| كَلِمةُ الإِدَارَة |
|
|
 |
 |
 |
 |
 |  |  |
| جديد المواضيع |
|
||||||
| رِيَاض إبْنُ بَطُوطَة لِسْيَاحَة والسَفَر ( لسياحة ورحلات الطبيعية ) |
 الإهداءات |
 |
|
|
|
أدوات الموضوع | إبحث في الموضوع |
11-15-2018, 08:04 AM
|
#1 | |
 
|
تزيني يا أوربا بأحلى عريسين" تقرير شهر عسـل "
بسم الله الرحمن الرحيم مدخل،،، شلون تطلب غلا وأنت الغلا كله ،،، هو فيه غيرك سكن هالقلب وأغليته  فالبدايه الحمد لله على تيسير كل شي فلله الحمد من قبل ومن بعد ،،، وودي أبدأ موضوعي بنصيحة صغيرة ،،، كثير من المقبلين على الزواج يعانون من الديون وهالشي لاحظته من مجتمعي سواء أصدقاء أو أقارب مع أن الحمد لله الحاله الماديه من متوسطه الى جيده جداً ، فكان عندي هدف أتزوج بدون ديون (وهالشي يحتاج تتغاضى عن بعض الاشياء ) ، وتناقشت مع زوجتي الغالية أن يكون الحفل الزفاف مصغر نوعاً ما وبالمقابل نطلع شهر عسل مميز غير ماليزيا ودبي اللي كل الناس تروح لها ، والحمد لله تمت الموافقه ومشت الأمور بأفضل مما توقعنا فباقة شكر وأحترام لوالدٌي ولزوجتي وأهلها على تقبلهم الفكره ومساندتهم لي ،،، تزيني يا أوربا بأحلى عريسين ولأن السفر الى أوربا كان حلم بالنسبة لي فقررت أن أول رحلة لي تكون بصحبة زوجتي ،،، وبعد الملكه فكرت وبجد بالفكره وبعد أخذت رأي المدام تمت الأتفاق ،،، موعد السفر 10 NOV 2012 الى 24 NOV 2012 بمعدل أسبوعين تم تقسيمهم كالتالي فرنسا ( باريس) 4 ايام اسبانيا ( برشلونه ) 4 ايام سويسرا ( انترلاكن) 3 ايام ايطاليا (ميلانو-فنيسيا) 3 ايام حاولت اختيار أهم المدن اللي تروق لي مع مراعاه خط السير حيث يكون الاقلاع من الرياض الى باريس والرجوع من ميلان الى الرياض ... بديت أدٌور (بقلب عامي تعبت  ) على تذاكر وكنت حريص تكون دايركت خصوصاً الذهاب فكان عندي خيارين السعوديه والطيران الفرنسيوتم أختيار وبالاخير تبين لي أن بينهم وبين السعوديه اتفاقيه وسافرنا عالسعوديه راح انزل كم صوره عشوائية اذا شفت تفاعل بأذن الله راح أنزل تقرير مفصل بالاسعار والنصائح لكل مدينه تمت زيارتها... برج ايفل اللي بغينا ننسرق منه (بتجيكم السالفه لاحقاً) ديزني لاند باريس   حظرنا مباراة برشلونه   W HOTEL بخصوص السيارة فيه موقف صار ألييييم  (راح أقوله لكم أن شاء الله لاحقاً)الســـاحرة سويــسرا (أنترلاكن )ميــلان  يمممي يمممممي  فيــنيـــسيـــا (البنـــدقـــيه )والمعذرة على عدم جودة الصور ،،، مخرج ،،، |
|
|
|
11-15-2018, 08:12 AM
|
#2 | |
|
رد: تزيني يا أوربا بأحلى عريسين" تقرير شهر عسـل "
بـــــــاريس قد كان محقاً من سماكِ مدينه العشاق ،،، لقد كانت لياليك لاتنسى ،،، معالمك الفاتنه ، شوارعك ، أجوائك الجميله ،،، كلها كانت كفيلة لتجعلني أُغرم بكِ كما قلت لكم متابعي موضوعي المتواضع أن أول وجهه لنا كانت باريس ،،، لا أُخفي عليكم في بداية الأمر تخوفي من مسئلة الحجاب ومنعه هناك حيث أن زوجتي ولله الحمد متحجبه كاملاُ ، الا أنني توكلت على الله ، وبعد وصولنا الى مطار شارل ديقوا في باريس ، لم أرى أية مظايقات