| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
04-07-2018, 09:21 AM
|
#1 | |
 
|
وتبقى لندن عشقنا
بسم الله الرحمن الرحيم
الحجز ومطار الكويت الطيارة مطار لندن هيثرو راح أبدأ تقريري لسفرتي للندن بسرعه علشان لا اتكيسل واتأخر في كتابته يمكن بين الاجزاء اتأخر بس بيكون عندي حافز اكمل وهو تفاعلكم اللي دايما يعطيني القوة علشان أكمله لكم وبدايه سامحوني ان تكررت معلومة او صورة او الصور غير واضحة وبعد تعرفون انا قرقه واحب اسولف وايد واحط تفاصيل التفاصيل فاعذروني هذا طبعي وما اخليه ابيكم تكونون بالصوره معاي لكل خطوه وسالفه وتعيشون اللحظه . خلاص خل ابدأ حجزنا كان من شهر فبراير سبعة أشخاص على الطيران البريطاني بسعر 1500 دينار كويتي ليوم 17 أغسطس الى يوم 5 / سبتمبر وهذا رقم الحجز للطيارة والموعد وفيه التفاصيل لوزن الجنط وكم عددها ومقاسات الجنطه اللي بتدخل الطياره طبعناه احنا طبعا الروحه  والرجعه  وشرييت هالميزان   وجهزنا الجوازات  وحجزنا الفنادق وما تم السحب الا للفندق الأخير 20 وقبل الوصول بعشرة أيام تم سحب كامل المبلغ لهذا الفندق الأخير وطلعنا الفيزا اللي اهي اعفاء الكتروني قبل السفره باسبوع وكانت اسهل منها مافي طبعا بعد تتبع الخطوات اللي كتبتها لنا مشرفتنا ابرار بموضوعها بهذا الرابط http://www.arabtrvl.com/vb/t16270.html بعد ما يتم اكمال الكتابه وارسال البيانات يتم خصم 15 باوند لكل اعفاء الكتروني احنا كلنا بالغين الخصم من كرت الفيزا نفسه للي حاطين رقمه يعني لجميع التأشيرات السبعه تم خصم = 105 باوند تقريبا = 49 دينار كويتي من نفس الكرت وطبعنا اوراق الفيزا " التأشيرات " وحطيتهم مع الجوازات وهذه الورقة  وشايفين بس لستة شهور رحلتنا كانت الساعه 8،25 صباحا يعني لازم نروح قبلها بثلاث ساعات لأن الزحمة غير طبيعيه مثل ما سمعنا رحنا وهناك حبينا ناخذ كرسي رجال الأعمال واحد لولدي وقالو لازم ندفع 400 دينار واخذنا واحد واحنا نعمل الاجراءات قاموا يعرضون علينا اذا اخذتوا 5 كراسي درجة رجال الاعمال نعطيكم كرسيين مجانا قلت لهم لا مانحتاج وراح المضيف ...والمضيفه تقيس وزن الجناط والا يرجع يقول اخذوا اربع كراسي ونعطيكم 3 كراسي مجانا قلت له مشكور ما يحتاج المهم عطونا مع الكرسي دخول للندن سريع لصاحب الكرسي الكاونتر للبريطانيه  جناطنا سبعه  والوزن وعلى السير للطياره على فكرة احنا وازنينهم بالميزان بالبيت ميزان الجناط شريته من لولو هايبر بسبعة دنانير وايد استفدنا منه  وخليكم من جدر بوحسين هههههه قلت له حط له بلاستيك ما حط وقالو عادي جذيه يدخل المسموح والممنوع   وهذا لعروضهم اذا سويتو الابجريد  خلصنا اجراءات التشيك ان واخذنا البوردنق وتوكلنا دخلنا الى البوابات والسوق الحره ولازم اصور لكم عاد هني لوحة المواعيد شايفين طيارتنا ليش طلعت امريكان ايرويز واحنا البريطانيه نفس البوابه والموعد  جوازاتنا والبوردنق  ثلاثه اخذوا جوازاتهم وراحو ياكلون ههههه نصور لكم من المطار    هذا من السوق الحره الصغيرون   |
|
|
|
04-07-2018, 09:24 AM
|
#2 | |
|
رد: وتبقى لندن عشقنا
