كَلِمةُ الإِدَارَة |
|
جديد المواضيع |
|
رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
الإهداءات |
|
|
أدوات الموضوع | إبحث في الموضوع |
04-16-2018, 02:39 PM | #21 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
و مازلنا في مكتبة نيويورك العامه .. هذي قاعه وداخلها قاعه ثانية للهدوء هذي عادي نسولف فيها هذي هـــــــــــدوووء تــــــــام ولا نفــــــــس تفتح من 10 ص الى 5-:45 الخميس - اليمعه- السبت الاحد من 1 م - 5 م خليط من كل الاجناس الاثنين : عـطــله الثلاثاء والاربعاء من 10 ص - 7:45 م الجهه اللي ورا الارفف هدوووووء اكثر وما يصير ندخل عليهم الموقع الالكتروني للمكتبة https://www.nypl.org/locations/schwarzman كل قاعه شكل عقب ما خلصنا من المكتبة رحنا حديقة Bryant park وتكون ورا المكتبه مفتوحه من 7 ص - 10م يوميا وفي الشتا وموسم الكريسماس يحولونها لمكان للتزلج و اكشاك .. الاكشاك والشغلات اللي فيهم اتشوق يتبــــــــع تـرا لمـا الحـيــن اليــوم الخـامـس |
|
04-16-2018, 03:04 PM | #22 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
طلعنا من الحديقة واستمرينا في المشي
وصلنا الفندق و صلينا وقطينا بعض الاغراض حاشنا اليوع قلنا ناخذ اي تصبيرة من الجمعية الاسيويه يم الفندق عندهم اشياء حلوه ولذيذه وفي حلال خذينا سندويشات تونا الشوربات متوفره فندق ميليوم وشراكه بين قطر والهند وبالاتجاة الى التايم سكوير ودخلنا تي موبايل بس جذي بسأل عن النت مفتوح مدة شهر طلع نفس at&t واللوية والزحمة في التايم تم حجز تذكرة الباص السياحي بسعر 59 دولار لمدة يومين للشخص الواحد في شركات مختلفة بس الاغلبية نفس الاسعار .. |
|
04-16-2018, 03:25 PM | #23 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
الحديقة اللي مرينا عليها والمكتبة الامباير ستيت من ناطحات السحاب المشهورة في نيويورك وتحتوي على 102 طابق و 72 مصعد والارتفاع 381 متر .. تم المبنى لاكثر من 40 سنه وهو اعلى ناطحة سحاب في العالم ,, وتعود شهرته للعديد من الافلام السينمائية منها ( كنغ كونغ - الرجل الذي راى الغد - لص البرق ) . يعد الاطول الان بعد سقوط ناطحتي مركز التجاره العالمي في 11 سبتمبر2001. تم افتتاحه 1 مايو 1931 وصممه المهندس وليام لامب .. شارع NoLita ودخلنا سوهو - SOHO والى الحي الصيني انواع واشكال من الحيوانات البحرية طبوا وتخيروا تذكرت الصين في حيهم حسيت اني في الصين والله واحصل حبيب ابوي هذا كريم مثل بوفاس اللي تحت طاستها خاشته وندخل جمعيتهم ونكمل برا شكلنا داشين الفرضه وبعدها ايطاليا الصغيره Little italy كلها مطاعم ايطالية والقعدة فيهم حلووه بما اني نسيت بوديج تم شراء اللعوب |
|
04-16-2018, 03:38 PM | #24 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
عقب ما شريت اللعلوب ركبنا الباص نكمل الفره
