بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

من قوة البرد اللي عندنا حلمت اليوم انو فتح جنبنا حي مكسيكي ودافي

درجه الحراره حاليا -19 وتحولنا بطاريق ولله الحمد

نرجع لموضوعنا الدافي
..

بعد مااكتشفنا المكان قلنا بنروح نتمشى ونشتري اللي ناقصنا ..
اخذنا تاكسي وقلنا ودنا السوق .. قال السنترو قلنا السنترو السنترو اللي تبي ، قال فيه سوبر ماركت كبير .. قلنا ودنا السنترو الحين والسوبر ماركت مره ثانيه ..
اسعار التاكسي موحده هناك على حسب الفندق والمكان اللي تبون تروحون له .. يعني من فندقنا للسنترو 16 او 17 دولار ..
في الطريق مرينا على هذا السوبر ماركت ومدحه لنا صاحب التاكسي وقريب من السنترو يعني يمدينا نروح له مشي


..
اول ماركبنا التاكسي ماسألناه بكم .. يوم وصلنا قلنا كم الحساب قال 160 .. احنا طيرنا عيونا نحسبه دولار بس اشوى طلع بعملتهم ..

هذا المكان قدام السنترو .. وهو ميناء الفيري اللي بنركبها اخر يوم
وشجره الكرسميس متواجده في كل مكان



وهذا سوقهم الشعبي









المحل اللي فوق دخلته علشان اسعاره واضحه وراح اعرف انو مارح ينصبون علي ويعطوني سعر اغلى .. باقي المحلات اذا سألتهم عن قطعه معينه يقولون مثلا 20 دولار واذا طلعت وخليتهم توصل القطعه ل 5 دولار ويلاحقوني بس للامانه مارجعت وشريتها .. خلوهم يتأدبون ..

جوله في السوق





وشجره كريسميس اخرى



و تماثيل ل مريم و عيسى عليه السلام


..
لفينا في السوق كذا لفه ولا لقينا اللي نبيه .. قلنا بنتمشى شوي الين نوصل للسوبر ماركت اللي حطيت صورته قبل ..
كان الجو جميل .. والمنطقه مره امان مع انو كان ليل بس ماخفنا وفيه سياح كثير يتمشون ..
ووصلنا السوبر ماركت
صور السوبر ماركت الدور الارضي





تحت فيه بس محلات .. وفوق عاد السوبر ماركت الكبير وموجود فيه كل شي ممكن تتخيلونه .. ونظيف ومرتب وهادي
صورت بس صورتين



دانيت hap: ماعندنا في امريكا انبسطت يوم شفته
عاد قلت اكيد عندهم لبن مادام عندهم دانيت ولقيت مثل علبه اللبن بس مكتوب عليها زبادي .. قلت يمكن يسمون اللبن زبادي .. وخذتها قلت اجرب ..
الله يكرم النعمه طلع زبادي سايل حامض حلو ..



ليز بفهم ليش مغيرين اسمه .. غريبين عجيبين ...

اول مادخلنا السوبر ماركت .. قابلنا واحد وقال لي بتحكي عربي ! قلت ايه .. قال من وين وكذا .. بعدين قال شلون جيتو هنا اول مره اشوف عرب واحد يتكلم عربي هنا من يوم سكنت ، قلت له روح كنكون وبتشوف ..
..

وشرينا اغراضنا الناقصه واخذنا تاكسي وعدنا ادراجنا علشان نتعشى وننام ونكمل اكتشاف من بكرا



يلا نبدى باليوم الثاني في كوزيميل .. الاثنين 16-12-2013

صحينا الصباح ورحنا نفطر ..
المطعم اللي يقدمون فيه الفطور والعشاء موجود فوق اللوبي .. صور سريعه بالاي فون













الفطور والعشاء افضل من الغداء بمراحل .. متنوع اكثر وألذ

بعد ماخلصنا الفطور نزلنا وقلنا نروح نسأل وين ممكن نروح اليوم .. وكان فيه مكان عند اللوبي فيه انشطه وكذا ورحنا له



