| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
03-12-2018, 10:17 AM
|
#21 | |
 
|
رد: سحرني حلاها و قلبي هواها و ابتلى ( الكويت 2015 )
نكمل باقي السبا و حمام السباحة المقهى الصغير    و هذا اعتقد جاكوزي فوق   جلسة عند الحوض  قبة الفندق  نادي آخر مختلط   الاطلالة و الابراج واضحة    ملاعب تنس و طائرة    الكورنيش  على يمين الفندق  و هذا مطعم لونوتر و كان خاطري اتريق فيه بس ما صار  حمام البخار    المغاسل  الشاور  |
|
|
|
03-12-2018, 10:19 AM
|
#22 | |
|
رد: سحرني حلاها و قلبي هواها و ابتلى ( الكويت 2015 )
و الحين هذا الجزء خاص و مهم للسيدات و يا ريتني اكتشفته من اول يوم
  صالون نسائي متكامل    غرف للفيشل و المساج و البديكير و و و و و و و       الديكورات بروحها تجنن      ان شاء الله يكون المكان عيبكم  و اللي معزومه على عرس تحجز في الفندق و بتلقى كل شيء متوفر  هذا الطابق من الصبح لين الساعة 2 الظهر مختلط و من الساعة 3 يكون للسيدات فقط و هذا بين الغرف  غرف الفندق   الدرج  رديت الغرفة و الشباب بعدهم نايمين و نشوف درجة الحرارة  |
|
|
|
|
03-12-2018, 10:21 AM
|
#23 | |
|
رد: سحرني حلاها و قلبي هواها و ابتلى ( الكويت 2015 )
نشوف الاطلالة من الغرفة
 يا سلالالالالالالالالالالالالالالالالالام الجو خووووورافي   اليوم كان من اجمل و احلى و اروع الايام و باجر مغادرين  تجهزنا و اتجهنا لسوق المباركية و لازم ما نفوت هاليوم بالاستمتاع  مطر مطر مطر     الابراج ما تبين من بعيد   جربنا من الابراج و من صوبي واضحين  الشوارع يا زينها زيناه   وصلنا المباركية و يا حلات الجلسات في هالجو   يلسنا في مطعم الامير   شوفوا المطر على يمين العمود  طبعا الناس كلهم يدورون المطاعم اللي فيها مظلات  طلبنا بيض و طماط خصوصي  مشلتت جبن كرفت و عسل و صحن مسبحة  غوري شاي حليب  الحمدلله خلصنا و اذن الظهر صلينا في مسيد السوق عشان اليوم ما بنرجع الفندق لين اخر الليل الديوانية و يجتمع فيها الرجال يلعبون الدامة و الكيرم و يشيشون  دخلت اسحب من مكينة الصرافة و شفت وحده مسكينه قاعده تتحرطم و تقول كل المكاين ما فيها فلوس قلت بجرب حظي و نفس الشيء ما عطتني المكينة  و تذكرت انه عندي 1000 اماراتي و سرت اصرفة  |
|
|
|
|
03-12-2018, 01:55 PM
|
#24 | |
|
رد: سحرني حلاها و قلبي هواها و ابتلى ( الكويت 2015 )
و الحين نبدأ وياكم في الاجواء اللي عمرنا ما بننساها  شوفوا الارضية  و هني واضح غزارة المطر  يا جماااااااالو   الناس مختفين عن المطر لانه ما شاء الله ينزل بغزارة    كنا نبغي قرص عقيلي من حلويات الشمالي و قال ما عندهم و بيوصل الطلب الساعه 12 و يلسنا ننتظر و شفنا مصري ماسك غوري شاي سالنا من وين قال مطعم ورا الصرافين و هو كان يشتغل فيه و قلنا نبغي واحد بعد اذنك تجمدنا من البرد  و حلات الفحم في هالجو للدفى  و بعد ما اشترينا حلويات طلعنا من السوق و توجهنا لبرج الحمرا  درجة الحرارة و الساعة   و مستحيل امشي من الكويت و ما آكل في شوكليت بار  نشوف جزء من المنيو     طبعا شوكليت بار الكويت غير عن دبي و اكلهم لذييييييييييييذ   المشروبات     طلبت تركش كوفي  اهداء لاحلى الاعضاء و المتابعين  كاندي بار بس الشوكليت بارد و احنا يواعة  كراميل بودينج و هذا اللي يخليني اتعنى حق شوكليت بار  |
|
|
|
|
03-12-2018, 01:58 PM
|
#25 | |
|
رد: سحرني حلاها و قلبي هواها و ابتلى ( الكويت 2015 )
و هاي صور من المجمع    المول هادي و صغير و حبيته بصراحة ما تمشينا فيه طلعنا و الجو ممطر ما قدرت اصور برع طبعا اذا زرت الكويت عندي كم مكان لازم كل مرة ما افوته و منهم مركز السلطان للتسوق و هالمرة كنت ادور نمكي ( بفك ) و شيبس صناعة الكويت و ما حصلت في فرع السالمية قلت بشوف فرع ثاني و حطيت الاحداثية في القارمن و مشينا   حديقة الشهيد و كان خاطري ازورها    حصلنا فرع في الشويخ و مكتوب سوق الجملة و زوجي يقول هذا مب مركز السلطان بس في القارمن يطلع مركز السلطان و سالناهم قالوا هذا هو مركز السلطان للجملة و بصراحة وايد حبيته كبير و كل شي فيه مثل ايكيا و حصلت اللي ابغيه  و للاسف نسيت اصور و بعدها اتجهنا لديسكيفري مول و هو مناسب للاطفال اكثر حصلت مطعم ريوق و صورته بس ما يفتحون غير الصبح     ديكورات المطعم    جلسات المطعم  لعبوا اليهال شوي و اشترينا عشاء تيك اوي و طلعنا المول كان واااااايد زحمة و عندهم ديب اند ديب شوكليت و كان خاطري فيه  بس ما شيء مكان و كنا خلاص تعبانين و لازم نرجع نجهز الشنط ردينا الفندق و خف المطر و حطينا الاغراض في السيارة تحسبا لسقوط المطر في الصباح و خلص يومنا و اشوفكم في يوم الوداع  |