اللي بياكل بلاونج رجال الاعمال قال حسين مابي خل يروح ابوي رااح بوحسين وهذه صوره بالغصب صور لي ههههه يلا يكفينا 3 صور من بوحسين   وهذا اختياره  والبنات راحوا صالة الماستركارد وهذا تصويرهم    وهذا ريوقهم  وانا مع حسين ومدامته ودندونه اخذنا من هالكافيه اخترت هالسندويشة بالجبن مابي دسم يعني  واختارت دانه هذه قال لازم تاخذون ثنتين مع بعض قلت عادي  وهذا ريوقنا   بعد الأكل والراحة قعدنا عند بوابتنا لحد ما دخلونا والناس صارت تتيمع وهني لازم نصور طيارتنا قبل لا نصعد    نادونا وصعدنا والكل بمكانه واحنا صارت يمنا وحده قاعده عند الدريشه وكله نايمه طول الرحله طيب نبي نشوف شي هههه ماكو |
|
|
|
|
04-07-2018, 09:27 AM
|
#3 | |
|
رد: وتبقى لندن عشقنا
هذه معلومات الرحله  المهم الحمدلله عندنا شاشات نشوف الخريطة وافلام  وانا شفت فيلم Room فايز بجائزة بالأوسكار خوش فيلم  ووصلت وجبة الريوق اومليت بالخضروات   وطبق بيض بالنقانق طبق غنومه  وبعد ما شفت الفيلم نشوف معلومات الرحله     قعدت اقرا تقرير دينا بعد ما كنت مصورته جم صفحة ما استغنى عن منتدانا الغالي   خلصت تقرير دينا وللحين ما وصلنا   قلت ما يبيله خلاص سودوكو  وانهيتها شوفو شاطره صح  ما بقى الا القليل  طول الوقت ما نمت لأننا كنا نايمين عدل ليلة السفرة وهذه من مجلة الطيارة اسمي احم احم    وكل شوي اشوف جم باقي المهم قبل لا نوصل بساعه وشي وزعوا علينا مشروبات وكاكاو او بسكوت سناك خفيف جداااا شوفوه   ومالي خلق اشوف افلام بعد  واخيراا تحركت اللي عند الدريشه وقامت وبس راحت فتحنا الشباك وقلت لدانه صوري لي تحت    وعقب ما ارجعت شافت الدريشة مفتوحة خلتها لنا ههههه       |
|
|
|
|
04-07-2018, 09:30 AM
|
#4 | |
|
رد: وتبقى لندن عشقنا
واخيراا وصلنا طلعنا عند البوابه في سيارات الغولف تنقل المحتاجين للنقل من الكبار والمرضى وركب الولد وزوجته مع عايله وراحوا دخلوهم لكاونتر الجوازات للمرور السريع المفروض احنا نروح معاهم بس ما شفناهم الا بعد ما وقفنا بالطابور بس يمشي الدور ههههه معانا هالمجموعه الحلوه يا ابرار تذكرتج  واحنا رحنا مع الناس ولحد ما وصلنا المترو اللي ينقلنا للترمنال   طلعنا لقينا ربعنا قاعدين عند سير الجناط اخذنا جناطنا وطبعا لا تنسوون الباوندات للعربات انا مزهبتهم عندي من السفره القديمه كل عربانه تفتح بباوند   اخذنا ثلاث عربانات ويلا  هذا تيرملنا  وبعدها طلعنا لقينا واحد شايل ورقه بأسم بوحسين رحنا له واخذنا معاه لمواقف السيارات وصعدنا لهم باللأصنصير هني صور بالساحة واحنا ننطر الاصنصير   صعدنا وشوفو المكاين بيبسي وماي وصرافة   للبحث عن سيارتك  صعدنا الجناط وكلنا بالسيارة مع جناطنا الجناط بالدبه وبوحسين عند السايق واحنا كلنا ورا السياره كبيره اخذ من عندنا 70 باوند رقم موقفنا   من وين حصلنا السايق وهو يمني الجنسية الله يسلمكم هذا ارسلوه لنا اهل المكتب اللي اجرنا منهم الشقة واخيرا نزلت جنطتي من ايدي ههههه للحين عليها مالت الطياره  رجعنا العربانات واذا دخلتوهم ترجع لكم الباوندات  نزلنا من المواقف فرررت روسنا  وهذه صور من الطريق وكان الجو حار والعالم كلها طالعه وزحمة حتى مرينا بالهايد بارك مزحووومة من الناس انجليز وعرب واجانب وأسيوين شفت الحب الأحمر    الفنادق القريبه من المطار ياكثرها        |
