| كَلِمةُ الإِدَارَة |
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
01-04-2018, 10:24 AM
|
#1 | |
 
|
بداية حب !! تقريري لكباودكيا و إسطنبول
اضرب في أرجاء الدنيا سافر حيث شئت.. سترى أشياء كثيرةٌ في العالم تغنيك.. تفتح أمامك آفاقًا لم تكن تخطر لك على بال كل هذا يجددك
نحتاج للتجديد في حياتنا يبعدنا عن ضغوط العمل و مسؤوليات البيت و العيال و أنا ما أشوف هالتجديد إلا في السفر  من رجعنا من إجازة الصيف مع العيال و أنا أقول ل زوجي في كل مرة بيسافر فيها لشغل خذني معاك تكفى .. و تكفى تهز رجال لكنه للاسف ما اهتز الا الحين هههههههههههههه  لا ... للامانة ما ناسبني إني أروح معاه في كل مرة يا يكون عندي شي أو هو يكون معاه واحد من أصحابه وتتعدد الأسباب و الرفض واحد و قلت يالله أصبر ل ديسمبر مع إجازة العيال .. و مثل كل سنة نسافر من آخر ديسمبر ل راس السنة لكن ... تجري الرياج بما لا تشتهي السفن (كأني كثرت حكم ... معليه تحملوني أحب أهذر) صارت لخبطة في دوامي و ما راح أقدر آخذ إجازة مثل كل سنة في ديسمبر و لا حتى نص يوم شالحل يا زوجي العزيز ... أبد ما باليد حيلة نصبر ل يناير  لكنه بعد كم يوم قال لي .. عندي سفرة لتركيا .. يومين مع الويكند يصيرون 4 أيام حلوين كتغيير شرايج ؟ أنا مو من محبي تركيا (سامحوني) بس الموضوع فيه طيارة و سفر و إجازة شوي من العيال أوكي يالله .gif) حجزنا الأول كان من الثلاثاء 14 نوفمبر للسبت 18 نوفمبر فقط اسطنبول و التذاكر على طيران الخليج و الفندق بيرا بالاس جميرا بعد أسبوع من حجزنا أختي قالت لي إنها بتسوي عملية تاريخ 15 نوفمبر ف على طول قلت لزوجي و كنسلنا الحجز و قلت عساها خيرة  بعدها بإسبوع ثاني أختي رجعت و قالت إن عمليتها تأجلت ل ديسمبر قلت لزوجي يالله نحجز مرة ثانية .gif) قال لي تعبان من زود ضغط الدوام و سفرة بس شغل بتعب فيها أكثر شرايج نمدد و نخلي السفرة أسبوع .. و نشوف مكان غير إسطنبول تغيير قلت له تم و قعدت أحوس بالنت و طبعاً بالمنتدى هني  و أشوف شنو أنسب منطقة في تركيا في هالوقت من السنة الشمال وايد برد سبانجا الجو غير مناسب أنطاليا و ما جاورها ... ما راح نستفيد من كل الفعاليات وين .. وين .. وين ؟ طحت على كبادوكيا .. جذبني السكن في الكهوف  والتجارب الجديدة اللي فيها في السفر أحب أكون غير تقليدية من حيث السكن و من حيث الاماكن و الانشطة فحبيت كبادوكيا من أول نظرة و اللي فهمته إنها تحتاج بين 3 ل 4 أيام عشان تغطي كل الانشطة فيها و بحثت في احسن منطقة للسكن فيها وإخترت غوريمه مدينة صغيرة و الفنادق اللي فيها اغلبها بوتيك هوتيلز و هي الأقرب للانشطة اللي أبي أسويها هناك من التجارب اللي قريتها قليل يشجعون على تأجير سيارة هناك و يقولون الافضل تأجر سيارة ب سايق يوديكم على أهم الاماكن فإستقرينا على غوريميه و بديت أبحث عن فنادق فيها بصراحة أسعار الفنادق هناك خيالية أسعار الليلة ما تتعدا 40 دينار .gif) فكانت معاييري القرب من سنتر المدينة نظافة الغرف تقييم بوكينغ ما يقل عن 9 وجود بانيو أو جاكوزي السعر من 17 ل 20 نوفمبر ما يزيد عن 100 دينار و قلصت اللستة ل 10 فنادق و قلت لزوجي خلاص تعبت انت اختار و اختار الفندق اللي توقعته (عشان اسمه بس هههههههههه) ِAmber Cave Suites السعر ل 4 ليالي 87 دينار شامل الفطور تقييم الفندق في بوكينغ 9.5 تقييمي أنا 8 ... لكن ما أظن راح أسكن فيه مرة ثانية لأسباب راح اذكرها بعدين في التقرير وبعد الحجز عن طريق بوكينغ الفندق طرشو لنا ايميل بالانشطة اللي ينظمونها (يتعاملون مع شركة سياحية) و أغلب اللي كنت أبي أسويه مشمول فقررنا نستغني عن فكرة السايق الخاص و نعتمد على الفندق و رديت عليهم بإيميل باللي أبي احجزه ( بنتكلم عن الرحلات بالتفصيل في وقتها) في اسطنبول (هالكلام من اول التخطيط اللي تكنسل) كنت ابي احجز شي على البحر الفورسيزون او الكمبنسكي (آخر مرة كنا في اسطنبول حجزنا الشانغريلا و كان جميل جداً) بس الاسعار لليلة مبالغ فيها ف قلت ادور شي على الاقل فيه اطلالة على البحر معاييري وقت البحث اطلالة على البحر حجم الغرفة ما يقل عن 30 متر مربع 5 نجوم تقييم بوكينغ ما يقل عن 9 سعر الليلة ما يزيد عن 100 دينار وانا ابحث تذكرت اني من فترة شفت تقرير عن احسن 10 فنادق في اسطنبول ف شفتهم و اللي ناسبني منهم (هو اللي اخترته اول مرة) Pera Palace Jumairah السعر من 20 ل 24 نوفمبر 280 دينار بدون فطور تقييم بوكينغ 9.2 تقييمي 9 و أنصح فيه في النهاية مع الترتيبات صارت الرحلة من 17 نوفمبر ل 24 نوفمبر 8 أيام ل شخصين أنا و زوجي الطيران كان طيران الخليج حجزنا من الاميال السعر لشخصين إضافة 180 دينار الطيران الداخلي كنت أبي شي من مطار أتاتورك عشان أستغل أول يوم بدل ما نبات ليلة في إسطنبول يعني الطيران المفروض يسمح بوزن الشناط اللي ويانا كلها ف إخترت الطيران التركي وفي مطارين في كباودكيا Nevsehir و المسافة 40 دقيقة ل غوريميه بس وقت الذهاب قريب من وقت وصولنا في إسطنبول ف خفت يصير تأخير و نتوهق و وقت العودة وايد من الصبح و تم إستبعاد المطار Kayseri و المسافة ساعة و 5 دقايق ل غوريميه و الرحلات متعددة على طول اليوم و السعر مناسب 79 دينار لشخصين هذا كان جزء التخطيط أتمنى إنه يكون وافي و أتمنى ما أكون غلطت في أي معلومة (اللي يعرف شي يصحح لي)  و الأهم أتمنى إني ما أكون ثقلت عليكم بكثر الهذرة  |
