آخر أيام الصيفية فى جنوب القارة الأفريقية.

بسم الله الرحمن الرحيم
والصلاة والسلام على خاتم الأنبياء والمرسلين
السلام عليكم ورحمة الله وبركاته

أهلا بيكم فى أول تقاريرى فى المنتدى الجديد
واللى إن شاء الله هيكون مفيد جدا ومرجع لجميع المسافرين
لهذا البلد المظلوم كثيرا سياحيا وإعلاميا
وده عندنا كعرب فقط

وجهتى المرة دى كانت الى اخر جنوب القارة الأفريقية

وجهتنا كانت الى دولة

جنوب أفريقيا

هذه الصورة تم تصغيرها . الحجم الافتراضي لها هو 870x731.

البلد المظلوم كتيير جدا سياحيا فى بلادنا العربية
الملئ بكل مقومات السياحة
المتنوع فى كل شئ
احيانا تجد نفسك فى أفريقيا وأحيانا فى أوروبا وحتى أمريكا الجنوبية
يناسب جميع ازواق المسافرين
مناسب للعائلات وممتع وملئ بالإثارة للشباب

الحقيقة مهما اتكلمت عن مقومات البلد لن أوفيها حقها
وإن شاء الله التقرير هيوفى معظم الأماكن السياحية فى البلد

أولا نبذة صغيرة عن البلد "منقول"

هي دولة تقع في أقصى جنوب أفريقيا. تقع في الطرف الجنوبي للقارة ويحدها كل من ناميبيا، بوتسوانا، زمبابوي، موزمبيق وسوازيلاند. كما أن دولة ليسوتو محاطة بالكامل بأراضي جنوب إفريقيا. اقتصادها هو الأكبر والأكثر تطورا بين كل الدول الأفريقية، والبنية التحتية الحديثة موجودة في كل أنحاء البلاد تقريباً. يوجد في جنوب أفريقيا أكبر عدد سكان ذوي أصول الأوروبية في أفريقيا، وأكبر تجمع سكاني هندي خارج آسيا، وأكبر مجتمع ملون (ذوي البشرة السوداء) في أفريقيا، مما يجعلها من أكثر الدول تنوعاً في السكان في القارة الأفريقية

تقع جمهورية اتحاد أفريقيا في أقصى الطرف الجنوبي من القارة الأفريقية، وتحدها نامبيا من الشمال الغربي، وبتسوانا وزمبابوي من الشمال، وموزمبيق من الشمال الشرقي، وباقي حدودها على المحيط الهندي والأطلسي. وتبلغ مساحة جنوب أفريقيا 1,331,000 كم2، وسكان الاتحاد في سنة 1988 م 33,763,000 نسمة. ولاتحاد جنوب أفريقيا عاصمتان، تشريعية وهي مدينة الكيب وإدارية وهي بريتوريا وسكان العاصمة حوالي 750,000 نسمة، ومدينة الكيب أكثر من مليون نسمة وتنقسم الجمهورية إلى أربع ولايات هي: الكاب وأورنج ونتال وترنسفال، ومن أهم المدن درينان (843ألفاً) وجوهانسبرغ وسكانها 1,800,000 نسمة، ومن المدن الهامة بورت اليزابيث

الولايات



كيب الغربية (العاصمة: كيب تاون)
كيب الشمالية (العاصمة: كيمبيرلي)
كيب الشرقية (العاصمة: بيشو)
كوازولو ناتال (العاصمة: بيترماريزبيرغ)
فري ستيت (العاصمة: بلويمفونتاين)
الشمالية الغربية (العاصمة: مافيكينج)
غاوتينج (العاصمة: جوهانسبيرغ)
مبومالانجا (العاصمة: نيلسبرويت)
ليمبوبو (العاصمة: بولوكوان)


عاصمة جنوب أفريقيا الإدارية هى مدينة بريتوريا



أكبر المدن جوهانسبرج وهى تعتبر ثالث أكبر مدينة فى افريقيا بعد القاهرة ولاجوس



أيضا كيب تاون تعتبر العاصمة التشريعية، ومدينة بلومفونتين العاصمة القضائية

ومدينة دربان من أشهر المدن فى جنوب أفريقيا وتمتاز بشواطئها على المحيط الهندى



الزراعة حرفة هامة في جنوب أفريقيا، وذلك بسبب وفرة المقومات الزاعية، وتمارس في أقليم الفلد الأعلى، وفي أقليم لبوشفلد، وعلى سفوح المرتفعات، وفي السهول الساحلية، ومن منتجات جنوب أفريقيا: القمح، والذرة، وقصب السكر، والقطن. وقد زاد إنتاج الاتحاد عن حاجة السكان. وفي جنوب أفريقيا ثروة حيوانية تزيد عن حاجة البلاد، فقد قدرت سنة1988 م ب 11,820,000 من الماشية، 29,800,000 من الأغنام، و 6,840,000 من الماعز. وكذلك إنتاجه المعدني من الذهب حيث تشغل جمهورية جنوب أفريقيا المركز الأول في الإنتاج العالمي منذ بضع سنين، وللذهب دوره الهام في اقتصاد البلاد. كماينتج الاتحاد الماس بكميات كبيرة، ويستخرج اليورانيوم، والفحم. ورغم هذا الثراء في الإنتاج الزراعي والمعدني والرعوي، إلا أن الاتحاد يضيق عن توفير العدالة الإنسانية للغالبية العظمى من سكانه. هذا بالإضافة إلي معدل التنية الداخلي المرتفع بما يجعلها الدولة رقم واحد أفريقيا من حيث الاقتصاد والتصنيع في زمن قياسي حيث تتجه حاليا مصانع شركات السيارات الكبري إلي الإنتاج بجنوب إفريقيا لتكون الموزع المحلي للقارة الإفريقية بكاملها. تعتبر جنوب أفريقيا المورد الرئيسي للعديد من السلع الغذائية والصناعية للدول المجاورة لها حيث تعتمد هذه الدول في اقتصادها الضعيف علي جنوب أفريقيا كمورد رئيسي

العملة فى جنوب أفريقيا هى الراند



الجنيه المصري تقريبا بيساوى 1.5 راند
الدولار الأمريكى 11.2 راند

بس النسبة دى خادعة، تقريبا مفيش حاجة تقدر تشتريها باقل من 5 راند وأوقات كثيرة 10 راند
أقل فقة من العملات الورقية 10 راند وأكبر فئة 200 راند
العملات المعدنية من 10 سينت وحتى 5 راند

تحويل العملات
مكلف جدا هناك تقريبا وصلت العمولة ل 10% فى المطارات
غير اجرائتهم المملة والطويلة
أحسن حاجة تسحب كاش من ATM وموجودة فى كل مكان والعمولة أقل او تقريبا هى هى زى البنوك
خارج المطار بس هتوفر وقت كتير

الجنيه المصرى بعد العمولة كان تقريبا 1.44 راند


المناخ
يسود جنوب إفريقيا مناخ معتدل بصفة عامة، فيما عدا أقصى الجنوب الغربي للبلاد حيث تهب عليه الرياح الشرقية التجارية من المحيط الهندي، ونظراً لوقوع جنوب إفريقيا إلى الجنوب من خط الاستواء فإن فصول السنة بها تكون معاكسة لتلك التي تسود النصف الشمالي من الكرة الأرضية، ويتنوع المناخ تبعاً لتنوع الارتفاعات واتجاهات الرياح والتيارات البحرية، فتتمتع جبال الكاب بمناخ دافئ وجاف في الصيف ومناخ بارد وممطر في الشتاء، أما منطقة الساحل فحارة ورطبة في الصيف ومشمسة وجافة في الشتاء والهضاب الشرقية حارة في النهار ومعتدلة في الليل في فصل الصيف ومعتدلة في النهار وباردة في الليل في فصل الشتاء، وتنخفض درجات الحرارة عادة إلي دون الصفر خلال الشتاء في الهضاب، ويتراوح تساقط الأمطار فيها ما بين 65 – 100 سم في العام، وتقل الأمطار على الساحل الجنوبي، وتندر في منطقة الصحراء.

موضوع المناخ والأجواء محير جدا
فصول السنة معكوسة يعنى الصيف عندنا يبقى شتا عندهم والعكس
كل موسم فى السنة ليه مميزاته وعيوبه

مثلا الصيف عندهم من ديسمبر حتى مارس
الاجواء فى الشمال حارة رطبة وممطرة
وفى الجنوب معتدلة وامطار
فى الجنوب الغربى مائلة الى الحرارة ومشمسة

الشتاء
فى الشمال بارد ومشمس
فى الجنوب بارد وأمطار متوسطة
فى الجنوب الغربى بارد وأمطار

طيب نسافر إمتى كان اكتر سؤال محيرنى

لو عاوز الشمال والسفارى والحيوانات يبقى تسافر فى الشتاء عشان الحيوانات بتطلع لأماكن المياه وتقدر تشوفها بسهولة

ولو عاوز الجنوب والبحر والشواطئ يبقى الصيف

طيب لو عاوز الاتنين

يبقى تسافر فى اخر الصيف "مارس حتى نصف إبريل"
او الربيع "أكتوبر ونوفمبر"

حاجة كمان أفياش الكهربا ثلاثية دائرية





ولكن الحمد لله متوفر جميع الأفياش فى الفنادق والبيوت لم تقابلى أى مشاكل منها

البنزين للسيارات سعره مرتفع جدا من 10.8 راند حتى 11.2 لليتر
والسياحة فى جنوب أفريقيا معتمدة على تأجير السيارات نظرا لكبر المسافة
بين الأماكن السياحية وبين المدن
القيادة يمين ولكن منظمة جدا جدا
والطرق فوق الممتازة وسهلة جدا فى السواقة

اللغة الاولى للبلاد الإنجليزية ولكن زوى البشرة السوداء يتكلمون الأفريقية
ويوجد 11 لغة رسمية لجنوب أفريقيا نظرا لاختلاف القبائل التى تعيش بها

وأيضا الغة الألمانية شائعة هناك لوجود كثير من السياح الألمان
وايضا المواطنون زوى الأصول الهولندية والألمانية

الأماكن اللى تخص السياح فى جنوب أفريقيا

1- مدينة كيب تاون



مدينة كبيرة سياحية من الدرجة الأولى وبها كل مقومات السياحة "شواطئ، منتزهات جبال .....

