لي صخرة علقت بالنجم اسكنها طارت بها الكتب قالت تلك ( لبــنــــان )

من زمان عن هالديره الحلوه واغلب السواح الخليجين اهجروها للاسف بسب الظروف الامنية والمشاكل السياسية اللي ما تخلص


انــــهــــــا لبنــــــــــــــان يا عـــــرب
لبنـــــــــان يا قطعــــة سمـــــــــا


اول واخر زيارة لي لها في سنة 2010 وبعدها ما زرتها الا هالسنه .. وطبعا تغيرت علي اشوي مو وايد والتغير للاسف مو في المستوى المطلوب ..


راح اتعرفون مع التقرير شنو اقصد من كلامي ..


الرحلة كانت المفروض اول اغسطس يعني 8/4 وتأجلت الى 8/18 بسبب انشغالي ورحلتي للصين ..


وامي بصراحه ما كانت راضية نروح مثل ما قلت لكم بسبب الاوضاع الامنية لو ما خالي عنده سكن ورايح فترة الصيف كلها اهناك مع عايلتة ما خلتني ..


المهم مدة الرحلة


الفترة: من 8/18 الى 8/26 يعني 9 ايام ب 8 ليالي
التذكرة : بسعر 75 د.ك
الطيران : الجزيرة
السكن : شقة ملك في منطقة قرنايل تبعد عن بيروت ساعه لانها في الجبل ..
المصروف : للفترة كلها 220 د.ك


والحين ندخل بالتقرير


طبعا لازم من هالصور حق مديرنا فيصل












طيران الجزيرة طيران اقتصادي وصراحه استهلك يبيله تجديد والحمدلله طيران الوطنية رجع وطياراتهم يديده ..





طبعا خط الرحلة صار اطول من قبل كان ساعتين الحين ساعتين ونص بسبب اوضاع سوريا الله يفك عوقهم ..
بس طيران الميدل ايست يمر على سوريا ..


هذي الاستمارة لازم نعبيها ونحطها مع الجواز للجمارك ..








وحطينا الرحال على مطار رفيق الحريري رحمة الله عليه في بيروت ..
المطار نوعا ما حاار .. وما يعجبهم اذا قلت شوب عندكم كتير يقولون وانتوا الخليج شو حرارتكم عاد جان اعصب قلت صح احنا حر وايد بس كل مكان في تكيف والله ما انحس في الحر انتوا داخل المطار حر اسكتوا عاد هذي بدايتها ..







طلعت من المطار و بنت خالي في استقبالي والسايق وقالت ها شنو بخاطرج وين نروح قلت الشقه قالت لا الشقه فوق و ماراح نصعد ونرد ننزل ..
قلت عيل ما يبيله تروح كافيه الفلمنكي على الروشه ويا عيني عالروشه ..


ووصلنا الفلمنكي ..








معلومات عن صخرة الروشة


https://ar.wikipedia.org/wiki/%D8%B5%D8%AE%D8%B1%D8%A9_%D8%A7%D9%84%D8%B1%D9%88% D8%B4%D8%A9





في كافيهات ومطاعم على الروشه ومن احلاهم الفلمنكي


القعده فيه خيااال





الجو في بيروت رطوبه وشمس حارة في النهار باليل الجوو لطيييف ..


طبعا من طلعنا من مطار رفيق مرينا على مناطق يبيلها شغل وايد من حالة الاهمال اللي فيها وعدم التنظيم والنظاااااااافه في كل لبنان للاسف اعتقد مشكلة النظافة مع البلدية لم تحل بعد ..


والسياقه شي بصراحه يخرع كلش مافي تنظيم البقاء للاقوى ..
هذا باختصار جزء من اللي شفته


اما الامن الحمدلله كان متواجد ..


ونكمل صور الفلمنكي





ديكورة وقعداته وايد حلوه

















وهذي طاولتنا


























طلباتنا
حمص - متبل - منئوشة زعتر وجبن - عصير جلاب





تبوله - بطاط


منئووووووووشة الزعتر شي مااااا صااااار








مكان طاولتنا استراتيجي





























الحمدلله على النعمه واللهم ادمها من الزوال ..


نقطة : الفنادق تقريبا ما في شي يديد يمكن اخر واحد افتتح الفور سيزٍون على زيتونه بي ..
موقع روتانا خطير على الروشه بس ماله شاطئ ..
اللي لهم شواطئ اثنين بس في بيروب كمبنسكي و موفنبك ..
والباجي ورا منطقة جونية والجبيل في منتجعات نظام شليهات بس شكلهم قديم ..

