آخر 10 مشاركات
العسل من شفتيه (الكاتـب : - )           »          سجل دخولك بحكمة او فائدة (الكاتـب : - آخر مشاركة : - )           »          حلو ،، ومر (الكاتـب : - )           »          لـعـل ] ...~ نافذة أمل و حب ...~ (الكاتـب : - آخر مشاركة : - )           »          أحبك وأموت فيك (الكاتـب : - )           »          أحب فيك,,وأكره منك (الكاتـب : - )           »          الدين النصيحة : لا تبخل علينا بنصيحة .... (الكاتـب : - آخر مشاركة : - )           »          مشاكل لها حلول للكمبيوتر (الكاتـب : - آخر مشاركة : - )           »          أشعــر بــــ ,,,, /// (الكاتـب : - آخر مشاركة : - )           »          تعال ولا تتعال (الكاتـب : - )


الإهداءات


العودة   منتديات رياض الأنس > |~ لباس من زبرجد وأرآئك وألوان تعانق النجوم~| > رياض ابن بطوطة لسياحة والسفر
رياض ابن بطوطة لسياحة والسفر ( لسياحة ورحلات الطبيعية )



إضافة رد
قديم 11-19-2018, 09:43 AM   #1



الصورة الرمزية السعيد
السعيد غير متواجد حالياً

بيانات اضافيه [ + ]
 رقم العضوية : 1095
 تاريخ التسجيل :  Oct 2017
 العمر : 43
 أخر زيارة : 11-22-2018 (07:57 AM)
 المشاركات : 12,670 [ + ]
 التقييم :  1432
لوني المفضل : Cadetblue
افتراضي تجربتي الشخصية للفندق الأسطورة - Yas Hotel - في جزيرة الاحلام جزيرة ياس








المهم قبل لا نبدأ ها التقرير اريد من كل واحد منكم يضبطلي نفسه
عاد كل واحد وعارف جوه واللي يناسبه ... فيه اللي يحب يطش ويجيب له من ها الحلويات والبيابسي ( جمع بيبسي ).... ويكبر كريشته ...!

وفيه اللي يحب يرمي الاب توب على الفرش ويجي طاير ويتبطح على بطنه ويفلها

المهم على راحتك اهم شي تضبط مزاجك وتخليك معايا يا باشا

انا عندي هواية تجربة الفنادق الغريبة والجميلة في اي مكان ... يعني ممكن بس اسافر دولة عشان اجرب فندق معين ...!

واليوم راح اخذكم معي الى فندق جميل ورائع وحلو ومره مرتب جدا جدا جدا >>>> زين مصدقينك

وهو فندق



هذا الفندق موجود في ابوظبي .... في جزيرة تسمى جزيرة الاحلام

وهي جزيرة ( ياس )

تبعد عن مركز المدينة 15 دقيقة تقريبا

وعن مطار ابوظبي الدولي 10 دقائق

المهم طفروبي اصحاب الفندق اتصالات ومسجات

ولازم تجي تجرب الفندق طال عمرك غير البشر >>>>> نصااااااااب


في البداية هذا موقع الفندق

فندق ياس

تقدر تحجز منه وتضبط امورك ... وتقدر تحجز من مواقع الحجز على النت بعد

او تتصل عليهم وهم يضبطوك من عندهم

بالنيبة لي حجزت عن طريق موقع بوكينج

طيب احين خلونا نشوف شوية معلومات عن ها الفندق

تم افتتاح الفندق الاسطورة والتحفة المعمارية الفريدة في شكلها فندق ( ياس ) ذو الخمسة نجوم
واللذي يقع في جزية ياس وهي احدى الجزر الطبيعية المتناثر الواقعة قبالة سواحل ابوظبي واللتي يبلغ عددها 200 جزيرة...
جزيرة ياس اللتي تمتد على مساحة 2500 هكتار لن تكون مركزا لعشاق رياضة السيارات فحسب
وانما وجهة سياحية رئيسية يتوقع ان تستقطب الالاف من الزوار من مختلف انحاء العالم ... ويعد شكل الجزيرة وموقعها مثاليين للترفيه المتكامل حيث لا تبعد كثيرا عن مركز مدينة ابوظبي ... وتضم واجهه بحرية بطول 32 كيلو متر ... فضلا عن وجود منطقة سكنية راقية ..