2- Garden Route


هذه الصورة تم تصغيرها . الحجم الافتراضي لها هو 900x400.

وهو الخط الممتد من بورت اليزابيث فى الشرق حتى كيب تاون فى الغرب
وأهم المدن فيه مدينة نايزنا
ومدينة جورج حيث المطار

3- ولاية مبومالانجا



تعتبر الوجهة الأولى للسياح الراغبين فى مشاهدة الحيوانات ورحلات السفارى
لوجود محمية كروجر الوطنية "الأكبر فى أفريقيا" وبها أيضا طريق البانوراما
عاصمتها مدينة نلسبرت

4- Suncity



وهى مدينة مبنية على حطام مدينة قديمة وهى تعتبر مدينة ألعاب وترفيه فقط
ولكنا تحتوى على فنادق فخمة وتعتبر من أفخم الفنادق على مستوى العالم



الفنادق فى جنوب أفريقيا

جنوب أفريقيا معتمدة على Guest House و B&B سرير وإفطار و Self catering ودى بتبقى انت تخدم نفسك بنفسك "مطبخ وغسيل ..."
ومفيش فنادق غير فى المدن الكبيرة

وطبعا ان تسكن فى فيلا مع أهل البلد تجربة تستحق


الطيران الى جنوب أفريقيا

طبعا معظم خطوط الطيران بتعمل رحلات الى جوهانسبرج
اشهر الخطوط للعرب
"مصر للطيران، القطرية، الاتحاد، الإمراتية، السعودية و الإثيوبية"
وبعضهم بيبقى فى رحلات مباشرة الى كيب تاون

الطيران الداخلى

فى طبعا الخطوط الجنوب افريقية والخطوط البريطانية دول طيران منتظم

الطيران الإقتصادى

فى خطوط kulula


وخطوط mango



ودول الأشهر

شركات الموبايل

جنوب افريقيا فيها 3 شركات

1- MTN
2- Vodacom
3-Cellc

بس من واقع تجربة
MTN افضل بكثير من Vodacom فى التغطية وقوة الشبكة



طبعا يفضل شراء الشريحة من المطار علشان عندهم سرعة إنجاز الوقت وسرعة انهاء الإجراءات

سعر الشريحة تقريبا ببلاش "مثال شريحة فيها 30 راند رصيد هيبقى سعرها 30 راند
ولو هتضيفوا باقة موبايل انترنت هيبقى ليها سعر

الطعام

طبعا مشكلة معظم المسافرين الى اى بلد غير مسلم هى الأكل الحلال
والحمد لله معظم المطاعم فى كيب تاون وجوهانسبرج أكلها حلال
وأيضا فى الجاردن رووت فى بعض المطاعم الحلال
المشكلة كانت فى مبومالانجا تقريبا لايوجد

الموقع ده بيجيب معظم المطاعم الحلال فى المكان اللى انت فيه

zabihah.com: your guide to halal eating

جنوب أفريقيا إعتمادهم على الأكل فى المنازل أو الحدائق
وليس المطاعم
وخصوصا الطعام المشوى
معظم البيوت والحدائق مجهزة بجميع ما تحتاجه للشوي والطبخ
فقط هتحضر اللحم والخشب أو الفحم وتطلب من صاحب المنزل إستعمال الشواية والمطبخ

وفى سوبر ماركت إسمه SPAR



عنده لحم ودجاج حلال وبعضه متبل وجاهز للشوى
وأيضا لحم النعام موجود وحلال

كده أعتقد ان كل المعلومات التى تخص جنوب أفريقيا موجودة
واى خطأ او نقص فسامحونى عليه

أعتقد كده نكون جاهزين لسرد أحداث الرحلة الممتعة الى جنوب أفريقيا

السلام عليكم ورحمة الله وبركاته

الحلقة الأولى (التحضير للسفر)

أهلا بيكم فى أولى حلقات التقرير

فكرة السفر

بعد زياراتى الى أوروبا وأسيا
خطرت فى بالى فكرة السفر الى قارة أفريقيا
حيث التجربة الجديدة كليا
طبعا أول ما حد يقول أفريقيا يفكر فى السفارى والحيوانات المفترسة
وعلى طول توجهت بالقراءة عن الموضوع ده
فكان قدامى كينيا وتنزانيا
حيث واحدة من أشهر المحميات فى أفريقيا وهى "سيرنجاتى"
لكن بعد القراءة وجدت إن البنية التحتية فى البلاد دى ضعيفة نسبيا
ومفيش تقريبا حاجة تانى غير السفارى

طيب ليه أكيد فى مكان تانى فيه السفارى وفيه حاجات تانى كتيير
وهنا بدأت القراءةعن

جنوب أفريقيا

الدولة التى تمتلك جميع مقومات السياحة
وتمتلك إختلاف كبير فى الطبيعة والأجواء
فأحيانا تجد نفسك فى أفريقيا وأحيانا أوروبا وأوقات استراليا وحتى تجد نفسك فى أمريكا الجنوبية

كان الأول المخطط للسفر فى شهر أكتوبر 2014 وده بداية موسم الربيع حيث الأجواء المعتدلة
ولكن فجأة ودون سابق انذار أرتفعت الأسعار وخصوصا الطيران
مما أدى الى الإنتظار حتى عودت الأسعار الى طبيعتها
وكان متوقع حدوث ذلك فى نهاية الصيف "شهر مارس" وهذا ما حدث

السفر لشخصين انا وصديق

إستخراج التأشيرة

إجراءات إستخراج التأشيرة الى جنوب أفريقيا تشبه دول أوروبا ومحتاج الى
1- جواز سفر
2- صور شخصية
3- حجوزات فنادق وطيران "تم عمل حجوزات وهمية"
4-جواب من العمل
5-تطعيم ضد الحمى الصفراء اذا كنت من المسافرين على الطيران الإثيوبى "خدث ان تم رفض الطلب لأول مرة بسبب عدم وجود التطعيم"
6-كشف حساب بنكى
7- للمصريين التأشيرة مجانية

وتتوجه للسفارة قبل السفر بحوالى شهر على الرغم من صدور التأشيرة لمدة 3 شهور
بعد الحصول على التأشيرة وكانت لمدة 3 شهور ودخول متعدد وكل دخول لايتعدى 14 يوم

جدول الرحلة

كان مخطط للرحلة فى حدود 12 يومى وتم توزيع الجدول كالتالى

1- 3 ليالى فى مبومالانجا
2- يوم فى صن سيتى ومبيت الليلة فى بريتوريا
4- 4 ليالى فى الجاردن رووت
5- 4 ليالى فى كيب تاون

حجوزات الطيران

طبعا انا يهمنى فى الأول والاخر السعر فى حجوزاتى
فكان أرخص سعر للطيران الأثيوبى"من القاهرة الى جوهانسبرج"
مع وقوف ترانزيت فى أديس أبابا

Ethiopian | Welcome to Ethiopian Airlines | Flights, Airfares, Tickets from Addis to/from Washington, London, Dubai, Zanzibar, China, Mumbai - Ethiopian Airlines

فتم حجز ذهاب يوم 20-3 وعودة 1-4 بسعر 4000 جنيه مصري للشخص

طبعا الطيران حلو و مواعيده مضبوطة
والوجبات حلوة "ولكن لاتنسوا طلب وجبة مسلمين عند الحجز"

مصر للطيران فى طيران مباشر من القاهرة الى جوهانسبرج بس طبعا السعر أغلى
ووصل فى بعض الأوقات الى أكثر من 1700 جنيه مصرى

وتم حجز الطيران الداخلى على طيران kulula

Full-on Travel | Flights, Hotels, Car Hire, Packages - kulula.com

الرحلة الأولى من جوهانسبرج الى جورج يوم 24-3 وكانت بمبلغ 966 راند
شاملة شنطة واحدة للشحن

والثانية من كيب تاون الى جوهانسبرج يوم 1-4 بمبلغ 888 راند
شاملة شنطة واحدة للشحن

حجز السيارة

جنوب أفريقيا تعتمد فى السياحة بها على ايجار السيارات
وده نظرا لبعد المسافات بين الأماكن السياحية
ولعدم توافر المواصلات العامة فى كثير من المدن
عدا كيب تاون من الممكن أن تعتمد على المواصلات العامة بسهولة او تستخدم الباص السياحى بيلف المدينة كلها

تم حجز السيارات عن طريق موقع rentalcars

rentalcars.com

وده ميزته انه بياخد المبلغ مقدم، وأيضا به عروض على التأمين

تم استئجار سيارتين "سيارات صغيرة" وناقل حركة يدوى ، لأننا شخصين ولتوفير إستهلاك البنزين

الأولى من شركة بدجيت الإستلام من مطار جوهانسبرج أور تامبو يوم 20-3 والتسليم بنفس المكان يوم 24-3
وكانت بمبلغ 1000 جنيه مصرى شاملة تأمين كلى

الثنية من شركة هرتز الإستلام من مطار جورج يوم 24-3 والتسليم فى مطار كيب تاون يوم 1-4
وكانت بمبلغ 1500 جنيه شاملة تأمين كلى

ستحتاج الىرخصة قيادة دولية وجواز السفر وورقة الحجز وكريدت كارد اثناء إستلام السيارة
وذلك لسحب مبلغ التأمين

