|
تركيا أسطنبول .. طرابزون ازنجول .. وش نخلي وش نقول
أبدأ معكم بتقريري اللي اتمنى انه يحوز لو على 2% من رضاكمhttps://www.arabtrvl.com/vb/images/Smilies/(125).gif وهذه صورة لشاشة جوالي ابدأ معكم بها http://www.arabtrvl.com/up/uploads/a...3826241170.png أدري مافيها اي شيء بس اكثر من تقرير اشوفهم يصورون شاشات جوالاتهم يشرحون بعض الاشياء فأنا مافيه شيء بس قلت اقلدهمhttps://www.arabtrvl.com/vb/images/Smilies/(157).gif وانتم عاد دامكم بتشاركوني التقرير يالله كل واحد يصلي على نبينا محمد ويعطيني حسنات << اجل تبون تشوفون تقريري ولا استفيد منكم شيءhttps://www.arabtrvl.com/vb/images/Smilies/(41).gif ^ ^ ^ بسم الله الرحمن الرحيم والحمد لله الذي بحمده تدوم النعم فاللهم لك الحمد والشكر حمداً يليق بعظمتك وعزتك وجلالك وأسألك اللهم ان توفقني وتوفق كل من مر على تقريري هذا ^ ^ ^ ^ تاريخ السفر الى تركيا كان 30/12/2014 تقريري عن تركيا وشهر العسل في تركيا طبعا شهر العسل ما احد يقدر يأخذه الا بعد الزواجhttps://www.arabtrvl.com/vb/images/Smilies/(39).gif معلومة مهمة لازم تعرفونها عسى الله يخليني لكم https://www.arabtrvl.com/vb/images/Smilies/(125).gif<< سجلو عندكم اول فوائد التقرير وباقي التقرير مليئ بالمعلومات والفوائد طبعاً ما اطول عليكم قبل الزواج بثلاث ايام انا خالص ومجهز كل شيء مابقى الا انتظر يوم الزواج وشوفوا هذا الدليل على فضاوتي http://www.arabtrvl.com/up/uploads/a...3826598550.jpg من الفضاوة رايح للقصر قبل الزواج بيوم وخذيت كم صورة وزين اني صورتها وأكشخ بها في تقريريhttps://www.arabtrvl.com/vb/images/Smilies/(6).gif http://www.arabtrvl.com/up/uploads/a...3826752670.jpg المهم ما اطول عليكم الحمد لله تزوجت وخلصت هذيك الليلة بأجمل مافيها من احداث وذكريات ومواقف ** ** ** ** ** ** لكل منا وقفات وذكريات ولحظات تمضي بها الايام ونتمنى لو تدوم معنا كل شيء منتهي وكل شيء زائل فياترى ماهو الباقي؟ لن يدوم لنا الا جمال اخلاقنا وتعاملنا مع من حولنا فسيذكروننا بها بعد ان تخطفنا عنهم الحياة اما لفراق او وفاة فأحسن مابينك وبين الناس لتبقى ذكرياتك اجمل مايحملون عنك ** ** ** ** ** ** ** وان شاء الله عقبالكم ياللي ماتزوجتم تتزوجون وتعزموني https://www.arabtrvl.com/vb/images/Smilies/(40).gif وبعد الزواج توجهت للفندق انا والعروس وكانت رحلتنا الى جدة بكرة العصر طريقة رحلتنا جدة اسطنبول والعودة اسطنبول جدة الدمام ويوم وصلنا الفندق احترت وش اقول لها وش اسولف لها عنه فقلت استغل الفرصة ولازم اخبرها ان شهر العسل قطة بيني وبينها https://www.arabtrvl.com/vb/images/Smilies/(155).gif واذا ماعندها فلوس للسفر اسافر واخليها https://www.arabtrvl.com/vb/images/Smilies/(41).gif ماعليكم انسو السالفة ترى امزح معكم وسفرتها على حسابي هههه تعالوا وخلوني اعلمكم انا وش سويتhttps://www.arabtrvl.com/vb/images/Smilies/(57).gif طبعا انا يوم وصلت الفندق جهزت جوازي انا والمدام وبطايق التأمين الصحي فقط وباقي البطائق حطيتها في الشنطة اللي راح اتركها في السعودية من ضمنها كرت العائلةhttps://www.arabtrvl.com/vb/images/Smilies/shutup.gif وكانت هذي اول البدايات اللي شكلها بتخلي المدام تقول انا توهقت في زوج مثلكhttps://www.arabtrvl.com/vb/images/Smilies/(5).gif المهم صحيت الساعة 2 الظهر وصليت ظهر وعصر جمع وقصر وطلبت لنا غداء تغدينا وبعدها توجهنا للمطار سلمت سيارتي ودخلنا صالة المغادرة الساعة تقريبا 4 ونص استعداداً للسفر في امان الله يامسافر في امان الله مسافر وتاركني في دياري بعدك اعيشhttps://www.arabtrvl.com/vb/images/Smilies/(59).gif<<< لا