|
|
|
|
03-12-2018, 02:02 PM
|
#26 | |
|
رد: سحرني حلاها و قلبي هواها و ابتلى ( الكويت 2015 )
اليوم السابع
الجمعة 25 / 12 / 2015  اصعب اللحظات لحظة الوداع اليوم بنغادر الكويت الحبيبة بصراحة ما شبعنا منها لكن الارتباطات منعتنا من المكوث اكثر صحينا و نزلنا نتريق في الفندق و ما صورت غير هالصورة  صحن فول و شوية جبن و مافن و العيال كورن فليكس طلبت اومليت لكن تأخر في الوصول المكان مزدحم و الناس واقفة تنتظر طاولة تفضى رجعت الشقة و خذنا شور و جهزت الشاي و القهوة و ظبطنا امورنا و هاي الاطلالة   و نزلنا بس قبل ما اطلع سألني موظف الاستقبال كيف كانت اقامتكم قلتله تمام التمام بس للاسف يا ليت لو تحطون غسالة للثياب للاقامات الطويلة مثلنا  قال الغسالة موجودة في الشقق اللي فيها غرفتين بس شقتكم ما فيها مجال عشان نظيف غسالة انزين السيشوار مب متوفر و هذا مهم خاصة في الشتاء قال لازم تطلبين و نعطيج  عموما في السفر لازم السيشوار يكون وياية عشان العيال لا يبردون و يمرضون انطلقنا على بركة الله و الوجهة الدمام معزومين على الغدا  الحمدلله ما شيء زحمة   و هني الماي متجمع من مطر امس  صلينا في المسيد اللي على طول بعد الجمارك عشان ما نتاخر على الجماعة و احنا اصلا متأخرين  و الحين نشوف صور من الطريق و الماي ما شاء مسوي بحيرات      قبل ما نوصل الدمام بنص ساعة نزل المطر    درجة الحرارة  وصلنا بعد اربع ساعات للدمام و على طول حطوا الغدا الناس يواعة و احنا اكثر بس ما صورت شيء |
|
|
|
|
03-12-2018, 02:06 PM
|
#27 | |
|
رد: سحرني حلاها و قلبي هواها و ابتلى ( الكويت 2015 )
الحمدلله خلصنا الغدا على المغرب و عادي متعودين في الدمام نتغدى بهالتوقيت
و بعد العشا سرنا محل القناص و هذا اللي خلاني اوافق امر الدمام  الشوارع و هي غرقانه بالماي   وصلنا القناص و طبعا اغلبه رجاااااااال بس فيه كم حرمة و انا بينهم الكم الصور     جدور الضغط اخاف منهم     سوالفهم حلوة و الحين نشوف هذيل حصلت منهم في قطر بس سعرهم الدبل   هذيل سوالف الكويت    الغاز و سوالفه    بس انا احب الطبخ على الحطب و الفحم لهم متعة خاصة و هذا في موضوع اخونا طارق كنت اسألة من وين و الحين حصلته بس ان شاء الله برجع و بشتريه  و هاي الدلة حق عشيرة بأكملها و سعرها 950 ريال  الطابق اللي فوق حق الخيام و الديكورات و الاخشاب و الجلسات       خذت اشياء بسيطة للبر و ما كان عندنا مكان اضافي رجعنا البيت و الجماعة ما قصروا عشونا مشاوي و بتنا عندهم و ثاني يوم الصبح انطلقنا الى قطر و مسويلي ريوق سبيشل  و في الختام اتمنى اني كنت خفيفة عليكم و انكم استمتعتوا ويايه في رحلتي اللي ان شاء الله راح تتكرر اذا الله احيانا دمتم في حفظ الله و رعايته  |
|
|
|
|
| مواقع النشر (المفضلة) |
| الكلمات الدليلية (Tags) |
| 2015, الكويت, ابتلى, حلاها, سحرني, هواها, قلبي |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
| أدوات الموضوع | إبحث في الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رحلتي الى البحرين و الكويت | السعيد | رِيَاض إبْنُ بَطُوطَة لِسْيَاحَة والسَفَر | 4 | 11-18-2018 03:26 PM |
| الكويت ،،، 2018 ،،، | السعيد | رِيَاض إبْنُ بَطُوطَة لِسْيَاحَة والسَفَر | 7 | 09-01-2018 07:05 AM |
| سحرني حلاها و قلبي هواها و ابتلى ( الكويت 2015 ) | السعيد | رِيَاض إبْنُ بَطُوطَة لِسْيَاحَة والسَفَر | 20 | 12-25-2017 08:53 AM |
| دليل الكويت الشامل | السعيد | رِيَاض إبْنُ بَطُوطَة لِسْيَاحَة والسَفَر | 1 | 12-25-2017 07:52 AM |
| شاليهات سما يا سنا الكويت | السعيد | رِيَاض إبْنُ بَطُوطَة لِسْيَاحَة والسَفَر | 7 | 12-06-2017 12:18 PM |