|
|
|
01-04-2018, 10:28 AM
|
#2 | |
|
رد: بداية حب !! تقريري لكباودكيا و إسطنبول
الجزء الثاني
كل مرة أسافر أخلي عيالي عند أمي (عشان جذي لغيت السفر أول مرة على اساس امي بتكون مشغولة مع اختي و عمليتها) ولدي العود الله يحفظه صار في الصف الثالث و هالفترة مدارس و عندهم اختبارات نهاية الفصل ف ما حبيت انه يغيب ف قلت لعمته راح اخليه عندها على اساس توديه المدرسة لان بنتها وياه (أنا كلمت معلماته و جهزته للاختبارات و في نفس الوقت رتبت مع مدرسة خصوصية تمر عليه البيت كل يوم) قالت لي خلي ريمه بعد .. قلت لها راح يبقى الثالث بروحه عند أمي قالت خليهم كلهم عندي .. ترددت و هي ألحت و ما حبيت أردها وقلت لأمي اذا صار شي بتصل لج و روحي لهم (قلت هالمختصر عشان اوضح شي راح يصير بعدين) جهزت شناطهم و أغراضهم و بعدين ييت أجهز شنطتي قاومت الرغبة الشديدة في التسوق قبل السفر و اشتريت جاكيت واحد ثقيل و ينفع للمطر و الباقي قلت اشتريه من هناك و خذت معاي اشياء بسيطة تكفيني اول يومين (تقكير موفق لكل اللي بيسافر في بداية الشتى .. الاسعار خيالية هناك و الكواليتي ممتاز) يوم السفر طلعنا من البيت الساعة 7.40 الصبح و وصلنا المطار بالضبط الساعة 8  هذه الصورة تم تصغيرها . الحجم الافتراضي لها هو 4032x3024. كنا بنصرف مبلغ ليرات و وقف يمنا واحد بحريني قال ما انصحكم تصرفون من البحرين لانه اغلى صرفو دولارات احسن و هناك صرفوهم ليرات و اصلا ما لقينا الا 300 ليرة صرفنا بس 1000 دولار و رحنا نسوي اجراءات الشيك ان و الجوازات و خلصنا على الساعة 8.25 هذه الصورة تم تصغيرها . الحجم الافتراضي لها هو 4032x3024.  مرينا حبيب القلب (ستاربكس) و رحنا قعدنا في اللاونج الخاص بطيران الخليج  توجهنا للبوابة على الساعة 9.50 و ركبنا الباص و بعدين الطيارة هذه الصورة تم تصغيرها . الحجم الافتراضي لها هو 3024x4032. و الطيارة تمشي للمدرج نشوف الشغل في توسعة المطار على قدم و ساق هذه الصورة تم تصغيرها . الحجم الافتراضي لها هو 3024x4032. و طرنا دقايق قبل الوقت هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. الرحلة فل ... ما شاء الله من كل الجنسيات الطيارة جيدة و الخدمة بعد جيدة بعد 45 دقيقة من الاقلاع عطونا مشروبات و بسكوت لذيذ هذه الصورة تم تصغيرها . الحجم الافتراضي لها هو 3024x4032. و قعدت اتابع افلام لحد وقت الوجبة .. اخترت لحم و زوجي اختار دجاج وجبتي كانت الذ هذه الصورة تم تصغيرها . الحجم الافتراضي لها هو 1008x756. صور من الرحلة هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. و خلاص قربنا نهبط بالسلامة هذه الصورة تم تصغيرها . الحجم الافتراضي لها هو 3024x4032. هذه الصورة تم تصغيرها . الحجم الافتراضي لها هو 3024x4032. لما وصلنا و كان المطار زحمة على حسب كلام الطيار ف خذت الطيارة حول ١٠ دقايق لحد ما وقفت مكانها نزلنا و شفنا الإعداد الكبيرة و خفت عشان ورآنا رحلة داخلية لكن خذنا بس ثلث ساعة عشان نخلص الجوازات و عشر دقايق عشان ناخذ الشناط أول شي سويناه إتجهنا لمحل تركسل Turkcel عشان آخذ لي شريحة و زوجي نسى تلفونه الثاني ف قال ما راح ياخذ شريحة و راح يفعل التجوال لانه ما يقدر يسكر خطه في تركسل كان عندهم عرض شريحة نت و اتصال ما اتذكر تفاصيلها للامانة و كان زحممممة فما صورت وهذا كان العرض اللي يسوقون له لكل اللي يسأل قلت لهم عندكم عرض نت فقط لاني ما راح احتاج الاتصال يكفيني الاتصال عن طريق الواتساب او الفيس تايم فقال عندهم عرض نت فقط ب 185 ليرة ل 15 قيقا و كنت راح اخذه كشريحة لتلفوني لكني تذكرت اني لما كنت اقرا لقيت محل يأجر مودم و يوصولونه اي مكان و انا ما اتفقت وياهم لان خفت يتأخرون علينا و إحنا ورانا رحلة ثانية فسألته اذا عندهم مودم قال عندهم لكنه للبيع مو للاجار ب ٢٥٠ ليرة قلت لزوجي ناخذ المودم و نحط فيه شريحة النت و خلاص و انا وانت نستحدمه و نعبيه وقت ما نبي احسن من انت تشغل التجوال لان راح يكون مكلف عليك كان فيه عرض من زين 1 قيقا ب 20 دينار !!!! خذناه و قال يتفعل بعد 20 دقيقة حركنا على مطار الرحلات الداخلية مشي ١٠ دقايق و كان زحمة و اصغر من المطار الدولي طبعا طبعنا البوردنغ من الجهاز و دخلنا الشناط و قعدنا في كوفي شوب نسيت اسمه ما كنا نبي شي شبعانين بس خذنا عصير عشان نقدر نقعد العصير ب ١٧ ليرة تقريبا و كيك ب ١٣ ليرة هذه الصورة تم تصغيرها . الحجم الافتراضي لها هو 3024x4032. فتحو البوابة بعد تأخير و صعدنا الطيارة على الساعة 5.55 هذه الصورة تم تصغيرها . الحجم الافتراضي لها هو 3024x4032. |
|
|
|
|
01-04-2018, 10:30 AM
|
#3 | |
|
رد: بداية حب !! تقريري لكباودكيا و إسطنبول