|
|
|
|
04-07-2018, 09:32 AM
|
#5 | |
|
رد: وتبقى لندن عشقنا
الشقة وصلنا شقتنا الأولى مسرحية علاء الدين اشلون حجزنا هالشقه ؟؟ كنا حاجزين شقه بالكوينز واي وقبل السفره بشهر شافو العيال التقييم لها ومع التعليقات لقوها انقلبت لذم وتخوفوا منها وخاصه ان اهم شي ان مافيها مصعد وقمت أسأل الربع بالمنتدى وارسل للمكاتب اللي عارضين خدماتهم بتويتر والانستقرام عن شقه ومحد رد علي من هذه المكاتب الا بيوم وصولنا ههههه قلت لهم خلو خدماتكم لكم أجرنا بافضل منكم المهم ما حصلت وصادف وجود عم العيال بلندن ووصيناه يشوف لنا شقه بالمواصفات اللي نبيها ولقى لنا طبعا لان الوقت قريب والمكان بشارع العرب وزحمة سواح حصل لنا شقة خلف الماريوت بالاجورود   وعنوانها من الرسايل اللي توصل للشقه يوميا استفدنا من هالعنوان  هذه العماره  الباب الرئيسي من الداخل ما يفتح الا من جهاز الشقه وبالرقم للشقه عند الباب امان يعني  ندخل وهذا الاصنصير بعد الدرج    تتكون من ثلاث غرف وحمامين وصاله ومطبخ وغرفة خادمه مع حمامها بسعر باوند لمدة أسبوع اضطرينا نحجزها بعد شنسوي الغرفه الرئيسية كبيره وحمامها كبير للأسف ما صورت هالغرفه بالذات غرفة الولد وهذه صور الشقه نبدأ غرفة الخادمة للي عندهم خادمه تنفع    تكرمون حمام هذه الغرفه وهو اللي استغليناه  وهذا دوشها صغيرون  تفتح على المطبخ وهذا بابها  وهذا المطبخ وادواته  المغسله تطل على بلكونة صغيره لغرفة الخادمة والحوش الداخلي للمبني     فريزر  ميكرويف والخزانه اللي تحت اهي الفريزر اللي بالصوره فوق  غسالة المواعين  وهذه الصالة   وطاولة الأكل على يمين التلفزيون  بين المطبخ والصاله ممر يوصل من باب الشقة الى الغرفه الرئيسية وعلى جوانب الممر يكون المطبخ على اليسار وبعده غرفة بسرير كبير وحمام داخلي  وهذا الحمام   ومن جهة اليمين للممر قلنا الصاله وبعدها غرفه البنات وكانت كبيره وراهيه  بعد ما ريحنا طلعنا انا والبنات والشباب ظلوا يتابعون كره وبيطلعون بعدها بشارع اجور رود يتمشون انا والبنات عبينا كروت شبكة 3 كل المكالمات الداخليه مجانيه والنت ل 4g بس مو دايما بسعر = باوند او اقل مادري بس مو اقل من سامحوني الزهايمر شغال ساعات يصير 4g والأغلب 3g وتراه حليو مو مثل ليبارا عندي احسن مادري احبه ذاك ههههه مع ان هذا تمام معاي نعبي الكروت   وعبرنا الشارع وتذكر لوك رايت 
|
|
|
|
|
04-07-2018, 09:35 AM
|
#6 | |
|
رد: وتبقى لندن عشقنا
ورحنا بعدها لهذا الدكان وشرينا كروت للباص
