تقرير رحلتي إلى تُركيآا

طيب ليش تركيآا . .؟!
أمآ ليش..اممم بصرآحه مآ كآنت آلخيآرات كثيره
وذلك لعده أسبآب:
- خبركم آلدنيآ قآبسه ه آليومين ف صآر exclude
لبعض الدول.
- ثانيا / بعض آلدول كـ دول شرق اسيآ آتجول جنك ف
آلخليج من كثرتهم هنآكـ م شآلله..
- ثآلثآ / وقت آلسفرة كآنت ف منتصف هآلشهر بعض
آلدول غير منآسبه للسيآحة ف هآلوقت من نآحية آلجو .
ف صآار أن أفضل مكآن ممكن نزوره تركيآا ول أسبآب :
- طرآزهآ الاسلآمي الاوروبي بحيث انهآ جآمعة بين آلطآبع
الاوروبي في مبآنيهآ وشوآرعهآ ومدنهآ بشكل عآم مع
آلطرآز الاسلامي من نآحية آلمساجد وطبيعة هلهآ.
- الاثآر وآلمسآجد وآلمتآحف اللي فيهآ.
- طبيعتهآ الرآايعة وهـ آلي رينآه بآلصور ع آلنت قبل م
نمشي لهآ وتأكدنا منه بعد مآ زرنآهاآ .
- قربهآ آلنسبي وهذا ينعكس على اسعآر آلتذاكر
وقيمة الاتصآل.
- سمعتها آلطيبة وخصوصآ من اهلها اللي نخآلطهم هني.

موقعهآ..؟
تركيآ جزء منهآ ف أسيآ وجزء تتون ف أوروبآ هـ آلشيء
بحد ذآته غريب ويصلح لغز
تقع ع بحر مدري شسمه ويآه الأسود وآلمتوسط يعني فيهآ
برركه م شآلله قآرتين وثلآث بحآار ومضيقين آلي هم
آلبوسفور وآلدردنيل ويآاالله الجنة..
أهم مدنهآ اسطنبوول زمآن ينجآل لهآ القسطنطينية لكن
عقب آلفتح الاسلآمي تغير اسمهآ الى اسطنبول وصارت
عاصمة للخلافة الاسلامية.. هي ع زمآن حكمهآ عثمآني
لي مآ يآ اتاتورك وقلب آلدنيآ وحطهآ جمهورية وبدل آللغة
الى الاتينية وهـ الشي مسك ويآهم ل يومكم هذآ.

غآالية . .؟
موو آلغلآ آلي توقعنآه وآلي خبرونآ به
الفنآدق أسعآرها مرآ حلوة ومنآسبة خصه أن وقت روحتنآ
صآدف الفترة الي صآر فيهآ آلزلزآل وآلسيآح كلهم طآروآ
منهآ فـ اغلب الفنآدق مسوية خصومآت ..
اجمالا اسعار السكن هناك مقبولة نوعا ما وب آلخصومآت رخيصة
ب آلزوود..يعني فندق 4 نجوم م يقآرب ال 29 ريآل
عمآني .. ملآحظين 4 نجوم !
اما المطاعم اسعآرهم شروآ اسعآرنآ هني يعني مشي
إختلآف كبير والموآصلآت والتنقلآت حدهآ رخيصه ب
آلترآم وآلمترو احسن عن آلتكآسي وأوفر ب كثييير..

ب آلنسبة ل أسوآقهم وبضآعتهم فهي مرتفعه بعض آلشيء
واحيان تصل للضعف ونآدر م تكون أقل من عندنآ..
ب آلمتختصر ل تمشآيه مرآا حلووة
أمآ ل تسسوق
لآ تفكر



آلجوو . .؟
أمآ برد عليهم يقرصص بس غرآاام وآلله ^^
درجة آلحرآرة كآنت تترآوح من 8 ل 10




