| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
01-23-2018, 09:29 AM
|
#41 | |
 
|
رد: بلادكم حلووة حلووة ..بس الوطن ماله مثيل
هذا سبب نحشة يوسف .....هههههه ينقمت من الزحمه فيه ربو
 وقفنا هني مدة نصور البيج بن ..وعين لندن من الجسر             نزلنا الدرج ووااي بدأت الزحمة       كنت مهمتة بتصوير الشبات او اعمدة الانارة للانستغرام لقيتهم الصراحة فن رهيب  لعبة رعب .........لا يحوشك          الاكواريوم .....ما دخلناه لاني سبق دخلت اللي ببلاكبول ودخلنا اكواريوم برايتون   ونموذج اخر من تعويذة الاولمبياد  شاااااامخة دائمااا     |
|
|
|
01-23-2018, 09:31 AM
|
#42 | |
|
رد: بلادكم حلووة حلووة ..بس الوطن ماله مثيل
من الالعاب المتنقلة اللي كانت موجودة عند آي لندن   احاول اني اصورها كلها بس ما صارت      بعض الناس افترشوا الارض  وقفنا بالطابور بعد حجز التذاكر  ومن كبسولة لندن آي هذه الصور ....ان شاءالله تعجبكم   واذكركم نقصوا من الوقت اللي بالصورة ساعتين لان توقيت الكويت الموجود بالكاميرا شوفوا الزحمة تحت      |
|
|
|
|
01-23-2018, 09:37 AM
|
#43 | |
|
رد: بلادكم حلووة حلووة ..بس الوطن ماله مثيل
     من اعلى نقطة     تصوير غنومة ثلاثة صور اخترتهم لكم    تصوير دانه  منظر عام النهر  محطة القطار  المدينة وفيها المباني القديمة والحديثة   من عمل نفس الشركة  الكبسولة اللي ورانا صارت فوق  المغيب........بس ما ظلمت الدنيا بعد    جهاز ايباد للمعلومات للمنطقة المحيطة بلندن آي  شوفوا يعلمونكم ان في هذه النقطة تبتسمون للكاميرا علشان صورة تذكارية ولما تنزلون تروحون للمحل وتشوفون صورتكم عجبتكم وتبون تشترونها عطوهم بس الرقم اللي ظهر بالشاشة وهم يطبعونها لكم احنا صورنا واخذناها للذكرى........تصويري بكاميرة دانه  بعد هالجولة الحلوووة بعين لندن .......قررنا الرجوع لاجوررود لان ابوحسين عازمنا على العشاء وينتظرونا هناك اهو والشباب هني صور من الباص.........واليابانين يحمسوون على التصوير بكل مكان  البيج بن    شاشة الباص وتشوف فيها تصوير كاميرا المراقبة للطابق العلوي واللي تحت واللي على الدرج  شايفين الجهاز اللي لازم تمرر الكرت عليه وراح يشب ليت اخضر يعني البطاقه صالحة .....اذا ما شبت يعني البطاقة منتهية   المطعم من اختيار ابو حسين مطعم لبناني .......نسيت اسمه اهو اول الاجور رود من جهة الماربل ارش يا اللي يعرف اسمه  ووصلت طلباتنا صحنين تبوووله لذيذة  صحنين ورق عنب   صحنين حمص   ووردة حبنا ......في بنات بوسنيات صغار يبيعون ورد الوردة بتو باوند بوحسون شراها لي  يت بنت ثانية صغيرة حبيبتي كسرت خاطري راحت حق يوسف علشان يشتري منها يقول لها نو نو ردت عليه تو باوند ......يرد عليها نو نو ..........وهي بعد شوي تبجي توووو باوند والله ما شرى منها يوسف اقوله حرام ......يقول ما عليج منها ........بس يوسف ما عنده كيري ميري ناديتها انا الا راحت والحمدلله شروا منها طاولة ثانية  طبقي عرايس.....اخر طبق وصل حارقينه شوي خخخخخ بس لذيييييذ  سامحونا على تصوير بقية العشاء البنات طلبوا عيش ومرق باذنجان طبق واحد بين ثنتين وطلب بوحسين كباب ومشويات مشكله ويوسف ياكل معانا لانه مثل ما تعرفون ما يقدر ياكل وايد من التكميم حسين مشويات مشكلة وهذا حال حسين اذا ما راح المباريات قعد بالقهاوي العربيه   واخليكم يا أحلى متابعين  |
