تقرير رحلتي لمصر بين يديكم

السلام عليكم

اقدم لك تقرير زيارتنا السريعة لمصر واتمنى يعجبكم ان شاء الله

في يوم الاثنين 19 ماي انطلقنا من الزلفي الساعه 9 الصبح باتجاه الرياض طبعا مايحتاج اصور لكم

الطريق غبار وما تشوف شي فما صورت شي وصلنا الرياض الساعة 11 ونص وقلطنا عند واحد من

الربع وتقهوينا عنده وصلينا الظهر والعصر جمع تقديم وطلعنا منه الساعه 1 متوجهين الى مطار

الملك خالد (الله يرفع درجاته بالجنة)

هذي بوابة المطار


وصلنا المطار



انهينا اجراءات التسجيل بسرعه فائقة خلال نصف ساعه واللي قدامنا بس 4 أشخاص لاننا جايين بدري
طبعا وحنا بالسرا ننتظر دورنا كل شوي يجي مصري يسأل معكوش عفش بالشحن نقوله لا يقول

عاوز اشحن الشنط دي بإسمكم ونعتذر منه اننا طالعين واشنطن ومصدقين الشباب . يعني

انتبهوا لاتاخذون عفش احد وتبلشون بمشاكل انتم بغنى عنها . دخلنا صالة المغادرة ننتظر الاعلان

عن الرحلة وهذي طيارتنا



ولاحظوا وراها طيارة مقلعة ابا سوي نفسي يم الدريشة على التوقيت الزين بلقط الصورة .

ركبنا الطيارة وكانت من النوع القديم يعني ما فيه ترفيه بس ماهيب مشكلة مادامت الدعوى

ساعتين نقطعها بالسوالف



وبعد ما حركت الطيارة وقفنا شوي عند المدرج تعرفون زحمة طيران يقلع تسع طيارات بنفس

الوقت ما قدامنا الا طيارة وحده وتهرب من الزيوت



اللي قهرني اني قايل للموظف نبي مكان زين نبي نصور وما قصر حطنا باحسن مكان على الجناح

جابوا لنا الغدا


سبحان الله لاحظوا اختلاف التضاريس وياليت من يعرف وش هالمدينة اللي داخل المثلث



هذي مزارع تبوك



بعدين وزعوا علينا بطاقات الدخول



لاحظوا من اللي طابع الكروت انا مدري وش دخلهم



وصلنا الى سيناء وهذا خليج العكبة





وهذا خليج السويس اعتقد اسمه كذا


دخلنا صالة القدوم وكانت زحمة بس ماطولنا 10 دقايق وحنا طالعين


وهنا الناس اللي يستقبلون وتبي تسمعون صوت العياط والزغاريد .


اول مرة زرت مصر كانت عام 94 وهذي ثاني مرة

واتذكر كلام ابو سلطان في تقريره يوم يقول لاتصدق كل ما يقال بمصر ابا اقول لكم هالقصة اللي

صارت لنا في الزيارة الاولى :

كنا ثلاث شباب وكانوا يصدقون كل شي تقريبا المهم كنا نتمشى في شارع جامعة الدول العربية

ومرينا جنب محل وكان مكتوب على باب المحل بخط صغير بادارة كبتن عطار قلت لهم خلوا ندخل

هالمحل ودخلنا وسألت الموظف وين الكبتن عطار قال بالدور الثاني طلعنا عنده وسلمت عليه

وقلت عرفتني بدون تردد قال امال ايه فاكرك وانتا صغير أد كده هوه والعيال طايره عيونهم وهم يدرون

اني أول مرة أجي لمصر جلسنا عنده شوي وطلعنا قلت للعيال تتوقعون اني اعرفه

قالوا أكيد قلت لهم انه نصاب ولا يعرفني ورجعتهم عند باب المحل وقلت أقروا المكتوب على الباب .

ومن بعدها ما عاد صدقوا شي .

نرجع لرحلتنا

هنا التكاسي عند الباب والتوصيل ب70 قنيه للبلد



طبعا حنا تنتظرنا سيارة خاصة بتوصلنا للفندق

أهي العربية الخاصة صغننة تسفطنا بها وتلاحظون توسعة المطار الجديدة وهي على وشك تخلص



في الطريق





مسجد جديد على الطريق ما بعد افتتح تصميمه رائع

هذه الصورة تم اعادة تحجيمها . الحجم الافتراضي لها هو 800x1067.

فندق هيلتون النيل



وهذا فندقنا رمسيس هيلتون واحب بهاالمناسبة ان اشكر حبيب ألبي كب كب على فزعته معنا

ولايهون صاحبنا ....... يعرفه كب كب .