بسعر باوند لمدة اسبوع مع الكرت طبعا  ومشينا الى اول محطة باص بعد الكمبرلاند وصعدنا الباص الى ....عندنا موعد سينما " اودين " يشتغلون في العماره وتجديد  ومرينا على حبيب القلب بس ما دخلناه  وصل باصنا وركبنا  الى هني ونزلنا    نزلنا في منطقة سوهو ماعرفتها الا من افكيت السناب رايحين الى .......... شوفو صور الطريج مشي الى موعدنا كابينة تلفون بالواي فاي  لاحظت كثرة قواري التوصيل للمطاعم  صاروا شعب كسلان مثلنا هههههه   وصلنا مبتغانا وهو العرض المسرحي علاء الدين على مسرح الأمير ادوارد  ولحظات تصوير   هذا المصباح وصندوق المجوهرات حاطينهم بره للتصوير   وهذا رابط المسرحيه Aladdin The Musical – Disney† s official site for tickets and information for the new West End musical ALADDIN in London! Now open at the Prince Edward Theatre.حجزنا لها قبل السفرة بشهرين تقريبا ما حصلنا الا اول يوم وبهذا السعر 263 £ = 108 دينار كويتي رحنا مكتب الاستقبال وقص التذاكر  عطيناهم ورقة الحجز وعطونا التذاكر العرض يبدأ الساعه ،   عطونا التذاكر هذه      وقالو لنا مدخلكم بهالمكان شرينا كولا ونفيش علب   وهذا افكت السناب لمنطقة سوهو  وقعدنا ننتظر الدخول للعرض والناس كلها تنطر اللي بره واحنا صعدنا المكان صغير وفي بلكونه فيها ناس تنطر بعد  وحاطين هالاكواب البلاستيك وغراش ماي ضيافه منهم يعني  تصوير من صالة الانتظار وفي بار جدامنا ويبيع بعد بيبسي ونفيش وكاكاوات وغيرها تصوير من صالة الانتظار وفي بار جدامنا ويبيع بعد بيبسي ونفيش وكاكاوات وغيرها   دخلونا بترتيب وقالو لنا التصوير ممنوع اذا بدأ العرض وحتى لو تفتح التلفون بتكتب او ترد على اي احد اثناء العرض ايوونك ركضه يقولون لك طف الموبايل وهذا اللي صورته بس قبل البدء  المسرحيه رووووعه شويه عليها انا فاتحه حلجي ومستمتعه جداااا فيها صج مكانا فوق بس نشوف كل شي واضح العرض وتفاعل الجمهور يعيشك الجوو استانست وايد كان في استراحة بنص الوقت بعد ما استمتعنا بالمسرحية طلعنا والوقت ليل تقريبا الساعه ١٠،٣٠ ومشي سريع من البنات للوصول لمحطة الباص خايفين من اشكال البنات الاجانب بهالمنطقه وخاصه بعد سمعة منطقة سوهو والمحلات الموجوده هناك واعلاناتهم لووعه المهم الحمدلله احنا بالاجور رود الساعه ١١ وتعشينا بماك وكنا حدنا تعبانين ويواعه ماكو غدا وعلى النفيش والكولا  تعشينا ورجعنا ونوووم من التعب نكمل معاكم باليوم الثاني ووين رحنا |
|
|
|
|
04-07-2018, 01:56 PM
|
#7 | |
|
رد: وتبقى لندن عشقنا
اليوم الثاني بلندن 18 / اغسطس
طبعاا الريوق محسووم للشوق والحب بريت رحنا بس انا وثنتين من البنات  تطمنا على وجود الحب  وصورنا لكم الثلاجات  البراوني لذيييييذ  والعصاير الطبيعية والفيتامينات  البريتلز ما جربته  عندهم كي نت اذا تبون تدفعون بالكرت مثل ما قال بوغسان  ووصلت اللذاذه  هذا الفرع في الاجور رود أكبر من اللي عند كمبرلاند وبعد في فرع لهم اول الاجور رود بيكون كبييير يشتغلون فيه للحين ما فتح  طلباتنا   تصوير وداعي لانها بتنتقل الى الزوال ههههه  صاجين  بعد الريوق اللذيذ رحنا بريماك لشغلات بسيطه ونطل عليه بعد لازم  ماشرينا وايد هالمرة مالنا خلق نشيل أجياس شوفو افكت السناب على بريماك  تمشينا في صيدليه النجمه سن سبري    التمشي بالاكسفورد شوي  مجابله سلفردجز على ما يطلعون البنات   وبعدها ركبنا الباص والى الاكسفورد سيركس  طبعا ينزلكم الباص عند محل كيكو  الى التوب شوب  اعلان مسرحيتنا علاء الدين على الباص  |