يعد تصميم فندق ياس المقارب لمسار السباق في أبو ظبي أمرا جوهريا بالنسبة لجائزة شركة الاتحاد للطيران الفورمولا 1 الكبرى بأبو ظبي ، حيث يمر عبر مضمار السباق. فأن تنمية محور ياس مارينا المدهش ستكون نقطة للفت الإنتباه لتنظيم مضمار السباق الجديد ، الذي يعقد لاول مرة في 30 تشرين الأول / أكتوبر.و الذى سيتكلف 36 بيليون دولار ، ومن المتوقع أن تكون مكان رياضة السيارات الأكثر روعة في العالم.



الشبكة الزجاجية الممتدة التى تغطى المبنى توفر أكثر سمة مميزة للفندق المتكون من 500 غرفة على مساحة 85 ألف متر مربع. و تغطي 217 متر ،الأضلاع المنحنية التي شيدت من الفولاذ والمتمحور على 5،800 مفصل مكونة الأشكل الألواح الزجاجية. و تحت هذا الحجاب الهيكلى هناك برجى الفندق والجسر المار فوق مضمار الفورمولا 1 الذي يشق طريقه من خلال المجمع الفندقى هذا

الفندق يقع نصفه على اليابسة والنصف الاخر في البحر ... وهو ايضا يعتبر من اضخم المشاريع في العالم بتقنية الاضائة الخلفية LED..
تقنية LED هي افضل تقنية اضائة لتوفير استهلاك الكهرباء ... ومن مميزاتها انها امنه وتدوم فترة طويلة ... لذلك فندق ( ياس ) حاز على لقب اضخم مشروع في العالم بتقنية الاضائة الخلفية.

الفندق شكله رائع جدا وخصوصا بالليل يصير تحفة مع الاضواء العجيبة والمختلفة بتصميمه الرائع.




احين نيجي للمهم وهي سالفة الحجز

في ها الفندق عندهم غرف واجد واجد واجد قسم بالله >>>> عشان بس تصدقوا

عندهم غرف من نوع ديلوكس ... تقريبا ب 50 ريال في الليلة

وعندهم نوع اكسلوسف وهي اكبر شوي ... تقريبا 90 ريال

وعندهم ديلوكس سويت وهذا جناح للفخفخة تقريبا 130 ريال في الليلة

من حظي التعبان اني في اليوم الاول ما حصلت غير ديلوكس روم

لكن باقي الايام كان شي ديلوكس سويت وهو شي خيالي بصراحة وتجربة رائعة

الموهييييييييم حجزت اول يوم ديلوكس روم وبقية الايام سويت

بعد الحجز دقوا علي عشان تاكيد الحضور طبعا .... قالوا كيف الشيخ جاي ولا مكنسل

عشان الذبايح والاستقبال لاه

في اول يوم طبعا صحيت مع صوت الديك >>>> هذا زوج الدجاجة

وطلعت من مسقط الى ابوظبي ... وانا صار لي تقريبا 10 سنوات ما طبيتها ابوظبي

اللهم ترانزيت في المطار فقط

يعني يبيلنا نجره وحوسه لحد ما نوصل الفندق ... لكن صراحة النفجيتور في السيارة ما قصّر

وصلت الفندق الساعة 2 الظهر تقريبا وهو موعد check in في الفندق

اول ما وصلت اخذونب بالاحضان >>>>

طبعا اول ما توصل يقابلك هذا الشعار



وبعدها تطلع على جسر صغير يوصلك الى الاستقبال في الفندق





اول ما توصل تحص موظف يفتح لك الباب ... واحد ثاني ينزل عن عفشك ... والثالث ياخذ سيارتك عشان يحطها في الباركنات ويعطيك كرت اول ما تريد سيارت بس تعطيهم الكرت على طول يروح ركض ويجيبها لك ... وبعد واحد ينفض عنك غبار السفر

