كَلِمةُ الإِدَارَة |
|
جديد المواضيع |
|
رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
الإهداءات |
|
|
أدوات الموضوع | إبحث في الموضوع |
11-13-2018, 08:22 AM | #1 |
|
رحلتي اللذيذه الى برلين- ميونخ - زيورخ - ميلان
بسم الله الرحمن الرحيم يالله حي كلن باسمه بعد انقطاع طويل رجعت لهالقسم القريب لقلبي عشان اسرد لكم تفاصيل رحلتي الجميله لاوربا واشارككم بذكرياتي اللذيذه مهما تطلع من برامج جديده للسوشل ميديا وينخرط الواحد فيها لكن الاقلاع هو حبي الأول ويظل الحنين له دائما مع كل دقة قلب لاتسألوني ليش اول شي بستعرض لكم خط رحلتي وكانت : الرياض-برلين-ميونخ-زيورخ-ميلان- الرياض كانت سفرتنا بتاريخ 12 سبتمبر 2013 طبعا انا رايحه حرة نفسي ماني مرتبطه لا بحجوزات ولا شي لما نروح لمدينه وتعجبنا نمدد كم يوم واذا ما تشبعنا شلنا عفشنا ومشينا ديره ثانيه بالقطار وكل ما قررنا نروح مكان نفتح بوكنج ونحجز الاوتيل اللي يروق لنا ظفيت عفشي كما يتضح في الصوره حجزنا في الخطوط السعوديه وكان سعر التذكره للفرد 2200 سعر اعتبره خرافي التذكره من الرياض لبرلين وفيها توقف ساعتين في مطار فرانكفورت الجميل وطلعنا على طيران برلين ايرلاينز لبرلين وصلنا برلين بالسلامه كان الجو ممطر توجهنا بالتاكسي لكمبنسكي اوتيل (فايف ستارز) على اشهر شارع في برلين (كودام شتراسه) اخذنا ليلتين بـ 140 يورو(ألف ريال ) , التاكسي اخذ بس 14 يورو لان المطار قريب من الاوتيل هذا اوتيلنا الجميل اللوبي حلو ويحلو ستاربكس مع هالاجواء الجميله معرض بي ام تحت اوتيلنا تمشينا في برلين واخذنا باص سياحي وشفنا معالم برلين شخصين ب 24 يورو هذا معطف الفراء اللي سطلت عليه بس طلع ب 50 الف ريال سعودي ادري مهوب حسوفه فيني بس الـ قال اصيد لك ثعل واسلخه لك ارخص هذي حديقه جميله في برلين موقعها مقابل السفاره السعوديه |
|
11-13-2018, 08:25 AM | #2 |
|
رد: رحلتي اللذيذه الى برلين- ميونخ - زيورخ - ميلان
هذي صورة استفتاحية من التشوكلت اللي يوزعونها علينا برلين ايرلاين بعد رحلتهم الممتعه اللي يقدمون فيها السناك عباره عن شبس كودام شتراسه ( ترى شتراسه يعني شارع ) وانا اقرا في اللوحات الاسم الاول يتغير والاخير شتراسه اقول وش ذا الشتراسه شكلها عائله مالكه والا شي اخر شي طلعت شارع المهم ان فيه شوبنق جميل وفيه سوق للماركات اسمه Ka De We صور من عدة زوايا عجبتني وسيلة التنقل هذي لعاشقات الشوبنق LV مثل ما قلت لكم اخذنا الباص السياحي ولقطت لي كم صوره مرسيدس بنز السفاره السعوديه hap: المرشد السياحي لما قال هذي السفاره السعوديه انا هنا وقفت طبعا الباص مكشوف وقاموا يصفقون لان مبنى سفارتنا كان اجمل مبنى من بين السفارات اصلا يوم مرينا من عند السفاره الهولنديه كلهم قالوا اوووووووووو لانها باختصار حزمة كراث مو سفاره هذي سفارتنا الجميله لقينا مقابل السفاره سوريين متظاهرين وحاطين صوره بن باز وعليها اكس حسبي الله عليهم ماعلينا مابي ادخل في السياسه هذي المحكمه الدستوريه في برلين من اشهر محاكم العالم نزلنا هنا وصورنا واكلنا ايس كريم هذا معلم برلين بصراحه مدري وشو شكله خزان مويه hap: بالنسبه للمطاعم في برلين لمحبي المذاق العربي فيه مطاعم تركيه وايرانيه بس انا افضل الايرانيه لذيذه بشكل طبعا بما انه برلين هي اول محطه الواحد جاي متحمس مشينا مشي بالكيلوات وتقريبا ما احتجنا مترو في تنقلاتنا لان لمنطقه اللي ساكنين فيها حيه وكل شي فيها هذي حديقه قدام مبنى برضو مدري وشو ركبت فيها سيكل محاولات للتصوير الاحترافي هذا نهر يشق برلين هذا البيت لابيض عندهم على طاري البيت الابيض كنا رايحين في فتره انتخابات وكثير نشوف مظاهرات ضد ميركل العجوز الشمطاء , هذي وحده منها وعلى طاري المظاهرات تذكرون مظاهرات السوريين اللي حكيت عنها شوفو بالنسبه لهالسور المشخمط عليه لاتحقرونه هو اللي كان بالزمانات يفصل بين المانيا الشرقيه والمانيا الغربيه وانت تمشي في أي مكان في اوربا عادي تشوف هذا المنظر الطرار الذكي نختم حلقة برلين بمحاولة فاشله في التصوير الاحترافي |
|
مواقع النشر (المفضلة) |
الكلمات الدليلية (Tags) |
ميلان, ميونخ, اللذيذه, الى, برلين-, رحلتي, زيورخ |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رحلتي الإقتصادية ( ميونخ - كابرون - بيرتساو - سيفلد - ميونخ ) بتاريخ 4-5-2018 | السعيد | رِيَاض إبْنُ بَطُوطَة لِسْيَاحَة والسَفَر | 2 | 07-22-2018 09:49 AM |
رحلتي الشتوية.. ميلان كومو البندقية فلورنسا بيزا ربالو برتفينو ميلان | السعيد | رِيَاض إبْنُ بَطُوطَة لِسْيَاحَة والسَفَر | 8 | 07-05-2018 04:40 PM |
رحلاتي من زيورخ سويسرا | السعيد | رِيَاض إبْنُ بَطُوطَة لِسْيَاحَة والسَفَر | 7 | 01-26-2018 02:09 PM |
موسوعة السفر و التسوق والصحة فى ميونخ | السعيد | رِيَاض إبْنُ بَطُوطَة لِسْيَاحَة والسَفَر | 13 | 10-21-2017 03:54 PM |
ميلان: سنرى إذا كان الأهلي الأكثر في البطولات القارية أم لا | الصقر المصرى | رِيَاض صَدَى المُجْتمَع و الْأخبَار الرِيَاضَيَة | 4 | 07-17-2014 02:41 AM |
HTML | RSS | Javascript | Archive | External | RSS2 | ROR | RSS1 | XML | PHP | Tags