منتديات رياض الأنس - عرض مشاركة واحدة

11-08-2018, 03:24 PM

الـيـوم الـخـامـس والأخـيـر

اليوم الخامس هو آخر يوم لي في مدينة سابّورو ومنطقة هوكّايدو ،، أحدى الزميلات كانت فاضية ذاك اليوم وقالت لي قبلها بيوم اختار الأماكن اللي تبي تروح لها وأنا باخذك هناك واخترت مكانين ،، طبعاً المترو حقهم سهل نوعاً ما لكن المشكلة في الباصات ما فهمتها وكثير أماكن ومن ضنها المكانين اللي اخترتهم ما رحت لها لهذا السبب عاد هي شكلها رحمتني وتبي تساعدني وهي أصلاً ما عمرها راحت لهالمكانين رغم إنها من سكان المدينة هههه

أولاً تغدينا :-

ميسو رامن وسوي سوس رامن

المكان الأول هو مكان للقفز التزلجي اسمه Okurayama Ski Jump وأقيمت فيه دورة الألعاب الأولومبية لعام 1972 لكن الحين صار معلم سياحي وفيه مرصد للسياح يطلعون فوق عن طريق كراسي رافعة ظريفة

المهم خذينا القطار ثم باص ثم مشينا حول ربع ساعة طلوعاً ،، والله يا تعب هههه

هالصور بالطريق ،، كان تعب بس والله يسوى كل هالمشي والتعب

وأخيراً وصلنا

هذا الشيء اللي طلّعنا ،، ويوم طلعنا فوق ما توقعت المنظر ،، شفت كل المدينة وكان منظر خُرافي!!!

تشوفون القبّة؟ هذا (كان) ملعب كرة قدم ،، بقول لكم سالفته بعد شوي هههههه

وكان فيه متحف وفيه تقنية تخليني أجرب كيف القفز التزلجي على الثلج وكأنها حقيقة بس كنت تعبان وماني رايق وقلت خلني بس أروح للمكان اللي كان ودي أروح له من زمان ومشينا ..

المكان الثاني اللي ميّت أروح له هو هذا ،، ملعب سابّورو Sapporo Dome وكان ملعب من ملاعب كأس العالم 2002 ..

المفاجأة البسيطة هي إن هذا هو الملعب اللي صار فيه أكبر فضيحة كروية في تاريخنا يوم انصكينا 8\0 من ألمانيا هههههههه من نحاسة هالهزيمة حوّلوا الملعب من كرة قدم إلى ملعب تنس ههههههههه والله هالهزيمة كان لها أثر كبييير عليّ ،، اللي معي تسأل تقول وش هالمسكة ليش تبي تروح لملعب كرة تنس وأنت ما تحب التنس؟ قلت لها السالفة وقالت طيب دامها ذكرى سيئة ليش تبي تروح هههههه

المهم إني ختمت رحلتي للأماكن السياحية بهالملعب النحس

ودامها آخر ليلة لي بعض الأصدقاء قالوا خلنا نتعشى ونودعك ورحنا لمطعم هم اختاروه ..

سلطة رامن

لحم أخطبوط مقلي

لحم أخطبوط مشوي ( المفضل

)

سمك مشوي

سمك مشوي نوع آخر

محّار

لسان بقر ههههه

رز مقلي

وودّعتهم ورجعت الفندق أرتب أغراضي واستعد للذهاب لـ طوكيو