|
|
|
|
01-23-2018, 09:44 AM
|
#44 | |
|
رد: بلادكم حلووة حلووة ..بس الوطن ماله مثيل
الجزء الثامن عشر السلام عليكم اليوم الرابع في لندن في هذا اليوم سمعنا ان في كرنفال قريب من الكوينز واي فقررنا انا نروح بهاليوم هناك والكرنفال بيبدأ على الساعه 12 الظهر ثنتين من البنات قاعدين الصبح مبجر ورايحين يتريقون في ماكدونالدز وبعدين متمشين بالاكسفورد شوية  ارجعوا حطوا اغراضهم بالغرفة وبعدين طلعنا معاهم انا وبنتي الثانية وتواعدنا مع بوحسين ويوسف ....اللي رايحين يتريقون بمطعمهم بالكوينز واي اما حسين نوووم بالفندق ...على اللقاء بالكافيهات اللي مقابل الهايد بارك بالكوينز واي احنا نزلنا من الباص والا زحمة وشرطة وتنظيم بس مو هني الكرنفال لا بالشارع الثاني ..........كانوا الشرطة يوزعون منشورات عن الكرنفال اخذنا منهم ورحنا نتريق انا ودانه وهذا ريوقنا وكان مطر ومحد قاعد على الكراسي .......بس احنا لقينا مكان مظلل برررررد كان ......طلبنا غنومة لازم  وانا لازم ريوقي كرواسوون بالجبن حرقتها لي او حمشتها لي بس لذيذة  دانه باعتها تقول ما كانت تشتهي العشا وكانت يوعانه مو قادرة تصبر  المهم بعد ما وصلو الشباب قلنا لهم خلاص ما نبي نروح الكرنفال ليش ؟؟ قلنا لهم على اللي مكتوب بالورقه عنه : اولا: لازم تديرون بالكم على جميع اغراضكم الشخصية ودايما انتبهوا من السرقة.....ولا تلهون بالتصوير وتنسرقون ثانيا: لا تتركون عيالكم بالارض شيلوهم يمكن ينداس عليهم او يمكن ينخطفون ثالثا: تماسكوا مع بعض لان ممكن الجماهير تمشي مع الكرنفال وتروحون وطي هههههه رابعاا : شفنا هيبز بكثرة والبنات خافوا منهم ان راح يكونون حوالينا بالكرنفال وخامساا : وهذا الاهم بالموضوع كله ان الكرنفال طلع للمثليين ...عرفتوهم يعني ابوحسين قالها بسرعه لا يحوووووشك خخخخخخخخخ طبعا احنا هالقرار اخذناه اول ما شفنا البرشور مالهم بس انتظرنا الشباب لانهم كانوا بالطريق لنا قررنا بوقتها ان نروح الويست فيلد الجديد ومكانه عند القرية الاولمبية وهذا موقعهم من النت http://uk.westfield.com/stratfordcity/ اخذنا تاكسي لان الباص ما نعرف اي باص يوصل هناك وبعد المنطقة بعيدة اسمها ستراتفورد وهذه صور من الطريق اول شي .....صورة للعائلة المالكة   سامحوني الصور عوية يعني مائلة شوي لاننا بالسيارة    وصلنا وشفنا هالاشكال بطول الشارع من الجهتين   وهذه محطة ستراتفورد   وهذه صورنا هناك........هني اول ما وصلنا والا انا اقول واويلااااااااااااه كل هالدريات ماني لاعبة اولمبياد ههههههه..........