الطيارة جديدة و كل شي متوفر فيها بس ما عطونا سماعات و لا احتجناها هذه الصورة تم تصغيرها . الحجم الافتراضي لها هو 3024x4032. رحلتنا المفروض 6.10 المغرب لكنا طرنا بعد متأخرين تقريباً ١٠ دقايق هذه الصورة تم تصغيرها . الحجم الافتراضي لها هو 3024x4032. الرحلة مدتها ساعة و 5 دقايق تقريباً وصلنا مطار كيساري الساعة ٧.٢٥ و سبع ونص بالضبط احنا مخلصين صالة المطار صغيرة مافيها الا سيرين للشنط و بعدين باب و خلاص عالشارع هذه الصورة تم تصغيرها . الحجم الافتراضي لها هو 1008x756. مثل ما قلت إنا تخلينا عن فكرة السايق و رتبت كل شي مع الفندق ف كان السايق ينتظرنا برا ب ورقة فيها اسمنا و اسم واحد ثاني وصلناه اول فندقه تقريباُ 3 دقايق من فندقنا لما وصلنا فندقنا كانت الساعة 9 تقريباً أو قبلها بشوي ما أتذكر بالضبط فندقنا يعتبر بوتيك هوتيل مثل ما قلت من الاول تملكه أسرة من زمان و كان بيتهم لفترة السبيعنات وقت ما الحكومة طلبت من أصحاب الكهوف إنهم يتركونها و عطتهم تسهيلات للسكن في مكان ثاني ومع الطفرة السياحية في كبادوكيا أصحاب الكهوف إستغلوا كهوفهم كفنادق الاسرة رممت البيت من 7 سنوات و الفندق فيه فقط 10 غرف اللي يشتغلون فيه أصحاب البيت المالك و عياله و زوجته و زوجات عياله و عندهم في حديقة الفندق كلب و دجاج شافنا ولد صاحب الفندق اللي أهوه المدير  (صورة من ثالث يوم لنا في كبادوكيا) و أهوه نفسه اللي تواصلت معاه بالايميل عطانا مفتاح غرفتنا و شرح لنا شرح مبسط عن الفندق و سألناه عن العشى في مطعم الفندق ف قال راح يسكرون بعد شوي و إعتذر و قال مطاعم السنتر تظل مفتوحة لل 11 و المسافة قصيرة و قال عن اللحم بالجرة أشهر وجبة عندهم في المنطقة صور متفرقة للفندق و المنطقة المحيطة فيه في أوقات مختلفة        نزلنا الشنط في الغرفة حجزنا غرفة الغروب مع بلكونة و جكوزي  هذه الصورة تم تصغيرها . الحجم الافتراضي لها هو 3024x4032.   و معدات الشاي و القهوة و الماي مجاناً  و الحمام تكرمون    تقييمي للفندق و الغرفة و الخدمة فيه راح يكون في نهاية جزء كبادوكيا و رحنا نشوف مكان نتعشى فيه المكان ظلاااااااام بس ماعرف ليش ما كنت خايفة الا متحمسة للاسف كل الصور عن هاليوم مادري وين اختفت يمكن صورتها في السناب و نسيت أحفظها عموماً وصلنا الستي سنتر على ال 9 ونص و المسافى خذت منا تقريباً 10 دقايق و الطريق منحدر نازل أقول لزوجي النزول سهل الحين بس بعد العشى الله يعين السنتر هادئ أكثر من اللازم و ظلام شوي مرينا على صراف و حاول زوجي يسحب كاش بس الجهاز ما يشتغل و ما لفينا وايد و دخلنا اول مطعم جدامنا إسم المطعم Cappadocia Pide House Restaurant  طلبنا شوربة عدس روب بالخيار هذه الصورة تم تصغيرها . الحجم الافتراضي لها هو 1008x756. و طبق واحد لحم بالجرة (مادري وين راحت صورته) الشوربة ما حبيتها و الروب أو الزبادي لذيذ أما اللحم أقل من عادي و التكلفة ٥٤ ليرة و تقييم المطعم 5/10 .. ما أنصح فيه و صح طريق الرجعة كان متعب لانه منحدر وايد و أسولف لزوجي شكل المدينة وايد صغيرة دام هذا سنترهم نص شارع و مافيه الا كم مطعم و صراف واحد لما رجعنا (كاان) خبرنا ان المنطاد تكنسل بكرة عشان الجو مو مستقر و راح يشوف لنا إمكانية بعد بكرة و سألناه شنو ممكن نسوي بعد لأن حسب الايميلات بيني وبينه قال يفضل نحجز في نفس الوقت بدل من قبلها عطانا بروشور عن الرحلة الحمراء و الرحلة الخضراء المشهورين و قال احسن بكرة نبتدي بالرحلة الحمراء لانها اقصر و بعد بكرة الرحلة الخضراء سألته عن رحلة الدبابات ف قال اطول رحلة تكون ل 4 ساعات و انتو وقتكم قصير استغلوه بالرحلات الشاملة احسن فتوكلنا على الله و حجزنا الرحلة الحمراء سعر الرحلة 100 ليرة للشخص شاملة الغداء و تذاكر الدخول و قال الباص بياخذنا 9.45 سألناه وين ممكن نصرف فلوس أو نسحب كاش قال من السنتر قلنا له الصراف مو شغال قال يمكن فيه 50 صراف بالسنتر و نقدر نستخدم أي واحد ضحكت و قلت لزوجي الظاهر من التعب و الظلام ما شفنا شي ههههههههههه و خلاص رجعنا غرفتنا بعد يوم متعب و نمنا على طول عشان ورانا يوم حافل بكرة ألقاكم في جزء جديد ... الرحلة الحمراء في كبادوكيا |
|
|
|
|
01-04-2018, 01:51 PM
|
#4 | |
|
رد: بداية حب !! تقريري لكباودكيا و إسطنبول
قبل لا أبتدي في اليوم الثاني حبيت أتكلم عن شيئين نسيت أذكرهم في الجزء الاول أول شي الفيزا إحنا كبحرينين ما نحتاج فيزا لدخول تركيا و لكن نحتاج نعبي الاستمارة أون لاين و نطبعها ونسلمها مع الجواز الشي الثاني أنا ذكرت إن تكلفة الفندق كانت 87 دينار و حبيت أذكر إن هالتكلفة شاملة التوصيل من و إلى المطار نبدأ اليوم الثاني صحينا ٧ ونص و تجهزنا و رحنا للفطور للاسف وايد صور صورتهم راحت مع التغطية في السناب و الظاهر اني نسيت احملهم و منهم صور الفطور بس عموما الفطور تركي تقليدي تماماً لكنه بالنسبة لي كافي أنواع أجبان .. نوع خبز .. طماطم و خيار و زيتون .. مربي و عسل .. كيك و أنواع بسكوت عصير و شاي  خلصنا الفطور و قعدنا ننتظر باص رحلتنا للرحلة الحمراء من ورد حديقة الفندق  درجة الحرارة كانت تقريباً 6 ... بررررد الساعة ٩.٤٥ بالضبط الباص كان عندنا باص مرسيدس جديد نوعاً ما و مريح مرينا على 3 أو 4 فنادق تقريباً كل الفنادق قريبة من بعض بس الشوارع منحدرة و ضيقة وايد ف ما طولنا يمكن خذنا 10 دقايق أو ربع ساعة و رحنا مكتب الشركة في سنتر المدينة و كل واحد من اللي في الباص توجه للباص الخاص في رحلته بعد دفع الرسوم الشركة إسمها Gorgeous Tours Gorgeous Turkey Tours Travel Agency | Mainpage رسوم الرحلة الحمراء 100 ليرة للشخص شاملة الغداء .. و تذاكر الدخول (ان وجدت) تبدأ من 9.45 و تنتهي 4.30 في أكثر من شركة تسوي نفس الرحلة و سمعت ان بعض الشركات تمر على مزارع عنب و مصانع خمور لكن هالشركة ما تمر عليهم في الباص مرشد و المجموعة كان أغلبها أتراك و شوي كبار في العمر تقريباً في الخمسين كنا 18 شخص اول شي وقفنا عند كهف كبير و عالي و يقال انه المكان اللي كان