خدمة دلع ع الاخر

دشيت الفندق وعلى طول مع الرسبشنه >>>> ربيعة الرسبشن

هي الاخرى اخذنا بالاحضان وناشدتنا عن العلوم >>>> قوية

وخلصنا الاجرائات في غضون 5 دقائق فقط >>>> حلوة غضون متعوب عليها

وهذا هنا الرسبشن



وهذي هنا الممرات

اشكالها غريبة والاضائة روعه







وهذي الممرات بين الغرف








أحين نيجي نشوف الغرفة من الداخل

يالله هتخشوا معايا بس برجلك اليمين

هذا الجهاز على الباب تمرر عليه البطاقة ويفتح الباب بروحه



طبعا فيه عدة اشارات تتحكم فيها من داخل الغرفة

اذا انت متسطح وفال كريشتك وما تبي حدا يزعجك

ولا جالس تلعب بلاي ستشن ومهزوم ومعصب

تحط الخيار على عدم الازعاج

وبعد ما تطلع من الغرفة تحطه على الميك اب وراح يرتبوا غرفتك والله بلاش

خلونا نشوف شكل الغرفة من الداخل

متحمسين صح

هذا مكان تحط اغراضك فيه



ورا ها الباب فيه خزانة الملابس



هذا مكان الجلوس ... فيه كنبات وكراسي

الكراسي نجلس فيها >>>>> احلف







لا حد يدقق بالصور


اول يوم واصل كانت مباراة المانيا واسبانيا .... والخروج الحزين للألمان

طبعا ما كان فيني بارض اروح اشوف المباراة في الشاشات لانها موجوده في البار

شغلت الاب توب وجلست اتابع من النت ... وع فكرة الانترنت نت في الغرف واير لس وبلاش

هذا كنت اتابع المباراة





 
 توقيع : السعيد



رد مع اقتباس
قديم 11-19-2018, 09:47 AM   #2



الصورة الرمزية السعيد
السعيد غير متواجد حالياً

بيانات اضافيه [ + ]
 رقم العضوية : 1095
 تاريخ التسجيل :  Oct 2017
 العمر : 43
 أخر زيارة : 11-22-2018 (07:57 AM)
 المشاركات : 12,670 [ + ]
 التقييم :  1432
لوني المفضل : Cadetblue
افتراضي رد: تجربتي الشخصية للفندق الأسطورة - Yas Hotel - في جزيرة الاحلام جزيرة ياس






خلونا نكمل صور الغرفة مع بعض يا حلوين >>>>> ايوه انت لا تضحك

صور عامة للغرفة

هذا جهاز LCD 42 انش بصراحة جميل جدا

ترتيب القنوات رائع

على مجموعات

رياضة - افلام - اغاني - اطفال - اخبار - .....الخ

انت اختار المجموعة اللي تناسبك وتدش عليها وتحصل القنوات التابعة لها











وهذا الجهاز يتحكم بكل شي بالغرفة

التلفاز والاضائة واضائة الحمام اكمركم الله

حتى لو تبي تتغطى ويلحفك ممكن

نسيت اقولكم ان اول ما دشيت خذوا تأمين 1000 درهم بس دفعت بالفيزا عادي

انا اول ما دشت الغرفة - وهذي عادتي - فضيت الثلاجه من كل شي وحطيت اغراضي فيها


ولما طلعت اخر يوم حصلت قائمة حاسبين فيها كل شي في الثلاجة لان طلعت كل شي برا

بس فهمتهم اني ما اخذت شي وكنسلوها على طول





أول ما تدخل الغرفة على اليمين راح تحصل الحمام ( اكرمكم الله )

