ويتكلم دريولنا عن السياحة في اليونان واحنا طول الطريج مستمعين له   وبين فندقنا اول واحد عاليمين طبعا الفندق في ساحة البرلمان اللي اهي ساحه سينتغما ويمنا فندق كينغ جورج king george و NJV ATHENS  انزلنا اغراضنا ولا صاحبنا يقول 40 يورو نعم ليش مو اهو السعر 35 ثابت جان يقول انا دليتكم على السياحه واماكن جان اقول والله مو مشكلتنا انت اللي تليقفت وتحجيت احنا ما قلنا لك قولنا وبعدين اللي بيسوي خدمه فري ولا ببيزات يقول جان اقول هذيل 35 يورو مافي غيرهم ونمشي عنه   دخلنا فندقنا وعطيتهم الحجز جان يقولون روحوا فوق انتو غير عن اهني قلت ها بدينا شغل السفارة يبا ترا بس حجز بعدين نبي كل شي طبيعي مانبي شغل السفارات ونصعد فوق ولا حق الجيك ان الاكسكتف روم مسويلنا ابقريد وبسعر ارخص من سعرنا الاولي جان اضحك ذيج الضحكه من الوناسه  قلت ايوا جذي ممتاز شغل السفارات والحين ممرنا واحنا رايحين غرفنا ..نسيت اذكر سعر الليله 90 د.ك مع الريوق 3 اشخاص     غرفتنا بالدور السادس وهذي غرفتنا         الحمام عزكم الله     المنظر من غرفتنا  اسمة mount Lycabettus تصعدون فوق وتشوفون اثينا كلها من فوق يعني فيو بوينت  وهذا البرلمان وساحه سينتغما syntagma square التفاصيل يايتكم عن بعض الاماكن اللي زرناها في الاجزاء اليايه ان شاءالله  اوقف معاكم لي اهني وباجر اكمل معاكم ان شاءالله باجي اليوم ووين رحنا تصبحون على خير |
|
|
|
|
12-22-2017, 02:29 PM
|
#25 | |
|
رد: كل انسان يصبح شاعرا اذا لامس قلبه الحب - اليونان
نكمل يومنا الاول في اثينا معاكم من بعد ماطلعنا ورحنا ساحة البرلمان قلنا شنو نسوي وين نروح .. جان نشوف قطار ام حسين قلت لقيتها قطار ام حسين البنات شنو قطار ام حسين واشرلهم على القطار واقولهم ام حسين مدحت هالقطار خنركب ونتمشى فيه عشان ناخذ فكره عامة عالمنطقة وافقوا ورحنا عند القطار .. وهذا قطارج يا ام حسين تذكرة الكبار ب 6 يورو  شوفو فندقنا عليه السهم يعني مكان وقوف القطار مايبعد عنا وايد  ساحة سينتغما تعتبر الساحة المركزية في اثينا وتسمى ساحة الدستور على ملك اليونان الاول اوتو وتعتبر من الساحات المهمة من الناحية التاريخية والاجتماعية والتجارية والسياسية .. البرلمان يطل على ساحة سينتغما   وهذا مكتب رئيس الوزراء    المتحف الاثري الوطني National Archaeological Museum افتتح عام 1889 ويعتبر من اضخم المتاحف في العالم لما يحتوي على مجموعة من اغنى محتويات التحف اليونانية في العصور القديمة ويضم قطع اثرية من مختلف انحاء اليونان ومن عصور ما قبل التاريخ الى اواخر العصر القديم ..  بعض الاثار من بعيد لمعبد زيوس الاولمبي ويسمى اعمده زيوس الاولمبي هو هيكل وسط انقضاض معبد ضخم وسط اثينا بدأ البناء في القرن الثامن قبل الميلاد ولم يتم الانتهاء منه حتى عهد الامبراطور الروماني هارديان وكان مشهور بانه اكبر معبد في اليونان ويضم احد اكبر التماثيل في العالم القديم..    