يلجأ له سكان غوريميه وقت هجمات الأعداء  وقف المرشد يشرح بالتركي أول و بعدين التفت علينا إحنا اللي نتكلم إنجليزي 5 أشخاص شرح بس جملة او جملتين و مشينا و بعدين اتجهنا لمتحف غوريميه في الهواء الطلق (كنائس و معابد قديمه من العصر البيزنطي) تجمعنا عند بوابة المتحف و قال المرشد راح أوديكم أول كنيسة لان الدخول لها لازم مع مرشد و بعدين بعطيكم وقت تلفون على باقي المتحف و الكنايس و التجمع مرة ثانية عند البوابة وقال أنا أكثر شرحي راح يكون بالتركي لان الاتراك جاهلين بتاريخ دولتهم و اصلا ما يعرفون انه كان فيه مسيح بتركيا و هالشي وايد ضايقني منه احنا دافعين مثلهم و ماله حق يركز عليهم اكثر طبعاً البوابة عبارة عن حاجز يفتح ببطاقة الدخول دخلنا البوابة و اول شي في محل المتحف يبيع تذكارات بسيطة و عند الباب وحدة تبيع عصير رمان و برتقال خذت واحد مشكل و كان ب 18 ليرة وايد أغى من برا بس كان خاطري فيه شكل الرمان أغراني   هذي مدخل الكنيسة      و المدخل و المخرج واحد أغلب الكنايس في كهوف و مخفية عن الأنظار و السبب إن كانوا يستخدمونها المسيح في عصر الدولة الرومانية لانهم كانوا ممنوعين من ممارسة الدين المسيحي لان الرومانيين في ذاك الوقت كانوا وثنيين و طلعنا نكمل بروحنا في كنايس و كهوف مفتوحة و في بعضها مسكرة و أشوف عليها صيانة و التصوير ممنوع في اغلب الكنايس لكني خطفت بعض الصور  قبر اتوقع لواحد من الرهبان هذه الصورة تم تصغيرها . الحجم الافتراضي لها هو 1008x756.    هذه الصورة تم تصغيرها . الحجم الافتراضي لها هو 807x605.   هذه الصورة تم تصغيرها . الحجم الافتراضي لها هو 820x615. هذه الصورة تم تصغيرها . الحجم الافتراضي لها هو 820x615.  هذه الصورة تم تصغيرها . الحجم الافتراضي لها هو 820x615. هذه الصورة تم تصغيرها . الحجم الافتراضي لها هو 820x615.  خلصنا قبل القروب و دخلنا محل المتحف نشتري كان زحمة من الجالية الصينية او الشرق آسيوية عموماً ف ما صورت و أغلب البضاعة شفت نفسها برا و السعر مبالغ فيه بس عجبني سكارف حرير مرسوم عليه معالم كبادوكيا و المناطيد ب 180 ليرة و خذته |
|
|
|
|
01-04-2018, 01:55 PM
|
#5 | |
|
رد: بداية حب !! تقريري لكباودكيا و إسطنبول
صور من معروضات عجبتني
  المتحف حلو و يسوى تروحون له .. و ما احس انه يحتاج مرشد للي ما يفضل يروح مع قروبات رجعنا الباص ورحنا منطقة أفانوس و مرينا على النهر الأحمر اللي منه يستخرجون الطين الاحمر و عليه تسمى بهالاسم و المنطقة مشهورة بصناعة الفخار المستخرج من هالنهر و قال المرشد بنروح نتغدا و بعدين بنمر على مصنع فخار و سيراميك الغدا في مطعم هان على نظام البوفيه المطعم شكله أبداً ما يشجع و زحمة من السياح لكن الصدمة ان الاكل لذيذ .. كل شي ذقته كان حلو و حتى زوجي عجبه الاكل ما صورت و هذي صور من النت   هذه الصورة تم تصغيرها . الحجم الافتراضي لها هو 1000x700. هذه الصورة تم تصغيرها . الحجم الافتراضي لها هو 1000x700. بعدين رحنا مصنع السيراميك عرض و المحل في أشياء حلوة بس الاسعار غالية و اصلا هالأشياء ما تستهويني ولد صاحب المصنع يشرح لنا خطوات صناعة السيراميك هذه الصورة تم تصغيرها . الحجم الافتراضي لها هو 1008x756. و عرضوا لنا الخطوة الاولى وهي تشكيل الطين الخام و خلوا وحدة من المشاركات في القروب تجرب و ما شاء الله عليها عرفت تسوي شي مرتب  اليمين اللي سواها المعلم و اليسار المشاركة  زيارة المصنع بالنسبة لي شي مكرر و ما تستاهل بعدين إتجهنا ل Imagination valley أو وادي التخيل صخور على شكل حيوانات و ناس و انا ما شفت منهم إلا الجمل هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1008x756.   ما أدري يمكن خيالي مو واسع بالنسبة لي المكان ما يسوى الزيارة إلا اللي وده يشوف هالجمل لان جد باقي الاشكال اللي شرحوها لي ما شفتها او ما كانت واضحة بعدين إتجهنا ل Mushroom Valley أو وادي المشروم وفيه تشكيلات صخرية على شكل مشروم و فيه كنيسة و محلات صغيرة هني شرح لنا المرشد شوي أكثر عن طريقة تشكل منطقة كبادوكيا و التشكلات الصخرية فيها المنطقة في العصور القديمة كانت عبارة عن بحيرة عودة و حوالينها في براكين اثنين أول بركان ثار شوي بعيد عن البحيرة ف على ما بدا ينزل الرماد و يتجمع كان خلاص برد ثاني بركان ثار شوي أقرب و الرماد ما كان كله بارد و منطفي ف لما تجمع في قاع البحيرة صار أصلب من الرماد اللي تحته لما البحيرة مع مرور الزمن نشفت و مع تعرض المنطقة للزلازل و عوامل التعرية من رياح و امطار الرماد اللي ما كان تصلب تماماً بدا يتحلل و بقى هالتشكيلات واللي شكلها مثل المشروم أو القطعة الغامقة من فوق هي من بقايا البركان الثاني حتى الجبال اللي حول المنطقة أغلبها مكونة من نوعية الصخور و لو تكرزون في أطراف الجبال ف هي بدت تتحلل و تتشكل على شكل التشكيلات الصخرية الغريبة المشهورة في كبادوكيا (أتمنى شرحي يكون واضح) هذه الصورة تم تصغيرها . الحجم الافتراضي لها هو 1008x756.  تمشينا شوي و شفت الخيل و قلت بركب لفة ب 20 ليرة  الفارسة المغوارة أم ريمه  و إحنا راجعين شفت هالعروسين مثل عادة الاتراك يحبون يصورون في الاماكن المشهورة  آخر شي خذت ذرة في كوب ب 5 ليرات و رجعنا الباص في رايي المكان حلو و يسوى الزيارة لان التشكيلات الصخرية اللي فيه شوي مختلفة عن باقي الاماكن بعدين رحنا بانوراما غوريميه .. تطل على كامل غوريميه و المنظر جميل صورنا شوي و مشينا هذه الصورة تم تصغيرها . الحجم الافتراضي لها هو 969x727. هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1024x768. و خلصنا ٤.