بعد ما خلصنا من الفلمنكي قلنا نمر على الموفمبك ونشوفه من برا


وهذي بعض الصور لموفمبك بيروت








طبعا الكل يسوي تان ويبي يصير اسمر احترقوا من الشمس
المشكلة فاهمين التان غلط على بالهم كل ما تأخر الوقت للشمس كل ما كان احسن يعني ينطرون الشمس لما ترتفع وتصير حارة يبتدون يجابلونها وهذا اكبر غلط لانها اتسبب امراض الله يكافينا الشر..


المفروض من 5 الفير الى بالكثير 10 ص وبس ..














بعد الموفمبك رحنا مسيد رفيق الحريري نصلي الظهر والعصر














افتتح في سنة 2008





تحفه معمارية جميلة
























































وطلعنا من المسيد باتجاه منطقة اسواق بيروت
منطقة يديده وحلووه ومرتبه ونظيفه ومطاعمها وكافيهاتها حلوين


وطبعا احنا الحين رايحين انحلي في مطعم ام شريف او كافيه لان عندهم مطعم ياخذ على الشخص وينزل كل ما لذ وطاب اما الكافيه الطلب على المنيو .. فأخترنا الكافيه لان حرام وايد اشياء ما ناكلها ..


قبل ما نوصل زميلي في العمل شيف كويتي وامه من اصول لبنانية ف وايد مدح لي هالمطعم
اسمه : ست الحسن .. للاسف ما كليت فيه لان الجدول مزدحم وصراحه اثق في ذوقه بالاكل يعني اللي رايح لبنان ياكل فيه وقعدته حلو عالبرنده ..


هذا ست الحسن ماعليكم من العمارة عليكم من داخل العماره





وصلنا منطقة اسواق بيروت وخلاص مافي سوليدير انهجرت والكل راح على اسواق بيروت ..
وايد حلوه ومرتبه ونظييييفه ..








وقريبه على زيتونه بي





ام شريف كافيه








طلبنا على قولتهم ( غزل البنات مع البوظة وبالكويتي شعر بنات وبرِيد - وشي اسمه طربوشنا )


طربوشنا عباره عن كاكاو وبريد وبسكوت


وهذي الطلبات


طبعا غزل البنات شي لا يعلى عليه خطييييييييييييييير
الطعم واااااااو واااااااااااو














وصور واحنا على المااشي واحنا طالعين الجبل











ووصلنا قرنايل بعد ساعه طريج من بيروت ..
صور من البلكونه في قرنايل
الجو يختلف تماما عن تحت في بيروت 180 درجه غيم وبرااااااد وهوا عليل و رقي فريش





المجمع اللي ماخذ فيه خالي كلهم كويتيين مافي اي احد غير كويتي ومن عمر ما شاءالله
واغلبهم يصيفون في لان بالشتا تنهجر من البرودة وكل اللي في الجبل ينزلون بيروت





بس في شهر 4 و 5 المنظر في هالوادي من اروع ما يكون من خضرا بس الحين صيف احرقته الشمس..











جان توصل الرقيه (جح بالسعودي ) من بيت بوشربل وخالي الا تاكلينها وكليتها والله اتهبل شييييره ماشاءالله ..










درجة الحرارة في قرنايل





ريحت اشوي وصلينا المغرب والعشا
جان تقول مرت خالي امشوا ننزل عاليه
طبعا لما نصعد لقرنايل نمر على ( عاليه - بحمدون - حمانا - فالوغا - بعلشميه - شتورة والخ وبعدين قرنايل ..


ليش ننزل عاليه خلونا في هالبرنده مع البريدات و اغاني فيروز لاا امشي بذوقج وافل ديب اند ديب
انا لاااااااااااااااااااااااااا كفاااااايه حرام عليكم مو كلهم بيوم واحد صبروا وراي ايام ماكو الحين نروح غيري بدلي مافي ورحنا وامرنا لله ..


ونووووصل ديب اند ديب
وغرق الغرقان اكثر
من الاخـــــــــــــر ما اقدر اقول اي شي عن هالوافل تحطيييييييييييييييييييييم








دميييييييييييييييييييييييره دميييييييييييره
طعمها مميز ولذيذ وخنين وترفه


اللي يذكر لبنان بالصيف بيعرف عاليه وبحمدون شلون مزدحمين ولويه وفيهم وسهرات عاليه
هذا كله تقريبا شبه اختفى مع هجرة الكويتيين والسعوديين عن هالمصيفيين ..


