ناس زمان قالوا :

يمشي زمان ويجي زمان

الجيب عامر والراس فرغان..

اللسان معسل والقلب ڨطران..

يولي الخير ياسر..

ومول المال واصل..ومول العلم حاصل..

تجي ذرية كي المدفع في الدنيا ماتنفع

يعلا البنيان..وتكثر لفتان ويقل الإيمان..

تقل النصايح وتكثر لفضايح..

ولي جاي كثر من لي رايح

تكثر النسا وتغلا اللبسة..

والقلوب على بعضاها تقسى ..

يولو الرجال كي النخل والنسا كي النحل

على اخر الزمان يقل الحياء ويكثر الرياء

يولي الخير مشتت والراي مفركت..

والحي يغير من الميت

يولي الراجل هايم والنسا بلاكمايم…

وما بقالك في الدنيا ما تلايم ..

ياربي الطف بينا..

منال نور الهدى ,الإدآرة العآمة ,الحسناء معجبون بهذا

كلام زمَان حكمة

منال نور الهدى معجب بهذا

النعجة ما تعشق الذيب

و الفقر عمرو ماكان عيب

و كل بنادم في كبرو يشوف الشيب

و الطفل الصغير كنزو فالدنيا شوية حليب

و كل عاشق يتمنى يتنفس هوى الحبيب

و كل واحد يدي لي كتبلو النصيب .

منال نور الهدى معجب بهذا

ما ينفعك في الضّيق غير ذراعك،
وما يوكّلك الحلو غير صباعك..
لي راح وخلّاك، يجي النهار ويتمناك،
ما تقطع الواد حتى يبانو حجاره
وما تمشي في الليل حتى يطلع نهاره
وما تصاحب حدّ حتى تعرف خباره

منال نور الهدى معجب بهذا

ماتخالط ما تقول انا الغالط
ماتعاشر النحل ما تشكي من لسعاتو
احكي سرك للغريب حتى واذا محافظش عليه ينشرو بعيد على دوارك
ولا تحكي سرك للقريب كي ينشرو يجيبلك العيب لباب دارك
زين النساء في السترة
والراجل يتقاس بالهدرة
ومتحكمش على الناس بالنظرة
تحب تشرب الماء صافي شوف مجراه
ولا حبيت تحكم لغزال تبع خطاه
وعمرك لا تقول كلام وما تعرف معناه
لازمك كلام موزون وزيد ثبت معاه
لاعينك تصحب اصحب الراجل لفحل كي البارود ديما يخلي الدم يسيل معاه
خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم

منال نور الهدى معجب بهذا

قالوا ناس زمان:
صفي القمح وذريه ،وخلي الريح يدي غبارو
القلب إذا عاد مهموم الوجه يعطيك خبارو .

عُذرٍا أخِي ناصح آمِين يُنقَل موضوعك لمكَانِه المُنَاسِب

عيب النفس في كثر الخطايا
وعيب العين من قلة النوم
وعيب العقل في موت الخلايا
وعيب الع¨لب دسان الهموم
وعيب الروح في خبث النوايا
الرجال يبانوا فالشدة
وجه البارود إذا خرج ما فيه ردة
و الرجلة ماشي فالزندة
والعظم عمرو ما يكون فالكبدة
والجايح يخلع بالهدرة
والدنيا فانية كيفها كيف الرقدة

بنت الأصل لو تطعمها خبز حافي تصونك
و قليلة الأصل لو تطعمها لحم لكتاف تخونك
بنت الأصل في الشدة و في الفرح تلقاها
و قليلة الأصل تنكر حتى الخير إلي رباها
يا ما عرفنا ناس ما فيها الوفاء
تضحك في الوجه و تطعن في القفاء
ناس في الوجه تبوس و تسلم
و ناس في الظهر تحكي و تنمم
الدنيا طويلة و الأيام تكافي
و إلي عمل فيك الشر يرجعلو وافي
إلي حطيتهم في عينيا عماوني
و إلي هزيتهم فوق راسي رماوني
عملناهم أحباب و صحبة
و منهم جاتنا الضربة
موش ساهل تلقى إلي يستاهل
و إلي يحبك ما يخليك و إلي يعزك مايبكيك
و إلي عطاك عينو لاتجازيه بالعمى
و إلي عطاك قلبو لاتجازيه بجفاء
يا لي رافد قلب أبيض نوصيك

الدنيا حقارة ولي كيفك بكاتو...
حقك يروح ظُلم من بين يديك...
والظالم عايش وزاهي بحياتو...
حتى من لحباب سمحوا فيك...
ومول النية شحال من صحبة كواتو...
اسمع كلام والديك وكلام لي يبكيك...
ولي يضحك معاك احذر من خيباتو...
لي تنوى فيه الخير بْسَمُو يسقيك...
مثل الذيب لي خدع الراعي في نعجاتو