أماكن الإقآمه و الشقق:



قبل مانتطرق لليوميات
حبيت أذكرلكم الشقق التي استأجرنآها
بالتفصيل
,,

سكننا في 4 شقق في ثلاث مناآطق مختلفه
كالتالي..

3 ليآل – سراييفو

Beautiful View of Sarajevo

سعر اليوم: 12 ريال عماني
الإجمالي 36 ريال عماني / 80 يورو

تتكون من غرفه وصاله ودورة مياه و مطبخ وبلكون مطل على المدينه
شقه نظيفه ومرتبه وإطلالتها جميله جدا ممكن تشووف المدينه كلها من البلكون والجبل أيضا
مو بعيده كثير من المطار
وقريبه من مول معروف عندهم نسيت أسمه







وهنا الإطلاله من البلكون ع المدينه بالليل



وهذا الصباح







صاحب الشقه جدا بشوش ومتعآون ويحب العمانيين كثير ترك لنا الشقه مفتوحه
ووصلناها عن طريق الخريطه اللي حاطينها بالبوكينج
الشقه نظافتها وترتيبها ممتاز وفيها كل الإحتياجات

واجهتنا مشكله بالواي فاي واتصلنا بصاحب الشقه وجانا اليوم الثاني و في ثواني حل المشكله
كأن يدور ببالي سؤال ومامنعني الفضول إني أسأله

كيف تفتح الشقه وتثق فينا بدون لآتعرفنا,,ممكن ماتعجبنا الشقه أول ليله ونطلع بدون لاندفع(طبعا مستحيل نسويها بس ك سؤال)

جآوبني بإختصار: لأنكم عمانيين
إكتفى ب هالرد!!

وآنا اكتفيت ب صمت إبتسامه من رده اللي خلاني آفتحر للحظه بعمآن وآهلها اللي وين مآ حلوا شرفوآ آسم البلد وقآيدهآ..

عمآن بلد عظيم وتستحق آن نعطي عنهآ آنطبآع يعكس جوهرها المجيد الذي يفتخر به كل عماني

المهم
قربناه معنا وضيفناه الضيافه العمانيه




ومع القهوه العمانيه وريحة الهيل اللي تذكرك ريحتهآ ب البلاآد ولمة الآهل




وهالمره دوره ليسألنا وهو مبتسم وممنون لنآ كثير:
لمآذا أهل عمان جميعهم يمتلكون طيبه عظيمه ..لا أعلم هل يآترى إستمدوهآ من قائدهم العظيم أم ماهو السر؟

لا آنكر بأنه سؤاله صدمنآ..بقدر ما هو أسعدنآ,,, وضاعت لحظتها حروفنا ,,
وإكتفينآ بإبتسامة فخــــــــــــــــــــــــــر,, وشعور لآيمكن وصفه
ودمعه لم أستطع مقاومتها ,,


نعم نحن أبناء قابوس( حفظه الله)
قآئد فذ ورجل للسلام

.................


ليله واحده – موستار

Villa Park

سعر الليله: 16 ريال / 32 يورو
عباره عن فيله من طابقين صاحبها يسكن بالطابق العلوي
والطابق السفلي فيه غرف للإيجار.. وهذه الغرفه الوحيده اللي استأجرناها لعيووون المنظر العجيب





إطلالتهأ على النهر ,,منظر يخليك توقف وتسبح رب الكوون وتتدبر في عظمة الخالق,,

((سبحانك ربي خلقت ف أبدعت ف أذهلت العيووون,))

موقعها قريب من السوق وكل الخدمات,
الغرفه نظافتها وترتيبها وسط..

.................


ليلتان – بيهآتش

سعر الليله :23 ريال
الإجمالي : 46 / 100 يورو

شقه من غرفه وصاله ودورة مياه وبلكون ع النهر
عجييييييييييييييبه بكل ما فيهآ للأمانه





ف نص النهر , وإنت جالس بالصاله تشوف النهر أمامك يا سبحان الله ,, وشلال صغير والبط يسبح ف النهر و صوت الماء الهادي تسمعه حتى وانت نايم ,,
للأمانه منظر روووعه ,, جنه ماشاءالله




وهذي الجلسه اللي برا



وهذا المطبخ مرتب ونظيف وفيه كل الاحتياجات



وهذا منظر النهر اللي أمام الشقه تنزله ف خطوتين




وهنآ مدخل الفلا الي فيها الشقه جسر خشبي تقليدي بسيط لان النهر يمر من تحت باب الفيلا




وهنآ منظر النهر من زاويه آخرى



وطبعآ,,
هذي الشقه الوحيده اللي ما كانت عن طريق البوكينج...
كانت عن طريق السائق :فاظل
الشقه نظافتها وترتيبها ممتاز وفيها كل الإحتياجات


.................


ليلتان – سراييفو

Modern Sarajevo apartment

سعر الليله : 13 ريال عماني
الإجمالي : 39 ريال عماني / 58 يورو

شقه تتكون من غرفه وصاله ودورة مياه وبلكون مطل ع حديقه




الشقه للأمانه ولا في الأحلام
نطيفه وراقيه ومرتبه وفيها اللي تحتاجه واللي مو تحتاجه
حتى راشن بالمطبخ شي


استقبلنا صاحبها احلا استقبال وحاط لنا ضيافه بكل لمكان بالدروج


بالثلاجه



حتى الفواكه حاطها لنآ


وشالونا شيييييل بأمانه أنصح كل من يروح يستأجر ممعهم
والحلو أنها قريبه جججججدا من السوق الشعبي وهو أنسب سوق لشراء الهدايا
مشي 3 دقايق تقريبا,,
وتحت سوبر ماركت ومطاااعم وممشى
و10 دقايق عن المطار أو أقل,,
أنصح فيها وبقووووووه,,
والمبلغ قلييييييييييل جدا مقاابل روعتها للأمانه>>