ماتنفع هالخاطرة اصلا انا مسافر مع المدام وتوي عريس ليش اودع الدار والديرة بفراق وغرام https://www.arabtrvl.com/vb/images/Smilies/(155).gif المهم اقلعنا من المطار ووصلنا جدة تقريبا 8 مساء استلمنا العفش وأخذنا تاكسي الى فندق هلتون جدة << وهنا اول وجع الراسhttps://www.arabtrvl.com/vb/images/Smilies/dunno.gif طبعا يوم وصلت طلعت له الورقة اللي طبعتها من موقع بوكنق طلبني كرت العائلةhttps://www.arabtrvl.com/vb/images/S...yolks00100.gif<< هاه وشو ذا وش يعني كرت عائلة تدرون اخوكم توه عريس مو متعود على هالشغلات هههههه المهم قال لي لازم كرت العائلة عشان افتح لك الغرفة قلت ياخوي انا مسافر بكرة الصباح على تركيا وانا بس بنام عندك الليلة والصباح طالع قال مايهمني وين بتروح انا صعب ادخلك بدون كرت عائلة قلت يالطيب هذا حجزي عن طريق بوكنق وهذا جوازي نفس الاسم قال حتى ولو حنا مانقدر ندخلك وهذي مسؤولية وقام يشرح لي قصة حياته ان صاحبة مفصول من العمل قبل اسبوع لأنه دخل واحد مع وحدة وطلعت مو بزوجته اللي دخلها https://www.arabtrvl.com/vb/images/Smilies/(7).gif المهم مالنا في باقي الاحداث اللي قالها لي عشان يبرر موقفه انه صعب يدخلني انا هنا احترت وش اسوي وشلون اقنعه ان هذي زوجتيhttps://www.arabtrvl.com/vb/images/S.../surrender.gif قلت يالطيب ترى انا توي عريس وهذي زوجتي وكرت العائلة انا ما احتاجه في تركيا ليش اخذه معي في الاخير وبعد وجع راس اقنعني اروح اجيب ورقة من الأمن حق الفندق ويدخلوني عاد ورقه من الامن تبي لها اقل شيء ساعة عشان اخلص اجراءاتها قلت للمدام خليك هنا في هالكوفي وانا باروح اجيب لنا ورد واجيكhttps://www.arabtrvl.com/vb/images/Smilies/(125).gif خلاص والله امزح قلت لها اجلسي وتقهوي وروقي وانا بخلص اجراءات الدخول المهم الله رزقني واحد جداوي واتوقع انه ريئسهم وشاف انه الكشخة خربت وشاف اني متنرفز قال لي وش فيك شرحت له الوضع والحمد لله دخلني على مسؤوليته بحيث اني اطلع الصبح قبل الساعة 7 قلت له ياخوي انت بس دخلني واذا تحب اطلع قبل يأذن الفجر https://www.arabtrvl.com/vb/images/Smilies/(155).gif الحمد لله دخلنا تقريبا الساعة 10 ونص وميتين جوع من ظهر ماكلينا شيء طلبنا عشاء من مطعم والله مادري وش اسمه المهم اظطريت اطلب منه لأنه المطعم الوحيد اللي يوصل للفندق حتى وجباتهم بس هبرجر وانا كنت مشتهي مشاويhttps://www.arabtrvl.com/vb/images/Smilies/(7).gif الحمد لله تعشينا ونمنا وصحينا من فجر احس اني نمت الف ساعة فل نوم مع ان كل اللي نمته تقريبا 5 ساعات https://www.arabtrvl.com/vb/images/S...detective2.gif صلينا الفجر وجلسنا في البلكونه نسولف وبصراحة كانت الاطلالة ولا اروع خذيت لكم كم صوره https://www.arabtrvl.com/vb/images/Smilies/(41).gif<< الله يخليني لكم حتى هلتون جدة صورته http://www.arabtrvl.com/up/uploads/a...1327148110.jpg شوفو هالصورة اللي تحت دققو فيها وقولوا وش تلاحظون؟ http://www.arabtrvl.com/up/uploads/a...1405855350.jpg اشكركم على التدقيق مافيها شيء بس انا حبيت تدققون عشان تتمقلون زين في تصويريhttps://www.arabtrvl.com/vb/images/Smilies/(7).gif المهم نكمل معكم بعض الصور << وين هاك الفيس اللي يعطي بوسات تستاهلون دامكم جمهوري<< حسيت اني نادري الهلال الا على طاري نادي الهلال من تتوقعون يأخذ كأس اسيا هذا الموسم ؟ والبلنتي حق الهلال صحيح او خطأ؟ لو كان يوسف الثنيان باقي يلعب في الهلال صدقوني كان رشحت لكم بطل البطولة من عام 2000 طيب وش دخل سوالف الكورة في موضوعناhttps://www.arabtrvl.com/vb/images/Smilies/(123).gif ارجع للتقرير لا اتفاهم معك تفاهم ثاني https://www.arabtrvl.com/vb/images/Smilies/(123).gif http://www.arabtrvl.com/up/uploads/a...1406026460.jpg http://www.arabtrvl.com/up/uploads/a...1406119530.jpg خلاص بسكم صور تعالوا خلونا نطلع من الفندق عشان نلحق رحلتنا وعشان اخونا هذاك قال نطلع بدري وبصراحة اصلا انا من زمان حاط في بالي اطلع بدري من الفندق لأن رحلتي 10 الصباح وكان ودي اوصل بدري عشان اخلص كل اجراءاتي وخلوني اختصر عليكم قبل تطفشون وتقفلون التقرير قبل أدخلكم تركياhttps://www.arabtrvl.com/vb/images/Smilies/(41).gif مااطول عليكم الحمد لله وصلنا المطار الساعة 8 قصينا تذاكرنا وسلمناهم عفشنا ورحت اتسوق وفي طريقي اشتريت لي عطر << عطوني الفيس اللي يبكي بقوة يامدير ظبطوني بالفسيات والا ترى ابيع تقريري هذا على منتدى ثانيhttps://www.arabtrvl.com/vb/images/Smilies/(56).gif المهم خلوني اعلمكم ليش ابي ابكي انا اشتريت عطري اللي تعجبني ريحته وانا قبل الزواج كنت ادوره وللأسف مالقيته لكن في مطار جدة لقيته وسألت الكشير لو اشتريته يسمحون لي اطلعه الطيارة؟ قال اي مسموح ولاهو من ظمن الممنوعات والحمد لله اشتريته بـ 316 ريال https://www.arabtrvl.com/vb/images/S...yolks00640.gif اشتريته وخذيته معنا ورحنا نفطر وبعد ما افطرنا طلعنا ونسيته على الطاولة << ياليتني علقته في حلقي ولاضاعhttps://www.arabtrvl.com/vb/images/Smilies/(39).gif العطر نسيته<< وهذي ثاني طعه اسويها ونفسي اعرف وش كانت تقول عني العروسة بخاطرها لكن لحظة الى اللحين باقي ماندري انه نسينا العطر خلاص تعالوا نروح تركيا والله طولت عليكم يالله مشينا بسرعة لحظة باقي ماعلمتكم يوم صرفت فلوسhttps://www.arabtrvl.com/vb/images/Smilies/(158).gif طيب اجلسوا شوي خلوني اعلمكم انا خذيت 5 الاف ريال سعودي ورحت لبنك الأهلي وصرفتها ليرة تركي وكان الصرف ليرة تركي = 1.85 ريال سعودي وعطيته 500 ريال سعودي عشان اخذ 120 دولار امريكي اتحداكم ليش خذيت 120 دولار؟؟ هذا سؤال الحلقة واللي يجاوب صح بكرة نسحب اسمه ونعطيه جائزة ايفون 6S لا خلاص امزح معكم لا احد يصدق ويوهقني ادري انكم تعرفون https://www.arabtrvl.com/vb/images/Smilies/(125).gif المهم خذيت 120 دولار عشاني تركت الفيزة التركية استلمها من المطار كنت باطلعها عن طريق النت بس كان ودي اعرف شلون اجراءاتها عن طريق المطار ما اخفيكم طلعنا الطيارة 10.10دقايق لأن الاقلاع 10.40 دقيقة لكن للأسف يالخطوط السعودية ما اقلعنا الا 11.40 دقيقة يعني اكثر من ساعة جالسين في الطيارة لدرجة اني عديت كل الكراسي وتعرفت على كل الكاب اللي معي في الرحلة ياشيخ من زود الطفش خلصنا كل السوالف وصرت اسولف مع الركاب عن مغامرات اجدادهم https://www.arabtrvl.com/vb/images/Smilies/(155).gif لا خلاص امزززح والله ماسولفت مع احد اقلعنا الساعة 11 وصلنا تركيا 4 العصر بتوقيتهم لأنهم قبلنا بساعة وخلوني اختصر لكم الاحداث اللي صارت في المطار لأنه سبق وتكلمت عنها في هالموضوع http://www.arabtrvl.com/vb/t9991.html المهم طلعنا مع السواق ابو عبد الرحمن وكانت هذي اول صورة التقطها بجوالي الحبيب في تركيا كانت صورة على السريع وانا في السيارة مع اني اول ماطلعت من المطار صقعني البرد لدرجة ان راسي صدع وصلت الفندق وانا مصدع وللأمانه ماكان ودي اوضح للمدام اني صدعت او تعبت لأنها هي خلقه خايفة من السفر لتركيا وخايفة من موضوع المظاهرات والشغب وخذيت هذي الصورة ما ادري وين بالضبط او كيف او من *.