أهلهآا . .؟
طبيعة آلناس هنآك تختلف
بشكل عآم آلشعب آلتركي مضيآاف ويرحب بآلسياح
ويعطيك حقك كسآئح ومستحيل انه يستغلك او يشلخ عليكـ
صحيح ان شغل "آلمكاسر" قليل ينفع معهم لكن لو مآ
ايي منهم الا انهم يعطونك حقك هذا يكفي..
اماآ كـ تعاآمل آلشعب فـ اللي بآلمدن آلرئيسية كأسطنبول
آلناس هنآك " كلن عايش جوهه " وتحس ان بهم
" شوفة نفس" بعض الشي ..اما القرى فـ مررآ طيبين
ويرحبون بآللي يزورنهم ويحطونك فوق روسهم ويغدونك
ويعشونك من بيتهم أهم شيء كريميين وآلله..
وخصوصا آلي يتكلمون عربي وآيدين ، يآني حبيتهم ذول
الأوآدم ودي أعيش ويآهم حيآتهم ريفية بسيطة بعيييد
عن آلمدن وربشتهآا..
+ يشتآفون شهبآان م شآلله جمآاال يآغير جووهم
غدر بهم وقلبهم حممر شقر ><


مسلمين . .؟
بالتأكيد تركيآ دولة إسلامية كآنت عآصمة للخلافة
الاسلامية فترة طويلة ولاآ تزآال تحتفظ بآالكثير من آلتراث
الاسلامي آلكبير .. وانا مآشيه تركيآ كنت اتخيل انهآ
تحولت الى دولة علمانية "كمآ ينص دستورها" وانهآ ابتعدت
عن آلدين و و ..لكن بعد ما حدرت لهآ
سمعت الاذان من المآذن من كل جهة من اسطنبول
وآلمساجد في كل مكان في تركياآ في آلمدن وآلقرى وع
رؤوس آلجبال..شي يخليك تعتز وآلله
آلشعب هناك متمسكين بأصولهم الاسلامية, صحيح ان
تطبيق آلدين هناك مو شروآ لي عندنا لكن فوق مآ توقعت
وآلحمدلله..
وللتذكير نسبة المسلمين 99%
يمثل السنة منهم 90% ولله الحمد

اللغة. .؟
أكبر مشكلة وآجهتنا اللغة
لان عوآم آلناس "نو إنقلش نو أرابيك توركش أونلي " !
مآ لكم إلآ الإشآرة حتى انقليزي م يفهمون
لغة الإشارة ويفتحهآ الله..

النقل والموآصلآت ..؟
من اكثر الاشياء الي عيبتني هنآك هي آلخيارات المتنوعة
للنقل وخصوصا في اسطنبول وآلخيارات هآي خلت آلتنقل
في هذه آلمدينة آلمكتظة بالسكان "13 مليون نسمة في
اسطنبول امراً سهلاً جدا ..

آلمترو / وهو تحت الارض تخيلوا عند آلمطار تقريبا 6
طوآبق تحت الارض حتى توصل المترو
تخيلوا ف مسقط جي << ياهي صعععبة
+ سعر التذكرة مرآا رخيص.
الترام / وهو شروآ آلمترو يختلف انه له مسآر خآص
بالشوارع الرئيسية وميزته مآ عليه من احد بالشارع..
يمشي وبس عيبني ه آلترآم والله

التكاسي/ هي بصراحة غآلية مقآرنه ب آلمترو وآلترآم بس
تفج ازمة وخصوصا اذا صآر ويآكم عفش وايد من شنآط
وغيرره "اذا وصلت اسطنبول تحتآي له من آلمطار وآلعكس
اذا كنت بتغآدر من آلفندق الى المطآر
فهو يعتبر خيار ممتاز!
الفري/ وهو آلنقل آلبحري عبر بحر مرمرة ومضيق آلبسفور
بحيث انه ينقلك إلى آلجهة الاخرى من اسطنبول او ينقلك
للمدن الاخرى كبورصة ويلوا وغيرها !

الأماآن ..؟
اماآ الامان , فالبلد بصرآحة جداً آمن
م شفت اي شي يعكر الامن من سرقآت او ما شابهه..