لا وحظي في سلالم متحركة بس واقفة قلنا يلا نركب بعد شنسوي   الممر بعد الدرجات للويست فيلد مول     وهني ديزني ستور وغنومة تسترجع الطفولة    وهني سينما وركن يلعبون فيه اليهال على ما تخلص الام من المشترى  اكيد عرفتوه البريمكاك  هذا حلووووو اي واحد يخلص شحن موبايله في هالخزانات تلاقي شحن لكل الانواع وترى الشحن من نفسك انت المسئول عنه وبعد ما تحط تلفونك تقفل بالمفتاح وتاخذ المفتاح واذا رجعت تاخذ تلفونك تترك المفتاح عليه وهو مجاني .........جربناه  وترحيب بكل لغات العالم ومن ضمنهم اللغة العربية ما قصرواا  جعنا الحين ووقت الغدا حان وعصافير بطنا نص وصوصه ههههههه قعدنا ببيتزا اكسبرس مع ان في مطاااعم وووايد ومتنوعه هندي وايطالي وامريكي وكلها مطاعم راقية بس ما كان ودنا وجربنا نقعد بمطعم هندي ........بس باخر لحظة غيرنا راينا مو مشتهين دسوومة وبهارات هنديه وهذا مكانا  ودانه طبعااا بتحلي خلاص تقول مو يوعانه طبعااا للتصريف .....احلى مشروب  واحنا بيتزااا وحدة دجاج ...........ووحدة خضار ومكثريييييين البيديان  وسلطة  طبق بيديان باللحم المفرووم والصوص العجييييب...........بسم الله بيديااااان اكسبرس عجيييييييب  طلع حسابنا بحول الاربعين باوند تقريبااا الذاكرة مييييح والفواتير تكرمووون المطاعم كلهم احذفهم لان ما فيهم تاكس فري هههههههههههه بعد الغدا قالت دانة وغنيمة نبي ندش فيلم كرتوني راحت معاهم اختهم تقص لهم وتدخلهم السينما وانا قعدت بالمطعم لين ردت لي وهذا تصويرهم بالسينما   وهذه بطلة الفيلم .........ويوم امدحووه لي شفته بالطيارة واحنا راجعين ....ولا بالاخير قمت انام واقعد اشوف وارد انام لحد ما خلصت حربهم بالفيلم  عاد الحين بدأت ام حسين بالبحث عن الجنطة ما ابي غاليه واايد اتحسف اشيلها كل مكان وما ابي رخيصه حييل عاد ومشينا ندور ............وقبلها قلنا بنروح القريه الاولمبيه نتمشى واصور لكم الحدث خخخخخخخ طلعت مسكرة لانهم يجهزون لاولمبياد المعاقين اللي بيكون باجر....يعني بكرة عندهم وهذه القريه الاولمبية تحت وهذا طريقها من المول صورتها لكم من فوق ....شوفوا الملاعب جدام ....مع النصب التذكاري كأنه سكة قطار الموت او الافعوانيه ملتويه من فوق   رست تورانت ........مطعم شكله حليوووو بس لان احنا شبعانين     |
|
|
|
|
01-23-2018, 09:55 AM
|
#45 | |
|
رد: بلادكم حلووة حلووة ..بس الوطن ماله مثيل
التنظيم والبساطة تجتمع هني واحترام القانون  النصب التذكاري  شوفو الشبات .....اعمدة الاضاءة.......انا متعمدة اترجم لهجتي لكم لان مو للي ما يعرفون اللهجة لا للي تخلوووو عن لهجتهم المحلية .........يعني احناااا وااااو وشوفوا بوابة الويست فيلد اللي كنا طالعين منها وخلفي صار القرية الاولمبية   برادا عجبت بنتي جنطة بس ما حصلت اللون اللي تبيه   هذا مثل الشلال ينزل منه ماي خفيف في جلسات تحته قعدت وبنتي راحت تشوف المحلات اللي يمه خلصنا من بره وما شرينا شي يلا يا شباب امرووو وتدللوا    ملاعب او استراحة اطفال تحت بالسرداب وانا مصورتها من الطابق الثالث   وتعبت من التفرفر قلت حق بنتي خليني وروحي انتظرج هني مع الصحبة الاسيوية  شوفوا السقف رووعه   جون لويس ......