* لكن انا متأكد انها ثاني صورة وحنا في طريقنا للفندق والحمد لله وصلنا الفندق وكان في استقبالنا طاقم الفندق بأكلمه وفرشوا الارض بالورد الأحمر والأخضر والأزرق وملأت الزغاريط ارض اسطنبول احتفالا بقدومي الكريمhttps://www.arabtrvl.com/vb/images/Smilies/(41).gif ودامكم ماصدقتوا هذه النقطة خلاص انا اكتفي بهذا القدر من التقرير وأتمنى اني وفقت في أختياري للصور حتى وان كانت جودتها ضعيفة لكن انا استخدمت كل التصوير بجوالي الايفون 6 يوووه نسيت اعلمكم انه جاني هدية ليلة زواجي من أخواتي أسأل الله ان يسعدهم لكن خلاص هذا انا علمتكمhttps://www.arabtrvl.com/vb/images/Smilies/(41).gif واذا فيه بعض الأخطاء الإملائية فغضو البصرhttps://www.arabtrvl.com/vb/images/Smilies/(40).gif وأول المشاركين في تقريري له جائزة 10 ريال سوى خلاص اهم شيء عطيت جائزة مو لازم اعطيه بنتلي ^_^ وكما بدأنا التقرير بالصلاة على نبينا ننهي هذه الحلقة بالصلاة على نبينا محمد صلى الله عليه وسلم |
رد: تركيا أسطنبول .. طرابزون ازنجول .. وش نخلي وش نقول
وبعد ان خربشت خربشة مبعثرة تعالوا نكمل جلستنا وسوالفنا خاصة انه صرنا داخل الديار التركية يعني الشاي التركي بيحلي الجلسة الا تعالو على طاري الشاي التركي انا قبل اسافر كنت اقرأ بعض التقارير والتعاليق تمدح في الشاي التركي لدرجة اني تخيلت اني بذوق شاي خارق شاي ماله وصف يعني قلت هالشاي التركي شكلة عسل اصلي مطبوخhttps://www.arabtrvl.com/vb/images/Smilies/(59).gif وعلى طول بس طلعت اول يوم من الفندق اول شيء سويته دخلت مقهى عشان اطلب شاي وتفاجأت يوم جاب لي الشاي انه اقل من عادي لدرجة ان شاي بوفية ابو علي احلى منهhttps://www.arabtrvl.com/vb/images/Smilies/(47).gif لكن بصراحة اكثر الشاي هناك يعطي جو حتى لو مو بحلو يعني لازم تأخذ شاي عشان تحس انك بتركيا المهم ماعلينا تعالوا نكمل جلستنا ونطلب لنا شاي تركيhttps://www.arabtrvl.com/vb/images/Smilies/201.gif بعد ماوصلنا الفندق وقابلني عزيز و ليلى هذول اللي شغالين في الاستقبال وبصراحة اخلاقهم جدا حلوة وهذا الشيء لاحظته في اكثر من فندق الاستقبال خلوقين مرة سلموني الغرفة ودخلت تفاجأت ان الفندق اقل مما كنت اتوقع يعني انا مختاره بالذات لأن توه جديد والاثاث جديد والصور في بوكنق كانت مغرية وموقعه كان عاجبني على حسب ماقريت عنه خاصة الاطلالة اللي على البحر اول مادخلت الغرفة تفاجأت مافيه اطلالةhttps://www.arabtrvl.com/vb/images/Smilies/(158).gif وللأمانه بالفعل موقعه قريب من كل شيء يعني يغنيك عن سالفة تاكسي او ترام مثلاً السوق المصري رحلات البسفور مطاعم السمك تحت الجسر يعني كل شيء قريب وماتحتاج تاكسي وصلت مع المغرب صليت مغرب وعشاء جمع وقصر جوعان ومصدع ومرهق << بس اتظاهر قدام المدام اني قويhttps://www.arabtrvl.com/vb/images/Smilies/(41).gif خلصت الصلاة ودورت الجوال عشان اسوي لي جدول حق بكرة للمعلومية انا جيت تركيا وحاط جدول لكن يوم وصلت تغير الجدول 180 درجة وكثير من الخطة تغيرت يعني جزر الاميرات وتل العرائس كانت من ضمن الخطة لكن كنسلتها ما ادري ليش لكن هذا انا اخطط ولا امشي على الخطةhttps://www.arabtrvl.com/vb/images/Smilies/(7).gif المهم دورت الجوال وكما ذكرت لكم في الموضوع السابق نسيته مع السواق وكما ذكرت احداث الطعة الفلم اللي صارت تداركت الموقف بشاجعة ورجعت الجوال نرجع ونقول الله يصبر العروسة على هالعريسhttps://www.arabtrvl.com/vb/images/Smilies/(39).gif<< معذور ترى مصدع وهنا اوضح لكم الصور اللي اعتمدت عليها في تنقلاتي داخل اسطنبول وكنت راسم اغلب خطة السير منها والف شكر لزهرة نيسان اللي نزلتها في المنتدى القديم رغم ان الخطة تغيرت لكن استفدت منها في التنقلات http://www.arabtrvl.com/up/uploads/a...1822436990.jpg ............................. http://www.arabtrvl.com/up/uploads/a...1822514280.jpg .......................... http://www.arabtrvl.com/up/uploads/a...1821940280.jpg ............... هذي في السلطان احمد كنت ابي خزانات المياء وما احد فهم وش اقصد ثم طلعت الجوال وأشرت لهم عليها بالتركي << كم انا ذكيhttps://www.arabtrvl.com/vb/images/Smilies/(41).gif http://www.arabtrvl.com/up/uploads/a...1822042640.jpg ويالله اصبحنا واصبح الملك لله خلونا نبدأ احداث اول يوم بعد ماصحينا من النوم فتحت الشباك لألقي نظرة على الجو وعلى تراحيب تركيا بقدوميhttps://www.arabtrvl.com/vb/images/Smilies/(125).gif ولكن ياللأسف الارض قريبة مني احس لو اعطس انطح الأرض من قربها وهنا قررت اطلبهم تغير الغرفةhttps://www.arabtrvl.com/vb/images/Smilies/(123).gif المهم قالت المدام خلنا نطلع ونتمشى واذا رجعنا يصير خير هنا قلت في خاطري اي والله صح وشو له المشاكلhttps://www.arabtrvl.com/vb/images/Smilies/(157).gif شوفوا الارض ياقربها كنت في الدور الثاني او الثالث ما اذكر واصلا انا مقهور ليش ما عطوني اطلالة على البحر https://www.arabtrvl.com/vb/images/Smilies/(58).gif يالله تعالو اقولكم على طاري الجو بارد وش احكي وش اقول https://www.arabtrvl.com/vb/images/S...yolks00780.gif بصراحة جوهم حتى لو انه بارد يجيب العافية يعني مجرد تلبس جاكيت تحس البرد بعد عنك وخلاك في حالك جو مطر ومو مطر قوي مطر يعطيك ابتهاجة تعيش فرحة قدومك طيب خلونا نرجع للموضوع واللي مو لابس جكيت رجاء يجلس في الفندق اللين نرجع له نغير الغرفة https://www.arabtrvl.com/vb/images/Smilies/(155).gif طلعنا من الفندق وكان على يمينا البحر مباشرة بس تقطع الشارع الخطة كانت للسوق المصري وحافظ مصطفى لأنها قريبة منا وصلنا حول البحر وكان هذي اول صورة التقطها http://www.arabtrvl.com/up/uploads/a...4140707550.jpg بعد ماصورت الصورة اللي فوق التفت خلفي وكان خلفي مباشرة الفندق قلت لأجل عيونكم اصور لكم وقوفه الشامخ وكنت احسه يراقبني وين اروح وين اجي الفندق معجب في وجوديhttps://www.arabtrvl.com/vb/images/Smilies/(41).gif وهذي الصورة حلو من هذي الصورة اكتشتفت اني كنت بالدور الثاني قبل اطلب تغير الغرفة << ماشاء الله علي http://www.arabtrvl.com/up/uploads/a...1822960170.jpg التهيت عن التصوير واكتفيت بالتلذذ بالعيش داخل انفاس ذاك الجو يزداد الجكيت ضماً لجسمي ليدفئني من برودة الجو وكلما ازدت دفأة كلما ازدادت سعادتي بجوك ياسطنبول https://www.arabtrvl.com/vb/images/Smilies/(60).gif تعالوا كلمة ليدفئني هل انا كتبتها صح؟؟ https://www.arabtrvl.com/vb/images/Smilies/(125).gif احسها صعبة المهم اذا هي غلط فغضو النظر وانتبهو للبحرhttps://www.arabtrvl.com/vb/images/Smilies/(59).gif وبعد ان عشت وقت بين اصوات ارتطام الأمواج وانتشار الناس من حولي ورذاذ المطر من حولنا رجعت لكاميرا جوالي العزيز والتقطت بعض الصور http://www.arabtrvl.com/up/uploads/a...1407120230.jpg ....................................... http://www.arabtrvl.com/up/uploads/a...1407274090.jpg بعدها توجهنا لحافظ مصطفى كنت متحمس اذوق طعم الحلقوم اللي عنده وطعم حلوياته بصراحة بالفعل عنده حلويات حلوة واشتريت من عنده كثير هدايا وجبتها معي السعودية وعلى فكرة ابشركم الحلويات مانسيتها في تركياhttps://www.arabtrvl.com/vb/images/Smilies/(40).gif http://www.arabtrvl.com/up/uploads/a...1822104330.jpg ......................................... http://www.arabtrvl.com/up/uploads/a...4182215550.jpg اكتفيت بهذي الصورتين من حافظ مصطفى بعدها توجهنا للسوق المصري لكن ماصورت فيه ولاصورة والسبب زحمة الناس ولافيه شيء يستاهل التصوير كلها محلات مقابله بعض وكل محل فارش بضاعته مقابل الباب يعني