11-19-2018, 03:00 PM
|
#3
|
|
بيانات اضافيه [
+
]
|
|
رقم العضوية : 1095
|
|
تاريخ التسجيل : Oct 2017
|
|
العمر : 47
|
|
أخر زيارة : 11-22-2018 (07:57 AM)
|
|
المشاركات :
12,670 [
+
] |
|
التقييم : 1432
|
|
|
لوني المفضل : Cadetblue
|
|
رد: تجربتي الشخصية للفندق الأسطورة - Yas Hotel - في جزيرة الاحلام جزيرة ياس
قبل لا نكمل بحط لكم بعض الصور اللي سقطت سهوا >>>> تعال سيبويه 
اضاءه مختلفه
قبل لا اشوف المباراة قامت عصافير بطني تهوهو 
طيب شو الحل ف رأيكم ؟؟؟
ايه انت صح .... الحل ننزل نتعشى ف واحد من المطاعم 12 اللي موجودة هناك
اظن ع بالهم الناس كلها بتتعشى معاهم
عن ابو دارهم 12 مطعم 
المهم اخترت مطعم Angar وهو مطعم هندي رائع
طلبنا صالونه لحم مع خضروات مطبوخة وعصائر
الحساب طلع 48 ريال تقريبا
الله ياخذ بليسهم الخبزة الواحدة معاهم ب ريال و 400 بيسه 
بعض المقبلات
الطبق الرئيسي
ليمون بالنعناع اممممممممممممم لا حد يقول اريد ما بقيت شي
بعد ها الوجبة الدسمة رجعت الغرفة ... تابعت المباراة .... بعدها ضبطت لي التكيف والانارة
ويالله تصبحوا على خير ... لاحد يزعجنا 
هااااااااي شبابين وبناتات .... يالله صلاة
على طول من سمعت زوج الدجاجة فزيت ... بس اكتشفت شي ... الغرفة ما فيها سجادة 
وعلى طول اتصلت فيهم بالتلفون >>>> قول والله 
ردت عليه وهده هوووووورمه ... قالت نعم وشف فيك مبلشنا م الفجر انت ما تبي تنام
لا طبعا امزج بس .... قالت هلا عيوني >>>> والله نصاب
الموهيييييييييم دقيقتين والسجادة عندي
وكانت جديدة شكلهم توهم راجعين م العمره
صليت وتبطبحت مره 2 ع السرير وهاتك يا شخير
صحيت الساعة 9 على صوت تفحيط ومرايس
استغربت صراحة ع بالي شوماخر حاجز معي نفس الغرفة
المهم صحيت ... والله صحيت ... وافتح الستارة
الا اشوف ها المنظر قدامي
هذا اللي ما يستحي جالس يفحط والناس راقده 
المهم عصبت عليه وقلت له اكرهك اكرهك اكرهك 
هذا طبعا مرسى اليخوت وقدامه مضمار سباق
وممكن اي شخص ياخذ سيارة ويجرب يفحط هناك
المهم استمتعت بتفحيطه
هذا مرسى اليخوت
هذا منظر ليلي للمرسى ... واعذروني على رداءة بعض الصور
ضبطنا الامور ولبسنا وطلعنا بنروح ابوظبي المدينة
المسافة قريبة ... تقريبا 15 ساعة او بالكثير 20 دقيقة
رحنا وتغدينا بمطع اسمه الابراهيمي
هذا طال عمرك بنظام البوفيه ... يعني تبي تاكل قوم فز واترس صحنك
اخدم نفسك بنفسك
طبعا ما قدرت اصور لان كان زحمة شوي
بعدها طلعنا على ابوظبي مول ... عشان التسوق والفرفره
مولاتهم حلوة بس مش زي مولات دبي
الماكسويل من ستار بوكس ... نقطة ضعفي
بعدها طلعنا على كاسر الموج ... قضيا العصرية والمغرب هناك ... بس كان زحمه شوي
هذا فندق قصر الامارات - وهو في الخطة القادمة بإذن الله -
هذا اكثر شي احبه في البحر ... الجت سكي
طلعنا من الشاطئ على الساعة 8 بالليل
كنا تعبانين رجعنا الفندق غيرنا الغرفة الى سويت وع طول انخمدنا 
|
|
|
|