الحماما ممكن تتسبح في عادي

التصميم روعه بس المشكله ان الباب زجاجي وشفاف

فيه بابين الاول مقابل خزانة الملابس والثاني مقابل السرير

والبابين عبارة عن زجاج شفاف

بس شفاف لمكان الشاور والمغسله فقط

اما الحمام بالنفس فيه قسم خاص له وفيه باب منفضل داخل هذا الشي كله

اكيد فاهمين >>>>> قول ما عارف توصف

هذا مكان المرحاض وله باب خاص

لا تخافوا ما ينشاف من الغرفة



هذا الشاور او المسبح يعني

لو اجلس اسبح ساعتين ما اشبع منه

وبعد عادي لو توقف قدام المرايا وتجلس تستهبل وتصور نفسك ... قسم بالله عادي

فيه نظامين من اعلى ومن الامام










انا اشغلهم الاثنين بس عشان اخسرهم ماي

وهذا اللي يبي يترس البانيو ويتسطح فيه

واحلى شي تتسطح في البانيو مع الماي الدافئ والصابون

وتنسى العالم واللي فيه





وهذي المغسلة

صغيرونه يحليلها



وهذي صور عامة من الغرفة

بس لاحد يركز في العفسه










بصراحة تعبت






 
 توقيع : السعيد



رد مع اقتباس
قديم 11-19-2018, 03:00 PM   #3



الصورة الرمزية السعيد
السعيد غير متواجد حالياً

بيانات اضافيه [ + ]
 رقم العضوية : 1095
 تاريخ التسجيل :  Oct 2017
 العمر : 43
 أخر زيارة : 11-22-2018 (07:57 AM)
 المشاركات : 12,670 [ + ]
 التقييم :  1432
لوني المفضل : Cadetblue
افتراضي رد: تجربتي الشخصية للفندق الأسطورة - Yas Hotel - في جزيرة الاحلام جزيرة ياس








قبل لا نكمل بحط لكم بعض الصور اللي سقطت سهوا >>>> تعال سيبويه



اضاءه مختلفه

















قبل لا اشوف المباراة قامت عصافير بطني تهوهو

طيب شو الحل ف رأيكم ؟؟؟

ايه انت صح .... الحل ننزل نتعشى ف واحد من المطاعم 12 اللي موجودة هناك

اظن ع بالهم الناس كلها بتتعشى معاهم

عن ابو دارهم 12 مطعم

المهم اخترت مطعم Angar وهو مطعم هندي رائع

طلبنا صالونه لحم مع خضروات مطبوخة وعصائر

الحساب طلع 48 ريال تقريبا

الله ياخذ بليسهم الخبزة الواحدة معاهم ب ريال و 400 بيسه

بعض المقبلات







الطبق الرئيسي







ليمون بالنعناع اممممممممممممم لا حد يقول اريد ما بقيت شي




بعد ها الوجبة الدسمة رجعت الغرفة ... تابعت المباراة .... بعدها ضبطت لي التكيف والانارة