قمنا نسأل عن الاشياء اللي ممكن نروح لها .. عاد سألنا اللي يشتغل هناك اذا معانا كوبونات تخفيض .. قلنا لا من وين نجيبها .. قال من الفندق اللي جنبنا !!
طلعوا تبع مجموعه فنادق ومنتجعات اوكسيدنتال والفندق اللي ساكنين فيه تبعهم .. واذا رحنا للفندق اللي جنبنا راح يسوون لنا محاظره عن الشركه وتسويق وكذا .. قلنا نروح نشوف ليش لا .. خاصه انو كان هوا وكل الانشطه البحريه موقفه هذاك اليوم .. قالو خلاص تعالو وقت الغداء ونوديكم هناك وتتغدون هناك برضو ..
الشي اللي قهرني انو يوريني رحله غوص بالاجهزه البدائيه ، يعني نظارات الغطس وانبوب التنفس فقط .. قلت له طيب بنتي ينفع تجي معي قال ايه !! تخيلو بنتي تغطس معي هههههههه واقوله الباراسيلينق بنتي عادي تجي معي .. قال ايه هههههههه هذا يسمع بالتسويق
..
تركناهم ورحنا نجلس ع البحر شوي وذبحنا البرد
عاد انا ضاق صدري على واجبي اللي ماخلصته وكان اخر يوم تسليم قلت بشترك بالنت واكمله لو اكمل بس صفحه زياده وارسله ..
النت عندهم بفلوس .. مو هنا الغباء .. الغباء انو النت مايوصل للغرف .. بس في اللوبي وعند المسابح ..
اشتركت يوم ب 20 دولار وجلست باللوبي اكمله وخلصته ويوم ارسلته حسيت هنا بس بدت اجازتي وراحتي النفسيه
..
يوم جاء وقت الغداء رحنا لهم واخذونا للفندق اللي جنبهم ..
الفندقين مثل ماقلت قبل من نفس الشركه ..
..
رحنا هناك وجاء واحد يسولف لنا عن الشركه ورحنا تغدينا معه ..
الزبده انهم يقولون ادفعوا لنا مبلغ وبعدها 25 سنه قدام تقدرون تسكنون في مجموعه فنادق اوكسدينتال في اي مكان في العالم مجانا لمدة اسبوع اضن كل سنه ..
وورونا جناح خاص ويحاولون يقنعونا ..
صور من الفندق اللي رحنا له









الفندق كبيعته واشجاره اكثر من فندقنا .. والسبب ان فندقنا مبني قبل 27 سنه والفندق الثاني 9 سنوات .. وكان فيه قرار من رئيسهم انو ممنوع يشيلون الشجر ويبنون فوقها .. علشان كذا الطبيعه اكثر .. والشاطئ بعيد عن الغرف .. بعيد جدا بينهم مثل الجسر خشبي وحواليه اشجار وغابات ..
..
اخر شي جت مديرتهم وقالت مدام انكم طلاب بعطيكم عرض .. تدفعون 14 الف دولار وشوي والحين الان حالا تعطوني 1900 دولار والباقي تقسيط شهري وزياده على كذا بعطيكم يومين مجانا في كنكون في فندقنا ..
عاد زوجي قال لها شركتكم مو عالميه .. بس موجوده اضن في جزر الكاريبي ! وبيفتحون فندق في اسبانيا .. يعني لو رجعنا السعوديه ماراح نستفيد منها .. ! والا تبي تقنعه واحنا مافيه امل نقتنع .. عاد زوجي يقول لها مابي اكذب عليك واقول مامعي 1900 ، معي اكثر بس ماراح اجي هنا كل سنه احس ولعت نار من القهر ..
وعاد بعدها عطونا الكوبونات بس مااستخدمناها .. طلعوا نصابين ومعطينا سعر اعلى من السعر الاساسي وحجزنا عن طريق شركه ثانيه موجوده في نفس الفندق ..

وبس جلسنا نحوس في الفندق باقي اليوم علشان الهواء وجاء مطر وماكان فيه امل نطلع برى ..