واهني دخلنا اثينا القديمة بلاكا وقف قطارنا عند اثار كيراميكوس Kerameikos وتقع على الشمال الغربي من الاكروبولس .. ونزلنا تمشينا 10 دقايق وردينا قطارنا نكمل الرحلة        وهالسكه يدشها القطار وفيها كافيهات ومطاعم      والاكروبولس فوق     الاكروبولس من تحت هو هضبة صخرية عالية وسط اثينا ومطلح اكروبوليس يأتي من صفه العلو والارتفاع وبوليس يعني مدينة او بلده وهذا يعني ( المدينة العليا ) وهو معبد يوناني قديم ويعد من اشهر المعابد اليونانية وكان له شان عظيم لان في حالة الغزو الخارجي اليونانيون ياخذون الاكروبوليس قاعده حصينة يقامون القوات الغازية .. ويرتفع 152 متر فوق سطح البحر .. وهي عبارة عن منازل وقصر للحاكم انذاك. قام أحد رجال الدولة اليونانية وهو بريكليس Perikles بإنشاء الأكروبوليس في أثينا ومن الأعمال المهمة التي قام بها هو بناء أربعة مبان رئيسية وهي:
  وهذا متحف الاكروبوليس الحديث  رجعنا مكان ما اخذنا القطار ونزلنا تمشى في بلاكا plaka وبين السوق والسكيك  من قال ذره   ككاو         عقب هالتمشي ذبحنا اليوع ورسينا على هالمطعم      |
|
|
|
|
12-22-2017, 02:32 PM
|
#26 | |
|
رد: كل انسان يصبح شاعرا اذا لامس قلبه الحب - اليونان
 الطلبات  يازين اكلهم بصراحه اكلهم لذيذ الكبــــــــاب  نــــــــــــار الشاورمـــــــا  فاتورتنا  وهذ الصوره من موناستيراكي Monastiraki حي اسواق الخرده في اثينا القديمة وفي عروض مثل بيكاديللي اللي بالشارع كل ومجموعه يطلعون مواهبهم ويعتبر من مناطق التسوق الرئيسية في اثينا ..   والبرلمان باليل  وونقولكم تصبحون على خير ونطرونا في يومنا الثاني في اثينا   |
|
|
|
|
12-22-2017, 02:34 PM
|
#27 | |
|
رد: كل انسان يصبح شاعرا اذا لامس قلبه الحب - اليونان
اليــــــــوم الثــــانـــي في اثينــــــــــا اليـــــــوم الثــــامــن من الســـــفره درجة الحراره لطيفه  هذيل جم صورة من سطح فندقنا ومكان الريوق  الاكروبوليس من بعيد  بوفيه الريووق        وهذا البرلمان من فوق وتبديل الحرس      كان هناك جالسا ولم يكن هناك يطالع الاخبار وكنت في جوارة تأكلني الافكار .. تضربني الامطار ياليت هذا الرجل المسكون بالاسرار فكر ان يقرأني .. ففي عيوني اجمل الاخبار   الاكروبوليس من صوب والبرلمان من صوب خوش منظر بصراحه من فندقنا     وهذا مطعم بالفندق    وجهزنا عدتنا لوجهتنا ورايحين المترو مالهم بصراحه متروهم وايد حلو ومرتب ونظيف جهتنا يبيلها تقريبا 25-30 دقيقه مترو وبعدها باص تقريبا 30 دقيقه ونزلنا المترو    هذيل مكاين التذاكر اللي حجزنا منهم سعر التذكرة 4 يورو ليوم كامل  وجهتنا الى منطقة اغايا مارينا  من سينتغما الى المحطة اللي نبيها نمر على 9 محطات وال 10 ننزل     وصلنا المحطة المقصوده   وعند اللي واقفين هذيل ننطر الباص معاهم  وصل باصنا هذا باص الاوت لت ايي ياخذنا من هالمحطة ويوصلنا الاوت لت والخدمه طبعا مجانية  استانس على باصاتهم خصوصا اذا طالعين رحلات معاهم    هذا يعتبر افضل اوت لت في اثينا وفيه كل المحلات تقريبا ماك ارثر يفتح من 10 ص الى 9 م احنا وصلنا اول مافتح والحمدلله ماعليه زحمه وخلصنا منه بسرعه وهذيل بعض الصور من الاوت لت                           |