الجو سحتني بررررررررررررد صامدين شباب wall street سامحوني على ردائة الصور الليلية وصلنا هالحي stuyvesant town يعتبر حي قديم ومهم لان صار عليه صراعات من كذا جنسية اول من سكن فيه اعتقد الالمان اذا ماني غلطانة والسكن يعتب فيه من غلى مناطق السكنية في نيويورك الاستديو يبتدي من 6000 دولار والحين اذا ما بعد ما ني غلطانة الصينين استولوا عليه او الالمان https://en.wikipedia.org/wiki/Stuyvesant_Town%E2%80%93Peter_Cooper_Village وبعدين المنطقة الطبية NYU Langone Medical Centre والرسم متواجد والحين الى المطعم وصلنا المطعم يا هلا بالستيكات طاولتنا المنيو الضيافة زبده وصمونه ننطر الطلب على ما يوصل اول الواصلين السلطه الطلبات حلقات بصل - هاش براون بوتيتو - زهرة بطريقة الماكرون تشيز - الطبق الرئيسي ستيك ( ريب اي ) الحجم وايد زين تكون قطعه كبيرة و قصيناها بالنص طبـعـــــا ميـــديم ويــل شي فـــــاخـــر من الاخـــــــر لذيييييييذه اموووووون منقــــــــوله ههههههههه منيو الحلو يا هلا بالزين كــــريم بــروليــــه فاتورتنا لشخصين 136 دولار مع الضريبة اغلى شي الستيك كان ب 56 دولار .. وطبعا التبس ومكتوب بالعربي من 15-20% من قيمة الفاتوره عليكم الحسبه .. والحمدلله على النعمه ... المطعم انا اشوفه 10/10 ممكن البعض يشوفه غالي بس اللي يعرف بالستيكات يدري ان الاسعار مرتفعه .. وكل الاطباق كانت لذيذه .. ولازم و احنا طالعين نسير على هالخماجير .. و راجعين الفندق وهذي زينة ساكس فيفث افنيو بالليل عرض سنو وايت يشتغل مع الزينه ما قدرت اصوره من العالم شي وااو مكتب البريد الامريكي وخلصنا اليوم الخامس على خير ونلقاكم في اليوم السادس من الرحلة و اليوم الثالث في نيويورك |
|
04-16-2018, 03:42 PM | #25 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
اليــــــوم الســــادس من الــرحــلـــة
و اليـــوم الثـــالث في نيــــويــــورك يوم الثلاثاء 5 ديسمبر اصبحنا و اصبح الملك لله اليوم محاضرتنا بتكون متأخره و خارجية ، قلت ما كو الا اروح اتريق في احد المطاعم واتمشى على ما يصير وقت محاضرتنا .. قعدت اشوف الطريج للمطعم مشي ياخذ 42 دقيقه قلت على ما اوصل راح يروح علي الوقت جان اقول اخلي الباص يقطني اقرب محطة صوبه واكمل مشي .. ورفيجتي نايمه تلحقني بعد المحاضره .. نزلت و ركبت الباص السياحي طبعا الامباير ستيت وصلت اقرب محطة للمطعم عند هالمبنى راح انزل و اكمل مشي هذي فاترينة مطعم تحت المبنى الضعيف امشي على قوقل ماب حاطة اسم المطعم و امشي معاه مريت على شوارع ومحلات حلوه وصلت المطعم المقصود الموقع الالكتروني https://www.friendofafarmer.com/ المطعم الصغير بس في قعده فوق انا اخترت عالبار تحت داخل اطل على الشارع و في قعدات خارجية بس برد .. المنيو حي الله من يا يا سلاام بعد قولوا جذي البيضه مو حلوه و موعاجبتكم !! انصور على ما يوصل طبق الحلو بالنسبه لي بالنسبه لهم ريوق وصل وصل فرنش توست ولا اروع شي شي الطعم .. |
|
04-16-2018, 03:45 PM | #26 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
