انت غير مسجل دخول او لست عضو من فضلك سجل معنا لكي تتصفح المنتدي بدون اي مشاكل


.:: الفعاليات والمواضيع الحصرية والمميزة لمنتديات رياض الأنس ::.
                                                                                                    





آخر 10 مشاركات
ما هي شروط المباهلة ؟ (الكاتـب : - )           »          والواو تتبعني.. (الكاتـب : - آخر مشاركة : - )           »          شيء ما (الكاتـب : - آخر مشاركة : - )           »          مازال / مازلت (الكاتـب : - آخر مشاركة : - )           »          نبض وأحاسيس..~ (الكاتـب : - آخر مشاركة : - )           »          صباح ومساء مختلف في رياض الانس (الكاتـب : - آخر مشاركة : - )           »          سجل دخولك بشخصية تاريخية في قسم الفتوحات (الكاتـب : - آخر مشاركة : - )           »          خوف الأطفال .. الأسباب والعلاج (الكاتـب : - آخر مشاركة : - )           »          سجلوا حضوركم بصور أو اسم لطفل أو طفلة (الكاتـب : - آخر مشاركة : - )           »          مزاجك والصورة (الكاتـب : - آخر مشاركة : - )


الإهداءات


العودة   منتديات رياض الأنس > |~ لباس من زبرجد وأرآئك وألوان تعانق النجوم~| > رياض ابن بطوطة لسياحة والسفر
رياض ابن بطوطة لسياحة والسفر ( لسياحة ورحلات الطبيعية )


رحلة العمر اليابان وكوريا

رياض ابن بطوطة لسياحة والسفر


رحلة العمر اليابان وكوريا

الـسـلام عـلـيـكـم ورحـمـة الـلـه وبـركـاتـه كما هو مبيّن من العنوان إن هالموضوع راح يكون عن رحلتي لدولة اليابان من زمان وأنا كنت ناوي أنزّل موضوع عن رحلاتي السابقة

إضافة رد
   
أدوات الموضوع إبحث في الموضوع
نسخ الرابط
نسخ للمنتديات
قديم 11-08-2018, 03:10 PM   المشاركة رقم: 1

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

المنتدى : رياض ابن بطوطة لسياحة والسفر
افتراضي رحلة العمر اليابان وكوريا






رحلة العمر اليابان وكوريا 517.gif

الـسـلام عـلـيـكـم ورحـمـة الـلـه وبـركـاتـه

رحلة العمر اليابان وكوريا tumblr_nd7oikLg9N1s37h9oo5_1280.jpg

رحلة العمر اليابان وكوريا 125.gif

كما هو مبيّن من العنوان إن هالموضوع راح يكون عن رحلتي لدولة اليابان من زمان وأنا كنت ناوي أنزّل موضوع عن رحلاتي السابقة لكن كتب الله إن أول موضوع يكون عن اليابان!

طبعا راح أعطيكم مقدمة ليش رحت اليابان وليش اعتقد بأنها دولة فريدة من نوعها وليش شعبها هو الأفضل والأرقى والألطف ،، موضوع هدف الموضوع الأساسي هو إني أرفّع باليابان وبالشعب الياباني لأعلى درجة ،، ما أتوقع بتشوفون واحد يرفّع بشعب مثل ما راح أرفّع باليابانيين رحلة العمر اليابان وكوريا eq-16.gif

والهدف الثاني هو إني أشجّع السياحة لشرق آسيا وخاصة اليابان ،، شعب يحترم السائح من وين ما كان وما عندهم عنصرية الغرب ونظرتهم الدونية لنا رحلة العمر اليابان وكوريا eq-89.gif

رحلة العمر اليابان وكوريا majid.jpg

رحلة العمر اليابان وكوريا 125.gif

كسعوديين أول شيء عرفناه عن اليابانيين هو أفلام الكرتون ،، على أيامي الكابتن ماجد ثم المحقق كونان وبوكيمون وغيره كثير لكن اللي أثارني وشوقني كثير حول اليابان واليابانيين هو برنامج خواطر حق الشقيري الموسم الخامس واللي اختار فيه اليابان من بد كل الدول وبعدها ابتعثت لأمريكا ولي حول 4 سنين ونصف وللحين أدرس فيها ،، خلال هالوقت وخاصة البداية فترة اللغة ،، تعرفت على أصدقاء من كثير من الدول وخاصة اليابان وكوريا اللي بيكون لها موضوع آخر مستقل ،، ومع تعلم اللغة ومع مرور الوقت تعرفت عليهم أكثر وتعرف على الكثير منهم وعاشرتهم كثير وما شفت منهم إلاّ الأخلاق والمعاملة الحسنة والتواضع واللطف والعطف والخجل والبراءة والعفوية وحسن الظن ... إلخ (بدأ الترفيع رحلة العمر اليابان وكوريا 038.gif) حالياً وعلى حسب تقدير الفيسبوك عندي 108 صديق من اليابان ،، من بينهم كلهم ما فيه إلاّ 2 بس اللي ما حبيتهم! يعني لو أقارن بالشعوب الثانية ،، نسبة اليابانيين اللي ما تقبلتهم أقل بكثير من شعوب الدول الثانية اللي ما تقبلتهم ..

بعد مرور أكثر من 4 سنين ورجوع الكثير منهم لبلدهم سواء انتهوا من دراسة اللغة أو تخرجوا من الجامعة ،، لا زلت على تواصل مع كثير منهم ،، وكثير منهم دعوني وطلبوا مني أزور اليابان وأزورهم من مدة والسفرة لليابان داخلة من مخي من زمااااان ،، عاد السنة الماضية عزمت إني أروح لليابان وقعدت أخطط شهور لها ،، المدن المناسبة واللي فيها عدد من الأصدقاء والمدن اللي تستاهل أروح لها وأعطي أصدقائي خبر عن أفضل فترة أروح لها وهم موجودين <-- ناوي ينشب رحلة العمر اليابان وكوريا 038.gif وكثير منهم سعدوا بذلك ووعدوني إنهم راح يساعدوني ويقضون اليوم كله معي وياخذون لكل الأماكن اللي أبي أروح لها والأماكن اللي هم يبوني أشوفها وتحمست كثير ..

أنا قبل ما أروح لليابان كنت ماخذ فكرة رائعة عنهم لكن بعد زيارتي لليابان فكرتي عنهم صارت مثالية وأروع ،، أصدقائي حسيت صاروا ألطف وأكثر أخلاق وأكثر مساعدة ويسوون كل شيء عشان يسعدوني ويخلوني مرتاح ،، ومو بس هم كل الشعب سواء ذكور وإناث كبار وصغار ،، ما أحد ضايقني بكلمة أو بتعامل أبداً وكل ما اسأل أي واحد بالشارع عن المكان الفلاني يسوون كل ما بوسعهم عشان يساعدوني ومستحيل يقول ما أدري مو عشان مسوي فاهم عشان بس يبي يدللني للمكان باللي هي به ،، اللي يشيّك الخريطة واللي يسأل المارّين حولنا واللي يطلع جواله ويشيّك واللي يمشي معي عشان ما أضيع وبعضهم وخاصة كبار السن يتكلم ياباني ويسترسل بالتوصيف لأني سألت بالياباني هههههه عاد تعلمت كيف أقول وين المكان الفلاني بالياباني وأول أيام أشوفهم يردون بالياباني وأنا مو فاهم وماني عارف كيف أقول إني ما أتكلم ياباني ،، عاد يوم تعلمتها صرت اسأل بالياباني ويحسبوني أتكلم ياباني ويجاوبون بالياباني وأقوم أقول أنا ما أتكلم ياباني ههههههه ويناظروني كذا بالبداية رحلة العمر اليابان وكوريا eq-81.gif وشلون ما تتكلم ياباني وأنت تسألنا بالياباني وتقول إنك ما تتكلم ياباني بالياباني رحلة العمر اليابان وكوريا eq-73.gif

المهم راح أسرد قصص وحكايا بالمواقف اللي تعرضت لها في اليابان!

سبحان خالق هالشعب رحلة العمر اليابان وكوريا eq-33.gif

كثيرين انتقدوا الشقيري إنه بالغ في مديح اليابان لكن أنا انتقده إنه لم يعطي اليابان حقّها من المديح رحلة العمر اليابان وكوريا eq-87.gif

قبل السفرة بشهرين قدمت على التأشيرة اليابانية في أمريكا والحمدلله حصلت عليها بعد ما حسيت إنهم راح يرفضوني ،، يوم أرسلت مستنداتي للسفارة اليابانية طلبوا مني نسخة من التذكرة ذهاب وعودة من اليابان للسعودية ،، قلت لهم بعد اليابان بروح كوريا قالوا نبي صورة من التذكرة اللي من اليابان لكوريا ويوم أرسلت لهم دقّوا علي السفارة يقولون بعد كوريا وين بتروح ،، قلت بروح دبي قالوا نبي التذكرة من كوريا لدبي لأن إذا قعدت بكوريا شهر وما طلعت راح يرحلونك للدولة اللي جيت منها وهي اليابان (الأخ يقصد ما نبي نتورط فيك ونبي نضمن إنك تروح بلا ردة إذا طلعت من اليابان ههههه) ،، المهم بعد ما حصلت عليها وجت العطلة الصيفية ورجعت السعودية نطلب رضى الأهل رحلة العمر اليابان وكوريا 004.gif رحلة العمر اليابان وكوريا 038.gif وبعدها من الرياض لليابان ..