الفنادق

طبعا فى كل رحلاتى أخر حاجة أفكر فيها هى مكان النوم
لانى رايح علشان أشوف البلد ومش محتاج الفندق غير للنوم فقط

1- مبومالانجا
خيارات المبيت كثيرة جدا فى الولاية "هازى فيو، سابي، نيلسبرت، خراسكوب ..."
كل ما عليك غير انك افتح بوكينج واكتب مبومالانجا ودور على المكان اللى يناسبك

ولكنى إخترت نيلسبروت لأنها أكبر مدينة فى الولاية وعاصمتها وأقرب مدينة من جوهانسبرج
وأيضا لتنوع السكن بها

وتم إختيار

Dome Home SelfCatering

فى نلسبرت وتم حجز غرفة تؤام بسعر 1120 راند للثلاث ليالى

والصراحة الفيلا نظيفة جدا جدا وصاحبها غاية فى الإحترام



وبها كل شئ تحتاجه ولا ينقصها شئ
تقيمى لها 10\10 فى كل شئ
ويوجد بها اكواخ ايضا لكن مساحتها أصغر قليلا من الغرفة

2- بريتوريا

الحقيقة انا مهتمتش قوى انى اشوف فندق فى بريتوريا
دورت بسرعة وتم إختيار

Blackwood Guest house



كان فى وسط البلد
وجانب القصر الرئاسى وموجود فى حى السفارات

الغرف كانت ضيقة شوية
وسعر الغرفة كان 400 راند فى الليلة
وبالنسبة للفندق انا شايف انه كتير عليه المبلغ
الغرفة كان فيها كل حاجة تقريبا
بس هى كانت 6 ساعات النوم فقط اللي قعدتهم
اللى عاوز حاجة رخيصة ومكان فى وسط المدينة
ده مناسب جدا
غير كده اعتقد انه هيبقى غير مريح

3- نايزنا

اخترنا فى نايزنا

Homebase Knysna

هو بيت صغير وأصحابه محترمين جدا وغاية فى الزوق




احنا حجزنا غرفة تؤام بمرافق مشتركة

كان سعرها 1500 راند للأربع ليالي

وعندك الفيلا تقدر تستخدم فيها اللى انت عاوزه
حمامات، مطبخ، كمبيوتر .....
الحقيقة ممتازة
اكتر ميزة فى البيت ده
ان كل الضيوف فيه كانوا اسرة واحدة
كنا بليل نقعد نتكلم والصبح على الفطار مع بعض
وحتى أولاد صاحب البيت كانوا بيعملوا واجب المدرسة معايا

تقيمى ليه 10\10
مرافق وغرفة نظيفة، وجو أسرى رااائع

4- كيب تاون

اخر 4 ليالى كانوا فى مدينة كيب تاون

وهنا كان نقطة إختلاف كبيرة بينى وبين صديقى
انا كنت عاوز أقعد فى أوضة مشتركة مع ناس
وهو كان رافض

فكل واحد قعد فى مكان
انا اخترت

Sunflower Stop

وده بيت قريب من فكرة نايزنا



بس انا قعدت فى غرفة مشتركة
وكانت رائعة الصراحة
وأكتشفت إن احلى ما فى السفر انك تتعرف على ناس من بلاد مختلفة وثقافات مختلفة
وتعيش معاهم كمان وطبعا كونت صداقات جديدة

سعر السرير كان 800 راند فى الأربع ليالى
وكان حصل موقف انهم خصموا عليه فلوس بالغلط
بس كانوا محترمين جدا وكل حاجة اتعدلت
وأول ما وصلت كانوا منتظرين وصولى ورحبوا بي جدا

المكان رائع فى جرين بوينت مشى للووتر فرونت ولوسط المدينة
طبعا لمحبى المشى اللى زى
بالعربية 5 دقايق تقريبا
التقييم 8/10 وده بسبب البار اللى خارج البيت

صديقى توجه للفنادق الغالية
وكان اختياره

Parkinn foreshore

بيقول فندق محترم جدا
وموقعه حلو فى وسط المدينة

بس طبعا غالى جدا
وصديقى لما جرب موضوع البيوت فى نازينا
قال انه اى سفر بعد كده مش هيقعد غير فى بيوت ضيافة

تجهيزات السفر

طبعا جهزنا الشنط مع وضع ملابس أغلبها صيفيى
مع جاكيت "مهم" بعض الأيام كان فى برودة بسيطة فى الجو

و بعض الأطعمة المعلبة

ولا ننسى معدات التصوير
كاميرا نيكون D500



وطبعا iphone 4s مهم للتصوير والخرائط



وطبعا أهم شئ الشطافة




وسجادة صلاة للجيب
محطات البنزين فيها حمامات كنا نتوضى فيها ونصلى بجانب السيارة

تجهيز أوراق الحجوزات وجواز السفر والرخصة الدولية
ولا تنسوا شهادة تطعيم الحمى الصفراء للمسافرين عن طريق الخطوط الإثيوبية

بطاقات الصرف الالى مهمة جدا
وفى رأى افضل من تحويل العملة
وبطاقات credit لاستئجار السيارات "ولى أعرفه انه لازم كريدت"


كل شئ الان جاهز للسفر وبسرعة جدا
انه مساء يوم الخميس 19-3 موعد التوجه الى المطار
تم عمل webcheckin لسرعة انهاء الإجراءات

كان موعد الطائرة من القاهرة الى اديس الساعة 2:15 صباح الجمعه 20-3
والحمد لله الطائرة فى موعدها



طبعا الطائرة مريحة جدا
حاولت النوم دون فائدة

بعد تقريبا 3 ساعات ونصف وصلنا اديس



اللى حسيته من المطار واللى شوفته من شباك الطيارة
انهم مستوى المعيشة قليل جدا
معظم البيوت عشش حتى المطار صغير وغير مجهز بأى وسائل ترفيه
وزحمة شديدة

توجهنا من الطائرة الى الصالة



حتى واحنا راكبين الباص عمل بينا حادثة

وصلنا الصالة الصغيرة جدا

ومن الواضح انهم بيبنوا توسعات للصالة





مفيش وقت نقعده فى الصالة كتير
كان الفرق بين الطائرتين تقريبا ساعه ونصف فتقريبا مقعدناش



توجهنا الى الطائرة الثانية المتجهة الى جوهانسبرج



الطائرة كانت على اخرها ومفيش كرسي فاضى
وكانت مليانة يهود



كانت مدة الرحلة تقريبا 5 ساعات

وده جبل كلمجارو اعلى قمة فى افريقيا وموجود فى تنزانيا



ودى مدينة هرارى عاصمة زيمبابوى



وصلنا جوهانسبرج فى الموعد الساعة 1:10 ظهر يوم الجمعة 20-3
إستلمنا الشنط وختمنا الجوازات
وسحبنا فلوس من ماكينات المطار

واشتريت شريحة من MTN فيها 30 راند و 2.5 جيجا انترنت كانت 180 راند
دى هستخدمها علشان الخرائط فى الموبايل

وتوجهنا الى استلام السيارة



كانت من شركة اسمها bidvest تبع budget
وكانت نوعها سزوكى alto موديل السنة

استلمنا السيارة وكان معانا أكل فى الشنط للغذاء
كلنا بسرعة وصلينا

وفتحنا الموبايل وطبعا رفيق الرحلة google maps
كنا نكتب المكان اللى رايحينه وهو يجيب الطريق
انا شايفه أحسن من الgps والإحداثيات
وكان مثلا لو طريق زحمة يقول ان فى طريق تانى فاضى
وهيوفر وقت قد ايه
وكمان لو معاك احداثيات ومش معاك اسم المكان تكتبها فيه ويشتغل

خرجنا من المطار الساعة 3 ونص العصر تقريبا
ومشينا على الطريق الى نيلسبرت
كان تقريبا 320 كيلو
بس طبعا أول يوم سواقة كنت سايق بطئ شوية والطريق خد 5 ساعات
مع راحة 30 دقيقة فى النص
كان فى 2 كارتة فى الطريق واحدة ب 50 والتانية ب 75 راند
السرعة فى اغلب الطرق السريعة 120
ولو مدينة بتبقى 60
السواقة هناك والطرق مريحة جدا حتى لو ليل

وللاسف مصورناش فى الطريق ده زى ما قلتلكم كنا اول يوم وماشين على حذرنا
وصلنا نيلسبرت الساعة 8 ونصف مساءا والفيلا فيها مكان لركن السيارة
إستقبلنا صاحب البيت بترحاب كبير جدا وكان معاه خريطة للولاية والأماكن اللى فيها
وإحتجناها واحنا بنلف كتيير

ودخلنا الغرفة وطبعا على السرير على طول
كان بقالى يومين منمتش غير ساعة فى الطيارة

نتقابل بكرة الصبح علشان ورانا يوم طويل فى "نهر سابى وطريق البانوراما"

الى اللقاء

بسم الله الرحمن الرحيم

الحلقة الثانية
(نهر سابر وطريق البانوراما)

السلام عليكم ورحمة الله وبركاته
انه صباح يوم السبت 21/03 وبعد قضاء أول ليلة فى جنوب أفريقيا
طبعا كالعادة فى رحلاتى مضيعش وقت للنوم
النوم كان مريح الجو هناك بليل معتدل فى الوقت ده بس مع رطوبة بسيطة
صحيت من الفجر
جهزت الفطار والشاى وطبعا الغرفة فيها كل شئ







"ثلاجة وميكروويف وغلاية.... وحتى أطباق"
والصراحة صاحب المنزل مهتم جدا بالغرفة ويمكن اكثر مما نحتاج

طلعت البلكونة للفطار






ودى الفيلا من بره











صحيت صديقى واللى كان على طول بيحب النوم وبيأخرنا

زى ماقلتلكم صاحب البيت كان ساب لنا خريطة لمبومالانجا وطريق البانوراما
وكان قال انه هيحتاج منكم يوم كامل
بس قبل ما نروح كان عندنا معاد مهم جدا فى