**

في مآ تبقى من موضوعنآ رح استعرض معكم
ما صآدته عدستي من صور لجمآل تركيآ وطبيعتهآ وتراثهآ
مع "حبتين" تعليقآت ومعلومات اتمنى انهآ تفيدكم وتونسكم
وقبل ما نبدأ نقهويكم بـ شاي بو ليره

خروجنآ من مطآر بوظبي - طيرآن الأتحآاد
تقريبآ 5 سآاعات ف آلجو

وصلنآ ع خير مطآر أتآتوركـ والارهآق وآصل حده
منه للفندق آلي سبق وحجزنآ فيه

ف آلشآرع قبيل وصولنآ آلفندق
م شآلله علمهم بكل مكآان

أمطرت علينآا وحن ب آلدرب

أقتربنآ من فندق مرمره مرمر الله دمهم
اسوء فندق ريته ب حيآتي
صورهه ب آلنت تخدع بطريقة مفجعه..
المشكله أنه 4 نجوم!
مودي قلب من آلصدمة وآلله..كنآا نبي نرتآح شوي
بس مشي الوضع م يآز لنآا وأنآا حسيت ب آلذنب لني مختآرته
غير هآ آلي ويآي أول م شآف آلفندق جآل وآلله م أسكن هني
وآلسبب أنه ف اسطنبول حلوو م اختلفنآ بس ع زحلييييقه وآلمطر م جصر
يعني ع آلدخله وآلطلعه توقع آلسدحه هههه


طلعنآ نشوف فنآدق 2عسب ميضيع علينآ بآجر ف تدوير آلفنآدق
كآاافي آليوم رآاح > مخ سيآحي ^^
حصلنآ بسرعه الحمدلله وحجزنآ ورجعنآ نبآات ف فندق آلزحلييقه
لأن م يصير نكنسل وأشوى أننآ حآجزين ل لليلة وحدة

اليوم الي عقبه يوم الفكة من مآرمرآ
ومن آلغميضه م صورت فيه شيء يعلهم المر يوم انهم 4 نجوم
خذنآ فندق بقلب منطقة سلطآن احمد ويتسمى بأسم المنطقة
غرفهم نظيفة ورآيقة بس عندهم مشكله
# آلفيو حق آلغرفة تعبآن
قهر والله
آلعآلم آلفيو حقهآ بحر وأنهآر وطبيعة وهذولآ حآططين لنآ
مآ آني بـ جآيله هع
أكثر مآ عيبني أن آلقهوة فآلغرف مفتوحة وقت م نبي نرتبهآ أرواحنآ

آلصبآح حدرنآ نتريج أكلهم حلو بس وآلله بررد
م تشتهين تأكلين شيء

وطلعنآا نتممشي..آلحلو أن أغلب المعآلم السيآحية
جريبة من آلفندق يعني دجيجة و وآااصلين آلبقعه آللي نبيهآا ..

طلعنآ ع القصور

قصر آلسلاطين يتسمى

هو قصر واحد يتوارثونه كل السلاطين يعني لو يزينونه قرن كآمل م عليه حسووفه
طبعا اللي يزوره يشوف كل شي في آلقصر..قسم آلمجالس والاستقبآل..غرف آلنوم دورآت آلمياه(الله يكرمكم)
آلمطآبخ بكمالياتها.. والاثآاث والمرآيات
اللي لو يطيح ربعها بس عليك قبرك بمكآنك من كثر آلحفر لي فيه
وآايد م شآلله هذآ من وصف آللآعيه آلي مأخذينه
ع طآري آلسلطآن لو تشوفون لبسه..كله من فوق لتحت سلآسل ذهب
يعني يلبس آلذهب شروآ لبس آلثوب
الله من فسقه ههه
والا عاآد لبس الحرب العالم تلبس حديد وذآ لابس ذهب
احلى قسم كان موجود هو الجناح الخاص بالرسول صلى الله عليه وسلم..
فيه سيف يجولون انه للرسول صلى الله عليه وسلم..وبعد سيوف ثآنيه يجولون
سيوف الصحابه..وبعد فيه شعر ويجولون انه شعر الرسول صلى الله عليه وسلم
عاآد مدري هو صدج والا لا هالحكي ..
يآكثر م يجول هـ آلشعب
للأسف مآكو صور ممنووع آلتصوير
-
آلقصور كلهآ يم بعض وبنفس آلميدآن

بعدها روحنآا لـ جآمع آلسلطان أحمد

ويسمى أيضا بآلجامع الأزرق وهو موجود من عصر آلسلطان أحمد
ووآيد سياآح يزورونه زآحمين آلمكآان