طلعت من المطعم و رحت المحاضره الحمدلله مو بعيده عني ووصلت عالوقت .. كان التجمع في حديقة gramercy park .. الحمدلله ما طولنا اليوم وخلصنا مبجر .. وانا في المحاضره قلت حق رفيجتي عن مكاني عشان توصل ونكمل تمشي .. خلصت المحاضره ووصلت رفيجتي وكملنا تمشي في الفيفث افنيو واشوف هالمحل العجيب انا من عشاق هالمحلات .. اموت على هالخماجير ومحل ثاني المحلات وطريقة عرضهم اتشوقكم لدخولها والله عكس محلاتنا .. ووصلنا دوار كولمبوس ومسوين في لنكولن سكوير Lincoln square حديقة النسترال بارك سوق و رحنا نكمل الفره في الباص السياحي الباص السياحي مقسم نيويورك تقريبا ل 5 خطوط وكل يخط يمر بمجموعه من المعالم السياحية .. الخط الازرق - الخط الاحمر - الخط البنفسجي - الخط الاصفر - الخط الاخضر .. وهذا الموقع الالكتروني للباص السياحي اللي استخدمناه Big Bus New York https://www.bigbustours.com/en/new-york/new-york-routes-and-tour-maps/ المفروض ناخذ خط ثاني بس قلنا بنكمل الخط اللي ما خلصناه .. برد و مطر وصامدين وهذا الشارع اسمه NoHO يتبــــــع الجــــزء القـــادم |
|
04-16-2018, 03:49 PM | #27 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
نكمل الفره و وصلنا foley square .. وهذا مبنى المحكمة العليا بمقاطعة نيويورك .. تم بنائها بين عامي 1913 و 1927 خذت كل هالوقت لانهم ينطرون تنتهي الحرب العالمية الاولى .. في اشياء نسيت اساميها اللي يعرفها يذكرها و وصلنا ال wall street شارع المـــال احد اهم شوارع منهاتن السفلى و الواجهة الرئيسية للسوق المالي الامريكي حيث توجد فيه البورصه والعديد من الشركاتالمالية الضخمه منها جي بي مورجان و اميركان ستوك والشركات الصناعية والعقارية والخ .. ويتقاطع الشارع مع شارع برودواي في الاتجاة الشرقي من الحي المالي .. سمي الشارع في القرن 17 بالوول ستريت عندما كانت نيويورك مستوطنة هولندية وعندما تعرضت للاحتلال البريطاني فبنى الهولنديين جدار بأرتفاع 12 قدم بواسطة الافارقة العبيد لصد هجوم البريطانيين ونجحوا البريطانيين في الاستيلاء على نيويورك و دمروا الجدار في 1699 .. من الاحداث اللي صارت في السوق المالي : - الانهيار الاقتصادي عام 1987 اللي تسبب في انهيار مؤشر الداو جونز الصناعي . - وازمة الرهن العقاري اللي بدت في 2007 و حاشتنا في 2008 ومازلت مستمره وتسببت في افلاس مؤسسات مالية كثيرة ومنها ليمان براذرز والازمة ما خلصت في ازمة مالية في الطريج .. وهذا متحف تاريخ الهنود الحمر في امريكا انصح في زيارته للاسف ما كان عندي الوقت اللي ازوره .. ونزلنا صوب منطقة جسر بروكلين طقنا البـــــــــــرررررد غلطان اللي يقول برد ابد ميتييين من الحر هذا الجسر ورا البردانييييين ما ابالغ ان قلت برد نيويورك ما مر علي في حياتي مثله والله بردهم موطبيعي .. مبنى الامم المتحدة |
|
04-16-2018, 03:54 PM | #28 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
الجـــز الاخير من اليوم الثالث في نيويورك و ما زلنا في الباص هذا القايد ريال عود يهبل شرحه عجيب والاكسنت عنده واضح اللي يشوفه يركب الباص اللي اهو فيه grand central terminal محطة غراند الرئيسية للقطارات .. لاتطوفونه وما تنزلون من الداخل رهيبه والمنطقة اللي حواليه ونيسة فيها محلات و اشغال حلوه .. تقع المحطة وسط حي منهاتن بالميدتاون بين شارع 42 و شارع بارك .. المحطة تخدم الركاب المسافرين على السكك الحديدة مترو الشمال الى ويستشستر، بوتنام و هولندا مقاطعات في نيويورك و فيرفيلد ونيوهافن المقاطعات في كونيتيكت. تعتب المحطة وحده من مناطق الجذب