دخلنا الفندق وكان سعره 170 دولار الليلة بدون فطور وكان مزحوم الفندق وفيه ازعاج شوي

هذي الغرفة



اطلالة الغرفة على 6 أكتوبر



صلينا المغرب والعشا ونزلنا نشتري كرت تلفون وكانوا نصابين كالعادة محل يبيع كرت فودا فون ب70

قنيه ومحل ب30 فلا تستعجلون ويتفلسفون يقول الخط ده سوبر دردشه . المهم أخذنا كرت ب30

قنيه وشحناه بخمسين والولد صاحب الكشك قاعد يسوي اعدادات الشحن حول لرصيد جواله 15

جنيه والغبي جتني رساله تقول انه نجح التحويل

سألناه ليه حول قال ما حولت وهذي خطأ من الاستعلامات وقفل جواله أدق عليه مقفل حاسبنا

ومشينا .:mh1313:


انتظرونا بالاجزاء القادمة والله يعينكم علي اخوك اكسل واحد بالتقارير اسبوعين علشان احمل

الصور ولا بعد قضيت .

مشينا من صاحب بطاقات التلفون وطلعنا للحسين

هذا جامع الأزهر



وهنا جينا منطقة للحسين فيها مسجد الحسين وفيه قبر يقولون انه له ويضحكون على الناس وفيه من الشركيات مالله بها عليم الله يهديهم .

هذا مسجد الحسين







وهنا جلست الفيشاوي وهي مقهى في ممر ضيق يجيبك تكة الخلق من الزحمة والحر والدخان المعفن






رحنا ندور مطعم فرحات الله لايعيده خويي يقول عليهم أكل ومن أنظف المطاعم جاملته ورحنا

لفرحات ومن زينهم حاطين هاللوحة



المقبلات الله يديم النعمة



ولاحظوا اللي بالكاس مرقة الحمام

الطبق الرئيسي محشي حمام والحمامة مغطوسة بزيت محروق وفصفصت الحمامة للي بالصورة

وفضلت الجوع على أني آكلها



وخليتها من نصيب الضيوف اللي تحت الكراسي



على بال ما يتعشى رفيقي قعدت أقرا لوحات المحلات وصورت لكم هالصورة



بعد العشا رجعنا للفيشاوي وطلبنا شاهي وانبهكم الى انهم يكثرون السكر في الشاهي فاللي

ما يحب السكر عند الطلب يقول لهم السكر برا

وانت جالس يزعجونك الباعة المتجولين واذا بغيتو تشترون لاتستعجلون كاسروا واخسفوا بالاسعار تراهم يبيعون

مثلا كابات عرضهم علينا 30 جنيه للحبة ونزلناه للخمسة جنيه ولا شرينا ولو نبي نشتري نزلناه لنص جنيه بس تبي طول بال شوي .

هذا الشاي وانتبهوا تشربون ماهم اشربوا موية صحه وتأكدوا انها مغلفة بعد



هالطفلة المسكينة من نماذج الاستعطاف حتى تشتري

هذه الصورة تم اعادة تحجيمها . الحجم الافتراضي لها هو 800x1067.
رجعنا للفندق وجينا من ورا صاحب الكشك اللي اشترينا منه البطاقة ودقيت عليه جوال ورد علي قلت أخبارك ياباشا

ويرد تما م مين معايا قلت له طلع الخمسطعشر قنيه وبص وراك يوم التفت وشافني بغى يغمى عليه ويجي اللي جنبه

بالكشك ايه فيه ايه لازم يسوون هالاسلوب قلت الحرامي هذا سرق 15 جنيه يرجعها هالحين والا لي تصرف ثاني

وترى والله ما همتنا القيمة بس علشان نأدبه طلع خويه بطاقة شحن 10 جنيه وقال خوذوها بدل اللي أخذ قلت باقي 5 جنيه

ترجانا نمسحها بوجهه ومسحناها بوجهه .

ودخلنا الفندق ونمنا .

هذي اطلة الفندق الصبح


وميزة في مصر ماتسمع صوت بوري السيارة أبد كنك بعشة حمام من الهدوء وكملها تحت الفندق موقف الباصات يعني


انس تسمع ازعاج أبد .