Sabi River Adventure

ودى احد الانشطة المشهورة جدا فى مبومالانجا وهى التجديف واختراق النهر
تقدر تعملها فى نهرين يا وايت ريفر فى الكانيون ودى للمحترفين
او نهر سابى للهواة اللى زى حالاتى

قبل ما اسافر كنت مجهز كل حاجة بالايميل مع الناس

الصفحة بتاعت الاتصال
Contact Us | Sabie River Adventures

وكان فى جولتين واحدة ليوم كامل
او نص يوم وتم الاختيار وكان السعر 320 راند للفرد لمدة 3 ساعات
وهم بيبقوا اجازة يوم الحد
وكان معادنا السبت الساعة 9 صباحا
وبعتلى العنوان وعلى جوجل مابس وانطلقنا

ده باب البارك فى الفيلا



وسيارتنا المصونة مستنية اول المغامرات



تقريبا الطريق 45 دقيقة
ودخلنا وسط طرق غريبة وترابية بس الحمد لله وصلنا متأخرين
بس الناس كانوا منتظرين وصولنا واول ما وصلت رحبوا بيه وسألونى ليه اتاخرت
وبعد كده خدونا فى عربية الى النهر
كان بعيد تقريبا 5 دقايق
وشرحولنا اساسيات الرافتينج







كل مركب عليه اتنين اللى قدام ده الموجه علشان بيبقى شايف الطريق
واللى ورا ده القائد وهو اللى بيتحكم فى حركة المركب اكثر
كان الطريق فى النهر 6 كيلو تجديف وهناخدهم فى 3 ساعات مع راحة فى النص

وانطلقنا
واول ما نزلنا المايه مفيش 10 ثوانى وكنا مقلوبين فى المايه
بس النهر مش سريع قوى انه يجرف حد والعمق مش كبير
وكانوا شرحولنا ازاى نعوم ونتحرك
وطبعا خناقة مين السبب
بس يعنى القلبة دى خلتنا نعرف نتحكم صح بعد كده ونمشى مظبوط





طبعا فى الطريق اوقات بيبقى فى صخور وزى شلالات صغيرة
وهى دى اللى بتعمل الإثارة





وطبعا هو نهر فى افريقيا
لازم يكون فى تماسيح





بس التماسيح فى النهر فى المكان ده بتبقى صغيرة ومش خطر
بس حذرونا من افراس النهر هى اللى خطر
بس الحمد لله مقبلنهاش

فى اوقات بيبقى النهر هادى جدا والتجديف سهل




وكان فى بريك نص ساعة فى النص وقدوموا شيبسى ومايه
واتكلمت مع الناس هناك وقالو لى ان احنا حظنا وحش السنة دى
لانه السنة دى وعلى الرغم ان الصيف موسم المطر لا انه تقريبا مفيش مطر خالص
والسنة دى من سنوات الجفاف وطبعا ده مأثر على مستوى المايه فى النهر
وطبعا كل ما المايه تعلى المتعة تبقى اكبر

وكملنا الطريق للاخر





ووصلنا وخدنا صور تذكارية مع بعض





ورجعونا بالعربية الى مقر الشركة
خدنا دش سريع هناك
واشترينا cd الصور والفيديو وكان ب 120 راند

وانطلقنا فى جولة فى طريق البانوراما

طريق البانوراما هو جولة فى أهم معالم مبومالانجا "مناظر طبيعية رائعة وقد تكون الاجمل فى جنوب أفريقيا"
بس المسافات فعلا بين الماكن كبيرة ولازم ليها يوم كامل
بس لضيق الوقت انا قررت عدم زيارة الشلالات
واشهرهم ماك ماك و برلين و ليشبون
mac mac fall , lisbon and berlin falls
لانى شفت شلالات كتير قبل كده و كمان لينا زيارة مع الشلالات فى الجاردن رووت

انا كنت مخطط لطريق لزيارة المعالم الطبيعية واتأكدت من الخريطة اللى معايا

وخدنا العربية من البارك بتاع الرافتينج



وانطلقنا الى اول وجهة وهى

The Rock Pinnacle




وكانت تقريبا الساعة 12 ونص الظهر

صور من الطريق









مناظر طبيعية رائعة










بداية الطريق من دينة خراسكوب Graskop وهى مدينة صغيرة جدا
وتعتبر نقطة الانطلاق الى طريق البانوراما




احنا دلوقتى فى خراسكوب وزى ما قولت اول مكان the pinnacle

واضح ان الخريطة سهلة جدا وللعلم تقريبا طول الطريق مستخدمتش جوجل ماب
الطريق واضح جدا وسهل وهتلاقى يافطة عند كل معلم تشير لمكانه

كل الماكن اللى عليها نجوم فى الخريطة هى من مزارات الطريق
لكن زى مقلتلكم ضيق الوقت حكمنا اننا نختار منهم
والحمد لله كانت اختيارات موفقة

وصلنا الصخرة
وكان رسم الدخول 10 راند للسيارة وهو تقريبا رسم موحد لكل المزارات
نزلنا نكتشف المكان



وهى دى الصخرة ومميزة علشان هى واقفة لوحدها وسط المكان المفتوح ده









ونكمل جولتنا فى المكان















شلال

نكمل المناظر الرائعة




كده تقريبا أهم ما يميز النطقة دى الصخرة والشلال
وفى كل مكان هتلاقى أماكن بيع تذكارات عند المدخل
لكنى لا أهتم

نتحرك الى الشمال الى God's Window

الخريطة تانى علشان اللى نسى




وده واحدة من أشهر المعالم فى مبومالانجا كلها
وصلنا وكان رسم الدخول 10 راند



والاسواق الشعبية اللى عند كل مكان





وهيبقى عندك اختيارين للتجول فى المكان



نروح اول مطل



طبعا الصورة مش هتوضح مدى جمال المنظر







طبعا المنظر على الشرق ناحية ماحفظة ليمبوبو وكروجر بارك واخيرا دولة موزمبيق



وطبعا مش هتشوف كل ده بس المنظر رااائع

وفى اماكن كتير للمشاهدة وفيها اماكن للراحة



قعدنا ريحنا شوية وكان معانا غذاء سريع كلنا وشربنا وكملنا المسير

الى الجزء الثانى وهو جزء Rain Forest الغابات المطيرة
وده محتاج لياقة بدنية شوية
بس يستاهل و طبعا الناس اللى بتسأل على المشى ده عينة بسيطة بس النهاردة





طرق رائعة فى وسط الغابات








وصلنا الى النهاية بعد تقريبا 10 دقايق مشى بس
ولقينا المنظر الرائع ده واخد الشرق مع الشمال





والنهر اللى هناك ده blyde river





وده اللى وجهتنا التالية هتكون ليه

رجعنا من حيث اتينا



ما اروع المنظر



ووصلنا مكان السيارات



ونرجع تانى للخريطة



احنا دلوقتى فى R534 و متجهين الى الشمال ناحية R532

بعد God's Windowعلطول فى نفس الطريق Wonder view
ولكن لما قريت عنه تقريبا نفس الفكرة ومفيهوش جديد



فكملنا طريقنا ووصلنا R532



وزى ما واضح الطريق مفيهوش اى حاجة
حتى شبكة الموبايل كانت ضعيفة جدا وتكاد تكون معدومة




هيقابلك اول حاجة Berlin falls
وزى ما قلتلكم لضيق الوقت مش هندخلها
نكمل الى الشمال الى Blyde River Canyon & the three Rondavels

ودى تعتبر أخر حاجة فى الطريق شمال مبومالانجا
حد بيسأل ليه مدخلتش Bourke's luck pothole
أقوله اصبر هندخلها واحنا راجعيين

وصلنا المكان المنشود وطبعا رسم الدخول 10 راند كالعادة
واكشاك التذكارات فى البارك بتاع السيارات



نزلنا اتمشينا للمطل وكان اول حاجة نشوفها the three Rondavels



وهم ال3 قمم اللى فى الصورة اللى فاتت



وواضح طبعا الارتفاع الشاهق وتحتينا النهر





يااه على روعة المكان





الصورة مش مبينة مدى روعة وجمال المكان



ولتحت موجود الكانيون و النهر



ونكمل طريقنا مع النهر فى اتجاه السد





ومهما اتكلمت عن جمال والمنظر ومدى الارتفاع مش هقدر اوصفه

سبحان الله







وكان فى ناس راكبة مراكب فى البحيرة تحت
بس للأسف مسألتش منين أركبها ومكانش فى وقت انى ادور عليها

وبعد ما شوفنا المناظر الرائعة دى تكون للاسف رحلتنا فى المكان ده انتهت
اتجها فى طريق العودة الى العربية




ومشينا فى طريق العودة الى خراسكوب

أستنوا أستنوا
مش قولنا فى حاجة هنزورها و إحنا راجعين

بالظبط Bourke's luck pothole
ودى موجودة فى R532

وصلنا ودخلنا وكان رسم الدخول مختلف المرة دى 90 راند



والمكان كان مش بس الصخور والكانيون
لا ده فى حديقة واماكن شواء يعنى ممكن تقضوا فيها يوم كامل



نزلنا نتمشى
وطبعا احنا جايين نزور الكانيون مش الحديقة







المشى كتير شوية فى المكان ده



وقربنا نوصل



واخيرا



تشكيلات صخور روعة
سبحان الله





روعة يا بانوراما




الصور مش كفاية لازم تشوفوا بنفسكم





يا سلام على القعدة وتحط رجلك فى المايه الساقعة







مكان كبير وواسع



نقرب اكتر من المايه من تحت



سبحان الله مناظر تهبل





حاجة من الخيال



كل دى مطلات







ومن الواضح ان خلاص وقت المغرب أقترب
فقررنا العودة



رجعنا نتمشى فى الحديقة
وواضح وجود القرود اللى بتضايق الناس اللى بتشوي وبتاكل





ركبنا العربية واتجهنا فى طريقنا للعودة الى الجنوب فى R532 فى اتجاه خراسكوب

طبعا عدينا ناحية اول شلال "برلين" كانت الساعة 6 الا ربع تقريبا
واخر المزارات فى الطريق هناك الساعة 6
وزى ما قلتلكم كان مش من ضمن اولوياتى للزيارة