السياحي الاكثر زيارة في العالم في 2013 21 مليون زائر .. لها 44 رصيف اكثر من اي محطة سكك حديد في العالم 30 على مستوى الارض و 26 تحت الارض وعدد المسارات يتجاوز ال 100 مسار .. تم تصميم المحطة من قبل جون بي سنوك و افتتحت لاول مره في اكتوبر 1871.. الموقع الالكتروني https://www.grandcentralterminal.com/ رجعنا الفندق و عينا من الله خير و جهزنا عمرنا ورانا سهرة تم الحجز المسبق لعرض ما ينعرض الا فنرة الكريسماس يبتدي من 10 نوفمبر الى 1 يناير من كل عام .. Christmas Spectacular Starring the Radio City Rockettes الموقع الالكتروني https://www.rockettes.com/christmas/ عرض خيالي من اقوى العروووووض وااايد قوي لااااااازم اللي يروح هالوقت يزووورة .. عبارة عن عرض موسيقي يجمع الغناء والرقص و الكوميديا و نجوم العرض اهما فرقة الرقص النسائية في الدقة اللي يسونها في العرض وعدد النجوم في العرض 140 .. تم تقديم العرض من عام 1933 تخيلوا الى اليوم يعني شنو هذا العرض .. مده العرض 90 دقيقه سعر التذكرة اللي خذيتها 70 دولار للشخص .. يتبع الجزء القادم |
|
04-16-2018, 03:59 PM | #29 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
الجــــــزء الثاني والاخير من اليوم الثالث
عقب ما جهزنا عمرنا و تذاكرنا قلنا نروح نتعشا وبعدين نروح المسرح مو بعيد عنا .. العشا حيل بسيط ورخيص و حلو اخترنا فلافل ترك وهذا صاحبنا شاب مصري حبوب وخلوق صارله 6 اشهر من وصل نيويورك اهو وعايلتة الله يوفقهم ويسر امرهم .. نسيت اسمه للاسف طلبنا ثنتين فلافل و 2 سفن اب بسعر 14 دولار .. يا حلو الرخص و اللذيذ رحنا قعدنا في كافيه بريت ناكل شندويشاتنا ترا وحده اتشبعكم مو تطلبون زيادة .. واحنا بنطلع من الكافيه ولا هالمطرة اللي ترد الروح اتهبل في هالفيديو قلت المطر قالت من اليوم ديمة ... ما به رعد لا بق ما غير هتــان عشق جمع ما بين قاع و غيمـــة ... سيل على صدر الثرى دمع الامزان همــس النديم اللي يعاتب نديمة ... صوت المطر كنه عتاتيب خلان تبسمت لاجل الليالي القديمة ... وقالت تذكر قلت يا بنت نسيان طبعا ما كان معانا شماسي تمينا واقفين لين خف اشوي بس ومشينا جيت ادور عن بقايا وعن اثر وليل وعيون وسهر سكه بللها المطر الله الله لي نسنس الغربي حزات الغروب واطراف الجدايل يداعبها الهبوب آآه لو تحكي الــدرووب متوجهين الى مسرح راديو ستي يقع المسرح في الياده السادسه و المفروض يكون دار للاوبرا اسمها متروبوليتان لكن الغي مخطط الاوبرا و تم بناء مركز روكفلر وشمل قاعة الموسيقى الدولية و مسرح المركز .. تم تصميمة من قبل ادوارد دوريل ستون و دونالد ديسكي .. وقاعة الموسيقى كانت الاكبر في العالم حيث تضم 6200 مقعد والمسره 3500 مقعد .. تم الافتتاح ديسمبر 1932 .. زحمه مو طبيعية بس التنظيم ممتاز والمطر مستمر ودخلنا المسرح المسرح خيااااال تسلية على ما يبتدون و ابتدا العرض يمثلون قصة سيدنا عيسى عليه السلام وطبعا كله تحريف .. وصلنا النهــاية وعيشونا جو الثلوج عرض خيالي ولا احلى انصح الكل في حضوره وينتهـــي يــومنــا الثـالث على خيــر والقاكم في اليوم الرابع في نيويورك |
|
04-16-2018, 04:03 PM | #30 |
|