|
|
|
|
04-07-2018, 01:59 PM
|
#8 | |
|
رد: وتبقى لندن عشقنا
ودخلنا محل توب شوب وعنده بعد افكت للسناب   لازم اريح شوي    بعد التوب شوب رحنا للكانبري ستريت  حتى الاجنبيات يخلون ريايلهم ينطرون بره المحل مو بس احنا      ميك اب على العاب ام كشه تروولز   الفايف غايز  محل ليبرتي فيه ماركات بعد ما دخلناه            شارع فرعي    دخلنا هالمحل شغلاته حلوه واغلبها عن الملكة ولندن       شوفو الملكة    الساعه تدق  والبنت تمشي  دخلنا شارع متفرع 
|
|
|
|
|
04-07-2018, 02:01 PM
|
#9 | |
|
رد: وتبقى لندن عشقنا
ولقينا هالقعدات والكافيهات الحلوه اسم المكان    صعدنا فوق بالاصنصير وصورنا ونزلنا  واحنا ماشين طلعنا من الجهة الثانيه ولقينا المطعم الهندي "ديشوم "    وقلنا يلا نتغدى فيه المطعم الهندي بظهر محل هامليز للالعاب عوووذه  وهذه صلصاتهم   طله في الصوص   طلبنا هالباميه المقليه مشهوره عندهم " مقرمشه " انا عجبتني    قلاصهم مال قبل "ستيل "  هذه الصينيه حق ماعون العيش وشوفو اسم المطعم من بومباي  مادري ليش الحبل ؟؟  البرياني   الكاري    سمبوستي    عيشي  عصيري بعدين خليتهم يحطونه لي بقلاص ورق واخذته معاي ما اقدر اشرب الا بعد الاكل بنص ساعه  البيبسي ...وشوفو محل هامليز جدامي ...داخل الديكور احمر  الباميه شكلها طاحت بجبدي لذيذه بس البنات ما عجبتهم وايد  الحساب للمطعم  
|
|
|
|
|
04-07-2018, 02:03 PM
|
#10 | |
|
رد: وتبقى لندن عشقنا
بعد الجوله هذه والغدا الطيب
رجعنا نريح بالشقه والعصاري الكل طلع وانا قعدت ريحت وانتظرت اختي وبنتها زاروني وقعده وسوالف اهم مسافرين لندن قبلنا باسبوعين القنوات عربيه لازم  وهذه صورة من بنت اختي كل ما تيي لنا تاكل عنب بالكويت والا لندن ههههههه  بالليل وقت العشا يووني ربعي ورحنا لمروش يبون عشاهم شاورما   طلبنا ورق عنب  وشبس  والبيبسي لازم    تشكيلة شاورما دجاج وشاورما لحم   ضيافتهم بقلاوة  الحساب مادري جم طلع لاني مو انا اللي دافعه وماصورت الفاتوره سوووري المحل دايما زحمة بعدها تمشينا شوي بالاجور رود اللي ذكرنا بليالي شاليهات الخيران واليهال مع مسجلاتهم بالقواري وتصبحووون على خير والاقيكم باليوم الثالث |
|
|
|
|
| مواقع النشر (المفضلة) |
| الكلمات الدليلية (Tags) |
| لندن, عشقنا, وتبقى |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| نور الوجود في لندن | السعيد | رِيَاض إبْنُ بَطُوطَة لِسْيَاحَة والسَفَر | 5 | 02-15-2018 08:36 AM |
| لندن .. غلاها يزاحم أشواقي - لندن | السعيد | رِيَاض إبْنُ بَطُوطَة لِسْيَاحَة والسَفَر | 16 | 01-17-2018 08:32 AM |
| وتبقى عيونك | مصطفى عبدالحميد سبتة | "ذائقة الخواطر والنثريات المنقولة" | 1 | 01-01-2018 01:46 PM |
| درس عمل لوجو احترافي | ابوفهد | رِيَاض الفُوتُوشُوب و الملفَات المفتُوحة وبالشُروحات بَرامِج التَصْمِيم | 4 | 06-10-2016 07:33 PM |
| فياضات تعم لندن | منال نور الهدى | رِيَاضُ الصُوَر المَنْقُولَة | 4 | 03-10-2013 09:54 AM |