٣٠ تقريبا و وصلوا كل واحد لفندقه قبل لا ندخل الفندق تذكرنا اول ليلة وصلنا قال لنا (كاان) ان منصة غروب الشمس تبعد ١٥٠ متر من الفندق قلنا دامه وقت غروب خلنا نستغل الوقت و نروح المكان مرتفع و منحدر جداً و متعب بس يستاهل العنوة فيه كوفي شوب و منصة خشبية و الإطلالة على كامل غوريميه و غروب الشمس جميل جداً هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1008x756.  هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1008x756. هذه الصورة تم تصغيرها . الحجم الافتراضي لها هو 1068x600.  رجعنا الفندق و رجعنا غرفتنا نرتاح عشان ننزل من وقت للعشى ما نتأخر مثل اول يوم الساعة ٧ ونص تقريبا طلعنا و ما حطينا في بالنا مطعم مع انه بحثت عن أحسن المطاعم أون لاين و إحترت فإتفقنا أنا و زوجي آخر شي نختار على النظر و قبل لا ندخل المطعم نشوف تقييمه تمشينا شوي في السنتر و مرينا سوبرماركت خذينا أشياء بسيطة محتاجينها السنتر هالمرة كان مليان ناس و أغلب المحلات و المطاعم مفتوحة جذبنا هالمطعم و دفاية الخَشب داخله هذه الصورة تم تصغيرها . الحجم الافتراضي لها هو 1008x756.    طلبنا ريش و كفتة بصلصة الطماط و روب و عيران و ماي اما الخبر إكرامية مِن المطعم   و الاكل لذيذ و الخدمة سريعة و السعر 92 ليرة  في طريقنا امس شفنا كوفي شوب حبينا جلسته اسمه باشا كافيه و الدفايات اللي في الجلسات الخارجية كلها على خشب و قلنا بنشرب عندهم قهوة بس للاسف لما وصلنا الكافيه كان متحول لشي يشبه البار شرب و أغاني و الجو ما يناسبنا ف غيرنا راينا و شفنا كافيه ثاني بسيط خذنا قهوه تركية و كنافة بالجبن لذيييييييييذة ما اتذكر اسمه و ما صورت لان قعدنا بره وكان برررررد رجعنا الفندق و نمنا نومة جميلة بعد التعب و نلقاكم في جزء اليوم الثالث |
|
|
|
|
01-04-2018, 02:01 PM
|
#6 | |
|
رد: بداية حب !! تقريري لكباودكيا و إسطنبول
اليوم الثالث (يوم تغطية السناب للي تابعها) نسيت أقول إن ليلة ثاني يوم بعد ما رجعنا من المطعم سألنا كاان عن رحلة المنطاد لبكرة و بعد قال إنها تكنسلت للظروف الجوية صحينا على الساعة 8 تقريباً و انا ما نمت زين طول الليل اتقلب و قلبي ناغزني على العيال تجهزنا و تريقنا و قعدنا ننتظر الباص اللي بيودينا رحلتنا رحلتنا اليوم الرحلة الخضراء تكلفتها 120 ليرة للشخصين شاملة الغداء و تذاكر الدخول مثل أمس الباص كان عندنا بالضبط 9.45 مرينا على جم فندق ناخذ اللي ويانا على مقر الشركة و انا متضايقة من مرشد أمس و قلت اذا اللي ويانا راح يكونون أتراك مثل قبل باقول ل زوجي يكلمهم بس هالمرة ما كان معانا إلا 4 أتراك و الباقي كنا مجموعة من دول مختلفة الاغلب مثلنا أزواج بدينا رحلتنا و المرشد في الباص الحمدلله هالمرة أغلب شرحه بالانجليزي الطريق ممل و طويل و المناظر ما لها لون كلها مزارع (بطاطس - يقطين - مشمش) و المرشد يقول من شهر خلص الحصاد ف خلاص مافيه شي ينشاف مثال للمناظر من الباص  و المنطقة حسب كلامه معتمدة على الزراعة كمصدر دخل أول و البطاطس تتصدر من عندهم لكل مناطق تركيا طول الطريق المرشد يعطي معلومات عامة للمنطقة و كان متفاعل ويانا و مع الاتراك اكثر من مرشد امس بمراحل الوجهة الاولى كانت كنيسة أو معبد ساليميه  الكنيسة ٨ طوابق حوالينها غرف سكنو فيها الكهان و التجار اللي يمرون على المنطقة     الصعود متعب نوعاً ما لان المرشد راح بسرعة و لازم نلحقه لانه قال الرحلة طويلة و نبي نستغل النهار قبل لا تظلم الشمس  شرح لنا شلون ننزل و عطانا وقت نصور و نتسكشف المكان براحتنا و قال بينتظرنا تحت الكنيسة حلوة بس للاسف اغلب الرسومات اللي فيها انمسحت من الاهمال و لان حسب كلام المرشد كانو المشردين و رعاة الاغنام يستخدمون اي كهف كملجأ بالذات وقت الشتاء و ويولعون نار يتدفون فيها ف أغلب الغرف السقف صاير أسود و هالشي لاحظته أمس في الكهوف في المتحف المفتوح      شكل وحدة من الغرف اللي ملحقة في الكنيسة يستخدمونها الكهنة و التجار اللي يمرون بالمنطقة  بقية الغرف و مناظر من فوق       خلاص نازلين و النزول اسهل بس الارض تزلق شوي ف احسن شي تلبسون احذية التسلق اكرمكم الله    المكان يستاهل العنوة لكني أشوف إنه ما يناسب اللي معاه أطفال مع إن كان في تركي وقت زيارتنا و معاه 3 أطفال و هم يمشون و أنا يدي على قلبي الممرات بعض الاماكن ضيقة و تزلق و في بعض الغرف فتحات في الارضية مافي تحتها حاجز واللي شاف تغطية السناب يتذكر اني بغيت اطيح من ارتفاع و السبب اني كنت واقفة فريب الحافة و كنت باصور الكنيسة من برا و رجعت خطوة و حسيت ما وراي شي و التفت الا اشوف شكل المنحدر الصورة اللي كادت تودي بحياتي هههههههههه  و انا هناك أحس للحين قلبي ناغزني على عيالي ف كنت اكتب لعمتهم في الواتساب اسأل عنهم و في نفس الوقت سبحان الله ياني اتصال من مدرستهم و على طول رديت و للاسف الشبكة ما كانت قوية ف انقطع الاتصال قلت لعمتهم شفتي احساسي في محله تكفين كلمي المدرسة و سألي عنهم ثلاثتهم لما نزلنا أشوف حول الكنيسة آثار قديمة ثانية و إشارة لكنيسة السيدة مريم لكن ما كان لي مزاج خلاص أشوف شي ابي بس اتطمن على العيال بس صورتهم من بعيد    الاثار ممتدة لحد مواقف الباصات  الوجهة الثانية كانت وادي إهلارا تذكرة الدخول  الوادي فيه فوق ال ١٠ آلاف كهف سكنو فيها الكهان و المسيحين حتى القرن ١٢ وصلو السلجوقيين و بعدين الأتراك و اليونانيين و خلاص انهجرت الكهوف و توزعو على القرى اللي حوالين الوادي بنمشي أو مثل ما يقولون Hiking ٤ كيلو من بداية الوادي لنهايته ننزل من درج فيه ٣٥٠ درجة عشان نوصل لبداية الوادي و بعدين نمشي بمحاذاة النهر على يمينه     قال المرشد انا بامشي معاكم بس اللي يتعب يقدر يرتاح شوي و يلحقنا و محد بيضيع ان شاء الله لان الدرب واحد دام النهر على يساركم بتوصلون النهاية بعد الدرج على طول في كنيسة صغيرة   |
