رحــلــتــي الــثــانــيــة إلــى مــالــيــزيــا (مــايــو 2015

اليوم التاسع (28 مايو 2015)

قعدنا الصبح من النوم وتفطرنا في مطعم الفندق، وبعدها بدلنا ملابسنا وذهبنا إلى الشارع اللي بجانب الفندق ندور على سائق لأخذ جولة في بينانج، وبعد البحث حصلنا على سائق هندي وقال راح أحسب لكم الساعة بـ (25) رينغت، قلت له أوكي، قال وين تبون تروحون، قلت له نبي نروح حديقة الفواكة وحديقة الفراشات وحديقة التوابل ومتحف الألعاب وهضبة بينانغ، قالي أول شيء حديقة الفراشات مغفلة للتوسعة والتصليحات، وحديقة الفواكة ما أنصحك تروح لها لأن هالفترة مافيه فواكة كثيرة وراح تدفع (40) رينغت على الشخص بدون فايدة، قلت له عيل ودني أول شيء متحف الألعاب وبعدها ودني هضبة بينانغ، قال أوكي، وركبنا معاه وأخذنا إلى متحف الألعاب وهي صور المتحف من الداخل.

وبعدها طلعنا من متحف الألعاب، وتوجهنا إلى هضبة بينانغ وهذي صورة من الطريق


وهذي مكان بيع التذاكر


وهذي المدخل


والآن مع باقي الصور للصعود إلى الهضبة
























































































وبعدها طلعنا من هضبة بينانغ، وكنا حدنا يواعه، وقلت حق السايق ودنا مطعم شيليز اللي في المجمع، رد قالي عندي مطعم عربي وايد زين تبون تروحونه، قلت له لا ودنا شيليز أحنا يواعه وما فينا شده نجرب، قالي أنا أضمن لك أنه يعجبك، وإذا ما عجبك بوديك تشيليز، قلت له أنزين ودنا، وهذه صور من الطريق إلى المطعم ويبين فيه سقوط المطر علينا وأنا في الدرب








وهذي صورة للمطعم من الخارج ومثل ما باين أسمه سوريانا


وهذي صور للمطعم من الداخل










وهذه صور لقائمة الطعام


















هذه صور للطعام اللي طلبناه













وبعد ما تغدينا وكان الغداء متأخر بعض الشيء، صار غداء عشاء، رجعنا إلى الفندق بعد ما غلب علينا التعب، وريحنا شويه في الفندق وبعدها فليل تمشينا في السوق الصيني القريب من الفندق وبعدها رجعنا إلى الفندق للنوم
وإلى هنا أنتهى برنامج هذا اليوم، ونلتقي بكم قريباً في الجزء التالي للحديث عن اليوم التالي في بينانغ

اليوم العاشر (29 مايو 2015)

طبعاً هذا اليوم كلش ما طلعنا من الفندق، واستغلينا وقتنا في الأستمتاع بمرافق الفندق من الصبح وحتى المغرب، حتى الغداء والعشاء أكلناه في الفندق.

قعدنا الصبح شويه متأخرين، ونزلنا بسرعة للفطور علشان نلحق عليه قبل ما يسكر المطعم، والحمدلله لحقنا على آخر شيء ، وأفطرنا سريع سريع لأنهم كانوا يبون يسكرون المطعم ويجهزون للغداء وبعدها صعدنا الغرفة، ريحنا شويه وبعدها بدلنا ملابسنا ولبسنا ملابس السباحة ونزلنا على الساعة (1:00) تقريباً إلى بركة السباحة، وتمينا تقريباً لين العصر، وبعدها طلعنا من بركة السباحة وتوجهنا إلة شاطئ البحر، وقعدنا على البحر أنا سبحت في البحر ولكنه يخوف الصراحة الموج قوي والبحر غزير، واليهال شريت لهم ألعاب مال الرمل وقعدوا يلعبون على الشاطئ، وبعدها قعدنا نجوف الناس اللي يلعب في البنانا بوت، واللي يركب البارشوت، واللي يركب الدونت، لين الغروب، وطار الوقت بسرعة من الأنشطة البرامج والوناسة، ويوم ظلم الوقت شويه رجعنا غرفتنا، وبعدها سبحت أول واحد ورحت أشتري عشاء لليهال من ماكدونالز علشان ألحق عليهم قبل ما ينامون لأن خصلت طاقتهم اليوم من البركة واللعب في الرمل.

وطبعاً لأنه كان آخر يوم لنا في بينانغ، فبعد ما تعشينا ورقدنا اليهال قعدنا أنا وأم العيال نرتب أغراضنا ونسكر شناطنا لأن طيارتنا يوم الثاني الساعة 12 الظهر، ولازم نكون في المطار قبلها بساعتين على الأقل، وغير مسافة الطريق، فيعني لازم نقعد من الصبح.

لكون هذا الجزء قصير ومافيه أي تصوير محدد لهذا اليوم، وكانت جميع أنشطة اليوم في الفندق، لذلك خصصت في هذا الجزء أني أضع تقرير متكامل عن هذا الفندق (جولدن ساندس باي شانغريلا) بحوالي تقريباً (280) من كاميرا السوني وكاميرا القوبرو، وإليكم الصور :

والآن مع صور كاميرا القوبرو