رحلة العمر اليابان وكوريا tumblr_nd7pzmre6A1s37h9oo1_1280.jpg

رحلة العمر اليابان وكوريا 125.gif

فكرت كثير في المدن اللي أروح لها وكيف مسار الرحلة وأول مدينة ومن هالكلام ،، المدن اللي اخترتها هي 5 مدن :- (( طوكيو وسابّورو وناقويا وكيوتو وأوساكا )) المدة اللي خططت عليها بعد ما فكرت كثير هي 35 يوم (ما حبيت أروح أسبوع أو أسبوعين ،، أبيها رحلة عمر) بحيث يكون فيه عطل أسبوعية كافية إني أشوف الأصدقاء اللي يشتغلون واللي ما يفضون إلا بالعطلة الأسبوعية لكن للأسف السفارة اليابانية عطتني شهر واحد فقط للبقاء في اليابان فخربطت الوضع عليّ ،، المهم قرّرت إني ابدأ من الشمال وابدأ بمدينة سابّورو تلاقونها فوق في في جزيرة هوكّايدو الجزيرة اللي فيه الشمال ،، ثم جنوباً لـ العاصمة طوكيو ثم أروح جنوب غرب لـ أوساكا-كيوتو-ناقويا اللي قريبين جداً من بعض!

الرد الجاي راح يكون عن أول يوم لي في سابّورو،، لا أحد يرد رحلة العمر اليابان وكوريا 038.gif

قبل كل شيء ،، الموضوع راح يكون طويل وفيه الكثير الكثير من الصور مجموع الصور اللي صورتها أكثر من 3600 صورة ،، وشيء ثاني هو إني راح أضع صور لأصدقائي وصور للأكل وأتمنى إني ما أشوف أي ردود عنصرية أو ردود تسيء لنعمة الله رحلة العمر اليابان وكوريا 119.gif

رحلة العمر اليابان وكوريا tumblr_nd7rsqBbDI1s37h9oo1_400.jpg

من يذكرها؟ تطلع قبل كل نهاية حلقة وكانت ترفع الضغط ،، نطقها (تسودزكو) رحلة العمر اليابان وكوريا 038.gif

...





Sapporo - سابّورو - 札幌市

رحلة العمر اليابان وكوريا tumblr_nd7ogu8YNB1s37h9oo8_400.jpg

رحلة العمر اليابان وكوريا 125.gif

البداية كانت في هذه المدينة وهي مدينة سابّورو (Sapporo - 札幌市) الواقعة شمال اليابان ،، طبعاً الصيف باليابان كان رطوبة وحار نوعا ماً إلاّ المنطقة الشمالية واللي هي جزيرة هوكّاديو فجوّها كان جميل جداً وما فيه رطوبة أبداً وما عندهم موسم أمطار أبد لكن بالشتاء كما سمعت قارسة جداً وأنواع الثلوج ..

أول ما وصلت وجاء دوري لتفقد التأشيرة ونحوه ،، الموظفة شيّكت جوازي صفحة صفحة وأنا بكل براءة حسّبتها تدوّر التأشيرة لأنها فتحتها من اليمين مثلها ثم حوّلت للصفحة الأخيرة تحسب فيه شيء خخخخ المهم إني قطيت وجهي معها وقلت لها التأشيرة في الصفحة رقم 30 وقامت رفعت يدها تطالبني بالرجوع وقالت (اوكي) يعني لا يكثر رحلة العمر اليابان وكوريا eq-73.gif وقامت سألتني عن الرحلات اللي من اليابان للخارج ووريتها النسخ ومشت أموري تمام ،، عاد بالأخير الموظيف اللي جنبها كان فاضي وقام يناظرها وهي تقوم بعملها وقال كلمة ما أدري وشي وقامت ناظرت بالجواز شوي وقالت بما معناه جواز سعودي رائع أو مدهش أو شيء زي كذا (すごい) الظاهر أول مرة تشوف جواز سعودي وأشهب لابس شماغ وعقال ههههه وقامت عطتني الجواز وانحنت لي ،، الانحناء هذا عندهم زي السلام عليكم عندنا! المهم وصلت لمكان التفتيش وجاني واحد مُبتسم بشوش وش حليله ويسألني بالإنجليزي من وين قلت السعودية ويقول والله؟ (طبعاً ما قال والله بس أنا أترجم لغوياً وثقافياً رحلة العمر اليابان وكوريا eq-22.gif) قلت أول مرة تشوف سعودي؟ قال إيه ودردشنا شوي وبالأخير سألني إذا شنطتي فيها محظورات قلت لا ما فيها قام بكل أدب يقول ممكن أفتّشها؟ قلت إيه تفضل ،، وفتحها وفتّش بشكل مرتب وبعدين سكرها وقال أهلاً وسهلاً بك في اليابان وانحنى لي رحلة العمر اليابان وكوريا 038.gif

وكان أحد الأصدقاء بانتظاري في المطار الذي يبعد عن مدينة سابّورو ساعة في القطار ،، طبعاً ما بغيت أحد يتعب نفسه ويجي المطار وخاصة إني راح أوصل بدري الساعة 8 الصبح لكن ذلك الصديق أصر رحلة العمر اليابان وكوريا eq-45.gif

رحلة العمر اليابان وكوريا tumblr_nd7o6rfjAq1s37h9oo1_500.jpg

هذا أول شيء استقبلني في المطار ،، صديقنا عبقور رحلة العمر اليابان وكوريا 038.gif

رحلة العمر اليابان وكوريا tumblr_nd7tegIn581s37h9oo1_1280.jpg

وصلت المدينة ورحت الفندق وحطيت أغراضي ،، إيه هذا الفندق وهذي غرفتي هههههه أكيد سمعتوا عن الكبسولات في اليابان والفنادق الاقتصادية ،، قلت لازم أجرّبها وصراحة كانت مريحة ،، الشنط حطيتها عندهم في مكتب الاستقبال وعطوني مفتاح لدولاب صغير أحط فيه ملابسي وأغراضي وكان فيه صالة راحة ومكيفة وحمامات مشتركة نظيفة جداً ،، نسيت نقطة إنه شعب نظيف جداً وينظّف من وراه وما يترك أي شيء من بعده والبلد نظيفة جداً!

المهم كفاني ثرثرة وراح ابدأ بعرض الصور لليوم الأول لي :-

رحلة العمر اليابان وكوريا tumblr_nd7o6rfjAq1s37h9oo4_1280.jpg

رحلة العمر اليابان وكوريا tumblr_nd7o6rfjAq1s37h9oo5_1280.jpg

رحلة العمر اليابان وكوريا tumblr_nd7o6rfjAq1s37h9oo6_1280.jpg

رحلة العمر اليابان وكوريا tumblr_nd7o6rfjAq1s37h9oo7_1280.jpg

رحلة العمر اليابان وكوريا tumblr_nd7o6rfjAq1s37h9oo8_500.jpg
أحب أصوّر اللي مفهي ويفكّر ومو داري وش اللي حوله هههه

رحلة العمر اليابان وكوريا tumblr_nd7o6rfjAq1s37h9oo9_1280.jpg

الصور السابقة هي لحديقة في وسط المدينة وقريبة من الداون تاون واسمها Odoori Park ،، جميلة ولها جوّها يختلف بالنهار وبالليل ،، بالنهار عوائل وأطفال ويلعبون بالنافورة وبالليل ناس تعزف موسيقى وسياكل وتزلج على اللوح board skating K ..

رحلة العمر اليابان وكوريا tumblr_nd7o8g1M701s37h9oo1_1280.jpg

هذا برج التلفزيون الموجود في الحديقة








رحلة العمر اليابان وكوريا tumblr_nd7o8g1M701s37h9oo6_1280.jpg

بعدها رحت لهذا المبنى وهو مكتب الحكومة السابق واسمه (Former Hokkaidō Government Office) وكما تلاحظون التصميم شكله غربي وماله علاقة بالفن المعماري الياباني ،، السالفة داخل فيها أمريكان وبُني عام 1870 ميلادي ،، يعني أمريكا من ذيك الأيام وهي حاشرة خشمها في دول العالم ..

رحلة العمر اليابان وكوريا tumblr_nd7ocoat3e1s37h9oo5_1280.jpg

طبعاً الدخول ببلاش وكان فيه آثار تاريخية وقصص لوصول الغرب والأمريكان لهالمنطقة بالذات ،، يعني ما كان ممتع وأفضل ما فيه المدخل اللي يذكرني في بيوت رزدنت إيفل رحلة العمر اليابان وكوريا 038.gif

رحلة العمر اليابان وكوريا tumblr_nd7o8g1M701s37h9oo8_1280.jpg

المهم إن حول المبنى مناظر خلاّبة وجميلة جداً

رحلة العمر اليابان وكوريا tumblr_nd7o8g1M701s37h9oo9_1280.jpg

حاس هالطفل درى إني بصوره وقام سوّا هالوضعية رحلة العمر اليابان وكوريا eq-62.gif

رحلة العمر اليابان وكوريا tumblr_nd7o8g1M701s37h9oo10_500.jpg

رحلة العمر اليابان وكوريا tumblr_nd7ocoat3e1s37h9oo7_1280.jpg

رحلة العمر اليابان وكوريا tumblr_nd7ocoat3e1s37h9oo2_1280.jpg

رحلة العمر اليابان وكوريا tumblr_nd7ocoat3e1s37h9oo3_500.jpg

رحلة العمر اليابان وكوريا tumblr_nd7ocoat3e1s37h9oo1_1280.jpg

وبعدها رحت أدور في الداون تاون :-

رحلة العمر اليابان وكوريا tumblr_nd7o8g1M701s37h9oo4_1280.jpg

رحلة العمر اليابان وكوريا tumblr_nd7o8g1M701s37h9oo5_1280.jpg

يا كثر اللي يستخدمون الدرجات الهوائية! فعلاً يستخدمونها كوسيلة مواصلات وليس لهو فقط!

