بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

مرحبا ...
الجزء هذا خفيف
في الاجزاء القادمة (جي بي ار ، القرية العالمية ، سكاي دبي وغيرها )
سيتي سنتر مردف ومجموعه مراكز سيتي سنتي جميله بشكل عام ومخدومه بالنسبة للمتسوق والسائح بس مشكلة كاونترات الشركات السياحية هذي تسبب مضايقات ماتدري الا واحد ناط بوجهك كانه حاتم طي يبي يعزمك ويلزم عليك ثم في النهاية .. مجرد مايشوفك انت وعيالك الا يجييك يبي يدخلك فوربس من كثر الهدايا والاحلام اللي يعطيك ... بالنسبة مااعتبره موجود بالاول كنت استحي واوقف اكلمه والحين ماالتفت عليه او التفت ولا ارد بس مجرد اخليه يشوفني اني شايفه .. موب حقران والله بس قهر لعبهم على الناس وسرقهم ...يمكن فيهم احد صادق بس مابعد شفت احد في النت او في الواقع ذكر تجربة جيده معهم .. الغالبية عقود مفخخه ... بما فيها الهديه المفخخه ايضا بدفع مبالغ اعلى من التكلفة الحقيقية ..ومدري كيف تكون هدية وانت بتدفع !!!
قابلتهم في مراكز سيتي سنتر مردف وسنتر ديره بس ماشفتهم في دبي مول او مول الامارات او تايمز سكوير او جي بي ار او القرية العالمية او اوت لت او....او...
سيتي سنتر مردف مطاعمه حلوه بس ديره احسن منه وكان في ديره عرض للقطو والفار (توم وجيري ) وكنا شايفين دعاياته في موقع الفعاليات وفي سنتر مردف بس يمكن ماانتبها للمكان وطحنا فيه بالصدفه وكان من 8.3 بالليل او 9.3 نسيت كنا نتسوق ولقينا العالم مجتمعين ووقفنا معهم


يوم نروح لآي فلاي كان حولهم بعض الاشياء الحلوه ..طبعا اي فلاي موجود بركن الالعاب في المركز وكان جنبهم


اي بايلوت
تجرب معهم قيادة طائرة وكان متكلم عنها المشرف سعود وقال ان فيه في دبي مول ايضا بس طائرة تختلف اعتقد في دبي مول بوينج 777





كان فيه ناس داخل الطائرة




كنا بنسأل وجازمين اننا نحجز بس ماكان فيه احد في الاستقبال


وان شاء الله روحتي الجاية بنجربها لان شكلها حليوه ....

كان بجوارهم ايضا


هذا ملعب كوره للصغار ... الساعة بـ 400 درهم
بس ماادري وش تشمل الـ400 هذي (يالله لوهم يعطونهم لبس وكنادر وياخذون الكوره وهم طالعين بعد)

جربنا فطورهم هناك وكانت بعض المطاعم فاتحه


http://www.arabtrvl.com/vb/album.php...ictureid=14378



اللي في الصورة مااعرفه وماشفته في الصورة الا بعدين

















سكاي دبي
اكثر من 22000متر مربع مغطاة بالثلوج

- الموقع : مول الامارات
- اماكن قريبة يمكن الاختيار منها لادخاله ضمن البرنامج :
(جي بي ار ، جزيرة نخلة ، مدينة جميرا ، ستي والك )
مواعيد الزيارة :
بالنسبة لنا وهو مجرد رأي وناتج زيارات متعددة (يمكن 4 مرات) افضل وقت هو من بداية الافتتاح تقريبا 8 صباحا او الثامنة والنصف صباحا.
المكان جداجداجدا رائع والسنة هذي فيه اضافات جديدة ( كوفي جديد ، لعبة الطلقة الثلجية ) بالاضافة لبعض مجسمات الاكواخ ...
نروح من بدري وما ابالغ اذا قلت ان الموجودين داخل سكاي دبي يعدون على الاصابع احيانا والمهم انه الالعاب فاضيه جدا وتقدرون تلعبون الين يطلع اللعب مع خشومكم ...تلعب مرتين واربع وخمس ولا مرة تمسك فيها سرا ... طبعا احنا معجبنا الوضع وكأن المكان ملكنا صاير ... الزلاجات بأنواعها فاضية ... المنحدر فاضي ...الكوفي شهق بنا يوم جينا ماعنده احد ...

