كَلِمةُ الإِدَارَة |
|
جديد المواضيع |
|
رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
الإهداءات |
|
|
أدوات الموضوع | إبحث في الموضوع |
12-02-2017, 03:11 PM | #1 |
|
جولة بريطانية من غلاسكو الى لندن
جولة بريطانية من غلاسكو الى لندن السلام عليكم ورحمة الله وبركاته حياكم معاي بالجولة البريطانية لسنة 2017 اليوم الأول الأحد 13 أغسطس 2017 نبدا معاكم تقريري لسفرتنا هالسنة وان شاءالله يعجبكم وكتابة التقرير تعرفوني احب اكتب التفاصيل كلها ممكن تكون مملة للبعض ومشوقة للبعض ومهمة للأخرين وانا منهم لاني لما اكتب التقرير يكون ملخص لسفرتي وذكرياتي فيها وتكون مرجع لي بعد فاللي بيكون عليه التقرير ممل يسامحنا وحياكم جميعا الحجوزات والتخطيط القرار بالسفرة يه متأخر شوي بسبب قرار البابا وبعد مشاورات تمت الموافقه على السفر للندن بعد ما كنا انا والبنات نبي جولة اوربيه تبدا بباريس ومنها بلجيكا وسويسرا وحوالينهم بس بوحسون تعرفونه يبي الدوري البريطاني قال نروح غلاسكو ومنها وين ماتبون لحد لندن اتفقنا وبدينا الحجوزات قبل السفرة بشهر وحجزنا يوم 18 / 9 / 2017 وحجزنا فندق غلاسكو وفندق لندن بعد أسبوعين قال بوحسين ليش ما نقدم السفرة وخلو الرجعة مثل ماهي قلنا واحنا بذيك الساعة احنا ودنا هههه وغيرنا الحجز للطيران بالذهاب واخذوا بس عشرة دنانير لكل شخص طبعا المسافرين انا وبوحسين والبنات 5 اشخاص كبار الحجز اونلاين وطبعنا التذاكر خط الرحلة الذهاب والعودة الوقت للرحلة مع الترانزيت نشوف الأسعار من الصور السعر للشخص الواحد = 270 دينار والسعر الكلي للجميع الفيزا سويناها اونلاين بعد وطبعا شي ممتاز والسعر 15 باوند اما الجدول للرحلة كانت غلاسكو من 13 / 8 الى 18 / 8 وندرمير من 18 / 8 الى 20 / 8 بلاكبول من 20/ 8 الى 22/ 8 كارديف من 22 / 8 الى 25 / 8 لندن من 25 / 8 الى 3 / 9 نشوف الفنادق الحين اللي حجزناها بكل منطقة وهذه أسعارها بالدينار الكويتي نتكلم عن الفنادق كل بوقته ان شاءالله وقبل السفرة صرفنا لجنيهات صرفت انا دينار = طلع باوند تقريبا كان الجنيه = فلس |
|
12-02-2017, 03:18 PM | #2 |
|
رد: جولة بريطانية من غلاسكو الى لندن
بعد هالحجوزات وغيرها بيجي الكلام بوقته عنها
صار وقت الانتظار للسفرة ملينا واحنا ننطر العايلة كلهم سافروا واحنا بعدنا اشتركنا بالنادي لياقة انا وتضييع وقت والربع ريجيم وللحين ما صار وقت السفرة وغنومة كل يوم تدز لي هالرسايل وأخيرا وصل اليوم الموعود وجهزنا الجوازات والأوراق للتذاكر ووزنا الجناط كلها تمام وبعد حطينا جنطة داخل كل جنطة للردة الوزن على الامارتية طبعا 32 كيلو للشحن وباليد وزن 8 كيلو وزن جناطنا اقل بوايد واخذت الميزان معاي علشان أهميته الكبيرة بالردة وقعدنا الفير صلينا وبدلنا وحملنا الجناط ووصلنا بوزيونه يا حلة ريحة المطار الحمدلله وصلنا توها فاتح الكاونتر للاماراتيه وما وقفنا بطابور بس الكاونترات للخطوط الثانيه كان زحمة شوفو طابورهم والمحظورات مبينة على الكاونتر وجناطنا بالاختبار اهم شي شالي متحمسة لبرد غلاسكو والجوازات مع البوردنق للرحلتين من