رحلة العمر اليابان وكوريا tumblr_nd7ocoat3e1s37h9oo9_1280.jpg

رحلة العمر اليابان وكوريا tumblr_nd7ocoat3e1s37h9oo10_400.jpg

رحلة العمر اليابان وكوريا tumblr_nd7ogu8YNB1s37h9oo1_1280.jpg

رحلة العمر اليابان وكوريا tumblr_nd7ogu8YNB1s37h9oo2_1280.jpg



اكتفي بهذا القدر من الصور وسأكمل قريباً بإذن الله بتكلمة لليلة الأولى واليوم الثاني وصور لبعض الأكل ،، تكفون حمسوني بالردود والتشجيع ههههه



vpgm hgulv hgdhfhk ,;,vdh












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-08-2018, 03:17 PM   المشاركة رقم: 2

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا






رحت لبرج التلفزيون وطلعت فوق وخذيت كم صورة :-









وقعدت أتمشى شوي بالحديقة وحولها :-













أنا من محبي وعشّاق الأكل الياباني اللي يعتبر من أكثر المطباخ صحّة وأقل معدل للسمنة في العالم هي في اليابان ،، قرابة الـ 3.5% من الشعب بدين فقط وهذا يشمل مصارعين السومو اللي هم أصلاً يبون يكونون بدينين ..

قبل ما أسافر لليابان كنت مسوي حمية وكنت أتمرن ونقصت 14 كيلو خلال 3 شهور وما كنت آكل كثير لكن يوم رحت لليابان ،، وقفت حمية وووقفت تمارين وصرت آكل كثير وهي فرصة إني آكل الأكل الياباني الحقيقي لأن أغلب اليابانيين ما يحبون الأكل الياباني في أمريكا لأنه مو بتلك الجودة ،، المهم إني بنهاية الشهر قصت وزني وطلع وزني نازل 4 كيلو صحيح كنت أمشي كثير وكنت أحس عدد الخطوات والسعرات الحرارية اللي حرقتها لكن ما توصل إني أنقص وزن مع الأكل والحلويات اللي أكلتها



هذي أول وجبة لي في اليابان ،، تحت على اليمين شوربة ميسو ووبالنص رز مسلوق وعلى اليسار تونا وحبّار ( ني ) واللي فوق سمك مشوي! كان لذيذ لكن كنت آكل بالعيدان وكان فيه شوك فما تهنيت بالأكل ههههههه



صورة ثانية للسمك المشوي





الحلى عندهم موب حالي مرة زي أمريكا وعندنا ،، كثير من اليابانيين يشتكون من الحلويات والأكل بأمريكا حالي ومالح جداً ..



أفضل نودلز بالعالم موجود في اليابان ويسمّونها رامن ،، وبرواية أخرى أندومي! بعد ما أكلته حسيت إني ضيعت سنين من عمري بالأندومي اللي كنت آكله أيام الصغر وكنا مخدوعين فيه



وبهذا ينتهي اليوم الأول وترقّبوا اليوم الثاني والثالث قريباً
...






الـيـوم الـثـانـي










قرّرت في اليوم الثاني ارتاح وأمشي فقط بدون تصوير لأن اليوم الأول كان حافل ومتعب جداً ،، قلت خلني أتمشى وأروح وأجي وأضيع في المدينة وأشوف العالم وأدخل محلات لين وقت العشاء لأني راح أقابل زميلة دراسة رجعت لليابان من أمريكا قبل 4 سنين ،، اللي لاحظته في هالمدينة إنها ليست مدينة سياحية وأحس إني كنت العربي الوحيد فيها ،، نادراً نادراً أشوف غير يابانيين أو اسمع لغة غير اللغة اليابانية ،، شفت بس اثنين هنود وقعدوا يناظروني فيني ويبتسمون يحسبوني هندي هههههه ..

أنا سمعت إن اليابانيين بحالهم وما يحط عينه بعين واحد بدون سبب ونظراته دايم للأمام وحتى بالقطارات وإن صار هالشيء يعتذرون لبعض ،، المهم إن هالشيء بين اليابانيين فقط لكن أنا أحس نص المدينة قعدوا يناظرون فيني كأنهم يقولون وش الكائن الغريب هذا والناس يناظرون ويكلمون اللي معهم وكأنهم يقولون شف ذا وش يكون؟ وش نوعه؟ ههههههه ما حسيت إنها نظرات عنصرية أو استحقار ،، في البداية كنت ابتسم بس لأن متعود بأمريكا الأمريكان يبتسمون كثير إذا حطيت عينك بعينهم لكن اليابانيين مستغربين ليس ابتسم ههههه لأنها مو من ثقافتهم عاد بعدها صرت أحني راسي كـ تحية عاد هنا هذي ثقافتهم فيبادلونها!

عاد كنت أمشي أنا وكان فيه بنت صغيرة وش زينها بالسيارة مع أمها عند الإشارة ،، البنت كانت تناظر الجهة اللي أمشي بشكل عام وعدّتني بالنظر لكن فجأة لاحظت كائن غريب وناظرتني مرة ثانية وفتحت عينها وصار شكلها كذا قمت ابتسمت لها ولوّحت بيدي وتقوم هي تبتسم وتلوّح ومن زود الحيا نزلت خبّت نفسها ورا هههه عاد أمها لاحظت والتفتت وكما فهمت إنها سألتها وش بك؟ أكيد قالت لها Gaijin = 外人 يعني أجنبي\غير ياباني (كلمة مشهورة عن غير اليابانيين في اليابان) لوّح بيده عاد أمها ما صدّقت خبر وتقوم بسرعة البرق تناظر وينه! ويوم ناظرتني وأنا أقمط العافية وأكمل مشي خايف تكلم الشرطة هههههههه!

البقالات الصغيرة الغيرة عجيبة جداً وفيها أنواع كثيرة من الأكل السريع ،، هذا تقرير عنده [هنا] وكل ما تدخل يحيّونك وكل ما تطلع يودعونك ،، يعني تخيلوا حنا لو ندخل بقالاتنا واللي يشتغل يقول لك أهلاً وسهلاً وإذا دخلت يقول لك شكراً على زيارتك لنا ،، يفتحون نفسك يا رجال وبعض الأحيان إذا شريت أكل يسأل بالياباني تبيني أحميه بالمايكرويف؟ طبعاً ما افهم وأقول له بالياباني إني افهم ياباني هههه ويقوم يفهمّني بالإشارة ..



عشاي لليوم الثانية كان عبارة عن سوشي و تشيراشي وستيك غنم



من اليمين ،، تونا وتونا بيضا وسالمون وسمك أبيض كما أذكر وروبيان وبيض وبيض السالمون



نفسه تقريباً بس بستايل آخر





ستيك غنم



~*¤ô§ô¤*~ الـيـوم الـثـالـث ~*¤ô§ô¤*~





هاليوم كان يوم أحد وجمّعت 3 من أخوياي وواحد منهم هو الشقردي اللي هو بالصور جاء من مدينة ثانية تبعد 5 ساعات بس عشان يشوفني وصراحة هو مو صديق قريب ،، أعرف خويته درست بالمعهد اللي كنت فيه وجت زارت المدينة اللي أنا فيها وقابلته معها وقابلته مرة وحدة فقط ،، يوم درى إني جاي قال بجي أمشّيك في المدينة بس لازم اسأل أحد أخوياي إذا فاضي أنام عنده بالليل ،، قلت له أنا الحين بفندق وعندي سريرين ما عليك تعال عندي (نقلت من الفندق أبو غرفة صغيرة ههه) قال لا ما أبي ازعجك! حاولت فيه بس رفض هههه المهم اجتمعنا حنا الأربعة ورحنا :-



معبد هوكّايدو ،، تابع لديانو الشنتو وهي ديانة أصلية يابانية ،، البوذية منتشرة عندهم أيضاً لكن لا تعتبر ديانة يابانية ..













هذا زواج على طريقة الشنتو





















بعد المعبد ،، خذوني لـ منتزه تابع لشركة شوكولاته ،، المنتزه جميل جداً ومليء بالورود وجميع الألوان اسمه المنتزه Shiroi Koibito Park ،، ما راح أتكلم كثير عن المنتزه ،، ستتحدث الصور نفسها































بالله كيف؟

























هذي المسّاكات بالمترو ،، وراح أتكلم عن المترو إذا بديت أتكلم عن مدينة طوكيو



غداء اليوم الثالث هو :-



شوربة كاري ياباني Soup Curry ،، هالوجبة مشهورة فقط ما تتواجد بسهولة في اليابان إلا في منطقة هوكّاديو لأنها تتميز بها







هالآيسكريم بالمنتزه واسمه آيسكريم هوكّاديو ( هوكايدو هو اسم المنطقة )



طبعاً وقت العشاء خلّوا القرار عليّ واخترت ياكيتوري Yakitori ومعناها دجاج مشوي ويعتبر نوع من أنواع الكباب الياباني ،، والاسم عام لكل أنواع اللحم مو بس دجاج ..