عالية وبحمدون مطاعمهم اللي قبل منترسه ومافي طاوله في الويك اند الحين يدورون الزباين ادواره والله شي يضيق الخلق حساافه .. والايام العاااديه والله زين ينترسون بالكثير 5 طاولات ..
ضاق خلقي عليها وايد .. وبحمدون شوارعها كانت تتسكر من الزحمه الحين مافيها قطوا ينعدون الكويتيين عالاصابع ..


صور من الشارع في عاليه في الويك اند








حتى اصحاب المطاعم والمحلات مساكين يشتكون يقولون مافي سوق وحركه مثل اول خلاص ..
عقب ما حلينا رحنا نتعشا في طبليه عباره عن اكل لبناني بس بطريقة الفاست فود يعني يعطيكم ميل كاملة وبأسعار ممتاز واكل لذييذ





منتشر وايد في لبنان




















طلبنا طبلية شيش طاووق وطبلية كباب
ينزل معاهم حمص وبطاط وتبوله او فتوش








وانتهى اليوم الاول على خير الحمدلله على النعم والله يديمها علينا ..
ورجعنا قرنايل نكمل السهره عالبرنده مع الهوا الحلو ..

اليوم الثاني في لبــــــــــنان


قبل لا انسى الشركة اللي استخدمتها للموبايل شركة الفا



الخط مع الانترنت مدة اسبوع واعتقد 5 gb بسعر 50 دولار ..
انا خذيت اقل شي لاني مااستخدم سناب ف النت يقعد معاي ..


الحين نشوف صور بسيطة من الشقه


غرفتي مع حمامها عزكم الله











درجة الحرارة اليوم الثاني





الاطلالة الصباحية








ترا الشاي لزوم الديكور مع الاطلالة





هذا المطبخ خالي مسويه حق طبخ الزفر مثل السمج والربيان والخ عن الريحه





الصاله





الصاله مع المطيخ











ناطره الريووق





الريووق البيتوتي








عقب الريوق تجهزنا حق رحلة اليوم وتبعد 1 ساعه ونص طريج
قبل ما ننزل من الجبل مرينا على احلى بوظة بوظة بشيــــــــــر














طلبي توت وليمووووون شي معتبر مع الصيف











بالطريج الى وجهتنا








عرفتوا وين رايحين من الخريطة


وهذي فوق حريصا اللي يصعدون لها بالتلفريك فيها الكنيسه وتمثال واطلالة على بيروت ما صعدت لاني صاعدة بزيارات سابقة














فيديو من مينا الجبيل



الجبيل اللبنانية المشابة لشارع البلاكا في اثينا وانا امشي فيها حسيت اني في اليونان من كثر الشبه ولانها على البحر منطقة جميييلة وتستحق الزيااارة واايد حبيتها وفيها اثار بس للاسف ما دخلت بسبب الحر الشمس كانت حيل حاره .. وتسمى byblos وتعد من اقدم المدن المسكونه في العالم صنفتها منظمة اليونسكو في 1984 موقع تراثي عالمي ..
لمزيد من المعلومات زيارة ويكبيديا..


https://ar.wikipedia.org/wiki/%D8%AC%D8%A8%D9%8A%D9%84

يتبع اليوم الثاني من الجبيل






























































البعد احيانا لا يؤلم
ولكن المؤلم،
ان يبعد عنك شخص افصحت،،
له يوما بأن البعد هو الشيء ،،
الوحيد الذي يكسرك..
" نزار قباني"

















واقف على بابكم ولهان ومسير
اسأل عن اللي سأل
محبوبي يا صغير





خليتني يا هوى اوقف على البيبان
من حرة بالحشا من كثرة الاشجان
فضحتني ياهوى تالي انكشف سره
محد درى بقصتي والحين كل الناس








امر على الابواب
من غير حاجه
لعلي اراكم او
ارى من يراكم








سكه طويلة والبراري قفار
والدار تشكي من جفى الزوار













بعض الاثار

















المسرح وشباك التذكار
ما خلت الشمس كانت حاره وقويه

يتبع اليوم الثاني




















وصار وقت اليووع
وتغدينا في مطعم فنيقيا














المنيوو








الديكور








الضيافه








المقبلات والاطباق














عصير جلاب

















الحساب





الحمدلله على النعمه
التقيم 10/7
الاكل مو لذيذ كان عادي رايي الشخصي ..