ويالله تصبحوا على خير ... لاحد يزعجنا


هااااااااي شبابين وبناتات .... يالله صلاة

على طول من سمعت زوج الدجاجة فزيت ... بس اكتشفت شي ... الغرفة ما فيها سجادة

وعلى طول اتصلت فيهم بالتلفون >>>> قول والله

ردت عليه وهده هوووووورمه ... قالت نعم وشف فيك مبلشنا م الفجر انت ما تبي تنام

لا طبعا امزج بس .... قالت هلا عيوني >>>> والله نصاب

الموهيييييييييم دقيقتين والسجادة عندي

وكانت جديدة شكلهم توهم راجعين م العمره

صليت وتبطبحت مره 2 ع السرير وهاتك يا شخير

صحيت الساعة 9 على صوت تفحيط ومرايس

استغربت صراحة ع بالي شوماخر حاجز معي نفس الغرفة

المهم صحيت ... والله صحيت ... وافتح الستارة

الا اشوف ها المنظر قدامي



هذا اللي ما يستحي جالس يفحط والناس راقده

المهم عصبت عليه وقلت له اكرهك اكرهك اكرهك

هذا طبعا مرسى اليخوت وقدامه مضمار سباق

وممكن اي شخص ياخذ سيارة ويجرب يفحط هناك

المهم استمتعت بتفحيطه



هذا مرسى اليخوت











هذا منظر ليلي للمرسى ... واعذروني على رداءة بعض الصور




ضبطنا الامور ولبسنا وطلعنا بنروح ابوظبي المدينة

المسافة قريبة ... تقريبا 15 ساعة او بالكثير 20 دقيقة

رحنا وتغدينا بمطع اسمه الابراهيمي

هذا طال عمرك بنظام البوفيه ... يعني تبي تاكل قوم فز واترس صحنك

اخدم نفسك بنفسك

طبعا ما قدرت اصور لان كان زحمة شوي

بعدها طلعنا على ابوظبي مول ... عشان التسوق والفرفره

مولاتهم حلوة بس مش زي مولات دبي





الماكسويل من ستار بوكس ... نقطة ضعفي



بعدها طلعنا على كاسر الموج ... قضيا العصرية والمغرب هناك ... بس كان زحمه شوي



هذا فندق قصر الامارات - وهو في الخطة القادمة بإذن الله -











هذا اكثر شي احبه في البحر ... الجت سكي



طلعنا من الشاطئ على الساعة 8 بالليل

كنا تعبانين رجعنا الفندق غيرنا الغرفة الى سويت وع طول انخمدنا



 
 توقيع : السعيد



رد مع اقتباس
قديم 11-19-2018, 03:02 PM   #4



الصورة الرمزية السعيد
السعيد غير متواجد حالياً

بيانات اضافيه [ + ]
 رقم العضوية : 1095
 تاريخ التسجيل :  Oct 2017
 العمر : 43
 أخر زيارة : 11-22-2018 (07:57 AM)
 المشاركات : 12,670 [ + ]
 التقييم :  1432
لوني المفضل : Cadetblue
افتراضي رد: تجربتي الشخصية للفندق الأسطورة - Yas Hotel - في جزيرة الاحلام جزيرة ياس





هذي صورة اوضح للغرفة العادية - الصور من النت-



هذي صورة توضيحية للسويت



وهذي الصالة او مكان الجلوس



هذا الجناح الرئاسي









صباحكم سكر يا حلوين ... سكر بني احلى من الابيض

نكمل باقي الصور مع بعض ... واهم شي كل واحد متبطح على الابتوب ماله

الموهيييييم في هذا اليوم صحينا متأخرين شوي ... يعني ع الساعة 12 بس شوي متأخرين

قررنا ما نطلع ونقضيها فرفره في الفندق ... والساعة 2 الظهر نزلنا على مطع السي فود

مطعم حلو ورايق ... وجلساته روعه ... وخدمة 17 نجم

كل شي يجيبوه لحد عندك ... حتى لو تبي حد يحك ضهرك ترا عادي

طلبنا مأكولات بحرية مع مشاوي وكانت هذي الاكلة



كل شي موجود وجاهز ما عليك غير تجيب فمك معك وتاكل



الاكله عبارة عن روبيان وهامور مقلي ومحار وشغلات ثانية ما عرفتها حتى

بس اهم شي طالعة من البحر ... توهم صايدينها



وطبعا البيابسسي اهم شي في اي وجبه في العالم

خلصنا الاكل وطلعت الفاتورة 982514547851115 ريال

لا امزح بس 55 ريال

خلصنا وقضينا بقية اليوم نتجول في الجزيرة ما طلعنا منها

وهذي صور للفندق من برا





وهذا ميدان ركض البوش عندهم هناك

لا لا حد يصدق ... هذا مضمار سباق الفورمولا 1 ... اقيمت البطولة في سنة 2009



هذا فندق اخر في الجزيرة



وهذي صورة اقرب ... اكيد عرفتوه





صور من زوايا مختلفة




 
 توقيع : السعيد



رد مع اقتباس
قديم 11-19-2018, 03:04 PM   #5



الصورة الرمزية السعيد
السعيد غير متواجد حالياً

بيانات اضافيه [ + ]
 رقم العضوية : 1095
 تاريخ التسجيل :  Oct 2017
 العمر : 43
 أخر زيارة : 11-22-2018 (07:57 AM)
 المشاركات : 12,670 [ + ]
 التقييم :  1432
لوني المفضل : Cadetblue
افتراضي رد: تجربتي الشخصية للفندق الأسطورة - Yas Hotel - في جزيرة الاحلام جزيرة ياس