وصلنا خراسكوب ودخلنا محطة البنزين وملينا العربية فول تانك ب 330 راند
وليتر البنزين هناك سعره من 10.80 راند لحد 11.20 وده حسب المكان او سعر اليوم
وسألت اللى فى المحطة على سوبر ماركت وصفلى واحد
وقالى بسرعة علشان هيقفلوا 6 ونص وكانت الساعة 6 وربع

وطبعا جرى على هناك وأول ما دخلنا قفلوا الباب علشان محدش يدخل

عمار يا مصر هنا المحلات بتبدأ تشتغل المغرب

اشترينا ماية وعصاير وكولا وظبطنا نفسنا
واشتريت انا وجبة سمك كانت ب 18 راند للغدا "وكان طعمه وحش"

وظبطنا نفسنا ورجعنا للعربية وشغلنا جوجل مابس منه على بيتنا فى نيلسبروت

طبعا الطريق بليل السواقة سهلة جدا مفيهاش مشاكل
بس هناك بعد المغرب بتبقى بلد أشباح
وعديت على كذا بلد أشهرهم سابى وكلهم نايمين
وصلنا نيلسبروت بعد ساعة وربع تقريبا ودخلت ريحت شوية
وكان فى ماتش فى الدورى الجنوب أفريقي اتفرجت عليه

تقيمى لليوم

1- Sabie River Rafting

طبعا تجربة رائعة وتستاهل ومناسب ليها جولة النصف يوم
اكتر من كده هيبقى زهق
التقييم طبعا 10\10

2- طريق البانوراما

أول حاجة الصخرة لو وقتك مزنوق زى كده اللى هتشوفوه فى الthe pinnacle Rock
هتشوفوه تانى فى باقى الاماكن ممكن تستغنى عنها
او تبدلها باى من الشلالات
تقييمى ليها 7\10

God's Window مكان متنوع فيها المناظر الطبيعية والغابات اللى تمشى فيها
تقييمى ليه 8 \10 وده لان المطلات مساحتها صغيرة و بتبقى زحمة
بس طبعا يستحق الزيارة

the three rondavels اروع ما فى الطريق ويمكن من أجمل ما رأيت
مناظر طبيعية خارقة والكانيون والسد وكل حاجة
وبالنسبة ليى قد تكون الاجمل فى جنوب أفريقيا
والتقييم طبعا 10\10

3-Bourke's luck pothole مكان رائع ومتنوع وفيه حاجات كتير
وزى ماقلتلكم ممكن تقضوا فيه يوم وتعملوا حفلة شواء
المناظر الطبيعية رائعة لكن مش زى the three rondavels التقييم 9\10
وده لان المكان فى كل الامكانيات
ولكن مفيش سوبر ماركت او مكان تشترى منه حاجات
على الرغم انه مجهز لقضاء يوم كامل للعائلات

دى الحاجات اللى انا زرتها لكن الطريق فى اماكن تانية
زى Berlin falls و lisbon falls وفى زى قرى تاريخية ممكن تتزار
وفى sudwala caves وعلى كلام صاحب البيت
انها مناسبة للزيارة وزيها زى كانجو فى اودتشرون

طبعا الطريق محتاج يوم كامل لو عاوز تزور كل المزارات
بس أصحاب الوقت المحدود زى كده يبقى ترتيب الزيارات حيب وجهة نظرى

1- The Three Rondavells
2- Bourke's luck pothole
3- God's Window
وبعد كده ممكن تزور شلال من الشلالات

وملحوظه المسافات بين المزارات كبيرة وشكل الخريطة خادعة
يعنى مثلا انا كانت الجولة 5 ساعات منهم ساعتين على الاقل سواقة

وللاسف وانا سايق بتبقى فى مناظر غاية فى الروعة
وخصوصا الصبح فى الطريق من نيلسبروت لسابى
وكان جو ضبابى وسحاب ومناظر خيالية بس صعب التصوير

كده يبقى أول يوم فى جنوب أفريقيا خلص
وكان ملئ بالمتعة الإثارة طبعا

وكالعادة فى رحلاتى نمت بدرى طبعا
بس النوم كان متقطع لانى مش قادر استنى والوقت مش بيمشى
وده لان ورايا مشوار من الفجر فى (كروجر ناشونال بارك)

الى اللقاء

بسم الله الرحمن الرحيم

الحلقة الثالثة (Kruger National Park)


السلام عليكم ورحمة الله وبركاته
النهارده معادنا مع واحدة من أقوى حلقات التقرير ان شاء الله
ومع إحدى البقاع الرئيسية اللى من أجلها شدت الرحال الى جنوب أفريقيا

طبعا اول ما حد يسمع انى رايح جنوب أفريقيا يا كان يقولى حرامية وقطاع طرق
يا يقول حيوانات وغابات وده لان جنوب أفريقيا فيها الكثير والكثير من حدائق الحيوانات الخاصة
والمحميات والحدائق الوطنية العامة

والتى فى صدارتها بلا منازع
كروجر بارك



Kruger National Park | South African Safari and Lodging Guide

متنزه كروغر الوطني هو أكبر المتنزهات الوطنية في جنوب أفريقيا. يغطي المتنزه مساحة قدرها 18989 كم مربع، ويمتد لمسافة 350 كم من الشمال إلى الجنوب، و60 كم من الشرق إلى الغرب

مكان كروجر فى أقصى اشمال الشرقى من جنوب أفريقيا
عند الحدود مع موزمبيق وزيمبابوى





أكبر المدن القريبة منه هى مدينة نيلسبرت فى جنوب أفريقيا
فى كروجر فى كذا طريقة للتمتع بها
ممكن تختار المبيت فى المنتجعات بداخل البارك "أسعاره غالىة"
او تاخد معاك خيمة وتبات فى كامب
او تقعد فى اكواخ او خيام تبع الكامب
او تعمل زى ما عملنا كده تختار مكان تلف بيه بسيارتك لمدة يوم
مع العلم ان البارك كبيرة جدا على الأقل 3 ايام علشان تلفها كلها
كان اختيارنا نلف فى المنطقة الجنوبية نتيجة لقربها من نيلسبرت

بوابات الحديقة بتفتح من الساعة 6 صباحا وبتقفل 6 المغرب
طبعا إستيقذنا من الفجر وصلينا الفجر وانطلقنا بسيارتنا الى كروجر

قررنا الدخول من بوابة malelane فى أقصى الجنوب وتقريبا تبعد 45 دقيقة عن نيلسبرت
وصلنا البوابة فى حدود الساعة السادسة
دخلنا ملينا الابليكيشن للدخول وتم تفتيش العربية علشان ممنوع الصيد
ودفعنا رسم الدخول وكان 520 راند للشخصيى تقريبا
وللاسف مفيش غير خريطة للبارك متوفرة غير باللغة الألمانية
كانت مش مشكلة لان معايا الخريطة على الايفون
وبصراحة الطرق فى داخل البارك منظمة وفيها لوحات إرشادية عند كل تقاطع

فى كروجر او فى افريقيا عموما فى اكبر خمس حيوانات
الأسد- الفيل- الجاموس الأفريقيى- وحيد القرن- الليوبارد (حاجة بين النمر والفهد)

وطبعا كان التارجت لينا نشوف الخمسة دول

نظرة عامة على خط السير هندخل من malelane وهنمشى ل skukuza ومنها الى lowe sabie ثم crocodile bridge والخروج من malelane مرة اخرى

طبعا البارك فىها الطرق الرئيسية مرصوفة وفى طرق بتبقى وصت الغابات وطرق رملية هى
طبعا الطريق اللى قولتلكم عليه مش مشيناه بالظبط
كنا بندخل كتير فى الطرق الفرعية علشان تكون فى فرص اكبر لرؤية الحيوانات
السرعة فى البارك أخرها 50 فى الطرق المرصوفة و 40 فى الطرق الرملية

ملحوظة الخريطة اللى فوق دى خريطة الطرق الرئيسية
وفى طرق فرعية كتيير جدا هتلاقوها فى موقع البارك pdf لكل جزء من البارك "شمال ، جنوب، شرق ... الخ"
اللينك ده فى الخريطة بالتفاصيل Kruger Park Map

نبدأ جولتنا فى البارك
أول حيوان شوفناه كان الغزلان واللى طول ما انت بتتحرك فى البارك هتشوفها
واكتر حيوان موجود هناك

هذه الصورة تم تصغيرها . الحجم الافتراضي لها هو 834x557.

ومع اول طريق فرعى دخلنا فيه

هذه الصورة تم تصغيرها . الحجم الافتراضي لها هو 834x557.

كان فيه فيل واقف بعيد بس للأسف معرفناش نصوره
اليوم شكله هيمشى حلو فى نص ساعة شوفنا أول واحد من الخمسة

معظم الطرق الفرعية بتبقى مدكوكة بطريقة كويسة
بس فى اماكن بتبقى صخور وجبال عالية والسواقة صعبة جدا
بس دى نادرة جدا جد يعنى امشي فى اى طريق ولايهمك

ورجعنا للطريق الرئيسى ومفيش غير شوية غزلان وفيل

هذه الصورة تم تصغيرها . الحجم الافتراضي لها هو 834x557.

فين الحيوانات

هذه الصورة تم تصغيرها . الحجم الافتراضي لها هو 834x557.

مناظر طبيعية رائعة

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

البارك لا نهاية لها

هذه الصورة تم تصغيرها . الحجم الافتراضي لها هو 834x557.