|
|
|
|
12-22-2017, 02:36 PM
|
#28 | |
|
رد: كل انسان يصبح شاعرا اذا لامس قلبه الحب - اليونان
وخلصنا من الاوت لت رايحين محطتنا    يا ضياع اصواتنا في المدى والريح القطار وفاتنا والمسافر راح   يالله ياقلبي سرينا ضاقت الدنيا علينا القطار وفاتنا والمسافر راح  وصلنا ساحه سينتغما  وفندقنا اللي عاليمين وهذي الساحه  البرلمان اليوناني  وفندقنا  قطينا اغراضنا وصلينا وطلعنا خذينا الباص السياحي راح احط الاماكن اللي مري عليهم في بعضهم نزلنا لهم وبعضهم لا سعر التذكرة للشخص 18 يورو ويودينا المينا هذيل صور من التور هذا متحف الاكروبوليس        نزلنا منطقه الاكروبوليس     ترا قاعدين نتفاوض نصعد ولا لا خصوصا انه الصعده دري والاصنصير لازم تقرير طبي   وبعد المفاوضات تم الصعود يا ويلي ويلاااه  الاكروبوليس هي هضبة صخرية عالية وسط اثينا . مصطلح اكروبوليس يأتي من صفة ('عالية، وارتفاع ") و اسم (بوليس" مدينة أو بلدة ")، وهذا يعني" المدينة العليا " . وهو معبد يوناني قديم يقع في العاصمة اليونانية اثينا على قمة تل، يعد من أشهر المعابد اليونانية القديمة وكلمة أكروبوليس Acropolis كلمة يونانية قديمة تعني المدينة العالية، وقد اعتاد اليونانيون القدماء لبناء أكروبوليس لكل مدينة ذات أهمية، وكان الأكروبوليس في أثينا له الشأن الأعظم من بين جميع المعابد في المدن اليونانية القديمة، وفي حالة الغزو الخارجي كان اليونانيون يتخذون الأكروبوليس قاعدة حصينة يقاومون القوات الغازية حتى النهاية.  في نوعين للتذاكر في بسعر 12 يورو واتدخلنا تقريبا 7 اماكن تاريخيه مثل : الاكروبوليس - المسرح - معبد زيوس - المكتبه الوطنية وجم شي مااعرف اساميهم . والثانية بسعر 6 يورو بس للاكروبوليس احنا اخترنا اللي ب 12 يورو طبعا تعبنا وتهاوشنا واحنا صاعدين  وهذيل الصور اللي صورتهم  اللي صار واللي خلانا نقرر نصعد ترا اهم الشياب والعياييز لان كنا نتطنز على اعمارنا نقول احنا شباب وموقادرين وهذيل ولاهامهم وشكبرهم وصاعدين يعني صار في تحدي هذا المكان تشوفون اثينا منه  هذا المسرح من ضمن التذكره اسمه the theater of dionysus من المسارح المفتوحه في اثينا وتقام عليه مهرجانات تكريم لالهتهم ديونيسوس اللي مسمي المسرح عليه ويشيل هالمسرح 17000 متفرج ..    بعد ما متنا من الحر ومطر خفيف نزلنا المتحف للاكروبوليس وسعر الدخول 5 يورو   ولا هامهم ش واحنا عيونا وحالتنا حالة  لقطت جم صورة بالخفا   الليقو بالمتحف     انتهينا من المتحف وطلعنا ناخذ الباص اللي يودينا مينا بيرايوس piraeus prt مينا اثينا القديم ويعتبر من اهم موانئ العالم الى وقتنا الحالي وتم بنائة في القرن الخامس قبل الميلاد ..       