امشي وقلبي حزن امشي





































الله اكبر يا هوى البال وشفيك
وشغيرك وشجاك طبعك غريبي
لا وحسايف عبرتي يوم اناديك
تسمع ولكن للاسف ما تجيبي











وصلنا المينا





عندك بحرية
يا ريس
سمر وشرقيه
ياريس
والبحر كويس
يا ريس











على شط بحر الهوى رسيت مراكبنا
والشوق جمعنا سوى احنا وحبايبنا











بحر الغرام مَيِّتو أحلى من السكَّر

للهوى غِيِّتو لو داقها رح يسكر

واللي يزور حيِّنا يدعي ويتمنَّى

بعد الفره في الجبيل اتجهنا على المنطقة البترون وتكون ابعد من الجبيل تقريبا 20 دقيقه.. وهذي صور عنها
واغلبها نظام منتجعات بشاليهات ..





وعادي تقدرون تنزلون حوض السباحه او البحر مافي مشكله بس اتبلغون المنتجع

الجزء الاخير من اليوم الثاني


وصور من منطقة البترون منطقة هادية وحلوه ونصحنا فيها زميلي في الداوم امه من اصول لبنانيه ف عرفنا على هالمنطقة الحلوه ..













نزلت البحر امعنت النظر
لقيت الموج بوجا خبر
وامشي على شط البحر








ياحبيبي نجمة الصبح
هي الركبان
خبرتني الشمس في لبنـــان
اسرار الغــــروب











انا مثل الريح في الشطئان
حنت للهبوب
انا اقرع كل الابواب
كي القاك فأفتح ياحبيبي








بحبك يا لبنان
ياوطني بحبك




















وقعدنا اشوي في مطعم على المرسى بنت خالي قهوه وانا بيريه





تدور تدور بنا الارض
وهوى الايام ينادينا
نسافر في كل الدنيا
ونعود لنلقى مراسينا














دعاية بيريه





وهاهنا بيت اهل السيف مسكنهم
وواحه من جنان الخلد للعـــــرب





وهذيل المطاعم على الشارع صوب الشاليهات والمنتجعات





خلصنا من البترون ورحنا الى منطقة اضبية
وفيها مجمع مطاعم اسم المكان gardens فاتح من سنه ونص ..


خذينا لفه فيه و موجود مطعم عنب ممتاز اكله وفي مطاعم مختلفه غير لبنانية ..












































وعقب اضبيه رحنا عالية نتعشا





ووصلنا عاليه وكلينا في هالمطعم اللذيذ








لذييييييذه











يمي شي لذييييذ والزعتر واااو








والكعكعه الطرابلسية وااو











انتهى اليوم الثاني في لبنـــــــــان
وتصبحون على خير

اليـــــــوم الثــــالث في لبنـــــــان


كالعاده سيده على البرنده واطلاله قبل الريوق
ونقول بونجور





والريــــوق البيتـــــوتي





وعنب فريش وصلنا من مزرعة بوشربل





بعد ما تريقنا تجهزنا وطلعنا
ومرينا على صالوناتهم النسائية





وبعدين على طول اتجهنا على مول ABC الاشرفيه من المولات الحلوه في بيروت










وهذا مجسم ABC الفردان تقريبا شبه خالص





واايد تصميمه عجبني











وبما ان معانا حفيد خالي قلنا نوديه الالعاب مثل كيدزانيا ولازم معاه شغاله وصلناهم وخلينا السايق في المجمع لان احنا بنروح منطقة مع تاكسي مانقدر نروحها مع السايق


وهذيل صور من الالعاب























واهني مكان التاكسي ورقمهم





المنطقة اللي رايحين لها اسمها حارة حريك نوعا ما الامان مش ولابد فيها من سنه 2010 بس احنا فينا لقافه وموعاجبنا الا محل الكاكاو اللي عندهم وكل الكويتين يروحون لها عشان محل الكاكاو ..
معرووف اسمه الحلباوي وحتى عنده توصيل اونلاين بس حق الكويت من كثر ما ياخذون منه


وهذا احنا وصلنا له




















كاكاوهم لذيذ خذينا منهم 5 كيلو











وطلعنا رحنا ال ABC ناخذ الياهل وشغالته ونركب مع سايقنا





بعد ما خذيناهم رحنا قهوة بيروت والقريبه على منطقة اسواق بيروت اليديد اللي حلت مكان السوليدير ..





من القهاوي المشوره في اكلها الطيب وقعدتها
عجبني شكل الديكور وشلون عاكس مع الكتبة

من كثر ما اني شريبة قهوة لما قريت الركوه قلت ويي ليش مو كاتبينها عدل الرغوه
بنت خالي ماتت من الضحك علي تقولي سكتي لا احد يسمعج ويضحك عليج






الحمام نظيف عزكم الله