وأخيرا بعد تقريبا ساعتين مشى
لقينا حيوان جديد
نسور

هذه الصورة تم تصغيرها . الحجم الافتراضي لها هو 834x557.

وزى ماقلتلكم المفروض شهر مارس ده اخر موسم الأمطار
بس من كلام الناس هناك ان السنة دى جفاف ومفيش مطر
والصورة الجاية دليل على كده

ده من فوق احد الانهار فى البارك

هذه الصورة تم تصغيرها . الحجم الافتراضي لها هو 834x557.

الوقت بقى الساعة 9 تقريبا والشمس بدأت تسخن
ونسيت اقولكم ان اليوم ده كان متوقع درجة الحرارة توصل فيه ل 35 مئوية
والغزلان واقفين تحت شجرة من الشمس

هذه الصورة تم تصغيرها . الحجم الافتراضي لها هو 834x557.

وبعد تقريبا 4 ساعات وصلنا skukuza

هذه الصورة تم تصغيرها . الحجم الافتراضي لها هو 834x557.

طبعا كنا محبطين احباط شديد
مفيش حيوانات
الجو حر جدا
المايه اللى معانا سخنت وتعبنا من قاعدة العربية
المهم نزلنا نتمشي شوية فى الكامب

ده المبنى الرئيسى والاستقبال

هذه الصورة تم تصغيرها . الحجم الافتراضي لها هو 834x557.

ودى خريطة الكامب

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ومربيين هناك حيوانات
خنازير

هذه الصورة تم تصغيرها . الحجم الافتراضي لها هو 834x557.

كملنا مشى فى الكامب

هذه الصورة تم تصغيرها . الحجم الافتراضي لها هو 834x557.

الاكواخ دى بتتأجر بالليلة
وومكن بتجيب الكرفان بتاعك وتقعد فىه او فى خيمة
وفى اماكن مخصصة لكده
ومتقلقش من حاجة

شايفين الكشك ده

هذه الصورة تم تصغيرها . الحجم الافتراضي لها هو 834x557.

ده فيه كل حاجة هتحتاجها
كهربا و بوتجاز للطبخ و حتى فيه ماية مغلية جاهزة للشاى

رجعنا تانى ناحية الاستقبال ولقينا الخريطة دى

هذه الصورة تم تصغيرها . الحجم الافتراضي لها هو 834x557.

ده الجزء الجنوبى من البارك وكل واحد شاف حيوان بيحط مكانه على الخريطة فى اليوم اللى احنا فيه واليوم السابق
احنا مكناش شوفنا غير فيل اول ما دخلنا حطينا مكانه وشوفنا فين أقرب مكان على الخريطة

زووم اكتر على الخريطة

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 823x618.

واضح ان منطقة نهر سابى دى مليانة حيوانات فقررنا ناخد لفة فيها
كل كامب بيبقى فى محطة بنزين وحمامات واوقات سوبر ماركت صغير
وبيبقى حواليها زى سور صغير ومكهرب علشان الحيوانات متدخلش
ولو هتقعد فى كامب منهم بيبقى ممنوع الخروج منه بعد الساعة 6 المغرب ولحد 6 الصبح
بس الميزة فى سكوكوزا ان الاستقبال كان فيه مايه ساقعة
شربنا وملينا مايه

هذه الصورة تم تصغيرها . الحجم الافتراضي لها هو 1024x770.

الطريق s83 ثم H12 بعد كده H1 تانى لسكوكوزا

خرجنا من الكامب بعد ما ريحنا وشربنا وتوجهنا الى نهر سابى

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وواضح كده ان النهر فيه مايه عكس الباقى
والمعروف ان الحيوانات بتبفى جنب الاماكن اللى فيها مايه
بس فى عز الظهر والحر ده مش هيطلعوا
بس نجرب حظنا

العيور من فوق النهر
وسيارة واحدة بتعدى وعلى الباقى الانتظار

هذه الصورة تم تصغيرها . الحجم الافتراضي لها هو 834x557.

ووصلنا الجهة الشمالية من النهر
واللى كانت مليانة حيوانات على الخريطة اللى شوفناها فى الكامب

ومشينا فيه شوية ولقينا ده

هذه الصورة تم تصغيرها . الحجم الافتراضي لها هو 834x557.

فيل


وكملنا مشى على ضفاف النهر ولقينا زحمة كتير وناس واقفة مش بتتحرك
فيه ايه ياجدعان

هذه الصورة تم تصغيرها . الحجم الافتراضي لها هو 834x557.

ده باينه هو ولا ايه

اه هو فعلا
ملك الغابة الاسد
فينك من زمان يا اس اس
الحمد لله كنت خلاص فقدت الامل انى اشوفه لان الاسود مش بتتطلع من اماكنها الا الفجر والمغرب بس
وطول اليوم نايمة

ومن الواضح انهم مجموعة اسود واشبال
طبعا الناس مسابوهمش فى حالهم غير لما شبل طلع من تحت

هذه الصورة تم تصغيرها . الحجم الافتراضي لها هو 834x557.

بينى وبينه متر

هذه الصورة تم تصغيرها . الحجم الافتراضي لها هو 834x557.

طبعا قفلت الشباك وفضلنا ماشيين جنبه بالعربية

هذه الصورة تم تصغيرها . الحجم الافتراضي لها هو 834x557.

لحد ما دخل فى الغابة جوه واختفى
والباقيين نايمين تحت عند النهر ومش باينيين
قررنا ان خلاص هدفنا الاول من زيارة البارك خلاص حققناه
وقررنا نكمل المسيرة حول منطقة النهر ونسيب الاسود شوية

كده 2 من 5 اسد وفيل

ولقينا فى طريقنا فيل تانى

هذه الصورة تم تصغيرها . الحجم الافتراضي لها هو 834x557.

واذ فجأة لقينا ده قاعد

هذه الصورة تم تصغيرها . الحجم الافتراضي لها هو 834x557.

ايه ده

استنوا استنوا
ده واحد من الخمسة
جاموس افريقى
بس الصورة من بعيد شوية فا مش باين للاسف

الطريق ده مليان حيوانات

3 من 5 (اسد وفيل وجاموس) باقى 2 بس
يا مسهل يارب

نكمل فى طريق النهر

ايه ده كمان

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 834x557.

زرافة يا جمالو يا جمالو

كده نبقى خلصنا الطريق الشمالى من اللوب حول نهر سابى
هنرجع تانى من الجنوب فى اتجاه سكوكوزا

هذه الصورة تم تصغيرها . الحجم الافتراضي لها هو 834x557.

جفاف برضه
وفى اى مستنقع او مكان فيه مايه لازم تلاقى ده

هذه الصورة تم تصغيرها . الحجم الافتراضي لها هو 834x557.

فرس النهر
بس للاسف طول الوقت هو قاعد تحت المايه
باين ظهره البنى الغامق من فوق المايه
بيطلع يخطف نفس وينزل تانى ومعرفتش اصوره

نكمل طريقنا فى اتجاه سكوكوزا

هذه الصورة تم تصغيرها . الحجم الافتراضي لها هو 834x557.

ووصلنا لطريق مسدود وفيه عربة النقل دى

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وبتعدى النهر فوق السكة الحديد تقريبا لنقل البضائع

وصلنا سكوكوزا كان وقت الظهر صلينا ظهر وعصر
وملينا المايه تانى وقولنا نمشى نفس اللوب بس بدل ما نرجع يعد ما نخلص شمال النهر
لا هنكمل فى اتجاه lower sabi
مشينا فى نفس الطريق وتقريبا كل الطريق الشمالى مكانش فيه حيوانات خالص
تقريبا ناموا تانى
بس كان فيه قرود بتتخانق ومعرفتش اصورها

بعد مخلصنا شمال النهر ورجعنا بدل ما ندخل فى اتجاه الغرب ناحية سكوكوزا
دخلنا للشرق فى اتجاه لوير سابى

واول حاجة لقينا ده

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ده شكله ظبى
بس نوع كبيير شوية

وتقريبا على الساعه 1 كده لقينا كل الغزلان مرة واحدة نزلوا يشربوا من النهر
ورجعوا تانى وكانوا بيجروا فى كل مكان
سبحان الله منظمين جدا

طول الطريق كان النهر على ايدينا الشمال وطبعا مليان حيوانات

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

قطيع من الافيال الصغيرة والكبيرة

ودى بعض المناظر الطبيعية من الطريق

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ومرة اخرى زرافة

هذه الصورة تم تصغيرها . الحجم الافتراضي لها هو 834x557.

ونسر واقف على الشجرة

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ولقينا دول

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

قطيع من الافيال بيعدى الطريق فى اتجاه النهر

هذه الصورة تم تصغيرها . الحجم الافتراضي لها هو 834x557.

وفيل صغي مع امه
جميل جدا ما شاء الله

ولقينا الاسد ده بين الاشجار

هذه الصورة تم تصغيرها . الحجم الافتراضي لها هو 834x557.

الناس حاولوا كتيير يطلعوه بره دون جدوى

ومازلنا نسير فى بجانب النهر

هذه الصورة تم تصغيرها . الحجم الافتراضي لها هو 834x557.

وواضح تغيير البيئة فى المنطقة دى الى الحشائش الصغيرة
واصبح افق الرؤية واسع

هذه الصورة تم تصغيرها . الحجم الافتراضي لها هو 834x557.

وواضح اختفاء اشعة الشمس ورا السحب
وكان فعلا نقطة تحول كبيرة فى الاجواء لان الحرارة كانت شديدة
لان فى معظم الوقت كان صعب تشغييل تكييف العربية
لان كل شوية تلاقى حيوان تفتح وتصور فكان الحل الامثل اغلاقه
وتقريبا ده اليوم الوحيد فى الرحلة كلها اللى فتحنا فيه تكييف العربية
الاجواء عامة كانت جميلة

هذه الصورة تم تصغيرها . الحجم الافتراضي لها هو 834x557.