|
|
|
|
01-04-2018, 02:03 PM
|
#7 | |
|
رد: بداية حب !! تقريري لكباودكيا و إسطنبول
و بعدين توصلون للنهر و أنا من شفت النهر إشتطيت أحب المناظر الطبيعية خصوصاً الغريبة   لكن الاتصالات ما وقفت و أنا انتظر الرد من عمة العيال و طلع ولدي الكبير حرارته شوي مرتفعة و راح عيادة المدرسة و عطوه بندول و وقتها قالت لي ان حتى ريمه كانت شوي تكح ف قلت لها تسأل الشغالة عن الادوية لاني مجهزتهم لهم قبل لا اسافر تحسباً للحالات اللي مثل ذي بدينا نمشي و شوي شوي بدت نفسيتي تصير أحسن و أنا أفكر إنها إن شاء الله بسيطة            كهوف حوالين الوادي  و إحنا نمشي بديت أسمع صوت ماي النهر يصير أقوى كل شوي و تفاجأنا كلنا من وجود شلال لو كان صغير في نهاية الوادي إلا إنه كان جميل و حبيت إن المرشد ما قال لنا عنه و خلانا كلنا نتفاجأ فيه و نتسكشفه على راحتنا و عطانا وقت أطول نوقف عنده و نصور       الطريق اغلبه مستوى و مريح لكن فيه بعض الاماكن شوي ضيقة و بين صخور وفيها سلالم في نظري تزيد من جمال الطريق لكنها ممكن تكون متعبة للبعض    خلاص صعدنا آخر درج طالعين من الوادي و الباص ينتظرنا لوجهتنا اللي وراها  صور للوادي من فوق قبل لا نمشي هذه الصورة تم تصغيرها . الحجم الافتراضي لها هو 807x605.  تقييمي للوادي 10/10 الطريق حلو ومع ان الوقت يعتبر خريف بس المناظر اتينن و كفاية المشي حول النهر و ينتهي الجزء مع إنه اليوم الثالث ما خلص لأنه شوي طويل و للحين في مغامرات المدينة تحت الارض و ما حبيت أتأخر أكثر في الملتقى القريب إن شاء الله |
|
|
|
|
01-04-2018, 02:21 PM
|
#8 | |
|
رد: بداية حب !! تقريري لكباودكيا و إسطنبول
نكمل مع بعض اليوم الثالث بعد المشي في الوادي الجميل أخذ منا التعب مأخذه و المرشد قال الحين رايحين على أحلى و أهم وجهة في رحلتنا وين تتوقعون ولأني متحمسة للمدينة تحت الأرض قلت له رايحين عليها ضحك و قال لا .. الوجهة الثالثة القرية عشان الغدا هههههههههههههههههههه اسم القرية كيلارا (بمعنى الينبوع الساخن) لكن إسمها حالياً إهلارا على حسب اسم الوادي و في الطريق (تقريباً 10 دقايق) المرشد قال المطعم يقدم وجبات مختلفة و لازم من الحين نختار عشان يكلمهم يجهزون وجباتنا عندهم كفتة لحم شيش طاووق سمك مشوي مشروم مع جبن (وجبة تنفع للنباتيين)  وصلنا المطعم و كنت متحمسة للاكل أول شي لأني يوعانة من بعد التعب في الوادي وثاني شي من بعد مطعم أمس عرفت إنهم يختارون مطاعم لو كانت متواضعة إلا إنه أكلها لذيذ و الحمدلله ما خاب ظني المطعم في له إطلالة على النهر (نفسه اللي في الوادي) لكن جلسات المطعم الخارجية مغطية (أتوقع عشان البرد أو المطر) و في جلسات داخلية بس ما إستخدمناها المطعم قديم و مثل ما قلت متواضع كان واحد من الصحون مكسور طرفه وما حبيت هالشي بس الاكل لذيذ الكل على تنوع اختياراتنا اجمعوا على لذة الاكل و قبل الوجبة الرئيسية يقدمون سلطة و شوربة عدس لذيذة  طبقي  وبعدها يقدمون بقلاوة (و كانت عادية)  والخدمة سريعة جداً و كان فيه قروبات ثانية ويانا و المطعم مليان على الآخر بس ما حسينا بهالشي الاكل لذيذ و سواليف مع القروب هالمرة توفقنا بقروب ممتع الحمدلله تقييمي للمطعم 7/10 و السبب الصحون و الجلسات مو وايد مريحة و لا مستغلين الاطلالة الجميلة على النهر الوجهة الرابعة المدينة تحت الارض الطريق من القرية للمدينة تحت الارض ٤٥ دقيقة و الكل نايم في الباص الا انا صار وقت رجعة العيال من المدرسة و اتصلت لهم اتطمن عليهم وبعدين اتصلت في امي و قلت لها خلاص اقدم استسلامي روحي اخذيهم مو لازم المدرسة خل يغيبون بس يبرد قلبي لكن للاسف طلعت بنت اختي مريضة منومة بالمستشفى و امي ما قدرت تروح لهم في نفس اليوم ف قلت اصبر ل بكرة ان شاء الله وصلنا و شرح لنا المرشد شوي عن المدينة فيها 8 طوابق و ما عندهم معلومات كافية عن طريقة حفرها أو إستخدامها و السبب من حفرها في الاساس كلها توقعات و السبب ان المدينة لحد مؤخراً محد كان يدري أصلا بوجودها لولا تعديلات كانت تتم في أحد البيوت ما كانوا راح يعرفون إن تحتهم أكبر مدينة تحت الأرض في العالم و بعد مؤخراً تم إكتشاف أنفاق بين المدن الثلاث اللي تحت الأرض في كبادوكيا (الانفاق حالياً مسكرة) عموماً الغالب إن المدينة كانت تستخدم وقت الهجمات (هالتخمين سببه التحصينات على الانفاق اللي تربط بين الطوابق) و كانت تكفي حوالي 5000 شخص في الوقت الواحد المدينة انحفرت على مدى قرون ف نشوف عدم تناسق في ارتفاعات الطوابق و الحرارة فيها على طول السنة ثابنة تقريباً في حدود 14 ................................................. و معلومات عن