ماعدا البعض يسترقون النظر ، حتى في تفتيش الدخول ، كانت فيه موظفه الجمارك اهي اللي فتشت المدام بصراحه كنت مستغرب من اللي يكبرون موضوع الحجاب والأمر جداً طبيعي ، والافضل الحجاب الملون... بعد انتهاء إجراءات المطار اخذنا تذكره للمترو والجميل عندهم ممكن تاخذ تذكره يوم او يومين او اكثر على حسب احتياجك ، بالنسبه لنا أخذنا أسبوع بتكلفه 600 ريال تقريبا وتستخدم المترو في أي وقت ( دوام المتروا تقريباً 6 الفجر الى 11 بالليل ) وكانت اول وجهه لنا بالمتروا للشانز لأن فندقنا هناك قريب من محطه جورج وكان اسمه Chateaubriand http://www.booking.com/hotel/fr/hote...ut_monthday=11 السعر: تقريبا 1000 ريال مع الافطار مميزاته: القرب من الشانزليزيه ، النظافه عيوبه: الغرفه صغيره ، الافطار متواضع جداً ، اللفت صغير بالنسبه لي المرة القادمه بأذن الله راح اخذ فندق بعيد عن الشانز ويكون قريب لمحطه مترو لأن بيكون أرخص وأكبر وعندك تذكره مترو مفتوحة... أول ماوصلنا للشانز وشفت الشارع والناس والحركه سويت كذا جوو غرييب مررره راايق كنت أحس مثل الحلم  دخلنا الفندق وعلمنا التشيك ان وصلينا وبدلنا و بعدها قلت ماودك نطلع نتعشى قالت الا والله  اثاريها المسكينه جايعه مثلي قلت يالله اخبر اللي بالنت يمدحون مطعم على الشانز  اللي هو ....وطلبنا منه بيتزا + باستا بصراحه انصدمت منه يا أننا ماعرفنا نطلب أو أن صدق المطعم وسط لاهوو واااو على المدح اللي سمعناه !! المهم بعد الاكل قلنا نمشي شوي ونرجع للفندق ننام لأن كان يوم كرف كلها تسحيب شناط وحنا نمشي شفنا هالمحل والله يا أننا فرحنا كننا شايفين واحد من أهلنا ثم رجعنا للفندق ونمنا قمنا الصباح افطرنا وبعدها طلعنا للشانز الا ونشوف أمه لا اله الا الله والشارع موقف وزززحمه غير طبيعيه ، وشرطه وخيول ، سألنا صار عندهم زي الاحتفال وجاي رأيسهم وبعد تقريبا ساعتين انتهى الاحتفال ورجع الامر طبيعي والسيارات صارت تمشي ، رحنا سألنا عن الباص السياحي وفكرته : له محطات متعدده عند كل معلم سياحي مثلاُ عند برج ايفل يوجد محطه وكل 5 دقايق يجي باص ، وفيه خريطه يعلمك أي المحطه القادمه وفيه مثل الراديوو بكذا لغه والعربي للأسف موموجود لكن موجود انجليزي ، والباص أنصح فيه خصوصا اللي اول مره يروح باريس لانه يوفر عليك جهد بحث ومواصلات وسعره رخيص نوعاً يتكون من دورين الاول مقفل واللي فوق كشف بس احيان يكون شوي بارد وكانت اول محطه لهذا المتحف لكن صار فيه زي الترميم ومادخلناه والمحطه اللي بعدها كانت لـ أنا أول ما شفته قعدت انطط اوب مصدق برج ايفل ع الحقيقه قصة برج ايفل : تم بناءه من طرف غوستاف ايفل للمشاركه بالمعرض الدولي في باريس 1889على أن يكون مؤقت ثم تتم ازالته ، وكان هناك الكثير المعارضين لبناءه ولكن بعد انتهاءه وتبين مدى روعته وكثر زواره وتم الاتفاق لبقاءه يقال انه استقطب 236 مليون زائر منذ افتتاحه ،،، بصراحه شي عجيب ولما تشوف الاف الناس بكاميراتهم منهم اللي منسدح ومنهم من يجيك ويطلب منك تصوره يعيشونك الجو كثير ناس طلبوا مني الموقف اللي