وطبعا تقام الصلاة فيه صلينآ آلعصر وآلظهر
فيه حايه عيبتني قبل م يدشون آلحريم لآزم يغطون كشتهم
واذا م كانو مغطيين يعطونهم شالآت يسترونهم يعني..
وطبعا يمنعون آلدخول بـ آلشوز وانتو بكرآمه
وفيه واحد يوزع اكياس عند آلباب تحطونه فيه

صور له من دآخل

بصراآحه عيبوني حسيتهم حريصين على حفظ إحترام وهيبة آلمكان
بآلنهايه هـ آلجامع شي يخليك تحس بآلفخر وآلعزه
مدري ليش يآني هالشعور بس لمآ شفتهم شجآيل محآفظين ع اثآرهم الاسلاميه
يعني من عصر آلسلطآن أحمد وآلوضع شروآ ما هو
ل اليوم !
لآاا ويفرضون على الغير مسلمين إحترآم هـ الاثار
بأمانة شي جداً رائع
.
.
عاآد أخبركم لما طلعت من آلجامع وش لقيت

حسيت فجأه اني ف باآريس
زجرت ع آلمرشد آلسيآحي :" يآ بوآلشباب عسى مآ شر
شوو هآ ليش مقلدين بآريس هآا !! ينجال لي صايدتهم الحين ههههه
جآال انهآ إهداء من آلرئيس آلمصري
يحليله هـ آلرئيس مهدي وحده لبآريس ورآزينهآ في آلكونكورد >>آلله ع آلثقآفة
والحين هذي في تركيآا والله يعلم منو مهدي بعد
بس بصرآحه هدآياآه قيمة آلعآلم تهدي سآعه ، ذهب ، درع ، مسبآح
تعلوجه
وهو يهدي معلم سياحي !
^^
بعدهآ تمشينآ ف ه آلسآاحه بعيد عن آلشركه آلمرتبطين معهآا
لآ تعجو غوآزيكم ل هآلشركآت صدعآن وآلله
حآطين لنآ لآعيه م يسسكت ..
بعض ه آلقصور م أعرف ش سآميهآ كنآ بعيد
حشرنآا

قصر أيآ صوفيآا

ه آلفقيرة مدري منو لآعب فيهآ

بس بعدهآ أهون عن ختهآ

أشكـ أنه وآحد من هل آلخليج
م أدري ليش

بعدها توجهنآ لقصر اتاتورك

وهالباعه بكل مكآن يبيعون ذرة

وسميت تركي

واشياء مدري كيف
.
.

آلمهم تعبنآ من آلمشي يلسنآا شوي

الرسآمين بعد منتشرين وحلو شغلهم

وحن نفرفر أشتهيت سوب سآخن وخطفنآ
بردهم يآ نآاس يدش آلعظم مهمآ تدآفيتي مآ يفيد

وبعدهآ حوآمة ف أرجآء آلمدينة

.
.
دشينآا ع آلسوق

كبير م شآلله يعني آلوآحد يضيع فيه من كبره
عيبني وايد كله محلآت تحف واشيآء غريبة وخرآابيط توسع الصدر

الشيء آلمهم ف هآلسوق لآ يلعبون عليكم معروف عنه
عكس بآجي الأسوآق يبيعون بذمة وضمير..
تخيلوا شفت شي مرآ حبيته وعيبني بس سعره مب صآحي
يربت اكآسره م رضى
يوم ييت ابظهر جآللي بـ كم تبينه نزلت فيه نص السعر
جآل طيب خذيه يآلنصآب طيب من الاول
عآد ودرته لنه نصآب وحرآمي وسرت للي يمه ابد والله اليدار باليدار
وعنده احلى وأزين من الخرآبيط الي احبهآ
وبأرخص منه مو بنص السعر الإ بثلاث ارباع السعر
يعني كن عليه 70 بالميه تخفيض وخذته وتونست به
طبعا ف كل محل تتكرر التمثيلية /
صرنآ كنآ دآخلين حرب لدرجة انه حتى لو بيجول لنآا ب ليرة بس
جلنآ لاا والله غآاالي خخخ
بعدهآ طلعنآ نتعشى وحن طآلعين صآدفنآ ف آلمطعم عائلة إيطآلية ربع آلي ويآي
مدري متى رآبعوهم م شآلله عليهم فرفآشيين وينحبوآا عزمنآهم وتعشينآا

وشآركونآ آلسوآلف هـ آلحلوييين من الجنسية الاسترآلية
سوآلفهم تونس وآلله ..