مدينة ديرينكيو من النت تجدر الإشارة إلى أنّ كلمة ديرينكيو تعني البئر العميق حيث تمت تسمية هذه المدينة بهذا الاسم؛ لأنّها كبيرة الحجم وعميقة تحت الأرض، كما أنّها تُعرف أيضاً باسم مدينة الجن، وتضم هذه المدينة بين جنباتها مساكن للعيش، ومطابخ، وكذلك ممرات، كما أنّها تحتوي أيضاً على غرف خاصة لعصر النبيذ، وكذلك إسطبلات، وغرف دينية، وحتى مقابر كبيرة، ويُعتقد بأنّ الهدف من بناء هذه المدينة هو الاحتماء والتخفي من أي خطر، وقد كانت مداخل هذه المدينة مجهزة بمجموعة من الصخور الكبيرة التي تتدحرج بهدف سدّ المنافد ومنع دخول أيّ غريب. تبلغ مساحة هذه المدينة ما يقارب من 445كم2، وتبلغ معدلات درجات الحرارة في هذه المدينة ما يقارب من 14°م، ويكون اتجاه الرياح شمالياً وغربياً بحيث تبلغ سرعته ما يقارب من 8كم في الساعة، أما بالنسبة لمعدل الرطوبة فيصل إلى حوالي 49%. تعتبر هندسة هذه المدينة هندسة دقيقة وكذلك صعبة ومدهشة؛ حيث إنّها مبنية داخل مجموعة من الصخورالبركانية اللينة، والتي تتطلب بناء أعمدة أساسات بحيث تتحمل طبقات الأرض، الأمر الذي يعني أنّها بُنيت من مواد بناء دقيقة جداً، حيث كان يتم التعامل مع هذه الصخور بعناية فائقة، ويعتقد المهندسون أنّ بناء هذه المدينة يعتبر تحدياً كبيراً لأية حضارة، كما أنّهم يعتقدون أنّ إعادة بناء مثل هذه المدينة يعتبر مهمة شبة مستحيلة حتى لو تم استخدام آلات ومعدات من العصر الحديث. يبلغ عمق هذه المدينة أكثر من 85م تحت سطح الأرض، وهي مجهزة بشكلٍ كامل بحيث تستطيع استيعاب ما يقارب من عشرين ألف شخص من كلٍ من الرجال، والنساء، والأطفال، وكذلك الماشية، كما أنّ فيها العديد من وسائل الراحة، وتجدر الإشارة إلى أنه تم اكتشاف حوالي ثلاثة عشر طبقة تحت سطح الأرض، كما تحتوي هذه المدينة على فتحات تهوية؛ بهدف تسهيل دخول وتوفير الهواء النقيّ إلى أدنى الطوابق في المدينة، وتجدر الإشارة إلى أنّ أوزان أبواب المدينة تتراوح بين 200 و500 كغم، حيث يمكن فتحها وتحريكها من الداخل فقط. .................................................. ....   قبل لا أدخل سألت المرشد عن ضيق المدينة لان عندي خوف من الاماكن الضيقة جداً أو المزدحمة (سابقاً جربت إني انزل منجم الملح في بولندا مع مرشد وعدني يكون معاي طول الوقت و قال لي إن أغلب الاماكن في المنجم السقف فيها يساوي ارتفاع طابقين او اكثر) ف قال لي المرشد إن داخل المدينة الانفاق ضيقة و سقفها نازل وايد بس قصيرة و نفس الشي وعدني إن يكون معاي و إن فيه نفق واحد طويل و صعب شوي و إني إذا ما حبيت أنزل فيه بيعلمني شلون أقدر أرجع بروحي أو أقدر أنتظرهم يرجعون منه (هالنفق هو الوحيد اللي يعتبر دخول و خروج في نفس الوقت و هو الي ينزل على الطابق السابع) تشجعت و نزلت و الانفاق مثل ما قال ضيقة و سقفها نازل فأغلب الوقت كنا محنيين ظهورنا إلا إذا وصلنا غرفة    أول ما نزلنا كنا القروب الوحيد و ورانا ب دقايق إبتدو يوصلون شباب أتراك و قروب صيني أو شرق أسيوي و كلهم بدون مرشد إنتشروا في كل مكان بدون ترتيب و صار صعب علينا نسمع المرشد سواء الشرح أو حتى التوجيهات و التصوير صار وايد صعب معاهم فكنا ننزل قبلهم طابق ويلحقونا بإزعاجهم و فوضتهم       لحد ما وصلنا النفق الضيق اللي يودينا على الطابق السابع و هو أكبر و أهم طابق نزلنا بسرعة و المرشد عطانا وقت شوي نلف و نصور براحة      فيه نفق يدخلنا غرفة القبر و ما كانت قبر فعلي لكن كانوا يخلون فيها موتاهم وقت اللي كانو تحت الارض لحد ما يطلعون من المدينة و يدفنون موتاهم في مقابر عادية  |
|
|
|
|
01-04-2018, 02:23 PM
|
#9 | |
|
رد: بداية حب !! تقريري لكباودكيا و إسطنبول
وفيه كنيسة (بدون ملامح لكن عرفوا إنها كنيسة من شكل الكهف أو الحفرة على شكل صليب) و فيه نفق يدخل على الطابق الثامن اللي عبارة عن غرفة ضيقة تشيل من 10 ل 15 شخص فقط و النفق شوي ضيق ف ما حبيت أنزل لكن زوجي نزل و صور هالصورة اللي عبارة عن فتحة التهوية توصل لخارج المدينة و السماء واضحة منها  و زاد عدد الناس في المكان و بديت اتوتر سألت المرشد نرجع قال يالله نجمع القروب وقفنا عند بداية النفق بنركب و كل ما نبي نركب ينزلون 2 او 3 مرات 5 ورا بعض المرشد كان يصفر ينادي الحارس اللي يرتب الصاعدين و النازلين من النفق بس ما كان يرد علينا و فجأة شفنا الاتراك اللي كانو في قروبنا اختفوا و في نفس الوقت زوجين هنود بعد ما كانو موجودين ف المرشد بدا يتوتر و انا توترت معاه اكثر توقع انه مع لوية الناس صعدوا من غير ما ننتبه لهم خصوصا الاتراك كانوا عند بداية النفق ف قال بصعد و بوقف النازلين لكم عشان تصعدون و قال خلج إنتي أول وحدة وراي إنتظرت دقيقة تقريباً و لما ما شفت أحد نزل تطمنت و صعدت و باقي القروب وراي فجأة بنص النفق أشوف ناس نازلة إلتفت وراي إلا القروب وراي و وراهم بعد ناس ثانية و إحنا في نفق سقفه نازل جداً أنا القصيرة حانية ظهري و مو عريض يمكن أقل من متر كنت أكلمهم رجعوا فوق إنتو بس 3 أو 4 و إحنا اللي صاعدين أكثر منكم لكنهم ما كانو يتعاونون و بدا الخوف يسيطر علي و بدون شعور بديت أصرخ Go up Go up i cannot breath i will die و فعلاً بدا يضيق عندي النفس (و أنا أكتب الموقف الحين والله رجع لي نفس الشعور و نفس الخوف و قلبي يطق بالقوة) زوجي يحاول يهدأني ويقول لا تصارخين وأقول له والله بموت و اللي