بغينا نسرق منه عن برج ايفل  بالضبط وبنفس هذا المكان .... جتنا بنتين هنديتين ومعهم ورقه فيها شعار معاق وكانت تقولي انهم جمعيه خيريه للمعاقين اذا تحب تتبرع او توقع أنك مشارك في الحمله بأنك لو شفت معاق تساعده واهم يكلموننا أسمع عجوز وراي تصارخ وتقولي أنهم سرقوا بوكك ^ طبعاً ماقالت يسرقون بوكك بس يقالي اوضح انا التفت على العجوز ثم ناظرت الا اهم منحاشين ووراهم 3 عساكر يلحقونهم انا هنا قمطت العافيه واشيك بوكي وجوالاتي والحمد لله ما امداهم ياخذونها المهم العجوز قعدت تنصحنا وتقول انتبه من اي احد يكلمك او يطلب منك اي شي مثل ذولي ع طول قلهم بكلم الشرطه وتلاقيهم كثير بالشانز وهنا وبرضوا بأيطاليا حصلناهم  لكن ميزتهم مايتعدون عليك يعني يسرقونك وانت ماتدري بس مايسطون عليك...أأأأأأي تعبت من التقرير بس لعيونكم بكمل بارت باريس |
|
|
|
|
11-15-2018, 08:16 AM
|
#3 | |
|
رد: تزيني يا أوربا بأحلى عريسين" تقرير شهر عسـل "
Disneyland Paris ما يحزني الا يوم كنا نصيح نبي ملاهي الخيمه ..!!ديزني لاند هي عباره عن مدينه ترفيهيه كبيره ، وفيها أشهر الشخصيات الكرتونيه المعروفه ، الصراحه أكثر شي أنقهرت منه في رحلتي أني خصصت يوم واحد لديزني لاند ، لأنها كبيره مره وماغطيت ألعابها والشو (العروض ) اللي تقام ، لكن لا أنكر أنها كانت تجربه جنونيه وخصوصاً في هذاك اليوم كان الجو غيوووم ورذاذ ، يالله الجنه بس أخليكم مع بعض الصور هذا واحد شفناه وحوله زحمه وناس تطلبه توقيع ، الصراحه ماعرفناه بس سألنا قالوا هذا مغني مدري ممثل بريطاني مشهور ، اللي يعرفه يخبرنا الجميل بديزني لاند أنهم يسوون مسيرة كل الشخصيات يركبون بمجموعه عربات وناس تمشي بالارض ويسوون عرض وكان مررة جميل [IMG] للأسف باقي الصور شخصية ، والحين صور متفرقه من باريس عشان نقفل بارت باريس ونبدأ في برشولنه Swarovski الـــــشانز من الجميل في هذا الشارع وفي أوربا عامة قليل تحصل أحد فقير ويطلب فلوس منك ، لكن يسوي لك شوو أو يعزف لك ميوزك ويقول الأمر لك اذا تحب تعطيني ،،، وهذا قروب من الشباب يسوون شوو على الشانز وقبل بدايه الشوو يقول راح نوزع قبعات واللي معاه فلوس يشجعنا ويحط اي مبلغ واللي مامعه شي يتفرج والف مرحبا فيه  هذي حركه أعجبتني لهواة السيارات الرياضية ، مثلا شفت لمبرقيني قيمتها ب مليون سبع مية الف تقدر تدفع مبلغ وتجرب قيادتها في شوارع باريس البلاء اذا نزلت منها وش لون بتقبل بسيارتك متحف اللوفر لافييت قالري أجــوائك يا باريس آخر صوره واحنا واقفين عند برج ايفل وقفت هذي السياره ونزل منها عريس وعروسته  نزلوا وصوروا وجلسوا يسلمون على بعض يحليهم بس وبكذا انتهينا من بارت باريس ،،، ملخص باريس ،،، مدينة جميلة جداً ، ونشطه يعني ماتحس بالوحشه لان شوارعها حتى اخر الليل فيها حركه ، تقدر تعيش ع قد فلوسك بمعنى فيها ممكن أنك تتعشى ب 500 ريال وممكن 80ريال في مطاعم الفاست فود ، التنقل سهل وخيارات متعدده ، أجوائها من بعد نوفمبر لا أنصح للي مايحبون البرد واننتضروا البارت القادم بارشلونه لكل من قيمني |
|