وافراس النهر مرة اخرى فى احد المستنقعات

وصلنا lower sabi بس مدخلناش الكامب
اتجهنا جنوبا فى اتجاه crocodile bridge

وبعدنا عن النهر و رجعنا للمشى فى وسط اليابس
وكنا ماشيين على الحدود مع دولة موزمبيق
ويمكن الجبال اللى هناك دى فى موزمبيق مش جنوب افريقيا

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

يمكن نلاقى حيوانات جديدة

وبالفعل

هذه الصورة تم تصغيرها . الحجم الافتراضي لها هو 834x557.

احد اشهر حيوانات افريقيا

الزيبرا او الحمار الوحشى او الحمار المخطط

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 823x618.

ويمكن هو اجمل الحيوانات فى الشكل اللى شوفناه فى البارك

هذه الصورة تم تصغيرها . الحجم الافتراضي لها هو 834x557.

وده اثناء عبوره الشارع

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

يعيشون فى قطعان برضه

ولقينا ده

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

اسمه النو وهو شبه الجاموس بس اصغر شوية

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وشايف فى الافق بعض الاراضى اللى متعدلة عن طريق البشر
اذا اقتربنا من اخر البارك من الجنوب

وبالفعل وصلنا crocodile bridge

هذه الصورة تم تصغيرها . الحجم الافتراضي لها هو 834x557.

الكامب هنا اصغر شوية من سكوكوزا
بس ميزته انه فى سوبر ماركت صغير وكافيه
وجنبه على طول باب للبارك يطلعك على الطريق بره

قررنا الراحة قليلا
وجبت الايس كريم ده

هذه الصورة تم تصغيرها . الحجم الافتراضي لها هو 834x557.

طعمه جميل جدا

هذه الصورة تم تصغيرها . الحجم الافتراضي لها هو 834x557.

وبرضه مربيين خنازير

بعد الاستراحة القصيرة كان باقى تقريبا ساعه وربع على موعد اغلاق البوابات الساعة السادسة
فقررنا المجازفة وشوفنا اقرب طريق يودينا malelane ودى البوابة اللى دخلنا منها
ويمكن نشوف حيوانات جديدة

هذه الصورة تم تصغيرها . الحجم الافتراضي لها هو 1024x880.

هذه الصورة تم تصغيرها . الحجم الافتراضي لها هو 1024x1041.

هنمشى S25 بعد كده S114 للبوابة

هذه الصورة تم تصغيرها . الحجم الافتراضي لها هو 834x557.

كان طريق ترابى

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

طائر واقف عند البركة

ومرة تانية نشوف الزيبرا

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وقرينا على وقت الغروب

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

كنا ماشيين بسرعة عالية علشان نلحق البوابات

هذه الصورة تم تصغيرها . الحجم الافتراضي لها هو 834x557.

وفجأة ومن غير محد يتوقع

هذه الصورة تم تصغيرها . الحجم الافتراضي لها هو 834x557.

ايوه هو
وحيد القرن
وده احد اندر الحيوانات فى افريقيا واللى قرب ينقرض

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

كانوا 3
وهناك كنت بشوف اعلانات كتيير لحماية وحيد القرن
وبيجمعوا فلوس ليه وممنوع صيده

كده الحمد لله رقم 4 من اكبر 5
"فيل و أسد و جاموس و وحيد القرن"
مش باقى غير الليوبارد ياترى هنشوفه
المعروف عنه انه بيبقى على الشجر فكان كل تركيزنا على الشجر

واحنا ماشيين لقينا زحمة

هذه الصورة تم تصغيرها . الحجم الافتراضي لها هو 834x557.

وواضح كده ان فى اسد

هذه الصورة تم تصغيرها . الحجم الافتراضي لها هو 834x557.

كانوا اتنين ذكر وانثى
واقتربت منها تقريبا لحد متر واحد

هذه الصورة تم تصغيرها . الحجم الافتراضي لها هو 834x557.

والناس حذرونى من خطورة اللى بعمله ده لانى كنت فاتح شباك العربية

المهم هى خافت منى وراحت للذكر يحميها

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

جمال جدا ما شاء الله

هذه الصورة تم تصغيرها . الحجم الافتراضي لها هو 834x557.

وغابت الشمس واحنا لسه موصلناش البوابة

هذه الصورة تم تصغيرها . الحجم الافتراضي لها هو 834x557.

وزودنا السرعة اكثر تقريبا ضعف المسموح بيه

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

والطريق مش بيخلص والساعه عدت 6

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ووصلنا اخيرا الطريق المرصوف

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ووصلنا البوابة تقريبا مع بدأ الظلام
متأخرين تقريبا ربع ساعه
لكن الحمد لله محصلش مشاكل وخرجونا عادى من البوابة

هذه الصورة تم تصغيرها . الحجم الافتراضي لها هو 834x557.

لنبدأ طريق العودة الى نيلسبرت

هذه الصورة تم تصغيرها . الحجم الافتراضي لها هو 834x557.

الطريق كان فيه كارتة تمنها 50 راند

هذه الصورة تم تصغيرها . الحجم الافتراضي لها هو 834x557.

ودى المدينة بجوار البوابة

هذه الصورة تم تصغيرها . الحجم الافتراضي لها هو 834x557.

ودى صورة الطريق وزى ما قلتلكم السواقة بالليل هناك سهلة جدا وأمان الحمد لله

وصلنا البيت تقريبا الساعه 8
وقعدنا مع صاحب البيت نحكيله والراجل كان ما شاء الله محترم جدا

وكده يكون خلص واحد من امتع واجمل واطول ايام الرحلة
على الرغم اننا مشوفناش الليوبارد
بس نسبة 4 من 5 تعتبر من big five لرحلة يوم واحد تعتبر ناجحة جدا جدا الحمد لله

التقييم للبارك واليوم
طبعا مش محتاجة كلام 10\10

شوية نصائح لو هتعملوا زيارة ليوم واحد
متنساش تملوا تانك البنزين فى العربية والمحطات موجودة فى الكامبس بس احتياطى برضه
لو الزيارة فى الصيف يبقى المايه الساقعة شئ مهم جدا يفضل لو يكون معاكم حاجة تحافظ على برودة الماء
الاكل مش مهم قوى كان معانا شوية بسكوت وسناكس كفونا اليوم الحمد لله
مستحيل تلف البارك كلها فى يوم او يومين على الاقل 3 ايام
الحيوانات المفترسة بتصطاد وقت الشروق ووقت الغروب
الصبر وانت فى البارك ممكن يعدى عليك ساعات من غير ما تشوف حيوان واحد


كده تقريبا انا خلصت كل المعلومات ليوم ولو فى اى خطأ سامحونى عليه

اراكم فى الحلقة القادمة و "صن سيتى"

تحياتى

بسم الله الرحمن الرحيم
الحلقة الرابعة (SunCity)

السلام عليكم ورحمة الله وبركاته

صباح يوم الاثنين 23-3-2015

كالعادة صحيت من الفجر صليت وجهزت الشنط
وفطرت واستنيت صاحبى يجيى ساعتين على ما صحى
المهم صحي وجهز شنطه وودعنا صاحب المنزل
وقالنا شوية نصايح
زى متقفوش لحد فى الطريق ونخبى الحاجات الثمينة علشان زجاج العربية هيكسروه وياخدوها
زى اى بلد يعنى
وقال متصرفوش فلوس فى صن سيتى كتيير

نبذة عن صن سيتى

كان فى رجل اعمال معاه فلوس
وعاوز يعمل مشروع فندق من افخم فنادق العالم فقرر بناء منتجع صن سيتى
واختار المكان على انقاض مدينة قديمة اثرية
وبالفعل قد كان ففندق the palace واحد من أفخم الفنادق فى العالم
وهو احد الفنادق فى صن سيتى
فى فنادق تانى زى كبانس سعرها معقول لمن اراد الاقامة فى المدينة
او الخيار المفضل للسياح الاقتصاديين زى كده المبيت فى فندق خارج المدينة وزيارتها ليوم واحد
اقرب مدينة ليها مدينة روستنبرج وهى عاصمة مقاطعة نورث ويست

صن سيتى فيها حاجات كتير
زى فالى اوف ويفز او وادى الموج وده زى حمام سباحة صناعى وفى امواج Valley Of Waves
وفى البحيرة وفيها العاب مائية
وفى ركوب المنطاد
وفى المتاهة للمدينة الضائعة The maze of the lost palace
وفي بجانبها محمية بيلانسبرج الطبيعية زيها زي كروجر بس مع الفارق plensibner national park


نرجع تانى لرحلتنا
انطلقنا من المنزل فى نلسبروت الساعة 8 صباحا تقريبا والطريق بياخد 5 ساعات
تبعد عن نلسبروت تقريبا 500 كيلو
وزى ماقلتلكم الطريق مش مشكلة السواقة مريحة جدا
وطبعا كنا بنبدل انا وصديقى
حطينا بنزين للعربية واشترينا مؤن (مايه وشيبسى وعصاير) للطريق
حطينا العنوان على جوجل مابس وانطلقنا

صديقى تولى القيادة فى اول الطريق فكان فى فرصة اصور

الطريق فى نلسبروت

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وده ملعب مومبيلا او نليسبرت "يطلق عليها الاسمين" وكان اتلعب فيه مبارايات كأس العالم 2010

هذه الصورة تم تصغيرها . الحجم الافتراضي لها هو 834x557.

الطريق كان من أروع الطرق اللى مشينا فيه وكان اول مرة نشوفه لاننا وصلنا فيه بالليل

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

الطريق من نليسبرت الى ويت بانك تول مزدوج بس مفيش مشاكل
الناس هناك ملتزمة جدا والطرق مريحة جدا جدا

هذه الصورة تم تصغيرها . الحجم الافتراضي لها هو 834x557.