واقفين لا حياة لمن تنادي واقفين يطالعون فينا لحد ما صارخت مرة ثانية Go up Go up i cannot breath i will die و الحمدلله قرروا يتحركون و يلفون يصعدون و قدرنا نصعد باقي النفق و وصلنا مكان وسيع شوي كان شعور مخيف جداً قعدت خمس دقايق أرجف و حاولت إني ما أصيح و إلا أنا فعلياً كنت منهارة داخلياً شفنا الاتراك اللي ويانا في القروب ينتظرونا بس الزوجين الهنود ما كانوا موجودين قرر المرشد يطلعنا من المدينة يمكن ينتظرونا برا وعند الباب طلع الحارس رايح يدخن و تارك النفق اللي المفروض يرتبه !!!!! و ما كانو الزوجين هناك فإحنا قعدنا ب إستراحة بسيطة شريت ماي أبرد على قلبي اللي بغى يوقف و أهو رجع تحت يدورهم و بعد 5 دقايق رجع وياهم و كانو في الطابق السابع و من فوضى الزوار ما قدروا يلحقونا في نفس الوقت سبب كل هالربكة أول شي إهمال الحارس بلا شك ثاني شي السماح للناس تدخل بدون مرشد و بدون تنظيم ( في منجم الملح في بولندا اللي ذكرته غير مسموح تدخل من غير مرشد تابع للمنجم و ممرات الدخول غير عن ممرات الخروج و الحراس و المنظمين موجودين في كل مكان داخل) إسترحنا كلنا في الاستراحة قبل لا نكمل مشوارنا بس سألنا المرشد إذا عنده خبر عن رحلة المنطاد عشان بكرة آخر يوم لنا و للاسف أكد توقعاتنا إنها ملغية لان من طلعنا من المدينة تحت الارض كانت السماء مغيمة و الهوا بدا يقوى عن بداية اليوم تقييمي للمدينة 5/10 سوء التنظيم فيها مأساة و يقول المرشد الوضع يصير أسوأ لو زرناها قبل الغدا لأن اغلب القروبات تروح في هالوقت هي بصراحة تسوى الزيارة بس التنظيم مشكلتها الوجهة الخامسة وداي الحمام و المسافة من مدينة تحت الارض ل وادي الحمام ٤٠ دقيقة تقريبا و هو مطل على وادي فيه كهوف بعد و ما شفنا و لا حمامة على الرغم من وجود بيع لأكل الحمام صورنا شوي و مشينا     في نظري ما يسوى الزيارة لولا إنه على طريق الرجعة للوجهة السادسة اللي تبعد ٥ دقايق وهي بانوراما غوريميه مكان حلو للتصوير      صورنا صورة جماعية لكل القروب و مشينا هذه الصورة تم تصغيرها . الحجم الافتراضي لها هو 807x605. و نفس الشي لو المكان مو في طريق الرجعة ما احس يسوى العنوة عندي إطلالة الغروب اللي عند فندقنا أحلى وصلنا الفندق تقريبا الساعة ٥.٥٠ المغرب و قلنا بعد تعب اليوم ب نريح و ما بننزل الستي سنتر و بنتعشى في مطعم الفندق Nostalji Restaurant و منها نجربه لان عليه مدح و تقييمه عالي في قوقل ريحنا شوي في الغرفة لحد وقت العشى المطعم هو نفسه مطعم الريوق وهذا المنيو      لما رحنا ما كان فيه إلا أحنا و طاولة ثانية و اللي خذت طلباتنا زوجة ولد صاحب الفندق ما كانت بشوشة أبداً و ما تفهم ولا كلمة انجليزي طلبنا بالاشارة روب و ورق عنب  كفتة بصلصة الطماطم مع اضافة صحن رز الكفة بدون طعم أبداً مو حلوة  جرة اللحم ل زوجي و طلع معاها رز (لو درينا ما طلبنا الصحن الثاني) لذيذة جداً و للاسف كسرت الجرة بعيد عن طاولتنا و حتى ما عطتنا مجال نصور مع إنها ودت الجرة للطاولة الثانية و خلتهم يكسرونها بنفسهم و يصورون لكن للامانة الطبق لذيذ  ما عندي للاسف صورة اوضح و كاسة شاي السعر ١٠٠ ليرة أنا ما كملت الكفتة و أكلت شوي من صحن زوجي وهي قعدت على وحدة من الطاولات مكشرة و تطقطق بالتلفون و بعدين عشان بالي مشغول مع العيال و عشان التعب و عشان موقف مدينة تحت الارض ما قدرت اتحمل ويهها المكشر لبست جاكيتي و قلت لزوجي بنتظرك برا خلص عشاك و رحت قعدت في الجلسات الخارجية تقييمي للمطعم 6/10 ما حبيت الاجواء فيه بالليل صاير ظلام و كئيب عكس الصبح وقت الفطور يشرح طبقي غير مقبول كطعم نهائياً و الخدمة المأساوية ما شفع له الا طبق زوجي خلصنا العشى و رحنا رتبنا الشناط لان طيارتنا بكرة و نمنا الساعة 3 الفجر إتصلت فيني شغالتي تقول ولدي الصغير حرارته وايد مرتفعة و إنه إبتدا يرجع و تقول إستحت تطق الباب على العمة تصحيها إتصلت على العمة و قلت لها و قالت بتروح له و كل شوي أرجع أتصل أو اكلمهم بالواتساب و قالت لي ان حرارته نزلت شوي و انه نام الحين و الصبح بتوديهم المستشفى لان حتى ولدي الكبير للحين حرارته ما نزلت وايد وقضيت باقي الليلة أصيح و أقول لزوجي كنت حاسة هاليوم ما راح ينتهي على خير و إني غلطانة اصلاً خليت اليهال بروحهم و المفروض لو أبي أخليهم عالاقل عند أمي و في اللقاء مع اليوم الرابع يوم السفر لإسطنبول و تقييمي لكبادوكيا والفندق و الرحلات |
|
|
|
|
| مواقع النشر (المفضلة) |
| الكلمات الدليلية (Tags) |
| !!, لكباودكيا, بداية, تقريري, جت, إسطنبول |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصتى .. بداية حب .. نهاية فراق .. انا .. (حِكاية روُح) | حكاية روح | إبْدَاعُ قَلَم لـ القِصَّة والرِوَايَة (يُمنَـع المَنقُـول) | 9 | 06-12-2020 04:54 PM |
| بجاية لؤلؤة الجزائر وشمعتها المضيئة | السعيد | رِيَاض إبْنُ بَطُوطَة لِسْيَاحَة والسَفَر | 7 | 09-16-2018 02:33 PM |
| بجاية في الحضارة والتاريخ | آفراح | ريآض الفتوحآت والشخصيآت الإسلآمية | 5 | 09-10-2017 04:57 PM |
| هواتف بشاشات قابلة للطي بداية العام القادم من سامسونغ | منال نور الهدى | رياض الهواتف الذكية والأجهزة اللوحية | 3 | 07-02-2016 06:40 PM |
| ألفاظ بحاجة إلى توضيح | آفراح | رِيَاض الدُرَرُ المَنْثُــورَة .. " للْمَنْقُــول" | 8 | 03-25-2013 11:53 AM |