رد: سـكــة سفــر فيهـا مشـاويـر العمــر ( امـريكــا ديسمبــر 2017 )
اليــــوم الســـابــع مـن الـرحلـه
والـــيوم الــرابــع في نيــويــورك .. يـــوم الاربعـــاء 6 ديسمبر 2017 اصبحنا واصبح الملك لله .. طبعا كالعادة جدولي الصباحي ريوق في احد المطاعم وعلى المحاضره .. اليوم طلعت مبجر لان رفيجتي سافرت و دعتها ورحت اتريق .. بس هالمره استعملت وسيلة نقل بخاطري فيها من زمان و اهي subway الاندرقراوند الامريكي طبعا ما اجذب عليكم لو قلت اني مو خايفه لان وايد اسمع شلون اهو خطر و خصوصا في نيويورك يعني وايد اشوف افلاوم وثائقية عنه وافلام وحوادث تصير فيه .. فقلت تشجعي يا ابرار وتوكلي على الله و روحي فيه .. وتوكلت على الله .. خذيت المترو من محطة كولومبوس نزلت المحطة و اكلم اللي يقصون منه التذاكر جان يقولي اخذي التذكرة من المكينة واحجز من المكينة تذكرة ليوم كامل بسعر تقريبا 6 دولار .. وتقريبا 4 محطات و بعدين انزل عند اقرب محطة للمطعم .. وعقبها من المحطة مشي تقريبا 10 دقايق لي المطعم .. راكبة القطار وانا خايفه ههههه للامانة لما بديت اشوف المحطات والناس وكل في حاله اشوي ارتحت ما شفت ناس اشكالها غريبه و لا تحس انهم مو مضبوطين يمكن لان الصبح والوضع غير .. نزلت محطة شارع 86 كانت اقرب وحدة للمطعم .. شكل الكرت اشوف درجة الحرارة ووصلت المطعم good enough to eat الموقع الالكتروني http://www.goodenoughtoeat.com/ المنيو اول الواصلين ماني عارفه وين اقعد مره اقولهم عند الطوفه ومره عند الدريشه و راضيت نفسي وقعدت بالمكانين بس الدريشه احلى القعده عندها الطبق بيض مكسيكي وبعد الطبق الحلو الحمدلله على النعمه وهذي الفاتوره مع التبس اللي تختارونه اعطي المطعم 10/9 الكيكه كلش مو بالمستوى المطلوب .. بالاتجاة الى المحاضره وصلت المحاضره ولا المحاضر يفاجأنا ان باجر الخميس اخر يوم محاضره بس نرروح ساعه نستلم الشهادات و نصور ونطلع واليمعه خلاص يكون فري .. اهني انا اكون خلصت دورتي وتبتدي اجازتي الرسمية طبعا انا كنت ادعي ان الخميس يكون اخر شي عشان احجز للوجه اليايه .. وتم الحجز وانا في المحاضره على الامريكان ايرلاين الى ؟؟ |
|
مواقع النشر (المفضلة) |
الكلمات الدليلية (Tags) |
2017, مشـاويـر, العمــر, امـريكــا, ديسمبــر, سفــر, سـكــة, فيهـا |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هنا البحرين 2017 | السعيد | رِيَاض إبْنُ بَطُوطَة لِسْيَاحَة والسَفَر | 3 | 02-26-2018 03:26 PM |
سـكــة سفــر فيهـا مشـاويـر العمــر - امريكا | السعيد | رِيَاض إبْنُ بَطُوطَة لِسْيَاحَة والسَفَر | 3 | 01-19-2018 04:52 PM |
اذربيجان صيف 2017 | السعيد | رِيَاض إبْنُ بَطُوطَة لِسْيَاحَة والسَفَر | 2 | 12-21-2017 02:44 PM |
تحميل Photoshop cc 2017, تفعيل Photoshop cc 2017, كراك | منال نور الهدى | رِيَاض الفُوتُوشُوب و الملفَات المفتُوحة وبالشُروحات بَرامِج التَصْمِيم | 4 | 03-05-2017 08:48 PM |
ورق حائط 2017 | منال نور الهدى | رِيَاض الأسرَة وَالطِفَل وَ أنَاقَة حَواء وآدَم | 2 | 07-31-2016 09:56 AM |
HTML | RSS | Javascript | Archive | External | RSS2 | ROR | RSS1 | XML | PHP | Tags