المتحف واضح من اطلالة الفندق بس النخلة اللي ورا ما ادري وين محلها من الاعراب

برضه هذي من اطلالة الغرفة
برج القاهرة


لاحظوا القلعة بأخر الصورة


وهذي ميزة الادوار العليا تشوف كل شي . بس عيبها لو شب حريق تتورط ما يمديك تنزل وان طبيت رحت ملح
نزلنا من الغرفة وطوالي للمسبح قلت استغل الفرصة دام مابه أحد واصوره لكم
المسبح صغير مرة



كرسي أعجبني عند المسبح

-------------------------------------------------\

طلعنا من الفندق الى شارع القصر العيني لان عندنا موعد في احد المكاتب هناك وقبل الموعد قررنا نفطر بواحد من
المقاهي الشعبية هناك ... انا ما فيه أمل آكل أكلهم مريت على بقالة وأخذت توست وجبن مثلث ورحنا المقهى وطلبنا
شاهي ولاتستغرب تشوف نشارة خشب بالارضية علشان تتشرب الما والشاي اذا انكب على الارض طبعا

أغلب الشعب مدخن ويدخن أردى الانواع الله لايبلانا وما تسمع بالمقهى الا بربرة هالارجيلة .
أفطرنا وطلعنا للمكتب جلسنا عنده من 11 الى 1 ورجعنا للفندق وصلينا الظهر والعصر
ونزلنا للمراكب اللي تودي للقناطر ( تسمع بالمعيدي خير من ان تراه ) حجزنا ذهاب وعوده بخمسة قنيه


هذي الجلسة الداخلية للي يبي المكيف

وأفضل شي الجلسة بالسطح برادات وجو رائع
بعد ما تحركنا

الصورة تعبر عن نفسها
هذه الصورة تم اعادة تحجيمها . الحجم الافتراضي لها هو 800x1067.
هيلتون جنب كونراد بس ما أدري هي شقق أو فندق

وشفت هالسرب قلت ابا اصير مثل يم الدريشة



وصياد مشغول بشبكته



وصلنا الأناطر



تنزل من العبارة وتمشي في الطريق الضيق اللي في الصورة



وبنهاية الطريق تقابلكم التوك توك والحنطور والريحه الله يكرمكم :112: وزيادة شمس

بدينا بالتفاوض مع صاحب حنطور واخذناه بـ15 جنيه بعد ماكان بالبداية يقولنا بـ40

يعني لاتستعجلون طبعا كانت الرحلة تشمل مشتل ومباني نسيت اساميها

واهم شي الشلالات .

فور رينت


هذي القناطر وهي عبارة عن حواجز للتحكم بحركة الماء






طبعا فيه ناس ساكنين في القناطر وكل بيت تلقاهم حاطين زير لتبريد الماء وسبيل جزاهم الله خير






هنا يوقف الحنطور علشان تستانس بالشلالات :2111:

يرفعون الحديد الحاجز وويطلع صوت للما ويقولون شلالات



القوارب للايجار ونلاحظ تسميات مختلفة لجذب الزبون مثل النجم السعودي وبعضهم حاط اعلام دول الخليج



طبعا كل صاحب حنطور وتوك توك يصير متفق مع صاحب مطعم وبوفية ويبدون يسردون لك

انا حوديك احلى مطعم في مصر كلها ومن هالكلام حتى يفوز بالنسبة .

كان الجوع متعبنا وقلنا نجرب المطعم الكبير والمزحوم في القناطر وخود بالك عند الحساب

جينا نغسل ايدينا وما قدرنا ندخل من الريحة الله يكرمكم ولاتغركم البوية الجديدة



المينيو والا سعار وفيه ضريبة ممكن تتلغي بـ5جنيه للجرسون






طلبنا



طبعا وجبتني راحت للي بالصورة



ماقلت لكم ابا اصير يم الدريشة



وحدة من قاعات الافراح بالأناطر



وبعدين مشينا من الاناطر وكان الجو محلو



واحد من البيوت وحنا راجعين تمنيت اني ادخله واشوف بساطتهم وطيبتهم



بطريق الرجعة تشوف مداخن واجد تشبه هاللي بالصورة وهي اللي يصنعون فيها الطوب





احد مسببات الامراض في مصر وهي النباتات اللي تتجمع فيها المياه وتركد وتصير بيئة مناسبة للميكروبات

ولاحظو الطيور وش كثرها معششة في هالمكان






جلسات على النيل



وكوفي ثاني مع صيد سمك




يبنون سفن



ساكن فيها لين تجهز





وصلنا القاهرة ولله الحمد ونصيحة لا أحد يهوب ناحية الأناطر ماتستاهل المشوار



وعند الغروب يكثر باعة المكسرات عالنيل

هذه الصورة تم اعادة تحجيمها . الحجم الافتراضي لها هو 800x1067.

واعذرونا على القصور . وان شاء الله نكمل التقرير باسرع وقت