أحب فيك,,وأكره منك

(أحب فيك الكلمة الراقية الجزلة ،، وأكره منك الكلمة الضعيفة الهزلة)

الحب والكره في حياتنا موجود
نحب الوافي ونحترمه ونجله





ونكره عالم النكران والجحود
ومن صفحات حياتنا نمسح سجله




نحب اللي بوجودنا له وجود
ونكره اللي لوجودنا منكرٍٍ له




نحب اللي للعذراء سد من السدود
ونكره اللي للعذراء يتحيّن الزلة




نحب الجواد اللي بجوده يجود
ونكرة الجواد اللي يجود بمذلة

(أحب فيك لذة الشبع للجايع ،، وأكره منك مالح الماء للعطشان)

أحب فيك السؤال الدائم
وأكره منك التعنت الصبياني

(أحب فيك وصال الأحبة ،، وأكره منك جفا بلا سبب)

(أحب فيك خطواتك مدروسه ،، وأكره منك خطاً تجلب لك الفوضى والحوسة)

( أحب فيك ثقل يبوح بالوقار والهيبة ،، وأكره منك خفةٍ كل ماتلقاه تخمه توديه تجيبه)

( أحبك فيك لسانٍ يصرف الدرر ،، وأكره منك لسانٍ يجلب لك الضرر)

( أحب فيك للقيّم استقبال ومرسال ،، وأكره منك عنها في جفا وإنعزال)

( أحب فيك لكل ايجابي مقبل ومتجدد ،، واكره منك في عالم الأحلام نايم ومتمدد)