الكويت ومن دبي لغلاسكو الحمدلله خلصنا بسرعة وعلى الريوق وكل واحد واختياراته تحسون المطار فاضي اخترنا ستاربكس طلبي بعد ماغيرته من كاكاو الى الجبن دانه غلطانة بالطلب طلب دانة على ما يخلصون اكل انا اصور جنطتي متروسة بعد ما خلصنا رحنا نريح على ما يفتحون البوابة عساه دووم مرفوع السوق الحرة الصغيرونة والطيارات لازم تتصور الكويتية الجزيرة باص الواصلين المطعم هني قعدنا عند صالة الماستركارد غنومة تريقت فيها ببطاقة اختها .... ويابت لنا معاها كبايات ماي على عددنا وضحك على صورنا بخريطة السناب حاطينهم طايرين وانا مبسطة على الأرض وهني كسرت خاطرهم ورجعوا لي وحدة من البنات وأخيراا صعدنا الطيارة واخر السنابات وطارت بموعدها عاجبتني الصورة لازم تتابعون تعليمات السلامة حتى لو انتو خبراء سفر |
|
12-02-2017, 03:20 PM | #3 |
|
رد: جولة بريطانية من غلاسكو الى لندن
وكانت طيارتنا من نوع بوينغ 777 اللي بينام ومايبي يطوفه شي يلصق هاللصقات على كرسيه الغيوم خفيفة بالخليج ووصلت وجبة الريوق ووصلنا دبي ومطار دبي دار الحي وركبنا سيارة الغولف علشان تودينا بوابتنا مع ان بوابتنا للوصول قريبة من بوابتنا للطيران بس في صعود ومشي لفة كاملة بس وصلنا جهة البوابات رحنا نصلي الظهر والعصر قصر جمع تقديم وبعد الصلاة رحنا بوابتنا لان ترانزيتنا بس ساعتين واحسبوا الوقت من هبوط الطيارة وعلى ما نطلع والمشي والدخول للبوابة الثانية يالله يمدي وهني من طريجنا من المصلى للبوابة كيليز ووصلنا بوابتنا والعالم كلها أجانب وهنود واحنا بس الخليجين وهذا البوردينق |
|
12-02-2017, 03:23 PM | #4 |
|
رد: جولة بريطانية من غلاسكو الى لندن
ممر السعادة كاشخ بوحسون والشاشة ومجلات الطيارة والارشادات السماعه والمخدة والبطانية موجودة على الكرسي المجلة للسوق الحرة الفيش الخاص بالسفر... وشغلنا الشاشة نختار أفلام المنيو الغيوم زادت واخترت فيلم ليون الهندي بطل الفيلم هالولد ووصلت الوجبة اخترت اللحم وجبة البنات الدياي وعقب ما ريحت شفت فيلم الجميلة والوحش اول مرة اشوف فيلمين على الطيارة وصار وقت الوجبة الثانية وبينهم كانو يوزعون سناك بسكوت وشاي او عصاير وزادت الغيوم طبعا وبينت الأراضي الخضراء بعد 7 ساعات ونص هني الكابتن لف الطيارة علشان نشوف الجبل شايفين تغير مكاني وصرت يم الدريشة ومحاولة فاشلة لتصوير حساب المنتدى مع الجبل علاسكو من فوق ولقطة حلوة ونزلنا من الطيارة ومشي قليل ونوصل للمدخل ولقطة لطيارتنا |
|
12-02-2017, 03:25 PM | #5 |
|
رد: جولة بريطانية من غلاسكو الى لندن
الممر هذا بس وعلى اليمين اصغر منه ونوصل للكاونترات اخر الممر السابق في هالقعدات للراحة او انتظار ربعكم الي توهم نازلين كلها صورة نباتات خضراء والقعدات من خشب الشجر وهني صارت سالفة غبية من العامل شايفين العمود هذا هني موجودة الكروت الزرقاء اللي كانو يوزعونها بالطيارة قال العامل لازم تكتبون والعالم كلها تكتب قلت له احنا الفيزااونلاين والسنة اللي طافت ما طلبوها مع ان احنا كتباناها فال لا لازم تكتبون وراح جاب كروت لانها خلصت وعلى ما كتبنا الا احنا اخر ناس