انواع التذاكر :
ثلاث انواع اعلاها واغلاها هو الدخول لكامل السكاي لمرات متعددة في اليوم يعني تقدر تطلع وتراجع تدخل ثانية
-الثانية نفس الاولى بس الدخول لمرة واحدة واذا طلعت ماتقدر ترجع مره ثانية .
- الثالث نفس الثاني بس ماتقدر تدخل المنحدرولا الكافيهات ولاتلعب بالكرة العملاقة ..
انا افضل الخيار الثاني لان دخول المنحدر حتى لو ماكنت متزلج ممتع جدا وتقدر تجلس بالكوفي اللي فوق او تحت
- فيه لقاء البطاريق وهذا له تذكره لحاله وهو يدخلونك فيه على البطاريق وتجلس معها والبطاريق هذي لها اصلا كل يوم عرض بعد الظهر فيعني انت بتشوفها اصلا بس من ورا الحاجز ...
- التذكرة يعطونك معها بالطو طويل او قصير حسب رغبتك وقفازات وكاوتش ( القفازات ممكن تحتفظ فيها ) بس الباقي يرجع ويعطون الاطفال (خوذة للرأس)
- تقدر تاخذ صندوق لحفظ اغراضك اللي ماتبي تدخل بها ( جزمة الله يكرمكم ،او اي شي تبي يخفف عنك داخل ) والصندوق يكون بـ 25 درهم + تدفع تأمين 20 درهم على كل تذكرة تسترجعه من اجهزة الدفع بعد الخروج ..
هذي صورة الصندوق ويتم قفله وفتحه بواسطة بطاقة الدخول للسكاي واللي عن طريقها تقدر تفتح حواجز المناطق المسموح لك دخولها


انا زرتها العام والسنة هذي تختلف بكم شغله عن العام ...يعني الجماعه شغالين ومهتمين بالتطويرماشاء الله عليهم ..

درجة الحرارة داخل حسب اللوحة كانت -2
يعني تلطموا والله يحييكم في هذي الجولة البسيطة :



اعتقد مجسمات النحاس في الصورة التالية بتتغطى بالثلج بعد فترة وتاخذ نفس الشكل







الجو في الكهف الثلج ابرد منه في المنطقة المفتوحه


















مافيه زحمه تقدر تلعب كم مره بسهوله


ركبنا مقاعد المنحدر (مثل التلفريك تنقلك لفوق وفيه توقفين الاول للجميع والثاني فقط للمتزلجين ) التوقف الاول تقدر تنزل للكوفي وجلسته جدا حلوة تكشف كل المنطقة وتشوف المتزلجين واللي يركبون الطلقة ... والطلقة هذي موب موت بس الا موت وخراب بيوت بعد
وهو انك ماتقدر تدخلها بالتذكرة العادية ..لا.. لازم تدفع مبلغ اضافي اعتقد 70 درهم وبعدين تتعلق في حبل من الكوفي اللي فوق وهووووبا يدفونك لتحت

((صورة من النت ))


-الحين صوري



يوم كنا نازلين في طريق الرجعه الولد قام يصارخ ويحذرني وبابا انتبه وانا تروعت معلقين في السماء وهذا قام يصارخ
هو في اول ابتدائي وطبعا موذينا في الشوارع وكل محل يقرا اللوحات ( طفر بالقرايه) وكان فيه لوحات تحت تحذيرية للمتزلجين ( خفف السرعه ) وابو الشباب قراها ( فخ ) وحسب ان فيه شي بيصير لنا


الكوفي فوق فيه جلسات داخل الكوفي وجلسات برا ... طبعا برا اشرح وخصوصا مشغلين كشافات مسلطه على الجسات ومدفيه المكان







وهذولي جايين يركبون الطلقة ... وماصمل الى الحرمه وللي معها رجعوا ... مدري ماحجزوا او طقتهم ام الركب



جلسنا تقريبا 4 ساعات كانت ولله الحمد ممتعه جدا وعلى الساعه 2 بعد الظهر يبدا المكان ينزحم ويصير قدامك في اللعبه 10 او 15 عادي ...
احنا مع بدايات الزحمه نكون خلاص اكتفينا ..
ودنا لو يكون فيه مطعم حلو جوا ( مطعم طبخ ونفخ ) لان الكوفي مستواه موب مره بس مكانه حلو والكوفي الثاني مادخلناه ومكانه تحت عند نهاية (الطلقة الثلجية)

المكان جدا حلو وممتع وانصح به بقوه وفيه كورسات للي يبي يتعلمون التزلج ...

استمتعت بتذكر احداث الـ ( سكاي دبي ) واتمنى انها تكون ممتعه لكم

كونوا بخير ...