تصدقون هالسفرة احس ما شرينا وااايد من هالمحلات الكشخه بس لبس العيد طبعااا عيد الاضحى اخذنا منهم والا باجي شغلات كل المحلات يا بوهم بالكويت وبالخليج   هذا المحل عجييييييييبه عنده الاحذيه النسائية شوفوها عدل ما شرينا لان اللي عندهم كله كعوووب عاليه كانت والواطية مو ذاك الزود  رحنا ننتظر البنات لما يطلعون من السينما قعدنا تحت عند شاشات تعرض الافلام المعروضة وتاريخ عرض الجديدة    هذا فيلم البنات اللي داشينه بريف  قالت لي بنتي تعالوووا عند محل الكب كيك رحنا لها بهالمحل اللي دش بمخي بالفرفرة انه محل الكب كيك .....يا حلووه شغلاته بس ما شرينا منه شي لان عندنا تقريبا نفسه بالكويت.......وهذه فترينته انتبهوا على القوري وهو يصب بالكوب ......كل المحل تقريبا بالوان العلم البريطاني   وطلع اللي تقصده بنتي بالدور الثاني وهذا اهوووووو  وقعدنا نحلي عنده طعم رووووعه محل صغير وشخص واحد يبيع فيه..........بس هذا  مدوووا ايدكم لا تستحووون ........يلا تفضلووو   وهذه طلباتنا اربع كب كيك واربع بيبسي   وما يصير اي شي يدخل البلعوم من غير البيبسي والماي  دانه تحب القصص ........واحنا قاعدين ناكل شفت مكتبه مقابل المحل قلت لها روحي شوفي ...........نسيناها اقول لهم يمكن قعدت تقرا قصص المكتبه كلها طولت طرشت لها غنومه .......ما ارجعت الثانية ولو تشوفون الوقت بين اخر صورة وبين تحركنا من محل الكيك راح تشوفون الوقت اللي قعدوه هناك بالاخير طرشت عليهم اختهم ........ردت قالت للحين ما اشترت قالت لهم بنمشي عاد الحمدلله رجعوا وراها ولا مو عاجبهم بعد يقولون ما خليتونا نشوف ........الوقت تأخر بهالفترة قعدت انا القط لكم جم صورة من ديكورات المحل  رووعه حق مطبخ    وهني بعد ما ارجعوا قلنا خلاص نرد الفندق  خليجنا والدول العربيه على الكرة الارضيه  وعلى الستارة  وعلى نفنوفي خخخخخخخ لحد يتطنز .........اي اي انت لا تتطنز ههههههههههههه  وهذا مساج مجاني وحتى الصغير له دور يا حليله والاهم شوفوا اللاعب الاولمبي....وشفنا الصراحة وايد شفنا من الامارات وتونس بس استحيت اصورهم طول ما حنا ماشين كانوا متواجدين شفت وحدة عجوووز لابسه لبس الحكام ومعلقة الكرت برقبتها  شفنا هالمحل ينووو عليه البنات ودخلة بالغصب طلعنا ببلوفرين وجنطة لابتوب .........اشكال حلوة وغريبه اي نسيت اقول لكم بيفتحونه بالافنيوز .......الله يعيني  ورجعنا بتاكسي   وشوفوا النصب التذكاري للقرية الاولمبية   كلفنا التاكسي للمنطقة 50 باوند رايح و50 باوند في الرجعه الحلوووو ان السايق في الروحة قال لنا هذه المنطقة بعيدة ليس تروحون الويست فيلد هناك خل اوديكم اللي بشبربوش قلنا له لا احنا نبي هناك للقرية بنشوفها........