انا يوم دخلته تذكرت سوق المباركية بالكويت لأني زرت الكويت اكثر من مرة واحب سوق المباركية فلاينا في السوق المصري وقت طويل وبصراحة تعبنا من المشي السوق كبير وبواباته كثير يعني بغيت اضضيع بوابة الخروج اللي ترجعني على الفندقhttps://www.arabtrvl.com/vb/images/Smilies/(155).gif وأتوقع لو ضيعتها كان رجعت العروسة للسعودية مشي وتركتني لوحدي اعيش فرحة تركياhttps://www.arabtrvl.com/vb/images/Smilies/(59).gif بعدها طلعنا صلينا الظهر في مسجد قريب من السوق المصري اتوقع مسجد السلمان او مادري وشو بصراحة ما عرفته لكن خذيت له عدة صور وبتشوفونها في الحلقة القادمة لأني صورته في اليوم الثاني بعد الصلاة قرر معالي السفير انا نروح نتغداء تحت الجسر وعزمت العروسة على غداء بحري على حسابيhttps://www.arabtrvl.com/vb/images/Smilies/(41).gif يالله كم انا كريم جايبها تركيا على حسابي وبعد اغديها على حسابي الله يعطيك العافية يايبه اللي جبت رجل كفو مثليhttps://www.arabtrvl.com/vb/images/Smilies/(41).gif لحظة لحظة تعالوا وين رايحين خلاص هذي اخر مرة امدح نفسي لاتعصبون تعالوا نكمل واعلمكم بالاحداث اللي صارت في المطعم رحنا وتغدينا هنا لكن قبل المنيو جاب لنا السمك في عربية او في كرتون او في خيشة انا مادري لأنه صدمني السمك مافيه اي نظافةhttps://www.arabtrvl.com/vb/images/Smilies/(158).gif زوجتي اول ماشافت القبقب كبير وكأنه عقرب صابته قرفه وطلبت نطلع من المطعم وماعاد تبي غداء https://www.arabtrvl.com/vb/images/Smilies/(155).gif لكن مو على كيفها والله تتغداء لا اتفاهم معها تفاهم ثانيhttps://www.arabtrvl.com/vb/images/Smilies/(123).gif<< كفو ياقوي المهم ترجيتها تجلس << افا وين القوي المهم تفقنا نطلب سمكه هامور ظلينا مايقارب 40 دقيقة بعدين جاتنا السمكة الوحيدة وطلبنا موية قبل تجي السمكة ومع السمكة طلبنا 2 بارد خلصنا غداء وللأمانه ما أكلناها والسبب باقي نتذكر منظر السمك ونظافتة المهم خلصنا ناديت الكابتن << اي كابتن اي صح قصدي ناديت القرسون وطلبته فاتورتنا يوم جاب الفاتورة تذكرت الملاحظة اللي قالتها زهرة يوم تقول تأكدو من الاسعار وراجعو الفاتورة انا على طول تحملت نتائج غلطتي وعطيتهم 220 ليرة حساب هالسمكة اليتيمة اللي جابوها لنا يعني حسابها تقريبا 400 ريال سعودي المهم ماتكلمت ولاشيء عطيته الحساب وطلعت خلاص بنرجع الفندق دايخين ومرهقين وصلت الفندق وطلبتهم اغير الغرفة ويعطيني اطلالة لكن الاطلالة فل ولافيه فرصة وطلبت دور علوي والحمد لله خذيت هذي الغرفة يالله تعالوا نشوف اذا عطست انطح الارض او بعيدhttps://www.arabtrvl.com/vb/images/Smilies/(157).gif اوك لا واضح انها افضل من اللي قبلhttps://www.arabtrvl.com/vb/images/Smilies/(41).gif عاد تصدقون هذي الحديقة ما اردي وش اسمها لكن بصراحة عاجبتني ما ادري لو اشتريها كم سعر المترhttps://www.arabtrvl.com/vb/images/Smilies/(101).gif يالله مع السلامة ترى كتبت هالحلقة على السريع اتمنى لو هناك اي تقصير او زلل ان تتقبلون تقصيري ولكم مني كل الشكر والتحايا |
رد: تركيا أسطنبول .. طرابزون ازنجول .. وش نخلي وش نقول
نكمل الرحلة عن ثاني ايام الرحلة ويعتبر ثالث يوم من بعد الوصول بحيث اول يوم كان يوم الوصول ويوم الراحة في الفندق وهذي الرحلة ان شاء الله راح تكون رحلة خفيفة ويوم خفيف فبما اني مسافر شهر عسل لم أبحث عن كثرة التنقلات او كثرة الرحلات وكنت ابحث عن الإنسجام أكثر من غيره صحيت الساعة 6 الصباح صليت الفجر وبعدها القيت نظرة على الجو من خلال الشباك وكان الجو يفتح النفس كالعادة وكانت لي الشباك مثل برج المراقبة من خلالها اراقب كل شيء حول الفندق وخاصة الحديقة كانت الحديقة تفتح