|
|
|
11-15-2018, 08:21 AM
|
#4 | |
|
رد: تزيني يا أوربا بأحلى عريسين" تقرير شهر عسـل "
وفي فجر 14 NOV كان موعد التشيك اوت من الفندق ، كان الجو بارد والشارع تقريباُ فاضي ، أخذنا تاكسي و الى مطار شارل دي قول متوجهين الى برشلونه عبر طيرانوكان الحجز مسبق قبل السفر بحوالي شهر وكانت التذكره تقريباً 1050 للشخصين تشمل حقيبه 23 كيلو + VIP فاست بوردينق (تقص البوردينق وتدخل الطياره بدون تمسك سرا ) ملحوظه: في أوربا دقيقين حبتين على الوزن ، وسعر الكيلو الواحد غالي ، لأن كان عندنا زائد 4 كيلو وطلبوا مبلغ 200 يورو يعني حول 1000 ريال سعودي يعني نفس سعر التذكره للشخصين ، أخذنا بعض الاغراض بالهاند باق ودخلناها معنا بالطياره وماحسبوا شي وواحد من اخوياي كلفه الوزن الزائد 8000 لرحلته لانه انتقل من مكان لمكان وكل رحله ياخذون عليه رسوم وتقريبا على شروق الشمس اقلعنا وفي حدود الساعه والنصف تم الوصول والاستعداد للهبوط اول ماوصلنا رحنا لمكتب المعلومات واستفسرنا عن موقع الفندق ، وطلبنا تاكسي الفندق هــو W BARCLONA فندق أتعب وأنا اقوووول جممييييييل كود: http://www.booking.com/hotel/es/w-barcelona.html?aid=318615;label=New_English_EN_ROW _District-uq1N0c86JIBO54MNB2J9uwS18358747225%3Apl%3Ata%3Ap1% 3Ap2%3Aac%3Aap1t1%3Aneg%3Akw_inurl%3Aen.html%23inu rl%3Abooking.com%2Fdistrict%3Aws%3D;sid=a0c38d46fb a900c42e01072921089385;dcid=1&lang=ar ركبنا التاكسي وبصراحه تعيش جو السائح يفتح لك الابواب ويركب الشناط والشي اللي فقيت خشتي عنده يوم قالي تحاسب كاش والا فيزا قلت عندك الاله في التاكسي قال اي وحاسبت فيها واعطاني الايصال ..!!مالت على تكاسينا نزلنا وهذا مدخل الفندق استقبلنا موضفين الريسبشن بأحلى ابتسامه واخذوا صور الجوازات وسلمونا الكارت وكانت الغرفه في الدور 22 دخلنا الغرفه وهذي صورها وللأسف تصوير سريع وماكان واضح  وهذي صوره أوضح من النت لعيونكم الفندق 5 ستار ويستاهل كل نجمه ياخذها ، الستائر تتحكم فيها واير لس ، استيروا للأجهزه آبل ، أظاءآت على اطراف الديكورات بعده الوان تختار الجو اللي يناسبك ،،، يعني فندق رومااانسي بمعنى الكلمه وهذي بعض مرافق الفندق جزء من المرافق بالليل المسبح الافطار في لوبي الفندق كان جمميل ومتنوع بس للأسف مالقيت صوره وفي اخر يوم صحينا متأخرين واتصلت عليهم قلت ممكن تطلعون لي الافطار قالوا اوك وووشووي الا ويطق الباب ويرتب لنا الطاوله هذا الفندق كرهني في فنادق ال5 ستار اللي عندنا ، انا بعد الزواج وقبل السفر سكنت في برج المملكه (الفورسزون) الدور 44 وكان هذا هو المطل نرجع لموضوعنا ،،، زي ما قلت لكم في بارت سابق أغلب مدن أوربا يكون عندهم شارع حيوي مهم ، الشارع المشهور في برشلونه أسمه الرامبلا وهو شارع جميل وبجانه دوار اسمه كولومبوس ،،، الشارع يبعد عن الفندق تقريباً 3 كيلو وبالمشي 45 دقيقه تقريبا، والطريق جميل تمر على الشاطئ ومول ومجموعه مطاعم وكفيهات... قررنا على نهاية الظهر نطلع نتغدا ونروح الرامبلا طلعنا من الفندق مشي.... ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، ونمشي ،،، اليييييييين مرينا عند هذا المحل دبابات واشوف المدام وارجع اشوف المحل وكنها جازت لي الفكره ، وسألت نقدر نستأجر وكيف الطريقه لأننا سياح ..!! قال بسيطه 1- رخصه قياده 2- مبلغ تأمين عشان لو مارجعنا له الدباب (المبلغ مسترد) 3- تأمين في حالة الحوادث لا سمح الله ( وفيه نوعين بنسبه تحمل أو تأمين شامل ) أخذنا شامل (والمبلغ غير مسترد) والمدام ترجع ورا وتقول  تكلفه الدباب تقريبا 270 ريال يوم كامل 24 ساعه يالبى الرخص فالثمامه البانشي ساعه وحد ب 160 ريال والسوداني يطاردك قبل يخص الوقت ووخلصنا الاوراق وركبت العروس ورا وهجوله بشوارع برشولنه والله يا أنها متعه لا توصف وبرشلونه الدبابات أكثر من السيارات فالشوارع .. ووصلنا للرامبلا شارع جميل وكله أشجار و ع اليمين واليسار مطاعم وكافيهات وبالطريق تحصل كوشكات فنانين ورسامين  جازت لنا الفكره قلنا ناخذ وحده ذكرايات لان مخططين اي مدينه نزورها ناخذ منها شي للذكرى وبالليل احدى الحركات اللي استغربنا منها ، واحد يسوي مثل شكل شخصية ويوقف مثل الصنم مثل هذا ششي غريب يوقف ساعات ، احيان نجي الضهر ونطلع العشاء وهو لسا واقف وحاط قدامه قبعه اذا حطيت فلوس يتحرك او يخليك تصور معه ... أسلوب من اساليب التسول المحترم  وهذا برضوا وبأخر الليل لقينا سوبر ماركت اخذنا منه سناكس ورجعنا للفندق ... وأهم شي لبقنا الدباب قدام الفندق وخلص هذا اليوم |
|
|
|
|
11-15-2018, 08:22 AM
|
#5 | |
|
رد: تزيني يا أوربا بأحلى عريسين" تقرير شهر عسـل "
من بكره اصبحنا وبعد الفطور فيه مكتب خاص بالكونسيرج ، رحت لهم وقلت ابي جدول لليوم هذا ابي ازور مناطق جديده قالوا في بارك قريب اعطوني خريطه وأعطوني الوصف... شغلنا الدباب وتوكلنا على الله والله كانت شوي بعيده وكل شوي وواقفين نسأل اتوقع المسافه من الفيصليه الى مستشفى المملكه وبهالدباب ندربي هالراس  وهذي صور من البآرك وحنا راجعين شفنا مبني غريب وحوله زحمه والدخول بالتذاكر وبالاخير صارت كنيسه ياجعلهم الصلاح بصراحه كنت أشوفها جميله بس بعد سويسرا طاحت من عيني وطلعنا بعدها للرامبلا وكثير نصحولي الاكله الاسبانيه الشهيره (الباييلا) وكان طعمها غريب بس جميله وفيه متحف الشموع مجسمات لفنانيين وشخصيات عالميه وكأنها حقيقيه وبكذا نكون خلصنا بارت برشلونه والقادم هو سويسرا مميزات برشلونه: مدينه جميله أتوقع اللي خلانا ننبسط فيها هو الفندق والارتياح النفسي والثاني وبكل أمانه هو الدباب غير لنا جو كثير ، برضوا تحس في برشلونه كأنها مدينه عربيه يعني كثير حصلنا مطاعم مشاوي وشاورما وحصلنا مغاربه كثارلكم جميعاٌ |
|
|
|
|
11-15-2018, 08:30 AM
|
#6 | |
|
رد: تزيني يا أوربا بأحلى عريسين" تقرير شهر عسـل "