و خلص أول بآارت بآجي جزئين وإحتمآل أختصره ل جزء
>> بسس ربآادة

كآن ه آليوم ممل بعض آلشيء مشي أكشنآات
كله أثآار وكلآم ومدري شو بس رحلآتنآ الي يت عقب
أححلى صوب آلريف وآلبحر >> أيووه أحآول أسو دعآاية
آلمشكله آني متعآيزة اكملل..
يلله ع آلنكست دآي

مم
برنآمجنآ ل هآليوم :
- رحلة آلبسفور
- برج البنت + تل آلعرآيس
- جزر الاميرات
- فوروم اسطنبول وهو أكبر مركز تجآري ف تركيآ
.
.

نشينآ من آلغبشه تريجنآا

لين وصل آللآعيه كنت ابصوره بس م صآار
تحركنآ من الفندق وكآن أتجآهنآ للمينآاء

وآلجوو م يحتآاي

للعلم / رحلات البسفور تخرج من ميناء كاباتاش و ميناء إمينونو
وصلنـا الميناء و لقينا وايد سياح عرب معانـا
وايد استمتعنـا بالرحله نص يومنآ فيهآ
بخليكم ويآ آلصور

المسآجد م شآلله بكل مكآان

أجل أجل بيت آلعلل
نور ومهند

الجسر المعلق الذي يفصل بين قارتي آسيا و أوروبا

هذي رآيحه ل آلجزء الأوروبي من اسطنبول

هذي القلعه اللي بناها محمد الفاتح
و تم بنائها في أربع اشهر فقط بهدف استخدامها فالمعارك
اثناء فتح القسطنطينيه

هذولآ قآمو يتسألو من وين ومدري شو ومدري كيف

أكتفي بهالصور لرحلة البسفور
لو حطيت كل الصور التقرير م بيخلص
^^
انطلقنـا مباااشره الى تل العرائس
و طبعاً استخدمنا الجسر المعلق للانتقال من اوروبا الى آسيا

و هي منطقه مرتفعه وروعه ف اسطنبول الآسيويه
منها تقدرون تشوفون مدينه اسطنبول برؤيه بانوراميه كامله
يآريت آلي ويآي بس لو خلوني أتفلسف بالتصوير
كله خطآفي بس أتمنى اكون نقلت الصورة لو طشه ..

المنطقه اسمها بالتركي (camlica)
تسمت بـ تل العرائس لأن اكثر العرسآن يسيرون هالمنطقه
عسب يتصورون و كل يوم العصر تلقون في هالمنطقه معاريس
اصرآحه مآ ألومهم آلبقعه تستآهل

عرسآان طآحت عيني عليهم من بعيييد
صدتهمم - زوووم

ه آللبس وآايد عيبني كآن خآطري أشري لليهآلو
يوم يينآ نبآ نسأل من وين نحصله ومتحمسين نسأل يعني
خبرونآا ان هآللبس يلبسون آليهآل يوم يطهرونهم..
.
.
.
بعدهآ روحنآآا جزر الاميرات ( Buyukaada )

مألوف شكلهآ خليجية 100%

هي جزر يم بعض وكلهآ خضرة وبس م فيهآ أميرآت

بعرفكم على عوامل الوناسه اللي هناك
معشوقي الاول الخيل

ب جزر الاميرات ركوب آلحناطير شيء مقدس
والانتقال من مكآن ل 2 كله ب آلخيول وآلسيآكل
ارتبشت الضاهر هني وريت آلكآم ع صوب
كله من سوآيآا آلخيل سوري ×
/
بعدهآ خطفنآ نريح شوي

لزوم آليلسه
هذآ لعبتهم بتركيآ يدمنونه بشكل
.
.
مم
بعدهآ طلعنآ ع برج الفتاة
م أدري صورهه وين رآحت
آخ ي آلقهر
آلمهم هو مطعم راقي جداً في إسطنبول عل بحر مرمرة
تسمى بـ برج الفتاة وبالتركي كيز كوليسي لان زمآن كان
السلطان له بنوتة حليوة يعني صج جميله..حلم يوم وحده
أن بنته تلدغهآ أفعى وتموت وتخبل وين ينونه ف راح
السلطان وبنى لها هذا البرج بوسط البحر وتمن آلشغآلآت
يأخذن لها الأكل باليخت لي مآ ييا يوم تسللت افعى ل سلة
العنب ولدغتهآ وتوفت آلحلوة
ويآ فرحة م تمت

:: تخيلوآ صورته هني ـأوك ::

طبعآ شروآ م أنتو شآيفين الوصول للمطعم
عن طريق القوارب لنه وسط آلبحر
.
.