هذا جبن



دجاج



دجاج مفروم



دجاج وبقر



هذي العيدان اللي تجي مع الـ ياكيتوري اللي طلبناه ،، طبعاً طريقة الطلب معروفة باليابان ،، واحد من اللي يتعشون يذكر الاسم ويرفعون يدهم والنادلة تحسب العدد ،، عاد كل الأسماء بالياباني وكل ما يذكرون اسم ياباني يرفعون يدهم وأنا كذا يوم خلصوا أقول وش السالفة؟ هههه عاد بالأخير جتني النادلة وتسألني وش تبي وأنا أشوف الصور وأقول أبي هذا وهذا وهذا وهذا ههههه

وقضينا وقت جميل ومُمتع وبعدها كل واحد راح بيته ،، والياباني خويي قال لي بكرة راح أوديك مدينة ثانية عند البحر اسمها أوتارو Otaru والأكل البحري فيها طازج جداً ويعتبر من أفضل المدن اللي فيها أكل بحري في اليابان والعالم يمكن

عاد راح أتكلم عنها المرّة الجاية ،، نشوفكم على خير












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-08-2018, 03:21 PM   المشاركة رقم: 3

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا





الـيـوم الـرابـع












كما قلت إن صاحبي قال بياخذني لمدينة اسمها أوتارو Otaru وهي على البحر موجودة شمال هوكّاديو ( اللي هي اسم المنطقة وهي الجزيرة في شمال اليابان ) ،، أفضل جو عشته في الصيف في حياتي ،، نسيم يفتح النفس وجو عليل ،، الزيارة كانت بسيطة وقصيرة ،، يبي يوديني آكل أفضل سوشي في حياتي ( على قولته ) وقلت قدّام ،، رحنا المطعم وفعلاً كما قال حسيت إن ما عمري أكلت سوشي قبل كذا ( شكل السوشي اللي بأمريكا مغشوش ) ،، وبعدها رحنا للقناة والميناء حق المدينة وكان شيء مو طبيعي والصور بتتكلم عن نفسها!

















وهذي صور للمدينة :-













وصور حنا راجعين لـ سابّورو بالطريق :-
















هذا المطعم اللي ودّاني ،، كان عند الميناء والقناة يعني السمك اللي ياكلونه الزباين مو بس طازج إلاّ توّه حيّ من كثر ماهو طازج هههههه الصور تتحدث عن نفسها

معلومة بسيطة ،، السوشي له أنواع كثرة واللي راح أقدمه نيقيري سوشي اللي هو قطعة سمك أو أكل بحري فوق الرز والثاني ماكي سوشي وهو الرز والملفوف بنبات بحري لونه أخضر غامق وفوقه سمك أو قطعة أكل بحري ..



اسمه سرطان الثلج ،، نوع من أنواع السرطان أو السلطعون



سلمون طازج



روبيان حلو



هذا ميسو وسرطان شرائح ماكي ،، ميسو يعتبر من التوابل اليابانية مكوّن من فول الصويا وملح وشيء ثالث نوع من أنواع الفطريات تستخدم لتخمير فول الصويا وتكوين الـ ميسو ( ويكيبيديا ههه )



اللي على اليمين هو بيض السلمون ،، الباقي نسيت هههههه



ناتّو ،، طعمه وريحته قوية وغير مرغوبة ههههه



اسمه كانتارو ماكي ،، المكونات كان فيه خيار وبيض وأشياء ثانية هههه



7 صحون وشكل الصحن يمثّل السعر ،، يعني النادلة ما يحتاج تسألك عن وش طلبت وتتعب نفسها ،، تشوف الصحون وتعرف كم المجموع

وحبيت اختم اليوم الرابع بهالصور :-







يحب يسوي أفلام بالصور ههههههه



فجأة جو لخويي وقالوا له لو سمحت ممكن تصوّرنا؟ ويوم صورهم أقول له تكفى قل لهم أبصوّر معهم ههههه واستانسوا وخذينا هالصورة ،، كتاكيت يا حليلهم

ورجعنا سابّورو ونزّلني عن الفندق وقال أتمنى إنك استمتعت بهالرحلة وأتمنى إنك تستمتع باليابان والمرة الجاية لازم تزورني في مدينتي ،، وتعانقنا ومشى




وبعد ما رجعت مرة ثانية لمدينة سابّور ،، رحت تعشيت مع أحد الزملاء والعشاء كان "جنكين خان" هي أكلة يابانية عبارة عن لحم غنم وأشياء كثيرة ثانية وتجينا نيّة وحنّا نطبخها ونسوي كل شيء وهذه هي الصور :-



سعرها أكثر من 100 ريال للشخص الواحد





هذا واسابي الثلج ،، الواسابي يعتبر فجل ياباني ،، المشهور هو اللي لونه أخضر وهذا طعمه مو بس حار إلاّ يلسع اللسان لسع









هذا هو لحم الغنم ،، من أجزاء مختلفة وواحد منهم القلب وهذه أسماءها :-

極上ラムリブロースジンギスカン
特上ラムジンギスカン
ラムジンギスカン
ラムハツ

عاد ترجموها هههههه

















عرض جميع مواضيع [ السعيد ]
عرض البوم صور السعيد   رد مع اقتباس
قديم 11-08-2018, 03:24 PM   المشاركة رقم: 4

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا





الـيـوم الـخـامـس والأخـيـر










اليوم الخامس هو آخر يوم لي في مدينة سابّورو ومنطقة هوكّايدو ،، أحدى الزميلات كانت فاضية ذاك اليوم وقالت لي قبلها بيوم اختار الأماكن اللي تبي تروح لها وأنا باخذك هناك واخترت مكانين ،، طبعاً المترو حقهم سهل نوعاً ما لكن المشكلة في الباصات ما فهمتها وكثير أماكن ومن ضنها المكانين اللي اخترتهم ما رحت لها لهذا السبب عاد هي شكلها رحمتني وتبي تساعدني وهي أصلاً ما عمرها راحت لهالمكانين رغم إنها من سكان المدينة هههه

أولاً تغدينا :-





ميسو رامن وسوي سوس رامن

المكان الأول هو مكان للقفز التزلجي اسمه Okurayama Ski Jump وأقيمت فيه دورة الألعاب الأولومبية لعام 1972 لكن الحين صار معلم سياحي وفيه مرصد للسياح يطلعون فوق عن طريق كراسي رافعة ظريفة

المهم خذينا القطار ثم باص ثم مشينا حول ربع ساعة طلوعاً ،، والله يا تعب هههه









هالصور بالطريق ،، كان تعب بس والله يسوى كل هالمشي والتعب



وأخيراً وصلنا



هذا الشيء اللي طلّعنا ،، ويوم طلعنا فوق ما توقعت المنظر ،، شفت كل المدينة وكان منظر خُرافي!!!











تشوفون القبّة؟ هذا (كان) ملعب كرة قدم ،، بقول لكم سالفته بعد شوي هههههه





وكان فيه متحف وفيه تقنية تخليني أجرب كيف القفز التزلجي على الثلج وكأنها حقيقة بس كنت تعبان وماني رايق وقلت خلني بس أروح للمكان اللي كان ودي أروح له من زمان ومشينا ..













المكان الثاني اللي ميّت أروح له هو هذا ،، ملعب سابّورو Sapporo Dome وكان ملعب من ملاعب كأس العالم 2002 ..













المفاجأة البسيطة هي إن هذا هو الملعب اللي صار فيه أكبر فضيحة كروية في تاريخنا يوم انصكينا 8\0 من ألمانيا هههههههه من نحاسة هالهزيمة حوّلوا الملعب من كرة قدم إلى ملعب تنس ههههههههه والله هالهزيمة كان لها أثر كبييير عليّ ،، اللي معي تسأل تقول وش هالمسكة ليش تبي تروح لملعب كرة تنس وأنت ما تحب التنس؟ قلت لها السالفة وقالت طيب دامها ذكرى سيئة ليش تبي تروح هههههه



المهم إني ختمت رحلتي للأماكن السياحية بهالملعب النحس

ودامها آخر ليلة لي بعض الأصدقاء قالوا خلنا نتعشى ونودعك ورحنا لمطعم هم اختاروه ..



سلطة رامن



لحم أخطبوط مقلي



لحم أخطبوط مشوي ( المفضل )



سمك مشوي



سمك مشوي نوع آخر



محّار



لسان بقر ههههه



رز مقلي



وودّعتهم ورجعت الفندق أرتب أغراضي واستعد للذهاب لـ طوكيو













عرض جميع مواضيع [ السعيد ]
عرض البوم صور السعيد   رد مع اقتباس
قديم 11-08-2018, 03:29 PM   المشاركة رقم: 5

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا



صــور الأصــدقــاء






من أهم أسباب رحلتي وأفضل أجزاءها هو أصدقائي ،، هم جزء من رحلتي وراح أحط صورهم ،، بسبب سوء تفاهم اعتقدت إنه ممنوع أحط صورهم وخاصة الإناث لكن بعدين فهمت إنه عادي أحط صورهم ،، وطلبت منهم الإذن لتحميل الصور بالإقلاع وقالوا حمّل اللي تبي المهم اللي عنده شيء يقول له رجاءً خاص أو تقييم





هذي اللي استقبلتني بالمطار وما قصرت أول يوم ( شــوكــو )



هذي ( أريـسـا )



هذا اللي جاء من مدينة ثانية 5 ساعات وخذاني لمدينة ثانية بسيارته ورجعني ( هـوكـوتـو )



( يــوكــو )



هذي اللي أخذني لملعب أبو 8 هههه ( نــوزومــي )



مرجوجة





صورة جماعية معهم








الـيـوم الـسـادس







[ اليوم الأول فـي طـوكـيـو ]





انتهينا إني خلّصت من سابّورو ورايح لطوكيو ،، أنا عارف كيف أدبّر نفسي وأروح للمطار لكن أصحابي شعروا بالذنب إنهم ما يقدرون ياخذوني لأنه بالصبح بدري ووقت دراسة وعمل ،، فقامت وحدة وكتبت لي اللي بالورقة فوق ،، عاد قلت مو لازم لكن قالوا يمكن تضيع ههههه طبعاً كل اللي قابلتهم في اليابان يقولون خلنا نقابلك عند أقرب محطة لك عشان لا تضيع ،، رفعوا ضغطي يحسبوني ما أعرف كيف استخدم المترو ،، وفيه سالفة فعلاً وصلت حدّي بعدين أقولها



نظرة أخيرة من شرفة الفندق وبعدها على المطار

الحمدلله الأمور مشت تمام ووصلت المطار وركبت الطيارة ووصلنا مطار ناريتا بطوكيو بسلام والمطار بعيد عن المدينة فقلت خلني أريّح شوي وتغديت هناك ..