وهذيل صور من منطقه المينا  هذا احد الملاعب اللي عندهم    اهني اكادمية ومسوين عرض للازياء    نزلنا بس ماحبينا المكان ماعرفنا وين نروح سأل اخوي رفيجه وقاله خل يروحون هالمنطقه ميكروليمانو mikrolimano وخذينا تاكسي لي المنطقه منطقه حلوه وكلها مطاعم بحرية   قعدنا في هالمطعم    راح ازعجكم اشوي بكثرة الصور  على شط بحر الهوا رسيت مراكبنا   رسينا يا شواطي الشوق رسينا والاماني فوق    |
|
|
|
|
12-22-2017, 02:39 PM
|
#29 | |
|
رد: كل انسان يصبح شاعرا اذا لامس قلبه الحب - اليونان
  المقبلات       المفروض نطلب سيباس يس مافي للاسف واكتفينا بالريبان    وفاتورتنا  وهذيل صور خارجية      ورجعنا منطقتنا بعد هالرحله حاشنا اليوع رحنا دشينا هالمحل وبعدين شرينا عشا من ماك وردينا فندقنا   واحنا طالعين من ماك ولا نشوف هالمظاهره اعتقد كانت عشان بعد عن ازمتهم الاقتصادية صورة هالصورتين ودخلنا فندقنا تعشينا ونمنا ..   وانتهى يومنا الثاني في اثينــــا ومابقى شي على نهاية التقرير |
|
|
|
|
12-22-2017, 02:43 PM
|
#30 | |
|
رد: كل انسان يصبح شاعرا اذا لامس قلبه الحب - اليونان
اليـــــوم الثـــالث في اثينــــا اليـــــــوم التــــاســع من الســـــفره درجة الحراره  الـــريـــوق     البرلمان والتبديل    الملعب الاولمبي من بعيد ورا البرلمان    اليوم كملنا باجي التور بالباص   معبد زيوس من برا temple of zeus   معبد الالهه الاولمبية زيوس ويعتبر اكبر المعابد في اثينا https://en.wikipedia.org/wiki/Temple_of_Olympian_Zeus,_Athens    البرتقال محذف ماادري افندي    هذي المحطة اللي عند البرلمان     وهذا مكتب رئيس الوزراء في هالمكان  الملعب الاولمبي    هذا نسيت شنو     المكتبة الوطنية   بالاتجاه الى ساحة اومونيا omonoia  متحف الاثار الوطني - national archaelogical museum   ساحة امونيا          لليوم بقية اتفطر واكمل |
|
|
|
|
| مواقع النشر (المفضلة) |
| الكلمات الدليلية (Tags) |
| لامس, الحب, اليونان, اذا, انسان, يسبح, شاعرا, قلبه, كل |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
| أدوات الموضوع | إبحث في الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اليونان بشمسها المشرقة وطبيعتها الهادئة | السعيد | رِيَاض إبْنُ بَطُوطَة لِسْيَاحَة والسَفَر | 0 | 08-23-2018 03:45 PM |
| و كل شيء يسبح بطريقته و لغته ... | ناصح أمين | رِيَاضٌ رَوحَانِيَـاتٌ إيمَـانِيَـة | 6 | 01-15-2018 10:55 AM |
| لماذا يصبح مذاق الطعام مراً بعد تنظيف الأسنان | آفراح | ريآض إبن سينآ لطب والصيدلة | 5 | 11-02-2014 11:58 AM |
| كولومبيا تفوز على اليونان بثلاث أهداف | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 3 | 07-17-2014 02:25 AM |
| لايوجد انسان بلا قلب ولا قلب بلا انسان | سجى | رِيَاض الدُرَرُ المَنْثُــورَة .. " للْمَنْقُــول" | 4 | 05-21-2013 06:10 PM |