عندهم امانه ما يهمه الفلوس كثر ما تهمه مصلحة الراكب وهذه الامانه من زمان انا مجربتها بسواق التاكسي مرة وقفنا تاكسي والا حرمة تسوق........شفناها حبوبة ... قلنا لها نبي مدينة العاب بكرة تاخذينا عليها واعتقد كنا نبي ثورب بارك قالت لنا هذه بعيدة في وحدة اقرب بس انا ما اوديكم لها ما اقدر عندي ولدي وين اخليه طول اليوم قلنا لها يبيه معانا قالت ما اقدر .........المهم جيتنا ثاني يوم وودتنا لمحطة باصات وقصت لنا التذاكر وركبتنا الباص وقالت لنا بالساعه الفلانية تطلعون لان اخر باص يمر بهالوقت وكان وقتها عيالي صغار .........صج ما شاءالله عليهم ما تهمهم الفلوس بكثر الامانه  وهذا بروشر ......السوق    شرينا اغراض وايد تكرمون ملابس من بريماك وغيره من الاشياء وشنطة سحب حطينا فيها اغراضنا وشرينا من المحلات الثانية كمان احذيه وملابس وجنطة من باول بوتيك لغنيمة وصديقاتها دانه شرت بوك كذا شغله والله ناسيه بس تسوقنا عدل الصراحه وانا لقيت هالميداليات خمسه ب15 باوند  ونشووووفكم على خير يا احلى متابعين بأجزاء جديدة شكرااا لكم |
|
|
|
|
01-23-2018, 03:23 PM
|
#46 | |
|
رد: بلادكم حلووة حلووة ..بس الوطن ماله مثيل
الجزء التاسع عشر اليوم الرابع بلندن الصباح البنات تبرعوا يروحون مصبغة الملابس  واحنا ظلينا بالفندق انا ارتب الشنط لان غرفتي صارت مخزن غير غرفة البنات وبعد ما خلصنا رحنا البقالة واشترينا لنا ريوق الحين تشوفونه ....ورحنا الحديقة الايطالية فندقنا وبوابته  وهذه البقالة انا بس شفت هالبسكوت استانست لانه اللي موصيني على اني اكل منه العضو أحبك يا كويت ربي يرجعه سالم معافى ان شاءالله    وهذا ريوقنا انا ويوسف ودانه معاها عصير بعد حطوه بحضني علشان الصورة هههههههه  هذه النوافير جدامنا قعدنا بالظل     استبردنا بالظل .....رحنا عند البوابة الهلالية وقعدنا تحت الشمس هذه البوابة ترى الاسم انا مبتكرته خخخخخخخخخ  شوفو الشمس والظل مرة شمس ومرة ظلال الغيوم يغطي الارض    ورجعنا مكانا مرة ثانية لان الشمس حارة جدااا وربعنا للحين ما يوولنا شوفوا الشمس اشلون صارت والوقت صار الساعه وحدة الظهر   ساعة دانه يا هداوة من بريماك      يوسف رجع كم سنة ويبي يتدلع من الماما وينام على ريولها متغطي عن الشمس  تحت الشمسية   تجمعنا انا وابوحسين والبنات ويوسف وقررنا نروح محلات هارودز اول ما دخلنا تعرفون الريايييل بسرعه فروا الهارودز كله وقالوا بااااااي بنرجع الاجوررود اما انا والبنات قعدنا بهارودز على راحتنا    شريت جنطة مايكل كورس مع بوك بسعر 160 دينار كويتي .....ما حصلت كفر الايفون شرييته من البحرين  ومن هارودز اخذت كفر للايباد وكفر للايفون لونهم ذهبي شوفوهم   وهذا البسكويت بالزبدة هوم ميد روووعه دايما اشتريه بتوصية من اخوي من اول روحة لي هناك  |
|
|
|
|
01-23-2018, 03:29 PM
|
#47 | |
|
رد: بلادكم حلووة حلووة ..بس الوطن ماله مثيل