وواحد من الأصدقاء اللي كانوا بأمريكا لاحظ إني سجلت دخول في مطار ناريتا ويقول خلنا نشوفك اليوم ،، شريت تذكرة مترو خاصة بالأجانب بـ حول 50 ريال وهو أصلاً بحول 100 ريال لكن فيه للأجانب تخفيض 50% اسمها NEX Tokyo Direct Ticket تودّي لطوكيو ويوكوهاما وسايتاما ،، وصلت للمحطة اللي أبيها واسمها شينجوكو Shinjuku ورحت لفندق المدخل حقه كأنه محل نجارة





وصلنا طوكيو أخيراً ،، اسمحوا لي بهالرد أن أتكلم عن هالمدينة أكثر من وضع الصور ،، مو لازم أقول إنه كان شعور مميز توصل لمدينة تسمع عنها منذ الصغر وإنها عالية في التقنية وإنها أكثر مدينة سكّان في العالم ،، طوكيو الكبرى مساحتها 13,572 كيلو متر وفيها أكثر من 35 مليون نسمة بمساحة مربع ،، يعني طوكيو أكبر من الرياض اللي نشوفها كبيرة بـ 9 مرات وعدد السكان أكثر من السعودية اللي فيها حول 30 مليون وحول 30% غير مواطنين



قعدت في طوكيو أسبوعين ،، ولاحظت رغم التمدّن والتطوّر والحياة الغربية والنمط السريع والضغط في حياتهم إلاّ إنهم فعلاً محافظين على ثقافتهم وأدبهم وأخلاقهم العالية ،، وهالكلام يذكرني بمقولة أحمد الشقيري حفظه الله :- (( اليابان أكبر مثال لدولة تطوّرت وتقدّمت وبنفس الوقت حافظت على عاداتها وتقاليدها وقيمها )) ،، مشيت مشي بحياتي ما مشيته في حياتي بطوكيو وتمشيت بكل مكان ورحت أماكن كثيرة وسألت كثيرة ..

وواجهت أمور كثيرة وركزت كثيراً إن جيّتي لطوكيو ما تشوف بس أقابل أخوياي وأروح أماكن وآكل واستانس فقط ،، أركّز على الجانب الثقافي والأخلاقي عندهم !!

مثلاً ،، نظافة حماماتهم حتى في أكثر محطة زوار في اليابان وهي محطة شينجوكو اللي يزورا حول 3.5 مليون شخص ،، نظافة عجيبة ما اذكر إني شفت حمام مو نظيف ،، مو بس إن فيه عمال ينظفونها دايم ،، الناس نفسهم نظيفة وما تترك وسخ وراها!

احترافية النوادل والنادلات في المطاعم ،، ضيافة وأدب وأخلاق وتعامل وابتسامة وسرعة في الخدمة وما ينسون شيء أبد انحاء في الدخول والخروج!



اللي يشتغلون في البقالات والأسواق وستاربكس ومحلات البيع بشكل عام ،، الابتسامة ما تفارقهم أبداً وتحية عند الدخول وعند الخروج حتى لو كانوا مشغولين بمساعدة غيرهم ،، تشوفه مشغول مع واحد بس من يلاحظ واحد دخل يحييه أو واحد طلع يحييه ،، إذا سألت وين الغرض الفلاني أو عندكم الغرض الفلاني ،، يترك مكانه ويراكض عشان يقودك للشيء اللي تبيه ..

اللي يشتغلون بالفنادق ،، أنا رحت فنادق نجمة و 2 و 3 و 4 (5 غالية مرّة هههه) وتقريباً كلهم نفس الأدب والأخلاق والوجه البشوش وسرعة في تسجيل دخول وخروج وطبيعي كلما ارتفعت النجمات كلها صارت الخدمة أفضل!

العالم حتى لو كانت مشغولة سواء صغار بالسن أو كبار ،، ذكور أو إناث ،، تسألهم سؤال يوقف لك ويقول لك وين وإن ما عرف يروح يشوف الخريطة أو يشيّك بجواله ويقول لك أو يسأل واحد ثاني عن المكان! أنتم بس قولوا سوماسين وتشوف جينات الأخلاق والأدب ترتفع عندهم ههههههه

في الدرج الكهربائي ،، عرضه يسع شخصين ،، الجهة اليُسرى مخصص للي ما راح يمشون ويصيرون بس واقفين ،، الجهة اليُمنى مخصصة للي يبون يمشون ومستعجلين ،، أقسم بالله ما اذكر إن فيه أحد وقّف بالجهة اليمنى ،، نظام 100000%!!!

نظرتهم للسائح وكيف احترامهم شيء ملاحظ جداً ،، يبتسمون لك إذا قعدت تصوّر أشياء ويحاولون يعطونك مجال عشان تصوّر!

يا عالم وش أقول بعد؟؟ والله أفكّر بعد وش أبي أقول من كثرهم نسيت بعضهم ،، طبعاً راح اكتب عن مواقف صارت لي في الأجزاء القادمة لأني كاتبهم بالجوال عندي










ريّحت شوي بالفندق وجاني خويي الأمريكي وقال بوديك لمعبد ميجي "Meiji" وحديقة يويوقي "Yoyogi"















هذا مكان للوضوء حقهم ،، للعلم هذا معبد شنتو وهي ديانة يابانية













هذا هو ،، ماله ديانة لكن يحترم الأديان والثقافات



تخيلوا الجازية تشوف الموضوع؟ ههههههههه







ثم رحنا هاروجوكو "Harajuku" ومشهورة هالمنطقة بـ ثقاقة الأزياء المختلفة للمراهقين يعني تشوفون ناس لابسة نفس لبس حق الإنمي ولباس غريب ،، ما اهتميت صراحة إني أتواجد بالعطلة الأسبوعية عشان أشوف هالمراهقين هههه



مش حقيقي هههه



















عاد المكان ما كان مشوّق بالنسبة وقلت خلنا نرجع ،، وحنا بالطريق كنا نتكلم عن اللغة الصينية واليابانية بحكم إني تعلمت شوي صيني وهو تعلم ياباني ومدى التشابه ،، عاد فجأة التفت علينا وحدة "صينية" كانت تسمعنا من 5 دقائق وتسألني "تتكلم صيني؟" بالإنجليزي عاد انتهت الأجوبة والأسئلة الفضولية إننا نروح كلنا نتعشى ..











أوكونومياكي - Okonomiyaki

وقبل ما انهي الرد ،، أول ما وصلت محطة شينجوكو وكنت تعبان وواقف بمكان أدوّر واي فاي ،، إلاّ تجي وحدة هندية أو نيبالية وتقول هنا من مؤسسة ونجتمع تبرع للأطفال ،، قلت لها ما عندي كاش ،، هنا خلاص المفروض تنقلع ،، نشبت زيادة وقال أرجوك تبرع هذا للأطفال وهم محتاجين ،، أنا هنا ما أحب هالنوع من النشبات وكنت تعبان ومالي خلق ،، قلت لها أنا ما قلت لك ما عندي كاش؟ قالت أيه قلت طيب كيف أتبرّع وأنا ما عندي كاش؟ قالت أي شيء عندك قلت ما عندي شيء وترى أنا تعبان وتوني واصل ،، مسوية تبي تلطف الجو وتقول أنت هندي؟ ههههههه (بحكم إني مبتعث بأمريكا وأقابل هنود كثير ،، هنود شمال الهند قريبين جداً من أشباهنا كبشرة وملامح وجه) قلت لا ،، قالت من وين قلت من السعودية ،، قالت إيه من عيونك واضح إنها عربية (يعني الحين لازم تتبرع لأني مدحتك هههههههه) قلت شكراً ومع السلامة وهربت منها هههههه ،، هنا أنا خفت وقلت لا يصيرون هالأشكال بكل مكان في طوكيو لأني شفت هالأشكال كثير في إسطنبول وأقرفوا عيشتي ،، وأنا صراحة ما أقدر أطنّش اللي يكلمني ما عندي هالميزة الشينة هههههههههه المهم هذا كان أول موقف لي في طوكيو بس الحمدلله هالنوع من الشحاذة كان أوّل وآخر مرة!

وانتهى يومي الأول في طوكيو ونمت أحلى نومة













عرض جميع مواضيع [ السعيد ]
عرض البوم صور السعيد   رد مع اقتباس
قديم 11-08-2018, 03:32 PM   المشاركة رقم: 6

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا





الــيــوم الــســابــع






[ اليوم الـثـانـي فـي طـوكـيـو ]





طقيتها نومة اليوم الثاني وقلت أريّح شوي ثم جاء الأمريكي (نشب لي هههه) ،، رحنا لمبنى الحكومة وفيه مرصد يمدينا نشوف طوكيو من الدور رقم 42 (كما اذكر) وخذيت صور قليلة حلوة ،، طبعاً المكان اللي فيه أفضل المناطق مغلقة وفيها مطعم ،، لازم ناكل عشان نشوف أفضل المناظر بالمرصد









للأسف الجو ما كان صافي وإلا كان يمكن شفت جبل فوجي







عاد بعدها أمطرت وقلت أريّح بستاربكس اللي قريب مني وأقابل خويي الإماراتي اللي صدف وإنه يكون موجود بطوكيو ..