النفس وأتمنى اروح اجلس فيها بس المشكلة حولها كلاب والعروسة خافت نروح هناكhttps://www.arabtrvl.com/vb/images/Smilies/(155).gif اي نسيت اعلمكم الكلاب في اسطنبول موجودة في كل مكان يعني لاتستغرب وانت جالس تتقهوى يجيك كلب ويقول كيف حالك يالأخو https://www.arabtrvl.com/vb/images/Smilies/(155).gif http://www.arabtrvl.com/up/uploads/a...1823679760.jpg ....................... http://www.arabtrvl.com/up/uploads/a...1823761490.jpg ....................... http://www.arabtrvl.com/up/uploads/a...1823849140.jpg بعد ماخايلت الجو مع الدريشة اللحين تعالو قبل نبدأ خلونا نتفق ان الدريشة اسمها شباك والدريشة والشباك يعني النافذة لازم نشوف حل لإختلاف اللهجاتhttps://www.arabtrvl.com/vb/images/Smilies/(59).gif هذا للتوضيح عشان لا احد يسأل يقول وش الدريشة المهم بعدها طلعت فوق للمطعم حق الفندق لن مطعمهم في الدور الاخير كانت عندي صور للفطور وترتيبهم لكن لإسف راحت قبل اكتب هالتقرير وللمعلومية وللأمانة انا يوم كنت بتركيا لم اصور واجهز اي شيء لكتابة تقرير لأني كنت اعلم بخلاف منتدانا مع موقع ياهو وكنت فاقد الأمل في عودة هذا المنتدى وبصراحة تفاجأت بعد فترة بعودة هذا المنتدى ورجاله القائمين عليه فشكرا لهم من الأعماق فمازال الكثير يتنفس أكسجين فضلهم على كثير من المسافرين العرب المهم خلوني اكمل لكم السالفة وأقولكم بعد ماخلصت فطور وين رحت خلصنا فطور وطلعت من الفندق بودون اي خطة وبدون اي جدول رغم اني قريت من الصور اللي كانت معي لكن انا بعد وصولي هناك تغيرت خطتي كلياً وان افر حول الفندق وحول بحر امنينو وصلت هنا http://www.arabtrvl.com/up/uploads/a...1823904760.jpg وانا كنت هنا مع المدام جانا واحد عراقي وعرض علينا رحلة البسفور وعلى طول بدون تردد قلت له تم وأخترت رحلة مدتها ساعة خذيت منه تذكرتين ودفعت له فلوسهم بعدها طلب مني اجلس في الباص عشان يكتمل العدد وينقلنا مكان تحرك الرحلات دخلت الباص لكن تأخر وبعدها طلعت من الباص وعطيته رقمي قلت اذا اكتمل العدد كلمني بصراحة حسيت اني مطلوب أمنياً وانا جالس داخل الباص https://www.arabtrvl.com/vb/images/Smilies/(58).gif طلعت وكملت فرة حول البحر وبعد مايقارب ربع ساعة كلمني ورجعت لهم وانتقلنا الى السفينة وصلنا السفينة وطلعنا وكنت افكر انه خلاص بنمشي على طول لكن الصدمة الأخرى انه لازم ننتظر اكتمال العدد https://www.arabtrvl.com/vb/images/Smilies/dunno.gif لكن ماعليه هنا في السفينة وداخل البحر ارحم من الإنتظار داخل الباص واخذيت كم صورة وحنا ننتظر http://www.arabtrvl.com/up/uploads/a...1824007950.jpg http://www.arabtrvl.com/up/uploads/a...1824056910.jpg ................... http://www.arabtrvl.com/up/uploads/a...1824138190.jpg وحنا في السفينة لاحظت المبنى هذا ويوم قريت اسمه كأنه مكتوب جامعة لأنه مكتوب باللغة التركية لكن اللي استشفيته بخبرتي انه جامعة تدرون انا خبير في تركيا واعرف كل شيء فيها<< والله امزح ماعمري سافرتها https://www.arabtrvl.com/vb/images/Smilies/(37).gif http://www.arabtrvl.com/up/uploads/a...4182421380.jpg المهم اكتمل العدد وبدينا تحرك وقريت في داخلي دعاء السفرhttps://www.arabtrvl.com/vb/images/Smilies/(41).gif http://www.arabtrvl.com/up/uploads/a...2082021860.jpg ................................... http://www.arabtrvl.com/up/uploads/a...2082109410.jpg ............................................. http://www.arabtrvl.com/up/uploads/a...2082171810.jpg ................................... http://www.arabtrvl.com/up/uploads/a...2082209270.jpg .................................... http://www.arabtrvl.com/up/uploads/a...2082253050.jpg واعتذر ماصورت صور استعدادا للتقرير فأكتفي بهذه الصور والبعض منها كانت صور خاصة وبعض الصور حلوة وكان ودي اقصها وانزلها هنا بس للأسف معلوماتي الفتوشوبيه طالعة تدرس برىhttps://www.arabtrvl.com/vb/images/Smilies/(39).gif<< يعني ماحولكم احد طبعا لاتنسون اني محترف في التصوير وعندي بعض اللقطات الإحترافية العالمية المهم بعد ماخلصنا الرحلة رجعنا تقريبا على وقت صلاة الظهر وانا في طريقي شفت هذا المسجد والتقطت له بعض الصور الإحترافية العالميةhttps://www.arabtrvl.com/vb/images/Smilies/(41).gif http://www.arabtrvl.com/up/uploads/a...2082450760.jpg ياشباب وياصبايا قولوا ماشاء الله اخاف تعطوني عين وماعاد اعرف التقط صور إحترافية وعلى فكرة هذي الصورة مطلوبة مني بـ مليون ليرة عشان يحطونها على غلاف أحد المجلات التركية https://www.arabtrvl.com/vb/images/Smilies/(40).gif<< اللي مايصدق الله يسامحه http://www.arabtrvl.com/up/uploads/a...2082586680.jpg المهم انا اسمي هذا المسجد المسجد السلماني استنادا لتقارير قديمة قريتها قبل سفري فهل هذا هو المسجد السلماني او انا ملخبط؟؟ المهم وحنا نفر حول المسجد لاحظت درج ينزلون منه العالم وكأنهم يدخلون تحت الأرض قلت في خاطري ياولد لاتكون هذي هي ارم ذات العماد اللي تكلم الله عنها القران لأن كما هو معروف ان ذات العماد مدفونه تحت الأرض بعد ان ارسل الله على قوم عاد ريح صرصراً عاتية وانا اللي اشمر وأعض ثوبي وأروح ركض الى هذا القبو اللي يدخلونه الناس تحت الأرض << نسيت المدام وانا اركض تعالوا والله امزززززحhttps://www.arabtrvl.com/vb/images/Smilies/(7).gif طيب خلو اعلمكم الصدق أنا يوم لاحظت االناس كلها تحدر تحت << تحدر كلمة كويتية توي سارقها وتحدر يعني تنزل << ماشاء الله على تقرير يجيب لكم كل المعلوماتhttps://www.arabtrvl.com/vb/images/Smilies/(155).gif المهم يوم شفتهم نيزلون مع الدرج قلت يالله خلوني الحقهم وأشوف وش السالفة يوم نزلنا مع الدرج طلع سوق https://www.arabtrvl.com/vb/images/Smilies/200.gif http://www.arabtrvl.com/up/uploads/a...2082490150.jpg السوق هذا بصراحة صغير وحلو يعني لقيت فيه هدايا حلوة خاصة للإطفال وخذيت فيه مايقارب الساعة بعدها طلعنا عشان نصلي الظهر في المسجد اللي اعجبني شكله بعد ماطلعنا من السوق وتوجهنا لدورة المياة الله يعزكم لاحظت حاجة عندهم عكس اللي عندنا تماماً اول حاجة دورات المياة عندهم نظيفة جداً والدخول لها بليرة فقط مقابل هذه النظافة ومقابل الخدمة واتمنى من اعماق قلبي ان دخول كل دورات المياة العامة اللي عندنا بريال لكن نحصل نفس هذه النظافة والخدمة وهذي صورة لأحد العمال اللي يهتم بنظافة دورة المياة http://www.arabtrvl.com/up/uploads/a...2082692290.jpg ياعم حتى العامل لبسه كشخة بنطلون وجاكيت وشكل مرتب مو نفسنا أشكال عمالنا كأنه محكوم عليهم اعدام https://www.arabtrvl.com/vb/images/Smilies/(40).gif وأخيراً وليس اخر ما اطول عليكم صلينا الظهر وافتريت في الحديقة اللي حول المسجد وبعدها دورت اقرب مطعم كنت جوعان حدي والوقت اللحين 2 الظهر مع انه خلاص قرب الليل لأنه يأذن المغرب 5 وربع ولازم ارجع الفندق عشان اسوي تشك اوت فإلى هنا اكتفي معكم بهذا الكلام وهذه الصور من هذا التقرير البسيط و الحلقة القادمة من التقرير ان شاء الله راح نتكلم لكم عن السلطان أحمد والأجواء والراحة اللي فيها |
| الساعة الآن 11:08 AM |
Powered by vBulletin™ Version 3.8.7
Copyright © 2012 vBulletin ,
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd. Runs best on HiVelocity Hosting.