وهذا بعد حلووو.......خاص للاطفال ....والكبار ياكلونه عادي   البنات شرووا بعد شنط هارودز وشرواا اقلام شنط صغيرة للمكياج ......شنطتي طبعااا مو للمكياج ما احبه بس لكريم وعطرين ودهن العود وكلينكس ديتول او معقم      من ابرز الذكريات الهارودزيه ديانا ودودي الفايد     وذكرياتنا ......لاني تذكرتكم وانتم معاي بكل وقت يا اعضاء احلى منتدى  وهذه للاحتفال بالكريسمس ......مستعيلين   دباديب هارودز   وغنومة ملخت ايد الدبدوب علشان تصور  عطاني كرت هارودز صدرته مني بنتي   مكتب التاكس فري عند هارودز  هذه شفناها عند هارودز ...شمة حمدان  رجعنا بالباص للاكسفورد علشان نتغدى .....ونشوف ربعنا هذا غدانا كنتاكي وبعدين طلبنا ذرة   رحنا كوفنت غاردن .......كثر ما اسمع عنها اتمنى اروح لها ومن الاكسفورد مروراا بالطرف الاغر رحنا بالباص الى الكوفنت غاردن      شوفوا المبنى مغطى بطربال مرسوم عليه نفس المبنى المتوقع انتهائه.....حلوووو  |
|
|
|
|
01-23-2018, 03:39 PM
|
#48 | |
|
رد: بلادكم حلووة حلووة ..بس الوطن ماله مثيل
وااايد عجبتني الصور .....تدل على الماضي الجميل   حطوا البنات نقش تاتو على ايدهم قلنا حق غنومة سوي ردت علينا ما ابي هذا الريال يمسك ايدي لا ما ابي والا بعد مدة وانا اقول لها حطي مثل الحنه بيروح قال لها انتي ليش ما تحطين انا زعلان عليك طلع عربي يقول تونسي ههههههههه غنومة تقول اشوة اني ما عيبت عليه فشله قعدنا بالكافيه.......بطاطة غنيمه من الكشك مو من المطعم  شوفوا ما طلبت بيبسي هالمرة طلبت عصير برتقال  وكيكتي  دق علينا يوسف يبي يجي لنا وتولت الدليله بتوصيف وتعليمه الرقم للباص واي محطة ينزل وراحت تلاقيه واحنا قعدنا نتمشى وهني رسموا وجوهم بأقل من خمس دقايق .....لان صار لازم يسكرون غنومة  دانة   دخلنا داخل مثل الكافيهات وسوق فوق وتحت   فرقة موسيقية   وبعد ما وصل يوسف رحنا عند ناس مجتمعه وقعدنا معاهم    مجموعه مخلصه عملها التنكري وطالعة وصاحبنا البهلوان ما خلاهم يتحرش فيهم   اللي يونس بالقعدة هاليهال الاثنين قاعدين يمنا الكبير الا بيشارك ويجاوب......والصغير يصفق ويضحك  ياب هالعجل بيركبها  طلب هالجمهور ليساعدونه  وارفعوه بعد معاناة  وكاهو فوق.....طلب ولد راح صاحبنا سبقه واحد ورجع  وهذا الولد يحي الجمهور مثل ما طلب منه البهلوان وكان يرمي له ببطول البولنغ البلاستك......بعدين عطاه خمسة باوند   البيكاديللي....... ورحنا له بعد الكوفنت غاردن      .......التريكاديرو العيال يحبون المحل اللي عنده العاب المسلسلات الكرتونية والانيميز دانه شرت هالكتاب تقول بالمسلسل اللي يكتبون اسمه يعني راح يمووت............تقول حق يوسف اكتب اسمك ههههههههه قلت لها كتبي اسمي .....مسكينة مصدقه تقول لا لا قلت لها كل واحد يموت بيومه ومالج خص بهالتخاريف تقول اي ادري يمه بس شاريته وناسه بس ذكرى  وهذا خاتمها على ظفر وحية من كليرز  ومساج الاسماك للقدم ......جربناه انا ويوسف يدغدغ ههههههههه السعر 10 باوند   طريق العودة  لوحة البيكاديلي للاعلانات   حسين كان رايح للمبارة .... شوفوا ريوقه  درجة الحرارة  الجو وواضح لكم   التذكرة ...