العشاء كان كاري ياباني

وانتهى اليوم









الــيــوم الـثـامـن








[ اليوم الـثـالـث فـي طـوكـيـو ]






كان يوم سبت واثنين من أصدقائي اختاروا هاليوم عشان يشوفوني لأن ما عندهم شغل فيه ،، قالوا وين تبي تروح؟ أنت آمر وحنا نطامر وناخذك له ،، قلت أبي أروح معبد سنسوجي "Sensoji Temple" ،، هذا أشهر المعابد البوذية في طوكيو واليابان ،، بُني في عام 628 ميلادي يعني 6 هجري



هذا عند المدخل وكان زحمة نوعا ما والمكان كل شيء فيه تقليدي وتراثي سواء أكل أو أغراض ومن هالأمور ،، تحس إنه من ألف سنة نفس الأغراض ونفس الأشياء اللي يبيعونها هههه

















الحين صور للفن المعماري الجميل للمعبد











هذا ليس الشعار النازي ،، إنما شعار بوذي للفايدة هـنـا




















سـو مـاسـودا



كـيـويـو يـانـاقـيـهـارا



مـطـهـبـل أفـنـدي



اللي على اليسار ما أعرفها ،، اللي على اليمين قالت لها بتقابل سعودي وهذيك قالت بجي ،، عاد هذي تخصصها دراسات دولية وأطروحة التخرج كانت عن "السعودة"



بعد العشاء ( وطبعاً هم دفعوا وقلت لا ما لها داعي قالوا لا عيب أنت ضيف عندنا ) رحنا لـ أكاهيبارا "Akihabara" ،، أكيد محبي الإنمي يعرفون هالمكان المكان كله عن الإنمي والاجهزة الإلكترونية والألعاب وغيرها ..





















طبعاً ما فيه غبار في اليابان بس بغيت أكح يوم شفته ههههههههه











هاليوم كان أول يوم أبعد كثير عن المكان اللي ساكن فيه وأتنقل بين المحطات وهنا دخلت بجو طوكيو والنمط السريع وملاحظة الناس والرهبة اللي فيني راحت ،، يعني الحين الشعور بأني غريب بدأ يختفي وبهذا الإثارة راح تزيد ههههههه


نـشـوفـكـم بـ الأجـزاء الأخـرى












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-09-2018, 02:38 PM   المشاركة رقم: 7

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا



[ اليوم الـرابـع فـي طـوكـيـو ]





أخيراً تركت الفندق المخيس اللي كنت فيه ،، مخيس من ناحية إني طوّلت فيه وأحسّه مهجور ومكتب الاستقبال يسكر بدري هههه فما حسيت إني بفندق رغم إن كل يوم الصبح الفوط قدام الباب وفي مظلات مجانية وأمان فيه باب برقم سرّي وعندهم الـ تشيك إن والتشك أوت سريع جداً (كل الفنادق باليابان كذا) ،، فقلت خلني أدلّع نفسي وشفت لي فندق 4 نجوم قريب وحجزت فيه لمدة 5 أيام اسم الفندق "Hotel Wing International Premium Tokyo Yotsuya" خمسة أيام = 1500 ريال ..

هنا الفندق بديت أشوف ناس أكثر بكل وقت بالدخلة والطلعة والنزلة والجيّة والفندق على شارع عام مليء بالناس والمطاعم والبقالات وغيرها ،، عاد وصلت الفندق على الساعة 11 والـ تشيك إن الساعة 2 ،، قلت أدفع وأخلص أموري وأترك شنطي وأرتاح شوي بالبهو وبعدين أروح أتغدى ،، طبعاً أول ما دخلت 3 من الموظفين كأنهم كانوا منتظريني يناظروني من أول ما دخلت لين وصلت قدامهم وينحنون لي ويرحبوني فيني<--- مستانس حاس إني والي المدينة هههه ،، عاد قعدت شوي بالبهو إلاّ على الساعة 11 ونصف يجيني واحد ثاني ويقول هل أنت سيّد الفيصل؟ قلت نعم أنا هو ،، ماذا دهاك يا رجل ( هذي من عندي هههه) قال غرفتك جاهزة وتقدر تدخلها الحين وشنطك موجودة بالغرفة الحين ،، بغيت أقول له الله يريّحك كما أرحتني وريّحت بالغرفة شوي ..



أغلب حمّامات اليابان فيها هذا الشيء الجميل ،، تعرفون وشو؟

هذا واضح إنه شطّاف لكن من المرحاض نفسه ويمدي تتحكم بضغط الماء ودرجة حرارته وعلامة الموسيقى هي صوت سحبة السيفون ههههههه وأكيد فاهمين ليش ويمدي تتحكم بالصوت عالي أو منخفض وأشياء ثانية ما أدري وش هي هههههه

كان يوم أحد وكنت بتغدى مع إحدى الزميلات لأنه اليوم الوحيد لها عطلة ،، ضغط العمل عندهم مو طبيعي حتى يعملون يوم السبت! فقالت نتغدى وبعدين نروح سوق السمك ،، أنا والله مالي بسوق السمك لأنه ريحة وما أقدر أتحمل صراحة هههههههه بس قلت يلاّ ..



الغداء كان تشيراشي "ちらし寿司" كم أعشق هذا الشيء



وهي أخذت نفس الشيء ،، عاد هذي من يوم كانت تدرس في المعهد وهي معروف عنها عطوفة وحنونة على الجميع وتساعد الطلاب بالواجبات ،، عاد باليابان زادت عن حدّها خخخخ تقول لي وين أقرب محطة عندك؟ قلت الفلانية قالت خلاص بكون هناك على الساعة الفلانية ،، قلت وين مطعم السوشي وسوق السمك؟ قالت في المكان الفلاني وشيّكت وطلع بعيد ،، سكنها بعيد عن سوق السمك وعن محطتي وتبي تطقها مشوار من عندها لمحطتي لهناك ،، قلت لا نتقابل بالمحطة حقة سوق السمك ،، قالت وشلون بتروح هناك؟ قلت فيه وسيلة مواصلات اسمها مترو سمعتِ عنها؟ قالت وشلون تعرف ويمكن تضيع ومدري وشو ،، طبعاً هي نيّتها طيبة وتبي تساعدني لكن حسيت إني غبي من أسئلتها هههههه المهم بالموت أقنعتها إننا نتقابل هناك ،، المهم تغدينا وهي دفعت طبعاً وقلت لا ما يحتاج قالت "لالا عادي أنت ضيف وأنا الحين أشتغل أقدر أدفع" ركزوا اللي بالأحمر لأنها تعتبر ثقافة ،، المهم بعدها رحنا سوق السمك ..



















أنظف سوق سمك رحت له بحياتي ،، والمنطقة ما فيها ريحة أبداً الريحة بس إذا قرّبت مرة للسمك تشم لكن إذا مشيت بالنص ما فيه ريحة أبداً ..

عاد بعدها رحنا لـ أجمل مكان شفته في طوكيو ويمكن في اليابان كلها ،، عاد بالطريق شفت هالشيء



آلة بيع موز الموزة الوحدة بـ 4 ريال ونصف هههههه ويييييين









المكان هو حديقة قصر الإمبراطور الياباني في طوكيو "皇居" ،، هالمكان لازم على كل شخص يزور طوكيو إنه يروح لها! كان مكان جميل ويفتح النفس لدرجة عجيبة واحكموا من الصور!



























كيف الجمال؟؟؟ بس أو أكمّل؟؟؟





الحارس العصبي ههههه ،، والله صورت له يمكن 10 صور بأوقات متفرقة وبكل الصور شكله صارم ونفس الخشّة هههههه





صوّرت حول 140 صورة لكن اكتفي بهالصور هههههه

طبعاً الحديقة كبيرة وقعدت حول 3 ساعات ،، عاد بعدها الزميلة قالت وين تبي تروح بعد هذا؟ قلت بيّض الله وجهك وما قصرتِ ،، ما أبي أشغلك أكثر ويمكن عندك شغل أو مواعيد أخرى أو على الأقل ترتاحين ،، قالت لا عادي ما عندي شيء وووو إلخ ،، طبعاً لاحظتها في أغلبهم ،، أحس إنهم ما يرتاحون إلاّ أرضوا ضميرهم بـ مساعدتهم لي ومحاولة إرضائي لأقصى درجة! المهم ما قدرت أخليها تشوف شغلها ووقتها إلاّ يوم قلت إني أنا تعبان وبروح الفندق ارتاح وبعدين بقابل أخويا ثانين بمكان بعيد ،، عاد هنا قالت خلاص بس بروح معك لمحطتك قلت لا تتعبين نفسهم قالت لا أنا ودي أروح ويمكن تضيع (رجعنا للطير ياللي ههههه) ،، أطلع الآيفون وأوريها التطبيق حق المترو وأقول لها آخذ القطار الفلاني وأتنقل للقطار الفلاني من هالمحطة وبعدين أروح لهالمحطة! قامت قالت طيب الحين أي طريق لازم تروح؟ (مسوية تبي تحجر لي هههه) قعدت أناظر وقلت هناك وآخذ طريق شينجوكو وأنا عرفت لأنه نفس القطار اللي جينا منه ،، قالت زين وودّعنا بعض ومشت ،، عاد أنا رحت للمكينة عشان أشحن البطاقة وانتظرت عشان مكينة تفضى ويوم رحت وقعدت أدوّر زر حق اللغة الإنجليزية وأضغطه إلاّ فجأة أشوف وجه جنب المكينة وتقول (تعرف وشلون تشحن البطاقة) هي نفسها ،، مشت شوي ووقفت تشوفني وش بسوي ،، قلت لها ناظريني وأنا أشحن بفن وبسرعة هههههه وشحنت وخلصت وقلت خلاص عاد روحي شغلك وأنا بمشي ،، وأنا ماشي للدرجة اللي يوديني للقطار اللي أبيه أشوف ورا إلاّ توّها واقفة وتودع ،، هذي ثقافة أيضاً لقيتها في اليابانيين والكوريين ،، ما يمشي إلاّ إذا غبت عن ناظره ومشيت ووصلت الفندق بسلام ههههه

رجعت الفندق تعبان ،، وأول ما دخلت رغم إنه كان مشغول شوي إلاّ إن واحد من موظفي الاستقبال انحنى لي وحياني وكمل شغله ،، ارتحت شوي بالفندق وبعدها رحت أقابل أصدقاء لي من الصين في منطقة شيبويا وراح أتكلم عنها بتقرير آخر بعدين ،، تغدينا بمطعم بوفيه صيني أكلت أكل عن 3 أيام ههههههه وطبعاً رفضوا إني ادفع وقالوا أنت ضيف! وعطوني هديّة ثمينة ،، لبس حمّام ياباني ،، وأنا ما جبت لهم شيء يسوى ،، رحت بهدايا قليلة لأقرب الأصدقاء وجبت معي تمر بأكياس صغيرة ،، المرة الجاية لازم أجيب لهم ثوب وطرحة هههههه









هذولا هم ،، بيتزوجون قريباً ويقولون أنت من الحين معزوم على عرسنا في بكّين ،، والله أتمنى من كل قلبي أروح لعرس ثقافي شرقي!