بالطابور والبيانات اللازمة وهذا الطابور بينا وبين الكاونتر اربع امتار كانو تسعة كاونترات وماشاءالله بسرعه خلصوا العالم واحنا اخر ناس وبس طيارتنا اللي واصله بعد نادنا وطبعا الحين ممنوع التصوير واحنا بالطابور اللي يم العمود السايق كان يتنا وحدة وتقول للناس ممنوع التصوير المهم رحنا قدمنا الجوازات والفيزا والكروت الزرقاء الموظف ابتسامة وترحيب وصج الشعب الاسكتلندي حبيب ومرحبين وطيبين اخذ الكروت الزرقاء وقال هذه مولكم لان انتو معاكم فيزا اونلاين قلنا له العامل اهو اللي اصر ان نكتبها بابتسامه حلوة وجبر خاطر لنا قال هذا ما يعرف هالشي ولازم عند تهجئة اسم غنيمة يطقون بريك ويحاولن يتهجونه وضحك الحمدلله طلعنا صوب الجناط واخذناهم وبعد ما دخلنا الحمامات وطلعنا احنا اخر ناس نطلع من المطار جلسات المطار والكافيهات محل الصرافة الوحيد وجهازين سحب السوق الحرة كافيه وبس هذا مطارهم صغير وحليوو واستقبال طيب تعرفوني احب المطار الصغير وهني نشوف بره المطار في مبنى مواقف فندق هوليدي ان وشارع التكاسي مقابل البوابة طبعا توني طالعه واصور لكم هذه بوابة الدخول للمسافرين واحنا طلعنا من هذا وهني التكاسي البيضاء نصور من التكسي العداد والناس رادين من التنزه لان اليوم احد عطلة اللون طبيعي بدون مؤثرات هالجسر للقطارات وصلنا الفندق كان سعر التاكسي ما يتعدي ال25 ماني متذكرة اخذت هالكتيب من المطار بجذيه ناخذ بريك ونكمل باقي هاليوم بالجزء الياي |
|
12-02-2017, 06:16 PM | #6 |
|
رد: جولة بريطانية من غلاسكو الى لندن
جولة رائعة ومجهود طيب احسنت الطرح
تحياتي |
|
12-03-2017, 09:09 AM | #7 |
|
رد: جولة بريطانية من غلاسكو الى لندن
تسلم اخى محمد على تواصلك
|
|
12-03-2017, 03:50 PM | #8 |
|
رد: جولة بريطانية من غلاسكو الى لندن
شقق ريفرفيو غلاسكو والحين وصلنا شقتنا الجميله الساعة الحين 8 مساء طبعا الشمس تغيب الساعة 10 طبعا احنا كنا حاجزين من يوم 18 اربع ليالي وكان هذا السعر لشقة ثلاث غرف لازم الأوراق معاي للحجوزات غير الحجوزات اللي بالموبايل وهذا حجزنا اليديد بعد تقديم السفرة .. لشقة غرفتين وخمسة ليالي هذه عمارتنا ندخل الشقة بعد ما كلمنا صاحب العمارة وأول شي علمنا على الدخول للعمارة وعطانا رقم سري سجلناه ....وبعد جم يوم شفت السكان يحطون الميدالية اللي بالمفتاح على الباب ويفتح قمنا نسوي مثلهم ويفتح الباب عقدها الإنجليزي ههههه هذا القفل بالأرقام السريه تدخلون والمربع الأسود اللي تمرر الميدالية عليه وهذا من الداخل لازم تضغط الزر الأسود ويفتح الباب للخارج دخلنا شقتنا بالدور التاسع على ممر ومنه باب للصالة على اليمين الصالة هذه صوفا تنقلب سرير انتركم للباب مع شاشة ما استخدمناه مدخل الصالة واسعه شايفين شال كل الجناط باين المطبخ المفتوح على الصالة ومقابل الصوفا هذا الكورنر وطاولة الأكل وبعد قنفتين بونفر مع طاولة والبلكونه اللي حبيتها حييل واشلون ما اعشقها شوفووووو الاطلالة بلكونة جيراننا ما شفناهم ولا شافونا حاجز بينا وبينهم بس ما دخلوا لها ابداا العمارة كلها خليجيين على ما قال صاحب العمارة بس ما شفت الا عايلة وحدة كويتية وعايلة اجنبية المطبخ مجهز بكل شي مفتوح على الصاله تقدورن تشوفنه بظهر الصوفا شايفين هذا الفرن والميدالية للمفتاح نفتح خزانات المطبخ اغلب البهارات معروفة وجديدة الإنتاج الظاهر للعايلة اللي قبلنا المواعين كلها لاربع اشخاص ولاعة ذاتية |