بعدها طلعنا لـ فوروم استطنبول

حلو ومحلاآته حلوه
بس شروآ ماجلت لكم ما تحمست أتشري
لفينا فيه لفة حقت استمتآع حلو كتمشيه وبس ..
كل اسواق تركيا حلو تروح لها من بآب التمشيه والاكل
غير هآ لاتفكر
سمعت انه رآبع اكبر مول في اوروبآ
بس مدري عن صحة المعلومه..
يعني صح انه احلى مول واكبر مول في تركيا
بس اشك في سالفة الاكبر في اوروبا مدري ليش
عموما ماعلينا منهم وربنا يهني سعيد بسعيده
.
.
خلصنا من هالمول وطلعنا بعدها على الفندق
نغير ونريح شوي..
.
.
عقب دشينآ مطعم كل شي فيه يحكي
آلكبه يآ ناس مو طبيعية شي كبير وحلو
آللحم وآلريش والاكل كله كله أليييم > يآاااعت
ملعوب علينآ قسم بهالاكل حق مطآعمنآ
هو جلسآته عآديه بس أكله فوق آلعآدي بمرآحل

وطلعنآ ع آلمينآء مررآ عيبني آلمنظر طبعا انا اتخبل عند شي اسمه غروب

غروب وتصوير خلاص انا هني انتهي

طبعا ماقمت الا يوم عتمت آلدنيآ
تاكدت ان مشي اي الوان ثانيه
.
.
ورجعنآا
البآرت ال3 أخر وأحلى بآارت صدجوني
رحلتنآ ل آلريف وآلجبل وووابانت

ب هآليوم حدرنآا آلجبل بعد م مدحولنآا آلتلفريك عسب
نشوف آلثلج من فوق
منطقة بورصه فيهآ ثللج وآايد بس م حبينآ نرووح
لأن البرد فضييييع والأكيد بيكون هنآكـ مضآعف
وأنآا حشى م أروم

قبل لآ نوصل آلجبل بدآية دخولنآ ل آلريف خبرتكم الاهآلي طيبين
ومتوآضعين بششكل
طآلعو هآ قآم يقطف لنآا من ثمآر الأشجآر

فآكهتهم لذيذه بأمآنه

وخذنآ لنآ بووكس

وش طعم عليه
.
.
خطفنآ ع سوقهم الشعبي

يبيعون حركآت حلوة طبعا هاالاأشياء تلاجونها ف كل المزآرات السيآحية ..

اشياء من صنعهم وحلوة وبنفس آلوقت بسيطة

وحن نمشي م احس إلآ بأحد يحط فوق رآسي شيء
وطلع ذآ

شرينآه من عندهآ وكملت شغلهآا

هالعايلة يبيعون كل شيء وحبوبين وآايد
واغلب الاشيآء أروآحهم يصنعونهآ والريآيل منهم يتكلمون عربي

أجولكم ما هدونا إلا نآكل معهم ويلسنآ شوي عقب ترخصنآا
بعدهآ ركبنآ التلفرييك كلمآ ارتفعنآ زآدت آلبروودة

ونآاسه

طآلعو آلجوو فوق

والثلللج
.
.
.
بعدهآ نزلنآاا آلرييف

الأجوآء ولآ أروع
وقفنآا ع مطعمم نأخذ شيء نبلعه

ونشوف

ع طآااري آلبقر
فيه علاقه عجيبه بين تركيآ والبقر
في كل مكان نلقى لنآا مجسم بقره وكل مجسم متعوب عليه أكثر
من الثاني ويوم سألنا جآالو أنهم يشجعون آلناس
على شرب آلحليب..
يآخي احب اعذارهم مدري ليش
م تعوق معهم ابد

المهم مآا علينا من البقرر والله يهنيهم بهم
.
.
ممم
فجأه أنتهى تقريرري