========

وقضينا وقت وسوالف ممتعة وبعدين ودّعنا بعض ورجعت الفندق ،، أول ما دخلت تعبان وحالتي حالة ،، عاد الفندق بالليل نور خافت وما فيه شغل ،، أول ما دخلت كانوا 3 يسولفون والله للحين الصورة براسي ،، أول ما دخلت واحد منهم شافني وقال شيء لهم وكلهم الـ 3 يناظروني وينحون ويحيّون ،، هنا التعب والانهاك راح ،، ناس تفتح النفس والله هههههههه

المهم إنهم قعدوا يناظرون وكل شوي ينحنون لين ركبت المصعد وطلعت فوق ،، عاد حطيت شنطتي ونزلت تحت بروح للبقالة أشتري سناكس ،، بقالاتهم أحسن بقالات في العالم ،، راح اتكلم عنها بعدين ،، المهم أول ما طلعت إلاّ هم سمعوا صوت المصعد واحد نازل ،، يوم طلعت إلاّ سووا نفس حركة أول ما دخلت ،، رحت البقالت شريت ورجعت الفندق ونفس الحركة ههههههههه شيء عجيب والله! بغيت انزل مرة ثانية أشوف يسوون نفس الحركة أو لا هههههه

نـشـوفـكـم عـلـى خـيـر












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-09-2018, 02:40 PM   المشاركة رقم: 8

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا


الــيــوم الـحـادي عـشـر




[ اليوم الـسـادس فـي طـوكـيـو ]





لاحظوا إني طمرت اليوم العاشر في اليابان والخامس في طوكيو لأني خذيت راحة وبس مشي حول المنطقة اللي ساكن فيها ،، وقعدت أعدّل وأضبّط بالصور وأتابع الوضع السياسي العربي ومن هالكلام ..



في الحادي عشر قابلت الحلوين ذولا ،، من اليمين ياسوهيكو وأنا وجنقسو(كوري) وشوتا ،، اليابانيين الاثنين ذولا غير عن أغلب اليابانيين اللي تعرفت عليهم ،، أغلب الشباب اليابانيين اللي أعرفهم هدوء وخجل وثقل ،، هذولا راعين نكت ولكاعة!

مدري ليش بس أصعب قرار نتخذه كان قرار اختيار المطعم ،، اختاروا مطعم صراحة كان فيه أكل غريب وفريد من نوعه





صلصة مكونة من 17 شيء ،، طعمها كان عالمي!



تشيكن ساشيمي يعني دجاج نيء هههههه والله طعمه كان حليو



لحم صحان ني ،، كيف بس؟ أول مرة آكل حصان ،، كان ودي آكله مطبوخ عشان أعرف طعمه كيف ،، ما أحس طعمه مختلف (أكلت لحم بقر ني بكوريا هههه)



رز مقلي ياباني (فرايد رايس)



نسيت وشو ههههه



مفاصل دجاج ،، أكلت وحدة وحمدتُ الله





النادلة اللي سوّت القلب

صار لي موقف جميل ،، أنا وشوتا رحنا ننتظر لدورة المياه ،، عاد هو واحد بس ولكل الجنسين ،، كنا نتكلم (إنجليزي طبعاً) وقدامنا يابانية كل شوي تلتفت علينا وتبتسم ،، يوم جاء دورها تدخل الحمام إلاّ تناظرني وتأشر بيدينها لي للحمام ،، يعني تبي تدخل قبلي! استغربت وأشّرت لها إنها هي تدخل ،، شوتا الياباني استغرب وقال لي تعرفها؟ هههههه قلت ولا عمري شفتها ،، قال ليش طيب سوت كذا؟ قلت وش دراني اسألها إذا طلعت ،، قال لالا ما أقدر أنت غريب أنت اسألها ،، قلت قدّام ،، يوم طلعت جت باتجاهنا وقلت لها تفهمين إنجليزي؟ قالت أيه قلت هل كنتِ قاعدة تتسمعين علينا؟ قالت إيه قلتُ مازحاً هذه وقاحة هههههه انهبلت وتعتذر وتقول ما كان قصدي بس حبيت اتكلم إنجليزي معكم ههههه عاد قعدت تسألنا كيف نعرف بعض ووش قاعد أسوي هنا وكيف تقابلنا وووو إلخ ،، وراحت عاد خويي يقول باليابان مستحيل أحد يسوي كذا بس لأنك سائح يسوون كذا ،، وفعلاً كل ما يصير لي شيء أقول له لأخوياي اليابانيين ،، يقولون لي غريب يمكن لأنك سائح ،، اكتشفت إن اليابانيين أطيب وألطف وأعطف مع السيّاح!

المهم رجعنا لمكاننا عاد شوتا الياباني قال السالفة لياسوهيكو الياباني الثاني واستغرب ،، عاد الثاني قال لي أتحداك تروح الطاولة هناك كان فيها مجموعة يابانيين وتتكلم معهم (طبعاً أنا أعرف شوي ياباني يعني وش اسمك؟ أنا اسمي فلان ومن السعودية وتشرّفنا وأنا أحب اليابان) وفيه جملة تعلمتها وهي مؤدبة جداً وتعني (اسمح لي أغادر أولاً - おさきにしつれいします) ،، عاد كل ما أقولها لياباني يموت ضحك لأنها تقال للي أكبر منك سناً



ليتني والله كنت أعرف أتكلم ياباني ،، كان فليتها معهم هههههههه طبعاً اللي معي ما براسهم تصوير فالصور ما طلعت لا واضحة ولا بزاوية زي الناس المهم حسبتهم كلهم جايين مع بعض ،، بس طلعوا مجموعتين ودخلتهم في بعض هههههههه



هنا يوم قلت الجملة ومشينا

ودّوني لمقهى عربي والشيء العربي الوحيد هو الأغاني بس ههههههههه





والله بغيت أقول لها ترى هاللبس هندي عصري وهالحركة هندية ،، العرب مالهم علاقة في هالحركة بس استحيت قلت خلهم يعيشون هههههههه وطبعاً طلبوا مني الكاميرا وقالوا خلنا نصورك أنت السايح لازم أنت الي تتصور ،، وثقت فيهم لكن الصور كلها غير واضحة!

المهم انتهى اليوم بسلام ،، نشوفكم بالتقرير القادم












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-09-2018, 02:47 PM   المشاركة رقم: 9

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا



طــــوكــــيــــو










بصير اكتب اسم مدينة التقرير اللي بنزله ،، بتصير فيه أيام أكون فيها منهك جسدياً وذهنياً وتصويرياً فاكتفي بالمشي بدون ما أشيل معي لا كاميرا ولا شنطة ،، بس جوال وسماعات ومحفظة وبعض الأيام أصير أتابع مباريات كأس العالم بالفجر وأطقها نومة طول النهار!

في إحدى الأيام رحت لـ شاطئ اسمه أودايبا "Odaiba beach" ،، رحت له بالليل والمنظر كان جميل جداً















عاد الوقت كان متاخر وخفت القطارات توقف وأنا بهالمكان لأنه يبعد عن الفندق حول 45 دقيقة وإلاّ كان فيه أشياء ثانية تستحق الزيارة حواليه



بعض الوجبات :-



نودلز ياباني "うどん"



برقر دجاج وبرقر تيرياكي (موجود في اليابان فقط) ،، لذييييذ



أوناقي "Unagi" ،، من أطعم الأكلات البحرية اللي أكلتها في حياتي!







ياكي توري دجاج



حبّار ياباني











قصتين من قصص أدب اللي يشتغلون في الفندق ،، بعض الأحيان أطقها نومة للظهر خاصة إذا شفت مباراة من مباريات كأس العالم ،، اللي ينظف الغرف دايم يطق الباب وما افتح وأصير أنا مقفله وما يقدر يدخل فيدري إني نايم هههه عاد يومياً تصير لي معه مواقف ،، يجيني يقول ممكن أنظف؟ أقول إيه ممكن فيقول شكراً والابتسامة شاقّة وجهه يا حليله ومرات ما يحتاج تنظيف فأقوله لا الغرفة نظيفة فيقول ممكن أشوف؟ ههههههههه يدخل ويشوف مثلاً فوطة مستعملة وياخذها ويبدلها بفوطة ثانية! ،، ودايم لازم يدخل ويشوف إذا كل شيء تمام ،، فيه دودة ما تخليه يرتاح إلاّ إذا كل شيء نظيف ومرتب هههههههه وداااااااايم مبتسم ومفرفش ،، الله يوفقه بحياته يارب!!