مدينه برشلونه !! حضور مباراه برشلونه في ملعب الكامب نو ولأنني من عشاق لعب فريق برشلونه كان من أهم الامور أني أحضر المباراه اللي تصادف موعد رحلتنا وكانت بين برشلونه وسرقسطا وأشوف اللعيبه على الطبيعه وبصراحه كنت ما اعرف كيف أخذ التكت ومكان الملعب بس قلت نروح هناك وبييسرها ربي وفي ثالث يوم لنا في برشلونه وحنا نمشي في شارع الرامبلا ، الا وتقابلنا بنتين طالعين من كشك فيه شعارات برشلونه وعرضوا علينا التذاكر ، وانا اقول جابكم الله والمدام ماش ماودها (وبالاخير طقاق عشان تطلع من الملعب جاز لها الوضع )قيمة التذكرتين تقريبا 600 ريال يعتبر نوعاً ما سعرها كويس بمقارنه اسعار الكلاسيكو وهذي صور متفرقه من الملعب والمباراه xavi ميسي شوف الزحمه الجماهير مع ان المباراه شبه محسومه النتيجه برشلونيه hap  b189وحنا طالعين شفت هاللوحة وعجبتني مره قلت ناخذ صوره تذكاريه بصراحه ماكنا متوقعين راح يكون حماس فالمباراه والاجواء والمشجعين الاسبان مجانين يخلونك تستمتع غصب اوب مثل ربعنا بصراحة تجربه لاتنسى والوضع مناسب للعووائل وكلن بحاله ســويــســرا  وبعد اروع 5 ايام في برشلونه وبتاريخ 18 نوفمبر حان موعد رحلتنا الى الساحره انترلاكن في سويسرا وكان الحجز على خطوط vueling كود: http://www.vueling.com/en/ من برشلونه الى زيورخ السويسريه (لان قرية انترلاكن لايوجد بها مطار وتبعد عن زيورخ تقريبا 170كم) وكان قيمه التذكرتين حوالي 1100 وتم حجز سياره قبل موعد السفر من وكيل شركه sixt من فرعهم بطريق خريص مقابل مدينه الملك فهد الطبيه ، يكون استلام السياره من مطار زيوريخ وتسليمها في فرعهم بمدينه لوقانو القريبه من ميلانو الايطاليه بحوالي 70 كم ، والتفاصيل بالصوره التاليه قيمه السياره مرسيدي أو بي ام دبليو لمده 3 ايام تقريبا 1050 ريال سعودي فالمطار بأنتظار طيارتنا  وواضح من الصوره طيران الامارات الحمد لله كانت الرحله اون تايم واقلعنا  ودخلنا الاراضي السويسرية قمم الجبال البيضاء ولله الحمد تم الوصول بسلآم  خلصنا إجراءات المطار ورحنا لمكتب التأجير لنستلم السياره وقالت لنا موظفه الشركه السياره اللي طلبتوهها غير متوفره لكن راح نعطيكم فئه اعلى أما سياره اودي A8 أو مرسيدس بانوراما  واعطونا الاودي A8 موديل 2012 وكانت ماشاء الله نظييفه وجديده وبعد قراءه الاذكار تم الانطلاق الى انترلاكن وكان الجو تقريبا المغرب ....وحنا بالطريق نمشي ،،، نمشي ،،،، وحنا بالطريق ضـــلام ضـــلام والجو يظلم أكثر أكثر أكثر أكثر فجأه ...!!! الى ورانا شرطه تشغل السيفتي وتقول وقفوا !! قالوا أنكم مخالفين تعالوا معنا الى مركز الشرطه ورحنا للمركز وجلس يحققون معنا ويتأكدون من اوراقنا جلسنا تقريباً ساعتين يتأكدون أننا نظاميين وبالاخير قالوا ادفعوا قيمه المخالفه كاش ، ومخالفاتهم دبل مخالفاتنا ..!! بصراحه هنا قفلت اخلاقي وعرفت مدى صرامتهم ، وأكثر شي قهرني لما قال انت سعودي عندكم بترول ..!! بشرح لكم المخالفه نوعها عشان تستفسدون منها ... تجاوزت سياره مثل السيارة الخضراء اللي بالصوره والخط الابيض متصل ، وهذا خطأ ما تتجاوز الا في حالة كان الخط الابيض متقطع !! وخويكم متعود على سواقه الدائري  كانوا يقولون لي لو أنك مواطن اوربي سحبنا منك الرخصه!! مالت عليكم وعلى نظامكم  المهم بعد ماخلصنا ودفعنا المخالفه طلبنا منهم وصف الفندق مع