|
12-03-2017, 03:52 PM | #9 |
|
رد: جولة بريطانية من غلاسكو الى لندن
وبعد احمر رد على قولة زيوونة
وهذه الثلاجة وتحتها الفريزر كل شي نظيف ويشوق للطباخ وتيسكو قريب منكم على بعد 20متر وطبعا مع المنظر هذا مستعدة اطبخ كل الوجبات حتى السخان صورته لكم هههههه ديروا بالكم من اليهال لا يلعبون فيه أدوات التنظيف متوفرة وصابونهم الغسالة والنشافة وشغلها ممتاز وعلمنا عليها صاحب الشقة التعليمات موجودة بهالكتيب مع ارقام اذا احتجتوا لهم والتلفزيون فيه برامج مسابقات لجميع الاعمار عاد انا لازم اتابعها بس ماكو وقت بعد المطبخ ندخل على الغرفة الرئيسية في شباكين بالغرفة ينفتحون بطريقتين وهذا حمامها الصغنطوطو ترى انا واقفه بالباب مال الحمام مومقصرين حاطين الصابون والشامبو والكلينكس والفوط نظيفة ومتوفرة بالخزانه بالغرفة والدوش ....شوفو طرف باب الحمام على اليسار نطلع من الحمام بعد الخزانة في باب وهذه المراية للغرفة نفسها من الباب نطلع نلاقي ممر صغير يوصل للحمام على اليسار والغرفة الثانية على اليمين مقابل باب الغرفة الصغيرة الممر للباب الرئيسي للشقة الغرفة الثانية الشباك صغير يقولون وانا اشوفه حلوو مو صغير وايد الحمام الثاني وهو الكبير وراهي |
|
12-03-2017, 03:55 PM | #10 |
|
رد: جولة بريطانية من غلاسكو الى لندن
الممر الليتات طول الليل تعطي الوان هههه وهني صاحب العمارة حاسبنا بجهاز الكي نت ويتأكد من المبلغ أولا بالايميل وهذه الفاتورة كانو ساحبين مبلغ صغير ردوه لنا عقب ما دفعنا وبعد وفر لنا شراشف ومخاد وكنابل اعطي الشقة مية من مية نظيفة ... مطل رائع... موقع قريب من المول وشارع التسوق بوشنان .... ومقابلها من جهة النهر الأخرى شارع العرب والمحلات العربية والحلال |
|
مواقع النشر (المفضلة) |
الكلمات الدليلية (Tags) |
لن, لندن, الى, بريطانية, دولة, غلاسكو |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لندن .. غلاها يزاحم أشواقي - لندن | السعيد | رِيَاض إبْنُ بَطُوطَة لِسْيَاحَة والسَفَر | 16 | 01-17-2018 08:32 AM |
سيدة بريطانية قتلت زوجها واحتفظت بجثته 18 عاماً | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 2 | 05-29-2016 10:08 AM |
أم بريطانية توقفت عن غسل شعر طفليها بالشامبو منذ 3 سنوات | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 3 | 08-07-2015 09:35 PM |
انفجار ثدي بريطانية بعد إجراء جراحة تكبير | منال نور الهدى | رِيَاض صَدَى المُجْتمَع و الْأخبَار الرِيَاضَيَة | 3 | 07-17-2014 01:11 PM |
مؤسسة بريطانية تطور حاسوبا سعره 35 دولارا | منال نور الهدى | رِيَاض الْبَرَامِج وَ الكُمْبيُوتُر | 3 | 07-23-2013 03:04 PM |
HTML | RSS | Javascript | Archive | External | RSS2 | ROR | RSS1 | XML | PHP | Tags