ومرة كنت قاعد في البهو على اللاب توب وقاعد اسمع إلاّ يجيني واحد من اللي ينظفون في الفندق ويسألني :- (( هل بإمكاني استخدم المكنسة الكهربائية؟ )) استغربت وقلت :- (( إيه عادي )) قال :- (( هل أنت متأكد؟ )) قلت :- (( نعم أنا متأكد )) ،، ونظّف وخلص ووالله ما انتبهت له ولا سمعته ثم جاني مرة ثانية ويشكرني وينحني لي ويروح ،، بالله شفتوا أدب زي كذا؟



راح أعرض صور منوعة :-











معبر شيبويا الشهير



















قابلت بعض الأصدقاء وتعشيت معهم ،، لاحظت شيء إنهم مشغولين جداً وشغلهم يتطلب أقل شيء 12 ساعة وبعض الأحيان من 8 الصبح لين منتصف الليل! مكروفين كرف المساكين ،، بعض الأزمة الاقتصادية كثير شركات قللوا عدد الموظفين وزاد الضغط على الباقين! رغم ذلك خصصوا لي وقت بعد العشاء عشان يقابلوني ويعشّوني ويمشّوني حتى لو كان يوم عمل ،، صراحة شعرت بالذنب كثير وكنت بين إني والله ودي أشوفهم وأقضي معهم وبين إن ما ودي أشغلهم رغم تعبهم! يقولون خلنا نشوفك مرة ثانية قبل ما تمشي بس ما أقولهم مرة ثانية لأن ما ودي أشغلهم زيادة صراحة!





يوجي ،، ساكن مع أهله في مدينة ثانية وكل يوم عمل يجي طوكيو بالقطار حول ساعة نص وبعدين يرجع ،، يعني كل يوم عمل 3 ساعات روحة جية المسكين ،، قابلته وواضح إن ضغط العمل مأثر عليه وشكله نسى اللغة الإنجليزية فكان ساكت وما يتكلم كثير ،، رحمته وخليته يروح رغم إنه ما كان راضي ..





هارونا ،، أول كلاسميت ياباني في أول سمستر لي في المعهد ،، تشتغل كل يوم من الصبح لآخر الليل إلاّ يوم الأحد ،، سألتني متى تبي نتقابل قلت الجمعة ،، طلبت من مديرها بالعمل إنها تاخذ إجازة يوم الجمعة من الساعة 3 وطلب منها السبب وقالت بقابل صديق لي من السعودية ،، تقول على طول وافق تقول ياما طلبت منه إجازة لأسباب أخرى لكن رفض هههه ،، رحنا تعشينا وقضينا وقت وملاحظ كل شوي تجيها رسالة على جوالها ،، طبعاً رسايل عمل هي موظفة مبيعات ولازم ترد على الرسايل والمكالمات ،، عاد بالأخير شفت الاتصالات والرسايل زادت وقلت لها خلاص شفت وقضينا روحي لشغلك وما عليك مني ،، قالت لالا عادي ماني مشغولة ،، بعدها بـ 5 دقائق كلّمها مديرها وقال لازم تجين محتاجينك بالعمل ،، وهي بالخط قالت لي مديري يقول لازم ترجعين العمل ،، كأنها تطلب الإذن مني إنها تروح!





عائلة يابانية تعرفت عليهم في أمريكا ،، الزوج اسمه شيقيقاتسو والزوجة كوميكو والبنت الحلوة ميوا ،، يا فيهم لطف وعطف مو طبيعي ،، كنّا ناوين نتقابل في مدينة يوكوهاما وين ما هم ساكنين لكن قالوا ما نبيك تضيع وتتعب نفسهم فراح نجي لطوكيو! وتغدينا بوقت فاخر صراحة والزوج صراحة ما شاء الله عليه مثقف جداً والكلام ما ينمل معه أبداً!





وقعدنا نلعب مع البنت شوي يا حليلها خجووووووولة وهاااااااااادية مرّة





شوكو ،، أنا درست شوية ياباني خاصة الأبجدية "كاتاكانا" وهذي هي كانت مدرستي ما كنت أدري إنها في طوكيو بس هي لاحظت من الفيسبوك إني بطوكيو وقالت خلنا نتقابل ،، تشتغل بشركة تويوتا



اللي فوق على اليمين ماساهيرو واللي تحته سو والبنت هاناكو ،، قضيت أمتع يوم معهم ،، قعدنا مع بعض أكثر من 12 ساعة ،، مقهى ووعشا وعشا متأخر هههه وصالة ألعاب فيه بلياردو ولعبة رمي الأسهم ورحنا مقهى شيشة طلعوا يشيشون وحركات ومستغربين إني أنا يالعربي ما أشيّش ،، ماساهيرو نسى شيء اسمه إنجليزي المسكين ونص القعدة راحت على ترجمة ههههههههه تقابلنا 5 المغرب لين 5 الصبح ههههه









الأخيرة آخر صورة بالصبح ،، وبعدها ودعتهم







وجبات الطعام اللي أكلتها معهم وطبعاً كلها هم دفعوا ودايم الجواب واحد :- (( أنت ضيف وحنا نشتغل ))



نوع سمك ما أدري وشو ههههه







سوكياكي





أحلى أدون أكلته



طلبت الإذن منها إني أصورها وقالت بس أرجوك ما تحطها بالفيس بوك ،، ما قالت لا تحطها بالإقلاع هههههههه

النوادل والنادلات باليابان غير الأدب والذوق والاحترافية ،، ما يجون كل شوي ويزعجونك تبي شيء ،، مو مثل النوادل بأمريكا كل شوي جايك يزعجك ويقاطعكم وأنتم تسولفون متحمسين وآخر وناسة ويجي أبو الشباب يخرب أم الجو عليك عشان البخشيش!!! باليابان مطاعم كثيرة فيه زر إذا بغيت شيء تضغطه ثواني والنادل أو النادلة عندك وما فيه شيء اسمه بخشيش! وزيادة بأمريكا إذا شافوك طوّلت يلمحون لك يعني ياخذون منك الصحون أو ما يصبون لك ماء أو يجيبون الفاتورة وأنت ما طلبتها ويقولون لك نشوفكم المرة الجاية وقلة الحياء هذي! باليابان إذا المطعم زحمة يقول لك اليوم زحمة ومسموح تقعد ساعة ونصف وما عنده حركات الأمريكان بالأخير يقعد يلمح لك بطريقة وقحة!



سوبا



رز مع ساشيمي تونا



رز مع سلمون وبيض السلمون وأفوكادو



كيكة شاي أخضر



الظاهر تشيس كيك



أسكريم شاي أخضر لذيييييييييذ



سباقيتي ياباني



حلى وما أحلى من حلى ،، كيكة شاي أخضر واسكريم كرز












عرض جميع مواضيع [ السعيد ]
عرض البوم صور السعيد   رد مع اقتباس
قديم 11-09-2018, 02:52 PM   المشاركة رقم: 10

معلومات العضو


الصورة الرمزية السعيد
إحصائية العضو








  السعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud ofالسعيد has much to be proud of
شكراً: 0
تم شكره 339 مرة في 277 مشاركة
 

علم الدوله :  qatar



التواجد والإتصالات
السعيد متواجد حالياً

كاتب الموضوع : السعيد المنتدى : رياض ابن بطوطة لسياحة والسفر
افتراضي رد: رحلة العمر اليابان وكوريا








هذه جامعة ريكيو ،، بعض أخوياي درسوا فيها وأخذوني لها

















صراحة كنت دونات وحلى ومشروبات في ستاربكس خلتني أخصص ميزانية خاصة لستاربكس هههه



هذي قائمة الطعام في اليابان ،، ركزوا على بنص القائمة على اليمين ،، فيه هالكلمة スマイル وقيمتها صفر ،، الكلمة اليابانية معناها سمايل "ابتسامة" ،، يعني تقدرون تطلبون ابتسامة ههههههههههه طبعاً ما دريت عنها إلاّ قبل كم أسبوع ،، كنت أحاول اقرأ القائمة وصديق ياباني يساعدني وقال لي عنها ههه








آخر أيام كأس العالم عشتها باليابان والمباريات كانت على 2 و 4 الفجر ،، وأنا محب للأرجنتين منذ الأزل ههههه واسم عضويتي يؤكد هالشيء



المهم قبل المباراة النهائية وأنا خويي نبي نشوف المباراة مع ناس وبمكان عام المشكلة ما أحس بأجواء كأس العالم باليابان لأن منتخبهم طلع ،، المهم قلنا شكلها بالفندق لكن قرب محطة شيبويا كان مليان مشجعي للأرجنتين سواء أرجنتينيين أو يابانيين أو غيرهم وكان فيه شوية ألمان ،، عاد قررنا نقعد معهم ونلحقهم نشوف المباراة ههههههه







هالمهبول ألماني مخربها ،، داخل بين الأرجنتينيين ويشجع ألمانيا بالإسباني










وكما يعرف متابعي كأس العالم انهزمت الأرجنتين وفازت ألمانيا

عاد بعد المباراة وأنا بالطريق للفندق قابلت ألماني وبدينا نتكلم وبالأخير خذينا صورة ،، عاد وأنا ابتسم للصورة إلاّ أحس شيء على خدي خخخخخ



وبعدها رجعت وأنا تعبان وطقيتها نومة وكانت آخر يوم لي في طوكيو












عاد الوجهة القادمة كانت لـ أوساكا ،، حجزت التذكرة اونلاين واخترت باص درجة بزنس قيمتها حول 270 ريال والرحلة من حول 12 لين 9 ونصف ،، وفرت على نفسي قيمة الفندق


الصور من موقعهم













عرض جميع مواضيع [ السعيد ]
عرض البوم صور السعيد   رد مع اقتباس
إضافة رد

مواقع النشر (المفضلة)

الكلمات الدليلية (Tags)
اليابان, العمر, رحلة, وكوريا


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع
RSS RSS 2.0 XML MAP HTML

Loading...

Powered by vBulletin™ Version 3.8.7 Copyright © 2012 vBulletin ,

IP