نكمل مع بعض بقية صور الجزيرة

طبعا العمل فيها مستمر

وكثير من الاشياء ما خلصت بعد

بس انا عاد طفروبي زورنا وزورنا







هذي احد المشاريع الضخمة في ها الجزيرة

من اكبر المدن الترفيهية في الامارات

حلبة فراري ... حلبة سباق مع مدينة ترفيهية متكاملة

البناء فيها لايزال في اوله















وهذي صورة بعيدة ... من الشارع العام





هذي صورة ليلية للفندق من تصويري بس دمااااااااااار





بقية الايام قضيناها تمرديغه في ابوظبي وهياته من شارع لشارع

وفيه يوم رحنا على دبي الصباح وردينا المساء

قلة الانشطة في ابوظبي تخليك تطفش ... ثلاث ايام كفايه عليها

بس انا تسرعت وحجزت 5 ايام

الموهيييييييم نجي للخلاصة

تقيمي للفندق

الخدمة 10 من 10

النظافة 10 من 10

الفخامة 17 من 10

الاثاث والمطاعم والمرافق 10 من 10

العاملين بالفندق ودودين جدا وخدومين الى ابعد حد

الفندق هادئ ومريح ويصلح لتغيير الجو والبعد عن صخب المدن >>>> قوية صخب ترا

السلبيات من وجهة نظري:

1- بعده البسيط عن مدينة ابوظبي

2- عدم وجود اسواق او محلات قريبه - حاليا -

3- موقعه على خط هبوط الطائرات في مطار ابوظبي

يعني من الغرفة كنت اشوف واسمع معظم الطائرات القادمة الى ابوظبي - شوية ازعاج -

بس انا ما عندي مشكلة ف ها الشي >>>>> واحد ساكن على خط طيران مطار مسقط

يعني متعود...!

بس لما انتقلت الى السويت كنت في الجهة الاخرى

في النهاية اشكر الجميع على متابعتكم لهذا التقرير البسيط

وان شاء الله تكونو استمتعـتو بصور الفندق

دمتم بكاااااااااامل عافيـتـكـمـ ،،،،



 
 توقيع : السعيد



رد مع اقتباس
إضافة رد
مواقع النشر (المفضلة)


الذين يشاهدون محتوى الموضوع الآن : 1 ( الأعضاء : 0 , والزوار : 1 )
 
أدوات الموضوع إبحث في الموضوع
إبحث في الموضوع:

البحث المتقدم

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه للموضوع : تجربتي الشخصية للفندق الأسطورة - Yas Hotel - في جزيرة الاحلام جزيرة ياس
الموضوع كاتب الموضوع المنتدى مشاركات آخر مشاركة
جزيرة تنكو عبد الرحمن منال نور الهدى رياض ابن بطوطة لسياحة والسفر 2 05-13-2017 04:21 PM
جزيرة لا غوميرا منال نور الهدى رياض ابن بطوطة لسياحة والسفر 6 09-26-2016 08:21 PM
جزيرة الغابة في ميامي منال نور الهدى رياض ابن بطوطة لسياحة والسفر 3 02-06-2015 10:50 PM
جزيرة فيفي في تايلاند محمد العتابي رياض ابن بطوطة لسياحة والسفر 6 07-15-2014 06:44 PM
جزيرة سوقطره اليمنية آفراح رياض ابن بطوطة لسياحة والسفر 7 07-03-2014 02:28 AM

الساعة الآن 01:27 PM

Powered by vBulletin™ Version 3.8.7 Copyright © 2012 vBulletin ,
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2020 DragonByte Technologies Ltd. Runs best on HiVelocity Hosting.