وساعات يفتح حارة للتخطى او لو فى طريق يمين او شمال

هذه الصورة تم تصغيرها . الحجم الافتراضي لها هو 834x557.

ودى قرى الأفارقة اصحاب البشرة السوداء

هذه الصورة تم تصغيرها . الحجم الافتراضي لها هو 834x557.

وللاسف هتشوفوا المنظر ده على أطراف المدن وفى الطرق السريعة
وعلى الرغم من التقدم الهائل ومستوى المعيشة المرتفع جدا جدا فى جنوب أفريقيا
لكن للاسف مازالت سياسة التمييز العنصرى موجودة وبشدة
فأصحاب اللون الاسود أغلبيتهم يعيشوا فى عشش او بيوت صفيح فى القرى
وكنت بشوفهم واقفين على الطريق بيوقفوا اى عربية مواصلة ليهم
طبعا لان البلد هناك مش مهتمية بالمواصلات لان البيض كلهم معاهم سياراتهم الخاصة
لكن فى جوهانسبرج وكيب تاونفى بعض السود مستواهم مرتفع
لكن الاغلبية كما ترون
الابيض فى فلل وقصور فارهة والاسود فى عشش وبيوت صفيح

نكمل طريقنا

ده واحد بيوسعلنا الطريق

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وكان علينا اننا نعدى من النفق وسط الجبل

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وصلنا

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

يدأت معالم الطبيعة تتغير شوية
واعتقد من بسبب تدخل الانسان وتكسير الغابات

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

بعض القرى الافريقية البسيطة على جانب الطريق

هذه الصورة تم تصغيرها . الحجم الافتراضي لها هو 834x557.

ووصلنا للطريق متعدد الحارات

هذه الصورة تم تصغيرها . الحجم الافتراضي لها هو 834x557.

وهنا كان سواقة 200 كيلو وصاحبى تعب
وتوليت انا القيادة

الطريق اللى اختاره جوجل كان بيمر فى قلب بريتوريا وروستنبرج
على الرغم ان الطريق السريع كان تقريبا يوصل بس أطول
المهم الطرق اللى اختاره كان بيمر فى مناطق طبيعية خرافية فى ولاية نورث ويست
جمال وطرق مفتوحة قدامك مد البصر
كان طريق خيالى فعلا
ومدينة روستنبرج هى حلوة وهادية
بس مستوى المعيشة اقل من بريتوريا و نليسبرت
طبعا الزحمة فى بريتوريا خيالية

المهم وصلنا كانت الساعة 1:30 الظهر
كان هدفنا بس اشوف المكان وادخل وادى الموج valley of waves
وقالولنا فى اوفر للدخول المدينة والوادى الشخص ب 160 راند
دفعنا الفلوس ودخلنا

لفينا بسرعة حول الفنادق وركنت العربية فى الباركينج وانطلقنا
التصوير هيكون بالموبايل بس للأسف

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

دخلنا entertainment center او مركز الترفيه

هذه الصورة تم تصغيرها . الحجم الافتراضي لها هو 823x618.

وده فيه العاب فيديو والمتاهة والمدخل لوادى الموج

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

الصور مش واضحة للاسف

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

مضيعناش وقت كتير فى اللف ودخلنا على طول للوادى

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

مع التماثيل دى كان في مؤثرات صوتية يعنى أصوات افيل وقرود

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

وده الوادى من فوق

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

اجرنا لوكر شيلنا فيه حاجتنا وانطلقنا فى الوادى

اكشاك الاكل وفي منها حلال
ملحوظة ممنوع دخول المأكولات الى الوادى

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

أشهر العاب الوادى هو حوض السباحة ده

هذه الصورة تم تصغيرها . الحجم الافتراضي لها هو 823x618.

واللى بيبقى فيه أمواج صناعية وهو ممتع جدا جدا ومش عميق
مناسب للاطفال والكبار

عاملين شط رمل وشماسى كأنه بحر حقيقى

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

الوادى فيه العاب تانية
فى زحاليق فى المايه
وفيه لعبة زحلقة كده اشبه بالسقوط الحر
وممكن تتزحلق بالعوامات
هى قريبة من صنواى لاجوون اللى فى ماليزيا بس امكانيات اقل

قعدنا تقريبا 3 ساعات فى المايه بين لعبة ولعبة
وكفاية كده

خرجنا من الوادى نشوف المدينة فيها ايه من بره

ده ملعب الجولف

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

وده الكازينو اعاذنا الله

هذه الصورة تم تصغيرها . الحجم الافتراضي لها هو 823x618.

قعدنا نتمشى شوية وروحنا فندق بلاس ومردوش يدخلونا
لازم تكون مقيم فى الفندق

وكان الوقت اتأخر جدا والساعة 8
واحنا لسه ورانا سفر للمبيت فى بريتوريا
كلمت الجيست هاوس وبلغته اننا هنتأخر تقريبا للساعه 11
خرجنا من المدينة وحطينا بنزين وكلنا حاجات خفيفة وانطلقنا

الطرق فى نورث ويست مش زى باقى الولايات
بس تعتبر حلوة برضه
بس الحال بيختلف فى بريتوريا
طرق رائعة بس عيبها كان فى تول كتير
كل شوية 2 راند 3 راند
وكان فى حاجات متعلقة بتخصم من العربية اتوماتيك فى جهاز كده متعلق عند المراية على الزجاج الامامى
مسجل بيانات العربية
وصلنا بريتوريا تقريبا الساعة 10 ونص وعدينا على القصر الرئاسى
اللى كان بين مكان سكنا وبينه تقريبا 200 متر
ووصلنا البيت
وحصل لخبطة فى الغرفة لكن كل شئ تمام
هى ليلة وهتعدى
طبعا نمت تقريبا من غير ما حتى اكل من التعب

تقييم اليوم
وادى الموج الصراحة معجبنيش
يعنى مش مستاهل المشوار علشان فى الاخر شوية زحاليق وحمام سباحة
انا مشوفتش باقى الحاجات فى صن سيتى زى البحيرة
لكن اعتقد انها برضه مش حلوة ومش مستاهلة المشوار

هو بس منتجع فخم لعشاق الفخامة
التقييم 7\ 10

اراكم فى الحلقة القادمة و (الانتقال الى الجاردن رووت)

تحياتى

بسم الله الرحمن الرحيم

الحلقة الخامسة (الانتقال الى الجاردن رووت)

السلام عليكم ورحمة الله وبركاته

صباح يوم الثلاثاء 24 -3-2015

صباح مشمس فى مدينة بريتوريا العاصمة الجنوب افريقية
كان معاد الطيارة الى جورج من جوهانسبرج الساعة 3 ونصف عصرا
فكان عندنا وقت ناخد جولة سريعة فى بريتوريا وجوهانسبرج
قررت انى اصحى براحتى اليوم ده واريح شوية
بس لقيتهم بيصحونى الفجر علشان راكن العربية وواحد عاوز يطلع من جنبى
مفيش فايدة
المهم صحيت وكان الجو بارد شوية
صور من ساحة البيت



هذه الصورة تم تصغيرها . الحجم الافتراضي لها هو 823x618.

خرجنا من الفندق نتجول فى شوارع بيتوريا
وهو موجود فى المنطقة المركزية

شوارع مدينة بريتوريا

هذه الصورة تم تصغيرها . الحجم الافتراضي لها هو 834x557.

طبعا زحمة مقارنة بنيلسبرت

هذه الصورة تم تصغيرها . الحجم الافتراضي لها هو 834x557.

لا دى زحمة جدا

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

قررنا التوجه الى جوهانسبرج وتحديدا الى ساندتون سيتى

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

الطريق تقريبا بياخد ساعة

وبدأت جوهانسبرج تلوح فى الافق

هذه الصورة تم تصغيرها . الحجم الافتراضي لها هو 834x557.

وكعادة مدن جنوب افريقيا
الاحياء الفقيرة على اطراف المدن

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

وها هى ساندتون سيتى

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

هذه الصورة تم تصغيرها . الحجم الافتراضي لها هو 834x557.

ركنا العربية فى الباركينج واخدنا جولة فى المول

هذه الصورة تم تصغيرها . الحجم الافتراضي لها هو 823x618.

وبعدها خرجنا الى ساحة نيلسون مانديلا

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x1096.

هذه الصورة تم تصغيرها . الحجم الافتراضي لها هو 823x618.

الاجواء كانت رائعة فى جوهانسبرج الصبح درجة الحرارة كانت فى حدود 20 درجة

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

كانت الساعة تقريبا 10 فى معظم المطاعم والكافيهات كانت فاضية

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

كان فى بعض التصليحات فى الساحة

هذه الصورة تم تصغيرها . الحجم الافتراضي لها هو 823x1096.

هذه الصورة تم تصغيرها . الحجم الافتراضي لها هو 823x618.

بعد كده دخلنا المول وذهبنا الى الفود كورت
وفى مطاعم هناك حلال كتيير جبنا اكل
وكان فى مباراة كريكت بين جنوب افريقيا ونيوزيلندا فى قبل النهائى كاس العالم
وكان الشعب الجنوب افريقيى كله بيتفرج فى شاشات المول
وهايصين وانا مش فاهم اللعبة بتتلعب ازاى
بس كنا بنشجع معاهم وخلاص

خرجنا مكملناش المباراة لان كان فى موعد مع صديق لينا بيشتغل فى جوهانسبرج
خرجنا ورحنا مكان جنب ساندتون زى مجمع كافيهات كده

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

هذه الصورة تم تصغيرها . الحجم الافتراضي لها هو 823x618.

قعدنا فى كافيه قعدة سريعة كده لان الساعة كانت 12 وده معاد التحرك للمطار

هذه الصورة تم تصغيرها . الحجم الافتراضي لها هو 823x618.