ان معنا نيفقيشن بس قلنا أضمن، وقالوا الحقونا ووصلونا للفندق وكان الوقت متأخر وكنا مرره منهكين ..!! وكان فندقنا اسمه Goldey Swiss Quality وعلى موقع بوكينق كود: http://www.booking.com/hotel/ch/goldey.html?aid=311984;label=hotel-65024-ch-4LehocILjIEd%2Apo8QfG1rwS10818317593%3Apl%3Ata%3Ap 1%3Ap2%3Aac%3Aap1t1%3Aneg;sid=a0c38d46fba900c42e01 072921089385;dcid=1&lang=ar الفندق بشكل عام متواضع لكن يميزه أن مطل على النهر ويبعد عن وسط القريه 5 دقائق مشي بالاقدام ويوفر درجات هوائيه (سياكل  ) تتمشى فيها فالقريه وكانت تجربه ابدااااااااااع  عملنا التشك ان وعطووول نوووم  قمنا الا على هذا المنظر    بصراحه الاجواء والمناظر نستنا معاناة الليلة اللي طافت صلينا وقلنا ننزل للفطور قررنا بعد الفطور نطلع لبحيرة البلوسي شغلنا السياره ونوكلنا على الله وبالطريق الوقت تقريبا الظهر والاجواء تم الوصول ولله الحمد طريق الدخول رآيق صراحة  البلوسي المعذرة التصوير لك عليه !! الثلج على الاخشاب كان الجوو باااارد كفي مطل على البحيره جلسنا فيه تقريبا ساعتين بعدين رجعنا للقريه ، وماكن فيه زحمه لأن وقت رحلتنا بنوفمبر ويعتبر بدايه الشتاء لكن تجربه جميله طريق الرجعه |
|
|
|
|
11-15-2018, 08:32 AM
|
#7 | |
|
رد: تزيني يا أوربا بأحلى عريسين" تقرير شهر عسـل "
وهذي صور متفرقه من بقية الرحله eq-15: سويسرا من أصعب الأمور أنك توصف طبيعه سويسرا ، والصور ظالمة الطبيعه لانها بالواقع احلى تنبية : وقت سفرتي لايعتبر الموسم الافضل لسويسرا ويعتبر بدايه الشتاء ن ومع ذلك نرا الطبيعه ماشاء الله لازات تبهر لكم  |
|
|
|
|
| مواقع النشر (المفضلة) |
| الكلمات الدليلية (Tags) |
| ", أوربا, بأحلى, تشدني, تقرير, يا, شهر, عريسين", عسـل |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| """معارض مداد اليراع للتسوق والإستمتاع""" | مداد اليراع | رِيَاض عُقْد الّلُؤْلُؤُ المَنْثُور " يُمنـع المَنْقُـول" | 6 | 08-19-2018 11:18 AM |
| تقرير عن جزيرة " بالي " في إندونيسيا 2015 | السعيد | رِيَاض إبْنُ بَطُوطَة لِسْيَاحَة والسَفَر | 1 | 08-09-2018 09:44 AM |
| "سبق" في جزر " يأجوج ومأجوج".. أجواؤها غريبة و"غموضها مخيف " | منال نور الهدى | رِيَاض إبْنُ بَطُوطَة لِسْيَاحَة والسَفَر | 2 | 07-25-2017 05:36 PM |
| "غوغل" تنشر دليلاً للانتقال من "آيفون" لـ"أندرويد" | منال نور الهدى | ريَاض شَبَكَة الأنترْنَت و مَواقِع التوَاصُل الإجتِمَاعِي | 1 | 11-06-2014 12:04 PM |
| مزخرف بشكل غريب كأنه " ناجيا من حرب" ... شاهد المنزل الذي " لن يُباع " | محمد العتابي | رِيَاض الأسرَة وَالطِفَل وَ أنَاقَة حَواء وآدَم | 15 | 07-12-2014 07:42 PM |
HTML | RSS | Javascript | Archive | External | RSS2 | ROR | RSS1 | XML | PHP | Tags
الساعة الآن 08:32 PM
المواضيع والمشاركات المنشورة تعبر عن رأي كاتبها، ولا تتحمل إدارة المنتدى أي مسؤولية تجاهها.
جميع الحقوق محفوظة لمنتديات رياض الأنس 2020
تصميم مكان