مبارة بين فريق كوينز بارك ريجنس ضد فريق والسال من كأس الاندية المحترفه .......النتيجة كانت 3/صغر لصالح كوينز بارك  وهذه المباراة الملعب لنادي كوينز بارك ريجنس .......عشر دقايق من اجوررود  موقع مكان مو قاعدين اهو وابوه       على الباصات  وعلى الجدران  هذا شكل الغرفة بعد الرجعه من بره غرفة البنات  هاليوم تعشينا شاورما من اجور رود بعد ما رجع ابو حسين اتصل فينا قال لا تتعشون انا بجيب لكم شاورما اللي يعرفه محله صغير ودايمااا طابور عليه من العرب تعشينا وسوالف ونوووم الى اللقاء بجزء جديد |
|
|
|
|
01-23-2018, 03:57 PM
|
#49 | |
|
رد: بلادكم حلووة حلووة ..بس الوطن ماله مثيل
صباحكم سيلفردجاوي السلام عليكم الجزء العشرون .....واليوم الخامس بلندن من الصبح قعدنا انا والبنات ودانه خليناها نايمة هذه تفضل النوم على السوق......الشباب نايمين بعد رحنا سيلفردج ويا حلووو الجووو برررد شوفو الفترينه مع المصممة اليابانية اللي صممت للوي فيتون هالسنه     يواااعه سيداا رحنا صوب الكافيهات والاكل    سامحوني التصوير هني بالايفون لان استحي اصور بالكاميرا    وكوكا كول  وهذا ريوقناا              اهداء لارماني ....ارماني كيدز ان شاءالله بالوليد يا ارماني      وهذه اهم مشترياتنا بهدا اليوم شنطة بنتي برادا الكبيرة وصديقتها كانت شاريه نفسها بعد.....تصوير بالدوام ههههه  وهذا عطوري من سيلفردج برادا وتوم فورد عود  وشريت هدايا لامي وخالتي عطر فالنتينو وهذا عطر بنتي حصري من سيلفردج  وهني بعد ما طلعنا طبعاا انا اقعد شوي بره لحد ما يخلصون البنات من عمل التاكس فري     |
|
|
|
|
01-23-2018, 04:03 PM
|
#50 | |
|
رد: بلادكم حلووة حلووة ..بس الوطن ماله مثيل
شوفو الجووو بدأ يغيم
    وطق المطر ركبنا الباص لحد الام اند امز  ولازم نريح بالجمال الايطالي     يوسف ودانه اقعدوا مكانا مال الريوق وينادونا احنا فضلنا نقعد على الكراسي   تصوير دانه بكاميرتي للورد   احلى ش تصوير الورود     تكرمون  دانه تطور من نفسها بالتصوير دانه وهي تصور        طيارة ودخانها     |
|
|
|
|
| مواقع النشر (المفضلة) |
| الكلمات الدليلية (Tags) |
| ..بس, ماله, أبدأ, الوطن, بلادكم, حلووة |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
| أدوات الموضوع | إبحث في الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| من أين أبدأ ... | ناصح أمين | رِيَاض نَسَائِم عِطْرُ النُبُوَّة | 3 | 07-28-2018 10:51 AM |
| هوايَ ماله مثال | عادل الحباب | رِيَاضُ مَنَارَةُ الحَرْفِ وَ عَزْفُ الْوِجْدَان "يُمْنَع المَنْقُول " | 8 | 05-15-2016 07:12 AM |
| أبخل شخصية في العالم | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 4 | 01-14-2016 01:39 PM |
| أمي تسولف عن وطن ماله حدود كبرت وشفت ان الوطن امي - mms-sms | منال نور الهدى | رياض الهواتف الذكية والأجهزة اللوحية | 3 | 07-13-2014 11:03 AM |
